رواية على عتبات الماضي -29
هيفا وهي تخرج,,
:تراها قبلج وانتي صوري مع اخوج الحين
عليا بضيق,,
:هويفه بلا سحافه انتي تكذبين صح ؟؟
خرجت لتتبعها فاصطدمت بهادي,,
:هدوي مرتك بتدخل الصاله قبلي ؟؟
هادي باريحيه,,
:ابركها من ساعه صحيح بتدخل قبلج ؟
عليا,,
:بس انت وعدتني نصور سوااا تجيني ونصور
هادي بابتسامه,,
:لابجيج اصور معاج بالصالون قبل اروح الخيام وانتي بتدخلين قبلها لان رائد مستعجل ولاعليج
من الخبل تراها تبي تغثج
لتلمح هيفا تبتسم,,
:معليه هويفه ان خليتج مانيب بنت ابوي
هيفا بضحكه,,
:امسكي نفسج عني لااهد عليج خدامتي تسويلج عمل انتي ورجالج تراا عادها بالمخفر
عليا وهي تجلس بقرب اختها,,
:هيوف انا اختج حبيبتج
الا تعالي عادي عندج خدامتج للحين ماسفروها الحقيره ؟؟
هيفا اللتي تنظر لابنائها بتخوف,,
:لاوالله ماهوب عادي وميته من الخوف والود ودي يذبحونها اخاف تشيش احد من ربعها علينا
ويجي يحط لنا شي
عليا بعقلانيه,,
:يعني انتوا الله منعم عليكم بخير فضيل اشتروا لكم بيت غير هذا وهالبيت اجروه
هيفا تلتفت على اختها وبضيق,,
:عمتي معييه تقول مااطلع من بيتي والا امي قالت لي هالحكي وعلمته بفكرة امي
عليا,,
:انزين هو مقتنع بفكرتج يشتري بيت واطلعي انتي واياه
هيفا برفض,,
:اطلعه من اهله والله مااسويها فيه اصلا انا لولا عمتي كان استخفيت ببيت بروحي وحمواني كلا بلحاله
بس الله يستر ويكفينا شرها ذاالخدامه جعله يسقى على عيني لافارقت الكويت بكبرها
*******
*****
***
**
*
بعد مرور اسبوعان بالضبط على الاحداث الاخيره,,
:اخلصي اختاري لج ثوب ماعاد باقي الا خمس ايام
غلا بحيره,,
:شسوي حسون تعبت ادور اللي ببالي ماحصلت ولا ابي ابيض نفس علويه
ولا ابي فخم وهي ثوبها ناعم ابي نكون قريبين من بعض
حسنا,,
:خلنا اجل نروح لنيلي زهار في ثوب قريبه فكرته لثوب علويه واغرب واحلى بس هي ماطاعتني تبي ابيض
وهي اللي قالت لي اقولج عنه بس نسيت
غلا مؤيده,,
:يلا اجل اربنا نختاره ونخلص
ريمه القادمه بعدما دارت المحل كاملا,,
:بصراحه ماحبيت شغلهم اي شي
خرجن جميعا وركبن بالسياره
غلا ,,
:يووووووووووه مارحت اكنسل المسكه
ريمه وهي تلكز اختها,,
:وليش بالله عليج تكنسلينها
غلا ,,
:شافتها حسون تقول نسخه من مسكة عليا
ريمه بتافف,,
:وخير ياطير عادي
حسناتلتفت على ريمه المجاوره لها بالسياره,,
:من صجج انتي الناس بيقارنون بينهم المفروض مايجيبون شغل متشابه عشان مايقولون وحده قلدت الثانيه
بعدين البدله اللي قلت لها عنها معها مسكه روعه احلى حتى من حقة علويه
ريمه,,
:شورج وهداية الله ,الا الخبل علوي ليش تحلف من فلوس البطاقات لا وتدز لي فلوس العربون مع السواق بعد ؟؟
حسنا,,
:وش الطاري عليج اكيد ماتمزهلت الا انها بتدفع السعر كامل بعدين هدوي بسلامته وحيدنا اول فرحتنا
خلينا نتبقط كلنا ونستانس
ريمه,,
:يابنت الحلال اهم شي التوفيق اي حجزتي للفنانه فندق
حسنا تفتح حقيبتها لتخرج الهاتف,,
:سالت خويتي عن طريقتهم معها بعرس اخوهم وضبطتني لاتحاتون الحين بكلمها
ابلغها ان المعاريس اثنين تجهز لهم اغنيتين والباقي بدون اسماء خلوا الناس تسنانس
واتممن احاديثن المتعلقه حول الزفاف وخططه,,
اما غلااااا فكل يوم تزداد رهبتها وخوفها’’’
لاتعلم لم لم تعد كما كانت,,
بل حتى انها لاتحب مواجهة اخوتها كما السابق’’’
اوممازحتهم باسلوبها المعتاد,,
*******
*****
***
**
:رائد شريت بشتك ؟؟
رائد بابتسامه,,
:لاوالله ياهادي باخذ بشت مشاري قدي
هادي ,,
:خلاص ابيك تخاويني باشتري بشتي وابي رايك
:ابشر بس بيجيك ظيف وابيك تواجهه
هادي وهو يرتشف فنجانه,,
:من هو ؟؟
رائد وهو يضع فنجانه,,
:امام مسجدنا رجال فيه خير ومن عايله معروفه ومطلق قال لي وده يعرس وذكرت له اختك اللي طلقها مترك
هادي بابتسامه,,
:ومن قالك ان مترك طلق ؟؟
رائد بتعجب,,
:مهوب تقولون انه طلقها ؟؟
هادي بخبث,,
:الا متى قالك انه يبي يجي يخطب ؟؟
رائد بحيره,,
:اليوم موصيني امرك وبيجي هو وابوه واخوانه
ابتسم هادي وقال,,
:شوف مترك ناويله يجي بعد شوي خلنا نروح نختار بشت ونعود وارجع افتح معي نفس موضوعك قدامه
طيب ؟؟
رائد يبتسم وهو يفهم مغزى هادي من هذه الحركه,,
:ماطلبت شي ابشر يابو عبدالله
*******
*****
***
**
*
:عبدالعزيز فديتك ناولني الرضاعه
عبدالعزيز الغارق بافكاره لم يستجب لها فهو بوادي ومعالي بوادي آخر
معالي بصوت اعلى,,
:عزوز قلبو وينك فيه احسك غايب عن عالمنا الواقعي وعايش بعالم الحلم ؟؟
عبدالعزيز بخبر كالصاعقه,,
:تدرين ان نايف ولد خالي رجل عبير بنت عمتج عقيم ؟؟
معالي تقع منها ملعقة الحليب,,
:وش هووووووووووو ؟؟
عبدالعزيز يناولها الملعقه,,
:عقيييييييم مايجيب بزران ابدا
معالي تجلس بجانبه,,
:وانت وش يدريك ؟؟
عبدالعزيز وهو يتجرع كمية هواء كبيره,,
:انتي ناسيه اني دكتور للجهاز التناسلي والمسالك البوليه شفت تقريره بسيارته قريته وانصدمت
معالي بحزن,,
:ياعمري ياعبير وش لون الحقير ماعطاهم خبر الاوش لون يخطب وهو عارف علته ؟؟
عبدالعزيز بالم,,
:التقرير قديم بعد اعتقد السبه حادث البانشي اللي تعرض له
معالي غير مستوعبه,,
:وش لون حادث وش دخله ؟؟
عبدالعزيز ,,
:السالفه طويله انا اللي شاغلني وش لون افاتحه بالموضوع ابي ادخل له من طريق مايتضايق مني فيه
معالي تشعر بالضيق,,
لانها جربت اللهفه اللتي تشعر بها المراه للامومه ’’’
لاحتواء طفل في احشائها ,,
لحمله على صدرها ’’’
لمداعبة عينيه وتقبيل وجنتيه,,
:ياقلبي ياعبير الله يصبرها
نسـآير ايامنآ بسرعتهـآ ونجري للحـآق بهـآ..
فمـآ نلبث إلآ توقفهـآ فجـأه عند اح’ـــدى ذكريآت مآضينـآ..
~فنتذكر التفــآصيل بحذآفيرهـآ..نعيشهـآ كمآلو كـآنت وآقع
}نضحك تآره ونبكـي اخـرى
ننزف اح’ــيآن..ونعاالج جروحناا مرآت عديدهـ
لكل منـآ ذكـرى لمـآضيه "سعيده كانت ام تعيسه"
هـي عتبــآت مـآضينـآ وايــآمه..
فهل تبقــآــى ذكــرى نتذكرهــآ ونتخطـآهاا..؟
ام هـي عتبـــآت اقــرب للعقبــآت التي يصعب إجتيـآزهـآ..
’’فتهـوي بحـآضرنـآ بالحظيظ كمـآ هدمـت مـآضينـآ..؟
اولا حابه اشكر من كل قلبي
المبدعه طاغية حس وشعور على هالمقدمه الرائعه
سلمت الايادي قلبي
خجلانه منها واشكرها من قلبي على هالتلبيه لدعوتي انها تشاركني القصه باسلوبها
العذب بالمقدمه هذي واتمنى ماتحرمنا هالابداع
اليوم جبت نبذه صغيره عن مرض الام اس
استلموا::
((الام اس اخطر الامراض العصبية والنفسية
كثيرون لا يعرفون معلومات عن هذا المرض، وأعضاء الجسم التي تصاب به وتأثيراته عليها والفئات التي تصاب به وأعراضه، وكيفية اكتشافه في وقت مبكر وطرق العلاج.
هذه الاستفسارات والاستفهامات تجيب عنها د. أسمهان الشبيلي الاستشارية ورئيسة قسم الأعصاب بمستشفى ابن سينا.
ما المقصود بمرض التصلب المنتشر وما تأثيراته ولماذا هو متصلب؟
هو مرض يصيب المخ والحبل الشوكي (الجهاز العصبي المركزي) وهو يؤثر على قدرة المخ التحكمية في وظائف الجسم ويطلق عليه متصلبا لأن المرض يصيب أنسجة المخ بتصلب ويستبدلها بأنسجة (غير فعالة) صلبة، والأعراض قد تكون خفيفة أو منتشرة أي متعددة مرات الظهور للانعكاسات.
وهو ليس مرضاً معدياً أو عقلياً ولا يمكن معرفة المعرضين للاصابة به.
ما أهمية معرفة مثل هذه المعلومات عن هذا المرض؟
لأنه من أكثر أمراض الجهاز العصبي المركزي شيوعاً وانتشاراً بين شباب العالم وبدأ يظهر بصورة لافتة في الكويت خلال الآونة الاخيرة حيث يعاني 4 مريض من هذا المرض، ويعتبر الشباب والفتيات الأكثر اصابة به، وتصرف على هذا المرض الملايين من الأموال في جميع أنحاء العالم من اجل تقديم خدمات صحية واجراء دراسات وأبحاث لاكتشاف اسبابه وطرق علاجه.
لكن كيف يؤثر هذا المرض على الجهاز العصبي؟
- يعمل الجهاز العصبي كلوحة مفاتيح تبعث باشارات كهربائية عن طريق الاعصاب الطرفية إلى كافة أنحاء الجسم، هذه الاشارات (الرسائل) تتحكم بكل حركة يصدرها الجسم في الوعي واللاوعي.
ولهذا فالتصلب المنتشر بسبب اضطرابا في مرور الاشارات العصبية بل يمنعها، وهناك نوعان من الاعصاب في الحجم، تلك المغطاة بمادة النخاعين وهي مادة دهنية تساعد في الاسراع في نقل الاشارات العصبية، والنوع الآخر لا تغطيه مادة النخاعين.
وفي حالة مرض التصلب المنتشر يصيب النخاعين التهاب يتسبب في فقدان أجزاء منه واستبدالها بنسيج. (صلب) يؤدي إلى اضطراب في نقل الاشارة العصبية وربما تعطيها تماما.
ما أسباب مرض التصلب المنتشر؟
- لا يوجد حتى الآن سبب معروف ومباشر لمرض التصلب المنتشر.
لا يوجد طريقة لمعرفة أو التنبؤ بمن سيصاب به ))
نبذه صغنونه بس حبيت تتوضح عندكم الصوره وان هالمرض خطييييييييييييير جدا"
البارت الثالث والعشرون قراءه ممتعه
*******
*****
***
**
*
عادا من الخارج بعدما انتقى هادي بشت زفافه,,
اتصل هادي على مترك ليجده امامه في المنزل’’’
ومعه ابناؤه حوله,,
ابتسم لرائد وغمز له عينه ودخلا بترحيب,,
:يامرحبا بابو سالم اخبارك وانا اخوك ؟؟
مترك يقف لتحية الاثنان,,
:بخير زان حالك ها علام معرسنا معاد عبرنا ننقع بالمجلس لين نقول بس وانت تدوج
رائد بابتسامه,,
:تقصد اي معرس ترانا اثنين
مترك وهو يعود للجلوس,,
:راعي البيت نسيبك اول وتالي
هادي يضيف الاثنان بذوق,,
:سم فنجالك يابو سالم
ارتشفا قليلا من القهوه ثم بدا حوار قاتل سام بالنسبه لمترك,,
رائد بهدوء,,
:ابو عبدالله خابر امام المسجد اللي كان مقاصرنا ؟؟
هادي يدعي عدم المعرفه,,
:لامااعرفه
رائد بهدوء,,
:ابو جراح مطوع ملتزم من عاده بزر وفيه خير عنده بيت ويحظر دكتوراه بالحديث والله انه ماينتفوت
هادي بتساؤل خبيث,,
:مافهمت رائد وش تقصد ووش علي منه بزوجه انا ؟؟
رائد بابتسامه مشابهه,,
:والله الود وده انك تزوجه رجال مطلق وعنده ولدين من عرسه الاول وعياله عند امهم
وبيت وخير وملتزم وش تبي اكثر
مترك بتعجب,,
:اي بس ماكن خلود صغيره على انها تاخذ مطلق ؟؟
رائد يلتفت بخجل و يرد,,
:وش دخل الصغيره الخطبه مهيب لها
مترك وقد وصل اقصى طاقته وهو يفهم مايربو له رائد من كلامه الملغوم,,
ليرد بضيق وبعصبيه وهو يشير لابنائه بالخروج من المكان للداخل,,
:احشم عمرك واحترم نفسك يابو خالد ومالك دخل بامور ماتخصك
رائد بضيق لكن اكتست ملامح وجهه البرود وهو يرد بذوق,,
:ابو سالم اذكر الله انا ماابي الا كل خير للكل انت طلقت المره مالك حكم عليها
مترك بغضب وهو يلوح بيده,,
:واللوح اللي قدامك ماهوب عاجبك تراني مابعد طلقت وعادها بحكمي وعادها حلالي
ترضاها يجيك واحد يبي يزوج مرتك وهي بذمتك ؟؟
رائد بادب,,
:محشوم وهذا خشمك يابو سالم والله اني احسب انك طلقت
ليقوم باحترام ويقبل انفه ويودعهم للخروج
اما هادي فكان مكتف يديه ويراقب مترك بانتقاد,,
مترك يلتفت عليه وبحزن,,
:يعني ماقدرت تسكت نسيبك وهو يقط ذاالحكي اللي كنه وجهه وقدامي ؟؟
هادي بغضب,,
:انت خليت لي في حياتكم اهميه والا راي ؟؟
مترك تراك ماجيتني لايوم طلقت منيره ولاعقب تحاكيني بموضوعكم وان لك خاطر بترجيعها
وانا لولا مخافة الله على عويلكم والا والله العظيم لاارفع عليك قضية خلع عشان تعرف ان الله حق
وتحشم بنات خلق الله مهوب تهملها ذاالشهور كلها عندي
مترك بتبرير,,
:انا ماجيتك ياهادي لاني مستحي منك خصوصا عقب مادريت اني اراجع عند دكتور نفسي
يعني تحسب انه هاين علي عويلي مهوب بحظني ؟؟
والا مريتي مهيب في بيتي ؟؟
هادي انا تعبت والله العظيم اني تعبت ولاعاد باقي فيني طاقه اتحمل كل اللي يصير
كلمتها بدال المره مليون قلت يارجال خلها على راحتها تفكر وتراجع حساباتها
وجيت الحين اكلمك لاني ماعاد اقدر اصبر اكثر
تكفى داخل على الله ثم عليك ان تدخل وتحل المشكله
هادي بابتسامه محب,,
فبالامس ان عاد القليل من مترك الماضي’’’
فاليوم هاهو مترك مااعهد امامي,,
ليردف مترك بعد ابتسامه هادي,,
:انا بصراحه ماقدرت اطلق واللي ساعدني انكم ماعاد نشدتوا عن ورقتها
اللي ابيه منك ياهادي توسع بالك وخاطرك معي وتسمعني للآخر انا ماخذيت منيره واخترتها من بد بنات الجماعه
كلهم الا اني شاري وابيها وطلقتها لان الشيطان شاطر,, صدقني انا يوم قلت لها ان ودي اعرس ماعارضت ابد
وانا والله لاكان على بالي ولا على خاطري بالعكس شفتها راضيه وكانها تبي الفكه جن جنوني واعرست
بيني وبينك ببداية عرسي بالثانيه وبسبة جفا اختك آخر فتره حسيت اني اقديت بعرسي بس اقسملك
اني من راحت من بيتي منيره وانا ضايع لاني بالسما ولا على الارض ابيها واحبها ولا تمنيت غيرها خلني اتفاهم معها
ياهادي واذا رفضت بجيب ورقتها بكره
هادي اخذ يفكر دقائق معدوده ثم وقف,,
:انتظر البيت اصلا مافيه الا امي ومنيره بشوف لك درب واناديك
هادي احس براحه كبيره فمنيره,,
مازالت تحب مترك و احس بصدق في نبرة صوته’’’
فلما لا يحل المشكله لكن بشروط ؟
تضعها هي برغبتها وباسلوبها,,
ليعلم مترك بانهم لم ولن يسامحوه على مافعل
وجدها تقيس فستان زفافه وتريه والدتها,,
احمر راااااائع كروعتها’’’
عاري من فوق وضيق حتى يصل الى ركبتها,,
ثم يتوسع قليلا"من الاسفل به القليل من الكريستال’’’
هادي يصفر باعجاب ,,
:وش ذاالزين منور ؟؟
منيره وهي ترقص بشعرها,,
:فديتك الزين والله غلاوي الله يتمم عليكم يارب ها وش رايك حلوه ؟؟
هادي بمداعبه,,
:تلوعين الكبد
منيره تتخصر,,
:عدال من زين الزرافه اللي بتهدفها ؟؟
هادي يمسكها من يدها ليلويها بخفه,,
:اسمها غلاااا سمعتي ؟؟
ام هادي من الخلف,,
:الله واكبر هذا وهي ماهدفت قمت تلوي ذراع اختك اجل لوشفتها وش بتسوي وانا امك
هادي يتقدم ليقبل راس والدته,,
:بلوي لسانها عشان ماتطوله علي مرتي
منيره وهي تسال والدتها,,
:ها مامي شرايج حلو علي ؟؟
ام هادي بانتقاد,,
:يمتس وش بقيتي لعيون خلق الله مفصل جسمتس الزين تفصيل ومن فوق زنودتس ونحرتس كله ظاهر
يمتس استحوا شوي والله ان احنا يااماتكن نستحي لاشفنا ذااللبس الامحق
منيره وهي تخرج للتبديل لباسها,,
:يوووووه يمه باي عصر انتم ؟؟
الحين هذا الموضه يلا انا بروح ابدل
هادي يتذكر من ينتظره في الخارج ,,
وبباله فكره لم لا احرق قلبه’’’
:على ماقالوا شوف وحر جوف
لا تعالي لي المقلط ابيج ضروري
منيره بتافف,,
:يااخي ببدل وبجي لايتوسخ الثوب
هادي بتصميم,,
:لا تعالي الحين
ذهب الى مترك وطلب منه الحظور بصحبته الى المقلط,,
جلسا قليلا لتدخل عليهما وهي تغني,,
***كان من بد البشر للعين قره شوفته يامااتشفقها شفاقه***
***ومن غيابه تشتعل بالجوف حره انكوي من نار قلبي واحتراقه***
حتى الجم فاهها من رات !
وجوده اليوم قلب كيانها !
شقلب مشاعرها !
وكانها كانت باعلى قمه بالعالم وهوت فجاه وبقوه على الارض !
وقف هو فاتحا فاهه !
وجودها اليوم هكذا قلب ايضا كيانه !
شقلب مشاعره !
وكانه باسفل واضيق حفره وحمل الى سفاح الجبال عاليا !
نظرت الى هادي متسائله,,
لفت لتخرج لكن سبقها هو ليمسكها’’’
هادي بصوت حزين على اخته وكانه ندم على مافعل,,
:منيره تفاهموا وحلوا هالمشكله اللي امرضتني
وخرج واغلق الباب,,
مازال ممسكا يديها بقوه وكانه يخاف ان تبتعد عنه مره اخرى’’’
اما هي فتتمنى لو تواتيها القوه لدفعه والخروج خلف اخيها,,
لتحتمي به اليوم من من كان اقرب الناس لها’’’
مترك سحبها ليجلسها بجانبه,,
لم تعترض لانها غائبه عن الوعي’’’
تشعر بانها بحلم,,
بل وكانها مخدره’’’
تتبعه بعينيها,,
كطفل يتبع والدته لعلمه بانها ستسير به بطريق الامان’’’
لاتعلم لما كانت خائفه منه وفجاه مع لمسته الحانيه لها,,
اصبحت تشعر براحه وامان معه’’’
اهي اواصر الزواج اللتي تربطنا ؟؟
ام عشقي وعشقه النابضان ؟؟
مترك وهي يمسح على يديها بحنيه,,
:حبيبتي انا آآآسف مليوووووووووووون مره
ولو تبي اسف اكثر من كذا تاسفت واعتذرت
تبين البيت ياغلاي هذا انا كتبته باسمج
ليخرج لها ورقة البيت,,
ويضعها بين يديها’’’
نظرت للورقه بعينين دامعه,,
لترد ببحه,,
:ماابي بيت اذا ماعينت فيه راحه وقبول
ماابي بيتك يامترك وماابيك
مترك بترجي,,
:تكفين ياقلبي ارجعي
تكفين لاتكسرين قلبي ماعاد بي حيل ولااقوى الفراق
منيره بصوت قاسي بعدما مسحت دموعها,,
:بوافق ارجع بس بشروط
مترك وكانها من امسك بحبل النجاه,,
لكنه ضعيف حبل لايعلم هل سيحمله لينجو ام سيوقعه بهوة عميقه لاحياة بها’’’
رد بصوت محبط,,
:امري كلي سمع ؟؟
منيره تتنهد ثم ترد بحزم,,
:مااشوف وجه مرتك ابد ابد
لااليوم ولابكره ولابعدين
وقبل لاارجع اروح معك للدكتور اللي تراجع عنده يعطيني حل لحياتنا
يشوف وين الخلل فيه لاني عجزززت اصلح حالنا
وقبل كل شي توعدني وتنفذ ان ممساك عندي كل يوم
انا مااقدر انام ببيت بروحي واهلك كل حياتهم بالبر وفارس يامسافر ياسهران
ولاابي امسي كل مارحت لها عند اهلي
مترك بعدما انتهت,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك