رواية صرت اغار انا منها عليها -28
في جده
صحت جومانه طالعت في منصور كان غاط في النوم ومو
حاس فيها قامت وبدلت ملابسها وشالت جوالها وخذت
لها عصير طبيعي وتوست وطلعت عند البحر
ناطرت في البحر الي كان يتحرك بهدوء وخذت نفس عميق
شالت جوالها وطلعت الرقم وهي متردده
لكن ضغطت على نفسها واتصلت وفي نفسها الوضع
تطور وانا لازم انهي هالمهزله,,واتصلت على طول عشان ماتتراجع
تكلمت جومانه وهي متردده:صباح الخير محمد
محمد:هلا صباح النور ,,تكلم بخوف لانه مستغرب اتصال
جومانه لها فتره ماتصلت فيه,,جومانه فيكم شي غريبه ليش متصله
حست جومانه بتوتر زياده بعد ماسالها:محمد ملاك عندك
استغرب محمد لانها لوتبي ملاك بتكلمها على جوالها:في المطبخ ليش تبينها
جومانه:لا ابيك انت ابموضوع لكن اطلع من الشقه ابي اكلمك براحتي
محمد:جومانه فيكم شي خوفتيني منصور فيه شي تكلمي
جومانه:لا مافيه شي هالموضوع خاص فيني انالوحدي
انت اطلع من الشقه واتصل فيني
انتبه محمد ان ملاك تبي تدخل الغرفه الي هو فيها وتكلم
بصوت منخفض:يلا باي نص ساعه وراح اكلمك
جومانه:اوك باي
في المستشفى
دخل ابومنصور المستشفى وسال عن القسم الي ام منصور فيه
رد عليه الموضف بسرعه:في قسم الاورام الخبيثه
رد ابومنصور بصدمه ورجع على ورى حس بدوخه ومعاد
شاف شي قدامه وتكلم بصوت مخنوق:ياولدي تاكد من الاسم
تاكد الموضف ورجع وكرر الاسم,,مشى ابومنصور وهو
موبحاس الى بصوت ام منصور في اذونه وكلام الموضف يتكرر
دخل القسم وشاف منار واقفه عند قسم العنايه المركزه
انتبهت له منار ركضت له وضمته
وصرخت بصوت عالي:يبااااه المرض انتشر في امي
بعدها ابومنصور وسحب شماغه ورفعه لعيونه يبي يمسح دموعه
تكلم بصوت مخنوق:وينها ومن متى تعبانه وليش ماقالت لي
طالع في منار وعطاها ضهره وتوجه لغرفة العنايه ووقف
عند الزجاج وطالع في ام منصور الي ممدده على السرير
ومو بحاسه بشي ونزلت من عيونه دموع تشكي الم بقلبه تشكي ضيقه وحزن
ابومنصور والدموع مغطيه وجهه:ام منصور لاتتركيني ليش تحسسيني اني عاجز ليه ماتكلمتي
قربت منار من ابوها ولمى شافت دموعه الي اول مره
تشوفها بحياتها رمت بنفسها على الارض وغطت وجها
بيدينها وصرخت:يباااه لاتحسسني ان امي بتموت لا يبه
ونزلت راسها على الارض وهي تضرب بيدينها وتبكي
وتكلمت بصت مهزوز:لوتموتين انا السبب لان انا الي
طاوعتك وسكت لين انتشر فيك المرض
انتبهت ليد ترفعها طالعت منار ولقت ريان وعمها ابوريان ومحمد كلهم واقفين على راسها
مسكت يد ريان بترجي وطالعت فيهم كلهم:الله يخليكم
اعملو لها اخلاء للخارج كلمت الدكتور ورفض قال حالتها
صعبه مايقدروون يطلعونها للخارج
ريان وهي يمسك يد منار:منار اهدئي مانقدر وضع خالتي صعب
التفت لهم ابو منصور وطالع فيهم واحد واحد وبعدها مشى وعطاهم ضهر
قام ابو ريان:ياخوي
رفع ابومنصور يده بمعنى لاحد يلحقني ومشى وطلع من
القسم بلكامل وتوجه لمسجد المستشفى ووضى ودخل
وصلى ولما سجد بكي من كل قلبه ودعى ربي انه يشافيها
في قسم الاورام
محمد:ريان شيل منار وروحها عند ملاك البنت حامل لايصير لها شي
تكلم منار وهي تحرك راسها يمين ويسار:لالا خلوني اشوف امي مستحيل اترك امي
في جده
استغربت جومانه عشان محمد ماتصل وبنفسها احراج
ماراح اتصل اكيد مشغول مع ملاك ولا ماتاخر علي
وكتبت كل الي بخاطرها برساله وارسلتها لمحمد
انتبهت لجوالها يدق وردت بسرعه بدون ماتطالع برقم
ابتسمت وردت:هلا وغلا
رعد:هلا فيك
تلاشت البسمه من على شافتها وفتحت عيونها وتكلمت بصدمه:رعد
رعد:ايه رعد ياحبيبتي
جومانه وهي منقرفه:لاسمع هالكلمه على لسانك مره ثانيه فاهم اقصه لك
رعد:جومانه حسي فيني طول الليل مانمت وانا افكر فيك
تكلمت جومانه بضيقه:رعد انت الي حس فيني انا الي
طول الي افكر ابكلامك حرام عليك انا...تبي تقول اني احب زوجي
لكن حست بايد قويه سحبت الجوال من يدها وهي صرخت وحطت يدها على فمها
في المستشفى
دخل صقر وام رنى وملاك مع بعض وتوجهو للقسم ولقو الكل هناك
دخل ريان غرفة الدكتور المتخصص في حالة ام منصور وكان دكتور امريكي
ريان:السلام عليكم
الدكتور يتكلم بلغه العربيه:وعليكم السلام
ريان:لو سمحت يادكتور ابي اتاكد من حالة المريضه
الدكتور:وضعها صعب جدا ولانستطيع ان نعمل لها شي
تكلم قبل قليل مع اصحابي في امريكا وارسلت لهم
كشوفاتها ولكنهم اكدولي او وضعها صعب جدا ولن
نستطيع ان نعمل لها شي الا ان نعطيها المهدئات فقط
ريان:يادكتور لاتنسى ان الله رحيم بعباده لاتحطمنا
ابتسم الدكتور وطالع للي واقفه عند الباب:ادخلي
يجب ان تتاكدو اني مسلم ومؤمن بفضاء الله وقدره
منار:طيب يادكتور مافيه امل انها تطلع الخارج
الدكتور:ساتكلم بكل وضووح المريضه لها فتره وهي
مستمره على العلاجات لو استطيع ان اسفرها لاسفرتها ولكن لاستطيع ابدا
بكت منار بترجي:طيب ليش
الدكتور:المريضه لايحرك جسمها حتى الان الا الاجهزه
والمرض قد وصل الي القلب وانتشر في بعض اجزاء
الدماغ اخاف ان ابعد الاجهزه عنها وتفقدونها
صرخت منار:لااااالاااا يمااااه
قرب ريان:منار بس اسكتي استغفر ربك وادعيه يشافيها
ومسكهالكنهاطاحت بلارض مغمى عليها دخلو ملاك
وام رنى وشالوها وجاو الممرضات وانقلوها لقسم الملاحضه
جلس ريان ومحمد يدور بسيب القسم وبدر ومشاري
واقفين ومنزلين روسهم
محمد:شباب مو المفروض نتصل على منصور نعلمه عشان يجي يشوف امه
ريان:ماقدر اتصل عليه فيني خوف الدكتور يقول لو
استقرت حالتها لمدة ثمانيه واربعين ساعه وماماتت بتكون
في جده
التفتت جومانه وطالعت فيه وعيونه يتطاير منها الشرار
رفع التلفون لذنه بدون مايتكلم
تكلم رعد بخوف:حبيبتي تكلمي اشفيك
منصور:ان ماذبحتك ماكون ولد ابوي
انصدم رعد لما سمع صوت منصور لكن رجع وتكلم :ياخوي ليش متمسك بوحده ماتحبك
حس منصور انه ولا شي جومانه تحب غيري ماتحبني
طول هالفتره معيشتني بحلم وبوهم وتخوني مع هالحقير طيب ليش كذبت علي
جلست جومانه وعيونها على منصور وكلها خوف ورعب فضيع
قفل منصور الخط وطالع فيها وحرك راسه:خساره حياتي
وايامي الي ضاعت معك خساره قلبي الي سلمته ليدن خاينه
تبي تتكلم جومانه لكن منصور عطاها ضهره وتكلم بصوت
كلها حزن:انتي طالق,,وطاحت دمعته حاره على خده ومشى وتركها
صرخت جومانه وقامت وركضت له ومسكت يده:منصور
صدفني كنت ابيه يبعد عني حتى كلمت محمد ابيه يبعده
عني صدقني منصور لاتضيعني من يدينك
ترك يدها ومشى وهو يحس بضيقة الدنيا متجمعه بقلبه:لمي اغراضك
سمع جواله يدق وطلع عند البحر ورد:هلا محمد
محمد:هلا فيك
منصور:امر يامحمد
محمد:منصور احجز لك اقرب طياره على الرياض بقرب وقت
منصور:ليش
محمد:امك تعبانه وحالتها خطره
تكلم منصور بصوت مفزوع:ليش وش فيها امي تكلم
محمد:امك عندها الخبيث وانتشر بكل جسمها
طاح منصور وشال الرمل بيده وانثره بلهوا وقفل الخط وهو
يتذكر كلام امه ابي اشوف عيالك قبل لاموت
وطالع بسماء وبنفسه يارب صبرني تجمعت من كل مكان
امي تعبانه ووضعها خطير وزوجتي تحب غيري اااه ياااارب رحمتك
حس بصوت جومانه وهي تصرخ ودخل لشاليه ولقاها
تصرخ بطريقه هستيريه وكسر كل شي حواليها
ركض لها منصور ومسك يدينها وبدون شعور ضمها على
صدره مايبيها تاذي نفسها او يصير لها شي وبنفسه
ليتتك كنتي معي بهالموقف الصعب بعدها عن صدره
وطالع فيها ودموعه مغطيه وجهه:امي بين الحياه والموت
عندها المرض الخبيث منتشر بكل جسمها لازم نرجع الحين لرياض
طالعت فيه جومانه بصدمه وبنفسهاعمتي تعبانه مستحيل
ترك يدها وطلع من الشاليه وكلم صاحب الشاليه وحاسبه
على المده الي بقو فيها في الشاليه وعلى الخساير الي
سببتها جومانه لهم بعد ماكسرت كل شي قدامها
ركبو السياره بدون مايتكلمون وطلعو بعد ثلاث ساعات
باول طياره متوجهه لرياض
عند غاده
ام غاده:يبنتي كلي من يدي شوفي شكلك شوي وتموتين ماكلتي شي
غاده:يمه مابي شي وقولي لابوي اذا جا هنا اني مابي اشوفه
طالعت ام غاده بساعة يدها:باقي نص ساعه ويجس قومي بدلي ملابسك
غاده:مستحيل اطلع له ولا اشوفه
طلعت ام غاده وهي متضايقه:برااحتك تعبتيني معاك اذا
جا راح يتفاهم معك حسبي الله عليك يابو غاده
بعد نص ساعه دق ابوغاده الباب واول ماشاف ام غاده ناظر فيها من فوق لتحت بستحقار
ابوغاده:روحي نادي بنتي
ام غاده:هه ومن متى تذكر ان معاك بنت يابو غاده بنتك
رافضه الي متقدم لها وحتى رافضه تشوفك انت
بعدها بلقوه من طريقه وراح يفتح ابواب الغرف لحد ماوصل لباب غاده
ابوغاده:غاده افتحي انا ابوك
غاده:وانا مابي اشوفك من متى تذكر ان معك بنت اطلع برى
عصب ابوغاده وركض الباب برجوله:ملكتك بكره فاااهمه
صرخت غاده وركضت وفتحت الباب وقفت عيونها
لماشافت هالشخص الكبير الي عمره مايقارب ثمانين
سنه بوجه اسمر ومعقد الحواجب والشيب مغطي وجهه المخيف
سحبها ابوغاده ودفها على ورى وقرب منها بشكله
المخيف وضربها كف على وحها طيحها بلارض
دخلت ام غاده ودفته وصرخت بوجهه:بعد عن بنتي يعل يدك الكسر
قامت غاده وهي تلمس مكان الكف:اول مواجهه لك مع بنتك تكون بكف على وجها
قرب ابوغاده وسحبها بشعرها وقرب وجها منه:انا ماحد
يعارضني وشدها بلبسها وصار يسحبها عشان يبي يشيلها معاه
وغاده وامها يصارخون لكن لاحياه لمن تنادي شدها بشرعها ورماها بسياره
حاولت ام غاده تفتح الباب لكن دفها بكل قوته لحد ماطاحت بلارض
وغاده تضرب زجاج السياره وتصارخ وتنادي امها
ركب ابوغاده السياره وصرخ في غاده عشان تسكت
حست غاده بخوف غريب اول مره تحس فيه حست انها
مخطوفه وانها راح تموت وبكت بصوت مكتوم
طلع ابوغاده جواله واتصل:هلا هشام
هشام:هلا فيك عمي
ابوغاده:اسمع ياولدي بكره الملكه والزواج ,,وطالع في
غاده وابتسم وغاده حطت يدها على فمها
وصرخت,,وكمل كلامه,,انا وراى سفره مهمه ومابي اخركم
هشام:جزاك الله خير ياعمي خلاص بكره راح اجيكم انا
والمملك وانملك والزواج راح يكون عند اهلي بلكويت
ابوغاده:على خير يلا مع السلامه,,وقفل الخط
ووقف عند بيت قديم وسحب غاده بيدها ونزلها بقوه ودخلها للبيت وهي تصرخ
اول مادخلت شافت قدامها حرمه ومجموعة اطفال الحزن
والفقر مغطي على ملامحهم وعرفت انهم اخوانها وزوجة ابوها
سحبها ورماها في غرفة وقفل عليها وفجئه سمعة صوته يصارخ عليهم ويهددهم وطلع برى البيت
ركضت غاده لباب ودقته بكل قوتها لكن ماحد رد عليها
في المطار
اول ماوصلو المطار كان السايق منتظرهم
ركب منصور وجومانه السياره وتكلم منصور بطريقه
مستعجله:روحنا للمستشفى على طول
تحركت السياره ومنصور موبحاس بشي غير بحزن مخيم على قلبه
اول مادخل قسم الاورام شاف الدكاتره يركضون
والممرضات وابوريان مغطي وجهه بشماغ ويبكي والكل مجتمع حريم ورجال
ركض منصور وصار يمسكهم واحد واحد ويصارخ:امي وينها
محمد:حالتها خطره
وقف الدكتور عندهم وتكلم بسرعه:المريضه تبي تشوف اهلها لوسمحتو تفضلو ادخلو عندها
قامت منار ومي وسمر مفزوعه وتمشى معهم بخوف
لحقتهم ملاك ومنصور وابوه ركضو بسرعه وام ريان وريان وجومانه تبعوهم
اول مادخلو مسكت ام منصور يد ابومنصور وتكلمت بصعوبه:سامحني يالغالي
مسك نفسه ابومنصور:الله يسامحك
ام منصور:لا وصيك في عيالي وفي اخوك لاتخلون الدنيا تفرقكم
طالعت في منصور وجومانه وابتسمت:منصور ماشفت
عيالك وانا حيه لكن راح احس فيهم وانا ميته لاوصيكم
ابعض انا كنت حاسه بكل شي يدور بينكم لكن قلت الايام
راح تعدل حياتكم وصيتي انكم ماتفترقون وتتحملون كل شي
طالعو منصور وجومانه بعض ونزلو روسهم
ناظرت في منار:وانتي ياسري المكتوم لاوصيك بزوجك وانت ياريان بنتي امانتك
التفتت على طرف:سمر حبيبتي انا بكون معك بكل لحظه
يمكن ماتشوفني لكن تراي معك بكل لحظه وجومانه
واخوانك وعمامك ماراح يخلونك
طالعت في ملاك:ملاك الله يرزقك بذريه الصالحه انت ام للجميع
وبعدها ناظرت في ام ريان وابوريان وام رنى:وصيتي انفسكم وعيالكم وعيالي امانتكم انتبهو عليها
مرت بعيونها الي يكسها التعب بلجميع ونطقتها
بصعوبه:سامحوني,,اشهد ان لا اله الا الله,واشهد ان محمد رسول الله
وغمضت عيونها وانتقلت روحها لرحمن
بعد مرور اسبوعين من العزى كان الجميع مجتمع في بيت ابومنصور وينامون عندهم
قام ابو ريان وكان الكل مجتمع:اعذرنا ياخوي ان كان قصرنا
معك او مع اولادك وام منصور اخت غاليه على قلوبنا الله يرحمها
الجميع:الله يرحمها
ابوريان:احنا الليله بنرجع لبيتنا ولاتنسون ام ريان ام واخت
لكم ماراح تقصر معاكم بشي متى ماحتجتوها اطلبوها وهي مارح تخليكم
ابومنصور:مامنكم قصور الله يرحم موتانا وموتا المسلمين
ابوريان:يلا اجل ااذنو لنا
قامت ام ريان وتركي ومنار قالت لهم من قبل انها راح
تجلس مع سمر كم اسبوع الين ترتاح نفسيتهم
ويستوعبون فقدانهم لامهم
الكل التفت لجومانه لماشافوها جايه من طرف جناحهم وبيدها شنطه وعباتها
تكلم ابومنصور بيقه:تبين تروحين مع اهلك وانتي تشوفين وضعنا وحزنا
طالع فيه منصور ونزل راسه
تكلمت جومانه والعبره خانقتها:مالي جلسها بهالبيت منصور طلقني
قام ابو منصور:افا وانا ابو منصور
قام منصور:يبه افهمني اسمعني
ابومنصور:اتطلق زوجتك وبنت عمك لاانت بولدي ولا انا ابوك
محمد:لحضه خل افهم السالفه اهدو شوي
ومسك يد منصور وطلع من عندهم
محمد:ليش طلقتها
منصور:مااتفاهمنا وماكتب ربي انها تكون زوجتي
طلع محمد جواله:ماكان فيه فرصه اني اتكلم لان وفاة
اختي ام منصور نسانا همومنا ,,وعطاه جواله,,اقرا هالرساله
شال منصور الجوال وقرى الرساله (محمد انا ابيك
تساعدني في مشكلتي صديقك رعد دائما يتبعني
ويبيني اتطلق من زوجي ويقول انه يحبني واخر مكالمه
هددني انه راح يذبح منصور وعشان تتاكد اسمع
التسجيل مقطع الصوت الي عندك برساله
محمد انا احب زوجي ومنصور غيرته جنونيه ولو يعرف
بينهي حياتنا وبيذبح هالحقير رعد
عشان كذا انا ماتحملت وماعندي الا انت عشان تبعده
عني,,)طالع منصور في محمد مصدوم ونزل غترته على
كتفه وسمع مقطع الصوت الي جومانه سجلته
(جومانه:احسلك بعد عني انامرتبطه واحب زوجي حرام عليك
رعد:طيب اسمعيني
رفعت جومانه يدها الثانيه وحطتها على اذنها:مابي اسمعك
رعد:ترضين انتحر
عصب جومانه:انت مجنون وش الي بيني وبينك يخليك توصل لدرجة الانتحار
رعد:لك فرصه يومين تختارين فيها تتطلقين و تتزوجيني ولا اذبح
حبيب قلبك منصور وتتزوجيني بعدها غصب,,بعد ماقالها
رعد شد بسنانه على شفاته التحتيه وغمض عيونه عارف
انه مو بقد هالكلام وبنفسه اعذريني مالقيت الا هالكلمتين
فتحة عيونها بصدمه وحطت يدها على صدرها وتكلمت
بصوت مهزوز:لو تلمس شعره من منصور انهيك واخليك تدفن نفسك
رعد يحاول يتكلم بثقه وهويطالع حوله:حددت المده وانتهى
الكلام عندك شي تبين تقولينه الحين بسرعه)
طالع في محمد انا سمعتها وشكلها كانت اتدافع عن
نفسها لكن انا شكيت انها تخوني انا غبي
رفع يدينه لوجهه ومسح وجهه وبصوت مخنوق:ليش
يامنصور ليش,,وطالع في محمد,,محمد انا دمرت حياتي وطلقت جومانه
ابتسم محمد:يابن الحلال تقدر تسترجعها لانك ماطلقتها الا طلقه وحده
منصور:وجومانه يمكن ترفض ترجعلي
محمد:جومانه خلها علي
منصور:وهاالسافل الحقير وينه
محمد:انا رحت وتكلمت معه وهو تفاهم معي وقدم له نقل على الشرقيه وخطب بنت خاله
ضرب منصور يديه ابعض:تافه حقير
مسكه بيده ودخله لفلة ابومنصور وتكلم محمد بصوت
عالي :ياجماعة الخير كان بينهم سوء تفاهم
بسيط,,وطالع في جومانه,,وبكره منصور راح يسترجع جومانه
جومانه:محمد
محمد:جومانه ماظنك ابتكسرين بخاطري
سكتت جومانه ونزلت راسها
ابومنصور:ولا راح يكسرون بخاطر ام منصور الي وصتهم في بعض
سمعت منار وسمر اسمها الي يتكرر في مسامعهم وبكو بصوت عالي
ام ريان:بس يبناتي خلاص الله يرحمها
طالع منصور في عيون جومانه باسف وندم وطلع برى البيت
عند غاده
من يوم تزوجت وهي ماتتكلم وهشام تعذب معاها طلعها
ومشاها وسفرها وحاول يتعامل معاها بهدوء وطيبه حتى ماقرب منها
وفي يوم جلس معها بجديه:غاده انتي تزوجتيني مغصوبه صح
التزمت غاده الصمت وماردت
تكلم هشام ابتفهم:غاده ماراح اسوي فيك شي انتي فهميني ليش ماتبيني ابوك زوجك بلغصب
حركت غاده راسها بمعنى ايه
ابتسم هشام وبقلبه الم وقرب منها وغاده وهي بعدت
لكنه مسكها وضمها وباس جبينها:غاده راح اطلقك وسامحيني اذا زعلتك
تكلمت غاده بخوف:الله يسامحك اساسا ماجاني منك الا كل خير
هشام اجل تجهزي راح ارجعك بيت امك معززه مكرمه
قامت غاده ومسكت يده وشكرته
وبعد يومين ارسلها هشام ورقة طلاقها وشيك ابملغ مئة الف لكن غاده رجعتها له
بيت احمد
سمع الباب يدق وابتسم:اكيد وليد جايب لنا صيده جديد
واول مافتح الباب دخلو الشرطه
الازم رائد:فتشو البيت بسرعه
وبعد ربع ساعه من التفتيش تجمعو طاقم الشرطه ومعهم مخدرات وصور وافلام
الملازم رائد:مشاء الله مجرم حقيقي
دخل وليد لانه مانتبه لشرطه الي تخبة اول ماقرب منهم
وشاف احمد متجمد مكانه
مسك وليد البنت الي كانت معه ورماها بلارض
وضحك:هذي خطفتها من عند الكليه
سمع صوت واحد يضحك وفجئه اطلعو الشرطه من كل مكان
طالع فيهم وليد وكان بيهرب لكن ماقدر
وبعد اسبوع على مرور قضية احمد ووليد
الملازم رائد:تبي الحكم يخف عليك لازم تتزوج احلام امام الكل
رد احمد بعصبيه:مستحيل
ضرب الملازم رائد يدق بقوه على المكتب:انا هنا ماعندي
احد يرفع صوته مفهوووم واحلام راح تتزوجها غصب لانك لو
ماتزوجتها راح اكتب عند انك مهرب وانك ارهابي وعلى
طول حكمك راح يكون القصاص
تكلم وليد بالاسلوب لانه يبي يخوفه عشان بيه يتزوج احلا
نزل احمد راسه وهو يبكي
الملازم:افهم اني راح احدد زوجكم
حرك راسه بمعنى ايه
وبعدها تزوج احمد وشالوه بعد اسبوع لسجن وسجنوه
وهو ارسل طلاق احلام الي انتقلت لمستشفى الامراض العقليه والنفسيه
بعد مرور اشهر
ملاك:ابو ريان ابومنصور ياجماعه انا حاااامل
الكل قام من مكانه وهو فرحان وراحو عندا وباركو لها
بعد ماباركو لملاك ضحك منصور وطالع في جومانه
وضمها:واحنا ماحد مبارك لنا
منار وهي ترضع بنتها الي سمتها على اسم امها:لايكون جومانه حامل
ابتسمت جومانه:ايه حامل
منار:مبروك
وراحت جومانه ليوها وعمها الي باركو لها
وبعد نص ساعه من السهره دخل عليهم بدر ومشاري
وصقر عشان يعطونهم كروت الدعوات لزوجهم
في يوم الزواج
كان الثلاث العرايس كل وحده مغطيه على الثانيه
وجومانه كانت لابسها الفستان الاحمر الي اختاره منصور
وترقص بنص القصر والفرحه مغطيه كل المكان
وفي اللحظه عطو للجميع خبر ان العرسان راح يدخلون عشان يزفون عرايسهم
دخل اول واحد صقر بطيبته وحنيته ومسك يد حنان
ووقف على طرف
ودخل بعده بدر ومسك يد غاده وباسها وقف جمب صقر وحنان
وبعدهم دخل مشاري ومسك مي وباس جبينها وقف جمب باقي العرسان
لكن صار شي غير متوقع انه دخل عريس رابع
اول ماشافته جومانه فتحت عيونها مصدومه تطالعه وهي
مفزوعه وتطالع يمين ويسار كان لابس بكل هيبته
البشت الابيض وماسكه بطرف يه
قرب منها منصور ومسك يدها وباسها
والكل طالعهم وضحك
طالع فيه منصور وضم جومانه ودار فيها بخفيف ورقص معها
وهمس بذونها:احبك
وصرخ بصوت عالي:احبــــــــــــــــــــــك يامجنــــــونه
النهايه
ودعتكم الله الذي لاتضيع له ودائع
والسموحه من الجميع
واتمنى ان روايتي حازت على اعجابكم ورضاكم
تجميع اسطورة !
اللهم لك الحمد حتى ترضى وإذا رضيت وبعد الرضى ,,, اضف تعليقك