رواية هدمت حياتي بيديك وجاي تقول ندمت -27
بغرفه ليان ولين رن جوال ليان وقامت لين من النوم وردت على هديل
هديل:السلام
لين:وعليكم السلام
هديل: وش فيها ليان داقه
لين قالت لها كل اللي صار معهم وانها ما تدري ليه ليان كانت تبكي
هديل بصوت مخنوق: ما تردين يالين
لين بخوف:لا انتي تعرفين
هديل:ايه رائد قال لي
لين : وش صار طيب احد يفهمني والله بموت من خوفي على اختي وفي واللي زادها ان متعب كان صوته مره تعبان
هديل قالت للين كل السالفه ولين لما سمعت السالفه طاح منها الجوال بالارض قامت ليان مفزوعه من النوم
ليان: وش فيك لين
لين ناظرت بالجوال وبعدين جلست تبكي
اخذت ليان الجوال من الارض:الوووو
هديل :الووو وش فيها لين
ليان:مدري انتي وش قلتي لها
هديل: اسالتني عن اماني وقلت لها
ليان:طيب انا بقفل الحين عشان اهديها
هديل:اوكي بااااي
ليان :باااااي
قربت ليان من عند اختها:خلاص يالين هي حظها كذا والحين لازم نساعدها مو نسوي كذا
لين وهي تبكي: انتي ياليان من تواسين بكلامك هذا تواسين نفسك مو انا صح
ليان: انا وانتي لازم نوقف جنبها وما نخليها لاهي ولا في
لين رمت نفسها بحضن ليان وجلست تبكي
..
فــــــــــــــــــــــــــــي المطار
متعب:يلا يمه يبه نادوا على رحلتنا
قام ابو متعب وام متعب عشان يركبون الطياره
..
..
فــــــــــــــــي المطار في كندا
في:رائد مو كانهم تاخرو
رائد وهو يناظر ساعته:ايه والله صادقه الطياره المفروض لها عشر دقايق واصله
في بصوت عالي:شوفهم هناك وتاشر لهم بيدها وراحت ركضت ورمت نفسها بحضن امها:اااااه ياماما شكثر
اشتقتلك
ام متعب:وانا بعد
ابو متعب:وانا ما اشتقتي لي
في :اكييييد انت الاصل وراحت حضنت ابوها
رائد:يلا عشان نروح الشقه ترتاحون
ام متعب:لا انا ابي اروح عند اماني راحتي لاصرت جنبها
ابو متعب:يلا يارائد نروح نودي الشنط وبعدين نروح عندها خلاص
ام متعب:ان شاء الله بس انا مارح ادخل الشقه لين اشوف اماني
متعب:طيب يمه بس الحين نروح نودي الشنط
وشال رائد ومتعب الشنط وودوها الشقه وبعدين راحوا عند اماني المستشفى
رائد:خلكم هنا بروح اخذ لكم اذن من الدكتور
وراح واخذ الاذن منه وطلع قال لهم كل واحد يدخل لحاله
دخل متعب وجلس جنبها ومسك ايدها وشاف كيف جسمها كله جروح واثار ضرب
ونزلت دمعته وقرب منها وهمس في اذنها:والله يا اماني لا اخلي عادل يدفع الثمن على اللي سواه
فيك واخليه يبكي بدل الدموع دم والله
ومسح دمعته وقام وطلع
وبعده دخلت ام متعب
وشافت شكلها واثر الضرب عليها وكثرت الجروح اللي بجسمها ما تحملت وعلى طول طلعت
ام متعب وهي تبكي :ادخل وشوف ولد خوك وش سوا ببنتي روح شوف
ودخل ابو متعب وشاف بنته وحالها نزلت منه دمعه : انا غلطان انتي قلتي ما ابيه وانا اللي اجبرتك عليه
ما دريت انه كذا سامحيني يا اماني ما عطيتك للرجال اللي يستاهلك
ومسح دموعه وطلع
ام متعب: ابيك توريني كيف بتاخذ حق بنتي من ولد اخوك
رائد:يمه لا تخافين انا بعرف كيف اخليه بهذا الشي يندم
ابو متعب وهو يناظرهم مو قادر حتى يرد عليهم
متعب:يلا نروح الشقه نرتاح يلا
وطلعوا كلهم من المستشفى وراحوا للشقه
بــــعــــــــــــــد مـــــــــــــــــرور شـــــــــهر على ابطالنا
عادل كان كل يوم يروح عند اماني ويشوفها ويطلع قبل لايجون بيت عمه
...
الشله كانت كل يوم تدق على في عشان تتطمن على اماني
...
بشاير اللي قرب موعد ملكتها وزواجها وماهي عارفه تحسن اوضاعها مع هديل
ومنال اللي ماترد على مكالمتها وتركي اللي ما تدري ليه وافقت عليه وحالتها زفت تحس نفسها ضايعه
...
مرام اللي طول الوقت تمثل الضحك قدام اهلها والناس
ولنفردت لحالها تبكي بالم بجرح للان ينزف
...
عبد المجيد مو احسن من مرام اللي كل يوم ينادي منال باسمها صارت علاقتهم من سيئ الى اسواء
وكل يوم تزيد تعقيد
..
بكندا
راحو ا متعب وامه وابوه ورائد وفي لاماني بالمستشفى
وهو داخلين المستشفى نادا الدكتور على رائد
رائد:نعم دكتور
الدكتور:انت اخو المريضه اماني
رائد بخوف:ايه انا اخوها
الدكتور:باين عليك علامات الخوف لا تخاف هي صحت من الغيبوبه ونقلنها غرفه خاصه
رائد بفرح:مشكور دكتور
الدكتور:لا شكر على وااجب
وراح الدكتور
ام متعب:وش فيها اختك
رائد:ابشرك يمه اماني طلعت من الغيبوبه وودوها غرفه خاصه
ام متعب وهي تبكي:الله يبشرك بالخير
في ودموعها من فرحها تنزل:نبي نروح عندها رائد
رائد:ايه بنروح متعب يلا روح اسال انت وين غرفتها احس من جيت مالك وظيفه بس جالس
في وهي تمسح دموعها:ايه والله يلا قم
متعب وهو فرحان ان اخوانه رجعو مثل ما كانوا:طيب طيب ياربي بدو رائد وفي
وراح وسال عن غرفتها ودخلو عندها
رائد اول واحد دخل وفتح الباب:امووووووووووووووووووووووونه
اماني ابتسمت ابتسامه باهته فيها تعب:هلا رائد
في دخلت وراء رائد ونطت على ظهره:امووووووووووووووووووووووووووووووووووووووونه
رائد:اااااااااااه ظهري انزلي يا الدبه
في: دبه في عينك
متعب:ياااااربي انتم بتفشلونا بكندا
رائد وفي:ههههههههههههههههههههههههههه
ام متعب قربت من بنتها وهي تحاول تمسك نفسها ما تبكي:حمد الله على سلامتك يا اماني
اماني :الله يسلمك ماما
متعب: امون انا بقولك خبر بميلون ريال
اماني :وشو
في بالقافه:خطب لين
متعب:اوم اللقافه وش دخلك انتي
في: وبعدين اذا خبر خطبتك للين بمليون اجل الملكه والعرس بكم لالا هذا البنت خساير اتركها احسن
متعب:فال الله ولا فالك يلا بس
في :اقول اسكت بس
متعب: انا اخوك الكبير وتقولين اسكت
في: واذا
رائد وهو يقلد متعب:بدو في ومتعب
متعب:سااااااامجه
الكل:ههههههههههههههههههههههههههههههه
اماني:وين بابا
الكل جلس يتلفت وطلعت ام متعب برا ولقتو واقف
ام متعب :تعال يا ابو متعب اماني تبيك
ابو متعب: ما اقدر اشوفها وانا السبب باللي صار لها
ام متعب:تعال الحين لا تكسر بخاطرها
دخل ابو متعب وشاف اماني وكل هموم الدينا فوق راسها وجهها الشاحب
اماني فتحت يدها :بابا تعال احضني اشتقت لحضك والله
راح ابو متعب وحضنها:سامحني يابنتي سامحني
اماني:مسامحتك يابابا وهذا نصيبي انا راضيه فيه
في حبت تغير شوي جو الكائبه:اهئ اهئ اهئ اهئ
الكل التفت عليها
متعب قرب من عندها: وش فيك يافي
في: ابي بابا يحضني مثل اماني
رائد:اوم المبزره
في وهي تطلع لسانها :مالك دخل
الكل:هههههههههههههه
اماني:رائد ابي اطلع من هنا
رائد:طيب بشوف الدكتور اذا تقدرين تطلعين اليوم ولا لا
وراح عند الدكتور ووافق انها تطلع اليوم بس بعد ما يسون لها تحليل عشان يتاكدون انها بخير
وهم طالعين من المستشفى
رائد:ترا ماراح تروحين بيتك بتجين معنا السعوديه وانا حجزت بكره الرحله
اماني:بس انا...
متعب :لا انا ولا شي كلام رائد صح بترجعين معنا وخلاص انتهي الكلام
اماني بنكسار:خلاص اللي تشوفونه بس اروح اجيب اغراضي
رائد:طيب يلا بسرعه عشان ترتاحين شوي قبل السفر
ورحوا لبيت اماني وراحت في واماني غرفتها عشان يرتبون اغراضها
وكان عادل طالع من الحمام وشاف اماني تفاجاء:امااااااني
اماني لفت عليه هي وفي يوم شافته اماني ذكرت كل شي صار لها بسبه:يلا في
وطلعت هي وفي من الغرفه
عادل بصوت عالي:اماااااااااااااااااااااني
سمع صوته متعب ورائد وراحوا بسرعه عند اماني وفي
رائد بصوت عالي:وش فيك انت
عادل وهو يبكي:اماني تعالي لا تروحين
متعب :وش تبي فيها بعد خلاص صار اللي براسك وذلتها
رائد قرب من عنده عشان يضربه بس اماني وقفته
اماني وهي تبكي:وش تبي فيني وش تبي تسوي بعد ضرب ضربتني وحتي نايف اللي قلتك لا يجي عندي
عاندت وجاء وصار اللي صار وولدي راح ذبحت حلمي اني اكون ام وش تبي بعد
عادل طاح على رجوله وجلس يبكي ورفع راسه:بس انا ندمت يا اماني والله ندمت
اماني قربت منه ونزلت لنفس مستواه وبضحكه فيها سخريه:هدمت حياتي بيدك وجاي تقول ندمت وش يفيد ندمك ياعادل
ما يفيد خلاص
وقامت وطلعت وطلعوا وراها اخوانها
وراحوا الشقه ونامو ا
..
اما عادل
فاجلس يبكي
وهو عارف ومتاكد ان اماني
ضاعت منه
..
الــــــــــــــيوم الثاني
متعب:يلا بنتاخر على الطياره
ام متعب:يلا خلاص خلصنا
وشال رائد ومتعب الشنط>>ملاحظين انهم صاروا حماله<<وركبوا التاكسي وراحو للمطار
وصلو للمطار وخلصوا الاجرات وركبوا الطياره واعلنت الطائره عن اقلاعها لارض الوطن
..
..
في السعوديه
طبعا في كانت داقه على هديل وقايله لها موعد رجعوهم وهديل بدروها بلغت كل الشله وراحو كلهم يستقبلونهم بالمطار
..
..
فــــــــــــــــــي المطار
الكل يناظر مكان طلوع الركاب
لين:شوفو وصلوا جاء متعب
ليان:وهذا اللي هامك
لين بنعومه:مو زوج المستقبل
مرام :اسكتي انتي وياها
هديل:اقول وش رايكم نروح عندهم
ليان ولين بحماس:يلا
وراحو هم الثلاثه ركض عند في وحضنوها
هديل:والله اشتقتلك
في:والله حتى انا
مرام ضمت اماني:وحشتيني
اماني:وانتي بعد
هديل راحت عشان تسلم على ام متعب بس ام متعب صدتها
في:لا ماما هديل مالها ذنب باللي سواه عادل هي اول واحده كانت رافضه فكره الزواج
ليان:ايه والله ياخالتي وحتى يوم اللي سواه عبد المجيد بمرام كانت هى اول من وقف معنا ضد اخوانها
لين:والله ياخالتي انها من ذيك السالفه ما تكلم بشاير
اماني:والله ياماما انها هي اللي قالت لي لا تتزوجين عادل شفتي كيف وهي اخته يعني هي لو فيها حقد
والا شي ما سوت كذا لا تظلمينها
ام متعب حست بحراج من مواقف هديل معهم ومالقت سبب يخليها تعاملها بطريقه مو زينه وقربت منها وحضنتها:اسفه سامحني يمه واعذرني
هديل وهي تبكي بحضنها:وش اللي اسامحك انتي مثل امي ومعذوره والله لو انا مكانك اسوي اكثر من كذا
ليان:خلاص عاد ياحبكم للنكد
في:ايه والله يلا متى ملكت لين وخطوبه هديل
لين وهديل ضربوا في على ظهرها
في:اااااه مو هذا اللي تبونه انتي وياها
ليان وهي تغمز لها وتناظر ضاري:بتسكتين ولا شلون
في:لا لا خلاص بسكت
رائد:يمه انا جتني فكره
في:الله يستر
رائد:اقول اسكتي بس ايوااا يمه انا ابي الحين اخطب هديل ولا تقولين لا
ام متعب:في المطار
رائد: ايه
ابو متعب:اقول اهجد بس اذا رحنا البيت وريحنا حددنا يوم وخطبناها رسمي
رائد وهو يتحلطم :طيب
ضاري:رائد ما تلاحظ ان لي سنه اترزز قدامك عشان تسلم وانت ساحب
رائد: معليش ما شفتك تعرف لاصارت هديل فيه ما اشوف الا هي
الكل:ههههههههههههههههههههههههههههههههههههههههههههه هههههههههههههه
متعب كان يناظر بلين
ولين مستحيه حدها
في انتبهت لهم وابتسمت بخبث
واشرت لرائد
وانتبه لهم
رائد دق متعب من كتفه:اموت يالعاشق
في تكمل:ماقدر على هالنظرات يالعاشقه
لين نزلت راسها بحياء وسكتت
متعب باحراج:بنطول بالوقفه احنا يالله امشو ومشي
الكل ضحكو
لانهم عرفو انه يصرف
وطلعوا من المطار وراحوا بيوتهم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك