رواية هدمت حياتي بيديك وجاي تقول ندمت -26
جلس جنب اماني مسح على شعرها وبهمس:حبيبتي ماحد بيفرقنا انا اوعدك
وكل شي بيتصلح لقمتي ان شالله
وبيصير عندنا عيال وماعاد بضربك
ودموعه نزلت :اماني انا احبك ايه احبك كنت اخفي حبي بقسوتي عليك كنت احاول امنع حبي لك لايكبر بس كان حبي لك يكبر ويكبر
كنت لشفتك ترتجف كل خلايا جسمي
قلبي يفز لك ويناديك قربك مني لصرتي بحضني احس برجفه قلبي يصيح يبي احضانك تضم احضاني
بس كنت اخفي هالشي
حتى لضربتك كنت ابي احس انك تحت سلطتي واني بكيفي امشيك
كنت حاقد على في لانها عطتني كف كنت حاقد وحالف ارد هالكف لك كفوف
كنت حاقد على الكل وكنت الوسيله لاني انتقم منهم انتي
ليتني ماسويت كذا ليتني سلمتك قلبي وخليته يعشقك بجنون
وحط راسه جنبها وجلس يبكي مثل الطفل
ويشاهق بشكل لايوصف كان يبكي بندم
..
..
ببيت ابو عبدالمجيد
ابو عبدالمجيد اتصل بتركي وطبعا قال لهم عن موافقت بشاير
وحددو الزواج والملكه عقب شهرين
بشاير ماعترضت
تعبت من وحدتها بالبيت
هديل ابد ماتكلمها
...
بغرفه هديل
جالسه وضايق صدرها
مسكت جوالها وتصلت بفي
جوالها مقفل
اتصلت برائد
..
..
ورائد اللي كان سرحان بخواته اللي بالمستشفي واللي منهاره
دق جواله
وفز ناظر المتصل"الحب كله"
دق قلبه بجنون
حس بحاجته لها
رد بشوق:هدولتي
هديل:لبيه
رائد بتنهيده:آآآه ياهديل
هديل بخوف:رائد شفيك وفي وينها اتصلت عليها جوالها مقفل
رائد:احنا بكندا
هديل بصدمه:كندا
رائد:ايه
هديل حست ان اماني بالموضوع:عادل سوا شي لا اماني
رائد:اخوك خلى اختي تدخل لغيبوبه
هديل:اييش
رائد:هديل انا تعبان اماني بالمستشفي وفي منهاره
هديل جلست تبكي
رائد:حبيبتي شفيك هديل ياقلبي لاتبكين
هديل ببكاء:رائد ابي اكلم في
رائد:في نايمه ياروحي
هديل:اوك باي
قفلت بدون تسمع رده انسدحت على سريرها وتبكي
..
..
..
..
..
ببيت عبدالمجيد
منال جالسه بالغرفه وتبكي
عبدالمجيد دخل وشافها تبكي زفر
منال من شافته مسحت دموعها
عبدالمجيد:منال يكفي بكاء
منال:ابي اروح بيت اهلي
عبدالمجيد:مثل ماتبين
منال بصراخ:ايه اصلا تبي الفكه
لو مرام ماكان
صفقها كف عبدالمجيد:عمرك لاتقرنين نفسك بمرام
منال وايدها على خدها:تمد ايدك علي بعدها ضحكت بسخريه:نسيت ان هذي مو اول مره هذي دليل على رجولتك
عبدالمجيد شدها من شعرها
وقربها له
واختلطت انفاسهم
منال قلبها يدق بسرعه
عبدالمجيد نفس شعورها حس بنفسه ودزاها ولف:انتظرك برا
وطلع
منال مسحت دموعها وحطت ايدها على قلبها اللي يدق بسرعه
راحت غسلت وجهها
وتجهزت لبست عباتها
وطلعت
ركبت مع عبدالمجيد
وطول الطريق الصمت سيدهم
وصلو لبيت اهل منال
منال:ماراح تنزل
عبدالمجيد:لا عندي شغل
منال فتحت الباب ونزلت
حرك عبدالمجيد
منال دخلت
سلمت على امها وجلست
ام تركي:اخبارك يابنتي طمنيني عنك
منال:بخير يمه
بنزلت تركي:هلا والله هلا بنور البيت
منال:هلا فيك ياقلبي
وقامت حضنت اخوها
تركي:مشتاق لك ياعروس
منال ابتسمت بحزن:وانا اكثر
تركي:دريتي اني خطبت بشاير صديقتك
منال بصدمه:جد
تركي بستغراب:ليش ماتدرين وزواجنا عقب شهرين غريبه ماتدرين وانتم صديقات
منال:هذاك اول من تزوجت اخوها ماكلمتها
تركي:افا ليش
منال بحزن:ماعلينا انت تستاهل بشاير وهي تستاهلك
تركي:تسلمين ياقلبي
ام تركي:الا ليه زوجك مادخل
منال:مشغول يمه انا جيت اجلس عندكم يومين
ام تركي:ليه في شي صاير بينكم
منال:لا يمه بس اشتقت لكم
تركي:واحنا بعد اشتقنا لك يالله سولفي لي عنك وطول هالفتره شسويتي
منال ابتسمت لاخوها
وجلست تسولف معاه
..
..
..
بكندا
رائد صحى في
ولبست وجهزت
عشان يروحون لاماني
طلعو وركبو تاكسي
وراحو المستشفي
دخلو
وشاف رائد عادل طالع من غرفه اماني وباين عليه البكاء
فار دمه قرب له وشده من بلوزته:انت ماتفهم انا ماقلت لك لا اشوفك هنا
عادل بحزن:هذي زوجتي وماحد يقدر يمنعني من اني اشوفها
رائد بضحكه قهر:زوجتك حمدالله انك عارف دامها زوجتك كيف تسمح لنفسك تمد ايدك عليها
كيف تسمح لرجال يعتدي على زوجتك كيف تسمح لنفسك تعامله بطريقه همجيه وتضربها
عادل بعصبيه:انا غبي غبي
انا كنت مو بوعي
انا انا وسكت
رائد:انت انسان قليل نخوه اطلع برا ياعادل قبل ارتكب فيك جريمه
ودزه
مشي عادل وناظر بفي
وطلع
في قربت لرائد اللي معصب وحطت ايدها على كتفه:اهدي
رائد:الحقير توه يعرف انه زوجته
في:لاتهتم امشي ندخل لاماني
رائد مشي ودخلو عند اماني
جلسو يكلمونها ويمسحون على شعرها
جلسو ربع ساعه بعدها طلعو
ورجعو شقتهم
..
..
..
..
في السعوديه
بيت ابو ضاري
ليان:تصدقين يالين اني من زمااان ماكلمت في
لين :انا اصلا لي كم يوم حاسه انه في شي بس ما ادري وشو
ليان بخوف لانها عارفه ان احساس لين دايم في محله:لا ان شاء الله ما فيها شي انا الحين بدق عليها
ودقت ليان على في وماردت
لين:هاه ردت
ليان وهي تحاول تكلمها مره ثانيه:لا
لين:خلاص دقي على هديل يمكن تعرف شي
ليان:طيب دقيقه
ودقت ليان على هديل وماردت
لين: هاه ردت ولا لا هي بعد
ليان بصوت عالي:لا ماردت اكيد فيهم شي
لين قربت من اختها وحط يدها على ظهرها:خلاص طيب خليك هاديه
ليان:معك رقم متعب
لين:ايه
ليان:دقي عليه طيب وشوفي
لين:اخاف مايرد
ليان بنفاذ صبر:ليه مايرد
لين:لانه مايعرف رقمي
ليان بعصبيه:هو ولد اكيد بيرد ودقي وانتي ساكته
لين عيونها مليانه دموع من طريقه ليان معها:طيب
ودقت لين على متعب
متعب:الووووو
لين اول ما سمعت صوته حست برجفه في كل جسمها:الوووووو
متعب: من معي
لين: انا لين
متعب بصوت مخنوق:هلا حبيبتي وش بغيتي
لين لما قال كذا جتها نوبه بكاء
متعب بخوف:وش فيك حبيبتي
لين وهي تبكي وببرائتها المعهوده:ندق على في ما ترد وهديل بعد ما ترد وانت صوتك واضح فيك شي
وما تبيني ابكي كيف اتحمل كل هذا
متعب وهو يبتسم:لا ما فينا شي بس في راحت مع رائد كندا عند اماني
وعلى طول ليان سحبت الجوال من لين
ليان:هلا متعب
متعب وهو متفاجاء:هلا ليان
ليان: ليه في وهديل مايردون على جوالتهم
متعب: في بكندا مع رائد وهديل مدري عنها
ليان: وليه في بكندا وش فيها اماني>>طبعا الكل عارف ان عادل ممكن يسوي اي شي لاماني
متعب بصوت مخنوق: مافيها شي
ليان بعصبيه:تكذب على يا متعب واضح من صوتك اصلا انه في شي وجلست تبكي
متعب رحمها وقال لها كل السالفه بس قال لها انهم مايبون احد يعرف
ليان بشهاق:وش قلت يامتعب عادل يسوي كذا توصل فيه الحقاره لكذا
متعب بتنهيده: وش نسوي حظها ونصيبها بواحد حقير مثل هذا
ليان من الصدمه عطت لين الجوال ودخلت الحمام تبكي
لين:هلا متعب
متعب:لين ترا يمكن اليوم او بكره اسافر كندا
لين:ليه
متعب:خلي ليان تقولك عشان انا الحين بروح احجز بس اسمعي الكلام اللي بتقولك عليه ليان ما ابي اي احد
يعرفه خلاص حبيبتي
لين :ان شاء الله
متعب:يلا مع السلامه
لين بنعومه: مع السلامه
وراح متعب عشان يحجز له لامه ولابوه
وبعد نص ساعه كانت جالستها ليان بالحمام تبكي ولين كانت تنتظرها في الغرفه ما حبت انها ترعجها
ليان راحت على السرير وعيونها مو قادره تفتحها من كثر ما بكت
لين شافتها كذا ما حبت تسئلها حطت ليان راسها على المخده وغمضت عيونها ولين جلست تمسح على شعرها
الين نامت ولين نامت معها
..
..
..
بيت ابو عبد المجيد
بشاير جالسه في غرفتها وتفكر "كيف انا وافقت على تركي وانا اكره شي اسمه رجال كيف
بس على لاقل اطلع من ذا البيت اللي كل اللي فيه ماقطعني حتى صديقتي قاطعتني مع اني ما سويت لها شي
يااااارب انك تفرجها"وطلعت من غرفتها ونزلت الصاله
...
...
...
...
بيت ابو متعب
دخل متعب وامه وابوه بالصاله
ام متعب:هاه حجزت
متعب : ايه يمه وبكره بنسافر
ام متعب: دق على اخوك وقل له عشان يستقبلنا في المطار
متعب :ان شاء الله
وقام متعب وطلع برا ودق على رائد
رائد وهو يتمشى هو في دق جواله
متعب:هلا رائد
رائد:اهلين
متعب:بكرا روح للمطار
رائد بستغراب:ليه
متعب:بكرا بنجي انا وامي وابوي
رائد:كيف بيجون ويشوفون اماني بهالحاله
متعب بتنهيده:امي سمعت مكالمتي معك وهي ملازمه نجي
رائد بخوف على امه لايكون صار فيها شي:وامي وش صار لها لايكون صارلها شي
متعب:لا لا تخاف ماصار شي وبعدين ليه مستجعل بكرا بنجي وتتاكد يلا مع السلامه
رائد: مع السلامه
في:وش عنده متعب داق
رائد:يقول بيجون بكره
في حطت يدها على فمها وشهقت:واماني
رائد:لا تخافين عارفين كل شي والله يستر اذا جو ابوي ومتعب ما يسون شي
في بتنهيده:الا الخوف منك يارائد ولا ابوي متعب يعرفون يمسكون اعصابهم
رائد بضيقه:يلا في نرجع الشقه ماني قادر امشي احس كل هموم الدينا فوق راسي
في:يلا
..
..
..
بيت ابو عبد المجيد
هديل كانت في الحمام تاخذ لها شور عشان تريح اعصابها بعد الكلام اللي قاله رائد لها عن اماني
وراحت مسكت جوالها لقت مكالمه لم يرد عليها من ليان استغربت ودقت عليها
..
..
بغرفه ليان ولين رن جوال ليان وقامت لين من النوم وردت على هديل
هديل:السلام
لين:وعليكم السلام
هديل: وش فيها ليان داقه
لين قالت لها كل اللي صار معهم وانها ما تدري ليه ليان كانت تبكي
هديل بصوت مخنوق: ما تردين يالين
لين بخوف:لا انتي تعرفين
هديل:ايه رائد قال لي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك