رواية اعشقه وصعب أنساه لاني نسيت أنساه -26
البأرت الســـادس و العشــرين
قلتيلي إنسى
ومن يومها وأنا كل ليلة قدامي البرواز
حبر العيون ودمع القلم في دفتري
وصورتك رغم الألم
ورغم إنها خذت من أطباعك كثير وخانت البرواز
أشوفها في خاطري
حبيبتي ما بيدي حيلة
لا صرتي الصورة وعيوني البرواز
وشلون ابنسى
أتعبتي الصورة مشاويــــــــر
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافهـــــا
وبجروحها راحت لمين .. لبروازها الثانـــي
مسكين .. بيسجنك ويبقى سجين
تشبهلك أقداره خانتــــــــــه
وصورتك يجي يوم وتخونه
حبيبتي .. أو للأسف حبيبتـه
لا صرتي الصورة وجفونه البـــــــــــــرواز
وشلون ينسى
حبيبتي لأجل أنسى جرحك واستريح
بأبكي .. وبعد البكى بأبكي
واكيد في لحظة بتجي وبيجف دمعي
وعندها صورتك اللي في عيونـــــي
بتعاف برواز الضــــــمى
بتصير صحرا وهو سما
بتمرني الدمعة الأخيــرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد ابنسى
البنات الحلوات اللي ما يعرفووون معنى (التحجير \ التجوير ) هذا مصطلح كانوا قبل يستخدمونه و لحد الحين موجود و هو نفس نظام الحجز يعني ولد العم يقول عن بنت عمه هذي محجر عليها ما تطلع لاحد الا من عندنا او له حتى و ان كانت صغيره و بنات واجد راحت عليهم و السبب هذي السالفه يحجرون عليهم بالسنين و بعد ما يكبرون يتركونهم... و هذا الشيء من غير ملكه ولا خطبه رسميه...
-
-
خالد: ابيك تستمرين في موضوع الزواج من ابراهيم
خوله بصدمه: ايش؟؟؟
خالد: اللي سمعتيه يا خوله..
خوله: هذااا مستحيل ... خالد انـا ما ابيــه
خالد: ولا انا ابيك تتزوجينه
خوله: اجل ليش تقول لي استمر في الموضوع؟
خالد: انا قررت اخطب نهى و اتزوجها يا خوله..
خوله ابتسمت و بعدها رجعت الصدمه لوجها: بتخطب نهى بس ابراهيم محجر عليها؟؟؟
خالد بتوضيح: بس ان خطبك بيفتح تحجيرها!!
خوله حست بالم و ان دموعها بتنزل من عيونها معقوله يبيعها خالد و يزوجها واحد مثل ابراهيم بس حتى يتزوج نهى؟
خالد حس باخته التوأم وحط يده على كتفها: حبيبتي ليش زعلانه؟
خوله: ما ابيه..
خالد تنهد: خوله اعيد و اقولك انا لا يمكن ازوجك اياه....
خوله: اجل ليش تقول انه ان خطبني بيفتح تحجير نهى...
خالد: انا عندي خطه.....
خوله: اللي هي ...
خالد: انتي اتركي كل شيء علي و استمري تتظاهرين بانك بتتزوجينه قدام غاليه ، و ان صادفتيه في الدوام..
خوله: وانت ايش بتسوي؟؟
خالد: خوله انتي ما عندك ثقه فيني؟؟
خوله: ولو يا اخوي بس...
خالد: خوله كل شيء راح اسويه في مصلحتي و مصلحتك تطمني ...
خوله: اللي تشوفه،، اصلا انا لو بيدي اكيد باختار السعاده لكم ...
خالد ابتسم لها و هو ماهو عارف ايش اللي كان في راس خوله وهي تصطنع الابتسامه له..
((( واحد راح ينجح لانك مصره و متمسكه فيه اما الثاني فمصيره الفشل لان تركيزك على واحد منهم معناه انه اهم من الثاني وانه ان تعارضوا مع بعض راح تختارين واحد منهم و ببساطه..))خوله مر بسرعه في بالها كلام العضوه الاكثر حكمه في المنتدى و حست بتوتر: هل هذي بدايه فشلي في التحدي؟
-
-
يوسف رجع البيت بعد يومه الطويل في الشغل و تفاجأ ان الجود نازله تاكل مع اهلها الغدا على غير العاده ، رفع حاجبه و سلم: السلام عليكم ..
ام فهد و فاتن : وعليكم السلام..
الجود كانت منزله راسها و ماهي قادره ترد و الهنوف متجاهلته، يوسف بعصبيه: وانتي و ياها ليش ما تسلمووون؟؟
الهنوف بقوه: ما ابي..
يوسف مشى لعندها و سحب شعرها: ايش اللي قلتيه..
الهنوف: اترك شعريا يا حقير ,,, يا حيوااان
يوسف صفعها و ترك شعرها : وانتي الثانيه لك وجه تنزلين بعد اللي سويته
ام فهد: يوسف ارجوك!!! اتركهم ...
يوسف: خالتي لو سمحتي اللي فيني يكفيني و زياده..
ام فهد: يوسف خواتك غلطوا بس ما في داعي لهذي المعامله قدام......
يوسف انتبه ام فهد قصدها فاتن و سكت، اشر للشغاله تصعد له الغداء مثل العاده عند ابوه...
الهنوف بانفجار لما غاب: انتي شلون تسمحين له يعاملني بهذا الاسلوب..
ام فهد: انتي غلطتي و هذي رده فعل طبيعيه منه..
الهنوف: انا طول عمري اكلمه بهذا الاسلوب و الحين بعد كل هذي السنين صار اسلوبي غلط!!!!!!1
الجود: كل شيء تغير يا الهنوف نسيتي؟؟
الهنوف: كل شيء تغير بالنسبه لك انتي اما انا فمـا راح يتغير عندي شيء..
ام فهد: لا الهنوف كل شيء بيتغير للكل، انا تركتكم براحتكم و دلعتكم كثير وفي النهايه الجود..... استغفر الله..
الجود قامت بعد ما حست انه ما عاد فيها تتحمل و طلعت يظهر ان الغلطه اللي سوتها مستحيل اهلها ينسونها و بتظل حجر عثره في طريق تقدمها في الحياه للابد
الهنوف: عجبك الحين كاهي رجعت لعزلتها بعد كل محاولاتي لاقناعها حتى تاكل معنا الغدا...
فاتن كانت حاسه انها و وسط معركه مؤلمه ام فهد ما عادت تقوي بناتها على يوسف مثل اول، لا صارت الحين في صف يوسف ضدهم، وهو شيء طبيعي بما انها شافت نهايه الدلال لبناتها و كيف ان يوسف هو اللي كان صح من البدايه.
ام فهد: اصلا من اللي قالك اني ابي اشوفها اول ابيها تجلس معنا؟؟؟
الهنوف: ماما،، الجود بنتك نسيتي؟؟؟؟؟؟؟؟
ام فهد: بنتي ما تنزل راسي قدام الناس،، و اتمنى ما تصيرين نفسها..
الهنوف: انا مثلهاااااااااااااااااااااااااااااا
ام فهد: ممكن اعرف متى اخر مره شفتي فيها رجالك؟؟؟
الهنوف استغربت سؤال امها و رفعت حاجبها بعدم مباله ردت: من كم يوم ليش تسالين؟.
ام فهد: و تظنين ان وضعك هذا طبيعي!!!!!!1
الهنوف: هذا وضعي من سنين و انتي بنفسك كنت تقولين الله يخلي لي لناصر اللي ما يحرمني من بنتي!!!
ام فهد: هذا كان من زمان الوقت تغير و الناس تغيرت..
الهنوف: يعني ايش ؟؟
فاتن قررت تتدخل و تهدي الموضوع بما ان الهنوف كانت ثايره و امها معصبه: حبيبتي الهنوف خالتي تبي مصلحتك هي مصدومه من اللي صار للجود و خايفه من ان يصير لك نفسها..
الهنوف بصراخ معتاد على فاتن: فال الله ولا فالك، تتمنين لي الاذاااااااا هااا؟!!
ام فهد: الهنوف، لا تكلمييييييييييييين فاتن كذااا هذي زوجه الغالي...
الهنوف قامت من مكانها و لبست عباتها: الله يرحمك يا فهد ليك هنا تشوف امك شلون تغيرت على بناتها انا طالعه،، ارتاحي انتي وولدك الجديد...
الهنوف طلعت و بسرعه و ضربت الباب بقوه من وراها فاتن التفتت لخالتها و حاولت تخفف عنها اسلوب بنتها المزعج: خالتي لا تزعلين من الهنوف طول عمرها عصبيه و تتكلم من غير وعي...
ام فهد تنهدت و قامت من غداها بعد ما انسدت نفسها: فاتن انا خايفه فهد انقتل و محد عارف هو ايش كان مسوي حتى ينقتل، بوفهد طلع يكذب علي طول عمره لما قال لي ان في وحده اغرته و جاب منها و لد و هي رمته عليه و طلع العكس ... هو اللي خدع جوري و اخذ ولدها منها بالغصب ، الجود اللي دللتها تركت الرجال الزين السنع و رمت نفسها على رجال كذاب ، العنود بنتي اللي كنت دايما ظالمتها هي الوحيد اللي طلعت زينه... هو دليل على ان تربيتي و تربيه بوفهد كانت غلط، فشيء طبيعي اخاف على الهنوف و الجوهره... اكثر ثنتين أذوا يوسف و ازعجوه ..
فاتن: ما عليه يا خالتي كل شيء بيصير على خـير
ام فهد: ان شاء الله..
-
-
-
الهنوف دخلت لبيتها اللي ما دخلته من كم يوم لما تزوجت ناصر كان مجرد موظف وسيم عند ابوها و لانه ما كان من المستوى نفسه من الثراء اشترا ابوه لهم بيت كبير جنبهم و كتبه باسمهم و طبعا بعده السيارات و الراتب الكبير و كل اللي يحتاجونه كان يحاول بو فهد انه يخلي ناصر مديووون له بكل الطرق حتى يترك الهنوف على راحتها و هو من اهم الاسباب اللي خلت ناصر يتحمل الهنوف و انها ما حملت ولا فكرت تعالج او تكشف عن سبب تاخر حملها،...
اصوات و ضحك كان مسموع من داخل البيت و تحديدا من غرفتها الهنوف صعدت بسرعه و بجنون و قربت من جهة الباب حاولت تفتحه بس الباب كان مقفول اضربته و ضربته من جديد : نااااااااااااااصر...
بعد دقيقه فتح ناصر الباب و واجهها: اهلا حبيبتي .. تو ما نور البيت..
الهنوف : من معك؟؟؟؟؟؟؟؟؟
ناصر بتوتر: مافي احد... ليش السؤال هذا التلفيزيون...
الهنوف ما كانت مصدقه دفعته و دخلت الغرفه و انصدمت كانت في حرمه ثانيه في سريرها : نااااااااااااااااااااصر يااااااااا حقير من هذييييييييييييييييييييي ........ تخوني يا ناصر تخوووووووني
الحرمه : يخوووووووونك ايش شااايفتني.... وحده رخيصه مثل اختك اللي سيرتها على كل لسان..........انا حرمته
الهنوف ركضت لها وبدت تضربها: اسكتي اختي احسن منك ياااااا حقيره....
ناصر مشى لعندها وببرود سحبها من حرمته الجديده: مافي داعي لهذا الاسلوب يااااااااااااا الهنوووووووووووف..
الهنوف بغضب : من متى !!!1 من متي وانت متزوج!!!!!!!!!!!!!!!!! تكلم!!!!1
ناصر بنبره بارده ما تعودتها منه: اذا يهمك لهذي الدرجه راح اقول... انا متزوج من اربع سنين و عندي ولدين ........ ولدين يااااااااااااااا الهنوف عارفه ليش عندي ولدين من زوجتي الثانيه لانك انتي عاااااااااااقر ...وكنتي ناويه تحرميني العيال .. انا صبرت و تحمل حتى ما اخسر الثروه اللي حصلت عليها من غير تعب وفي المقابل امثل دور الزوج المحب لانسانه ما اشوفها الا مره كل كم يوم...
الهنوف دفعت ناصر عنها وهي تصرخ بجنون: اطلع برااااااااااااااااااااااااااه اطلع..
ناصر ضحك و اضحك عليها: ما عاد هذا الكلام ينفع الوضع غير غيررررررررررررر..
الهنوف انفجرت اكثـر: اطلللللللللللللللع هذااااااااااااا بيتي انت ناااااااااااااسي !!!
ناصر : لا يا حبيبتي هذااااااااااااا بيتي انا ابوك كتبه باسمي بعد قصه فراس لما بدأ يحصرون املاكه و طبعا معه ميراثك كله معه و نفس الشيء بالنسبه لاختك الجوهره ابوك عطا ورثها لزوجها الفلوس اللي عندكم واللي كنتوا عايشين فيها طول الفتره اللي فاتت هي فلوس يووووووووسف بروحه و امك فااااااااهمه ...
الهنوف وهي تضربه: كذاااااااااب كذااااااااااااب
ناصر مسك يد الهنوف و حطها من وراها و مسك شعرها بقوه و سحبها لبره: اطلعي برررررررررررررراه
الهنوف: بجنون لاااااااااااا... هذاااااا بيتي انااااااااااااا لااااااا لااااااااااااااااااااااا
ناصر فتح باب البيت و دفعها لبره بس الهنوف رجعت تضربه بقوه : اطلعي بررررررررررا ه انتي ما تفهمين...
الهنوف: انت اطلع من بيتتتتتتتتتتتتتتتتتتتتتتي
ناصر مسك الهنوف ومشى فيها لوسط الشارع و حاول يدفعها لكنها كانت متمسكه بثووووووووووووبه بقوه: اطلعييييي
بقوه كبيره دفعها من غير احســـاس
طاآآآآآآآآآآآآآآآآآآآآآآآآآآآآآآآآآآآآآآآآآآأأأأأأ أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أأأأأأأأأأأأأأأأأأأخ
ناصر توسعت عيونه من الصدمه و شهق لما شاف الهنوف تطير في السماء من ضربت السياره اللي صدمتها نتيجه دفعه لها بقوه لوسط الشارع...: هــ...هـــنووووووووف؟؟؟؟
سياره الاسعاف و الشرطه تجمعت على المكان بعدها سياره يوسف و ام فهد اللي انفجرت بكي من المنظر الهنوف على السرير المتحرك مغطى بالدم و المسعفين حولها ينقلونها للاسعاف..
يوسف: ايششش اللي صااااااااااااااااااااااااااااااااار ناااااااااااااصر
ناصر كان متملكته الصدمه و ساكت الشرطه اخذته معها و سواق السياره اللي صدمتها
-
-
بعد يومين في شركه الجوري
جوري كانت في مكتبها لما استأذن يوسف بالدخول جوري تاملت وجهه وحست بمدى تعبه و حزنه: شلونك يا يوسف..
يوسف جلس قدامها و رجع ظهره كثر ما يقدر على الكرسي: مثل ما انتي شايفه..
جوري وهي تصطنع البرود كثر ما تقدر : الحمد لله على سلامه الهنوف..
يوسف بسخريه: انتي اكيد تمزيحين؟؟
جوري بصدمه: امزح ليش انا ايش قلت..
يوسف: يعني ما تدري ايش اللي صار للهنوف؟؟
جوري: كل اللي عرفته ان صار لها حادث و نجت منه..
يوسف وهو يغطي وجهه بيده: نجت من الموت لكن اللي صار لها كثيييييييييييير..
جوري توسعت عيونها من حاله ولدها قربت راسها بتجاهه و همست: ايش صار لها؟؟
يوسف: شلل كامل للجسم و جميع وظائفه ما عادت قادره تسوي اي وظيفه من وظائف الانسان.. ....... الحقير متزوج عليها و اخذ ورثها و بعدها قرر يذبحها..
جوري: زوجها بيذبحها!!1 لا تقول هذا!!!!
يوسف: سواق السياره و الجيران شهدوا انه شافوه وهو يدفعها... والحين هي......
جوري قامت من مكانها و بكل حنان ضمت راسه بحنان لصدرها: لا تحزن يا حبيبي ارجوك..
يوسف بالم : ماما..........انا خايف عليك كل ظالم ربي راح ينتقم منه ابوي و طاح مريض و الجود و انعزلت صارت متازمه نفسيتها و الهنوف و.......
جوري بعدته شويه عنها و سمحت له يتامل عيونها: لا تخاف ....يا حبيبي.... انا قررت انهي هذا الانتقام .... اللي صابكم كااااااااافي مع اني ما كان لي فيه اي يد... مرض ابوك كان لما شافني وعرف بحقيقتي الجود السبب كان فيه تهورها و الهنوف عدم صدق زوجها و بصراحه ماعندي اي استعداد ااذي الباقي... او انتقم منهم..
يوسف: يعني راح نرجع لبعض ؟
جوري ابتسمت و هزت راسها بالموافقه...
يوسف: و عائله بوبدر؟؟
جوري تلاشت ابتسامتها لما تذكرتهم...يوسف حس فيها و قرر يكمل ...بما انه ضغط وتر حساس عندها: ماما خوله و الباقي محتاجينك!! ارجعي لهم بليزززز
جوري ابتسمت بحزن: راح ارجع يااااااااا يووسوف راح ارجع...بس ماهو الحين... عندي شيء لازم انهيه اول...
يوسف : اللي هو..
باب المكتب انفتح و دخل حرس نواف من غير استأذن وهو من وراهم ولما شافهم وقف : اوووووووبس يظهر اني جيت في وقت غير مناسب..
يوسف كشر و عقد حواجبه لما شاف نواف من االبدايه هو ما كان متقبل هذا الانسان و كرهه له زاد من خلال لقاءاته معه و لما حس انه مجرد انسان اناني ما يهمه الا نفسه و اخيرا صار يحقد عليه بعد ما عرف قصته مع الجود..
جوري من غير نفس: لا ابدا خير في شيء
سكرتير نواف رفع الملف اللي معه و مده لجوري: هذي اوراق تحويل تقسيم املاك عبدالله الـ.. و بكذا راح يكشف رصيده و يباع اللي بقى منه بالمزاد...
يوسف حرك عيونه لامه اللي تاملت و الاوراق وبعدها ابتسمت له: نواف ولدي...
نواف بغرور: خير يا الغاليه
يوسف قهرته كلمته بس جوري ما سمحت له يتكلم و قالت: انا قررت اشتري نصيبك في ثروه عبدالله الـ...
نواف رفع حاجب و عطاها نظره غريبه: خير؟؟ ايش قلتي...
جوري: اللي سمعته... انا قررت اشتري نصيبك والمبلغ اللي تطلبه و بكذا تتحول كل الاملاك باسمي انا عندك مانع..
نواف: ممكن اعرف سبب هذا القرار..
جوري: ما هو انا يا نواف اللي تعطي سبب لقراراتها ولا نسيت هذا الشيء؟؟
نواف عصب بس تظاهر بالبرود و غمز لها بعينه الزرقاء و هو مبتسم: اللي تشوفيه يا الـ غ ـا لــ يـ ــه.....
نواف عطاها ظهره و طلع معه حرسه و سكرتيره يوسف التفت لامه و قال: اكره هذا المخلوق..
جوري: ماقي داعي ابدا تحب شركاءك يا يوسف.. اصلا ما في احد منهم يحبك او يتمنى لك الخير لانك من اللحظه اللي راح تطيح فيها راح يحاول ينقذون نفسهم بس و يتركونك للموت.. ونواف واحد منهم...
يوسف : صحيح اللي قلتيه...
جوري: مثل ما قلت لك يا يوسف انا ما عاد لي نيه في الانتقام و الثروه اللي راح اشتريها من نواف راح اعطيها لك و من اليوم راح تكون شريكي...
يوسف ابتسم و حضن امه من جديد و اخيرا حس ان امه رجعت له ، ما بقى غير خطوه و حده و هي انها ترجع لخوله و اخوانها ... وهي المهمه الاصعب...
-
-
-
في المستشفى
كانت الهنوف صاحبه الوجه المشوه متمدده على السرير عيونها في السقف و مافي جزء صغير من جسمها يتحرك الجود كانت جبنها و تراقبها بالم و تقرا قرآن ... اللي ما تذكر متى كانت اخر مره قرت فيها منه..
لما وصل لها مسج ما كان في احد يتصل فيها بعد اللي صار لها خصوصا و بعد ما صارت سيرتها على كل لسان، بنت عبدالله الـ.... متزوجه مسيار من واحد غني و انتشرت صورها .... طبعا نواف طلع من الموضوع مثل الشعره من العجين ولا احد تكلم عنه المتضرر الوحيد كان هي .... الجود كانت مستغربه من اللي بيتصل فيها بعد كل هذا الوقت سحبت الموبايل و قرت المسج كان من رقم غريب..
-
السلام عليكم...
شلونك يا الجود.. ان شاء الله انكم بخيـر ... خطاك السـو في اختك الهنوف
و ان شاء الله اخر الاحزان
خالد...
-
الجود دمعت عيونها لما قرت الاسم تاكد من الرقم وطلع فعلا رقم خالد بعد طلاقهم و بكل استمتاع مسحت رقمه و تصورت انها بكذا راح تنساه لكنها كانت غلطانه خالد اسمه و رقمه وكل شييء فيه مازال محفور داخلها ، كريم و راقي و طيب حتى بعد كل اللي سوته و كل اللي صار بينهم و كل اللي شافه منها ، بكل احترام سال عنها و هي اقرب صديقاتها و اهلها ز بنات خالتها اللي كان طول الوقت عندها ما فيهم اللي سالوا فيها ...
الجود بدت تحلم في نفسها: يا ترى يا خالد.... هل ما زال ترضى فيني حتى لو خدامه تحت رجليك.....يارب انا ما ابي غير ان اكون له كذا .... ما ابي الا اني اكون مداس يمسح فيه رجليه ما راح اطلب منه ولا ازعجه كل اللي ابيه قربه يااااااااااااااا رب
خالد تنهد بعد ما سكر موبايله كانت ينتظر في مكتب السكرتير لابراهيم ما يعرف ليش ارسل لها بعد كل اللي صار منها و من ابوها بس حس بانه حق وواجب عليه مهما صار هذي كانت في يوم من الايام زوجته....
السكرتير مشى لعنده و بلغ ان ابراهيم ينتظره دخل خالد و سلم على ابراهيم: مرحبى سيد ابراهيم انا المحقق خالد الـ.....
ابراهيم ابتسم بغرور: اهلا وسهلا تفضل..
خالد: اهلا فيك..ولو اني عتبان عليك يا سيد ابراهيم...
ابراهيم: خير ليش الزعل؟؟
خالد: اعتقد انت رجال تعرف الواجب والاصول
ابراهيم عصب بس تمالك نفسه و رد: وليش في رايك انا ما اعرف الاصول يا حضره المحقق
خالد: يعني لما تخطب بنات العوايل ماهو المفروض تطلبهم من اهلهم...
ابراهيم فهم قصد خالد ورد باسلوب راقي : والله يا اخوي خالد انا كنت ناوي اتبع الاصول مثل ما تقول و اطلب الاخت خوله منك بس انت عارف بطبيعه وضعها وانها لحد الحين ما طلعت من العده بمعنى ان خطبتي لها باطله...
خالد: كلامك صح بس ماهو صحيح بعد انك تقابلها و تكلمها من غير علم اهلها..
ابراهيم: بصراحه كلامك كله صح اسمح لي اطلب منك الاذن الحين باني اتعرف عليها اكثـر..
خالد: لكل شيء وقت يا اخوي ابراهيم وحتى تولد خوله مافي اي مقابلات..
ابراهيم بكل ثقه: اللي تشوفه يا اخوي...
خالد ضحك: هههههههه يعني عاجبك هذا الشيء
ابراهيم: ايش قصدك...
خالد باسلوب المحقيق المحترفين: كنت متصور انك بتدور على حل او طريقه تقابل فيها اختي
ابراهيم: وااااووو السيد المحقق متحرر..
خالد: طبعا... احنا في عصر التحرر صح..
ابراهيم: و شلون هذا الشيء..
خالد: انا بصراحه قرر اتزوج و لما فاتحتني خوله بموضوعك معها قلت تشوف لي عروس انا الثاني حتى نتزوج مع بعض وهي رشحت لي اخطب من عندكم حتى تقرب العلاقه بينا...
ابراهيم رفع حاجبه و كان بيتكلم بس خالد سبقه: ابوي اللي يرحمه كان يكلمني عن عمك وان عنده بنات بس ما كان يجيب لهم اي ذكر..
ابراهيم: كلامك صحيح... عمي عنده بنتين وحده منهم هي مديره خوله واللي خطبتها لي و اختها الصغيره بس كانه صغيره عليك..
خالد بخبث: صغيره ههههههههه هذا المطلوب..
ابراهيم ضحك: ههههه يظهر يا خالد ان راح نتفاهم كثـير ...
خالد: اكيـــد..
ابراهيم: يعني ... قررت؟
خالد: اكيــد... انتوا ناس نسبكم يشرف و مقامكم عالي و كل واحد يتشرف فيكم...
ابراهيم: اجل انا بكلم عمي و بمهد لك كل شيء... بس متى ناوي تخطب..
خالد: باقرب فرصه ممكنه... خوله عن قريب بتولد و محتاجين احد يكون في البيت معها بما اني و اخوي دايما في الشغل...
ابراهيم ما عجبه كلامه: بس انا كنت ابي زواجي و زواجك في نفس الوقت...
خالد توقع هذي الحركه منه و رد بنفس ضاحكه: هههههههههه حرام عليك تبيني اصبر بعد ما بنيت امال ست اشهر!!!!!!
ابراهيم ضحك و رد: سته اشهر ليش؟؟؟
خالد: اربع اشهر حتى تولد خوله و شهرين حتى تطلع من النفاس ....... كل هذاااااااااااااااااااااا اصبره و من غير سبب...
ابراهيم.: والله ما اعرف اشوف عمي اول ..
خالد : اتفقنا ...انتظر منك جواب و انا بحاول اعزز موضووعك عن خوووووووله.. خصوصا ان زوجه السابق يدور حولنا
ابراهيم اللي عجبته خوله و صار شيء مستحيل يتخلى عنها اندفع: لا تسمح له!!1
خالد: هذا شيء اكيد تبيني اتخلى عن نسبكم علشان واحد تافه مثله... حتى لما تولد خوله راح نرمي ولده عليهم..
ابراهيم: عين العقل ..
خالد وهو حاس انه انتصر على ابراهيم المغرور بنفسه : اكيد... اصلا احنا ما طلقنا خوله منه حتى نرجعها له... لا و الحين نرجع له بعد ما خطبها اللي احسن منه مليون مره..
ابراهيم: لا تخاف يا خالد انا راح استعجل بموضوع زواجك من نهى و بعد ما نصير اهل ما راح يقدر طليق اختك بينا..
خالد: اكيد..
-
-
بعد كم يوم :
خالد جلس قدام ابو غاليه اللي معروف بالبرود و القسوه اصلا كل شيء كان واضح عليه: الله يرحم ابوك يا خالد كان رجال و نعم
خالد: وانت يا عمي رجال مقامك كبيـــر و عالي و ابوك كان يحترمك كثـير بس اليوم انا جايك بطلب..
بو غاليه : اطلب يا خالد اللي تبيه لك..
خالد: انا جاي اطلب القرب منك ببنتك نهى ..
بو غاليه التفتت لابراهيم اللي كان جالس جنب عمه و مبتسم: والله انت يا خالد رجال و النعم فيك و ابوك الله يرحمه كان غالي علينا كلنا... و مستحيل القى لبنتي زوج احسن منك...
خالد ابتسم و حرك راسه لبدر اللي كان سعيد باللي يصير.. و قال: اقول مبروك...
بو غاليه لبدر : اكيد اخوك يا ولدي رجال و نعم طبعا بوافق عليه..
خالد : ما راح تاخذ راي البنت..
بوغاليه ببرود : ما عندنا بنات ناخذ رايهم يا خالد... لو تبيها الحين تاخذها...
خالد: لا يا عمي انا نفسي نسوي حفله صغيره لان مثل ما تعرف الوالد ما صار له سنه من توفى و..
بو غاليه: اجل الملكه الخميس اللي بعد بكره...
خالد: اللي يكتب اللي فيه خيـر..
-
-
رجع بدر و خالد للبيت بعد الخطبه و بلغوا خوله اللي طارت من الفرح و اخيرا خالد قرر يتزوج كم جديد و من اخذ انسانه قمه في الرقه و الادب و الاخلاق بسرعه راحت و جهزت عمرها لحفله الملكه اللي حلف بو غاليه انها تكون في بيته و انها تكون محصوره بين الاهل و الاصدقاء المقربين حيييييييل
في حفله الملكه
دخلت خوله لغرفه نهى و تاملتها باسه خدها و باركت لها: الف مبروووووووك يا نهى..
نهى نزلت راسها باسي وخجل: ما في داعي تتزوجين ابراهيم حتى تحررين من تحجيره...
خوله ابتسمت لها و رجعت تبوس خدها ويه تهمس في اذنها: ومن اللي قالك اني بتزوجه...
نهى انصدمت و توسعت عيونها المكحله: ايش؟؟؟
خوله رجعت تهمس: كلها خطه عريسك حتى يتزوجك...وانا راح اطلع من الموضوع بسهوله...
نهى ضحكت و حست اخيرا بسعاده الزواج... انتظرت هي وخوله فتره و بعدها نزلوا مع غاليه و جلسوا في غرفه الاستقبال الانظار كانت على نهى اللي كانت لابسه فستان عشــبي من غير اكمام ماسك على الجسم كله و مفتوح من تحت فم السمكه و منثور الكريستال الفضي على الاطراف و من جهة الصدر.. كانت رافعه جزء من شعرها بتاج ملكي و الجزء الثاني مموج لتحت ...
خوله على عكسها كانت لابسه فستنان موف حرير ماسك من جهة الصدر و بعدها مفتوح بطريقه واسعه مخفيه بطنها و ورافعه كل شعرها لفوق و مزينته بكليبسات موف كان اغلب الموجودين معجبين فيها و يسالون ان كانت متزوجه ولا لا...
ما كانت ابدا عارفه بالعيون اللي كانت تراقبها... الانسانه اللي ما عرفتها خوله او بالاحرى ما انتبهت عليها لان شكلها كان مختلف كثير عن الشكل اللي كانت تعرفها عليه..
فاتن كانت لابسه فستان كحلي ضيق و لتحت الركبه بشوي و مموجه شعرها بالكامل و حاطه ميك اب فل... طبعا كانت غير عن الشكل اللي عرفتها عليه خوله في الايام القليله اللي كانت فيها معهم... كان جسمها متين بسبب الحمل و طول الوقت مغطيه شعرها و من غير ميك اب... طبعا هو الشيء اللي ما عطى خوله مجال حتى تعرفها...
فاتن تراجعت بعد ما باركت لغاليه صديقتها و طلعت من الحفله.... كان عندها شيء مهم تنقله لاهل بيتها...
-
-
بعد ساعه طلعت نهى بعد ما لبست عباتها مع خالد بسيارتهم مع خوله و بدر ووصلوهم للفندق و بعدها ودعهم و رجعوا البيت ، خالد استلم العشاء و مشى لعند نهى اللي ما رفعت عباتها عنها ، قرب منها و رفع العباه عنها : الف مبروك يا نهى..
نهى اللي كانت ترجف خوف و خجل : الله يــ...بــاركـ.....ـ فــ....ـيــ...ـك
خالد: مستحيه؟؟
نهى انفجر خجل و نزلت راسها..
خالد ابتسم وجلس جنبها: نهى من كان متصور و بعد اول لقاء بينا انك بتكونين زوجه لي..
نهى بلعت ريقها وهي تتذكر اشياء حاولت تنساها اشياء من اسوء ذكرياتها: شلون تتزوجني وانت تعرف اني..
خالد: مظلومه..... نهى انتي لو ما كنتي مظلومه كان ما كنتي معي الحين لاني كنت راح ارميك في السجن...
نهى: بس انا ..
خالد: عارف انك برئيه .. و قويه..
نهى باستغراب: قويه.؟؟
خالد: موقفك مع خوله و تبلغيك لها بحقيقه ابراهيم ماهي قوه..
نهى نزلت راسها خجل: خوله قالت لك؟؟
خالد: لا... انا سمعتكم
نهى : ايششششششششششش
خالد ضحك و قال لها كل اللي صار بالضبط: وهو الشيء اللي عجبني اكثر شيء فيك... واليوم اقولك ان جمالك تفوق عليه..
نهى انفجرت خجل لما سحب يدها و باسها: خااااااالد...
خالد عطاها نظره حب و حنان: يااااااااااا رووووووووح خالد..
*%$#))#(# مشفــــــــــــــــــــــــــــــــــــــــــر%$#@ $%%
-
-
فاتن دخلت لبيتهم و ابتسمت لما لقت كل اللي تبيهم قدامها يوسف كان يكلم الجود و يسالها عن الهنوف بما انها طول الوقت معها في المستشفى و ام فهد كانت جنبه: السلام عليكم
ام فهد بابتسام: وعليكم السلام...
يوسف انتبه على ووجهها اللي كله مكياج و عطرها اللي ملا الغرفه من دخلتها و عرف انها جايه من حفله: وين كنتي يا فاتن...
فاتن حست بنصر انه يسالها و ردت بغموض: كنت في حفله...
يوسف: اعتقد ان وضع ابوي و الهنوف الصحي ما يعطيك الحق تتزينين و تروحين حفلات مالها داعي..
فاتن انقهر من اسلوب معاملته بس ردت بكبرياء: هذي حفله زواج اخت صديقتي غاليه الوحيده و الي ما اقدر ارفض لها طلب و اللي تفاجأت باسم زوجها...
ام فهد اللي انتبهت على كلمتها سالت: ليش من هو زوجها ... شخص نعرفه؟
فاتن: صدمه...... زوجها خالد طليقك يا الجود..
الجود حست بسكين اخترقت قلبها بقوه: خـ...ـالد تزوج؟؟؟
فاتن: صدمه صح... بس انتي ما عادتي تحملين له اي مشاعر صح
الجود تماسكت كثر ما تقدر و طلعت لغرفتها و بمجرد ما دخلت فتحت موبايلها و تاملت الرساله اللي ارسلها واللي ظنتها بدايه جديده لها من غير تفكير صرخت باعلى صوت وهي تتخيل خالد مع وحده ثانيه يدلعها مثل ما كان يدلعها يكلمها مثلها و يعاملها كزوجه مثل ما كان يعاملها .: لاآآآآآآآآآآآآآآآآآآآآآآآآآآآآآآآآآآآآآآآآآآآأأأأأ أأأأأأأأأأأأااااااااااااااااااااااااااااااااااااا
يوسف و ام فهد سمعوا اللي صوتها ، ام فهد بعصبيه صرخت على فاتن: ما كان في داعي تقولين لها..
فاتن: للاسف يا خالتي لازم تعرف... لازم هي ويوسف يعرفون الناس اللي كانوا متزوجينهم ايش...
يوسف: ايش قصدك..
فاتن: انت تدري ان زوجتك الحامل ناويه تتزوج ابراهيم الـ.... ولد عم غاليه بعد ما تولد على طول و بترمي طفلها عليك تربيه
يوسف توسعت عيونه و قال بصوت عالي: ايش!!!!!!!!!!!!
فاتن: تقدر تسالها اذا مانت مصدقني او اسال واحد من اهل غاليه...
يوسف من غير تفكير ركض لغرفته اخذ موبايله و اتصل على خوله الللي كانت ......
-
في نفس الوقت في بيت خوله...
خوله دخلت البيت بتعب و جلست في اول كنبه واجهتها: اووووووووووووف تعبت...
خوله خلعت الكعب اللي كانت لابسته ورمت عباتها.. بدر ضحك ورفع كعبها: ممكن اعرف يا الحامل الجميله ليش لابسه هذا الكعب..
خوله كانت تتنفس بصعوبه وهي حاسه بتعب في كل جسمها: عادي....
بدر هز راسه : لا ماهو عادي... انا اذكر لما كانت وفاء حامل كانت تلبس جزمه رياضيه تقول ان الكعب العالي مضر للحمل و يتعبك...
خوله رغم تعبها حبت تتحرش فيه: مشتاق لوفاء..
بدر حاول يضيع الموضوع و طلع من المجلس للمطبخ: بسوي شاي لنا...
خوله ابتسمت وهي تشوفها يمشي بسرعه للمطبخ و يغوص داخله كانت بتصعد لغرفتها بس حاسه بتعب كبير في ظهرها و رجولها رن موبايلها و رغم انها ما كانت تبي ترد ... ردت لما قرت الرقم...
خوله بسعاده: هلا وغلا...
يوسف بعصبيه: و تكذبين بعد!!!!!!!!!!
خوله استغربت نبره صوت يوسف و كلامه: يوسف ايش فيك...
يوسف: انا الغبي اللي صدقتك .... تحدي هااااااا غبي غبي...
خوله: يوسف ايش فيك... فهمني ياا حبيبي..
يوسف: لا تقوللللللللين حبيبي....لو تحبيني من جد ما وافقتي تتزوجين ابرااااااهيم..
خوله: من قالك...
يوسف بصدمه: يعني صحيح اللي سمعته....... خوله انا لاخر لحظه كنت شاكه ان فاتن تقول الصدق بس الحين..
خوله رفعت نفسها بصعوبه من الكنبه: يووسف افهمني انا فعلا قلت اني بتزوج ابراهيم بس...
يوسف: بس تنتظرين تولدين حتى ترمي ولدك علي... ماهي مشكله ولدي راح اخذه بالقوه و انتي طـــــــــــــــالق ..للمره الثانيه
خوله قامت و من لا تحس تعثرت بالكعب اللي كان على الارض : يوســـــــــــ........... اهههههههههههههههههههههههههههههههههههههههه
يوسف ورغم كل عصبيته لما سمع سوتها خاف: خوله خوله خوووووووووووووووووووووووووووووووله...
بدر ركض من المطبخ على صوتها ... خوله كانت على بطنها ممدده على الارض و ماسكه بطنها من الالم ..: خووووووووووووله...
ركض لعندها و حملها بين يدها وهي تصرخ: بطني ...........ولدي راااااااح يموووووووووت ياا بدر..
يوسف سمع كلامها من الموبايل و ثار بجنون.. بدر حمل خوله و ركض فيها على المستشفى...
على طول نقلوها لقسم النساء و الولاده بدر كان متورط وخايف ماكان عارف ايش يسوي او يطلب احد يواسيه يتصل بمن ........ من غير تفكير اتصل على وفاء..
وفاء وهي شبه نعسانه: بدر؟؟؟ ايش فيك...
بدر: الحقي علي يااا وفاء ... خوله..
وفاء قامت من مكانها بسرعه و: ايش فيها خوله تكلم...!!!
بدر: طاحت خوله على بطنها و صارت تنزف نقلوها لغرفه الولاده و منعوني ادخل وفاء ارجوك تعالي انا خايف ووحيد...
وفاء وهي تركض لخزانتها و تلبس عباتها: مسافه الطريق انتظرني...
بعد ربع ساعه وفاء وصلت مشت لعند بدر بسرعه وسألته: وينها...
بدر: لحد الحين في غرفه الولاده...
وفاء: شلون يدخلونها الولاده وهي توها في الشهر الخامس...
بدر: ما اعرف ما اعرف ..... انا خايف...
وفاء قربت راس بدر من غير تفكير و ضمته لها: لا تخاف يااا حبيبي كل شيء ان شاء الله بيصير طيب.. لا تخاف انا معك...
بدر ابتسم من كلامها ... قد ايش كان مشتاق لاحد يشيل معه همه... ولما يكون هذا الشخص.. شخص تحبه يكون الهم ولا شيء.....
من جهة ثانيه يوسف كان يتصل على موبايل خوله مافي اجابه ... بدر مافي اجابه لانه ما كان له مزاج يرد على احد خالد كان قافل موبايله... انجن جنونه و صار يدور في المستشفيات لكن من غير اي جدوى لان خوله دخلت طوارئ و ما تسجلت... و طبعا كان مستحيل ينام في هذي الليله...
-
-
-
خالد صحى من نومه على صوت تيلفونه رفع الرقم و شاف انه بدر توقع بدر مثل عادته يتحرش فيه تركه و تامل الملاك اللي كان نايم جنبه ابتسم و باس خصله شعرها اللي كانت على المخده و راح يتروش و يصلي...
بعد ما صلى و بدل ملابسه راح يدور على دليل المطعم حتى يطلب فطور لهم لما شاف بباقه ورود ضخمه تستقبله عند الباب ... ابتسم ودخل الباقه و كان متوقعها من خوله او بدر بس انصدم لما قرا الاسم..
الف مبـروك يا حبيبي
جـوري..
خالد حس بالم ودموع أمه حبيبة و اللي تجبر نفسها على تصرفات حتى يكرهونها ما قدرت تنساه في هذا اليوم ضم البطاقه لصدره بقوه و قرر يصحى نهى لما رن موبايله.... بدر
خالد: اهلا.. يالمزعج..
بدر بصوت متعب: هلا شلونك يا خالد...
خالد حس بتعب بدر و بتوترقال: بدررررررررررر ايش فيــك..
-
-
يوسف حوط يده حول خوله و ضمها كثـير لقلبه: خوله ... ظنيت اني خسرتك,,,
خوله سمحت له يضمها اكثـر : حبيبي يوسف، ما كان في داعي للخوف... انا لك ولا يمكن اكون لغيرك..
يوسف: سااااااااامحيني ارجوووووووك
خوله بابتسامه: مسامتحك يااا حبيبي
يوسف: احبك والله احبك ولا يمكن احب غيرك...
خوله: وانا بعد.....
يوسف قرب وجه خوله منه بيطبع بوسه على شفايفها اللي وحشته لما حس بهز على كتفه: يوووسف
صحى يوسف من نومه على هز ام فهد له...
كان نايم على كنبه في بيته بلبسه كله و حتى في جزمته...: ايش اللي منومك هنا يا ولدي...
يوسف بالم : خوووووووله خوووووووووله..
ام فهد بتوتر و خوف من منظر يوسف اللي بدت تتعلق فيه و تعتبره مثل ولدها: خوله؟؟ ايش فيها؟؟؟
-
-
-
-
في المستشفى وعلى السرير الابيض اللي كانت متمدده عليه خوله فتحت عيونها بصوبه و شافت بدر جنبه وفاء و خالد جنبه نهى حولها... بتعب: انا احلم...
بدر بتالم هز راسه: لا يااا خوله...
خوله ابتسمت بصعوبه: رجعتوا لبعض..
وفاء قالت وهي تحوط يدها حول يد بدر بابتسامه مصطنعه: اكيـد...
خوله حركت راسها لخالد اللي كان جنبها وماسك يدها اللي كان فيها المغذي..:ليش ساحب عروسك لهنا...
خالد : كنتي تتوقعين مني اظل بالفندق و مع عروسي بعد اللي صار لك...
خوله بصدمه من كلمته: ليش؟؟؟ انا ايش صار لي...
بسرعه احداث اليوم اللي قبله مرت في بالها و طيحتها و بعدها الالم ... بسرعه خوله حركت يدها لبطنها تحسسه ... عيونها توسعت لما اكتشفت ان الانتفاخ اختفى: ايش اللي صاااااااااااااااااار
بدر بنظره كلها حزن: جاك نزيف قوي و اضطروا يدخلونك الولاده ... انولد الطفل ميت....
خوله نزلت دموعها بانفجااااااااااااار : لا لااااااااااااااااااااااااااااااا ولدييييييي لااااا....
الكل تجمع حول خوله و بدأوا يخففون عنها لكن ما كان في اي تقدم خوله دخلت في ازمه حزن وبكاء عميقه....
-
-
-
في نفس الوقت في شركه الجوري كان في اجتماع مغلق بين الملك و الملكه ... جوري و نواف ...
نواف كان معصب من تعامل جوري و كلامها معه خصوصا انها ناويه تفض الشراكه اللي بينهم.... و رغم انه كان يتوقع ان يوسف يكون موجود حتى يلقي عليه المفاجأه اللي محضرها له ...بس ما حضر يوسف للاسف لكن الجوري بروحها كانت كافيه
جوري: بودي كان نستمر مع بعض للابد بس بس السوووق مثل ما شفت كل شيء تغير و انا اخترت اني انتقل للالات احسن لي من المجوهرات..
نواف بتصنع: صعب تتركين المسار الاساسي للشركه من سنين بس ما عليه الواحد لازم يخاف خصوصا بعد ما يقرر انه يستقر و يكون عائله
جوري رفعت حاجبها: من يتكلم!! اكبر زير نساء
نواف: لا حبيبي انا بعد ما قابله هذي المخلوقه غيرت راسي نهائيا.. و قررت اتزوجها رسمي و قدام الكل..
جوري: من سعيده الحظ؟
نواف: اكيد تعرفين التاجر المرحوم صالح الـ.... انا خطبت بنته خوله الـ... وهي وافقه
جوري انصدمت و بصراخ قالت: ايش؟؟؟-
-
-
ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير
مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه فـ غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..
التوقعااات:
ايش اللي ينتظر خوله بعد ما مات ولدها؟
هل خوله راح تتزوج ابراهيم ولا راح ترجع ليوسف؟
يوسف ايش اللي راح يسويه لخوله بعد ما طلقها للمره الثانيه؟
هل اللي صار للهنوف و الجود النهايه لعايله بوفهد؟
نواف على ايش ناوي بكلامه مع جوري؟
خالد شلون راح تصير حياته مع نهى وهل طلع ابراهيم من الموضوع؟
وفاء و بدر هل خلاص ارجعوا لبعض؟
جوري و نواف الى اين؟
1
2
3
ثلااااااااااث توقعااات على مزاااجكم لا تنسوووون
آآالبــآآرت السـآآآبع و العشــرووون
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك