رواية عندما تضئ الشموع بيد الحزن -25
الجزء الثامن و الأربعون
بالمرسم قفلت دفترها و هي خلاص مقرره تعمل الي في رأسها كله إلا إحساس الأمومه له طعم يكبر مع الأم ما فيه رجل ممكن يحس فيه قبل يشوف طفله بعينه أريج بخاطرها [ هي زواجه من أصلها مشربكه جت على حملي يعني الظاهر كل شئ مشى بالخطاء لا إستقرار لا حب و لا غيره كذبة إحساس تخليني أشك حتى بمشاعري معقول مشعل و الحب الي شفته منه مجرد عطف .. و بضحكة إستهزاء عطف من أوله بلا وهم يا بنت أنسي المشاعر و يومها ] تنفست بعمق و هي تسمعه ينأدي عليها
أريج هلا
مشعل المكتب أتصل فيه يقول الشغاله طيارتها اليوم خلي ساتي تجهز لها غرفه تكون هنا بالدور الثاني
أريج إن شاء الله
مشعل أشوف الغرفه الي جمب المرسم مناسبه كل وقتك أنتِ هنا خليها قريبه منك
أريج بتردد ما أحتاجها مره
مشعل بنرفزه عاد وصلت ما أنا مرجعينها خليها خلاص السفره و تكنسلت لو ما تبينها بعدين عطيتها أهلي
أريج بهدوء طيب
مشعل مسح على جبينه و زفر برودها من كم يوم بيذبحه ما يخليه يسيطر على نفسه أنا طالع تبين شئ ؟
أريج لا بس بروح لأمي
مشعل و هو طالع لا تأخرين.......
********************
كل القهر و الضغط الي فيها صبته بالكأس الي رمته في الجدار و تنأثر زجاج حولها
أم مها و الي جأت على الصوت مها يمه وشفيك تعورتي ؟
مها تصارخ بضيق يمه مقهوره خلاص بختنق
أم مها بسم الله يمه عليك تعوذي من أبليس وش صاير لك
مها أريج حامل يمه تعرفين وش معنى حامل يعني كذبة خالتي إنها بتنتظر ست شهور و تزوجنيه لأن أريج ما تحمل
أم مها يا بنتي خالتك وش عرفها أنها تحمل
مها لا الغبيه أنا الي صدقتها يمه مشعل طار خلاص طار بيصير أبو من هـ الأريج
أم مها يا يمه هي و أن حملت ما ظنتي تحمل مره ثانيه
مها تؤهمون أنفسكم أنتم و بتضيعوني معكم
أم مها لاه يا يمه لاه ما فيه أم تبي تضيع بنتها
مها نزلت دموعها بقهر ليش خليتوني أحبه ليش يمه ما قلتي لي عيب و إلا غلط أو حتى بتندمين و تبكين حضك......
***********************
بعد جدال مطول بينهم قررت تستسلم و تنفذ طلبها و تتمدد على السرير برغم أنها كارهه شئ أسمه أوامر و يزيد كرهها كل ما تذكرت موعد بكره
أريج خلاص يمه و الله مرتاحه
أم أريج يا يمه أنتِ لازم ما تجلسين كثير عشان ما يعورك ظهرك و تتعبين في الولاده بعدين
أريج يمه أنا ما جلس في البيت كله نائمه على ظهري
أم أريج و متى عندك موعد مع الدكتوره ؟
أريج بكره
أم أريج زين مريني بروح معك
أريج بهدوء طيب
فجر يا أختي وش فيك صايره ثلج ؟
أريج بطنازه ما وراي ملكه
فجر بنذاله وراك ولاده و حياه و إلا موت
أم أريج أعوذ بالله من هـ الطاري يا بنت وش بلاك تبلين على أختك
أريج بضحكة إستهزاء و ببالها [ الموت أرحم من هـ الحاله ] بعيد عن عينيك تورثيني
فجر بمزحه أعوذ بالله زطيه
أم أريج قومي بس من وجهي أبي أختك
فجر بضحكه يمه ما يصير خلاص بتزوج لازم أتعلم ما هو كله تطرديني
أم أريج أخذة علبة المناديل ورمتها عليها و هي تركض بشفق على ولد أخوي منك يا الحيه....
*******************
وقف بكل قهر يقراء الورقه الي بيده و كل جزء منه يرتجف من الغضب لكنه حاول يسيطر على نفسه قدامه و رسم على وجهه بسمة شكر و طلع لسياره بنفس وأحد يبي يصرخ و يطلع كل الكبت الي في صدره فيها و بدون تردد طلع جواله و ضغط أرقامها لكنه أنصدم من الرد [ أن الهاتف المطلوب غير موجود في الخدمه موقتاَ ] رمى جواله بكل غيض على السيت ( هين مغيره رقمك عن مشعل هااه و الله لخربها فوق رأسك يا بنت الـ..... و سكت قبل يكملها أستغفر الله العظيم بس وش خلاني أتزوج ما وراء الحريم إلا وجع الرأس ) .......
*******************
طلعت السياره أول ما سمعت الرنه مثل ما قال لها دخلت و هي مبتسمه
عبير السلام عليكم
سلطان و عليكم السلام ما شاء الله على الثانيه
عبير طبعا أنا أهتم بالمواعيد
سلطان و هو يحرك السياره الي فيها سوق طبعا يا حبكم له
عبير و نفسي أعرف ليش تكرهونه لما نطلبه منكم لكن للمغازل ما أحد يسبقكم له
سلطان بنظره اووخص خالك مغازل
عبير بضحكه بس من نوع خاص
سلطان سكتي بس
عبير ما قلت لي وش شعور مشعل ؟
سلطان بغرابه في و شو ؟
عبير بيصير أب
سلطان بدهشه بذمتك
عبير و هي متعمده تقولها أي والله مرام قالت لي ليش ما عندك خبر
سلطان طالع الطريق قدامه بصمت بس الحين عرف ليش نفسيته من كم يوم معدومه حتى الدخان راجع له و بقوه بعد.....
مشى في الممر و هي تتبعه و أشر لها على غرفتها دخلت و هو رجع في طريقه و دخل المرسم من كم يوم رسوماتها كلها غامضه ألوان باهته و بلا ملامح أو حدود زفر و هو يتذكر أنه قالها لا تتأخرين و مع كذا العشاء أذن و هي ما رجعت جلس على الكنبه و طلع جواله و أتصل فيها
مشعل الوو
أريج هلا
مشعل وينك فيه ؟
أريج هـ الحين برجع البيت
مشعل أي أنا فيه من نص ساعه و قايل لك لا تتأخرين بجيب الشغاله
أريج ببرود ساتي فيه و غرفتها جاهزه ما بطير عشر دقائق و جأيه ليش معصب ؟
مشعل بطنازه لا و ليش أعصب و زوجتي تسمع كلامي
أريج جدتي حلفت ما أروح إلا بعد ما أتعشى معها
مشعل بقلة صبر زين بروح أصلي العشاء و بروح لأهلي
أريج طيب.....
****************
دخل لصاله و الضيقه تسبقه جلس على أول كنبه هـ الإسلوب يقهره كثير و يثير أعصابه غصب عنه يكره حد يعامله ببرود و المشكله من أريج لازم يمسك نفسه عنها حتى لو معصب قلبه ما يقوى يصب كل غضبه فيها رفع رأسه مبهت على أول صوت رحب فيه
أم مشعل هلا و الله حياك
مشعل قام و بأسها على رأسها و هو ما هو مستوعب تسلمين يمه شخبارك ؟
أم مشعل الحمد لله بخير شخبارك أنت و شخبارها أريج ؟
مشعل بباله [ الحين تسألين عن أريج ] بخير يمه ما علينا
أم مشعل و كيفها مع الحمل عسى ما هي تعبانه منه ؟
مشعل لا الحمد لله
أم مشعل متى عندها موعد تشوفها الدكتوره ؟
مشعل صعق وش بيقول و ببرود ما سألتها ؟
أم مشعل بهتت فيه وش يمه ما سألتها زوجتك الحين حامل تبيك معها في كل شئ هي ما بتجي كل مره تقولك عندي موعد و إلا أبي هذا و ذاك لازم أنت تهتم فيها تعرف متى مواعيدها وش نفسها فيه يمه أريج بعدها صغيره ما تفهم بذي الأمور
أبو مشعل و الي كان داخل على كلام زوجته كلام أمك عين العقل يا مشعل
مشعل و هو قائم يسلم عليه أن شاء الله يبه
أبو مشعل بجديه ما أبي أريج ينقصها شئ خلك مهتم فيها
مشعل بباله [ هم شايفيني مخليها في دوله و أنا في دوله ] ما هو ناقصها شئ يبه لا تقلق
أم مشعل و الله ما أني مصدقه أني بشوف عيالك يا مشعل
مشعل أي و لا أنا و بمزحه بس عسى ما كبرتك يمه ؟
أم مشعل لا أنا متزوجه أبوك صغيره و جبتك على طول و أنا ما وصلت الـ17
مشعل ضحك و ألتفت لصوت مرام و ريم يصارخون على الدرج [ أبو مشاري عندنا ]......
*********************
تغطت و سكرت الأبجوره على دخلته الغرفه لكنه ولع النور و توجه للكبت يأخذ له ملابس
مشعل وش عندك نائمه بدري ؟
أريج بهدوء عندي موعد الصبح
مشعل حس بغصه بلعها و مشى ناحيتها الساعه كم ؟
أريج عشر الصبح
مشعل وين بتراجعين أنتِ ؟
أريج السعد
مشعل اهااا طيب بروح معك عشان أدفع لك حساب لين تولدين أحسن لك بدل كل موعد تدفعين و زحمه
أريج لا شعوريا حطت يدها على بطنها دفعت عشره ألاف تكفي فتره و أمي بتروح معي بكره
مشعل مد يده بصمت و حطها فوق يدها تحرك شئ بداخله ما يقدر يوصفه و كأن أريج فهمت صمته و سحبت يدها من تحت يده بهدوء و سرح في عالمه [ بنت أبي بنت حلوه تشبهه أمها فكل شئ غمازتها قلبها حتى شعرها الناعم وقتها بس بقول لأريج كل شئ بقولها وش صار في حياتي قبل أعرفها و بعد ما عرفتها بقولها و بتسامحني أكيد بتسامحني لأنها تحبني و أنا أحبها ما أتخيل حياتي بدونها أحبها والله أحبها ]......
************************
طالعت جوالها و أبتسمت لازم تتدلع عليها شوي تعجبها لما تعصب
فجر و على الرنه الأخيره ردت بدلع الووو
عاليه عداااال لا يطيح نصك بعدين نزوج أخوي نص حرمه
فجر وهـ يا زين الطاري
عاليه كريزي
فجر وجهك
عاليه بطنازه يا أختي وش محببك في الغول الي جمبي ؟
فجر أحلفي أنه جمبك
عاليه و قسم بالله جمبي
فجر و بنفس وأحد الغول رجلك و الي خلفوه و العيال الي بتجبونهم ... و ما سمعت عاليه من بعدها إلا طووووط و أنفجرت ضحك
عاليه بنت الـ......تسكر الخط في وجهي أنا أوريها
ماجد بضحكه مسك يد عاليه و لفها غول هاااه
عاليه أي أي لا لا التوبه
ماجد التوبه هاااه قسم بالله معها حق فجوره تقفل الخط بوجهك أجل كل هـ الوسامه و تقولين لي غول......
*****************
له ربع ساعه و هو يحاول يفهم منه ليش صاد عنه بهـ الطريقه و يكلمه بدون نفس
مشعل بضحكه يا أخي وش فيك و لله لو أني حرمتك مزعلتك على غفله
سلطان روح بس نزلني عند سيارتي
مشعل قفل الأبواب لا أول قول سلطوني وش فيك عليه
سلطان لا طال عمرك ما فيه شئ أبد مره حتى تصدق ما سمعت أنك بتصير أب
مشعل أنفجر بضحكه ممزوجه بقهر لدرجة أن عينه دمعت من الضحك يا شيخ أسكت بغيناها قعود طلعت بكره
سلطان وش قصتك أنت ؟
مشعل و هو يطالع الطريق منحوس بكل بساطه مقروووود
سلطان لا يكون ما تبي عيال أنت و وجهك ؟
مشعل و هو فيه حد في الدنيا ما يبي عيال
سلطان بنظره لا يكون أتزوجة المسكينه لجل....
مشعل لا تكمل ما قلت لك منحووووس
سلطان تنرفز منه نزلني نزلني بس أنت وأحد ما تغير كنت أظنك بتعدل و يطلع لك عقل بس الظاهر العقل من طريق و أنت من طريق
مشعل ألتفت له مستغرب وش جأك مقروص يا شريف مكه
سلطان لا بس عندي قلب ما هو مثل بعض الناس مسوين عليه عازل
مشعل بخاطره أي عازل و هي ذوبته خلاص فكنا بنزلك لا تأكلني ترى كل الي بمخك غلط و بتعرف يوم....
*********************
الجزء التاسع و الأربعون
من داخله كان يصرخ بغضب مكبوت خاطره يفجره بالهواء من حوله رفع رأسه لسقف و زفر بقوة [ بعدين مع هـ الحاله ]
مشعل يعني و بعدين معك أنتِ وش هـ البرود الي نزل عليك ؟
أريج من داخلها كانت تموت ألف مره قهر و غيض و قلة حيله لكنها تخفي أحاسيسها خلف قناع البرود أنا من أول خبرتك و أنت ما أهتميت
مشعل بعصبيه نسيت ذكريني قولي ألف مره لين أسويه ما هو تنتظرين لين تدهور كذا
أريج و بهدوء طيب حقك علي ممكن تأخذ الشغاله تعمل لها فحوصات لأن صحتها ما هي عاجبتني
مشعل فقد السيطره على نفسه و شدها من يدها بقوة و ليش ما أخذتيها معك اليوم بعد ما شفتي الجروح فيها و سويتي لها
أريج كانت تتألم بصمت و بلعت غصه قلت لك أنا ما أعرف أنجليزي كثير ما أعرف أتفاهم معا بعدين ما أبي أحتك بها قبل أتاكد من صحتها يمكن ما هو حرق مثل ما تقول
مشعل ترك يدها و كتف يدينه و ليش ؟
أريج لأن عندي الي أخاف عليه أكثر من نفسي مأبي يصيبه أذى
مشعل تنفس بعمق زين عشان أريحك بسفرها أصلن مالها داعي و هذا في بطنك
أريج عليك نور مالها داعي خلاص
مشعل بنظره أريج تعدلي معي ترى أسلؤب البرود و التطنيش هذا ما أحبه ما يدخلي بمزاج......
*********************
تأففت و هي واقفه عند البوابه تنتظرها طولت عليها على غير العاده ريم ببالها [ لا يكون الخائنه رائحه مع معي و لا خبرتني لكنها ألتفتت لصوت خلفها ]
فجر وين السياره ؟
ريم لفت تبي تخاصمها لكنها أنصدمت من لون عيونها شو فيك ؟
فجر بصوت مبحوح و لا شئ يالله نمشي
ريم و ليش عيونك كذا تبكي ؟
فجر لا مواصله
ريم يا بنت وراك ملكه مو حلو تسهري بعدين يجي سواد تحت عيونك و يخرب المكياج
فجر بدون نفس لازم يشوفني بالحزن و الفرح حلوه و شينه لجل ما ينصدم بعدين
ريم لا دارسه الوضع من كل النواحي
فجر زين أمشي السياره رأسي بينفجر
ريم يالله شوفيها من هناك
فجر مشت بصمت و خاطرها تطير لغرفتها طياران بدون ما تشوف أو تتكلم مع أحد....
***********************
رمى الجوال بغيض [ هذا وش جأيه بعد ما يرد يكملها علي هو أنا ناقصه ] لكن الجوال رجع دق و أخذه و رد على طول
مشعل ما بغيت ترد أنت و وجهك
سلطان بكسل نائم وش فيك مكتشف الجوال على غفله 10 مكالمات
مشعل و بدون ما ينتبه لأريج خلفه طبعا تنام وش وراك ما فيه مصيبه فوق رأسك
سلطان ترى ببساطه ما عندك سالفه يعني وش بتسوي الحين خلاص شئ صار و البنت راحت في حالها و أنت في حالك
مشعل لا يا شيخ وش بسوي خلني أحصلها عنوان و قسم بالله لخليها تندم على الساعة الي جأبتها أمها فيها
سلطان بتخرب بيتك بيدك
مشعل بضحكة سخريه بيخرب أكثر من كذا ما أظن
سلطان طيب سؤال وأحد مزعوج من نومه و قريب تقفل أخلاقه
مشعل وش عندك ؟
سلطان وراء ما تخبر المدام من الحين و الي يصير يصير
مشعل يا شيخ أسكت بس عشان تصيبها نحاستي و تسقط و تروح بيت أهلها بلا رجعه
سلطان والله عجزت معك أنت تباها و إلا لا ؟
مشعل وش أباها و ما أباها يا أخي هذي زوجتي لعبه هي قم بس بدل و تعال لي البيت ما لي نفس حتى أسوق السياره....
*******************
بالمرسم طالعت رسمتها الأخيره و كلام مشعل يتردد في أذنها و بكل غضب مزقتها و رمتها على الأرض و حطة رأسها بين يديها تحاول تطرد صدى [ مصيبه ,,, زوجتي ,,, تسقط ,,, و فيه وحده ثانيه بحياة مشعل ]
كان مستغرب الفوضه الي يشوف المرسم فيها و حالة أريج مشعل أريج
رفعت رأسها بهدوء أريج نعم
مشعل فيك شئ ؟
أريج لا
مشعل و ليش المرسم كذا مقلوب فوق تحت ؟
أريج ما أعجبتني الرسمه
مشعل أصلا من فتره رسمك مو حلو
أريج مالي خلق لرسم
مشعل و الله صايره مالك خلق لشئ قولي
أريج بنظره و الله عذري معي بس بعض الناس مدري وش عذرهم
مشعل وش قصدك ؟
أريج حركة كرسيها طالعه من المرسم و الي يسلمك مالي خلق لصراخك رأسي يعورني لو رجعت و أنا نائمه لا تصحيني....
*********************
دخلت عليها الغرفه بصينيه و هي شبه متأكده أنها ما راح تمسها طبع بنتها تعرفه مستحيل تأكل شئ و هي متضايقه
أم أريج فجوره يمه قومي كلي لك شئ من رجعتي من الكليه ما ذقتي الماء
فجر مصدعه يمه
أم أريج طيب كلي و تأخذين حبه
فجر مالي نفس يمه
أم أريج يمه وشفيك من رجعتي حالك ما هو عاجبني ؟
فجر ما فيه شئ
أم أريج و ليش هـ العيون متورمه و الوجه أحمر
فجر بربكه من الشمس
أم أريج بنظره شمس في عز الشتاء !
فجر و الله اليوم كانت الشمس حاره و وقفنا ننتظر سواق بيت عمي
أم أريج أنتِ ما ينفع معك إلا أبوك بس خليه يرجع من الصلاه يتافهم معك
فجر مسكت يد أمها برجاء يمه الله يخليك و ربي تعبانه و متضايقه حتى من نفسي خليني أرتاح و بعدين أقولك.......
*****************
دخل و هو يسمع ضحكها أستغرب فيه داخله لأنها قالت له بتنام وش مجلسها هنا و مع من ؟ دخل و أرتسمت على وجهه ملامح ذهول لأن أريج كانت لوحدها
مشعل جلس جمبها بغرابه مو قلتي بتنامين ؟
أريج و البسمه لسى بشفايفها نمت و صحيت
مشعل وش يضحك ؟
أريج أنفجرت مره وحده و ما قدرت تنطق
اماا مشعل فطالع فيها مبهوت تجننتي ؟؟
أريج و بصوت متقطع من الضحك و الله يحق لي دام صرت مهمه عند بعض الناس
مشعل بغرابه ممزوجه بغيره منو ؟
أريج مدت له كيس طالع توقع من منو ؟
مشعل شاف طقم ذهب و ما هو غريب عليه الذوق و بذهول أمي !!
أريج رجعت أنفجرت مره ثانيه يعني ما سمعت من مشعل حتى كلمة مبروك و من أمه هدايا و زيارات صدق شر البلية ما يضحك
مشعل بضيق ترى الي تتكلمين فيها أمي أنبهك هاااه
أريج ما قلنا شئ كثر الله خيرها ما قصرت
مشعل و ليش ما أتصلتي فيه يوم جأتك ؟
أريج أبوك قال لا تدقين
مشعل كمان أبوي
أريج مدت له شيك أي و أعطاني هذا
مشعل بصدمه مائة ألف
أريج رجعت ضحكة بس هـ المره بأستهزاء شفت كيف صرت مهمه عشان حمل الظاهر بحقق لهم صفقة عمر بس مع أحترامي تفتقرون لمعنى الفرحه و المشاعر الحقيقيه تضنون هـ الفلوس و الهدايا تعبيركم عن فرحكم بالولد و قسم بالله الفلوس معميه مشاعركم قبل عيونكم......
********************
دخلوا البيت مع بعض و كأن حمل أريج قرب بينهم أكثر و قوى علاقتهم ريم أول ما شافتهم ضحكة
ريم طبعا راجعين من بيت مشعل
أبو مشعل أكيد
ريم و لا تفكرون تأخذوني معكم
مرام عندك كليه نروح لهم أخر الأسبوع
أم مشعل رحتوا زرتوهم و باركتوا خلاص خلوا البنت ترتاح لسى في أول حملها ما هو زين تجلس كثير
مرام و ريم تفاجئوا من حنيت أمهم على أريج و طالعوا في بعض و سكتوا
أم مشعل أي عاد هذا ولد مشعل ما صدقت أني بشوفه
ريم بقهر طيب لو طلعت بنت ؟
أم مشعل حياها الله بتشيل أسم أبوها بس الولد لابد منه
أبو مشعل الي يجي من الله حياه الله وشفيكم تتقاتلون على جنسه و هو لسى ما تنفس
ريم يعني أنتم ما تقولون إلا ولد مشعل قلت يمكن تطلع بنت ما تبونها مثلا
أم مشعل و الله عاد الشرع حلل له أربع
ريم يعني عشان جأته بنت تزوجونه ثانيه
أبو مشعل وش بلاكم أنتم يعني الي تجيب البنت ما تجيب الولد
أم مشعل لا ما تجيبه وشوف أمها قدامك يعني لو طلعت عليها خلاص نسكت و ما نشوف ولد ولدنا
مرام طيب سكروا هـ السالفه الحين باقي سبع شهور لين تعرفون وش بتجيب أريج........
********************
نزل من السياره قدام البحر و هو ما هو عارف وين يروح بالذات الليله نام كثير و ماله نفس يرجع البيت و مشعل ما يدري وش صاير فيه صاير بيتوتي و عصبي طول وقته ما يعرفه إلا بغى يخطط لمصيبه منحوسه مثله تكبرها أكثر من مما تصغرها جلس على أقرب صخره و رن جواله طلعه ورد مبتسم
سلطان هلا بالمفعوصه
عبير المفعوصه حرمتك
سلطان فكينا عاد
عبير بضحكه هههههههه وافقت هـ المره
سلطان ما أباها دبري لي أي مصيبه تفكني منها
عبير تستاهل حد قالك خل لين جدتي تعصب و تروح تخطب لك من رأسها
سلطان بضحكه بس مو هذي البنت هذي فالق رأسها ثلاث مرات وش يضمن لي ما تذبحني و أنا نائم
عبير هههههههه حد قالك خلك شراني و أنت صغير
سلطان أعطيك مليون بس خلصيني منها
عبير أصلا أنتم يالرجال ما عندكم مخ لتفكير
سلطان أحلى يا مخترعات الكمبيوتر أنتم
عبير طيب و الي تعطيك الحل
سلطان على يدك
عبير شرط واحد و هي تقول ما عاد أبيه
سلطان شو هو ؟
عبير قلها عندك شرط تسكنون مع جدتي
سلطان إن كيدهن عظيم بس و أذا وافقت أنتِ و وجهك ؟
عبير قابلني إن وافقت هذي البنت بالذات تحلم بالإستقلال......
*****************
طالعت الساعه 03:25 صباحا بالذات اليوم الساعه بطيئه ما تمشي طالعت فيه نائم بسلام و بغصه تجدد أحاسيسها تحبه و تجزم بكذا لكنها صار لازم تكون أقوى من الحب و تبعد عنه و هذا قرار نهائي [ مشعل بحياته وحده ثانيه غيري لازم أفهم هـ الشئ و أحترم إحساسه أكيد ما كان متوقع حملي عشان كذا عمره ما فاتحني بسالفة الحمل لآنه ما يبي عيال مني عصب لأن زواجه بي من الأساس تحصيل حاصل خل أنفذ الي برأسي و الي يصير يصير على قولته هي خربانه خربانه ].....
الجزء الخمسون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك