رواية هدمت حياتي بيديك وجاي تقول ندمت -25
رائد ناظره ودخل عنده بعصبيه ومسكه من قميصه: وين اماني ياحقير
وينها رد
عادل يناظر برائد وماردي
رائد بعصيبه وصوت عالي: وينها اماني رد
السستر:لو سمحت خفض صوتك انت بمستشفى مو بالشارع
رائد: اسف
في: وين اماني ياعادل
عادل ناظر بفي وساكت
رائد:هذا شكله ماراح يتكلم انا بروح عند الدكتور واساله
وراح رائد عند الدكتور وقاله ان الدكتور انها كانت حامل واجهضت بسبب ان احد
اعتدا عليها
رائد سمع هذا الكلام وسند ظهره على الجداروجلس على لارض:وش قلت يا دكتور
وشوي واندق باب غرفه الدكتور
الدكتور: تفضل
في:معليش ازعجتك بس وين را... ولفتت ولقت رائد جالس على لارض
رائد وش فيك ناظرها ونزلت منه دمعه
في وهي قلبها متقطع عليه:رائد ليه تبكي وش فيها اماني
وقام على طول من مكانه وطلع وراحت في وراه وراح عند عادل ومسكه من قميصه
ودفه بكل قوه على الجدار:ياحقير ياواطي انت تسوي با اختي انا كذا انت
يا ولد عمها تخلي احد يعتدي علها ياواطي والله حرام حبها لك هذا اللي تربيت عليه يا قليل النخوه
هذا وابوي مامنك عليها تخلي رجال غريب يدخل بيتك ياواطي ورب الكون لا اخليك ياعادل تندم قد شعر راسك باللي سويته باماني والله
في سمعت باللي صار باختها واغمى عليها وراح رائد لها :في
وفي ما ترد عليه
ضربها على خدها ضرب خفيفه:في قومي في
وصار ينادي على احد يجي ياخذها وجو شالوها ودخلوها عند الدكتور وكشف عليها
وطلع الدكتور وراح عنده رائد:هاه دكتور وش فيها اختي
الدكتور:لا تخاف ما فيها شي بس شويه ارهاق وضغوط كانت عليها هي سببت لها حاله لاغماء
لكن هي شوي وتقوم يعني ما في اي خوف عليها
رائد وهو يحمد ربه: شكرا دكتور
الدكتور:لا شكر على واجب
التفت رائد على عادل اللي كان جالس على الكرسي واضح عليه الندم وقرب من
عنده:يلا اطلع برا ولا تفكر مجرد التفكير ان اماني راح ترجع معك خلاص
لان بعد اللي صار بسبك انت اماني وفي صارو بالمستشفى واتوقع ان اماني
كرامتها ماراح تسمح لها تعيش مع واحد مثلك ما عنده نخوه بس انا في شي واحد حاب افهمه
من وين جايب كل الحقد والكره لاماني وهي تحبك
عادل بنسكار شديد:لا يا رائد كافي انحرمت من ولدي اللي ما شاف الدنيا
وهم بعد بتخلوني انحرم من اماني
رائد:هذا عقاب ربي لك والله ولا انا اختي يصير فيها كذا وبعدين تعال
الدكتور قال لي انه في اثر ضرب حزام على جسمها لايكون انتي ضرابها
عادل ناظر رائد
قرب رائد من عادل بعصبيه:ياواطي يلا اطلع برا ولا اشوفك هنا مره ثاينه
لاني لو شفتك برتكب فيك جريمه ولا ليه اضيع نفسي وادخل السجن عشان احد
ما يسوي قلت النخوه فيه يلا برا
ودف عادل الين طلعه برا المستشفى
وصار عادل بس يمشي بالشوارع وعيونه كلها دموع وهو ما شي شاف
نايف كل قاعد مع الشله ومر من عندهم بس ماجلس معهم وشافه نايف
وصار يقول للشباب:تدرون ان عادل عليه زوجه تقط الطير من السماء
وش رايكم كل واحد ياخذها ليله
وسمع عادل هذا الكلام وراح عن نايف وجلس يضرب يضرب فيه الى ما اغمى
عليه من كثر الضرب
وراح البيت ودخل غرفته ولقى كل شي فيها مكسر بسبب مقاومه اماني لنايف
رمى نفسه على السرير وشاف مذكرت اماني ومسكها وجلس يقلب في صفحتها
وفي كل صفحه اسمه واسمها واحلامها الى بنتها معه وكل شي كان بيصير بينهم
وفي صفحه من صفحتها كاتبه"انا الحين في كندا مع حبيبي وزوجي عادل
صحيح انه عصبي بس والله على قلبي زي العسل مع اني ازعل اذا صرت
اعاند فيه بس وش اسوي هو اللي يخليني اسوي كذا واللي مزعلني اكثر انه اليوم
ضربني عشان صديقه كذبني وصدقه هو بس مو مشكله الايام هي اللي بتعلمه من
الصادق ومن الكذاب وبصبر عليه الين يكتشف الحقيقه لاني احبه وما اقدر اتركه
ابد وان شاء الله الله يهديه واخر شي بكتبه ان الله ما يفرق بيني وبينه الا بالموت ياااارب
عادل بخاطره"تعلمت وعرفت من الصادق ومن الكذاب بس متاخره مرررره "
...
...
...
في السعوديه
بيت ابو متعب
ام متعب: متعب دق على خوانك شفهم
ابو متعب:خليهم يرتاحون طيب دقي عليهم باليل
ام متعب:لا الحين
ابومتعب:طيب دق عليهم
ودق متعب على رائد
متعب:الوووو
رائد:الوووووووو
متعب:وصلتوا بالسلامه
رائد:ايه
متعب حس ان رائد فيه شي من نبره صوته:رائد وش فيك وين في
رائد :هاه لا مافي شي في عند اماني وانا وعادل رحنا نشترى لهم اشياء
تدري حنا رحنا بدون ما يدرون وما عندهم شي ذا المعاريس كل شي من برا
تخيل حتى المويه ما عندهم
متعب وهو حاس ان رائد يكذب عليه:ههههههههه وانت راح تفتش بالبيت
رائد: وش اسوي للقافه هي متاصله
متعب: اجل يلا اخليك تشتري الى تبيه لاماني الله يعينها بتفضح بكندا والسعوديه
وسلم على عادل
رائد: ان شاء الله
متعب: مع السلامه
رائد:مع السلامه
ام متعب: هاه بشر
متعب: ما فيهم الى العافيه ورائد متشقق من الضحك
ابو متعب: شفتي بس انتي مع ذا الوسواس
ام متعب وفي شي بداخلها يكذب كلام متعب:تعرف الام لازم توسوس على عيالها
...
...
...
...
...
...
...
...
...
...
...
بكندا
رائد دخل عند في
جلس جنبها ومسك ايدها
في فتحت عيونها
ناظرت باخوها ودموعها نزلت
رائد قام ويمسح دموعها:بس حبيبتي لاتبكين
في ببكاء:اماني اختي ابي اشوفها
رائد خنقته عبرته:في اماني بغيبوبه مابتحس فينا
في حطت ايدها ع فمها وتشاهق:غيبوبه
رائد قام وحضنها:في خليك قويه
في دزته:لا لا اماني دخلت غيبوبه اختي قامت من السرير
رائد مسكها:في اهدي
في وبكائها مستمر:لا مابي بشوف اختي
رائد:في
في بصراخ:روح كلم الدكتور وقوله انا ابي اشوفها
رائد هز راسه بقله حيله لان في عنيده
وراح لدكتور
وبالعله اقتنع الدكتور
بس خمس دقايق
في ماقالت شي بس المهم تشوف اختها
دخلت عند اماني ودموعها انهار
جلست جنب اختها ومسكت ايدها وهي تبكي وتكلمها:اماني انا جيتك انا ورائد قومي عشان تروحين معانا مابنخليك عند عادل هو مايستاهلك ولا يستاهل حبك وناظرت بعلامه ضرب ومخش برقبه اماني وصدرها
وصوت بكائها صار يعلي:قلت لك منتي قده قلتي انك قده وهذا هو خلك تدخلين غيبوبه وخلي واحد من كلابه وماقدرت تكمل قامت ضمت اخته المنسدحه على السرير:اهئ اهئ اماني قومي تكفي قومي
احنا بدونك مانسوي اماني مانسوي
دخلت السستر شافت في حاضنه اماني قربت وسحبتها:خلاص انتهت الخمس دقايق
ناظرت باختها وقربت وطبعت بوسه ع راس اختها طويله ودموعها صارت ع وجه اماني وطلعت
ضمت رائد وتبكي بحراره
ورائد يحاول يمسك نفسه
في بشهاق:رائد اماني تعبانه ماردت علي انا كلمتها وماردت علي وابعدت عن رائد وصارت تحرك ايدينها بشكل هستيري:رائد عادل ضرب اختي انا شفت جرح برقبتها وزراق عادل خذ حق اماني منه
رائد مسك ايدينها:ان شالله بس اهدي ياقلبي اهدي
في كل ماتذكرت شكل اختها كيف كانت عندهم تضحك وصحتها زينه والحين مرتميه على السرير جسد بدون روح
وتبكي اكثر
رائد:في امشي نروح نستاجر لنا شقه
في:اول شي ودني لعادل
رائد:لا في لا
في بصراخ:مو بكيفك بعدها قالت بضعف:تكفي رائد تكفي
رائد كسرت خاطره اخته:طيب امشي
في مشت وركبو تاكسي وطول الطريق رائد يسمع صوت بكائها المستمر وقلبه يتقطع عليها
وصلو للفيلا
نزلت في تركض
رائد دفع لتاكسي ولحقها
في شافت الباب مفتوح ودخلت
وصعدت في
شافت عادل منسدح وضام دفتر اماني اللي تكتب فيه خواطرها
في عرفت دفتر اختها وجلست تبكي اكثر
رائد دخل الغرفه
عادل فز على صوتهم
وقرب لهم وبخوف:اماني صار لها شي
في قربت لها وصفقته كف قوي من قوته جرحت خد عادل:حقير وحيوان تسوي باختي كذا وتقول صار لها شي وشدت بلوزته وطاح الدفتر من يد عادل وطاحت صوره عادل من دفتر اماني
في طاحت بالارض وحطت ايدينها على وجهها وتبكي بحراره:اماني تحبك ليش سويت فيها كذا ليه
عادل واقف ومنزل راسه
رائد قرب لاخته:في قومي الحيوان يحس لكن هذا عمره مابيحس
في اخذت دفتر اماني
شالت الصوره
شافتها صوره لعادل
ومكتوب عليه من وراء
مجنونه عادل
وفتحت الصفحه الاولى
كانت كاتبه اماني
تســــــــولف هالبشر حولي وأنــــا معــهــم ولا يدرون~
نعم معهم ولكني جسد خــــاااااوي بليا روح~
على ضحگاتهم أضحگ وأبكي لو بعد يبكون~
أجاريهم أظن إني أبخفي شرودي المفضوح~
ينبهني صدى أسمي وعيني لإلتقت بعيون~
عيوني لو تناظرها گتــــاب للعشــــق مفــــتوح~
أمــــوت ليا طرى طيفك وليا صاح الولــــه بجنووووون~
تموت بثغري حروف تبعثر في مداها البوح~
شكى لي خاطري منك وقلبے اللي غدا مفتون~
لأن حبــــــــــــك قلب حالي ولكن يالغــــــلا مسموح~
لجل عينـــــــــك أنا راضي يكون اللي أبد ما يكون~
لعينك ترخص الدنيا مثل ما ترخص لها الروح~
أحبــــــــــــــــــــــــــــــك ما أبي أعرف أحبگ ليه أنا وشلون..؟!
أبي تنساني في ???قلــــبــــــگ???
أعيــــــش بداخلـــــه ماأروووح~~
في سكرت الدفتر وتبكي بحراره
رائد قومها:في قومي يكفي بكاء
في تناظر بعادل:طول عمرها اماني تحبك وتمنتك تحبها
بس للاسف انت دمرتها
ورمت الدفتر عليه
وطلعت مع رائد
عادل جلس بالارض وفتح دفتر اماني
وكان كل حرف بالدفتر عنه
فتح احد الصفحه
وجلس يقرائها
كانت كاتبه عن موقفهم بالمزرعه
كانت كاتبه حتى عن طفولتهم كيف كان يكرهها من طفولتهم
كانت كاتبه حتى عن يوم زفافهم كيف كسر قلبها عادل ولاحتى قال لها كلمه مبروك مثل اي عروس
كانت كاتبه"فوق قساوتك وكسرك لقلبي الا اني احبك واموت فيك ياعادل احبك موت لدرجه بسامحك على اي شي انت زوجي وحبيببي
كانت كاتبه عن الليله اللي نايف جاها بالليل
كيف كانت سعيده وفرحان بس عشان عادل صار حنون معاها ليله كانت كاتبه انها فرحانه
سكر الدفتر عادل وجلس يبكي"اآآآآه يا اماني ضيعتك ماكذب نايف لما قال انتي جوهره ثمينه جوهره ضيعتها بغبائي بحقدي بكرهي"
...
ببيت عبدالمجيد
منال اخذت دش ولبست
بنطلون جنز وبلوزه ضيقه
عاريه وتعطرت
وطلعت
شافت عبدالمجيد جالس وسرحان
جلست جنبه وهي مقرره تكسبه وتخليه يحبها
وبدلع:مجود
عبدالمجيد:..........
منال قربت منه اكثر وبدلع:مجود
التفت لها عبدالمجيد
وصار يناظرها فتره
وانسحر من ريحه عطرها
منال مسكت ايدها:شفيك
عبدالمجيد مد ايده ولمس خدها الناعم وبهمس:مرومتي
انصدمت منال طارت عيونها ودمعتها نزلت
حضنها عبدالمجيد وهو مو حاس بنفسه:احبك مرام احبك
منال دزته وتبكي:مرام مرام خلاص كافي انا منال مو مرام
عبدالمجيد حس بنفسه وماعرف شيقول
منال:عبدالمجيد ترا كذا مابنقدر نتحمل بعض انا تعبت اسمي نسيته وصرت بس تناديني مرام دامك تحبها لهدرجه ليش طلقتها
وقف عبدالمجيد ومشي لها:لانها هي طلبت هالشي ومرام لو تطلب روحي فدا لها
منال ماقدرت تتحمل كلامه وراحت تركض الغرفه وجلست تبكي
عبدالمجيد زفر
وطلع
ركب سيارته وحرك لبيتهم
وصل نزل
حصل ابوه
باس ابوه وجلس
ابو عبدالمجيد:شخبارك ياعبدالمجيد
عبدالمجيد:تعبان
ابو عبدالمجيد:سلامتك يابوك هونها
عبدالمجيد:من طلقتها وانا تعبان يبه تعبان
بدخلت هديل وبستهزاء:لا ياحرام تعبان والله ماتشوف شر
عبدالمجيد رفع حاجبه:الظاهر انك بديتي تنسين اني اخوك الكبير ياهديل
هديل:اوه معليش فاتت علي اقول انسي مرام خلاص انا رحت لها قبل يومين وكانت فرحانه ومرتاحه كثير ولا انت ع بالها
عبدالمجيد بحزن:نستني
هديل:وصرت من الماضي بعد
وراحت لغرفتها
عبدالمجيد نزل راسه
ابو عبدالمجيد:مرام ماهي من نصيبك ياعبدالمجيد فا انساها
عبدالمجيد:انسي روحي ولا انساها
ابو عبدالمجيد حب يغير السيره:مادريت ان تركي خطب بشاير
عبدالمجيد:جد
ابو عبدالمجيد:ايه بس اختك لما الحين ماردت
بدخلت بشاير:لا يبه انا موافقه
ابو عبدالمجيد:فرحتيني يابنتي
عبدالمجيد:تركي خوش رجال وبيسعدك
بشاير بخاطرها"اي واضح" ومشت
...
...
...
...
...
...
...
...
...
ببيت ابو متعب
متعب سحب نفسه من عند امه وابوه
وطلع برا
اتصل برائد لانه مو مقتنع بكلامه وحس من صوته ان فيه شي
...
...
بجهه ثانيه
رائد جالس بالصاله بالشقه اللي استاجرها
وفي نامت على رجوله من كثر مابكت
رائد كان يمسح على شعر اخته
دق جواله
شاف المتصل متعب
تنهد وهو كان عارف ان متعب ماراح يصدقه
رائد:الو
متعب:الو رائد يالله قول لي اماني شفيها
رائد:شقول اماني حمدالله بخير وعادل حبوب معاها
متعب بصوت عالي شوي:رائد قول الصدق لاتكذب
رائد زفر
وقال لمتعب كل شي
متعب بصدمه:غيبوبه
رائد:ايه يامتعب وفي منهار حيل
متعب:يارائد امي لسألتني شقولها
رائد:لاتقولها يامتعب
متعب:ان شالله انتبه لفي
رائد:ان شالله فمان الله
متعب:فمان الكريم
....
متعب قفل من رائد وضيقته ضيقه
سند ظهره على الجدار ويفكر بكلام رائد وان اماني بغيبوبه
تنهد وهو يقول:يارب احمي اختي يارب وقومها بالسلامه
حط جواله بجيبه لف عشان يدخل رفع راسه وانصدم
وو انتهى البارات
/
/
/ توقعاتكم
من الى سمع مكالمه متعب ورائد؟
هل معاملة عادل بتتغير لاماني بعد الى صار لها ولا بس يسوي كذا من خوفه ؟
هل قرار زواج بشاير بيرجع علاقتها بالى حولها مثل اول لا راح تكون مثل ماهي؟
هل منال وعبد المجيد راح تظل مثل ماهي ولا في شي بغير عليهم حياتهم؟
تجميع زهور حسين
رواية هدمت حياتي بيديك وجاي تقول ندمت وش يفيد ندمك
الكاتبات : غلا نفسي مكفيني & تؤام روحي(h+s) & بنت السعوديه حلاها غير
((2))
البارت السادس عشر
....
متعب قفل من رائد وضيقته ضيقه
سند ظهره على الجدار ويفكر بكلام رائد وان اماني بغيبوبه
تنهد وهو يقول:يارب احمي اختي يارب وقومها بالسلامه
حط جواله بجيبه لف عشان يدخل رفع راسه وانصدم
من شاف امه وبربكه:ييمه
ام متعب ودموعها على خدها:بنتي دخلت غيبوبه
متعب قرب لامه:لا يمه جارتهم
دخلت
صرخت فيه امه:لاتكذب وجلست تبكي:ياحسرتي عليك يابنتي
متعب جلس جنب امه وحضنها:اهدي يمه واماني بتقوم ان شالله
ام متعب ظلت تبكي وطلع ابو متعب شافها تبكي ومتعب حاضنها
قبضه قلبه وقرب وبخوف:متعب
متعب رفع راسه وشاف ابوه وزاد خوفه
ام متعب ابعدت عن متعب وقفت قدام ابو متعب:بنتنا دخلت غيبوبه يابو متعب بنتنا بسبب ولد اخوك دخلت غيبوبه
ماصار لهم شهر متزوجين وسوا ببنتي كذا
ابو متعب دمعته خانته ونزلت
اماني روح بيتهم
بنتهم الهاديه
بنتهم الكبيره اول فرحتهم الحين بغيبوبه
متعب:يبه لاتبكي يبه خلك قوي
ابو متعب:احجز لنا لكندا
متعب بحزن:ابشر يبه وطلع
ابو متعب حضن ام متعب المنهاره يهديها
..
..
..
..
..
..
..
..
..
..
..
..
..
..
..
..
..
..
بكندا
عند عادل
صحى من النوم
وشاف دفتر اماني اللي حاضنه
قام اخذ دش
وطلع ركب تاكسي
وراح المستشفي
وطلب من الدكتور يدخل يشوف اماني
الدكتور وافق
دخل عادل
جلس جنب اماني مسح على شعرها وبهمس:حبيبتي ماحد بيفرقنا انا اوعدك
وكل شي بيتصلح لقمتي ان شالله
وبيصير عندنا عيال وماعاد بضربك
ودموعه نزلت :اماني انا احبك ايه احبك كنت اخفي حبي بقسوتي عليك كنت احاول امنع حبي لك لايكبر بس كان حبي لك يكبر ويكبر
كنت لشفتك ترتجف كل خلايا جسمي
قلبي يفز لك ويناديك قربك مني لصرتي بحضني احس برجفه قلبي يصيح يبي احضانك تضم احضاني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك