رواية ويبقى خالد -25
اسراء : يمه انا بخير الحمدلله ، انتي شلونج ؟!
ام عبدالعزيز : الحمدلله يـ بنيتي ، شلون خالد ؟
اسراء : الحمدلله ، خالد بخير ..
ام عبدالعزيز : عسى مستانسة ؟
اسراء : الحمدلله ، مستانسة
ام عبدالعزيز : اشتقتلج والله ، مكانج مبين بـ البيت .. وينج و وين ولدج
اسراء : يالله ان شاء الله نزوركم ..
ام عبدالعزيز : شلون وليد ؟
اسراء : والله زين ، كاهو يمي يلعب
ام عبدالعزيز : الحمدلله
ودخل خالد ..
اسراء : يلا يمه ، اخليج الحين شوي ..
ام عبدالعزيز : يلا يمه سلمي على خالتج
اسراء : يوصل ان شاء الله ، مع السلامه
ام عبدالعزيز : الله يسسلمج يمه
اسراء : خالد ؟ وين رحت و خليتني ؟
خالد : و هالدلوع ليلحينه عندج !
اسراء : يعني وين اوديه ؟!
خالد : نوميييه
اسراء: حرام عليك خالد ، جذي يكرهك
خالد : ماعلينا ... غمضي عيونج حبيبتي
استغربت اسراء: ليش ؟
خالد : انتي غمضي
و غمضت عيونها
خالد : لاتفتحيينها
اسراء و عيونها مغمضه : ان شاء الله
حط خالد ايده على عيونها عشان يتأكد بنفسه ..
وطلع مفتاح السيارة و حطاه جدامها ..
خالد : فتحي عيونج
فتحت اسراء عيونها لقت جدامها مفتاح الـ بي ام !!
اسراء : خالد هذا حقي !!!
خالد : اي يا عمري حقج ..
قرب خالد منها و لمها حييييل و لصقت انفاسه بـ انفاسها و طبع بوسه على خدها ، استحت اسراء حييييل و ويهها صار احمر ونزلت راسها ..
خالد : ويهج صار احلى لما استحيتي
اسراء : بس خالد ترا استحي
خالد : يا حلاتهم لما يستحوون ، تعالي شوفي سيارتج ..
وقربت من الدريشة و شافتها ، كانت روعه و موديل السنة ..
اسراء : اتينن خالد .. ماقصرت حبيبي
خالد : ماتغلى عليج .. يلا ، قومي لبسي بنطلع
اسراء : وين ؟
خالد : بنتغدى برة
اسراء : يلا اوكي .. يلا حبيبي وليد تعال
خالد : لااا ، بنطلع بروحنا
اسراء : و وليد ؟ وين اخليه ؟
خالد : خليه عند امي .. مابيه يخرب علينا طلعتنا
اسراء : خالد لااا ، قلبي ما يطاوعني
خالد : خليييه ترا ماراح يصير فيه شي .. احنا محتاجين نكون بروحنا شوي
تنهدت : ان شاء الله ، بخليه ..
وبعد ما ردوا من المطعم مستانسين ..
اسراء : حبيبي خالد ، بمر عند امي شوي
خالد : الحين ؟!
اسراء : اي
خالد : لا الحين ظهر مو وقت زوارة ، نطري العصر
اسراء : امم .. احسن بعد ، عشان آخذ وليد معاي
خالد : هالوليد هذا .. صاير دلووع و شيطان ، ماكان جذي
اسراء : يمكن لأنك مو متعود عليه ، لي تعودت عليه بيلصق فيك 24 ساعه
ودخلوالبيت ..
اول ما دشت اسراء البيت كان ماسكها خالد ، شافت جدامها ام عبدالله ماسكه وليد وكان ساكت ، و اول ما شاف امه بجا ..
وليد : مامااا
اسراء : هلا والله حبيبيي .. ( حاولت تهد خالد عشان تروح تاخذه لكن شد خالد على ايدها و مسكها حييل يعني لاتروحين )
ام عبدالله : ليش تبجي ؟ توك شزينك ولا تبي امك ؟!
خالد : يا دلووع امك انتاا تعال ، ( و خذاه و باسه على خده ) شلونك وليدان ؟
وليد : ماماا
خالد يقلد نبرة صوته : ماماا ، هاج يا ماماا اخذيه
خذته اسراء و لمته و باسها و سعبل عليها
خذته و صعدت فوق مع خالد ..
اسراء : واي حبيبي وليد فقدني ، شوفه مو راضي يهدني
خالد : يحبج شلون يهدج
اسراء : اخذه مني شوفه اييلك ؟
خالد : وليدان تعاال
وليد : مااا
خالد : ماا شنو بعد ؟
اسراء : هههه ، يعني مابي
وليد : أبـّه ( بوسه ) ماماا
اسراء : عسسل عسسل والله ، يالله حبيبي قوم ألبسك عشان نروح عند دودا
وليد : دوداا
خالد : عشتو يعرف بعد
اسراء : ايي كشخه ولدي يعرف
خالد : وليدان منو انا شسمي ؟
وليد : باباا
خالد : عفيه ع الشاطرر
اسراء : اي خلك جذي مو تغار منه
خالد : اخ بس لو يصير خوش ولد ما اغار منه
اسراء : الله يعينك عيل ، يلا ماما تعال ألبسك
خالد : انا بنزل تحت انطرج
نزل خالد الصاله عند امه و فاطمه
فاطمه : يمه ، شصار على زواجي ؟
ام عبدالله : صبري صبري ، ليش مستعيله ؟
خالد : مستعيلة البنت ، اي زوجيها و افتكي ..
فاطمه :يمه أول كنتوا تنطرون متى تهدى سالفه خالد ، و كا خالد الحين رد لها و خلاص
ام عبدالله : خلاص خلاص ، يصير خير ..
خالد : يمه ترا معاها حق ، صارلها الحين تقريبا سنه مالجه .. خليها تستانس
ام عبدالله : خلاص ، اتفقي معاه ع العرس .. شوفوا متى تبونه
فاطمه : صج يممه !
ام عبدالله : اي اي كليتي قلبي ، سوي الي تبينه
قرربت منها و باستها على راسها
خالد : طلعت المحبه الحين هاا
فاطمه : ولييه خلوود مو وقته
خالد : مبروك مبرووك
فاطمه : الله يباارك فييك ( و راحت دارها ركض )
خالد : مسكينة ، مو مصدقه
ام عبدالله : و انتا شمنزلك ؟ روح اقعد عند مرتك
خالد : لا قاعد انطرها ، بتروح عند امها
ام عبدالله : ايي .. سلم على عمتك
خالد : الله يسلمج
و نزلت اسراء و معاها وليد
اسراء : شلونج خالتي
ام عبدالله : هلا يمه
اسراء : يالله خالد ، خلصت
خالد : يالله مشينا
ماصدقت فاطمه على الله و بسرعه راحت و اتصلت على محمد ..
محمد : اووه اوووه ، من وين طالعه الشمس اليوم ؟!
فاطمه بـ حيا : حمودي عندي لك خبر حلوو
محمد : بشريني ؟
فاطمه : امي قالتلي اتفقي مع محمد وشوفوا متى تبون العرس
محمد : صج والله ؟ واخيرا !؟
فاطمه : ايي ..
محمد : والله اذا تبين رايي ، انا ودي باجر
فاطمه : باجر :\ شرايك بعد شهر؟!
محمد : شوفي انتي شنو الي يناسبج ، ما اعرف سوالفكم انتوا يا الحريم
فاطمه : ههه .. لا لاتخاف ، شهر كافي
محمد : كيفج ، الي تشوفينه
بيت بو عبدالعزيز :
ام عبدالعزيز : تو ما نور البيت والله
اسراء : منور بـ اهله
ام عبدالعزيز : شلونك يمه خالد ؟
خالد : بخير عمتي .. و انتي شلون صحتج ؟
ام عبدالعزيز : الحمدلله ، وين وليد ما اشوفه ؟
اسراء : خذته نور ، ماتخلييه ادري فيها
ام عبدالعزيز : ايي تحب اليهال
اسراء : الا وين اسوم ؟
ام عبدالعزيز : قطت عيالها هني و طلعت
ودخل عزيز ..
عزيز : اووه خالد عندنا ، شلونك بو وليد
خالد : هلا والله عزيز
عزيز : هلا فيك .. شـ الاخبار
خالد : بخير الله يسسلمك ، شخبارك
عزيز : والله تمام ، من سيارته اليديدة الي صافطه برة
اسراء : سيارتي
عزيز : اووه ، كشخه .. عاد تصدقين كنت باخذ مثلها ؟ بس هونت قلت باخذ سبورت
اسراء : اشوه انك هونت ، اصلا مو مالت ناس ميانين ، مالت ناس تسوق بركاده
عزيز : هههه ، عليج بـ العافيه ، يعطيج خيرها و يكفيج شرها
خالد : عاد تصدق ، لي الحين ماساقتها ،
عزيز : ههه ، قص عليج خالد خذاها حقه
اسراء : وين بروح يعني ، و سيارتي يعني سيارته عدل حبيبي ؟
خالد : عدل يا قلبي انتي
و عقب سوالف .. ردوا البيت ،
قعدت اسراء ع الفراش و خالد يمها يحاول ينام و وليد قاعد يسولف و يخربط و اسراء معاه ..
خالد : بسس سكتوا بنام وراي دواام
اسراء : حتى انا وراي دوام
خالد : يلا سكتييه نوميه بنام
اسراء : يلا انزين .. وليد حبيبي يلا نوم ، ماشبعت لعب و سوالف ؟
خذته و حطته بـ سريره ، قعد يسولف بروحه بهدوء لما نام ، حست اسراء بـ الهدوء و عرفت انه نام ، غطته عدل و باسته و نامت ..
sweet memy
البارت الرابع و العشرون :
صبح هادي و الكل بـ دوآمه يشتغل ، و اليهال ناصر و وليد عند ام عبدالله يسلونها ..
و عند خالد :
جاسم : وينك انت ما شفتك صارلي مدة
خالد : تدري ، معرس يديد
جاسم : شدعوة نسيتني يعني
خالد : خلني استانس بـ الاول بعدين افضالك
جاسم : افاا والله افاا
خالد : انت عزيز و غالي .. بس اسكت شوي عندي شغل لازم اسويه
جاسم : مو جذي يجعمون
...
كانت اسراء منهمكة بـ الشغل ، و كل شوي تفكر بـ وليد و تتصل عليه ، و تفكر بـ خالد .. و لما صار وقت الطلعه ..
طلعت من الدوام و حست ان في احد يلحقها ،
اسراء : هالسيارة لاحقتني من أول ما طلعت من الدوام ، منو هذا ؟ شيبي بعد ؟ صج مالي خلق مشاكل ..
خذت الفون و اتصلت على خالد ..
خالد : هلا حبيبتي
اسراء : خالد وينك ؟
خالد : كاني دقايق و اوصل البيت
اسراء بتردد : اممم .. اوك ،
خالد : شفيج ؟ّ! صوتج متغير ؟
اسراء : لاا لاا ماكو شي !
خالد : امم .. اوكي
سكرت الفون ، ترددت و ماقدرت تقول حق خالد ، انربط لسانها و سكتت .. و وصلت لي البيت و السيارة وراها ! و لمحت خالد ياي وماتت من الخوف ..
خالد : منو هذا ؟ من مساع و انا اشوفه يلحقها ؟ ليكون ..!
و صفطت اسراء و نزلت و لحقها لي باب السيارة ..
... : تعالي يا حلوة تعالي
ماعطته اسراء وي و مشت
شاف خالد المنظر جدام عينه و عصب حيييل واشتعلت نار الغيرة بقلبه و نزل بسرعه من السيارة و راح له ..
خالد : دشي داخل !!
دشت اسراء داخل بسرررعه و قلبها يدق حيييل و صعدت فوق و طلت من الدريشه ،
شافت خالد واقف مع الريال و خافت و قعدت ع السرير تنطر خالد ..
ودخل خالد ..
و وقفت اسراء و الخوف مسيطر عليها ..
خالد : قله ادب !!
سكتت اسراء ..
خالد : ليش ماقلتيلي يوم دقيتي علي انه لاحقج ؟!
اسراء و الخوف مسيطر : مممادري .. دقيت عليك و كنت بقولك ، بس ترددت و خفت
خالد بعصبيه شوي : شتخافين منه !
دمعت اسراء و سكتت ، لمح خالد دموعها و قرب منها و بهدوء ..
خالد : ليش هالدموع ؟ انتي ما سويتي شي غلط ..
قربت منه اسراء و دفنت راسها بصدره و مسح على شعرها و باسها على راسها
خالد : اشوفج حبيبتي ، رفعي راسج
شافته و مد ايده و مسح دمعتها ..
خالد : مابي اشوف هـ الدموع ، دموعج غاليه ، و باسها على خدها
اسراء : --
ولمها خالد : حبيبتي شفيج ؟ في شي ثاني صاير بعد ؟
هزت اسراء راسها يمين و يسار يعني لا
خالد : عيل ليش تبجين !
سكتت اسراء
خالد : تعالي انسدحي ارتاحي ..
انسدحت ع الفراش و قعد يمها خالد و مسح على شعرها لما نامت ..
وبعدين نزل للغدا ..
و ع الغدا :
ام عبدالله : خالد ؟ وين اسراء ؟!
خالد : تعبانه و نايمة
ام عبدالله : شفيها تعبانه ؟
خالد : تعبانه شوي من الدوام
ام عبدالله : امممم ..
وليد : بااباا
خالد : نعم بابااا
وليد : ام
خالد : ان شاء الله الحين اعطيك ام ..
وعقب الغدا :
خالد : وليدان يلا تعال فوق
و شاله خذاه فوق معاه ..
دخل خالد الدار و كان شايل وليد ..
وليد بلهفه : مامااا !
خالد : اووشش ، ماما نايمة
وليد : وينا ماماا ؟
خالد : ماماا نايمة .. تعال نقعد بـ الصاله
وقعد معاه بـ الصاله و فتح له التلفزيون و ظلوا يشوفون بابايات مع بعض لما حس خالد بـ النوم و غمض عيونه
وليد يطق خالد على خفيف : بابااا
خالد : نعم بابا
وليد : توف
خالد : شنو توف
وليد : تووف
خالد : ششوف ؟
وبجا وليد
خالد : بس وليدان لا تبجي .. تعال تبي تنام ؟
و قعد وليد يفرك عيونه و يتثاوب ..
خالد : يلا تعال نام ، ( و شاله و حطه بـ سريرة و نام ، و نام اهوه يم اسراء )
وبعد فترة قعدت اسراء و لقت خالد نايم يمها ، قامت خذت لها شور ولما طلعت لقت خالد قاعد من النوم ..
خالد : شلونج الحين حبيبتي ؟
اسراء : الحمدلله
خالد : زين ،
اسراء : خالد وين وليد ؟
خالد : نايم
اسراء : ويي نام ، تغدى ؟
خالد : اي تغدى ،
اسراء : بروح اقعده ، مابيه ينام وايد عشان ينام عدل الليل
و سمعت صوت بجي ..
خالد : كا قعد بروحه .. روحي شوفيه ،
وراحت تشوفه ،
بغرفه فاطمه :
فاطمه : منو بعد ما عزمته ؟ ان شاء الله ما نسيت احد ..
ورن فونها ،
فاطمه بحيا : الو
محمد : يا حلاة الـ الو منج
سكتت فاطمه من الحيا
محمد : شلونج قلبي
فاطمه : الحمدلله ،
محمد : دوم ان شاء الله ، شتسوي الحلوة ؟
فاطمه : ارتب بطاقات العرس ، و احاول اني ما انسى احد
محمد : فطومة حبيبتي لا تعزمين وايد ، مابي وايد ناس تشوفج اخاف عليج
فاطمه ماتت من الحيا : تخاف علي حبيبي ؟
محمد : وشلون ما اخاف على قلبي ؟
فاطمه : بس حمودي والله استحي :$
محمد : يا حلاة الي يستحون والله
و يوم العرس ،
طلعت اسراء أحلى وحده من بين الحضور .! شكلها كان روعه بـ معنى الكلمه ، ملابسها تبين جسمها المتناسق و المكياج مبين ملامح ويهها و بارز جمالها ، اما فاطمه ، فـ كان حلمها هـ اليوم ، كانت حييل حلوة و تجذب الانظار ، و ابتسامتها محليتها اكثر .. مشت بخطوات جريئة لي الكوشه و قعدت و ابتسمت ابتسامه كبيرة و شافت الحضور .. الكل كان منبهر من جمالها و ثقتها وجرأتها ، و بدا قلبها يدق يوم سمعت خبر دخلة المعرس ..
ماصدقت ان اليوم بتعيش مع محمد بـ بيت واحد ، واخيرا يتحقق حلمها ..
دخل محمد و الابتسامه مرسومه على ويهه و مجموعه من الرياييل وراه يزفونه .. كان وده يركض بسرعه و يروح يبوس فاطمه و يلمها حيل ، لكن صبر لما وصل .. وقفت فاطمه و باسها محمد على راسها و انصبغ ويهها بـ اللون الاحمر .. حست بشعور مو طبيعي ، كان باين عليهم الفرح و السعاده ..
ام عبدالله و دموعها تسيل : الله يتمم عليكم يارب
وعقب العرس ..
ردت اسراء البيت و كانت تعبانه شوي من العرس ، لقت وليد نايم قربت منه و باسته و غطته عدل ..
خالد : تدرين منو أحلى وحده اليوم بـ العرس ؟
اسراء سكتت شوي : احلى وحده ! ليكون قاعد تشوف الحريم الحلوين !
خالد : و انا اقدر اشوف و عندي جمال ملائكي ؟
استحت اسراء و نزلت راسها ،
خالد : كنتي أحلى وحده اليوم .. احلى من فطووم
ماتت من الحيا ، ليلحين ماتعودت على كلام خالد الحلو ، دوم تستحي منه و من كلامه ..
اسراء : يالله حبيبي انا بغير ملابسي و بنام .. احس اني تعبانه و بطني يعورني ، الظاهر رقصت وايد ،
خالد منصدم : شنو !! رقصتي ؟!
اسراء بـ استغراب : اي ؟
خالد : من سمحلج ترقصين !
اسراء بدلع : يعني ما تبيني ارقص بعرس اختك ؟ ترا مو احد غريب
تنهد خالد : اخر مرة
اسراء ابتسمت له : ان شاء الله يا بعد عمري
خالد : يلا انا دخت بعد بنام ، وراي دوام
مرت 4 شهور من رد خالد لـ اسراء ،
رد خالد من الدوام و شكله متضايق ، حست اسراء فيه ..
اسراء : شلونك حبيبي ؟
تنهد خالد : الحمدلله
اسراء : شفيك حبيبي ؟
خالد : مافيني شي ..
اسراء : مبين من عيونك ، خاش عني شي ؟
تنهد اكثر : بعدين اقولج .. امشي الحين نتغدى بعدين يصير خير ،
وعقب الغدا ،
خالد : سمعيني حبيبتي ، عندي سفره مع الدوام ، و لازم اسافر
اسراء مصدومه : تسافر !!
خالد : اي ..
اسراء : و تخليني بروحي !! لاا خالد ، انا ما اقدر على فراقك ، مستحيل تخليني بروحي !!
خالد بهدوء : حتى انا والله مابي اخليج بروحج ، ما اقدر على فراقج .. خصوصا ان الفترة مو شوية .. شهر
اسراء تحاول تستوعب الي يقوله خالد : ششهر ! خالد انتا من صجك ؟! ماتروح !
تنهد خالد : مو بكيفي يا حبيبتي ..
زعلت اسراء و لفت ويهها و تنهدت
قام خالد و قعد يمها و حاول يفهمها : حبيبتي سمعيني .. والله مو بيدي ، و لو بيدي جان ما خليتج ! لكن شسوي ..
اسراء : --
خالد : صدقيني ما اقدر على فراقج ، بتعذب بغيابج و بشتاقلج كل دقيقه و ثانية ،
اسراء : --
خالد : ماراح انساج وكل يوم بدق عليج وبسأل عنج .. و ان شاء الله ماراح اطول
لفت ويهها وصارت عينها بعينه ، ماقدرت تتحمل أكثر و لمها خالد حيييل و دموعها تسيل على خدها الناعم ..
اسراء بصوت مقموت ممزوج بالدموع : خالد لا تخليني بروحي تكفى ، انا مو مرتاحه حق هالسفره
خالد : حبيبتي شفيج ، لاتخافين و ماكو الا الخير .. و انا رايح شغل مو رايح استانس
شالت راسها من صدره و مسحت دموعها : قلبي مو مرتاح .. خالد لا تسافر
خالد : يا حياتي قلتلج مو بكيفي ، كلها فترة و تعدي ، يلا مسحي دموعج ما احب اشوف هالدموع على ويهج الحلو
مسحت دموعها و حاولت تهدى ، و اقتنعت شوي شوي بسفر خالد .. لكن قلبها كلش مو مرتاح حق هالسفرة ..
و بعد اسبوع ،
خالد : تعالي ساعديني بجهز جنطتي
اسراء هزت راسها بصمت
ماعجبه خالد حالها ، حس ان طول الفترة الي بسافر فيها بتبقى اسراء على هالحال
خالد بقلبه : الله يعيني و يعينج ،
خذت ملابس خالد و حطتهم بـ الجنطة .. تذكرت مداليه حلوة خالد شاريها لها هديه حطتها بين ملابسه عشان اذا شافها يتذكرها ،
وليد مسك كاب : ماما اتيي ( ماما حطي )
اسراء : ان شاء الله ماما
خالد : ها حطيتي كل شي ؟ مانسيتي شي ؟
هزت راسها و بصوت واطي : اي
تنهد خالد : بس عاد والله ضيقتي خلقي ، ما احب اشوفج جذي
قرب وليد من خالد : أبـّة بابا ( بوسه )
خالد : حبيبي انتا ، يلا بابا قوم البس عشان نروح ديد
وليد : ديد ؟
خالد : اي يبه ديد ، يلا قومي لبسي و لبسيه بنطلع
تنهدت اسراء : مافيني اطلع
خالد : يعني ما تبين تطلعين معاي قبل لا اسافر ؟!
سكتت شوي : يلا وليد تعال البسك
شافها خالد و هز راسه يمين و يسار و قال بقلبه :لا حول ولا قوة الا بـ الله ، شسوي والله مو بيدي ،
و بـ السيارة :
السكوت طاغي ع المكان ما عدا صوت وليد و سوالفه الغير مفهومة ، مسك لعبه و قعد يلعب فيها و بالغلط حاشت عينه و بجا وليد
خالد : ها ها شفيك ؟
وليد ( يبجي ) : بابااااا
خالد : ها بابا شفيك تبجي ؟ شوفييه ليش يبجي
تنهدت : تعال ماما شفيك
وليد : اتيي انيي
خذته و حطته بحضنها و مسحت على شعره لما هدا .. و قعد يتعبث بـ الرادو و السي دي و الليت و اسراء تشوفه و مو عاجبها تصرفه
خالد : لا بااباا شيل ايدك لا تتعبث
وليد : مااا ( مابي )
خالد : عيب قول ان شاء الله
وليد : ماا
خالد : يا الشيطان انتاا
اسراء صرخت : بسس وليييد !! اسكت دوختنا و اقعد عاجل !!
شافها وليد و بجا
خالد : بس حبيبي تعال (خذاه و حطه بحضنه) ، شفيج عليه ؟ ياهل ترا
اسراء : مالي خلقه ! صاير وايد شيطان !!
خالد : انزين هدي هدي ، شوي شوي لاتعصبين
تنهدت اسراء و دفنت راسها بـ ايدينها مدة
شافها وليد و بجاا : ماماا أبـّه (باسها )
انكسر خذته و لمته حيييل : بس حبيبي اقعد ولاتصير شيطان
خالد بقلبه : مالها خلق شي ، حتى وليد عصبت عليه .. يا بعد عمري والله لي هالدرجه تحبيني و ماتقدرين على فراقي !
وبعد ما طلعوا و حاول خالد يطفرها شوي و يونسها رجعوا البيت ..
و يوم السفر ..
اسراء تحاول تمسك دموعها : خالد حبيبي ، لاتنسى اول ما توصل دق علي طمني لاتخليني احاتي ، و دير بالك على نفسك مابي يصير فيك شي زين حبيبي ؟
خالد : الله يهداج شفيج جني ياهل قاعده تنصحيني .. والله ادري بدق عليج و بطمن لا تحاتين انتي بس ،
تنهدت اسراء : خايفه عليك وايد
خالد : لاتخافين يا حبيبتي ،
ورن فون خالد
خالد : هلاا جاسم
جاسم : يلاا انا ناطرك تحت انزل بسرعه
خالد : يلا يلا كاني ياي ..
خالد : يلا حبيبتي ، اخليج الحين
ماقدرت تمسك دموعها اكثرر ،
اسراء بصوت ممزوج بالدموع : خاااااالد ( و طاحت على صدره )
خالد يمسح على شعرها : بس حبيبتي ، صدقيني كل شوي بدق عليج و بسولف معاج ، ديري بالج على نفسج و اذا تبين اي شي قولي .. وين وليد ؟
وليد : بابااا
خالد : عيوون باباا انتاا .. تعال حبيبي ، بشتاق لك و بشتاق حق شطانتك
خذاه و لمه حييل و باسه على خده
خالد : يلا جاسم ينطرني تحت ..
تسافر لـ آخر الدنيا و تطلب مني مـآ اشتاق ؟
تدور راحتي و انتا تبي تروح و تخليني
شسوي بـ صورتك عندي شسوي بكل هـ الاوراق
اذا يغنيك عني شي فـ لا شي عنك يغنيني !!
شسويله وله قلبي على قلبك وصدري ضاق
شسوي ان صارت الدنيا صغيرة بعدك بعيني
من اشرح له من احكي له
من اشكي له ألم الفراق
و من غيرك في هالعالم يعرف شلون يهديني
تسافر لـ آخر الدنيا و تطلب مني ما اشتاق
تدور راحتي و انتا تبي تروح و تخليني
تخيل غيبتك عني ، تخيل حرقه الاشواق
وتعرف لييه اترجاك ايدينك تبقى بـ ايديني
حبيبي لا تخليني ، عذااب الوحده ما ينطاق
ذبحني الخوف من فرقاك ، و ياليتك تحس فيني
وراح خالد ، وظلت بروحها تعاني اللوعه و الفراق ..
فراق الحبيب شي مو سهل ، وبدت مأساتها و آلآمها ..
sweet memy
البارت الخامس و العشرون :
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك