رواية اعشقه وصعب أنساه لاني نسيت أنساه -24
البارت الرابع و العشرون
شفتك وفعيونك حُزن
ما كنت أظن إنّي بسبب لك ألم
وليت الندم يقدر ينسيكِ اللّي صار
شفتك وفعيونك عتب .. أو هو غضب
خلى حياتي عذاب
كن الزهر يحجب عن عيوني النهار
يا بسمتك .. أوهب حياتي لبسمتك
في نظرتك .. يا ضحكتك
أسمع صداها ضحكتك
تروي ظماي .. ترسم هناي
يا ليتني كنت الأمل وأمسح دموع العاشقين
يا ليتني كنت الهنا وأشرق على القلب الحزين
وأنثر على دروبك حنان
وأقدر أنسيكِ اللّي كان
يوسف من غير لا يحس قال اسم المرسل: ماغي؟؟؟؟؟
العنود باستغراب ردت بالاسم: ماغي؟؟
يوسف حس باللي سواه و نزل موبايله: مجرد اسم مستعار.. لـ.. لصـديق..
العنود: تظن اني غبيه يا يوسف؟
يوسف: و ليش تظنين هذا الشيء؟؟
العنود: في مجتمع صغير و ممل مثل مجتمعنا صعب ان يكون هناك شخص ما يعرف بنادي العشـاق..
يوسف رفع حاجبه و رجع ظهره لورا: و انتي ايش اللي عرفك فيه؟
العنود: كنت في جلسه سيدات مجتمع مع امي من كم سنه و سمعت فيه .. و بعدها ارسلت لهم كم شغله و الله يجزاهم خير ردوا علي بالنصح و الفايده..
يوسف: و اللي ردت عليك ماغي؟
العنود هزت راسها بالنفي: لا عضوه ثانيه هي اللي ردت لانهم يشاورون ماغي بس و يردون بالجواب بعد فتره.... ولهذا السبب انا مستغربه انك تكلمها و على الايميل..
يوسف: كانت عندي مشكله من مده مع خوله و ارسلت لها، و ردت علي بنفسها ... بس ما اعرف السبب..
العنود: وهذي المشكله هي ؟
يوسف: مشكله قديمه.. وانتهت......... تعرفين من هي ماغي؟؟
العنود بتفاجا: اكيـد لا؟؟
يوسف: ماغي هي خوله زوجتي ...
العنود رفعت حاجبها باستغراب: ماغي خوله؟ مستحيل..
يوسف: وليش مستحيل انا استنتجت هذا الشيء من خلال كلامي معها ..
العنود: بس نادي العشاق / منتدى تأسس من مجموعه بنات كويتيات ... و ماغي هي اللي تقول هذا الشيء..
يوسف توسعت عيونه من الصدمه: كويتيات؟؟
العنود: تقدر تتاكد من لهجه ماغي...
يوسف ابتسم و بعدها ضحك: يعني ماغي.. ماهي خوله؟
العنود: اكيد..
من غير تردد يوسف سحب موبايله و ارسل رده بسرعه كبيره..
-
يوسف
اهلا اهلا....
ايش اللي ذكرك فيني بعد كل هذا الوقت؟؟ مستحيل اكون وحشتك يا سيده الحب..
-
-
ماغي:احـلى شيء فيك انك ذكي على عكس اغلب الناس اللي اتكلم معهم.... لمحتك صدفه من شوي في المول..
و كانت معك وحده.... هذي زوجتك الجديده؟؟
-
-
يوسف:
زوجتي الجديده؟ و كيف استنتجتي هذا الشي؟
-
-
ماغي:
اذا تظن اني ما توصلني اخبارك فانت غلطان... انا اعرف انك انفصلت عن زوجتك الاولى واللي كنت تسالني عنها و الحين متزوج بنت عمك و اللي كانت موضوع اول رسايلنا..
-
-
يوسف رجعت له مخاوفه من انها خوله و لا شلون وصلت لها اخباره الشخصيه..
-
كلامك ماهو صحيح ماغي.. انا ما تزوجت فاتن....
-
-
ماغي:
مافي داعي لذكر الاسماء من جديد... و ثانيا اذا ما كنت متزوج فاتن... ليش منتشرف في ثلاث ارباع المجتمع انكم متزوجين و انك طلقت خوله..
و انا كنت ناويه اتأكد بعد ما عرفت بالشيء
-
-
-
يوسف انفجر غضب و رفع عيونه لاخته: من اللي قايله اني متزوج فاتن؟؟؟
العنود باستغراب: ايش؟؟
يوسف بعصبيه: العنود... تكلمي... ولا ترفعين ضغطي اكــثر..
العنود بتوتر: ما اعرف... بس الهنوف كانت تقول انه لو ان الناس بدت تتكلم عن طبيعيه العلاقه بينكم ممكن انك تنجبر و تتزوجها...
يوسف ضغط على يده بقوه و قام من مكانه...: مشينا..
العنود: يوسف ارجوك.. لا..
يوسف: مشــيناآآ !!
العنود بخوف و قلق في نفس الوقت قامت من مكانه و تبعته لحد ما دفع الحساب و طلعوا...
-
-
في نفس الوقت و في مول ثاني.. الجود كانت تتمشى مع فاتن طبعا الجود كانت متزينه كانها رايحه عرس كاشفه الوجه الملون و العباه المشغوله على عكس فاتن اللي كانت لابسه لثمه على وجهها و عباتها عاديه، الجود كانت تنتقل من محل ماركات عالميه لثاني و تشتري بجنون و هو اللي كانت مستغربه منه فاتن، اللي تعرف ان الجود مبذره بس ماهو لهذي الدرجه
فاتن وعيونها على الاكياس الكثيره: الجود؟ ما كانك بالغيتي بالاشياء اللي تشترينها .
الجود وهي تحرك بطاقه الحساب قدامها: دام الجيوب مليانه ليش ارد نفسي عن شيء ابيه..
فاتن: كل هذا تبينه؟؟؟
الجود باستهزاء: اكيـد...
صوت جاء من وراها قطع حوارهم: من حقك تتباهين بالثراء يا بنت الفقر..
الجود التفتت و توسعت عيونها لما شافت فوزيه بوجهها الذابل الاصفر، غيرت ملامحها الى الملامح الواثقه: بنات الفقر عارفين نفسهم يا فويييييييييييييز... ثانياا ايش اللي جابك هنا.......
فوزيه بضحكه ساخره وهي ترمي المغلف قدامها: اللي ارسل لي الصور هو اللي قال لي... انك يا بنت الفقر عرفتي الثراء اخيرا بعد ما تزوجتي نواف!!
الجود توسعت عيونها من الخوف و حركتها لفاتن اللي كانت تعطيها وجه كله صدمه، فتحت الجود المغلف و تغير لونها للازرق المصدوم تحس ان كل ذره دم في جسمها تجمدت ، صورها في وضعيات محرجه و جرئيه مع نواف: يااااا حقيييييييييييييره..
فوزيه بضحك: ما هو انا اللي صور الصور... ثانيا كلمه الحقيره هي الانسب لك لانك بعد ما سرقتي مني خالد تجرأتي و بكل وقاحه تسرقين مني نواف..
الجود بغرور رغم قهرها: اولا خالد تزوجني انا لانه كان يحبني انا و لا يحبك و ثانيا انا تركته لك تشبعين فيه بعد ما مليت منه و ثالثا ايش دخلك في نواف،، هاااااا؟؟
فوزيه: انا زوجته..
الجود بصدمه و من غير تفكير: زوجته.... من نواف؟؟
فوزيه: اي انا وحده من زوجات نواف الكثـيرااات و اللي يغيرهم باستمرار بس تقدرين تقولين اني متفوقه عليكم كلكم لاني حامل منه... و راح يرميك مثل اللي قبلك .. ياااااا غبيه...
الجود بانفجار صفعتها: ولاااااااااااااااا كلمه!!!!!!11
فوزيه انفجرت من حركتها و بجنون قفزت عليها: جنيتي على نفسك..
فوزيه انفجرت و صارت تضرب بالجود و الجود ترد عليها، كل وحده فيهم تجر في شعر الثانيه و تقطع ملابسها، اجتمععوا عليهم الناس ورجال الامن و انسحبوا كلهم لبره و منها على مركز الشرطه..
-
خوله رجعت و معها وفاء لبيتهم حتى تزور خوله و منيره الصغار ابوهم ، دخلتهم خوله البيت و ابتسمت من منظر بدر اللي كان متمدد على الكنبه في غرفه المجلس و نايم، اشرت للبنات يدخلون بهدوء و يصحونه..
منيره و خوله مشوا لعند ابوهم و بسرعه قفزوا عليه، بدر صحى مصدوم و بعدها ابتسم للبنات اللي كان يلعبون على بطنه: حبيباتي...
منيره و خوله: وحشتنا يا بابا..
بدر ابتسم و ضمهم له بقوه : وانا اكثـر..
منيره: بابا انتي ليــ س ما تجــــدي عنــتدنا في بيت جدوو..
بدر وهو يحرك عيونه لوفاء اللي كانت واقفه جنب خوله و منزله راسها: بابا كان مشغول كثير بس اكيد بيجيكم يوم..
وفاء ابتسمت بس خبت الابتسامه و قررت تنسحب قبل لا تنكشف: استاذن انا.... راح ارجع اخذهم بالليل..
خوله بابتسامه: اوكي...
طلعت وفاء و سكرت خوله من بعدها الباب و رجعت لاخوها: مبادره حلوه يا اخوي..
بدر بعيون مستغربه: اي مبادره.
خوله: كلمتك للبنات..
بدر: انا كنت بس اتهرب من الجواب ليش؟ انتي في بالك شيء ثاني؟
خوله: يعني انت مانت ناوي ترجع وفاء..
بدر: وليش ارجعها..
خوله: بس وفاء تبيك تروح لاهلها و ترجعها..
بدر بضحكه: ههههه ارجعها... الحين يقولون لي رجعها... لما تحسن وضعي و صار عندنا فلوس ولا قبل لما كنت في امس الحاجه لها لا...
خوله: هذا ماهو صحيح وفاء كانت تبيك تقاوم اهلها و ترجعها من البدايه..
بدر: كذب..
خوله: ايش كنت تبيها تسوي توقف في وجه اهلها و ترجع لك بالقوه..
بدر: كان لازم تتصرف..
خوله بدموع: يعني لو اني عارضتكم و رجعت ليوسف بالقوه كنت بتسامحوني ؟
بدر: وضعك مع يوسف مختلف...
خوله: مافي شيء مختلف:،انت تحب وفاء وهي تحبك... وانا احب يوسف و هو يحبني...
بدر: كذب..... مافي احد منا يحب الثاني ... و انتي عارفه هذا الشيء.. والدليل انه وقت ما كنا محتاجينهم اتركونا..
خوله: يوسف ما تخلى عني و ظل يتمنى يرجعني و حتى وفاء كانت تتصل فيك و ....
بدر قاطعها : بس....... ما ابي هذا الحورا ينفتح من جديد مفهوم .....
خوله: لا .. يااا اخوي.. هذا الحوار راح يستمر و يستمر حتى نلقى حل لكل الاطراف و
ام فوزيه دخلت المجلس بجنون: بدر!!!!! الحمد لله انك هنا..
بدر و خوله قطعوا حوارهم بعد ما شافوا عمتهم تركض لهم بجنون...: عمتي ايش اللي صار؟
ام فوزيه ببكاء: مصيبه.... فوزيه اتصلت علي من شوي و تقول صارت مشكله في المول و اخذتهم كلهم الشرطه
بدر و خوله : ايش؟؟
-
-
-
في بيت بوفـهد:
دخل يوسف بسرعه جنونيه للبيت و بصراخ نادى: الهنوف!!!!!!!!!!!11 الهنوف ووجع!!!!!!!!
الهنوف كانت مع امها جالسين و طلعت وهي وراها، ام فهد بنبره عاليه: ايش فيك!!! وليش تصاااااااااارخ ياااااااا ولد...
يوسف وعيونه كلها عصبيه اشر للهنوف: تعالي!! يالهنوف..
الهنوف: ايش تبي فيني... اذا عندك كلام قوله واحنا كذا...
يوسف: انتي قايله شيء عني و عن فاتن!!!!
الهنوف بلعت ريقها من الخوف و بتلعثم: انا؟؟؟ وليــ...ــش... اتــكـ......ــلم عنك و عنها .؟؟؟
ام فهد: ومن تكون انت حتى تصير محور حديث بنتي هاا؟؟؟
يوسف بصراخ: خالتي لو سمحتي من غير لا تتدخلين هذي اختي و ابي اكلمها
ام فهد بقوه: مابينك وبين بنتي كلام..
يوسف مشى و بقوه للهنوف و دفعها على الارض: اذا ما كان بينا كلام، راح يكون بينا ضرب...
ضرب يوسف الهنوف كف على وجهها: يااا حيوان
ام فهد ركضت و صارت بينهم يوسف كمل و بنفس النبره: اسمعيني زين يا الهنوف اذا ابوي ما عرف يربيك فانا اللي راح اربيك و اعلمك الادب، و اسمي لا اسمعك تتكلمين عنه عند احد فاهمه...
الهنوف انفجرت تبكي و ام فهد تطبطب عليها: الله ياخذك و نفتك منك ... وربي ما يقويك علينا
يوسف بعصبيه تأفف و طلع من البيت و هو نفسه بخشمه: هذااا استقوى و ابو فهد لحد الحين ما مات، اجل لو يموت ايش بتسوي؟؟؟
الهنوف: ماما ايش راح نسوي في موضوع الجود.... انا خايفه عليها و ما عندنا احد يروح يطلعها...
ام فهد: ما عليك انا بكلم عبدالرحمن و هو احسن لنا من يوسف هذا.. على الاقل ما راح يعطينا محاضره توعويه و يعايرنا كل دقيقه..
الهنوف وهي تمسح دموعها: اوكي
-
-
-
الجود كانت تبكي و تبكي و جنبها فوزيه وهم مراقبينهم الشرطه في غرفه التحقيق: انا الجود الـ.... كذا يصير فيني... انا انحسب مع المجرمات و الحقيرات..
فوزيه وهي تضحك: ههههههههههههه جزاك و اقل من جزاك .. يا احقر مخلو..
الجود: اسكتيييييييييييي!!!
فوزيه: ما راح اسكت ...حقيره حقيره حقيره!!!
الجود كانت بتضرب فوزيه من جديد بس دخول المحقق اللي صدمهم دخوله من بين كل المحققين، الجود و فوزيه كان حامدين ربهم انهم مغطين وجههم حتى ما يعرفهم..
خالد اشر للكاتب المحضر و بدأ اسـألته: اسم كل وحده منكم بالضبط..
الجود ما عرفت ترد و حركت عيونها على فوزيه اللي ما تمالكت نفسها و طاحت على الارض...مغمي عليها...
خالد وقف و مشى لعندها : ياااااااااا شرطي!!!!!!
استدى خالد من السجانات و نقلوا فوزيه يفحصونها، خالد حرك عيونه على المتهمه الثانيه و سالها: ايش اللي صار لها؟؟
الجود ما قدرت ترد ما تبيه يسمع صوتها و يعرفها، حاسه باحراج كبير و خوف من نظرته لها، بعد ما كانت الزوجه المدلله له و دلوعته صارت مجرمه يحقق معها: اه...
خالد بصراخ: تكلمي ايش فيها!!!!!!!!!!1
الجود بخوف ووسط دموع: فوزيه خافت منك...
خالد توسعت عيونه لما سمع صوتها وعرفه، و شلون ما يعرفه وهو اللي دلعه و سحره مده طويله: الجود؟؟؟
الجود نزلت راسها و خالد عرف بسرعه انها هي فعلا، استدعى السجانات و طلب منهم ينقلونها للحبس حتى يعرفون يوصل محاميها او احد من اهلها..
الجود مع القليل من الامل انه يساعدها: خاآآآآآآآلد ارجوك!!!!!!! ارجوك لا تتركني ... انا محتاجه لك...
خالد عطاها ظهره و ما رد عليها الجود اخذوها للحبس وهي تصرخ و تبكي...
خالد ضحك ببرود و سخريه: دنيا!!!!!!! دنيا دواره فعلا!!!!
-
بعد ساعه:
دخل الشرطي و بلغ خالد بقدوم بدر من طرف فوزيه و عبدالرحمن من طرف الجود، طبعا كلهم انصدموا لما عرفوا انه المحقق..خالد اشر للشرطي يستدعي الجود..
بدر: خالد؟ ايش اللي قاعد يصير تكلم..؟؟
خالد وهو يكلم اخوه برسميه: يا بدر بنت عمتك فوزيه انمسكت في مشاجره علنيه مع الجود الـ..... و تسببوا بتمزيق ملابس الثانيه و انكشاف شعرهم، طبعا انحنا مسكناهم و تدخلنا قبل الهيئه ولا كان صار الموضوع اكبر..
عبدالرحمن: يعني ممكن يطلعون بكفاله؟
خالد: كان الموضوع ممكن يكون بهذي البساطه لو ما وجدنا هذا!!
خالد رفع المغلف اللي كان مع الجود بس من غير لا يفتحه..عبدالرحمن : ايش هذا؟
خالد: يا عبدالرحمن هذا المغلف فيه صور جرئيه و مخله للسيده الجود مع رجال...للاسف وجهه ما كان واضح كثير، و بما انها ماهي متزوجه، هذي قضيه زنا!!!!
عبدالرحمن انصدم و بدأ وجهه يعطي الوان: مستحيل انا ماني مصدق انا...
خالد حرك عيونه لاخوه و بكل برود: الشيء نفسه ينطبق على فوزيه..
بدر: لحظه يا خالد انت ايش قاعد تتكلم عنه انت......
خالد: فوزيه حامل يا بدر.... رغم ان الطفل مات بسبب الضرب و صدمه اني محقق القضيه.. الا ان تقرير الطبيب كافي لاثبات قضيه الزنا...
بدر بعصبيه: انت ناوي تفضحنا..
خالد رجع ظهره لورا : للاسف يا بدر و يا عبدالرحمن، هذا شغلي و مستحيل اغير في شيء حتى لو كانت المتهمه اختي فشلون اذا كانوا اكثر مخلوقتين على وجه الارض..
عبدالرحمن: يعني ما في حل للموضوع؟
خالد: الحل الوحيد هو انك تثبت انهم متزوجين والا فالموضوع كبير كثير...
بدر و عبدالرحمن هزوا روسهم وطلعوا من عنده ، خالد تنهد و قال بنفسه: الحمد لله انا انفصلنا يا الجود قبل لا تطلعين على حقيقتك القذره...
عبدالرحمن دخل البيت وهو مقهور و معصب و ماهو طايق شيء...
ام فهد : ها يا عبدالرحمن يا ولدي ايش صار..
عبدالرحمن بصوت عالي و نفسه بخشمه: سواااااااد وجه...
الجوهره قامت و ردت عليه بصوت عالي:ايش هذا الكلام يا عبدالرحمن..
عبدالرحمن: اللي سمعتيه ياااااا الجوهره، اختك الجود متزوجه مسـيااااااااااااااااااار... و من اللي متزوجته، نواف الـ..... ومصورينه معها بس وجهه ماهو ظاهر و العقد ماهو معها معه هو حسب قولها، لكن لما اتصلنا على السيد نواف انكر اي معرفه فيها او باللي كانت معها.. و بكذا تصير القضيه قضيه زنا...
ام فهد انهارت على الارض و ركض الكل حولها: ماما!!!!!11
-
-
-
ام فوزيه كانت تبكي و تبكي و خوله جنبها تخفف عنها، بدر كان جالس و محوط يده حول راسه : بدر واللي يسلمك،، مافي حل لهذا الموضوع؟
بدر بوجه جاد و غاضب: ما في حل غير عقد زواجها واللي ماهو عندها.. و اللي متزوجته ماهو راضي يعترف .. واحنا ما نقدر نكلمه، لما جاء المحامي الخاص فيه سكتنا كلنا ولا عرفنا نسوي اي شيء..
خوله وقفت من مكانها: بس يا بدر مازلنا نقدر نقاوم و نحاول نقنع الاستاذ نواف يعترف بزواجه منهم...
بدر: تتوقعين انه لو كلمنا من جديد بيقتنع... انتي ناسيه هو من بالضبط وان انكشاف مثل هذا الشيء ممكن يأثر على مركزه صورته... لا تحاولي يا خوله الموضوع مستحيل ...
خوله: كلمة مستحيل غير موجوده في قاموسي.....
خوله حطت غطوتها على وجهها بدر وقف ومسك يدها: مستحيل اتركك تروحين..
بدر سحبت يدها منه بقوه: قلت لي اني لو اعارض و اتمسك بقراري ما راح تمنعي وهذا الشيء اللي لازم تسويه الحين بما اني عارضت تمسكت بالقرار بعكس ضعفي يوم موضوع يوسف..
بدر ترك يدها و عطاها نظره استخفاف: براحتك يا خوله...اذا كان هذا اللي تتصورينه روحي وانا بظل هنا اتنتظر رجوعك خايبه مذلوله
خوله عطته ظهرها و مشت، لبره و قفت لها ليموزين و على طول لبيت نواف اللي عرفه سواق اليموزين على طول...
خوله نزلت من السياره و تفاجأت من البيت... الفيلا كانت قصـر ضخم .. كبير كثــير...خوله بنفسها:كنت اعتقد نفسي و يوسف اثرياء بس ... بعد اللي شفته الحين... اكتشفت ان في ناس من نوع ثاني كثــير..
قربت خوله من البوابه اللي من وراها حديقه ضخمه و قبل لا تصير قدامها قربوا منها الحراس الخاصين...: من انتي وايش اللي جايبك هنا؟؟
خوله بخوف بلعت ريقها وقالت: ممكن اقابل السيد نواف؟؟
الحارس: طبعا مستحيل... الا اذا كان في موعد؟؟
خوله: لا مافي موعد.. بس
الحارس: اجل اطلعي من هنا من غير مطرود...والا راح استخدم القوه واللي لايمكن اتردد في استخدامها حتى لو كنتي حرمه..
خوله خافت وقررت تتراجع يظهر ان كلام اخوها كان صحيح وقبل لا ترجع للشارع وقفت ورجعت لهم: ممكن اقابل فاطمه او عواطف...
الحارس: من نقولهم...
خوله : قولهم خوله الـ....... قابلتهم في اوروبا...
الحارس اتصل بكبير الخدم و بعد دقايق حصل الموافقه و سمح لخوله تدخل ، خوله حست بتعب كبير من الوقوف الطويل تحت الشمس الحاره و بعدها المشي الطويل لدخل البيت...
بعد ما جلست و ارتاحت حست ان كل معاناتها ما كان لها اي قيمه بعد ما سمعت رد فاطمه واللي كانت موجوده في البيت: اسف يا خوله... كان بودي اساعدك بس.... نواف محرم علينا نقرب لايش في غرفته...
خوله: ارجوك يا فاطمه مصير بنت عمتي و اخت يوسف متعلق بورقه الزواج هذي ... اذا ما حصلناها بتصير مصيبه كبيره... فاطمه ارجوككلمي اخوك ارجوك...
فاطمه هزت راسها بالنفي: خوله سامحيني... نواف صحيح مدلعنا و يحبنا بس شغله وعلاقاته خط احمر ما نتجاوزه، اذا ابوي و امي ما يرد عليهم في هذا الموضوع تبينه يرد علي....
...........: اي موضوع..؟؟
خوله وفاطمه التفتتوا لايمان اللي دخلت المجلس عليهم فجأه... حددت بعيونها و ركزت على خوله: خـ..وله؟
خوله كانت شبه متوتره من موضوعها بس ما كان بيدها حل وقفت ورمت نفسها عند رجول ايمان: واللي يسلمك يا ايمان ساعديني...
ايمان كانت مصدومه من تصرف خوله نزلت لعندها وحطت يدها على كتفوها: خوله ايش اللي صار تكلمي..
فاطمه قامت و توتر حاولت تبعد خوله: مافي شيء خالتي مافي شيء...
ايمان عطتها نظره جاده: مافي شيء و البنت منهاره...خوله تكلمي ايش اللي صاير..
خوله: ولد اختك نواف متزوج بنت عمتي مساير وكانت حامل منه ولما اجهضت طلبوا منها عقد الزواج اللي كان عنده و هو رافض يعطيه اياها او يعترف بزواجه منها...
ايمان عقدت حواجبها وعطت فاطمه اللي توترت و تراجعت لورا نظره غاضبه: العقد موجود عند نواف..
خوله هزت راسها بالايجاب: ايوه... و عقد زواجه من الجود اخت يوسف بعد..
ايمان: وانتي ما تطلقتي من يوسف؟ ليش تدورين على مصلحه اخته..
خوله: حتى وان تطلقت من يوسف و كرهته، ما راح اترك الجود وهي في هذا الوضع اذا مو علشانه..... علشااان اللي ببطني....
خوله سحبت يد ايمان وحطتها على بطنها: اذا ابيه يعيش سعيد لازم احرص على انه عايلته تشرفه حتى لو كرهوني وتمنوا لي الشر..
ايمان عطت خوله نظره الم و بعدها قامت من عندها: اجلسي هنا... انا راح اجيب العقد...
فاطمه خافت و ركضت وراها: خالتي!!!! لحظه....
ايمان تجاهلتها و كلمت لجناح نواف الخاص و قدام برنامج الدخول السري... وبدت تدخل الرقم السري..
فاطمه: خالتي ارجوك.. نواف ان عرف بدخولك لهنا راح يعصب... حتى انتي ما راح تسلمين منه ...
ايمـان وهي تدخل البطاقه و تفتح الباب و تدخل المكتب و تفتش في الاوراق: يظهر يا فاطمه انك نسيتي اني اسوي اللي ابيه ولا يهمني احد ... حتى نواف...
فاطمه: بس يا خاله..
ايمان لقت مجموعه من الاوراق وطلعت منها ورقتين و رمت الباقي قدام فاطمه: شوفي!!! اخوك مثال الفخر و الاعتزاز..
فاطمه تاملتهم باسي: ايش هذا..
ايمان: عقود زواج اخوك من زوجاته المسيار البنات اللي رفضوا يكونون علاقاته معه بالحرام... و ماخفي اعظم...
ايمان عطت فاطمه ظهرها و للباب: ايش اقول لنواف ان عرف؟
ايمان التفت لها بثقه: قولي له خالتي ايمان اخذتهم..
ايمان مشت لعند خوله اللي كانت جالسه تدعي ان ايمان تلقى العقد قربت لها وعلى وجهها ابتسامه: تفضلي يا خوله..
خوله وهي حاسه الدنيا بتطير فيها: الحمد لله الحمد لله...
ايمان حست براحه و سعاده انها قدرت تساعدها: بتروحين للمخفر..
خوله نزلت راسها باسي: ماني عارفه.. بس اكيد لازم لان اخوي بدر رافض يروح..ز
ايمان: اوكي انا بروح معك و باخذ ولد اخوي معي...
خوله: مافي داعي تكلفين على نفسك..
ايمان حطت يدها على كتفها: مافي داعي لايش.. انا احب اساعد الناس.. و ثانيا ولد اخوي محامي ممتاز و قوي و اكيد راح يطلعهم بسهوله...
خوله : اوكي...
ايمان: انا بروح البس...اوكي.. وبالمناسبه عندك رقم احد من بيت الجود؟
خوله نزلت راسها و بتردد قالت: عندي؟؟
ايمان: عطيني اياها بتصل و ببلغهم يسبقنا احد لهناك..
خوله: اوكيه..
ايمان اخذت الرقم و اتصلت خوله كانت تتاملها وهيي تمشي لبعيد و تتكلم وهي تقول في نفسها: ما الومها ان كرهت ولد اختها هذا .... تصرفاته تفشل
-
-
-
وصلت ايمان و خوله مع جسـار و لد اخو ايمان لمركز الشرطه و دخل جسار عند المحقق و معه كل الاوراق و الطلبات خوله ظلت تنتظر مع ايمان متغطين بالكامل بره و بعد دقايق وصل يوسف واللي دخوله عليهم كان صدمه كبيره لخوله اللي صدت عنه بوجهها رغم انها كانت مغطيته... دخل يوسف يوسف و عبدالرحمن عند المحقق و بعد فتره طلع و جلسوا في الكراسي قدام خوله و ايمان ...
خوله بعد فتره من التمنع رفعت راسها و بدت تتامل وجه يوسف، كان وجه يوسف اصفر و تعبانه نزل وزنه كثير عن الاشهر اللي كانت فيه معهم و السواد تحت عينه و ثوبه الباهت لونه حتى شماغه كانت حاسته انسان ثاني، واحد مختلف كثير عن يوسف اللي عرفته و حبته فارس احلامها..
من جهة ثانيه يوسف كان يرفع عيونه من فتره لفتره للحرمه اللي قدامه، رغم انهم بنتين وحده لابسه لثمه و عيونها الروعه باينه وجسمها خيال و وحده متغطيه بالكامل وجسمها ضخم كبيـره بطنه كانها حامل ، الا ان الحرمه المتينه هي اللي اللي لفتت انتباهه، كان حاس نفسه يعرفها كثير..
بعد فتره طلع جسار و من وراه الجود بابتسمه تكلم ليوسف اللي وقف يساله: تطمن يا استاذ يوسف، الموضوع انتهى و تقدر تستلم اختك و الشي نفسه للحرمه الثانيه،من ينتهي علاجها تقدر تطلع للبيت على طول..
يوسف اشر للجود: روحي مع عبدالرحمن... سود الله وجهك..
الجود نزلت راسه و بدت تبكي وهي تمشي مع عبدالرحمن، يوسف حاول يبتسم لجسار و يشكره: مشكور و ما قصرت يا جسار اللي سويته اليوم خدمه لا يمكن انساها...
جسار هز راسه بالنفي: ولو يا يوسف ما سويت شيء، و نواف الله يسامحه كان..
يوسف: لا يا جسار.. نواف ما غلط.... اختي هي اللي غلطت لما تزوجت من ورانا... و تزوجته مسيار وهي عارفه انه ممكن ينكر هذا الشي بسهوله... و شخص بمثل مركز نواف من الطبيعي يسوي هذا الشيء..
جسار: الحمد لله على كل حال.. و انا ان شاء الله بطلب منه يطلقها بهدوء، حتى ترتاح و نرتاح احنا...
يوسف هز راسه له: ان شاء الله يصير كل خير..
جسار حرك راسه لايمان: عمتي مشينا....
ايمان ابتسمت من ورا اللثام و قربت له و بكل تعمد التفتت لخوله و قالت بصوت مسموع ليوسف: خوله ما راح تجين معنا..
يوسف رفع عيونه بسرعه للبنت اللي نادوها الاسم المميز و احساسه كان كافي حتى يعرف انها خوله، خوله حبيبتها اللي ما شافها من شهور.. حرك عيونه بتامل و وقف على بطنها: حامل؟
ايمان بخبث التفتت له: ليش ما تدري؟
خوله كانت متسغربه من كلمتها بس ما قدرت توقفها او توقف دموعها من النزول: ليش ما قلتي لي ليش..؟؟؟؟
ايمان وقفت بينهم وكانها مصلح اجتماعي: يوسف ما في داعي للنقاش هني، روحوا لمكان خاص و تكلموا براحتكم..
يوسف: عين العقل...
مشى لخوله مسك كتفها: يوسف!
يوسف: ما راح اعضك تعالي معي نتكلم بهدوء و بعدها سوي اللي تبينه..
خوله استسلمت لنظرته الجاده و مشت معه لبره.. ايمان و جسار اتركوا لهم بعض الخصوصيه انتظروهم لحد ما بعدوا و بعدها تبعوهم...
جسـار: يظهر انك تعرفينهم و تعزينهم كثير.. امونه..
ايمـان وهي تفتح لثامها و تبتسم له: اكيـد... رغم اني معرفتي فيهم سطحيه
جسـار: بس ما كان في داعي ابدا تروحين معاي للمخفر ... لو ابوي يدري..
ايمان بتافف: جسار مو هذي اول مره ندخل فيها مخفر ولا نسيت ثانيا انا...
جسار بابتسامه: ما تهمك قوانين و لا عادات اوكي اتفقنا... و حقك علي هههه
ايمان بضحك : هههههههههههههه
رن رن رن رن رن
ايمان طلعت موبايله و جسار قدر ياخذ لمحه سريعه للاسم اللي تم تعين نغمه مزعجه له ( ابليس يتصل بك) و طالعه صوره شيطان ..
ايمان سكرت الخط بوجه المتصل،: اعتقد ابوي طلب منك تغيرين هذي النغمه و الاسم..
ايمان: انا حره و ثانيا انا ما احبه و لا اطيقه ما في داعي اجامل و احط له لقب غير حقيقي
جسار: واسم ابليس مناسب..
ايمان : اكيــد و قبل لا تمشي بقولك من الحين، ترى انا راجعه للبيت معك...بصراحه وحشتني ايامكم الحلوه..
جسار: ونواف؟
ايمان: يخسي ارجع بيته بعد سواد الوجه اللي عرفته..
جسـار: قصدك مو خايفه منه؟
ايمان: انا اخاف و من منو...؟؟ من نواف؟؟ ليش؟؟
جسار بضحك: عبالي..
ايمـان بتأفف: اقول.. امش خلصنا..
جـسار: اوكي يا زعيمه..
عبدالرحمن رجع البيت و دفع الجود لداخل: ادخلي سود الله وجهك..
الجود ركضت لدخل و كانت بترمي نفسه لاختها الجوهره بس الجوهره دفعتها بعيد عنها: بعدي عني يا حقيره..
الجود انفجرت بكي و بدت تضرب وجهها بقوه: والله ما كنت اعرف انه بيصير كل هذا والله مالي ذنب
الجوهره: ما كنتي تعرفين؟؟؟ من الاساس ليش تزوجتيه!!!
الجود: وعدني انه يتزوجني رسمي بعد ما ينهي صفقته مع بابا و...
عبدالرحمن باستهزاء: صفقه؟؟ اي صفقه هذي اللي تتكلمين عنها ..
الجود: نواف بلغني بخطته اللي يحاول فيها يدمر الجوري مع ابوي و يستولون على ثروتها و...
عبدالرحمن: غبيه انتي ولا تستهبلين!!!!! نواف شريك الجوري من اكثر من عشر سنين و هو معاها ناوين يدمرونا احنا ..
الجود: بس نواف قال لي غير هذا !!!!!
عبدالرحمن:و ايش الدليل اللي قدمه لك.؟
الجود حست نفسها غبيه من كلمة زوج اختها، كانت تظن نفسها ذكيه، لانها كانت مسيطره على خالد بكل قوه و بشكل كامل، و ظنت انها بنفس الاسلوب تقدر تسيطر على نواف، لكنها كانت غلطانه، خالد غير نواف، خالد كان طيب كثيـر ... حنون و يحبها و يحترم الحريم ، لكن نواف، غــير،، رجل اعمال قوي و ماكر,,, ولا كان يحبها...
الجود تمددت على الارض و انفجرت تبكي بجنون.. عبدالرحمن عطاهم ظهره و طلع من البيت الجوهره لحقته بسرعه و تجاهلت اختها في نظرها في مثل هذا الموقف الافضل تكون مع زوجها...
في نفس البيت وعند ام فهد اللي كانت متمدده على السرير بالم كانت بنتها العنود جنبها تمسح عليها و تقرأ المعوذات..
ام فهد بتنهد الم: اههههههههههههههههه يا العنود اهه
العنود اللي طلعت بجنون من بيتها لما سمعت خبر مرض امها من يوسف و بسرعه لهم: سلامتك من الاه يا الغاليه..
ام فهد: تخافين علي يا العنود... بعد كل اللي سويته فيك و في يوسف؟؟
العنود: وليش ما اخاف عليك و احبك.. انتي امي... و مستحيل افكر لحظه بشيء غير هذاااا,,,
ام فهد: والله يا العنود يا بنتي انك احسن بناتي كلهم... انتي اللي ما ربيتك احسنهم .... كنت اغلب وقتك لحالك تقرين في كتبك و دراستك، وبعدها صرتي مع صديقاتك، رفضتي تصيرين معنا و كونتي لك اسلوب و نمط حياة ثاني، ولما جيتي تتزوجين اخترتي الانسان صاحب الاخلاق و الدين و الفكر السليم بعكس خواتك اللي كان همهم كله المظهر الخارجي و المركز الاجتماعي...
العنود: مافي داعي لهذا الكلام يا امي..
ام فهد اخذت يد العنود و حطتها على جبهتها: سامحيني يا بنتي...
العنود ابتسمت وهي تحس نفسها اخيرا رجعت لاهلها، رغم كل عيوبهم الا انهم ما زالوا اهلها..
-
-
-
يوسف اخذ خوله معه بالسياره لمكان بعيد لبره الرياض الصمت كان الشيء الوحيد بينهم و اغنيه عبدالحليم اللي شغلها يوسف و هو يعرف ان خوله تحبها و كلماتها قويه و مناسبه لوضعهم ..
انا لك على طول خليك ليا
خد عين منى وطل عليا
وخد التنين واسال فيا
من اول يوم راح منى النوم
ابعتلى سلام قول اى كلام من قلبك او من ورى قلبك
مش يبقى حرام اسهر وتنام وتفوتنى ااسى نار حبك
وقف يوسف بالسياره بعد ما صاروا بعيدين عن كل الانظار يوسف التفت و من غير تردد رفع الغطوه عن وجهها و نزل عباتها بهدوء...
خوله حست بقشعريره في جسمها كلها : يوسف..
يوسف: ما زلتي زوجتي يا خوله ولا نسيتي... وان كنت طلقتك فانتي ما زلتي بالعده و اقدر ارجعك,,
خوله: بس انا ما احبك ... ما ابيكــ
يوسف مسك وجهها بخفه و حركه باتجاهه: عيدي كلامك,,,,
خوله: انا .. ما .......
نزلت خوله راسها بسرعه: ليش ما قلتي؟؟
خوله : انا ما اقدر..
يوسف: يعني لسى تحبيني؟؟؟
خوله: لا ما احبك..
يوسف حس ان خوله ما راح تستجيب فحب يغير الموضوع مد يده بهدوء لبطنها: ليش ما قلتي لي؟؟
خوله دفعت يده عنها: لا تلمسني...
يوسف رجع يده بعناد: حلالي.... انتي زوجتي و اللي في بطنك ولدي.. من ما تقدرين تمنعيني ..
خوله: بس
خوله انصدمت لما سحبها يوسف و بكل قوه لصدره: مافي بس......... وحشتيييييييني وحشتييييييني..
خوله حاولت تدفعه عنها بكل قوه بس ما قدرت: يوسف ... ارتكني يوووسف...
قاومت خوله و قاومت بس ما عرفت كيف تدفعه و في النهايه استلمت و مددت راسها بكل حب في حضنه...
يوسف: انا ما تزوجت فاتن يا خوله..
خوله رجعت ظهرها و بعدت عنه بس يوسف ما بعد يده من حولها: بس انا...
يوسف: اللي وصل لك غير هذا كذاب!! هذي الهنوف تحاول تقهرك باي طريقه.
خوله حست بقهر بس حاولت تهدي: الله يسامحها
يوسف: فاتن كانت تحاول تجبرني اتزوجها و نفس الشيء ابوي بس انا كنت متمسك فيك و باذن الله بنرجع مثل اول و احسن...
خوله: انا لا يمكن ارجع..
يوسف بصدمه: ليش؟؟؟
خوله: انا...
يوسف: انا احبك!!! اموت فيك... وبينا طفل ولا نسيتي...
خوله: بس ابوك ذبح ابوي...
يوسف: انا مالي شغل بابوي...... حرام عليك بموت.... الم و حزن... ابوي مرريض و حرامي و امي طلعت بعد كل هذي السينين و ناوي تدمره و تقهرني ...
خوله: قابلت امك؟؟
يوسف: تدرين من هي امي؟؟
خوله من غير تفكير: اعرف انها امي
يوسف بعصبيه : كنتي تعرفييييييييين؟؟؟؟؟؟؟؟؟؟؟؟؟؟
-
-
-
هلي لاتحرموني منه..
هلي لاتبعدوني عنه..
مثل ماهوه قطعة مني.....انا تراني قطعة منه...
يقولون: تحبه ..؟
أموت أنا.....أدوخ أنا......والله ميت فيه.......
تحبه....؟ بعقلي و قلبي وروحي ياعلني ماابكيه....
هلي تكفون خلوني معه ولاتلوموني....
هلي ماأريد أنا غيره ولايغني أحد عنه,,,,,
هلي....الله يسامحكم إذا ماكان عاجبكم...هلي مليت ناطركم..هلي تكفون طالبكم.........
أحس بشوفه الجنة,,,,,,,,,,,,
حشا ماكنت له جاحد....ولا أحب من طرف واحد....
شكيت( لراشد الماجد) وبسببكم ياهلي غنى,,,
هلي لاتحرموني منـــــــــــــــــــــــــــــــــــه,,,,
التوقعاات:
هل خوله راح ترجع ليوسف بعد حوارهم و تترك موضوع الزواج؟
ايش اللي ينتظر الجود و فوزيه بعد اللي صار لهم من نواف؟
هل راح تنجو ايمان من عقاب ولد اختها؟
خالد على ايش ناوي بعد ما ذل اكره انسانتين على قلبه؟
خطوه الجوري القادمه ايش خصوصا بعد الضربه اللي تلقتها عائله بو فهد من شريكها
ماغي الشخصيه الغامضه ايش راح يكون دورها او هل انتهى دورها
1
2
3
ثلاث توقعااات من عندكم اوكي
بااااااااايووو
البارت الخامس و العشرين –
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك