رواية قل لها المجنون وصاني وهو يعنيك -24
احمد: شوق روحي بعيد عن المسجل ابيك بموضوع خاص
شوق: اوك ثواني ... وبعد ثواني.. هلا احمد وش بغيت
احمد : ريهام ..وبعدين سكت وفي نفسه ياربي وش اسأل
شوق ابتسمت بنفسها: وش فيها ريهام
احمد : مدري والله بس
شوق بتفهم : ماجات الحفله وغريب صرااحه
احمد يعرف حب ريهام لبدور شلون ماتجي لحفلتها: وشوووووووو
شوق: مدري والله بس ماشفتها
احمد:شوق اسألي خواتها حاولي تفهمين ليش ماجات
شوق :ابشر طيب بقفل وشوي اتصل عليك
احمد: اوك بس لاتطولي ترى بالي مشغول
وقفت شوق بعد ماقفلت الجوال : ياربي يحبها وقلقان عليها الله يسعده يارب
احمد وقف سيارته على الطريق وجلس يفكر
علي اتصل على هيام وهيام نست الجوال ولا سمعت رنته مع صوت الديجيه واصوات الحريم
ريهام خلاص وصلت لمرحلة الانهيار وحاولت بجوالها يشتغل مافي امل بعد الله الا بهالجوال
احمد قرر يتصل فيها لقى جوالها مقفل وفي نفسه ياربي وش هالغموض واتصل بماهر اللي رفضه
اتصلت شوق بأحمد
احمد: هلا شوق
شوق:احمد في شيء غريب
احمد: وش هو ياشوق
شوق: ريهام جايه لبيتنا بس
احمد بخوف وقلق: بس ايش
شوق: محد شافها حتى امي اللي استقبلتهم تقول ماوصلت
احمد: لحظه مافهمت شيء
شوق: انا سألت ريوف عنها وقالت اي جات بس مدري وين وسألت امي قالت انا اللي استقبلتهم ماشفتها
احمد: -----
شوق: انت معي
احمد: اي بس
شوق: احمد والله في شيء غريب
احمد : انا جاي للبيت الحين بفهم وش السالفه
ريهام شغلت جوالها الا وبإتصال احمد
هيام لمحت جوالها يرن راحت ركض له
علي: هياموووه وينك
هيام: والله مالقيتها مدري بس ممكن فوق بغرفة شوق
علي: بسرعه روحي شوفي وردي لي خبر
ريهام: الوووو ااحمد الحقني
احمد: ريهام وينك فيه
ريهام: انا بورطه الحقني ياحمد لاتخليني
طووووووط
احمد في نفسه وش لون اخليك ياروح احمد انتي,,, ياربي وش هالقهر قفل الجوال ورد يتصل لكن!! لقى الجوال مقفل وزاد من توتره
ريهام : ياااااااربي وش هالقهر ياربي ساعدني.. وراحت تحاول بجوالها
هيام فوق وقابلتها شوق وريوف
شوق: هيام وش فيك
هيام: ماحصلت ريهام
ريوف: وين بتروح اكيد هنا والا هناك دوروا زين
هيام: علي متصل يقول دوروها زين
شوق: غريب حتى احمد متصل يسأل عنها
ريوف: وشوو لايكون في شي
هيام: انا خايفه معقول حنا جينا الساعه 6 والحين الساعه 8 الا وينها فيه
شوق: غريب والله
احمد وماهر معلقين اتصال على ريهام
وقف احمد بسيارته جنب البيت وحاول يتصل فجاءه سمع بكاء بنت
بكاء مايقدر يجهله
بكاء يتمنى يموت ولا يسمعه
بكاء يفرق عن كل البكاء
بكاء يقطع القلب فمابالك بالباكي ريهام والسامع احمد
نزل من سيارته وراح ينادي: ريهااااااام ريهااااااام
سمع صوت مو واضح : هآآآآآآه
احمد ياربي انا سمعت صوتها والا يتهيء لي اوووف معقول يتخيل لي ياكثر مايتخيل لي صوتها في حلي وترحالي
رن جواله اللي كان مرمي بسياره راح ركض لجواله
وطلع في المتصل خالد
احمد بعصبيه ونرفزه: هلا خالد
خالد: ها بشر وش السالفه
احمد: مدري بس احس بموووت
خالد: طيب اذا وصلك خبر خبرني
احمد" طيب يلا بقفل
وراح يمشي عند بيتهم ويفكر فيها
ريهام في نفسها انا سمعته ناداني وكان يصرخ بصوت المشغول باله علي وينه ياربي اانا سمعت صوته ولا خيال وصرخت بعالي صووتها: رحمتك ياااااااااااارب
احمد سمع صوتها لماقالت رحمتك يارب ونادى : ريهام ريهام تسمعيني
ريهام معقول مايتخيل لي يعني : اي اي اسمعك يا احمد
احمد يلف ويدور: انتي وين
ماهر نفذ صبره ورد على علي : علي لاتعصب ولا شي بس انا نزلت ريهام عند بيت عمي وبعدها اتصلت وقالت الحقني ومن بعدها وجوالها مقفل مدري وين
علي: وش افهم من هالكلام يعني مخطوووفه
ماهر:مدري مدري تعبت وانا افكر بس جوالها خربان هي قالت لي البارح تبي جهاز بس انا نسيت
علي: وش هالمهزله اسبقني على بيت عمي ابو خالد وان مالقينا حل مالنا الا نتصل بأبوي وناصر يتصرفون
احمد: ريهام ردي علي انتي وين
ريهام : احمد انا في بيت ابوعامر المهجور
احمد وكأنه تطمن لكن مايدري وش وداها هناك راح ركض ودف الباب دفه لحد ما انفتح
احمد: ريهام وينك
ريهام متخبيه ورى الباب : انا هنا
دخل احمد وهو ييقراء الاذكار ولقاها جالسه وضامه رجولها
احمد: ريهام اوقفي معي
ريهام: احمد انا خايفه
ريهام: افى تخافين وانتي معي قومي يلا .. ومسكها مع يدها وطلعت وهي بقمة خوفها
احمد : ممكن افهم ليش انتي بهالبيت
ريهام: انا انا وتلعثمت وجلست تبكي
احمد: ريهام لاتخافين قولي لي في احد تعرض لك ريهام انتي عرضي وشرفي
ريهام: لالالا يا احمد تفكيرك بعيد
احمد وهو يوقف : ريهام هدي تكفين وفهميني
ريهام : لما نزلنا ماهر طارت بلونة رنيم بهالاتجاه ورحنا نركض والبلون دخلت بالبيت رنيم شكلها ما انتبهت لي وركضت ورى ريوف عاد انا قلت البيت مو مظلم المغرب ماقيد اذن ودخلت وتقفل الباب من الهوى ومن اليوم وانا هنا واصرخ محد يسمعني واتصل وجوالي خربان كل ما اتصل يقطع الخط
احمد: ياقلبي عليك من اليوم وانتي هنا
ريهام حست بقربه ومسكت يده وخجلت وابعدت عنه
ابتسم احمد : ريهام اسبقيني على بيت الشعر وعدلي شكلك وانا بوقف لك هنا لحد ماتخلصي
ريهام: بس انا خايفه يدخلون علي رجال
احمد: ولايهمك محد راح يجيك لأن ابوتركي مستأجر استراحه للعزومه اخلصي لاتتأخري اكثر من كذا ولاتدخلين من هالبوابه ادخلي من البوابه الثانيه
ريهام بإستغراب:ليش
احمد: بس كذا يلا بسرعه اجهزي
ريهام دخلت بيت الشعر وعدلت الكحل اللي ساح من كثر البٌكى وعدلت الميك آب
احمد واقف عند بيت الشعر وشاف سيارات عيال ابوناصر جايه نزلوا منها ماهر وعلي
علي: ها بشر
ماهر يهز راسه بأسى ونفي
علي يتنهد بقووووه
احمد: تطمنوا هذي هي في بيت الشعر
ماهر بإستغراب:وشووو
احمد: اقول ريهام هذي هي في بيت الشعر
علي: ليه كيف؟
احمد بإبتسامه: مقدر الوضع اللي انتم فيه بس السالفه .. وقال كل السالفه
ماهر : اها اها الحمدلله يارب
علي: احمد مشكور
احمد مشى ولماوصل سيارته قال: علي لاتشكرني لاني حميت عرضي.. وركب سيارته وحرك
علي ابتسم ودخل على ريهام ولحقه ماهر
ريهام: هلا والله تو تجون
ماهر: سلامات تو قال لنا احمد السالفه
ريهام: الله يوفقه
علي: قسم انزح هم عن راسي فوق ماتتخيلون
ماهر: وانا بعد
ريهام: وانا اكثر
ماهر : يلا ادخلي وحنا بنروح لرجال
ريهام : اوك وسوت شيلتها ولفت لنفس الباب اللي قال لها عليه احمد
اول مادخلت مع الباب كان يطلع لدور الثاني دخلت ونزلت عبايتها بغرفة شوق ونزلت مع الدرج شافت خواتها وشوق وراحت لهن
هيام: ريهآآآم انتي وينك فيه من اليوم
ريهام تبتسم وتخفض صوتها: سالفه طويله بعدين اقولكم عليها
وجات لهم ندى وسلمت على ريهام: بنات يلا نبي نزف بدور لان خلاص تركي طلع هو وخالد جايين لبيت الشعر
شوق : يلا هيا نقول لبدور
وطلعن البنات فوق لبدور وثواني ونزلت بدور على زفه رايقه والكل يمدح شكلها كانت كبيره سنها 27 لكن اللي يشوفها يعطيها 19 سنه قمه في البراءه والجمال
بعد دقايق طلعت بدور للبيت الشعر وكان خالد ماسكها مع يدها وزفها لتركي اللي انبهر بجمالها كانت اجمل مماكانت عليه
تركي: ماشاء الله تبارك الله
خالد: يلا على بركه تركي على بركه بدور يلا انا رايحه اكلم براء
بدور واقفه مكانها من الحياء وتركي واقف في اخر المجلس
تركي: حياك بدور اجلسي
بدور من الحياء جلست في اول مكان عند الباب قدم تركي وجلس قريب منها
تركي: مبروك بدور
بدور بصوت اشبه بالهمس: الله يبارك فيك
تركي: كيفك يابدور
بدور : تمام
تركي: حمدلله اللي عوضني صبري كل هالسنين
بدور:---
تركي: بدور
بدور: لبيه
تركي: ماتخيلت تغيرك السنين
بدور عقدت بحواجبها بدون ماتتكلم
تركي يكمل كلامه: كنتي حلوه وهالحين صرتي احلى من الحلى
بدور ذابت من الحياء
تركي : بدور عمري كبير وانتي وحده فاهمه لازم اعجل بزواج ممكن بعد زواج علي على طول
بدور: لا
تركي: بدور انتي بتموتيني من القهر
بدور : لاان شاء الله في عدوينك
تركي يبتسم : قدري ظروفي احنا بشهر 6 ونهايه 7 بيكون زواج علي وزواج فواز ومدري قريبتك اللي اخذه اماراتي وانا معي شهرين 8 و9 إجازه فخلاص قدمت على الاجازه وش قلتي بيكون الزواج 2/ 8
بدور بحياء: خلاص اللي تشوفه
تركي: والله القعده معك ماتنمل بس مظطر اروح يلا رقمي عندك وبينا اتصال اوك
بدور: اوك
طلع تركي وجوا البنات لبيت الشعر
شوق لحظه وفتحت شنطته وشغلت الالعاب الناريه في الحوش وبدور فزت خايفه وراحت ركض على الحوش
شوق : ناوي لك على نيه بس انت اصبر شويه
بدور: انتي وش تحسين فيه يامهببه
شوق: هههههههههههههه
بدور: الله يرجك
ندى: شوي شوي على حماتي
روان: كح كح حماتي بدينا
اليوم الثاني راح احمد واشترى جوال لريهام ودخل بيتهم ونادى ابوه وركب ابوخالد السياره بكرسيه المتحرك واتجهوا لبيت ابوناصر وكان معهم فارس وخالد وعبدالله
ابوناصر : هلا بأخوي الغالي
ابوخالد : هلا فيك يالغالي جاينك بطلب
ابوناصر: افى انت تأمر وتتدلل
ابوخالد: ابي اطلب القرب ببناتك الثنتين ريهام وهيام لعيالك احمد وفارس
ابوناصر يبتسم: هذا يوم المنى وانا موافق بس باقي موافقة البنات
فارس: شي يهمنا موافقتهن
ناصر: يبه بروح استشيرهن واجي
علي: يآخي امهلهم يومين
فارس: خير البر عاجله ياعلي
علي : هههه يابوي على المستعجل
ناصر : ريهام احمد في المجلس يطلب إيدك من ابوي ايش رايك
ريهام:هآآآآآآآه
ناصر: هويتي ان شاء الله وش قلتي
ريهام: مدري والله بس
ناصر: وش قصدك انه مطلق وعنده ولد مايعيبه كذا
ريهام: لالا هالشي مايهمني بس ابوي وش رايه
ناصر: الكل موافق بس باقي موافقتك
ريهام بحياء : اللي تشوفونه
ناصر: اجل مبروك
هيام اللي توها داخله: على ايش مبروك
ناصر: احمد طلبها ووافقت
هيام: كللوووووووووووووووووووووووش مبرووووك ومباركين عرس الاثنين ليلة ربيعً وقمرى وسرى .. ونست وجود ناصر وقامت تصفق وترقص
ناصر: هيامووووه وفارس بعد خطب
هيام مصدومه: وانا وش دخلني فيه خله يخطب من زينه عاد . ولفت بتروح مع الدرج
ناصر ذكي فهم انها كانت حاطته في بالها والحين انصدمت: يعني نقول موافقه
هيام: نعم!!!؟؟
ناصر: مبروك عليك فارس ومبروك فارس عليك
هيام وهي تنزل مع الدرج : وشو وانا وش دخلني فيه
ناصر: يعني ماتبينه هو خطبك انتي نقول له هيام ماتبيك
هيام : لا لا تقوله .. ريهام انقهرت من براءة اختها وهزتها بكوعها على خصرها
هيام تو تحس بغلطتها: مدري
ناصر: ههههه يالبى هيومه والله مبروك ياحلوات ترى كل شي صار رسمي باقي التحاليل والملكه خلال هاليومين . وطلع..
ريهام: انتي وش سويتي
هيام تضرب بيدها على راسها: مدري مدري وش صابني بس اشوى حسبته خطب غيري
ريهام: ههههههه هذا اللي همك وناصر وش بيقول عليك مشفوحه
هيام: ههههه طبينا وانتهينا يافشلتي وبس
جات رنيم تركض بجهاز جوال واعطته ريهام: هذا من عند احمد وهذي الورقه بعد
فتحتها( مبروووووووك واخيرا تحقق الحلم .. هذا الجوال هديه بسيطه وانتبهي له من شان مايصير لك مشكله مثل البارحه لاني بجد كنت احاكيك)
ابتسمت وقالت يارب اجعل السعاده دررررربه وين مايكون
لولوه: ياليل مطولك خلاص بطلع بس ابعد عني انت
عيسى: طيب ادخلي ترى بدر مو وحده بالمجلس ابوي معه خفي من لقافتك
لولوه ترجع ورى: خلاص معد ابي قول له ماعندنا بنات لزواج
عيسى: لا والله تستهبلين انتي
لولوه ودموعها قربت تنزل: عيسى اناخايفه
عيسى يربت على كتفها:سمي بالله وادخلي وانا متأكد انكم لايقين لبعض
دخلت لولوه وهي ميته رعب طلع ابو عيسى وبقى بدر ولولوه وحدهم وعيسى في الصاله جلس مقابل لهم
سألها عن حالها واحوالها كان لبق معها وهي في قمة حياءها زاد تمسكه فيها وماطول وطلع
بدر: انا طالع ياعيسى بس الاهل بيجون حابين يتقدمون رسمي
عيسى: في اي وقت حياهم
بدر: اها اجل بينا اتصال
عيسى : حياك
ولما طلع نزل ابوعيسى من فوق وجهه حزين
عيسى : يبه لايكون منت براضي ببدر
ابو عيسى : لابالعكس بدر نسبه يشرف
عيسى: اجل
ابوعيسى : ماجد ماعاد اعرف اخباره زين ومدري وين يختفي طول اليوم يادوب شويات يجي في البيت
عيسى بإبتسامه : يبه ماجد بخير
ابو عيسى : وشلون بخير وماعاد يجي للبيت الا مثل الضيف
عيسى : يبه ماجد يشتغل بالهيئه ماجد غير طريقه لطريق الخير ماجد كل بين فتره وفتره وهو مع المشايخ يروح لمكه والمدينه وانا بنفسي تأكدت من هالشي
ابوعيسى بفرحه : من قالك
عيسى : راقبته وسألت الهيئه وقلت اني اخوه وقالوا لي انه تايب جديد ويمدحون فيه
ابوعيسى : الله يبشرك بالجنه ياوليدي
عيسى : وياك يبه هذا واجبي يالغالي ماجد اخوي ويهمني امره
يوم الخميس 26 /7 يوم زواج فواز وعلي كان من ارقى الزواجات كان في قاعه راقيه
الساعه 7 المغرب فواز واقف عند باب القصر وكلم سلوى ووصاها على موظفه جايه بتسوي الزفه طبعا سلوى مشغوله مع خواتها مها والعنود بتجهيزات القصر
شوق وريوف عند نفس المشغل وجالسات جنب بعض وكلهن ميتات خوف
ريهام : مبرووك ياعرايس يلا شدوا الهمه
بدور : اقول اسكتي وش همته البنات بيذبون من الخوف قدامنا هههههه
شوق بغيض : يجي لك يوم
هيام : يلا بلا هذره زايد ترى الزفه 11ونص واول زفه زفة ريوف عاد هذي همت بنات ابو فواز وبعدها زفة شوق همتي انا اسمعي شوقوه لاتنزلين لحد ما اعطيك الضوء الاخضر
ريهام : خخخخ والله وتولتك هيوم الله يعينك
شوق : اوف قسم حر
ريوف : الا موت
بدور: منسمات وين الحر والمكيف شغال هههههههههههه
هيام: بننات اسكتوا امي وام خالد وصلوا
ام خالد حطت يدها على راس شوق وراحت تقراء عليها ونزلت دمعتها كيف ماتنزل وهي بنتها الوحيده واليوم زواجها وقفت بدور ومسحت دمعتها وابتسمت واشرت >شوق لاتشوفك تبكين< هزت براسها ام خالد
الساعه 11 ونص
سلوى وقت الزفه هيام اختك جاهزه
هيام : اي بس وين تبينها تقف على الدرج والا الاعلى الاصنصير
سلوى : مدري اسألي ذي هي المتكفله بالزفه
هيام : وين توقف العروس يا اخت
الموظفه : على الاصنصير لان راح يكون في عرض بروجكتر
هيام : اوك
بعد ثواني انطفت كل انوار القاعه ووقفت ريوف على الاصنصير وحدها وبداء العرض يشتغل
اول مابداء ( طبعا الالقاء والشيله بصوت فواز)
كان ياماكان اروع طفلين جمعهم حب في هالزمان
وطلعت صورة ريوف وجنبها فواز صورهم يوم كانوا اطفال وبدت تطلع صور ريوف اول مره تشوفها حست انها مصدومه من وين هالصور وكانت اخر شي رسم بيد فواز راسم نفسه و شكل ريوف وعليها شيلة
ام فواز : سلوى من اللي عطى فواز هالصور
سلوى وهي تتذكر : ههه خطير هالفواز انا شفته كان مرعوب قبل فتره وجنب الصندوق بس ماخطر في بالي هالحركات
وبعد ما انتهى عرض البروجكتر نزلت ريوف ودخل مع الباب فواز وابوه وابوناصر وناصر وماهر وسلموا على ريوف وشويات وطلع فواز على عرض بروجكتر ودعتك الله يانظر عيني بصوته كان دف بدون موسيقى
المطربه : وبما ان الحفل مشترك فـ الآن لعروستنا شوق نصيب في الحفل ومن الزفه وانطفت الانوار ومافي الانور بسيط وانزلت هيام تركض كأنها بنوته وهي لابسه الفستان الزهر المنفوش ووقفت كأنها تبحث عن شي ونزلت ريهام وبدور لابسات جلابيات ستان ابيض كم طويل مع ياقه ومعهم سلات
هيام تطالع فيهم بكل براءه وتحرك يدها مثل اللي يقول وين وسحبت ريهام شي مثل العصاء واعطتها هيام وكملت طريقها هي وبدور
هيام تبتسم بطريقه عفويه وتظغط بالعصاء زر كأنها عصاء سحريه وتلفها كذا لفه وتوجها ناحية الدرج ويطلع من العصاء نور وويشتغل جهة الدرج اجهزة البخار وطبعا شوق في هاللحظات نزلت و بدور وريهام يرشون عليها الورد من السلات اللي بيدهم
ونزلت شوق على المنصه وشريط الزفه شغال وصاحباتها وكثرة المباركين حولها
وفي هاللحظات طلعت بدور هي وريهام وبدلن لبسهن ولبسوا لبسهم الاساسي بدور بنفسجي وريهام تفاحي
بعد شويات دخل علي وابوناصر وابو خالد وعياله وانزفت
وفي الليل في الفندق
علي : مبروك
شوق مانست حركة السجن وبغيظ: الله يبارك فيك
علي : وش هاللهجه الغريبه
شوق .:-----؟!
علي : اوهوووه فهمت كنا بنسويها مفاجأه بس عاد انتي الله يهداك مافهمتي قصدي
شوق عارفه قصده بس تستعبط: -----
علي :شوق شوقاني زعلانه
شوق تعطيه ظهرها
علي: افى
شوق ماقدر تكتم ضحكتها : ههههه
علي : اي هذي شوق اللي اعرفها ها اجل مبروك
شوق بحياء : الله يبارك فيك
بعد مرور سنــــــــــــــــ 5 ــــــــــوات
لولوه : ياليل مطولك
بدر: لولو راح تأجلين يعني راح تأجلين
لولوه: حرام عليك انا ابي اكمل
بدر: انا ماصدقت تحملين بعد هالسنين جامعه مافيه هالسنه
لولوه بقهر : طططططططيب
رُبى : انزين شيوخ متى بتيون لأبو ظبي
شيخه : مدري والله انا لو بكيفي كان اليوم في ابو ظبي بس الشور لأبو جود
ربُى : عيسى اخوي واعرفه مايحب يقول لاحد لا
شيخه: صاجه والله بس عاد انا مقدره ان عنده شركات ومشغول .. انتي طمنيني على ياسر وعمر اولادك
رُبى : جايبين لي الظغط مع السكر
شيخه: فديتهم والله عيال اخوي الا يجيبون العافيه وانتي الصاجه
رُبى : اي هذا حجي اللي مايعرفونهم زين
عبدالعزيز": خالد وين ابوي فيه
خالد : بالمجلس
عبدالعزيز: هيا بنروح له
حمد جالس يتصفح بالنت دخلوا عليه عياله
عبدالعزيز: يبه انا نجحت وبعد خالد نجح
حمد : ماشاء الله ابي اشوف شهاداتكم .. ويطالع بشهادات.. نزل نظارته .. ينتقل الى الصف الثاني والله وكبروا عيالي الله يخليكم لي ذخر وسند بهالدنيا هاوش تبون هديه
خالد: نبي نروح لفجوره في بيتها
حمد: ههههه ياهاالفجور اللي ساحرتكم يلا والليله عشانا عند فجوره
فيصل ومشعل داخلين : والله وحنا معكم بعد
عبد العزيز: لا والله انت مانجحت
خالد: صح صح يبه هم مانجحوا صح
حمد: صح بس نبي ناخذهم ههههه وش رايكم
مشعل : تكفى خلودي وافق
خالد يسوي نفسه يفكر ": اممم خلاص وافقت
مشعل : هههه زطي مثل خالد سميك ولد عمتك مارحت بعيد
حمد: استح يابو حمد وش هالكلام
فيصل : انا وش قلت
مشعل : مو انت انا ابو حمد
خالد : ههههه كلهم ابو حمد ياويلك يبه
مشعل: وعبدالعزيز في الطريق ان شاء الله
في الليل العشاء في بيت فجر فجر الحين صار عمرها 19 سنه
خالد : فجورتي خوالي الليله بيتعشون عندنا
فجر: والله من قال
خالد :تو قال لي خالي ابو عبد العزيز
فجر: طيب كلم خالتي تجي وانا ابي اكلم هيام وريهام صح صح شوق متى بتجي من الشرقيه
خالد: مدري بس خلال هاليومين
فجر : والله لها وحشه الدبا هي وبنتها غصون
خالد: شوق غلاتها غير
فجر/: كح كح
خالد: انتي تعديتي مرحلة الغلا انتي الحب كله
فجر: اها احسب عاد
خالد: يالبى انتي والله
في الليل وقت العشاء
قامت فجر للحمام وانتم بكرامه لحقتها ريهام شافتها تستفرغ رجعت ريهام لصاله ولمى طلعت
ريهام: فجر وش فيك
فجر بدموعها: خايفه والله
ريهام: من وش خايفه
فجر: ريهام انا من يوم تزوجت سقطت مرتين وانا هالمره حامل لي ثلاث شهور ومخبيه عن الكل حتى خالد اخاف يفرح وبعدين اسقط والله خايفه
ريهام: فجوره وش هالتفكير ياماحريم سقطوا كثير وفي الاخير ربي يتمم لهم
فجر تمسحح دمعتها : بس انا
تقرب منها ريهام وتضمها: فجر بشري خالد انك حامل وفرحيه واللي الله كاتبه بيصير
فجر: ريهام الله يسعدك ويخلي لك علي ولدك
ريهام: علي وابراهيم عيالي لاتنسين ( ابراهيم ولد اماني تزوجت وتركته عند ابوه لانها تزوجت ولد خالتها اماراتي واحمد مايبي ولد يربى الا بأرض السعوديه)
فجر: سوري سقط سهوا
ريهام تبتسم بتفهم: لالا عاتي
خالد: حامل ولك ثلاث شهور وساكته
فجر : خايفه
خالد يقرب منها : من وش خايفه
فجر وهي تبكي : اني اسقـ
يقاطعها خالد ويحط يده على فمها :اووووووش مامن المكتوب مفر وانا راضي فيك لو ماعندنا عيال انتي الغاليه بنت الغالي
فجر : الله يخليك لي ان شاء الله
تركي : مبروووووك وجاكي بنت وش حابه تسمينها ياروح تركي
بدور: ابي اسميها فاطمه على اسم امي
تركي: فاطمه ونعم الاسم والله يا ام فاطمه
بدور: اذا ما اعجبك اغيره
تركي: افى عليك فاطمه فاطمه
ام محمد داخله عليهم: مبروك ماجاكم
تركي: حياك خالتي ادخلي
بدور: يمه شوفي فطومه وش رايك فيها
ام محمد: سميتيها فاطمه
تركي:ا ي فطومه ادعي لها بصلاحه ياخالتي
ام محمد : الله يخليها لكم ويصلحها وانا خالتك
خلود : ريما ريما( ريما زوجة ياسر ســــــراب)
ريما: نعم
خلود : وصلوا والا باقي
ريما: لا باقي
خلود: طيب من جاء
ريما : روان وساميه وشيخه ماتسمعين صراخ بزارينهم تعالي سلمي
خلود": طيب بس بنزل ميهاف بنتي وجايه
نزلت خلود : يمه وينه هالماجد للحين ماوصل
ام ماجد: والله مدري بس اولا قبل ربع ساعه يقولوا دخلوا جده
خلود: اجل وصلوا
شيخه : تصدقين ماقيد شفتها ريم ذي زوجة ماجد( ريم بنت شيخ في الهيئه متعرف عليه ماجد وزوجه بنته)
روان: اوف صار عندهم ولد وبنت وانتي ماشفتيهم
شيخه: كل مايجون انا بالامارات واذا انا فيه يروحون للجنوب عشان دوام ماجد هناك وبكذا مانتقابل
وريف بنت روان تركض ": خالي ماجد جاء
ودخل ماجد وريم وفي الليل جات رُبى وحمدان لجده
ريهام : برهوم وش فيك
ابراهيم (عمره 6 سنوات) :ابي ماما
ريهام: افى وانا مو ماما
ابراهيم : الا بس ابي ماما اماني
ريهام: اوك بقول لابوك يتصل اليوم بخالك نايف وتروح هناك لتبوك تقضي إجازة العيد عندهم تبي شيء ثاني
ابراهيم: هيييييييه وناسه عاد امي بتجي هي وخالي سلمان وناااااسه وبشوف اختي ميثا بنت امي
ريهام تبتسم : وتصورها لي عشان اشوفها انا وعلاوي اخوك
ابراهيم : ان شاء الله ياماما اصورها وتشوفونها
احمد واقف عند الباب وسمع هالحوار واستانس من قلب وحمد ربه على هالزوجه الصالحه
ريهام: وهذا بابا وصل
احمد: وش بابا طل بعينك
ريهام بدلع: مو شغلي انت مو ابوهم وحدهم بس
ابراهيم : لاياشيخه انتي روحي لابوك ابوناصر
احمد يقرب من ريهام : لالا هذي بنتي وزوجتي ودنيتي وكل شيء
ابراهيم: بآآآآآآآآآآبآآ
احمد: عيون باابا اول شي رهومتي مابي اشوفك انت وهالزطي تغارون منها
ريهام تضحك: لافهمك هالحين ووولدي مو زطي
احمد: علاوي ذا زطي ونص
ابراهيم : علاوي موزطي بابا هوا الزطي
ريهام: اسكت لاتجيب العيد الله يهداكـ,ـ
احمد: تبوك مافي
ابراهيم /: وشووو
ريهام: لالا اسمع برهومي انا الزطيه بس لاتزعل بابا
احمد يغمز لريهام: برهومي تبوك مافي
ابراهيم : لابابا انا الزطي بس ابي اروح تبوك اهي اهي
احمد: مافي تبوك
ابراهيم يبكي : بابا والله ما اعودها بس ابي اروح لتبوك
احمد: هههههههههه خلاص الاربعاء بنروح تبوك وش رايك
ابراهيم: هييييييه بابا احسن واحد واقعد لحد العيد
احمد: امممم افكر
ابراهيم: بابا
ريهام: بابا
احمد: عيون بابا انتم
ريهام تبتسم: خله يعيد في تبوك صح بنشتاق له بس انا وعدته
احمد يفكر : صار
ابراهيم يضم ريهام: انتي احلى ماما والله
احمد : وانا وش
ريهام: وانت بعد احلى شي بهالدنيا
احمد: احم احم
شوق: واخيراً بنستقر بجده
علي مستغرب : ليه وكيف
شوق: قدمت استقالتي
علي بإستغراب وفرح بنفس الوقت:وشووو
شوق: كنت متصوره ابيع كل الدنيا ولا اترك التمريض بس حان الوقت اللي اترك التمريض فيه
علي: وش الطاري
شوق : غصون وابوها محتاجيني
علي: ياحياتي انتي الله يخليك لي
شوق بحياء : وانت بعد الله يخليك لنا
علي : غصون بابا تعالي هنا
غصون عمرها اربع سنوات تركض وتجلس بحضن ابوها
علي : بابا بكره نبي نروح لجده
غصون: برهومي برهومي
علي وشوق : هههههههههههههههههههههههههههههههههههههههههههههههههه ههههههه
علي : بنت امها هما برهوم ولد احمد
شوق : يالبى بنتي تبي ولد خالها
علي : اسمعي يابنتي لاترفضينه ثم بعدين يهاجر ويتركك هههههههههه
شوق تدفه بكوعها: علاوي استح على وجهك كأنك تلمح لشي
علي : لا بس افهم بنتي
شوق : اها تفهم بنتك ها
علي :شوق
شوق : لبيه
علي : كنت اقول قل لها المجنون وصاني وهو يعنيك يقول انه بينتظرك ولو شيب وشيبتي
شوق ودموعها قربت تنزل: الله لايعيده من ايام ايام السجن
علي: والحين اقول
تقبلوا تحياتي الشوق هاجسي
والنهــــــــــــــــــــــايه\ ابي رااااااايكم بصراحه
دعواتكم لي احلل النقل بس بإسم الشوق هاجسي وبسسسسسسسسس اما النقل بإي اسم ثاني لااحلل
تجميعي زهور حسين
اللهم لك الحمد حتى ترضى وإذا رضيت وبعد الرضى ,,, اضف تعليقك