رواية عندما تضئ الشموع بيد الحزن -23
الجزء الرابع و الأربعون
دخل البيت و قفل الباب من وراه و هو يضم نفسه من البرد الي بداء يشتد و خصوصا أخر الليل دخل يدينه في جيب بنطلونه و مشى ناحية الباب الداخلي لكن رائحة النار الي أخترقة أنفاسه خلته يلتفت ناحية الشوايه في زاويه من الحوش و أستغرب لما شاف الدخان يطلع من فتحتها العلويه مشى ناحيتها و شاف أريج هناك في هـ الوقت لوحدها
مشعل بغرابه شو عندك هنا ؟
أريج أشوي كستناء
مشعل هـ الحين عاد !
أريج ببسمه أي وشفيها مشتهيتها هـ الحين
مشعل مو برد عليك ؟
أريج لا قرب هنا ما بتحس برد
مشعل قرب و أخذ وحده كستناء و الي كانت لسى حاره اووف حاره
أريج رجعها ما أستوت لسى
مشعل رماها فوق الجمر هاتي عنك ......و أخذ يقلبها أريج تبين شغاله ثالثه ؟
أريج أستغربت منه ليش ؟
مشعل يعني تبقى معك بالليل مثل كذا لو تبين شئ لك أنتِ بس مالها شغل في البيت أجيب لك فلبينيه أحسن
أريج لا مشعل ما أبي ناني و ساتي يكفون
مشعل بحذر بس عشان تسافر معك كمان
أريج طالعت فيه و تنفست بعمق [ مشعل يفكر في بعيد يفكر لو فيه عمليه فعلا بتحتاج لوحده تبقى معها على طول ] الي تشوفه.......
*****************
في السيارة و طول طريق رجوعه للبيت و هو يفكر في كلام عبير تبي تخطب له و من أخت مشعل هو متاكد أنه أول واحد بيوافق عليه لكن ممكن يوافقون تتزوج قبل مرام و مرام ممكن تأثر فيها لجل الي سويته معها ممكن تتكلم و تتأثر حتى علاقتي بمشعل خلني أبتعد عنهم أحسن أتزوج من الأهل و أريح رأسي .....
****************
بخطئ هادئه دخلت لغرفة ريم تحاول ما تزعجها لكنها تفأجات فيها صاحية و جالسة على الكمبيوتر
مرام صباح الخير ما نمتي ؟
ريم صباح الفجر قصدك لا شبعانه نوم تبي شئ
مرام أي هذي عبير أتصلت تقول تعالوا أفطروا معي
ريم من جدها ؟
مرام أي ما وراها شئ صاحية لوحدها
ريم و عادي نروح مشئ مع الصبح هذا ؟
مرام شو بنخطف مثلا ؟
ريم ههههههه يمكن
مرام ما عندك سالفه تبي تروحي و إلا لا ؟
ريم و هي تطفئ الكمبيوتر اوكيه بس ببدل
مرام ماشي بروح أبدل كمان.....
*****************
بالملحق كانت جالسة و القطو في حضنها تتأمل السلة مبتسمه و هي تتذكر جرأة ماجد لما حط لها الورقة دخل عليها بدون ما تنتبه له
أبو أريج وين وصلت بنتي ؟
فجر ألتففت بدهشه هلا يبه
أبو أريج وش تفكرين فيه مع الصبح ؟
فجر بكذبه الدراسة قربت
أبو أريج أي و شدي حيلك أنتِ شاطرة و الكلية ما بتتغير عن المدرسة لو تابعتي دروسك من أول
فجر أن شاء الله يبه
أبو أريج الله يوفقك يا يبه أنتِ و أختك و أشوف عيالكم
فجر الله يطول بعمرك يبه و تشوفهم لسى شباب أنت
أبو أريج بضحكة يعني تشوفين فيه شده لثانيه ؟
فجر بهتت هي من يومها تكره أي رجال يفكر يتزوج بثنتين بدون سبب لا طبعا
أبو أريج حب يمازحها و ليش الله شرع لي أربع و بعدين أنا ما عندي ولد يمكن الحرمة الثانيه ربي يرزقني منها بولد
فجر بأنفعال يعني الولد بس هو الي يحسسك أنك أبو روح أتزوج وحده تجيب لك ولد بس أنسى أن عندك بنت أسمها فجر
أبو أريج ضمها و هو يضحك لو كان يفكر بالولد أتزوج من زمان لكن حياته مستقره و سعيده مع زوجته و بناته......
*******************
بالصالة كانوا جالسات بين سوالف و ضحك الوضع في بيت عبير معطيهم الأريحيه يسولفون و يضحكون بصوت عالي مثل ما يبون
عبير يا ربي منك يا ريم بس خلاص بطني عورتني من الضحك
ريم و هو الضحك بفلوس
مرام لا بس فيوزاتك ظاربه أنتِ من قل النوم
ريم بضحكة متعوده عند فجر نسهر بعدين نهبل بجدتي
عبير مره أعجبوني بنات عمكم صراحة حتى أمهم عسل
ريم عسل وبس هههههه بديت أحبها أكثر من أمي
مرام منتي صاحية اليوم
عبير لو فجر قريبه جبتوها معكم
ريم يا حظي بس فجر من الفجر عند جدتهم في الجبيل
عبير هههه حلوه فجر من الفجر
ريم وناسه عندها بنات خالات كثير مو مثلنا تقول مقطوعين من شجرة عم وأحد و خاله وحده
عبير وين أنا عنكم عندي سته خوال و خالتين بس أعمام ما عندي إلا عمه بس
مرام و وين بناتهم ما أشوف يزورنكم ؟
عبير عمتي في الأحساء و خوالي أربع متزوجين أغلب ذريتهم عيال و كبار بعد اما خالاتي لسى بناتهم في الإبتدائي و المتوسط
ريم مو حلو ما فيه بنات بعمرك في العائلة
عبير أي بس شو نسوي عاد...
*****************
في الفراش فتحة عيونها و هي تحس بالدوران تنفست بعمق و هي تطالع شنطة مشعل عند الباب و ببالها [ المرة الجأية بتكون شنطتك معه يا أريج ] مدت يدها و لمسة كتفه
أريج مشعل
مشعل هممه
أريج أصحى حبيبي عشان تفطر و تلحق الطيارة
مشعل بكسل كم الساعة ؟
أريج عشر ونص
مشعل سحب الفراش و تغطى بدري بس ربع ساعه خليني
أريج بالأصل غاصبه نفسها على القومه الصبح بالذات صار يشكل لها مشكله دوران و غثيان و قرف حتى من نفسها مشعل ما فيه وقت قوم يأدوب بتلحق و إلا خلاص لا تروح أحسن
مشعل رمى الفراش عنه هاذاني قمت تبينها من الله ما أروح
أريج عقاب للكسلانين
مشعل بضحكة عندي أمل أن ربي ما بيخيبني هالمرة
أريج بدون نفس الله يزيدك أمل
مشعل و هو قايم خلي ناني تجهز الفطور بالبس مرة وحده و أنزل عشان بمر أمي قبل أروح
أريج طيب الحين.......
*************
نزل بشنطته من فوق بعد ما لبس و أفطر طالع لسلطان الي بيوصله المطار شافها تبتسم له أسفل الدرج و بيدها جوازه و التذكرة
أريج كنت بتنسأهم
مشعل مو الي يتزوج وحده مثلك ينسى نفسه
أريج بغرابه ليش ؟
مشعل من كثر ما يفكر فيك تشغلين عقل الواحد
أريج بحاجب مرفوع مو كأنك تبالغ
مشعل بضحكة ههههههه أحس بعد
أريج أي هين
مشعل قرب منها و جلس على مستواها ما بتروحين عند أهلك تخليني أكون مطمئن عليك
أريج أرتاح هنا أكثر
مشعل اممم طيب الي يريحك بس خلي جوالك مفتوح على طول
أريج أبشر
مشعل و لا تطلعين في البرد
أريج أبشر
مشعل و بغياظ و لا تصحين
أريج أبشر
مشعل كمان لا تسهرين
أريج ههههه زين سلطان بينتحر في السيارة
مشعل يفداك ههههههه يالله تشاو.....
تمشي معها و هي تحس إنها ما هي طبيعية حتى في الشارع مرام و هي تظربها على كتفها
مرام بنت بسك ضحك حنا بالشارع
ريم فاضي ما تشوفين
مرام لا يا شيخه فاضي و السيارات الي تمر
ريم ما يسمعون مسرعين
مرام لا بيسمعون و كمان بيأذن الظهر العالم بتطلع المسجد
ريم و هي تضرب جبينها مشعل بيسافر اليوم ما كلمته
مرام لا تتصلي في الشارع خلي ندخل البيت
ريم و هي توقف لحظة فيه سيارة عند الباب وااااو كشخه
مرام بلا مبالأة مشت تلقيه واحد من سواقين الي يزورون آمي تعالي بس
ريم بضحكة هستيريه يا بنت هذي متشببه طالعه رنج بلحق أشوفها
مرام ضحكة من قلبها ياالله يمكن يطلع عندها ولد تزوجك
ريم و مهري رنج أمه هههههههه
مرام و هي تمشي من جمب السيارة لا أجل فكري في المؤخر كمان قال رنج أمه قال و تطلع من طينة أمي يبي لك مؤخر سنع أقترح عليك ثلاثه مليون تكفي صح ؟
ريم وهـ مكسب صراحه بزياده لقب بس
دخلوا مرام و ريم البيت بضحكهم و طنازتهم بدون ما ينتبهون لسلطان الي كان واقف وراء السيارة ينتظر مشعل يطلع و ضحك من قلب على سوالفهم و ما كان عنده أي شك أنهم راجعين من عند عبير......
****************
في المساء كانت جالسة بالصاله تطالع التلفزيون لما سمعت الجرس و نأدت على ساتي تشوف مين و ألتفتت على صوت أبوها
أريج هلا يبه حياك تفضل
أبو أريج الله يحيك يبه
أريج و هي تلتفت خلفه ما معك حد يبه ؟
أبو أريج و هو يجلس لا والله توني منزلهم من الجبيل و جأيك
أريج ما شاء الله حتى جدتي راحة معكم
أبو أريج أي راحة و أنبسطت مع جدتك هناك ما بغت ترجع
أريج بضحكة الله يسعدهم ما يملون سوالف مع بعض
أبو أريج وصل مشعل طمنك و إلا لسى ؟
أريج أي وصل يبه و أتصل
أبو أريج و متى بيرجع هو ماهو قبل رمضان بكم يوم راجع من هناك وش عنده
أريج طالعت الأرض إلا أبوها ما تعودت تكذب عليه يبه مشعل يروح عشان.....وسكتت
أبو أريج عشان شو يبه رجلك فيه شئ ؟
أريج لا يبه هو يروح عشاني مشعل يبي يسوي لي فحوصات من جديد
أبو أريج بحذر و بتروحين معه ؟
أريج تنفست بعمق يبه ما قدرت أقوله لا
أبو أريج يبه هو كلمني من قبل و قلت له لا تجبرها لو ما تبي تروح خلها براحتها
أريج بتحدي لا أنا بروح معه المرة الجايه
أبو أريج بحنان يا عمري كلنا معك لا تتضايقين من شئ خلي بس الله معك و هو ما بيخيبك....
**************
في الفندق كان متمدد على السرير و تفكيرة في بكره كيف بيكون عنده أمل كبير أنه يحصل دكتور ممتاز لأريج المانيا معروفه بكثرة مستشفياتها و التطور الطبي فيها ما يبي يستعجل و يحدد موعد عند أي دكتور لازم يحجز عند أفضل طبيب تنفس بعمق ( هذي أريج مو أي أحد قلبت حياتي هذي البنت بشكل ما أتخيلته من يصدق أني مشعل الي قبل كم شهر بس يا ترى لين متى بنضل على الحال ؟ و أمي و مها و..... شو بقول لأريج وقتها و إلا حتى عمي ) لوهلة غمض مشعل عيونه على حقيقه ينكرها كل ما حس بحب أريج و كانت بجمبه [ تسرعة يا مشعل تسرعة في كل شئ ]....
****************
الجزء الخامس و الأربعون
دار بوجهه الجهة الثانيه و بباله [ اللهم طولك يا روح ] يعرفها لحطة شئ براسها ما تنسى و لازم يصير و هـ المرة شكل ما فيها فكه و أخته معها
أم عبير يعني أنت لين متى بتجلس بدون زواج هذولا أصحابك كلهم متزوجين
عبير أي حتى أعز أصحابك مشعل متزوج
سلطان و يا ليتني معه في المانيا
عبير بالله ما كرهتها ؟
سلطان بس أكره سالفة الزواج أكثر
أم عبير يا أخوي أنت مكره نفسك بالزواج و إلا هو ما فيه شئ ينكره
عبير نخطب لك وحده ما تقولك وين رايح و وين جأي هذا الي تبيه
سلطان لا إله إلا الله هالحين أنا قلت أبى كذا و إلا كذا و جلسة أتشرط
أم عبير بفرح يعني أنت ما عندك أي شروط في الي تبيها ؟
سلطان بدون نفس لا
عبير و ريم ما تحتاج حد يتشرط فيها
سلطان أنتفض و كأن حد صب عليه كأس مويه ريم لا و لا تفكرين تكلمينها حتى و إلا خلاص بطلنا بلاها سيرة ما عاد أبي أتزوج
عبير لا لا خلاص نخطب لك من عند أي حد ثاني بس أهم شئ أخذنا موافقتك في الزواج.....
****************
أبتسم بحب و عض شفايفه على صوت ضحكتها تجلجل بأذنه الشوق دائم يغلبه لسمع صوتها
مشعل زين و بعدين ؟
أريج بضحكة و لا قبلين أخذتها بالقوة وراحة البيت
مشعل بغياض و تلقينها أعطتها لقطوتها تأكلها
أريج والله تسويها يا خسارة التربية بس
مشعل أنتِ وش جأيك عليها مربيتها كم شهر و بعدين ما عاد تبينها ؟
أريج تعبت منها و بس
مشعل بضحكة و بس ؟
أريج أي
مشعل دلوعه أنتِ
أريج بضحكة من قلب تعلمت منك
مشعل بسألك أنتِ ليش تحبين تغيضيني ؟
أريج بغرابه ليش ؟
مشعل يمثل البراءه بصوته ما تضحكين إلا إذا سافرة اماا و أنا فيه ما أشوف إلا بسمه صغيرة بس
أريج بدلع عشان تبطل أسفار يا أبن بطوطه
مشعل هههههه لاه تجازيني يعني ؟
أريج يس
مشعل رفع صوته أريج ما قلت لك ؟
أريج شو !
مشعل الجناح الي جمبي فيه عراقيه ملاك
أريج بهدوء تبي تغيضه ما شاء الله أسمها ملاك
مشعل لا ملامحها ملاك حلوه يعني
أريج أي الله يخليها لأهلها
مشعل بأحباط أي الله يخليها
أريج ههههههه وش فيك ؟
مشعل و لا شئ
أريج أجل عراقيه و ملاك
مشعل واثقه أني ما بفكر حتى أطالع غيرك
أريج بضحكة مو كثير بس شوي
مشعل بس خليني أرجع
أريج ههههههه بتجيبها معك ؟
مشعل ههههههههه فكره والله جبتيها لنفسك
أريج مشعل بصيح
مشعل بطنازة لا لشفتيها صيحي مو اليوم.......
*****************
طالعت في أمها مبهوته من الي تقوله ما تنكر بداخلها فرحها بس مجرد يخطر ببالها أنها بتبعد خلاص يقتل فرحها
فجر يمه يعني خلاص ؟
أم أريج بضحكة هالحين من متى و أنتِ طايرة على العرس و الحين بتبطلين
فجر بأندفاع لا من قال ما بى بس خالي قال بعد سنه مو الحين
أم أريج عاد هذا طلب ماجد
فجر بس هو لسى ما خلص دراسة
أم أريج باقي له كم شهر و وظيفته و شقته جاهزه يمه بعدين هي إلا ملكه و العرس بعد كم شهر وش فيك متخوفه
فجر يعني باقي حول شهرين بس
أم أريج أي يمه
فجر بتفكير زين أبي ملكه في البيت و لا تعزمون أحد غير الأقارب بس
أم أريج بغرابه منها يا سبحان الله هذي فجر الي تكلم
فجر بضحكة شيطانيه يمه ما أبي أخسر رجلي العزيز و التوفير شئ حلو
أم أريج ههههه أي هذي فجر ما تغير مبروك يمه الله يفرحني في عيالك يأرب
فجر الله يبارك فيك يمه و يطولي بعمرك.....
*************
بالصاله نزلت تجلس مع أبوها و شافتهم مجتمعين من فتره و هم ما جلسوا مع بعض بداخلها تمنت لو مشعل معهم مثل أول لكن بصوره أفضل و جلسة عائلية كلها حب
مرام و هي تبوسه على رأسه شخبارك بابي ؟
أبو مشعل بخير يا يبه وينك أنتِ ما عاد تنشافين
مرام موجوده بس نومي ملخبط مره
أم مشعل بكره ترجعين الكلية و يتعدل نومك
ريم لا تذكروني
أبو مشعل وش عندك عاد عليها
ريم يبه أنا أكره الدراسه
أبو مشعل بس الدراسه مستقبل
ريم هذا كلام عمي عبدالرحمن من يشوفني مع فجر إلا و عمل لنا محاضره عن المستقبل و الدراسه
أبو مشعل و النعم فيه عمك قضى عمره يدرس و يعلم طلابه
أم مشعل وش أخذ في النهايه هذا هو متقاعد بكم ألف و جالس في البيت
أبو مشعل بيته ملك و عنده محلين تدخله مبلغ كل نهاية شهر على راتب التقاعد و هو مرتاح لو يحصل لي كان رجعة بعمري وراء و عملت مثله
أم مشعل و كنت تظن بعيش معك كذا ؟
أبو مشعل و ليش ما تعيشين و إلا يمكن أنا أخذك من بيت أبوك و هو وزير
أم مشعل بقهر عبدالله لا تغلط على أهلي كم مره أقولك
أبو مشعل و أنتِ لا تنسين أنكِ بنت ناس أقل مستوى من أهلي و أنا الي رفعتك فوق
مرام يبه يمه خلاص أستهدوا بالله يعني هـ السالفه كم مره بتعيدونها
ريم و هي قائمه لين الواحد يمل و يكره البيت أكثر
أم مشعل أبوكم طول عمره ما يحترم أهلي
أبو مشعل و هو قائم أنا أروح أقابل أوراقي أحسن لي....
***************
بفرح كانت تسمعها و مبسوطه على الخبر الحلو الي معها أبتسمت و فتحت لها يدينها
أريج تعالي أحضنيني
فجر بضحكة خلي يوم الملكه مره وحده
أريج يا سخيفه تعالي
فجر قامت و حضنتها و هي تضحك السخيف رجلك بالله شو عنده مسافر
أريج مالك شغل فيه هو على رأسك
فجر لا على قلبي
أريج بضحكة أجل ماجد وين ؟
فجر ههههههههه مالك شغل
أريج بطنازه لو درينا حددنا يوم الملكه من زمان
فجر و ليش ؟
أريج يقولون عقلتي و تبين ملكه صغيره
فجر و هي تحط رجل على رجل والله أنا أفكر في مصلحتي قبل كل شئ
أريج لاه و كيف ؟
فجر يعني بدل خسائر ملكه كبيره نوفر فلوسنا لحياتنا و متطلباتنا بعد الزواج
أريج بضحكه وش متطلباتكم بعد الزواج ؟
فجر تعدل جلستها أهم شئ سفره
أريج إيه أنتِ لا تثقلين على رجلك يعاف العرس من أوله
فجر لاه لاه أنا بعدين بتخرج و أتوظف و أساعده و لووو
أريج أي ساعديه يسدد ديونه بسببك
فجر بطنازه وليه على أمتي ما يكون بالسجن بس
أريج هههههه لا يكثر بس بكره من تشوفينه قابليني لو نطقتي بحرف
فجر ضحكة بخجل و هي تتذكر لما شافته بالمطبخ و كيف تجمدت بمكانها......
***************
مشى على العنوان الي بيده و وقف يطالع المبنى قدامه الي كان جدا فخم مركز متخصص في علاج العمود الفقري و أفضل طبيب في المانيا بسمل في سره و دخل و هو يضغط على الملف بيده تقدم ناحية الرسبشن [ راح يكون الحوار مترجم ]
مشعل مرحبا
الموظفه أهلا
مشعل هل لي أن أقابل الطبيب
الموظفه لديك موعد مسبق ؟
مشعل ليس بعد و لكن حادثته بالهاتف بالأمس وقد حضرت و معي الأوراق الأزمه ليطلع عليها
الموظفه حسنا دقيقه من فضلك
مشعل اوكيه
الموظفه و بعد ما نزلت الخط تفضل من هنا الغرفه الثالثه
مشعل أبتسم شكرا.....
**********************
أبتسمت له و هي تمد لي فنجان القهوة كثير تفرح بجيته لها و سوالفه معها
أريج تفضل عمي
أبو مشعل زاد فضلك يبه أستريحي
أريج مرتاحه عمي
أبو مشعل دوم يا يبه إلا وش أخباره مشعل ؟
أريج بخير ما عليه
أبو مشعل لو بس الله يهديه عن هـ السفر
أريج ما عليه عمي بكره بيترك السفر من نفسه بعدين هو إلا يغير جو
أبو مشعل ما يخلص شهر يا يبه في بيته بس يضيع عمره و فلوسه على الفاضي
أريج يمكن هو تعود بعدين مشعل يحب يغير على طول خله عمي لين يمل من نفسه
أبو مشعل زين يا يبه أنتِ ناقصك شئ تبين شئ ؟
أريج لا عمي خيرك سابق و مشعل ما هو مقصر معي بشئ
أبو مشعل الله يخليكم لبعض يبه
أريج و يخليك عمي
أبو مشعل إلا وينها فجر عنك ما تنام عندك ؟
أريج توها كانت عندي وراحة ما تنام والله الوالده لها كم يوم تعبانه و ما بنخليها لوحدها
أبو مشعل سلامتها أي والله قالي أبوك أمس أكيد من البرد الشتاء خلاص دخل......
****************
طلعت من غرفتها و جلسة مع أمها الي كانت جالسه لوحدها في الصاله
مها الحلوه وين واصله
أم مها هلا يمه هذاني هنا وين بروح
مها وش فيها خالتي معاد تمرك
أم مها و الله مدري عنها خالتك عيالها رافعين لها الضغط
مها وش مسوين ؟
أم مها مدري مره تشكى من مشعل و حرمته و مره ريم الي غير في بيت عمها و هالحين مرام الي مدري وش جايها
مها يمه خالتي ما عندها سالفه مشعل ما تغير من عرفة الدنيا و ريم تروح عشان فجر بعمرها و الحين بيدخلون كلية مع بعض
أم مها والله مدري عنهم
مها بضيق و إذا على مرام فهي حصلت لها صديقه جديده يعني ما فيها شئ
أم مها و من بنته ؟
مها مدري يمه تعرفة عليها بالمسجد من رمضان
أم مها من يصدق مرام تغير علينا معاد هي بنت أختي الي أعرفها......
***************
طلع من المركز و هو مبتسم على الكلام الي سمعه صار فيه أمل و فائده من سفرته هالمره خلاص حدد الموعد و كل شئ بس باقي يرجع مع أريج طلع جواله و أتصل فيها
أريج و الي كانت على أعصابها تنتظر مكالمته هاااه مشعل شو قالك ؟
مشعل بضحكه بشويش طيب لا تأكليني
أريج مشعل مو وقت برودك تراي على أعصابي
مشعل فديتك يا قلبي خلاص كل شئ تمام عملت لك موعد و الدكتور بشرني خير
أريج أخذة نفس و متى الموعد ؟
مشعل بعد شهر و نص و هذا أقرب موعد عنده
أريج و أنت متى بترجع ؟
مشعل لسى ما حجزت
أريج الحين طيب روح أحجز
مشعل بذهول هالحين ؟
أريج مو تقول خلصت كل شئ
مشعل بضحكه بس باقي ملاك
أريج بنبرتها المعهوده بكسر الميم و الشده على الشين مشعل
مشعل هههههه عيونه
أريج هالحين تروح تحجز أقرب طياره و ترجع
مشعل أبشري.....
*********************
عند المغسله فتحت المويه تغسل بعد ما رجعت كل الي بجوفها غسلت و غمضة عيونها و هي تسترخي على الكرسي تحس بشعور غريب من فتره كل يوم يزيد معها
ناني و الي كانت واقفه من وقت بدون ما تنتبه لها أريج مدام أنتِ كويس ؟
أريج فتحت عيونها أي يبى حاجه ؟
ناني مرام ريم و وأحد ما يعرف مرام قول عبير صديق حقها كله تحت
أريج عدلت جلستها و طالعت المرايا وجهها أصفر و ذبلان طيب سوي قهوة أنا يلبس و ينزل
ناني اوكيه .....و بتردد مدام
أريج شو فيه ؟
ناني لازم يروح مستشفى بعدين أنتِ يستفرغ كل يوم ما فيه كويس كذا لازم دكتور يشوف
أريج بقرف لا أنا كويس خلاص يأخذ دواء بعدين......
****************
الجزء السادس و الأربعون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك