رواية هدمت حياتي بيديك وجاي تقول ندمت -23
بيــــــــــــــــــــــــت ابو ضاري
ابوضاري :لين
لين وهي مستحيه: هلابابا
ابوضاري: ترا الخميس الجاي متعب جاي عشان يخطبك رسمي
ليان خزتها وبصوت مو مسموع: حركتات لين
مرام: خلي البنت اشوف شكلك اذا جيتي تنخطبن وش بيصير
ليان: لا انا بجلس مع بابا ماراح اخليه
ابوضاري ناظرها بدون ما يعلق على كلامها
مرام :الاوين ضاري
ابو ضاري: مدري والله عنه ليه في شي
مرام :لا بس اسال عشان اليوم ما شفته يلا انا بطلع ارتاح بغرفتي تامرون على شي
الكل :لا سلامتك
وراحت غرفتها وجلست تفكر وذبحها كثر التفكير وبعدين جتها فكره
وقامت ولبست عباتها وطلعت بدون احد ما يشوفها وركبت التاكسي ومشت
وهي تركب التاكسي شافها ضاري وراح يلحقها بس ركبت التاكسي قبل لا يوصل لها
ووصلت مرام للعماره اللي ساكن فيها عبد المجيد
ورنت الجرس وفتح لها عبد المجيد واول ما شافها ناظرها بكل شوق وحب وهي كانت تبادله نفس النظرات
وانتبه عبد المجيد لنفسه: حياك تفضلي
منال: من اللي عند الباب وتفاجأت :مرااااااام
مرام:ايه مرام مو عاجبتك ولا كيف وانا مو جايه عشان اجلس لانه ما يشرفني اجلس عند واحده مثلك
بس جايه اقول لعبد المجيد شي وماشيه
عبد المجيد: تفضلي طيب ادخلى نتكلم جوا مو عند الباب
ودخلت مرام وجلست على الكنب وبكل غرور حطت رجل على رجل : طلقني يا عبدالمجيد
عبد المجيد: وش قلتي
مرام : قالت طلقني واضحه واتوقع صوتي مسموع
عبدالمجيد: بس انا يامرام احبك واموت فيك
مرام وهي تناظر منال ومحتقرتها: لا واضح بعتني بالرخص والله
عبد المجيد قرب من عندها وجلس تحت رجلها :لا يامرام انتي عرفتي السبب اللي خلني ااسوي كذا
وانا والله ندمت لا تتركيني يا مرام
منال: خلها تولي بس
مرام قامت من مكان بنفس غرورها : انا اولي هههه فعلا واحده ما تستاهلين الصداقه اللي كانت بيننا
بس والله الغلط مو منك من اللي مسوي مضحي في سيبل البشريه ولفت على عبد المجيد : طلقني وما ابي اعيدها
عبد المجيد: لا مستحيل اطلقك
مرام: وانا الجرح اللي فيني مستحيل الزمن يداويه لو سمحت طلقني على لاقل
يكون بيننا احترام دام الحب راح لا تخلينا نخسر كل شي حتى الاحترام
عبد المجيد قرب من عندها ومسك راسها وقرب وجهها منه : اكيد الحب راح يامرام بس انا ما اشوفه راح
منال :مرام لو سمحتي وخري عن زوجي انا ساكته لانك ضيفه عندي
عبد المجيد بعصبيه:انا مو قلتلك يامنال انها زوجتي قبلك انتي ما تفهمين
مرام:ههههههههه حتى هو مايبك ناظرت بعبدالمجيد :انا كنت زوجتك اما الحين لا
وشوي ودق الباب وفتح عند المجيد الباب
وكان ضاري
ضاري: مرام وش جابك هنا
مرام: جيت اخلي هذا يطلقني بس هو مو فاهم
ضاري: وانا اخوك انتي ارجعي البيت وورقتك انا بخليه يجبها
مرام: لا والله ما انزل من هنا الى على المحكمه
عبد المجيد يسمع هذا الكلام وقلبه يتقطع
منال بعد ما دخلت وجابت شي تتغطاء فيه: طلاقها يا عبد المجيد خلاص هي ما تبيك وخلك عند اللي تبيك
عبد المجيد ناظر مرام : اذا هذا الشي يريحك انا موافق بس والله انه مو براضي
ضاري:يلا بس عن الفلسفه الزايده جرحت كرمتها واهنتها وغير كذا تتزوج صديقتها وتشيل هي ذنب مالها
دخل فيه والله حرام عليك
مرام:خلاص كافي ياضاري ليه تتعب نفسك عشانه ولا عشانها هو ما قدر حبي له وهي ما قدرت حبي لها وصداقتي لها
منال تناظرها:لو انتي مكاني يامرام وش كنتي راح تسوين
مرام بغرور:انا مستحيل اكون مكانك ولو صارت ما اخذ زوج صديقتي وانا عارفه انها تحبه بس ما اقول الا
حسبي الله ونعم الوكيل وفيكم
عبد المجيد: خلاص كافي يامرام
مرام:ههههههههه يلا ضاري احتريك برا وانت تعال عشان نروح المحكمه لان فكره اني زوجتك صارت شي مقرف بالنسبه لي
وطلعت مرام وطلع بعدها ضاري وعبد المجيد
منال بخاطرها" انا لازم اترك عبد المجيد ما اقدر اعيش مع واحد قلبه مو معي ما اقدر بس لو طلب الطلاق
الحين وبقولون عن الناس يارب صبرني وبعدين هو جرحني كسر بدخلي انوثتي"
بعد ماخلصوا اجراء ت الطلاق وهم عند باب المحكمه
مرام: اوووووووووووف اخيرا ارتحت اخيرا
عبد المجيد: بس انا كذا زاد تعبي يامرام
مرام:ههههههههههه ضحكتي والله
ضاري :يلا مرام لاتكلمينه هو خلاص ما صار زوجك
مرام :ايه والله يلا ضاري وهي ماشيه همست باذن عبد المجيد: لا تحسب نفسك اانك طلقتني يعني
بترتاح من شبح مراااام وربي وانت معها لا تناديها باسمي وابتسمت بغرور وراحت ركبت السياره
تذكر عبد المجيد يوم نادى منال وقالها مرام وبخاطره"اااااااااااااااه يارب ساعدني"
--
--
--
--
--
--
--
--
--
--
--
--
وصل ضاري ومرام للبيت
ابو ضاري : مرام وين كنتي
مرام: كنت عند عبدالمجيد
ابو ضاري بعصبيه: وش وداك عنده هاه
مرام:رحت اطلب الطلاق لاني لو انتظرتكم ماراح اتطلق وبصير معلقه طول عمري
ابو ضاري: وانت كنت معها
ضاري ما حب يقول لابوه انه شافها وهي تركب تاكسي وراحت بدون ما احد يدري: ايه يبه انا اللي وديتها
ابو ضاري: ليه ما قلت لي طيب
ضاري: انا شفتها زعلانه قلتلها يلا نتمشى وهي ما كانت تدري اني بوديها عند عبد المجيد ورحت هناك
ورحنا بعدها للمحكمه وطلقها
ابو ضاري بصدمه: طلقها بسهوله
مرام: شفت يا بابا هذا اللي خلتوني اتعلق فيه تركني بسهوله عشان واحده....
ضاري: خلاص يامرام لا تحطين بذمتك
مرام وهي واضح عليها الانسكار:تدرون احس اني اسعد انسانه في الدينا اني تركت عبد المجيد
الا على نزلت لين وليان
ليان: مرام وش قلتي
مرام: تركت عبد المجيد
لين: خلاص تطلقتوا
مرام: ايه خلاص
ليان:كيف ومتى وليه
مرام: تعالوا عندي الغرفه وانا اقولكم
وطلعوا هم الثلاثه للغرفه وقالت لهم مرام كل السالفه بس السالفه الاصليه مو اللي الفها ضاري على ابوه
ليان: والله حقييييره شين وقوي عين بعد وانتي ليه كنتي ساكته لها
مرام: اانا كنت رايحه عشان شي معين وسويته وخلاص
لين: بس حرااام عبد المجيد كسر خاطري
ليان: اجل تزوجيه انتي
لين: واخلي متعب قلبي هين بس
مرام ابتسمت ابتسامه باهته: اقول اعلقي بس وخلك ثقل لا تصيرني مثلي هبله وبعدين يضيع منك
ليان ولين حسوا فيها
ليان:يلا حنا بنطلع عشان ترتاحين
لين: ايه والله شكلك تعبانه
مرام وهي تكابر: لا بالعكس صحيح اني ودي انام بس مو من التعب لاني اول مره احس اني حره
وابتسمو لها لين وليان وطلعوا من الغرفه
وجلست مرام تبكي بحراره وكانت دافنه راسها بامخدتها عشان محد يسمعها وهي تبكي
--
عند عبد المجيد راح بيت جدته ودخل عندها وهو يقول:راحت مني ياجدتي راحت خلاص
ماراح ترجع مره ثانيه انا خلاص خسرتها باقي عمري والسبب اني تسرعت ااااااااااااه وراح في حضن جدته وجلس يبكي تقريبا ربع ساعه
بعد ما حست الجده انه ارتاح شوي: قول لي من اللي راحت
عبد المجيد: مرام ياجدتي مرام
الجده بخوف: ليه وش صار لها
عبد المجيد: ماصار لها شي وقال للجده كل السالفه
الجده: لا تلومها يا عبد المجيد مافي واحده بترضى باللي انت سويته فيها انت ما شفتها كيف يوم كانت عندنا ما كانت مرام اللي نعرفها كانت واحده ثاينه طول الوقت سرحانه
عبد المجيد: ياجده انتي عارفه اني اضطريت اسوي كذا
الجده: انا عارفه وعذرتك بس اللي ما اعذرك عليه انك بعد ما اخذتها الاستراحه ورجعتها بنفس اليوم تزوجت منال وهذا ماله الا معنى واحد بس انك خلاص بعتها وماتبيها وجيت بعد ما تزوجت منال تفهمها السالفه
عبد المجيد: انا عارف اني تسرعت والله اني ندمت بس هي ما عطتني فرصه وقللت من كرامتي
الجده:المفروض انك تحاول معها وبعدين ما في كرامه بين الزوج وزوجته مافي ياولدي
عبد المجيد:خلاص ياجدتي هي راحت مني
الجده: لامو خلاص في امل وفي حل وحلها الوحيد انك تترك منال
عبد المجيد: صعبه اني اطلق منال الحين وحنا تونا متزوجين صعبه
الجده : ومن قال الحين بعد فتره بس انا بسالك سؤال وجاوبني بصراحه
عبد المجيد:تفضلي
الجده: انت من تحب منال ولا مرام
ناظرها عبد المجيد بدون ما يرد عليها
الجده: شفت انت نفسك ما تدري وش تبي اجل لا تلوم مرام لا تلومها
عبد المجيد: انا ياجدتي ما ابي اظلم منال ولا ابي اترك مرام وحبي لها كل ذا السنين
الجده:خلاص ياعبد المجيد لا تتكلم في هذا الموضوع الا اذا فكرت صح وقررت
انت من تبي بالضبط مرام ولا منال
عبد المجيد: ان شاء الله جدتي يلا انا بروح تامرين على شي
الجده: لاسلامتك بس فكر باللي قلتلك عليها
عبد المجيد ابتسم لها: ان شاء الله
وطلع
...
...
...
...
...
...
...
...
...
بعد مرور اسبوع
اماني وعادل
اماني باخر موقف صار مع عادل
صارت تبعد عنه وايش يقوله لها تسويه
وتطبخ وتشتغل وبالغصب يخليها تنام معاه بالغرفه
واماني ساكته
عادل صار يسكر ويرجع سكران اخر الليل
واماني متحمله وساكته
...
عبدالمجيد نفس ماهو
عايش مع منال بجسده بس عقله وقلبه مع مرام
ومنال تتحاشي تكلمه
...
...
مرام قدام الجميع فري وتضحك
بس لصارت بغرفتها ولحالها تنهار تبكي بشكل لايوصف
...
...
ضاري يفكر بعد خطبه اخته لين يخطب في
...
...
رائد كلم امه عشان تخطب هديل بس رفضت
قالت مو الحين تخطبها لخصلت البنت دراستها
ورائد تضايق حده
...
...
بشاير للان ماردت ع ابوها ع خطبه تركي لها للان تفكر
...
...
بكندا
اماني جالسه تتصفح مجله
دخل عادل:اماني
اماني بدون لاتناظره:نعم
عادل:نايف صديقي تحت قومي سوي لنا قهوه
اماني من سمعت اسم نايف حست بقهر
سكرت المجله
وطلعت
وشرشفها عليها
دخلت المطبخ
وحطت الشاي والقهوه ع النار
لفت شافت نايف واقف عند الباب ويناظرها
ارتجفت وحست بخوف:انت شتبي
نايف ببتسامه:لسه ماعرفتي شبي
اماني بصوت عالي:عادل
ضحك نايف:تناديه وهو ماخذك عشان يذلك ولايبيك ولامهتم فيك انا ابيك وانتي تهميني
اماني بكت:اطلع برا ياحقير اطلع
نايف:طالع ياقلب نايف وارسل لها بوسه بالهواء وراح
اماني جلست تبكي وبخاطرها"حتى صديقك يدري انك ماتبيني ياعادل الله يسامحك"
نايف صادف عادل
عادل:وين كنت
نايف:اغسل ايديني بالحمام
عادل:طيب انا رايح اشوف اماني خلصت والا باقي
ابتسم بغموض نايف وجلس بالصاله
عادل دخل المطبخ شاف اماني تبكي:هي انتي
اماني رفعت راسها
عادل:شصير ليه كل هالبكاء
اماني:صاحبك هذا مابيه يدخل بيتي
عادل قرب لها:نعم نعم بيتك هذا بيتي انا وانتي هنا شغاله
اماني مسحت دموعها:انا بنت عمك ياعادل عيب هالكلام
عادل:خلصيني بدون فلسفه عطي الصينيه
هزت راسها بقل حيله وعطته صينيه الشاي والقهوه
حطت شرشفها عليها وطلعت فوق
وعادل راح عند نايف
...
...
...
...
...
...
...
...
في السعوديه
بيت ابو عبد المجيد
دقت في على هديل
في: السلام
هديل: وعليكم السلام وينك ما ينسمع صوتك ولا خلاص حبيب القلب نساك هديل
في: لا والله كنت مشغوله تعرفين انتي سيدات لاعمال الى مثلي ما عندهم وقت
هديل : ايه صح نسيت
في:هههههه اجل لا عاد تعودينها
هديل: هههههههههه طيب
في:بقولك خبر رهيييييييييييييييييب
هديل : وشو
في : متعب خطب لين
هديل: بذمتك
في : والله العظيم وبنروح لهم بكره
هديل: والله صبرت ونالت لين تستاهل والله
في: واي لوتشوفين متعب ذا الثقيل طريت مخه
هديل: ههههههه كيف
وقالت في لهديل الى سواه متعب
هديل: لا من جد طار عقل الولد من الحين اجل بعد الزواج كيف
في:هههههههههه والله مدري اتوقع على طول مستشفى المجانين
هديل:ههههههههههههه اسمعي بس اذا جيتو ترحون مروا علي تعرفين هذا اول واحده
من الشله تنخطب لازم نكون معها
في: ان شاء الله
هديل: يلا بااااااااي بروح ابارك للين
في: هههههههههه طيب يلا بااااااااااي
ودقت هديل على لين باركت لها
وبعد ما خلصت المكالمه قالت لابوها انها بتروح مع في عند لين وليان وقالت له ان متعب
بيخطب لين ووافق ابوها انها تروح معهم
--
--
--
--
--
--
--
--
--
--
يـــــــــــــــــــــــــــــــــــــــــوم الخميــــــــــــــــــــــــــــس
بيت ابو متعب
متعب: يلايبه يلا يمه
في: اصبر نلبس وش مطيرك كذا
رائد: مدري الظاهر انه اول واحد يتزوج
متعب: عن السماااجه انت وياها
في : حركتات متعب والله طالع قمر اليوم تدري لو اني مو اختك والله كان تحلم لين فيك
متعب بثقه: انا عارفه بس انا احمد ربي انك اختي لان ماابي الا لين
رائد: اموت اناعلى مذوب قلوب العذرا
متعب وفي:هههههههههههههههههههههههههههههه
ام متعب: يلا
متعب يلا
وطلعوا ام متعب ابو متعب راحوا مع متعب ورائد وفي راحو بسياره واحده عشان يروحون
يجيبون هديل
ركبت هديل السياره ونزلت في وجلست جنبها وري لف رائد وراى
في : خير ان شاء الله قدام لو سمحت
رائد: وش اللي خير واحده فيكم تجي قدام
في: ليه سق وانت ساكت بس
رائد: وش اللي ليه سواق عندكم انا يلا واحده تجي قدم
في: يلا هديل روحي قدام
رائد عشان يناظرها بالمرايه: لا انتي تعالي قدام انا ماارضى ان زوجتي احد يشوفها
في:من اللي بيشوفها وهي متغطيه
رائد: اخلصي بس يلا تاخرنا تزوج متعب وجاب عيال وحنا تونا مارحنا
هديل وفي:ههههههههههههههههههه
ورجعت في لمكانها وحرك رائد وصلو بيت ابو ضاري
راح رائد عند الرجال ودخلت في وهديل عند ليان ولين ومرام وام متعب
--
--
--
--
--
--
--
--
--
--
--
--
عند الرجــــــــــــــــــــــــــال
بعد ما باركوا لمتعب بالخطبه
ابو ضاري:يلا بروح انادي لين عشان النظره الشرعيه>> على اساس انه ماعمره شافه
متعب يهمس لرائد: يلا براااا لو سمحت
رائد بعباطه: ليه
متعب: بد الاسهبال لين بتدخل وانت وش يجلسك
رائد هو يتحلطم: طيب يلا ضاري نطلع
وطلع ضاري ورائد برااااا
عند البنات وام متعب
دخل ابوضاري بعد ما تغطت ام متعب
ابو ضاري: يلا لين عشان تدخلين
لين وهي مرتبكه: لالا وش يدخلني ما ابي
ابو ضاري: يلا قومي ماراح تقعدين بس بشوفك واطلعي
لين بتحلطم : طيب
وراحت لين ورا ابوها
وكانت ليان جايه طايره ومعها صيبنه العصير: اصبري لين
لين: وشو
ليان : خذي صنينه العصير
لين: وانا ناقصه
في: يلا اجل تدخلين كذا
هديل: والله مدري عنها تبي تفشلنا
لين: اووووووووف منكم واخذت الصيبنه من ليان وراحت مع ابوها
واول ما دخلت متعب اول ما شافها قام وقف وهذا الشي زاد ربكت لين وبعدين حس على نفسه وجلس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك