رواية عندما تضئ الشموع بيد الحزن -21
الجزء الأربعون
طلع الدرج و في يده صينية الأكل بداخله كان يضحك هـ الحركة بدت تكثر منه طواعياَ يعملها لها كل ما تعبت و كأن صحتها من فترة في تدهور صايرة مناعتها ضعيفه جدا لازم يفاتحها بموضوع العلاج في أقرب وقت دخل وشافها راجعه نائمه و هو توه مصحيها حط الأكل على الطاولة و قرب منها
مشعل أروجه يالله أصحي كلي
أريج سحبت الفراش و غطة وجهها و بصوت مبحوح ما أبي
سحب الفراش عنها مشعل حبيبي قومي عشاني بس كلي شوي و خذي مسكن عشان تخفين و تصومين
أريج كانت تهذر بدون وعي من كثر الحمى بردانه أنا كيف أصوم
مشعل لما تأكلين تدفين أفتحي فمك يالله
أريج و هي تتذوق مر
مشعل لا ما هو مر هذا الطعم من حلقك
أريج تركة المخده و نامت على رجله و غمضت عيونها بنام خلاص شبعت
مشعل أبتسم و هو يحس أنها فعلا ما هي في وعيها فـ أخذ الكمادة بللها و رجعها على جبينها طيب فكي فمك خذي الحبه
أريج بدون وعي لا خلاص أنا أحبه
مشعل بضحكة منهو ؟
أريج مشعل بس هو ما أدري أنا أخاف أقوله و هو يحب وحده ثانيه أنا تعبت أفكر متى أقوله هو ما يقول شئ
مشعل كان يضحك من قلبه و كمل معها لا هو قالي أنه يحبك كمان بس يبي يسمعها منك أول
أريج خلاص أقوله بس متى ؟
مشعل هالحين
أريج لا هالحين بردانه
مشعل أنفجر ضحك و مددها على المخده و غطأها زين بس هو ماهو بردان و بيقولك أحبك أريج......
***************
بالملحق طلعت تحط أكل لـ دودي قبل تنام فتحة العلبه و كبتها له بالصحن و طلع يأكل و هي تتأمله بصمت فجأه شد أنتباهها ورقة مكان القطو أخذتها و فتحتها تقرأها و أبتسم كل ما فيها ( يعني مكوشه حتى على الغرفة الي مقابل المجلس أن عرفت يوم أنج تجلسين فيها و فيه رياييل بالمجلس نتفتج ......مجودك ) فجر ضحكة براحه و حطة الورقة بجيب بيجامتها [ هين تنتفني يا مجود لا و واثق الأخ مجودك هههه صدق أني مفضوحه عنده بس كله من هـ العاليه أن ما وريتها السنع ]....
*****************
راجعين من الحرم مع بعض بعد ما أدو صلاة الظهر عبير كانت تسرع بخطواتها تبي تلحق تشوف أمها الي ما قدرت تنزل معهم تصلي لأنها تعبانه
سلطان مسك يدها و همس وشفيك مسرعه أنتِ ؟
عبير بشوف أمي والله قلقانه عليها
سلطان توي داق عليها بخير
عبير حتى لو ما برتاح لين أشوفها بعيوني
سلطان قلت لك هي بخير لا تحسسينها بخوفك تتضايق
عبير بأستسلام زين
سلطان تعالي معي بشتري دهن عود لمشعل
عبير يااه هـ المشعل وش رأيك تشري لأهله كلهم بعد
سلطان بضحكة يستاهلون والله عنده أخت وش حليلها
عبير بنظرة أتزوجها طيب
سلطان غمض عيونه على طيف مرام اللهم أني صائم
عبير كويس أنك تذكرت
سلطان أمشي بس
عبير لا أله إلا الله تونا نقول صائمين وش يدخلنا محل العود بنفطر أصلا ما بتحصله فاتح الحين
سلطان و توه يستوعب هاااه أي صح طيب ذكريني بعد المغرب لأن الفجر بنرجع الخبر....
***************
تحرك في فراشه و هو يحس الصداع بيذبحه الصبح كله ما قدر ينام من أريج و الحمى الي كانت ترتفع و هي كالعادة تكره المستشفى و يومه و رافضه تروح طالع فيها كيف نائمه بأهمال و شعرها لاصق بجبينها من شدة التعب و جبينها الي يتعرق و كأنهم بالصيف أبتسم و هو يتذكر أنها قبل كم ساعة قالت له أحبك و أعترف هو لها بحبه حتى لو كانت من غير وعي منها هو متأكد أنها صادقه فيها
مد يده ولمس جبينها لسى حار لكنه أفضل من الفجر مشعل أروجه
أريج فتحت عيونها بتعب هممم
مشعل أصحي يالله بيأذن المغرب
أريج كم الساعة ؟
مشعل أربع و نص
أريج اممم ما صليت الظهر و العصر ليش ما صحيتني ؟
مشعل أنا بعد توي صاحي قومي صلي و تعالي هنا بالصالة بخلي ناني تجيب الفطور
أريج بتعب ما فيه حيل أبي مويه و بس
مشعل و هو طالع من الغرفة زين صلي يالله و برجعلك......
دخلت عليها الغرفه و معها صينية حطتها على الطاولة وجلسة
ريم قومي أفطري معي
مرام مالي نفس
ريم مرام عاد هذي ما هي حالة معك ترى حرام الي تسوينه بنفسك و فينا
مرام أنا مسويت فيكم شئ
ريم لا والله و حالتك هذي عبالك ما نفكر فيها ترى لمعلوميتك مشعل أمس وحنا رايحين بيت عمي قال بيأخذك لطبيب نفسي
مرام بضيق ما أني مجنونه
ريم منتي مدجنونه بس عندك مشكلة نفسيه لازم تنحل
مرام ما فيني شئ بس تعب خلاص ليش ما تصدقون
ريم طيب أنا مصدقتك خلاص بس التعب ما راح يروح إذا ما أكلتي قومي أذن و أنا أترجاك......
**************
بعد ما يأس منها أنها تأكل شئ طلع من الغرفه أخذ نفس عميق و أتصل فيها هي الي بتقدر عليها أكثر منه
مشعل السلام عليكم
أم أريج و عليكم السلام هلا يمه
مشعل أعذريني عمتي متصل هـ الوقت
أم أريج عسى مأشر يمه صوتك ما هو عاجبني
مشعل و الله بس أريج مرتفعه حرارتها من أمس و ما هي راضيه تأكل قلت تجين تشوفينها تأكل معك شئ
أم أريج بسم الله عليها أمس عندنا ما فيها شئ
مشعل لا من رجعنا و هي تقول تعبانه
أم أريج يا عساني فداها هـ البنت خلاص الحين أجي أشوفها
مشعل خلاص أنا أجيك الحين عمتي أخذك
أم أريج لا يمه خلك عندها عمك فيه الحين يوصلني....
*************
دخل البيت و هو بالقوة شايل عمره و طلع لمرام على طول فوق دق الباب و دخل عليها و أبتسم مرام اليوم وجهها متغير شوي للأحسن أكثر من أمس
مشعل ما شاء الله لا وجهك اليوم أحسن
مرام خافة أنه فعلا جأي يخذها لدكتور نفسي مثل ما تقول ريم أي أحسن
مشعل جلس على الكرسي بتعب الحمد لله أكلتي طيب ؟
مرام إيه
مشعل زين إلا وين ريم ؟
مرام يمكن عند فجر قبل شوي كانت عندي
مشعل و الوالده ؟
مرام مدري ما شفتها اليوم
مشعل بضيق ونعم الأم
مرام أبتسمت له و فضلت تغير الموضوع شخبار أريج ؟
مشعل و هو يتثأب تعبانه من أمس حرارتها مرتفعه
مرام لا ما تشوف شر ما راحت المستشفى ؟
مشعل لا معنده ما تبي هالحين جأت عمتي عندها و أنا طلعت
مرام الله يشفيها
مشعل و هو يقوم أمين يالله أنا رايح تبين شئ ؟
مرام خلك طيب وين بتروح ؟
مشعل مدري والله......
****************
تنفست براحه بعد ما أكلت زين و أخذة مسكن و بدت شوي تركز و تخف حرارتها
أريج خلاص يمه و الله أنا زينه
أم أريج بس العصير أشربيه و خلاص
أريج أبي أخذ دش
أم أريج طيب يمه الحين أجهز لك الحمام بس خلصي العصير
أريج يمه أرتاحي ناني تجهزة تعبتك
أم أريج لا تعب و لا شئ يمه
أريج خلي مشعل يجي بس أقلقك على الفاضي و إلا أنا زينه
أم أريج لو لا خوفه عليك ما كان كلمني
أريج وين راح يمه هو قالك ؟
أم أريج قال بيصلي و يشوف مرام و يرجع
أريج ما نام زين شكله.....
**************
في الملحق دقة على أمها و تطمئنة منها على أريج و صحتها بعد ما كانت قلقانه عليها
ريم شو تقول عن أريج ؟
فجر بخير
ريم حمد لله
فجر خرعنا أخوك لمن دق
ريم يمكن خاف عليها
فجر و هي عنيده ما تروح المستشفى
ريم الله يعينها ما شافت من وراء المستشفيات خير غصب بتكرها
فجر أي والله إلا وش أخبار مرام نفسي أتصل فيها بس أخاف تتضايق مني
ريم أصلا هي معاد تفتح جوالها
فجر شو جأيها البنت ؟
ريم مدري والله يأسة منها خلاص حتى مشعل يقول يبي يوديها دكتور نفسي
فجر بذهول لذا الحد ؟
ريم هي لها شهرين مهي طبيعية بس الله يعين......
*************
بقلق نزلت الجوال و بلعت غصتها و أبتسمت لأمها بوهن
أريج يمه جواله مقفل بس أكيد بيجي بعد شوي يمكن بطاريته خلصت
أم أريج أن شاء الله ما عليه شر
أريج خلاص يمه تعبتك اليوم روحي البيت أرتاحي
أم أريج و أنتِ تجلسين لوحدك .؟
أريج يمه مشعل أصلا دائم يطلع قبل السحور بتلاقيه راجع
أم أريج زين يمه و أنتِ الحين زينه يومي أروح ؟
أريج الحمد لله أحسن
أم أريج و هي تطلع جوالها زين بدق على أبوك أشوف جدتك تلاقين فجر و ريم رفعوا لها ضغطها بهبالهم
أريج ريم عندكم ؟
أم أريج أي ما شاء الله عليها تعودت علينا و تعودنا عليها
أريج أحسن لها من بيتهم......
*****************
الجزء الحادي و الأربعون
لفت الشال حول كتوفها و طلعت للحوش تنفست بعمق و هي تشوف الشمس تشرق و الغيم يغطيها كل ما حاولت تظهر بالسماء تشبه لحياتها كثير ذيك الحظة لازم يغطيها الحزن أو المشاعر المتناقضه..
الساعة الـ 07:55 صباحا و مشعل لسى ما رجع البيت أو فتح جواله حتى أتصال ما فكر يطمنها أنه بخير مشغول أو بيتأخر مثلا تمنت أنها راحة البيت مع أمها و لا كذبة عليها و قالت لها مشعل رجع ما تنكر أن في داخلها خوف أن يكون صائبه سوء لكنها صعب تسأل عنه حد و يطلع مهمل مجبورة تنتظر و تبلع كل غضبها و قهرها معه.....
*****************
دخل البيت قبلهم و حط الشنطة في الصالة لا شعوريا دار رأسه لزاوية الي شاف مرام فيها فهز رأسه و تمتم ( اللهم أني صائم )
سلطان خلوا الشغالة بعدين تطلع الشنطة
أم عبير إيه خلها هنا تعبناك معنى
سلطان لا تعب و لا شئ يالله أنا بروح تبون شئ ؟
أم عبير خلك نام عندنا لين المغرب
عبير أي والله وين بتروح الحين أكيد في البيت كلهم نائمين
سلطان تصحى الوالده على الظهر أكيد بتطلع الغرفه تفقدني
أم عبير بتعرف أنك نمت عندنا
سلطان زين أصلا والله مكسر ما يمديني أسوق السيارة
عبير و هي طالعه الدرج بجهز لك الغرفه
سلطان لي ملابس عندك و إلا أجيب من السيارة
عبير لا فيه لك بيجامه فوق.......
********************
رفعت رأسها عن المخده بعد نوم مقطع و متعب تأملة مكانه لسى خالي و طالعت الساعة الـ 01:20 مساء أخذة جوالها و أتصلت فيه المحاولة الألف من أمس و كلها نفس النتيجة مغلق [ ياربي وين راح هذا ياربي خير ] تحاملت على نفسها و قامت من السرير غسلت و طلعت للمرسم محتاجه تفرغ غضبها في أي شئ و ترحم نفسها من التفكير فيه على الأقل هي صائمه يعني لازم ما تغلط أحساسها أنه بخير بيذبحها لكنها أقنعت نفسها تنتظره لين المغرب لو ما رجع تخبر عمها مسكت الفرشاة و بدت تخط خطوط عشواية مبعثرة تحاول تهدي من رعشة يدها و تكتم القهر.....
***************
فتح عيونه و طالع السقف المكان حوله مختلف لكنه مألوف لوهله تذكر كل شئ مر عليه من أمس متفاجئ من قراره كيف قدر يعمل كذا ؟ وش وضعها الأن ؟ معقول كنت أناني لهدرجة أقفل جوالي و أنام بالفندق شلون بقابلها الحين وش بقولها بضطر أكذب عليها كمان أمس أعترفت لها بشعوري تذكر ما تذكر ما أدري بس شو موقفي لو تذكرت و وأجهتني بالي مخبيئه إلا الحب يا مشعل تعرف معناه لازم تصدق في كل شئ و هذا الصعب معها و إلا أريج لا تعذبها أكثر !!
قام من فراشه و طالع الساعة الـ 03:50 عصرا تأخر الوقت لكن ما يقدر يرجع الأن البيت ( خلني أكمل يومي لين الأذان و أروح لها و الي يصير يصير ) طلع للحمام [ أكرمكم الله ] يتوضاء و يصلي فروضه.....
****************
تأففت بملل من صوت التلفون الي يخترق عزلتها و يسبب لها صداع تحركة ناحيته و بخاطرها تفصله من الكابس لما ريم ما تكون موجوده رفعته و بأندفاع
مرام الو نعم
عبير هلا مرام ؟
مرام تنفسة بعمق تسيطر على إنفعالاتها هلا عبير
عبير سلامات يقولوا لي تعبانه ؟
مرام الله يسلمك بس صداع و راح
عبير طيب الحمد لله و ليش ما تفتحي جوالك ؟
مرام بفتحه أنتِ رجعتي من العمره ؟
عبير إيه اليوم الصباح
مرام مقبوله يارب
عبير امين بتجي التحفيظ اليوم ؟
مرام تلعثمت لا لسى شوي تعبانه
عبير اممم عادي أجيك البيت الليل
مرام تمتم بـ أيه و من داخلها كانت تصرخ بأرحميني ما أقدر أشوفك و تصنم كل شئ فيها و هي تسمع صوته ينأديها
[ عبورة ]
عبير بعجل خلاص مرام أشوفك الليله فمأن الله....
**********************
جهزت لها الشغالة الفطور جلسة و هي تتأمله بعدم رغبه لا هي الي طبخته و لا نفسها تأكل شئ و مشعل ما تدري وين أرضه أول ما أرتفع الأذان غصبة نفسها على نص الكوب مويه ودارة فيها الأرض مثل الحلم في أحضان مشعل ماسك رأسها في المغسلة تستفرغ الي في جوفها و كل جسمها يرتعش
فتح المويه و غسل فمها مشعل خلاص غسلي لا تستفرغي أكثر
تبي تنطق بس لسانها ثقيل فـ أسترخة في حضنه و ضم رعشتها أخذها لأول كنبه جلس و هي على رجوله
أريج بصوت يرتعش وين كنت من أمس ؟
مشعل بكذبه دخلت غرفتي في البيت و راحة علي نومه
أريج و جوالك ؟
مشعل خلص بطارية و كنت أظن بس بريح ساعة لكني نمت
أريج عضة شفايفها الي كانت زرقاء من كثر الأرتعاش وزفرة بـ آه
مشعل بلؤم أسف فديتك
أريج رفعت عيونها تطالع عيونه للحظات تبي تنطقها و ترتاح مشاعرها تعبت تبي تستقر في داخله و تزيح ثقلها من على صدرها مشعل
مشعل بكل إحساسه أنفاسه و نبضه
أريج غصة بدموعها و ضمته بحب و نطقتها بكل أريحيه في حضنه مشعل و الله أحبك ما أقوى بعدك كذا ....
و أنهارت قلاع المكابره,, و تهيمنة الأحاسيس
*******************
راجعين من المسجد مع بعض بعد ما صلوا التراويح دخلوا البيت و على الطول للملحق
فجر و الي سبقت ريم داخل روحي للمطبخ أول
ريم شو تبين ؟
فجر شوفي الأيس كريم
ريم ناوية تمرضينا مع البرد
فجر هاتيه لي لا تأكلين منه
ريم قالوا لك شغالتك على غفله
فجر أعوذ بالله سوي حسنه حنا في العشر الأواخر من رمضان
ريم حسنه في المساكين مو فيك
فجر بنظرة يا أختي أحسك أستقويتي ؟
ريم ههههههههه غصب عنك.....
*******************
بخطئ ثقيله نزلت الدرج و بداخلها كانت تسمع صوت البكاء مخلوط بأنفاسها في أي لحظة ممكن تنفجر دخلت عليها المجلس بهدوء و شبح أبتسامه يتراقص بشفأها
مرام نورتي ياهلا
عبير هلا بك
مرام تفضلي حياك
عبير بجلس بس بقولك أني زعلانه منك
مرام مستغربة ليش؟
عبير يعني تشوفي مكالماتي و رسائلي و لا تردي
مرام والله كنت تعبانه
عبير بتردد يعني مو زعلانه عشان الي صار ؟
مرام بحذر شو الي صار أصلا أنا نسيت
عبير هي غلطتي ما خبرته بوجودك
مرام عادي أنسي كيف كان الحرم معكم و أمك شو صحتها عسى ما تعبت ؟
عبير لا الحمد الله بخير و الحرم كان مرة زحمه كالعاده
مرام لأنه رمضان
عبير بس الحمد لله أرتحت بعدها
مرام أي العمرة تريح أتمنى أروح أنا كمان
عبير ما شاء الله عليك عندك أبوك و أخوك ما بيقلون لك لا لو قلتي تبين الحرم
مرام يا حسرتي وين أبوي يفكر في شئ غير شركته ياليت بس أبوي دائم مشغول و مشعل عشان زوجته ما يقدر يروح
عبير طالعت الأرض بحزن بس و جودهم معكم يكفي
مرام ما تدري كانت تبي تؤاسيها أو تؤاسي نفسها صدقيني بعض الأوقات في حياتي و جودهم و تفكيرهم لحاجتي لهم المال وبس
عبير ياليت فلوس الدنيا ترجع لي أبوي أو صحة أمي
مرام قامت من مكانها و جلسة جمبها أدعيلها هي محتاجه الدعاء و أشوفها ما شاء الله عليها صابرة لا تحسسينها أنك شايله هم لصحتها
عبير أبتسمت تدرين أحسك تشبهين لخالي سلطان في كل شئ حتى بتفكيرة
مرام حست شئ بداخلها يتكسر خالها كل هـ الأهتمام و الحب و هو خالها و أنا الي شكيت فيها رفعت عيونها لها و حضنتها بكل إحساس و سمحت لدموعها تنزل و كأن جبل من الثقل أنزاح عن صدرها.......
*****************
بالغرفه تمددت و حطة رأسها على يده بكل راحة بعد ما تخلصة من أثقل كلمة عاشتها شهور رغم جمالها إلا أنها حبستها بصدرها عنه لكن اليوم تحطم الحاجز الي بينها و بين مشاعرها له
مشعل بحنان أروجه حبيبي شو صحتك الحين ؟
أريج براحه بخير من وقت رجعت أنت
مشعل سامحيني حبيبي أقلقتك
أريج اممم كنت حاسه أنك بخير
مشعل أبتسم بالله ؟
أريج أي والله
مشعل و هو يلعب بشعرها بس أنا حسيت أنك تعبانه
أريج لأني أنا من أول تعبانه
مشعل بباله هذي فرصتي لا لأن صحتك ما هي عاجبتني من فترة
أريج بخوف ممكن من البرد
مشعل أريج البرد مو أول مرة يمر عليك أنتِ صايرة مناعتك ضعيفه من أي شئ تتعبين
أريج مدري
مشعل بحذر أول مرة يسير معك كذا صح ؟
أريج ايه
مشعل أرتفع صوته وشو تنتظرين تنتكس حالتك أكثر
أريج حسة بغصه و ضيق ما بيدي شئ
مشعل قام و عدل جلسته بالسرير و بأندفاع لا بيدك أريج فيه ناس محكوم عليهم يعيشون بالمستشفيات و راضين بحكم ربي عليهم و أنتِ .....وسكت
أريج طالعت فيه كمل ليش سكت ؟
مشعل أنتِ رافضه حتى فكرة العلاج
أريج بضيق لأنه ما في أمل
مشعل من قال ما فيه أمل شو هـ اليأس الي عندك ما توقعتك كذا
أريج مو يأس بس أنا رحة كم مره و نفس الكلام أسمعه
مشعل أريج متى عملتي أخر فحوصات من سنتين صح يا قلبي الطب تطور كثير و كل يوم أحسن من الي قبله
أريج سكتت و ما عرفت وش تقول فكمل مشعل كلامه أريج فديتك عشاني خلينا نجرب أنا معك و ما بخليك ما بنخصر شئ لو فيه أمل للعلاج أنا أول واحد بيضل معك و يدفع عمره كله لجل يشوفك تمشين و إذا ما فيه أمل سوينا الي علينا و مشعل هو مشعل ما بيتغير عليك
أريج أرتعشت عينها و نزلت دمعه الملف الأصفر كان لي ؟
مشعل أيه
أريج أخذة نفس و شو قالوا لك ؟
مشعل أخذ يدها و ضغط عليها بين يدينه وربي قالوا الفحوصات قديمه نحتاج أقل شئ لفحوصات تكون من ثلاث الى سته شهور الكسور ممكن تتغير و تغيرها بشارة خير
أريج و أنت تباني أعمل فحوصات جديده ؟
مشعل إيه
أريج ليش ؟
مشعل أخذها كلها لحضنه و لمها لا تسأليني ليش بس أعتبريها أمنية حياتي أغلا شئ أبي أشوفه قبل أموت
إلا الموت من يوم يومها تخافه و تكره حتى للغريب فكيف بمشعل كيف تقوى تسمع منه هـ الكلمة غطة فمه بيدها أريج ما أبي أسمع منك هـ الكلمة مرة ثانية تبأني أسوي فحوصات جديده بسوي بسوي كل الي تبيه بس لا تقول أموت ثاني
مشعل من داخله أرتاح أنه قدر يقنعها بسهوله أبتسم و بأس يدها فديتك يارب خلاص بعد العيد راح أروح أعمل لك موعد و عند أحسن الأطباء أتفقنا ؟
أريج هزت رأسها بمعنى أيه و دفنت وجهها في حضنه.....
***************
في السيارة وقف قدام البحر يتأمله و هو مبتسم البحر أكثر شئ جمعه بفجر من صغرهم يمكن هو قاسم مشترك بينهم عشقهم للبحر يتذكر كم مرة طلعوا لصيد مع جده الي كان صياد و أغلب عمره بالبحر و الغوص كيف كان يعلمهم يصيدون يتذكر كيف كانت فجر لما تشوف الكل صاد إلا هي تجيه تبكي فيضطر ماجد يعطيها صيده و تتبأهى أنها صادت أكثر منهم و هو يضحك عليها أبتسم على ذكرياته معها و بباله ( راح أسفرها شهر العسل بالبحر للمكان الي تبيه ) ......
*******************
الجزء الثاني و الأربعون
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك