رواية صرت اغار انا منها عليها -21
منار:أي والله فكره خيال
غاده:كيف يعني بتركبون كمرت التصوير بدون مايعرفون
حنان:اكيد ومن بكره بنقول لهم عن التصوير
مي:ههههههه وناسه
غاده:انا مني فستان السهره والكوافيره
ملاك:وانا علي حجز الفندق وتجهيزات غرفة النوم
مي:وانا علي القاتوه والعشاء والموسيقا والشموع والورد
منار:وانا مني طقم اللماس بعطيه لمنصور يهديه لجومانه
سوسن:وانا علي مفرش لسريرمفرش روعه ورومنسي
حنان:حلو وانا على كمرات التصوير
غاده:طيب كيف انسوي كلنا هالاشياء راح تنتبه جومانه لغيابنا اذا رحنا كلنا وتركناها
ملاك:صادقه طيب وش نسوي
منار:انا عندي الحل
مي:شنو قولي
منار:نتغدى ونطلع السوق على طول لان جومانه مانامت الا الفجروبعدها
راحت المستشفى يعني دايخه نوم وماراح تصحى الابعد المغرب
غاده:حلو وان سالت بنقول رحنا نتمشى وماقدرنا نصحيك
ملاك:طيب يله على الغدى عشان نقدر نكمل اشغالنا بسرعه
قامو البنات للغداوتغدو بسرعه وبعدهاطلعو على طول لسوق
عند الشباب
بدر:ريان وين منصور
ريان:نايم ماشفته لاهو ولا جومانه
مشاري:ياحلاة عش الزوجيه
بدر:ههههههه أي ولا احلا منه
ريان:دامه معجبكم ليش ماتتزوجون
بدر وهو يمسح على خده:قريب قريب بس الله يكتب نصيب
ريان:ومن ذي لاتكون صاحبة الاماكن كلها مشتاقه لك
مشاري:هههههه شكلها هي
بدر:قريب بتعرفون
ريان:وانت يامشاري ماتبي تتزوج
مشاري وهو مبتسم:اتصدق معجبتني مي بس فيني خوف لاتكون مثل عبير وترفض العيشه مع امي وابوي
ريان:ماعتقد تكون مي من هالنوعيه
ابو منصور:ريان ياولدي قوم استقبل الضيوف
ريان:ليش من الي جاينا
ابومنصور:ابو رعد ورعد ولده اصحاب شركة الرعد الي تونا وقعنا عقد معاهم
ريان:ايو ايوه تذكر يلا شباب خل نستقبلهم
قامو بدر ومشاري وريان وصقر يستقبلونهم
دخل ابورعد ومعه رعد الي اول مره يطلع مع ابوه في زياره
بعد السلام وبعد السوالف
ارتاحو الشباب لرعد كثير وطلعو معه لسطبل الخيل
رعد:ريان انت ولد العم راشد
ريان:ايه هذا ابوي
رعد يبي يتاكد زياده:انت ولده الوحيد
ريان:لالا معي اختي جومانه واخوي تركي
قبضه قلبه لما سمع بسمها:الله يخليكم لبعض
ريان:امين يارب
البنات في السوق
غاده:بنات وش رايكم في هالفستان
منار:روعه بس عندي لك معلومه اخوي يحب اللون الاحمر اطلبي لون احمر
راحت غاده وطلبت لون احمر
ملاك:بنات اتفقت مع الفندق وقال كل تجهيزات الحفله عليه مايبقى علينا الا الدفع
مي:حلو وفرو علي اختيار القاتوه والورود
ملاك:لا راح نمرهم ونختار النوعيه الي نبيهم وهم يفرونها لنا
جاتهم حنان من بعيد مبتسمه:بنوتات اشتريت الكمرات
منار:هههههه تخيلت اشكالهم وهم يتصورون بدون مايحسون
مي وهي تلمس رقبتها باحراج:ينات احنا بنشوف التصوير
طالعت فيها ملاك وضحكت:سلاااااامات اكيد لالا
غاده وهي مبوزه:ليــــش
حنان:هههههه مجانين
منار:مستحيل ها الاشياء خاصه فيهم
ملاك وهي تطالع الساعه:بنات استعجلوباقي الطقم الالماس الي بتشتريه منور
منار:راح اشتري دبله خطوبه
غاده وهي ماسكه منار:براحتك بس خلونا نكمل بسرعه
غرفة منصور وجومانه
الكل منهم يتصنع النوم وبقلبه شوق كبير
ميل منصور بجسمه على ورى ووسحب جومانه بحضنه
وقرب منها وباسها بخدهاومرر نظراته على شفاتهاوعلى رقبتها
وتنهد بصوت عالي
اسرعت دقات قلب جومانه وخافت لايحس فيها وتنحت عنه وعطته ضهرها
انتبه لها منصور خاف لايكون مضايقها وابتسم لما شاف شكلها وهي
ملمومه على نفسهابعد عنها وغطاها بلحاف
وشال ملابسه ودخل يتسبح
يتبع............
عند احلام
الجده نوره:يابنتي عورتي قلبي اشفيك فهميني احد زعلك
احلام بصوت عالي وبقسوه:جدتي مااافيني شي خليني ارتاح من لما جيت ماتركتيني
الجده نوره ودمعتها بعينها:يابنتي ابي اتطمن عليك
احلام:مافيني شي بس متضايقه شوي خلاص ارتحتي
الجده نوره تبي تتكلم
احلام:جدتي لاتقولي شي واطلعي خليني اناااام
قربت الجده وباست احلام وطلعت وراحت لغرفتها
وفتحت دولابها وطلعت حبوب الضغط وكلتهم
وجلست على سريرها وهي تحس بدوخه
احلام بغرفتها شالت جوالها الي من ساعه يدق
احلام:نعم احمد
احمد:حلوم حبيبتي اشفيه صوتك تعبانه ولا شي
بكت احلام بسرعه:احمد انا تعبانه ومتضايقه حيل احس ان مافيه احد يحبني
احمد:ليش وانا وين,, انا احبك اكثر من نفسي
احلام وهي تمسح دموعها:صدق حمود
احمد بنفسه غبيه:ايه صدق
احلام:احلف طيب عشاان اصدقك
احمد بمكر وابتسامه خبيثه:اووف جينا في الشي الي انا مااحبه,,وسكت
شوي ثم كمل بصوت زعلان:احلامي انا احبك
احلام:وانا بفديك بروحي
احمد:يعني اعتبر هاشي موافقه انك بتطلعين معاي
احلام:ايه وللمكان الي تبيه
احمد:انا فرحان اجيك الليله
احلام:لالا خلها على الاسبوع الجاي بكون مستعده ونفسياتي متحسنه
سمع احمد صوت نغمة انتظار في جواله وطالع الشاشه وكان المنتظر(لعبتي)
رجع السماعه لذونه:احلامي يلا باي ابوي يناديني
احلام:يلا باي
رجعو البنات للمزرعه وكلهم فرحانين وخبو الاغراض وارتاحو ان
جومانه كانت نايمه
وراحو جهة المسبح لقو منصور واقف يطالع للمسبح ويحرك ارجوله
ملاك:بنات انتبهو لاحد يتكلم قدام منصور بلحفله ماراح نقوله الا قبلها بساعه
غاده:اكيد ماراح نتكلم
ملاك:هاي منصور
اللتفت منصور وابتسم وكان شكله روعه شعره نازل على وجهه ولحيته
طالع فيها شعر خفيف ولابس بنطلون ابيض وتيشيرت ابيض
قرب من ملاك وباس جبينها:هلا ملوكه
وطالع في البنات:اخبار البنوتات
البنات:تمام
ملاك:هلا فيك وين جوجو
ابتسم منصور:نايمه
انتبهت ملاك لجوالها الي دق:هلا حبيبي
محمد:هلا فيك
ملاك:اخبار قلبي
محمد:تمام وينك انتي
ملاك:موجوده,,,انت وينك خلصت شغلك
محمد:ايه توني راجع الحين ودخلت غرفتنا على طول يقولون عند الشباب ضيوف قلت ابدل ملابسي واروح لهم
ملاك:ههههه ياحبي لك لاتتسبح انا راح اسبحك دقايق وانا عندك...يلا باي
غاده:صراحه عمتكم منــحرفه
مي وهي تقرصها:وجع ماتشوفين منصورموجود
حنان اكتفت ببتسامه تعبر عن فشلتها من تهور غاده
انتبه لهم منصور بس بين انه مشغول بجواله
ملاك وهي تاشر لهم بيدنها:باي حبايبي بروح لحمودي
وطالعت في منصور:يقول عندكم في المجلس ضيف
منصور:ماعرفتي منو
ملاك:لا ماسالت
منصور:خلاص انا رايح لهم توني خرجت من غرفتي الحين
ملاك:تعال معاي بوصلك لهم في طريقي
منصور وهو مبتسم:يله ياقلب منصور,,ومسك يدها ومشو مع بعض
ملاك وهي تعض شفاتها:ياااويلك لو يسمعك حمودي
منصور فطس ضحك: مالومه احد عنده مثل ملوكه ومايغار عليها
طالعته ملاك بطرف عين:واحد عنده مثل جوجو ويضيعها
تنهد منصورومسك شعرها بيده اليسرى ورجعه على ورى
طالعت ملاك في حركاته:الي افهمه انكم ماتفاهمتو
منصور:طلبت الطلاق وقالت ان انا انتهيت من حياتها
تكتفت ملاك:ولاتكون وافقت اتطلقها,,وطالعت في عيون منصور
الحيرانه,,يامنصور الحرمه اذا تضايقت من زوجها احيانا تدور شي
يضايقه فما تلقى الا كلمة الطلاق وهي ماتعرف عواقبها
منصور:لكن جومانه ماهمها عواقب الطلاق اكبر همها انها تفتك مني
ماتحبني ,,,وشد على اسنانه وقالها بغصب,,,تكرهني
ارفعت حوجبها:ومن قالك انها تكرهه بلعكس انا شفت في عيون جومانه
حب لك ماشفته في عيونها من قبل
حس باحساس غريب لما سمع هالكلمه وبنفسه ليتني اسمع هالكلمه منها
هي,,طالع في ملاك:انتي تتوهمين على العموم انسي تعبناك بمشاكلنا
ووقف عند باب الفله:يله ادخلي حبيبك ينتظرك
ملاك وهي تترك منصور وتبتسم له:لاتفكر انك بتفلت مني راح نجلس ونتفاهم
منصور وهو يرجع على ورى ويبادلها الابتسامه:اوك,,واشر على عيونه..من عيوني
وراح لمجلس الرجال ودخل وعلى وجهه ابتسامه
منصور:السلام عليكم...حيا الله من جانا
قام ابو رعد وبعده ولده رعد:الله يحيك ويبقيك
انتبه منصور لرعد وصغر عيونه يبي يتاكد من الي يشوفه
ابتسم رعد وفي نفسه ههه شكله عرفني الاخ
قرب منهم منصور وسلم على ابو رعد وتوجه لرعد وطالع فيه ومد يده وسلم عليه
جلس منصور وسالهم عن اخبارهم ولزم الصمت بدون مايتكلم مع رعد الي
بلعكس الشباب فلوها معه بسوالف والتنكيت
دخل عليهم محمد واول ماشاف رعد رحب فيهم ترحيبه قويه وسلم على ابو
رعد وتوجه لرعد وهو مبتسم وضمه بقوه:هلا بخوي العمر
رعد ببتسامه:هلا فيك
طالع فيهم منصور مستغرب
محمد:ليش ماقلت لي انك جاي عشان استقبلكم وانقوم بواجب
الضايفه,,وطالع في ابوريان وابومنصور,,مع اني متاكد ان اخواني ماقصرووقامو بلواجب
ابورعد:أي والله يعطيهم العافيه ماقصرووكلفو على انفسهم بعد
ابو ريان:هذا واجبكم مامن كلافه
ابومنصور:وبعد نبيكم تنامون عندنا الليله
ابورعد:لا الله يسلمكم وراى رحله بكره على امريكاابي اسوي شوية فحوصات
ابومنصور:سلامات عسى ماشر
ابورعد:الله يسلمك احس بالام خفيفه بصدري
رعد وهو يطالع ابوه:الله يطول لنا بعمرك يابوي
الجميع:امين
ابورعد:ليتك ياولدي تطاوعني وترك شغل المستشفى وتجي تساعدني
بشركه معاك شهادات كثيره لادارة الاعمال
رعد ببتسامه:تكلمنا كثير يبه في هالموضوع انا ماقدر ادير شركاتك الله يطول عمرك وتديرها لنا
حرك راسه ابورعد بياس
ابورعد وهو يطالع في محمد:ها ياولدي لقيت لي الموضفه الي طلبتك محتاج اداريه تساعدني
ابتسم محمد:ايه لقيتها بس هي ماردت علي للحين ,,وطالع في منصور الي مافهم شي,,شكل زوجها ماوافق على الوضيفه
ريان:منصور انت رفضت ان جومانه ماتشتغل في شركة ابورعد
عقد حواجبه وهو يبي يستوعب كلامهم
طالع ابورعد في منصور:الله يخليك ياولدي لاترفض انا محتااج
لخبرتهاكثيرومستعد اوفر لها راتب مميز
طالع رعد في ابوه وهو يحس الدنيا مو واسعته من الفرحه وطالع في
منصور وهو يدعي بنفسه انه يوافق
ارتفع منصور من على الكنب شوي ورجع ضهره على ورى ونزل كاس
الماي وطالع في محمد:وش السالفه مافهمت شي
محمد:ماقالت لك جومانه اني عرضت عليها الشغل في شركة ابورعد وهي قالت انها بتستاذن منك
التفت منصور وطالع ابورعد وانتبه لعيون رعد الفرحانه وتكلم بطريقه
مايبي يحسس رعد انه موفاهم شي:اهااا ايه قالت لي,,ولم يدينه على بعض
وضغط عليهم بقوه وانتبه له صقر ورجع يتكلم,,اعتقد جومانه مومحتاجه
لها الشغل,,وطالع في رعد,,انا موفر الي تبيه وزياده
ابورعد:انا فاهم انك مومقصر عليها بس ياولدي انا محتاج لخبرتها
تضايق رعد من ترجي ابوه لمنصور انه يسمح لجومانه
رد منصوربطريقه بارده:ابشر ياعمي انا راح اوفر واحد خبرته مثل خبرات جومانه ويمكن احسن
ارتاح ابورعد:الله يبارك فيك ياولدي ريحتني
رجع وشال كاس الماي وضغط عليه بقوته لدرجة انه كان بينكسر لو
ماحس فيه صقر وضرب كتفه عشان لاحد ينتبه له
التفت منصور لصقر وتنهد:هلا صقر تبي شي
صقر بهمس:انتبه لنفسك لاتخلي الناس يحسون فيك وبمشاكلك
استغرب منصور كيف عرف صقر بمشاكله:أي مشاكل
ابتسم صقر:نسيت لما جيت اشيلك من فلتك وانت في شهر العسل وكنت تعبان وتنومت ثلاث ايام
ابتسم منصور بفرحه ومسك يد منصور:انت بديت تذكر
تنهد صقر:ايه ذكرت كل شي الا زوجتي ماسمع الا صوتها وهي تناديني
ابتسم منصور:ان شاء بتذكر كل شي
صقر وهو منزل عيونه:انا عارف اني مثقل عليكم بس ان شاء الله احاول
ارجع لشغلي واقدر اسس نفسي من جديد
طالع فيه منصور بعتب:افا عليك وانا اخوك والله لوتكررهالكلام ماعاد
اكلمك انت اخووي فاهم شنو معنى اخوي يعني حلالي هو حلالك,,وبنسبه
لشغل لايهمك من يوم السبت اعتبر نفسك موضف في شركتنا
رجع صقر ضهره على الكنب:الي هنا وخلاص خلني اعتمد على نفسي
تفهم منصور لصقروابتسم:ولايهمك خذ راحتك
التفت صقر لمنصور:اهم شي زوجتك لاتضغط عليها وحاولو تتفاهمون
لاتقول اني موحاس فيكم بلعكس بس مافي اليد حيله
حرك منصور راسه بمعنى طيب
في غرفة منصور
صحت من النوم وهي مرتاحه وتذكرت نومتها بحضن منصور وابتسمت
بعدت اللحاف عنها ونزلت من السرير ومشت متوجه للحمام(اكرمكم الله)
ومسكت راسها كانها تذكرت شي ودق قلبها بسرعه من الخوف
((جومانه رفعت راسها وهي عاقده حوجبها مستغربه من الي واقف فوق راسها
ام رنى:جومانه طمنيني عليه كل شوي
ماردت جومانه عليها
ام رنى:جومانه الو بنتي تسمعيني
قامت جومانه وحطت فراس على الكرسي الي جمبها:نعم
رعد:جومانه
جومانه:نعم وش تبي فيني
رعد:ماعرفتيني
رعد:قفلي الجوال وانا بقولك الي ابيه
منصور وهو يدور بغرفته ويضرب يده على راسه
انتبهت للجوال ورفعته لذونها:الو خالتي ام رنى
سمعت صوت عصبي :منو هذاتحركي من عنده بسرعه لايكون يبي
يخطفك وين صقر وحنان مو عندك
وفجئه انقطع الخط
شال رعد الجوال وقفل الخط
جومانه عصبت:هيه انت خير وش تبي هات الجوال
طالع في جوالها وفتحه ودق على رقمه نغمه وقفل وعطاها جوالها
جومانه وهي مفتحه عيونها:انت صاحي امسح رقمي بسرعه
رعد:جومانه انا حبيتك وصدقيني منصور مايستاهلك تطلقي منه وانا مستعد
اعوضك عنه وانسيك ايامه المتعبه
اوجعها قلبها لما سمعت احد يتكلم فيه:احترم نفسك ومنصور مستحيل
تعوضني عنه املاك الدنيا كلها
رعد:جومانه
جومانه وهي تاشر بيدها:ابعد من طريقي قبل لالم عليك هالعالم كلهم واخسرك حتى وضيفتك
ومشت بسرعه من عنده وهو يطالعها يالم))
جومانه بصوت عالي:الله يسترلايدق هالمجنون على جوالي
راحت لحمام ووضت ورجعت تصلي وبدلت ملابسها ولبست فستان ابيض
لحد نص الساق فيه بروش وردي كبير على الصدريه ولففت شعرها
ورشت لها عطر ولبست جزمه ورديه ونزلت خصل على وجها وطالعت
في المرايه وطالعت الكسر الي بطرف المرايه وتنهدت وشالت جوالها
وطلعت من الغرفة
اتصلت على غاده وسالتها وينهم وقالت لها انهم عند المسبح راحت للمطبخ
وخذت لها عصير برتقال وطلبت الخدم يروحون عند البنات والحريم
عصير وحلى
وتوجهة للبنات
غاده:هلا بلحلا كله
جومانه:السلام عليكم ,,,هلا فيك
الجميع:وعليكم السلام
جومانه: اخباركم
الجميع:الحمد لله,,,تمام
غاده تتكلم بستهبال:ممكن سؤال
ابتسمت جومانه:اسألي
غاده:انتي ماتتعذبين وانتي تشوفين جمال زوجك الي ياخذ القلب
حنان:اخ ولا غمزاته
مي بابتسامه:ولا ابتسامته
سوسن:ياويلكم منها,,هههههه
طالعت فيهم جومانه بغيره:ولا وحده منكم تكلمني
منار:تستاهلون تتغزلون في زوجها قدامها
غاده:جوجو انتي زعلتي
قربت حنان من جومانه:جمون والله نمزح الله يهنيكم في بعض
مي:ايه نمزح لكن مع ذالك ابتسامته عذاااب
ضحكت جومانه بعكس الغيره الي بقلبها:اخر مره وانتي يام الابتسامه بذبحك
مي:هههههههه
جومانه تتلفت:بنات وين ملاك
منار:بتجي الحين رات لمحمد وبترجع
جومانه كانها تذكرت شي:ياه يابنات لي فتره من عيال صقر
وطالعت في حنان:حنون تطمنتي على فراس
حنان:ايه توني جايه من عنده مشاء الله عليه بخيروحرارته طبيعيه
قامت من عندهم :بروح اجيبهم نلعب معاهم شوي هم وتركي
حنان:وانا بجي معاك
رحات جومانه للاطفال وكانت سمر جالسه معهم واول ماشافوها راحو لها جري وضموها
اما سمر كانت اتطالع فيها وخايفه لاتردها جومانه
طالعت فيها جومانه:سمور حبيبتي تعالي عندي
قامت سمر بسرعه وضمت جومانه
سمر:انتي موزعلانه علي صح
جومانه وهي تبتسم:اكيد موزعلانه عليك اهم شي سويتي الي قلت لك
حركت سمر راسها بمعنى ايه
جومانه:طيب ورضى عليك
سمر:لا اساسا مارد علي
جومانه:لا حاولي بعد اليوم واكيد بيرضى عليك
محمد:وينك عنا ماتلعبين معنا مثل اول
جومانه:راح نلعب الحين
حنان:يلا اختارو لعبه واحنا بنلعب معاكم
تركي:اليوم جابو دبابات كبار بس ماخلونا نلعب عليها قالو انها للكبار بي
نبيكم تركبونها وتركبونا معاكم
طالعت جومانه في حنان:وش رايك
حنان:فكره حلوه
قامت جومانه وحنان وكلمو البنات يجون معاهم لمكان الدبابات وراحو مع الاطفال
جومانه:احس بخوف
فطس ميمو ضحك:نبيك تساعدينا فخفتي
افتشلت جومانه:بساعدكم الله يعيني
شوي وجاوهم البنات
منار:بنات انا ابي الدباب الابيض
طالعت فيها ملاك بستغراب:نعم ,,نعم
مناراتطالع حوالها:اشفيك
ملاك:وش قلتي تبين
منار:الدباب الابيض
ملاك:ليش مجنونه نسيتي انك حامل
منار:يابنت الحلال مراح يصير له شي
شالت ملاك جوالها:يعني راكبه الدباب مراح تسمعين كلامي
منار بعناد:اكيد
ملاك:طيب خل اتصل على ريان,,اتصلت على ريان لكنه مارد
غاده:هههههه مافي امل ,,,,وراحت غاده وركبت دباب ومي دباب
وجومانه ومحمد دباب
وسمروتركي دباب
وقف ميمو بينهم يطالعهم بحير:وانا من بيركب معاي
ابتسمت ملاك:انا وياك في دباب بس لحظه خل اشوف وين زوج
هالمتهوره,,وارجعت تتصل على ريان
ريان:هلا بالغلا
ملاك:هلا فيك
ريان:امريني
ملاك:تعال شوف هالمجنونه,,وطالعت في منار وهي واقفه عند الدباب
ريان:منو
ملاك:احنا الحين نلعب على الدبابات وزوجتك تبي تلعب معنا
ريان:شنو قولي لها تشجع لين اجيها لاتقرب من الدبابات ترا بذبحها
نادت ملاك منار بصوت عالي واشرت على الجوال:زوجك يقول شجعي
لين يجيك,,,ههههههه
ملاك:يلا ريون تعال ,,باي
جات منار مو مصدقه:ملوك من جدك كلمتيه
ملاك تحرك راسها:ايه كلمته,,ومسكت يد ميمووقالت بصوت
حزين,,احمدي ربك على النعمه ولاتضيعينها,,ومشت من عندها وهي منزله راسها
اوجع منار قلبها وهي تطالع عمتها وخاطرها مكسور وبنفسها اعذريني ملاك ماقصدت اجرحك
عند الشباب
قام ريان بسرعه وطالع في الشباب:اسمحولي بطلع
بدر:وين يابو الشباب
ريان:زوجتي تبي تركب في الدبابات الي جبناها العصر اخاف يصير لها شي
مشاري وهو متكتف:سلامات لايكون جبنا الدبابات لهم
محمد:ملاك معهم
ريان:ايه هي الي كلمتني
محمد:يله انا جاي معاك ,,وطالع في رعد,,ورعد معانا
طالع منصور وعض شفاته ونزل راسه
بدر ومشاري وصقر قامو معهم طالع بدر في منصور:منصور يله تجي معانا
منصور:اكيد
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك