رواية صرت اغار انا منها عليها -20
ابتسمت:انا بخير تطمنو مافيني شي
مشاري:تبين اروحك المستشفى
مي:لالا اذا تعبت بقولكم
شوي وجاهم بدروهو مرجع يده على ورا ومنحرج:مي انااسف ماكنت اعرف
غاده:تقول انها بخير
بدر:اكيد مافيك شي
مشاري يقلده:اكيد ما كان هو السبب الله يلوع كبدك احس اني بيضه طازجه
الكل:هههههههههه
شوي وجاهم ريان:مي انتي بخير
مي:ايه الحمد لله
ريان:منور يله على غرفنا
طالعوغاده ومي في بعض :واحنا معاكم بنطلع ننام
بدر طالع في غاده:تصبحون على خير
غاده:وانت من هله
مشاري:مي اذا تعبتي ناديني
ريان:اقووول قدامي لاتشككوني بخلاقكم يله قدامي
الشباب والبنات ضحكو وكل منهم توجه لغرفته
جومانه رجعت على الفجر وصلت ودخلت غرفتها كان
منصور جالس على السرير وماسك بحضنه صورتها اول
مادخلت طالع فيها ثم عطاها ضهر ونام والصوره بحظنه
وهي بدلت ملابسها وطالعت فيه وتنهدت ونامت بطرف
الثاني تبي تحس بقربه قبل لايفترقون
توقعاتكم هي اهتمامي
تركت التوقعات لكم
تحياتي..............!
البــــ19ـــــــــــارت
صحت من النوم وهي تحس بصداع طالعت حواليها والكل نايم
شالت الجوال وطالعت الساعه وفتحت عيونها ثم رجعت اتطالع بدقه
حنان:اف الساعه 11 صباحا ليش ماحد صحاني معقوله اني نايمه من امس الساعه عشر للحين
طالعت في البنات:غدووو مايا اصحومعاي
قامت من سريرها وقربت من غدها وهزتها بكتفها:غدو اصحي معاي ليش مخليني انام طول هالوقت
غاده:امممم حنون خليني انام مانمناالا بعد صلاة الفجر
حنان:طيب ليش ماصحيتوني معاكم انا ماقلت لك لاتخلوني انام الا ساعه مو يوم كامل
غاده شالت الخداديه ورمتها على حنان:حنون وخري من فوق راسي ازعجتيني جومانه قالت نخليك ترتاحين
فزت حنان ماتوقعت غاده بتسويها وراحت وسحبت اللحاف من على غاده:خرعتيني ياااادبا خلاص بنزل لوحدي
غاده:حنون الله يخليك تطمني على مي قبل لاتنزلين لاتكون مسخنه
حنان:ليش اشفيها هي تعبانه
غاده:لاحووووووووول ولاقووووه الا بـ الله,,وجلست وسحبت المخده
بحضنها,,حبيبتي انتي مصحصه الحين وماراح تخليني انام
وطالعت في مي,,مافيها شي بس لعبنا البارح وبدور امرهم ياكلون بيض
وهي عندها حساسيه من البيض
رفعت حنان حواجبها مستغربه وعلى شفاتها ابتسامه:بدووور ومن الي ياكلون
شالت غاده المخده وضربة وجها:يارب ارحمني بدور يعني بدر ياكلون يعني مي ومشاري
وطالعت فيها بعصبيه,,,بتضفين وجهك ولا شلون
حنان:هههههههه خلاص بروح نامي بس مارح اعدي لك بدور هذي
رجعت غاده وسحبت لحافها وتغطت وهي تضحك على حنان وتذكر بدر
راحت حنان للحمام تسبحت ولبست تايور طويل وطلعت وصلت وجعدت
شعرها وحطت مكياج خفيف وبخت عطر ونزلت لدور الارضي
كان المكان هادي ومافي احد قررت تروح للمطبخ تجهز لها فطور
توجهت للمطبخ وسمعت صوت خفيف فيه
مشت على اطراف ارجولها وهي خايفه دخلت راسها بخفيف مع باب المطبخ تبي تتاكد منو في المطبخ
التفت لها بسرعه اول ماحس بصوت وهي شهقت بصوت واطي ورجعت على ورى
وحست ان قلبها يدق بسرعه من الخوف
صقر:انا اسف ماكنت اقصد
حنان وهي تبعد يدها عن وجها والخوف واضح في عيونها:لاعادي
صقر يطالع في فطوره الي كان مجهزه:كنت اجهزلي فطور توي راجع من عند الدكتور وحسيت بجوع
حنان:ارتاح انا بجهز لك فطور وبجهزلي معاك لان توني صاحيه
طالعها صقر وهي انحرجت:ممكن اساعدك
حنان:اوك خذ راحتك
ابتسمت وراحت تطلع التوست من الفرن وحطتهم على الطاوله
وراحت لثلاجه وطلعت العصير وطالعت فيه:مانجو ولا فرواله ولا برتقال
صقر:عادي أي شي
حنان:فراوله مثلي
صقر:طيب,,وطالع فيها,,احطلك مربي
حنان:ايه
وسحبت الكرسي وجلست ووطالعت فيه واشرت للكرسي:اجلس تفضل
صقر يتلفت ثم سحب الكرسي وجلس
مدت له كاس العصير وبداو يفطرون
صقر يبي يتكلم ومتراجع:اليوم تذكرت اشياء بس مافهمتها
رفعت راسها ببتسامه هاديه:الحمد لله يعني فيه تقدم في حالتك
صقر:يعني بقدر اتذكر الي فات
حنان:ان شاء الله وبتتحسن
صقر:بس احس اني متضايق تذكرت زوجتي كانت تناديني وتقول كلام بس ماذكره
حنان طالعته وهي راحمته:زوجتك انسانه طيوبه وحبوبه
صقر:تعرفينها
حنان:لاماعرفها بس الكل يتكلم عنها وعن طيبتها
صقر:قال الدكتور اني اجلس مع ام رنى ومع اولادي الايام الجايه عشان اقدر اتذكر
حنان:انا مستعده اساعدك
طالع فيها وبسرعه نزل عيونه:مشكوره
حنان بتردد:معك صور لزوجتك
صقر:مع اولادي بس للحين ماشفتها
حنان:لاشوف الصور وحاول تتذكرها وانت لاتيأس ربك كريم
صقر:ان شاء الله,,,وقام بسرعه
حنان وهي ترفع راسها وتطالعه:وين مافطرت
صقروهو يفك زراير التيشيرت:احس اني مكتوم شوي بطلع برا
قامت حنان:اوك براحتك
طلع برا وحنان كملت فطورها وبعدها قامت ورجعت كل شي مكانه
ورتبت المطبخ وجهزت كاسين عصير ليمون وشالتهم وطلعت برا
وقفت عند باب الفله وشافته جالس ومنزل راسه ويلعب بتراب
قربت منه وجلست بهدوء ومدت له كاس العصير
طالع فيها وشال الكاس بهدوء ورجع لنفس وضعه
حنان:ممكن اطلب منك طلب
التفت لها وهو مستغرب:شنو اطلبي
حنان:ابيك تتكلم معاي عن الي تتذكره عن احساسك عن ضيقتك عن كل شي يخصك واوعدك لاكتم سرك ولاساعدك
صقر بغصه:اخاف اتكلم واتعلق فيك وجئه يقولون لي انك روحتي مثل
ماراحت زوجتي,,قالها وهو متردد,,مانكر اني ارتحت من اول مره
شوفتك فيها بس في داخلي خوف
ارتاحت حنان لكلامه:انسى الخوف وتذكر شي ان الي كاتبه ربي مامنه مهروب
صقر يطالع لسما:ونعم بـ الله
حنان وهي مبتسمه:بتلبي طلبي ولا شلون
صقر وهو يحس بشعور غريب لها الانسانه:بلبيه بس بشرط بتقولين اناني بس لاتلوميني
حنان:قول عادي
صقر:ابيك تكونين حولي وقريبه مني في أي لحظه احتاجك فيهاموشرط انك اشوفك بس احساسي انك قريبه مني يكفيني
حنان بفرحه:اوعدك اكون قريبه منك
صقر:وانا اوعدك ماخبي عليك شي
حنان:يلا قووول كل الي بقلبك
ابتسم صقر وبدا يتكلم
غرفة محمد وملاك
كل واحد منهم مانام الا متأخر يراقبون تصرفات ميمو
صحى ميمو وطالع فيهم وباس كل واحد بخده وقام من جنبهم
انتبهو له محمد وملاك
ميمو افتشل:ابي اطلع افتحو لي الباب
ابتسمت ملاك:من عيوني
ابتسم ميمو:شكرا
ملاك:دقايق واجي افطرك
ميمو:لاشكرا انا بفطر لوحدي
ابتسمت ملاك ونزلت لحده وباسته:اطلب طلب وتنفذه
حرك ميمو راسه ببرائه بمعنى طيب
ارتفع محمد مستغرب يبي يشوف شنو ابتطلب ميمو
ملاك بحزن:ارفع يدك لسما وقول يارب ارزق ملاك ومحمد باطفال
انت طفل ودعوت الطفل مستجابه
رفع ميمو يده وقالها بهدوء:يارب ارزق ملاك ومحمد باطفال كثير
ضمته ملاك:ياحبي لك
ابتسم محمد:يارب امين
في المطبخ
ماريا:نور تعال شوف فراس يمكن في سخونه
نور تلمس جبين فراس:ايوا في سخونه
ماريا بخوف:ايش سوي الهين
نور:سوي كلام ماما جومانه
مارياوهي منحرجه:بس هي في نوم
بدا فراس يصارخ
دخلت عليهم حنان وبعدها صقر وهم خايفين
صقر:اشفيه ولدي وش سويتو فيه
حنان وهي تشيل فراس:اهدا مافيه شي شوية سخونه
زاد فراس بصراخ
حنان:تقدر تسوق السياره
صقربتوتر:لالاايه ,,,ومسك راسه,,مادري
حنان:خلاص اهدا لاتوترني زياده
طلعت من عندهم ماريا وراحت جري لغرفة جومانه ودقت الباب
ماريا:ماما جومانه قوم
ورجعت تدق بقوه
فزت جومانه من مكانه ويدها على قلبها ومنصور رفع اللحاف من على وجهه وهو يحاول يفتح عيونه
فتحت الباب بسرعه:ماريا اشفيك
ماريا:ماما فراس تعبان
حطت يدها على ًصدرها ومنصورقام بسرعه طلعت برا الغرفه وهي تطالع
ماريا:وين هوتكلمي بسرعه
ماريا:فراس في مطبخ
مشت بسرعه متوجهه للمطبخ ومنصور لحقها ومسكها بذرعها وسحبها على ورا لحد مالصقت فيه
طالعت فيه بنطره قويه وسحبت يدها بس هو كان ماسكها بقوه
جومانه:فكني فراس تعبان
طالع فيها من فوق لتحت وهو عاقد حواجبه ومستغرب:ابتطلعين بهالبس
جومانه وهي معصبه من بروده:مافيه الا الخدم
ماريا:ماما جومانه فيه بابا صقر وحنان هناك
طالع في ماريا بعصبيه:روحي للمطبخ
مشت ماريا بسرعه وهي منزله راسها
وسحب جومانه ودخلها للغرفه
جومانه:اتركني لاتتحكم فيني خلاص مابينا شي
منصور وهو رايح لسرير:بينا او مابينا لاتطلعين بهالبس قدام احد حتى
الخدم ولا حتى امك لاتلبسين هالبس قدامهم
جومانه تطالع في لبسها بعصبيه:اعتقد اني لابسه بيجامه مو متفسخه
منصور وهو منسدح ويسحب الغطا على وجهه:حتى ولوبيجامتك خفيفه وضيقه وقصيره
طالعت في لبسها ووجها قلب احمر من الفشله حست انه منتبه لكل شي
شالت لها بنطلون وبلوزه طويله لحد الفخذ ودخلت الحمام بسرعه بدلت
ملابسها وطلعت شافته نايم ابتسمت في نفسها على غيرته وبلحظه كشرت
تذكرت الي صارشالت عباتها وشنطتها وطلعت من الغرفه
لقتها حنان عند الممر وكانت خايفه وصقر وجهه معرق وخايف ويفرك يدينه في بعض
جومانه:فراس حبيبي ,,وشالته من حنان
صقر:حرارته مرتفعه
جومانه وهي تطالعهم:ليش جالسين للحين سخونته مرتفعه بلمره
ومشت بسرعه لبوابه وطلعت جوالها ودقت عى كومار:كومار بسرعه جهز السياره,,وقفلت الخط
حنان:انتظروني بروح اجيب عباتي
ركبت جومانه وصقر السياره ودقايق وجاتهم حنان
وتحركو للمستشفى
في المزرعه
ام رنى بخوف:ليش اشفيه ومتى شلتيه من عندي ماحسيت فيك
ماريا:شيل الساعه 12 عشان اسوي فطور
ام رنى:ياربي رحمتك
ام منصور:اشفيكم
ام ريان:فراس تعب وروحوه المستشفى
ام منصور:عسى خير يارب اهدي يأم رنى الله يهداك ان شاء الله انه بخير
ام ريان:ان شاء الله
ام رنى:ليش مايردون على تلفوناتي
ام منصور:من الي راح معه
ام رنى:جومانه وابوه وحنان
سمع اسمها وهو مار من عند غرفة الجلوس ودخل عليهم
منصور:السلام عليكم
الجميع:عليكم السلام
منصور:اشفيكم
ام ريان:مافي شي بس فراس سخن وشالوه المستشفى وام رنى خايفه
منصور وهو يجلس:جومانه معهم
ام رنى:ايه الله يسعدها هالبنت تعاملهم كانهم اولادها
رفع عيونه وهو يخرج جواله من جيب البنطلون ورجع عيونه لجواله واتصل على صقر
منصور:هلا صقر طمنا
صقر بتوتر:الطبيب عنده الحين
منصور:طيب اذا طمنكم عليه كلمنا على طول
صقر:طيب,,,وقفل الخط
في المستشفى
جومانه:دكتور طمني
الدكتور:الحمد لله مافي شي بس اللتهابات خفيفه بلحلق سببت له سخونه
جومانه:يعني بخير
الدكتور:عطيته مسكن ومهدي للحراره وبصرف لك علاج وان شاء الله يتحسن
جومانه بخوف:مايحتاج تنويم
الدكتور وهو يعطيها الوصفه الطبيه:لا ابدآ مايحتاج
صقر:دكتور من وين اجيب هالعلاج
استغرب الدكتور:من الصيدليه
شالت حنان الوصفه وطالعت في جومانه:جومانه انتظرينا بنروح نجيب العلاج نرجع
جومانه:اوك بنتظركم تحت عند البوابه
طلعت حنان وصقر لصيدليه وجومانه نزلت تحت وجلست على الكراسي الي عند البوابه
طلعت جوالها وشافت مكالمات من ام رنى ومن منصور
اتصلت على ام رنى
جومانه:الو خالتي
ام رنى ودمعتها على خدها:طمنيني ياجومانه
رفع راسها يبي يتاكد انها جومانه وهو يحرك الجواله بيده
جومانه:تطمني خالتي مافيه الا الخير كاهو قدامي بخير كلها نص ساعه ونجيكم
ام رنى:الحمد لله
جومانه رفعت راسها وهي عاقده حوجبها مستغربه من الي واقف فوق راسها
ام رنى:جومانه طمنيني عليه كل شوي
ماردت جومانه عليها
ام رنى:جومانه الو بنتي تسمعيني
قامت جومانه وحطت فراس على الكرسي الي جمبها:نعم
..........:جومانه
ام رنى:الو بنتي الو
قام بسرعه وشال الجوال من ام رنى
منصور:الو جومانه الوو
جومانه:نعم وش تبي فيني
........:ماعرفتيني
منصور بعصبيه:الووو بنت ردي,,,وراح لغرفته يبي يسمعهم بوضوح
........: قفلي الجوال وانا بقولك الي ابيه
منصور وهو يدور بغرفته ويضرب يده على راسه
انتبهت للجوال ورفعته لذونها:الو خالتي ام رنى
سمعت صوت عصبي :منو هذاتحركي من عنده بسرعه لايكون يبي
يخطفك وين صقر وحنان مو عندك
وفجئه انقطع الخط
منصور:الو الو الووووو
حس الدنيا اتدووور فيه وشال مفتاح سيارته وطلع بسرعه من الفله
في غرفة الجلوس
ام رنى:مو كأن منصور تاخر
ام منصور:اكيد انه يكلم زوجته لاتقلقين
دخلت عليهم نور:ماما خدي جوال من منصور
شالت ام رنى الجوال وحطته على الطاوله
في المستشفى
حنان:تاخرنا عليك
جومانه وهي تتنهد:لالا بلعكس
انتبه صقر لجواله يدق:هلا منصور
منصور وهو يتفس بسرعه:صقر وين جومانه
صقرمستغرب ويطالع جومانه الي خافت اول ماسمعت اسمه خافت:اشفيك جومانه عندي
منصور بصوت عالي خوف صقر:عطني جومانه بسرعه
عطاها الجوال:كلميه مادري اشفيه
شالت الجوال وعطتهم ضهرها ويدها ترجف:نعم
منصور بخوف:انتي بخير طمنيني
جومانه:ايه الحمد لله
منصور:منو هذا
جومانه:واحد غلطان يله باي ,,,وقفلت الخط
ورجعت الجوال لصقر طلعو من المستشفى
عند منصور رجع بسياره بسرعه وغير طريقه ورجع للمزرعه
وهو يتنفس بسرعه
تذكر الي سمعه,, قفلي الجوال وانا بقولك الي ابيه,,
ضرب بيده على الدركسون:غبيه ..غبيه,,منو هذا
شال دبة الماي وشرب ماي:منو هذا منوهالحقيــر
دخل للمزرعه ووقف السياره ونزل ووقف عندها ينتظر
طلع الدخان من جيبه وطلع حبه وولعها وحطها في فمه وصار يدخن
بطريقه مخيفه ومو حاس بلي حوله ولافكر حتى في ابوه وعمه لايخرجون ويشوفونه
دخل كومار بسياره للمزرعه وانتبه لمنصور:عم منصور فيه هنا
طلعت راسها مع الدريشه تبي تتاكد شافته يدخن بدون شعور وزاد
خوفهاعرفت انه معصب بلمره ولا مادخن
صقر:منصور يدخن الله يستر لايشوفونه عمامي راح يزعلون
نزل صقر من السياره وانتبه لهم منصور وقرب منهم وهو يطالع بسياره يبي يتاكد انها معهم
صقر:منصور ارمي الزقاره لايشوفونك عمامي
رمى بزقاره وداسها:طمني كيف فراس
صقر:الحمد لله تمام
نزلت من السياره بدون ماتطالعه ومرت من جمبه بدون حتى ماتسلم
نزلت وراها حنان وسلمت ودخلو للفله
حنان:ليش ماسلمتي على منصور
جومانه تصرفها:نسيت كنت منتبهه لفراس
دخلو عند الحريم وبسرعه قامت ام رنى وضمت فراس وشالته بحضنها
جومانه:فروس يتدلع علينا لاتخافين
ام منصور وام ريان:الحمد لله على سلامته
ام رنى:الله يسلمكم
قامت جومانه:يله استاذن بروح انام مانمت الا متاخر
ام ريان:والغدا كلها نص ساعه ويجهز
جومانه :مابي مالي نفس يله سلااام
ام ريان:الله يحفظك
راحت على طول لغرفتها دخلت وكانت الغرفه بارده تنهدت وراحت على
طول لسرير ورمت بنفسها وقفلت عيونها بقوه ماتبي تتذكر شي
بعد دقايق سمعت الباب ينفتح وسوت نفسها نايمه
دخل وطالعها بهدوء عكس النار الي بقلبه وقرب منها وجلس جمبها
وبصوت واطي:جومانه
حس انها نايمه ورفع شعرها من على وجها وطالعا وكانه اول مره يشوفها
مسح خدها بطراف ايدينه وهو مبتسم وبصوت هادي:لاتتركيني انا احبك
حست بقلبها يدق بقوه
وهالكلمه تتكرر براسها احبك احبك احبك اول مره تسمعهامنه
حست انه راح يعرف انها صاحيه وحاولت تبعد عنه وتبين انها متضايقه
وانحنت للجهه الثانيه وعطته ضهرها
طالعها بألم:حتى وانتي نايمه تصدين عني ارجوك لاتتركيني لو تخليني اموت
شهقت بصوت عالي لما سمعت كلمته وامتلت عيونها دموع
خاف وقرب منها ورفعها بين يده لحد ماصار راسها على صدره:فيك شي
جومانه وهي تطالعه ونفسها لاتنطق هالكلمه مره ثانيه:لا بس كابوس موخيف
ضمها على على صدره وهي قربت منه وضمته وقفلت عيونها تبي تنام
وبنفسها لاتبعد عني خلني اذوب بحضانك
صحت مي ورمت الخداديه على غاده:مساء الخير
غاده:اممم مساء الورد
مي:اصحي منار دقت علي اتقول ننزل للغدا
غاده:كم الساعه
مي:مادري اظن الساعه اثنين
غاده وهي تسحب اللحاف:قومي لدورة المياه واذا خلصتي صحيني
مي:كسووله
قامت مي وخذت لها ملابس ودخلت الحمام تسبحت ولبست واستشورت
شعرها وحطت مكياج وصحت غاده الي قامت غصب
سبقتها مي لتحت ولقت مناروملاك وحنان وسوسن والحريم الكبار
مي:السلام عليكم
الكل:عليكم السلام
ملاك تاشر لمي تجي عندهم
جاتهم مي:احس ان عندكم شي
منار:ايه جلسي
ملاك:وين غاده
مي:شوي وتنزل,,,اشفيكم تكلمو
ملاك:اصبري انتظري غدو لين تنزل
شوي ودخلت عليهم غاده
ونادوها تجلس عندهم
مي:يله تكلمو هذي غاده جات
ملاك:اسمعوني بقول شي بس اياني واياكم يطلع الي بقوله خاصه لمنصور وجومانه
حنان:قولي شنو حمستوني
سوسن:أي والله تحمست
ملاك:بعد بكره عيد ميلاد جومانه ونبي افكارحلوه
غاده:امانه بعد بكره تصدقين اني نااسيه
منار:المهم الحين نبي افكار
مي:نسوي لهم حفله وحركات هنا ونطلب قاتوه عليها صورة جوجو
ملاك:مانبي نخليها شي عادي هذي الحركه تعودنا عليها
حنان:انا عندي فكره
البنات:شنو
حنان:نحجز لهم جناح في فندق ونشتري لجومانه فستان سهره ونجهز
الجناح بلقاتوه والانوار والورود والتصويرالفيديو بدون مايعرفون وطبعا
هذي هديتهم مني
ملاك:واو فكره روعه
منار:أي والله فكره خيال
غاده:كيف يعني بتركبون كمرت التصوير بدون مايعرفون
حنان:اكيد ومن بكره بنقول لهم عن التصوير
مي:ههههههه وناسه
غاده:انا مني فستان السهره والكوافيره
ملاك:وانا علي حجز الفندق وتجهيزات غرفة النوم
مي:وانا علي القاتوه والعشاء والموسيقا والشموع والورد
منار:وانا مني طقم اللماس بعطيه لمنصور يهديه لجومانه
سوسن:وانا علي مفرش لسريرمفرش روعه ورومنسي
حنان:حلو وانا على كمرات التصوير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك