رواية عودتني كل يوم اسمع انا صوتك -19
تمين سارة وسلامة ترمسن لين الساعة 7ونص المغرب ...............
سلامة :قعدي تو الناس على النوم .....
سارة:والله أني مدوخة أمس ما نمت زين وبعد دومت اليوم ...وأنتي نايمة حتى الظهر ؟؟؟؟
سلامة:من راح يوديج البيت ...
سارة:أحمد راح يني ....
سلامة:قولي والله ...
سارة وهي تضحك :ههههه هذي سلامي اللي أعرفها .....
سلامة:أقولج سلمي عليه وقولي له الشيخة سلامة مسامحتك .....مشكور على الهدية ...
سارة:من عيوني ....
راحت سلامة ووصلت سارة حتى باب الصالة ودخلت لانه كان أحمد واقف بسيارته في الحوش ينتظر سارة على أحر من الجمر
ركبت سارة السيارة وخبرت أحمد بكل شيء وراح ووصلها البيت وبعدين راح صوب حجرته ونام نوم عميق ...................
فليل عالساعه 11 رجعت سلامة حجرتها عشان تنام بعد ما يلست عند هلها .. راحت و تسبحت.. وتذكرت للكيس الي خلتها سارة وكانت هي حاطتها في الكبت علشان ماحد يشوفها .. راحت سلامة و فتحت الكيس ... كان فيها دبدوب ابيض وااااااااااايد حلو .. و فيها غرشت عطر .. و شريط ... و ورده حمرى .. كانت هديه بسيطة .. بس قيمتها كبيرة ... طلعت الدبدوب و جان أطيح ورقه منه ... شلت سلامة الورقه ... لقت أحمد كاتبلها ..........
" ما ادري اذا انتي بتقبلين هالهديه و الا لا ... بس أتمنى انج تقبلينها ... هي بسيطة .. بس كل شي فيها يعنيلي وااااااايد .. سلامة انا خذتلي نفس الدبدوب .. عشان كل ما اشوفه اتذكرج ... و شريتلج من العطر الي استخدمه .. تعرفين بس عشان أحس انج قريبه مني .. سلامة ارجوج .. لا تحرميني من هالاحساس .. حرمتيني من قربج ..... .. بس ارجوج لا تحرمين قلبي انه يحبج .. الغالية بس اريد اقولج :
أحــــــــــــــبج وصـــــــــــــــــــــــل وبـــــــــــــــــــــــــــــــــــعاد .....أحـــــــــــــــــــــــبج رضـــــــــــــــــــــــى وعـــــــــــــناد
عاشق عيونج : أحمد الخييلي "
نزلت دمعة سلامة من قرت كلام أحمد ... فدييييييييييييييييييييييييييييييييييييييته ... و شلت الدبدوب و لوت عليه .. حست ان فيه ريحة أحمد .. يالله يا أحمد ... ليتك عرفتك من زمان .. شلت الشريط و شغلت المسجل .. اول جلبه كان فيها .. ( هالله هالله بعمرك و زينك في الهوى لا اتعب افوادك .. دام جامع هالغوى بعينك .. لا تصيبك عين حسادك .. انت توك بأول اسنينك .. ما بلغت بعمرك امرادك .. لا تبيع أحباب شارينك .. خف يالغالي من اعنادك ..)... رجعت سلامة و جلبة الشريط عالجلبه الثانية و كانت فيها ..( أسافر عنك و تسافر معايه .. ترافقني فحلي و ارتحالي .. أغيب و اترك العالم ورايه .. و لا احمل غير طيفك في خيالي .. وجوه الناس فالغربى مرايا .. تصور صورتك دايم في بالي.. و انسى غربتي و انسى عنايا.. و احس انك معي ماهب لحالي ..) ..
حز في خاطر سلامة ... يالله أحمد يحبني صدق .. يالله فديت روحه ... راحت سلامة و شلت الوردة و حطتها في دفتر الخواطر و عطرتها بعطر أحمد ... تعطرت سلامة بعطر أحمد .. و شلت الدبدوب .. و راحت فراشها و تلحفت و تمت تفكر في أحمد..وبعدين خذتها النومه...
((الجزء الثالث عشر))
مرت الأيام والشهور وسلامة وسارة سوين ,,هن وبنات الصف حفلة وكانت وايد حلوة وحاليا هن يالسات في بيوتهن علشان تذاكرن للامتحانات الثانوية العامة ؟!؟!؟!؟؟!؟؟ .......................
وسالم والعنود تمت من بينهم المسجات وصارت علاقتهم قوية وسالم مصر على أنه يشوفها بس هي ما ترضى وتعطيه أعذار .............
أما الريم طول الوقت كانت تفكر في راشد وبالتحديد على موعد زواجهم اللي بيكون في الصيف أن شاء الله .........
أما سلامة فكانت 24 ساعة تكلم سارة أو تكون عندهم....... أو العكس تكون سارة عندهم ....وعلاقتها مع أحمد صارت واااااايد قوية بس حتى الحين ما حد يعرف بحبهم الا سارة .................
و مبارك ((اللي معذب قلوب العذراء)) على قولته ..... رد على دوامه اللي في الكلية زايد العسكرية بأبوظبي هو و أحمد الخييلي .........
و عفراء قربت تولد وكانت في الشهر التاسع من الحمل........وراح تتنقل للقسم اليديد اللي بناه لها محمد في الحوش ....
اليازية ما شاغله شيء الا الدراسة والقلب حتى الحين فـــــــــــــاضـــــــــــــي ..........
وسارة بينها وبين مبارك ّحب عذريّّ ما حد يعرف الا سلامة ,.,.,.,.,.,.,.......
وسالم أشتغل في هيئة الخدمات الصحية بتوأم من شهر ....................
خلاص ما بقى عن الامتحانات الا كمن يوم .. و الطلاب مرتبشين .. بين الرياضيات لطلاب علمي و التاريخ لطلاب ادبي .. و كان اول امتحان عندهم بالثلاثاء 4-6 خلاص بدى وقت الجد و ما عندهم وقت لظحك و السوالف .. كان من طبع سلامة .. انها من بعد ما ينامون اهلها ترووح و تيلس اتذاكر فالحوووش .. و تمشي فالحوش .. عشان ما تنام .... اول يوم امتحانات الساعة 6 الصبح .. سلامة مواصله من امس .. مب قادرة انها تنام من الخوف و رهبة هاليوم .. و بما انها مخلصه تاريخ .. ما حبت انها تربك عمرها و تراجع شي من أسئلة الامتحانات قبل الامتحان بساعتين فخذتهن بريك إعلاني................
.. و راحت و يلست بروحها في الحوش ....الي كل يوم من عقب صلاة الصبح تخبر محمدوه يفرش فالحوش و يحط دلاله و حراراته علشان تقعد هناك.......ويلست حتى الساعة 7 وربع وبعدين راحت داخل علشان تتصل على سارة وتتلبس ...؟.....
وسارة وهي ترد على التلفون:ألووووو.....
سلامة:أهليين سارة ...علومج ...
سارة:زفت ...
سلامة:افاااااا ليش عاد ....
سارة:تصدقين والله أني بمووووت من الخوف ......أحس بعمري ناسيه كل شيء ...
سلامة:هونيها وبتهون أن شاء الله بيكون سهل .........
سارة:أنتي خلصتي ...
سلامة:لا بعدني ...
سارة:أنا الحين بروح صوبكم وبعدين بروح مع بعض المدرسة...
سلامة:خلاص اترياج ...باي
سارة:باي....
سكرت سلامة من سارة ...وشوي انها يايه صوبها أمها ........
أم محمد:السلام عليكم
سلامة راحت وحبت أمها على رأسها :وعليكم السلام ...
أم محمد:علومج سلامة ...
سلامة:طيبة ...
أم محمد توصي سلامة : بنتي سمي بسم الله ....واقري السؤال أكثر من مرة .....
سلامة:أن شاء الله أمايه ...عن اذنج أمي بروح ألبس لان سارة بتي الحين ....
أم محمد:خلي محي الدين يوصلكن ....
سلامة:أن شاء الله ...
وراحت سلامة و لابست ويلست تتريا سارة ....وبعدين راحن المدرسة عند محي الدين ...............
راحت سلامة و سارة المدرسه و امتحنن .. و الحمدلله .. الله هون عليهن اول امتحاناتهن .. و بالأربعاء كان عليهن امتحان اقتصاد .. و ارتبشن بدراستهن .. .....
من رد مبارك من الكلية ربع صوب سلامة .. و لقاها يالسه تدرس ..
و من عقب ما سلم عليها ....
مبارك : شحال سارة ..؟؟؟..
سلامة : يالله عليك .. انزين تخبرني شو سويت في امتحاناتي و من عقب تخبر عن سارة ..
مبارك و من شكله باين عليه التعب : سلامي دخيييييييييييييييييييلج رمسي .. شحالها ..؟؟؟..
سلامة : تشقح و تنطح .. ما عليها شر ..
مبارك : مممممم .. بعدها تحبني ..؟؟؟..
سلامة : مادريبها ..
مبارك : شو ما تدريبها !!..
سلامة : و الله مادريبها .. امره ما طاعت انها تطريك و تمت تدرس بس ..
مبارك بحزن و هو منزل راسه : يعني ما تحبني .. آاااااااااااااااااااااااااه ..
سلامة:أن شاء الله تحبك ...أطلع خلني ذاكر ...
و طلع عنها .. الله رحم سلامة و مبارك ما انتبهلها شو تكتب .. الحبيبه مودره دراستها .. و يالسه تكتب احمد و قلوووب و قصايد .. خلاص .. احمد سلبها عقلها و روووحها و كل كيانها .. .......
من عقب ما تسبح مبارك .. راح وتم يحوط في الحارة وخاصا قدام بيت سارة وتم يالس يحوط اللين ما أذن المغرب .... بس ما شاف سارة وراح وصلى المغرب وبعدين راح صوب ربعه في ميلس هزاع ...............
مر هالاسبوع بايخ ع البنات .. من امتحان لامتحان .. واحد اوكي و الثاني زفت .. و أعصابهن منحرقه .. ساعه ينامن و باقي اليوم يذاكرن .. من الجغرافيا لعلم النفس لدين و العربي .. و مبارك فالكليه وميت من سارة اللي ما شافها الاسبوع اللي طاف ............
فالكليه .. كانو الشباب كلهم فالمدرج .. و مبارك .. في عالم ثاني ..
خليفه : بوشهاب .. طلبتك ..
احمد : تم ..
خليفه : شله ..
احمد : امره فالك طيب ..
خليفه : فالك ما يخيب يابوشهاب ..
احمد : هذي قصيده ....( و جان يرفع عينه صوب مبارك ).. مهدنها لعرب .. غامضين (يعني مبارك بأنه إنسان غامض خلال الأيام الأخيرة ) ....
{{{ياويل يا من زاد بالهم بات ليله بعسرات...بايت سهير والليل خيم والعين تذرف بعبراتي.....حب الحبيب سمني سم يا حمد العمر باقي ...محلاه لي من تبسم حلو المحيا والصفات ...أنا بحبه صرت ملزم و ون ونات المماتي وين الذي بي ثيب مغرم و يشفي جروح داميتي ...خلي بحالي ما ترحم ظالم ويسعى في شتاتي ...ياليت مع الشمل يلتم واهنا بقربه في حياتي}}}
من سمع مبارك الشلة سكت ..
و احمد يطالعه و يظحك ..
مبارك : نذل ..
احمد : هههههههههههههههههههههه ههههههههههه ..
خليفة : مافيك حيله يا بوشهاب .. صوتك غرام .....
احمد : ترى القصيده .. لعرب ما عرفنا سبب حزنهم هالاسبوع .. وشفته الحبيب كاتبها في ورقة وعديتها...
خليفة : و انا اقو وول ..
مبارك : و انت امره .. سرقتها ..
احمد : اشو وفك اول امس بايت .. قلت اكيد يكتب شيء .. و من نمت نشيت و شليتها .. وقريت أنها هذي شلة العامري تكتبها ...
مبارك : عنلالات صداااك ..
عبدالله : الله ياول عليك يا مبارك ثرك متخشع .. ...ما صدق أكبر مغازلجي في الامارات وقع في الحب ...
أحمد : يظرب الحب شو بيزل .. هههههههههههههههههههههه ..
مبارك : قسم بالله انكم ملعن ..
و في زاخر .. البنات مرتبشات ... خلاص ما بقالهن الا ...... .مادتين...........
بالأربعاء كان ع البنات امتحان عربي .. فحب الاستاذ زياد بحكم انه يدرس البنات .. انه يسويلهن مراجعه عامه من قبل الامتحان باجر .. فأجتمعن سلامة وسارة في بيت قوم سلامة و كان يوم الثلاثاء...... .. سلامة وسارة .. كانن وايد مركزات ع الاستاذ .. و يستفيدن منه قبل الامتحان باجر .. تم معاهن الاستاذ في حدود الساعتين و شوي .. و من خلص راح لشباب الي كان يامعنهم في بيت واحد .. عشان ما يضيع وقتهم و في نفس الوقت يستفيدون .. من بعد ما خلص الاستاذ ..
سارة تمت مع سلامة اللين ما تيها أمها عشان ترد البيت......
سلامة:سارة شو فيج ؟؟؟؟
سارة:من زمان ما شفت مبارك والله أني مشتاقة له واااايد ...........
سلامة:يا عيني على الحب ... خلاص باجر تعالينا علشان تشوفينه ....
سارة:بحاول أقنع أمايه .......أنتي أخبارج ؟؟؟؟
سلامة وهي مبوزة :أحب ...
سارة:هههههههههههههههههههههه ...بعدج ...حتى الحين تحبينه ...أنا قلت نسيته لانج من زمان ما تخبرتيني عنه ....
سلامة: آااه .. ناسه الموت...عسى
سارة:آمــــــــــــــــيـــــــــن
و فهاللحظة سمعو سالم خو سلامة و هو يزقرها ..
سلامة : ويت سارة بشووف سالم ..
نشت سلامة و راحت صوب سالم ..
سلامة : لبيه ..
سالم : لبيتي حايه .. هاه شو الدراسة ؟؟..
سلامة : الحمدلله .. بس هو العربي ما يباله شي ..
سالم : لا ماشي ما يباله شي ..
و ان ام سارة ياييتنهم ..
سلامة : مرحبا السااااع مرحبا السااااع ..
ام سارة : المرحب باجي ..
و راحتلها سلامة و سلمت عليها و حبتها عراسها ..((عمت المستقبل لازم تحبها فوق رأسها)) ........
ام سارة : وشحالج يا سلامة ..؟؟..
سلامة : بخير يعني افدى رووحج خالتيه ..
ام سارة : وين بنت سعيد عنج ..؟؟..
سلامة : امايه عند بيت عمي سالم ..
ام سارة : هيه ... منو هذا ..؟؟؟..
سلامة : هذا سالم خويه ..
ام سارة : يالله مرحبا ملايييييييييييييين بالغالي ..
سالم : مرحبا السااااع .. شحالج خالتيه ؟؟؟..
ام سارة : بخير يعلك الخير ..
ام سارة : بنتي وين ختج ..؟؟؟..
سلامة : اللحين بزقرها ..
و راحت سلامة و زقرت سارة حق أمها .. و قبل لا تظهر سارة تغشت ..
سارة : السلام عليكم . .....
سالم و هو منزل راسه : و عليكم السلالام .. مرحبا السااااع ..
ام سارة : هاه بنتي خلصتي مذاجره ..؟؟؟..
سارة : هيه امايه .. خلصنا ...
ام سارة : يله سرينا عيل ..
سالم : لا وين بها .. عنبو يا خالتيه ما تقهويتي ..
ام سارة : يعني فداك .. الا يايه اشل سارة من عندكم .. و قهوتكم مشروبه يالغالي ..
سالم : لالالا .. هالييه مب محسوبه ..
ام سارة : هههههههههه .. امره فالك طيب .. بنرد صوبكم .. الا جنك بتبرز عندنا ..
سالم : امره تم ..
و راحت عنهم ....
.................................................
في حجرة الريم ......
الريم: يا ربي الحين متى راح أحجز فستان ....
اليازية:هههههههه والله أنج ضحكتيني ...العرس بعد شهرين ...
الريم:يالله عليج أصلا البنات تفصلن أو تحجزن قبل العرس ب6 شهور ....
اليازية:خيبه كل هذا تفصيل سكتي أختي اللي بيسمعج بيقول راح تتزوجين بواحد من شيوخ الامارات ما كنه الا راشد ولد عمج .....
الريم:راشد شو فيه ما ناقصه شيء ..واصلا هو شيخ في نظر عيني .....
اليازية:يا عيني على الحب ....
فالليل الساعة 10ونص كان سالم قاعدة في الخيمة يقلب تلفونه علشان يرسل مسج {{للمجهولة}}........
أرسل لها ....
"مساء الورد يا ورده حياتي ....
أكذب عليك ان قلت لك أقدر أنساك
وأكذب على روحي ليا قلت أبنهيك
علم يجيك ؟؟ويوصــــلك؟؟ويتعداك
انك سكنت القلب ما فيه تشــــــكيك
وانك خذيت العقل والروح ويـــــاك
واقفيت بي يجعل ربي يجازيك "
العنود كانت تمشط شعرها من سمعت بمسج أفترت لتلفونها وقرأت الرسالة وأرسلت له ...............
"مساء الخير يا ويه الخير
كيف تحرمني مواصـــــيلك
وأنت عارف ماأقدر أوصلك
هوب خوف من عوا ذيـــلك
لا ولا خايف اهـــــالـــــــــك
أنت تدري ما قدر أجـــــيلك
فاهمن من قبل لا شرحــلك "
رد عليها ....
"عمري وروحـــــــــــــي وقلبي.....
وفكري وعيــــــــني فــــــــــــدوه ....
ابتسامة عيونج بس شمسة كني ....
بحبج ملكت الكون بيدينــــــــي" ....
ردت عليه .....
"مهما ضروف الوقت عنك خذتني ....
صافي الغلا ما يأخذه غيرك إنسان ".....
تموا ساعة وهم يرسلون لبعضهم مسجات بعدين استأذنت العنود من سالم علشان تروح تنام ,,,,,,,,,,
.................................................. .......................................
بالباجر يوم الاربعاء .. الحمدلله .. الورقه الاولى من العربي يتهن اوكي .. و بالباجر بتكون الورقه الثانيه .. من بعد ما خلصن البنات رجعن بيوتهن ....
بالأربعاء الظهر .. رجع مبارك من الكلية .. راح و تسبح و راح لسلامة يتخبرها عن سارة كالعادة......
مبارك وهو يدق الباب :سلامة فتحي ...
وراحت سلامة وفتحت الباب :مرحبا مليون .....
وسلمت على مبارك:اشحالك ....
مبارك:بخير يعلج الخير ....علومج من الامتحانات ...
سلامة:الحمد لله زينة حتى الحين ...
مبارك:شو كان عليكم اليوم ...
سلامة:عربي ...
مبارك:حليتي ...
سلامة:يعني ...
مبارك:وسارة ...
سلامة وهي تضحك :تقول يعني .....
مبارك:وينها عنج ؟.
سلامة:في بيتهم ليش تسأل ...
مبارك:الله يخرب بيتج والله أني مشتاق لشوفتها ....تحريتها عندج ....
سلامة :خلاص بحاول أقنعها أنها تي اليوم بيتنا ...
مبارك:وعد ..
سلامة:وعد ...أخبار الدوام ...((العوق عند أحمد))؟؟
مبارك: الدوام زين ....خلاص أنا بروح ذاكري زين علشان أيبلج هدية حلوة...
سلامة:غصب عنك تيبلي ....
مبارك:لا والله ...
سلامة: يبلي هدية ولا ما راح أخلي سارة تي بيتنا ..,.,.,.,.,واذا يت راح أروغها ....
مبارك وهي يضربها على كتفها :يالله ذاكري زين ...
سلامة:أنزين أطلع برع علشان أذاكر عدل ...
وراح مبارك من عند سلامة وخلها علشان تذاكر .....
و ظهر عنها مبارك .. و راح هو وأحمد دبي ..... بالخميس .. راحن البنات و امتحن الورقه الثانيه من العربي .. و الحمدلله اوكي اللين اللحين .. خلاص ما بقى لسلامة وسارة الا امتحان الرياضيات بالسبت و بتخلصن ..
.. بالخميس من بعد المغرب .. اتصل مبارك بالريم خته ..
الريم:ألووووو ..
مبارك:أهليين ريموه وين سلامي .....
الريم:في حجرتها ...
مبارك:روحي عطيها التلفون ...أبها ضروري ...
الريم:أوكيه ...بسكر عنك ومن أوصل عندها بخليها تسويلك ...
مبارك:اترياج ....
وراحت الريم صوب سلامة اللي كانت في حجرتها وعندها سارة تذاكرن رياضيات وعطتها التلفون وراحت عنهن ....
واتصلت سلامة بمبارك ...
سلامة:هــــــــــــــــــاي ...
مبارك:أوكــــــــــــــي سكري بتصلبج ....
سلامة: عن الفضايح جدام ربعك .. التيلفون فيه رصــــــــــــــــــــــيد ..
مبارك : سلامة ...
سلامة : اوكي ..
و سكرت و رجع مبارك و اتصل بها ..
مبارك : وينها ..؟؟؟..
سلامة : من هي بسم الله منها ..
مبارك وهي يتبعد من أحمد علشان ما يسمعه :سارة الله لا يوفقج ....
سلامة:هذيه ...
مبارك : اوكي حطي ع السبيكر و خليها تسمع ..
سلامة : انشالله .. و حطت ع السبيكر ..
مبارك:سلامي .. ها لقصيده عديتها في وحدة و انا فالكليه .. و بيشلها احمد .. اريدج بس تسمعينها وتعطيني رايج فيها .. تقربت سارة .. و سلامة من التيلفون .. و شل احمد القصيده لان صوته أحلى ..
ماتت سلامة عصوت احمد .. شو رهيب الا عذااااااااااب .. و خاصةً و هو أيمد الكلمة الاخيره من كل بيت فالقصيده .. و سارة نفسها .. اندمجت فالكلمات .. يالله ثره يبات يهويسبي بمبارك يعني أفداء عينه ....
أحمد:اذا تعرفينها ....خليها ترحم الريال تراها معذبتنه .....
سلامة تقول لسارة : محد معذبني الا انت .. يا ويل قلبي منك .. ...
سارة تمت تضحك على سلامة:هههههههه ....
مبارك وهو يسكر السبيكر: سلامي ..
سلامة : لبيه الغالي ..
مبارك : حلوه القصيدة .. بتعجبها ؟؟؟!!!..
سلامة وهي تغمز سارة : غرام .... أكيد راح تعجبها ....تباها ؟؟؟...
مبارك: لا .. برايها ...ذاكرن زين .. يله برايج .. و سكر عنها ..
سلامة : آااااااااااااااااه ..
و جان تيلس ع السرير ..
سارة : يالله فديت رووحه ..
سلامة : هيه و الله .. سمعتي محلا صوته .. ااااه ياقلبي....
سارة : و الله انج متفيجه .. انا اطري بروووك .. فديت خشمه .. مو أحمد
سلامة:سارة....دخيلج كل يوم تعالينا ....
سارة: لا و الله ؟؟.. ليش انشالله ..؟؟؟..
سلامة: عشان يعد فيج القصايد و احمد يشلهن و سمع صوته .. ؟؟
سارة : تصدقين .. اول مره ادري ان مبارك شاعر .. !!!..
سلامة : حتى انا ..
عند احمد .. يتحرقص .. ويريد يعرف ردة فعل سارة ؟؟؟؟
احمد : مبارك .. خلاص هد أعصابك ..
مبارك : بموووووت يأحمد من الحب ..
احمد :الله يكون في عونك بس من هي الحبيبه .. (( أحمد أطرش في الزفة ولا يدري أن البنت اللي يحبها مبارك هي أخته سارة ))......
مبارك : قريب أن شاء الله بتعرف .. أحمد لمس جبهتي ..... أحس فيني حمى ...ماني صاحي اليوم أنا ؟؟؟؟
احمد وهو يضحك : ههههههههه يريال هونها و بتهون .. شو رأيك نروح السينما ..؟؟؟..
مبارك : ما تفرق ..
احمد : بس عليك ..
مبارك : لا و الله ..؟؟؟؟.. انت الي تبى السينما ليش انا ادفع ..؟؟!!!..
احمد : شو ..؟؟؟.. تراني متعب احبالي الصوتية و شال شله محترمه علشان تسمعها أختك وتبدي رأيها الشيخة ..
مبارك : امحق احبال .. قول فوزات و الا اسيااام حليانه .. ..
احمد : و الله محد حليان الا انتو يا ياهل زاخر .. ؟؟؟
مبارك : ايوووه .. جنك تسب .. وأنته من وين الا من هل زاخر ....يا لدب
أحمد:أنا غير ..... اللي يشوفني يقول من هل دبي من جمالي وطيبتي ....شـــــــــــــــــيوخـــــــــــــــــــــــــ ـي أنا
مبارك: خطف قدامي ....لا أرتكب فيك جريمة ...
................................................
رجع مبارك البيت عالساعه10ونص .. و توه بيدخل الحجرة .. بس انتبه ان ليت حجرة سلامة مشتغل .. فراح و دق عليها الباب ..
مبارك : سلاموووووه ..
سارة ((كانت تدرس عند سلامة وبعد جدال طويل أقنعت أمها أنه ما حد في بيت قوم سلامة ريال وراح تدرسن في حجرة سلامة ... وافقت أمها وخبرتها أذا خلصت تتصل عليها علشان تطرش الدريول لها)) ........
سارة من سمعته يزقر .. ارتبشت و لا عرفت تمسك القلم حتى .....
سلامة: هههههههههههههههههههههههههه .. سكني خويه .. اظني حسبج انج عندي.....
تحجبت سارة ..و راحت سلامة و فتحت الباب لمبارك ...
مبارك و هو مب منتبه لسارة : شوو بعدج ما نمتي .. ؟؟؟..
سلامة : لا ادرس .. شو انت توك ظاوي ..؟؟؟..
مبارك و هو يحك عينه : هيه توه منزلني احمد ..
سلامة و قلبها يدق بقوا : و الله ..؟؟؟..
مبارك و هو مفتر بيروح حجرته : برايج عيل ....
سلامة : شو ما بتسلم ع سارة ..؟؟..
و سارة اتطالعها بنظرات .. و الله بذبحج... ..
و مبارك من سمع طاري سارة افتر صوبها .. و شاف نظرات سلامة لحد فالحجرة .. جان يدز الباب .. و شاف سارة يالسه عالارض و الأوراق حولها من كل صوب ......
وقف مبارك شوي يطالعها .. مب مصدق .. و هي موخيه برأسها...... ..
مبارك و هو ما شل عينه من عليها : سلامة روحي هاتيلي ماي ..
سلامة : بييبلك من ثلاجة اللي في المطبخ التحضيري ..
مبارك و بعده ما شل عينه من على سارة : لالالا .. ما با .. هاتيلي من المطبخ اللي برع ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك