رواية قل لها المجنون وصاني وهو يعنيك -19
ام ناصر:اذا متخوفين منه انا اروح له واشوفه واتفاهم معه
خالدبحنان:ياخاله احنا مانبي لك الاهانه بس صدقيني اللي كاتبه الله بصير ياخالتي موبس انتي اللي شايله همه الكل شايل همه وصدقيني لوما احد راح له انا بنفسي اروح اهم شيء ريحي نفسك علي لازال في الدنيا ومحتاج دعواتك فاذا تحبين له الخير ادعي له
دمعت ام ناصر وراحت بخطواتك مثاقله وهي تدعي :الله يفرج عنه ويكتب له الخيره ويسعده امين
::::::::::::::::::::::::::::::::::::::::::
اليوم الثاني
لماطالعت في الساعه 5الاربع دمعت عيونها يارب مرالليل وانا سهرانه النوم جافاني ياربي الطف فيني ماطمعت افتك من ماجد ويرجع اخوي احمد وتبتسم لي الحياه من جديده على طول تتسكر الحياه بوجهي ومجرد ماتمت ملكتي من الانسان اللي حبيته على طول ينسجن يآآآآآآآآآآآآآآآآآرب
اندق الباب مسحت دموعها:من عند الباب
فارس:انا ياشوق حبيت اصحيك لصلاه
آه يافارس على بالك نمت عشان تصحيني :اوكي انا صحيت
طلعت ووضت وصلت وجلست تقرأ قرأن رن جوالها شافت وفاء تتصل
شوق:هلا وفاء
وفاء:صباح الخير شوشو اخبارك
شوق:صباح النور بخير
وفاء:شوق لابد وتفرج لا تضيقن على عمرك
شوق:وفاء انتي دريتي شفتي لما اقول حظي ردي صدقتي
وفاء:لا ياشوق ان شاء يطلع برأءه ولاتقولي حظي ردي الدنيا كذا لكن انتي تدرين وين الخيره فيه
شوق:لا طبعا
وفاء: تدرين ان اكثر الناس مصايب الانبياء فالامثل ثم الامثل
شوق:الله يكتب اللي فيه الخيره بس ياوفاء حاسه نفسي بموت
وفاء:الله يلوم اللي يلومك بس افهم من كذا ماحتداومي
شوق:وشلون اداوم وانا بهالوضع
وفاء:طيب حتى انا ماحداوم وابي اشوفك
شوق:الحين
وفاء:اي الحين انا بصراحه ماجاني نوم الا اذا بتنامي انتي
شوق:لا ويني ووين النوم بس النور تو ماطلع واحنا برمضان
وفاء:اي اي قوليها منتي حابه تشوفني هذا جزاي اللي النوم مجافيني عشانك
شوق:لالا لاتفهميني غلط بس ماقيد سويناها نتقابل هالوقت
وفاء:ماقيد سويناها نسويها يالله طرفي الباب وانتظريني انا جايتك
شوق:والله مدري ايش لون اروح من جزاك
وفاء:لا تقولي شيء خمس دقايق وانا عندك
شوق:اوكي
قامت شوق ووقفت عند الباب وماطولت الا ووفاء عندها ودخلوا الغرفه وقفلت الباب عليهم وجلسوا يسولفون طبعا شوق كل ثانيه تبكي ووفاء تهون عليها
شوق:مافي احد يقدر يلومني انا في ليلة ملكتي ينسجن خطيبي كذا حظي المره الاول رفضت سنه كامله عشان احمد ولما جاء احمد ينسجن علي آه ياحظي العاثر دووم كذا معي
خالد واحمد كانوا ماريين من عند غرفة شوق رايحين لغرفتهم
خالد:هذي ايش فيها
احمد:علمي علمك يعني موبس انا اللي سمعت
خالد:اي اكيد وبعدين انا شايفها وهي تصلي
احمد:معقول تحاكي نفسها
خالد:لالا تقولها يعني انجنت
احمد:مدري خل ندق عليها
ودق الباب
شوق:من عند الباب
احمد:اناوخالد ممكن ندخل نبيك شوي
شوق:لالا تدخلون علي انا الحين الحين اجيكم
خالد:هذي ويش فيها
احمد:والله مدري تصدق انها مخوفتني
طلعت شوق وهي توماسحه دموعها وباقي فيها اثار قفلت الباب واسندت ظهرها عليه
احمد:شوق نبي ندخل ايش فيك قفلتيه
شوق:لا مولازم تدخلون قولو لي ايش تبون
خالد:شوق ايش فيك
شوق:مافيني شيء ليه جايه اصيح واشقق ثيابي
احمد:لالا منتي طبيعيه ايش فيك {وحاول يبعدها عن الباب }
شوق:هــي هـي ايش فيك عندك سالفه قولها وروح ترى والله مورايقه لك
خالد:اول شيء كلمي اخوك الكبير زين ثانيا ليه كذا متنرفزه وليه ماتبينا ندخل الغرفه انا لازم ادخل ودف شوق وقرب من الباب
شوق:يا خي لا تدف الباب وفاء داخل
احمد:العبي غيرها من متى وفاء تجي بذا الوقت
شوق:اليوم جات عندي فيها شيء وفاااااء
وفاء:نعم
شوق:صدقتوا الحين ولا لا
احمد :اعذرينا ياشوق بس احنا كنا نبيك بس وقت ثاني نكلمك
اتجهوا لغرفتهم وشوق دخلت على وفاء معصبه
احمد:هههههههه والله نكته بغينا نطينها وندخل على بنت الناس
خالد:ههه تخيل عاد هههه
احمد:احنا ننلام نعرف شوق وحيده وبذا الوقت مومتعودين احد يجيها
خالد:الله يسعدها وفاء مانست صاحبتها بذا الموقف
احمد:اي والله الله يسعدها اصيله بنت سعود
خالد:الا تعال مادريت عن خالي يوسف
احمد:ايش صايرله ؟؟
خالد:صارت له جلطه في رجلينه قبل امس
احمد:الله يعافيه وجدتي ايش سوت
خالد: الله يعينها متأثره حيل بس خلاص اخوها اللي كانت جالسه ويدير باله عليها طاح وعياله مو محرم لبدور عمتي عشان كذا ابوي وعمي اصروا على جدتي وعمتي يجون هنا وخلاص اليوم لازم يجون مره يسكنون هنا والبيت اللي في الرياض مراح نبعيه عشان خاطر جدتي
احمد:والله اجل انا ابي اجيبهن
خالد:وشلون تجيبهم وزوجتك اليوم بتجي لجده
احمد:اووه نسيت والله زين خلوهن يشوفون برهوم
خالد:تدري انهم بيسكنون عندنا
احمد:والله من قـــــــــــــــــآآل
خالد:شوي شوي لاتاكلني جدتي هي اللي قالت عشان حالت ابوي مثل منت شايف
احمد:الله يعافي ابوي وهذا احلى خبر بوجود جدتي وبدور عندنا ياني مستانس
خالد:وبعد بدور مستانسه بوجودك البارح كلمتها وقت الملكه بس حسيتها تضايقت بزواجك
احمد تضايق وحب يصرف السالفه :الا ماجد البارح ماجانا بلمره
خالد فهم التصريفه :مدري عنه
اندق الباب قاموا لقوا فهد وجلسوا في بيت الشعر لحد الساعه 8وناموا
الساعه 5ونص جاء سامي بجدته وبدور وبعد ساعه جاء نايف بأهله
في بيت ابوخالد
ام خالد:حياالله من جانا
ام محمد’الجده’:ابقاك الله يام خالد عطيني ابراهيم الصغير
ام خالد:اخذيه ياخالتي بسم الله عليه يجنن
ام محمد:ماشاء الله عليه يفتح النفس الا تعالي يا ام خالد بنتك وينها ماجت عند الضيوف
ام خالد:ليلها كله مانامت ومانامت الا بعد أذان الظهر
ام نايف:هي زوجة علي
بدور:اي هي الله يفرج عليه
ام نايف:اي والله الله يفرج عليه روحي يا مها والحقي اختك لمى لاتطلع برا
راحت مها وجابت اختها
بعد اذان المغرب كان ماجد سارح بافكاره مقهور من علي وخطوبته على شوق وفي نفس الوقت مبسوط على سجنه
جاء بدر وضرب له بوري :اركب العشاء عند خالي ابو خالد وجدتي وبدور جو
ماجد:طيب العشاء موطاير تعال نبي نسولف شوي
نزل بدر:ايش اللي مضايقك
ماجد يتصنع الضحك:بالعكس اليوم حيل مبسوط مو الإتي البارح فايز
بدر:اي صح نسيت
وقفت سياره هاي هاي ونزلت منها بنت ووقفت عندهم
لولوه:هذا بيت ابوماجد
ماجد:اي هلا بغيتي شيء
لولوه:اي ابي رُبى
ماجد:رُبى وانا تحت امرك ياحلوه
بدر:ياخي عيب حشم بنت الناس ودخلها
ماجد:ادخلي يابنت الناس حظك حلو رُبى كانت بتروح بس طبعا بجلس انا ورُبى اذا حابه لعيونك
لولوه في نفسها ذا مايستحي يغازلني لايكون من اخواني لاشكل اخوي المحترم اللي معه:استح على وجهك ياخي تراني بنت ناس مو جايه من الشارع
بدر:ادخلي ياختي انتي بامان ولا عليك من ذا ويأشر بيده على ماجد
لولوه:طيب بعده عن طريقي
بعد ماجد بنفسه
وقفت عند البوابه الدخليه ودقت طلعت روان لها:هلاا اختي من بغيتي
لولوه:ممكن ادخل بالاول
استغربت روان:حياك ادخلي
نزعت عبايتها روان وهي تستعيد ذاكرتها:انا قيد شفتك بس مدري وين
خلود ماكانت تدري ان فيه احد:روان اي واحد احلى البسه اليله
لولوه:الوردي احلى وبيطلع عليك احلى
خلود وعلامات الدهشه بوجهها
روان:معليش يا اختي ما عرفتينا بنفسك
لولوه:وينها رُبى ابيها ضروري
خلود بصوت عالي:رُبــــــــــــى تعالي في وحده تبيك
جات رُبى بكامل انا قتها :نعم من اللي يبيني؟
لولوه :انا اللي ابيك!
رُبى: من انتي؟؟
لولوه:مومهم من انا بس خوذي الظرف ذا
رُبى:من مين هذا الظرف ولاراح اخذه لحد ما اعرف مين انتي
لولوه:انا لولوه وخوذيه وتعرفين من مين
مسكت رُبى الظرف***الى اغلى خوات من اخوكم ياسر***
رُبى:هذا الظرف من ياسر يابنات التموا البنات وطلعت بدون محديحس فيها واول ماطلعت في الحوش لقت بنت صغيره عمرها سنه وشوي توها تخطو على الجدران وتبكي حنت عليها لولوه وراحت ونزعت غطايتها
لولوه:يالبى والله ياعمري انا خالتك لولوه لاتخافين مني
في هالأونه دخل بدر لانه سمع صوت وريف تبكي
شاف القمر اللي قدامه لكنها انتبهت له وتعدلت وهو سمع كلامها اللي قالته
بدر:لحظه ايش اللي افهمه من اللي قلتيه
لولوه:نعم ايش تقصد ياخوي
بدر:انا سمعتك تقولي لوريف انك خالتها
لولوه:طبعا بما اني حرمه بكون بمقام خالتها مثل انت رجال بتكون بمقام عمها(تعمدت تقول عمها لانها كانت تحسبه من اخوانها وبتكون مكشوفه اذا قالت خالها)
بدر:وانا وبطبع عمها
لولوه:شفت ان كلامي صحيح
بدر:لا انتي فهمتي غلط انا عمها اخو ابوها
لولوه تندمت :طبعا انا قصدي واضح في امان الله
طلعت وتعرض لها ماجد واسرعت وركبت السياره وراحت
رُبى :ياعمري ياياسر شهر وهو عندنا
خلود:لحظه بنات احنا ماقلنا له إنا دخلنا مركز تحفيظ ايش دراه مافي احد من العايله يدري عشان يقوله
روان:يمكن ماجد
خلود:يمكن مع ان ماجد مايعطي وجهه لها المواضيع
روان: لا ومرسل فلوس ياقلبي ياياسر والله اني مشتاقه له
خلود:اووووه راحت البنت ماحسينا فيها
روان:والله اني قيد شفتها بس مدري وين
خلود:تقول اسمها لولوه
روان:لولوه الغريب اسمها ماقيد مر علي بس شكلها
رُبى :يمكن تشابه ياربي ياسر بيجي في وقت الاختبارات وانا ثالث ثانوي ايش لون بذاكر وانا ماطمعت اني اشوفه
روان:الحين بنروح للعزيمه والله يكتب اللي فيه الخيره
00000000000000000000000
ريوف:صدقيني انتي كذا هبله والله هبله روحي وضحي للكل انه مثل مابعك بيعيه
ريهام:اضحك على من ريوف الكل يعرف الحين وشلون بودي وجهي وانا بجلس وانتوا قولوا عشان علي
ريوف:اصلا كلنا مانبي نروح بس جدتي ملزمه ان الكل يكون موجود كذا حركتك مكشوفه
هيام:صادقه ريوف قوي قلبك ياريهام وجدتي بتعصب
ريهام تأشر على قلبها:وهذا وهذا ايش اسوي فيه من نظرات الشفقه من حوله
ريوف:ريهام حبيبتي انتي قويه ولازم تقدرين الموقف واحمد خلاص انسيه مثل ما نساك وروحي ووضحي للكل انك نسيتيه حتى لوتتظاهري مع الوقت ان شاء الله تنسيه
ريهام مومتقبله بس قامت عشان خاطر خواتها لبست فستان ناعم لونه نيلي وكملت زينتها وراحت مع ماهر اخوها للعزيمه واول ما وقفت السياره نزلت ام ناصر
مسكت ريوف ريهام:خليك قويه ابيك ريهام اللي اعرفها
ريهام:ان شاء الله
ودخلوا على الحريم كانت شوق توها صاحيه وجالسه هي وبدور مع الحريم
دخلوا وسلموا عليهم كانت شوق تحس قلبها يتقطع على ريهام
ريهام تسلم على اماني وفي نفسها حاقده وكارهه لهلانسانه اللي تسلم عليها راحت وجلست بعيد عنهم قريب من هيام
هيام:ريهام لاتفضحين نفسك بنظراتك هذي حاولي تكوني طبيعيه
ريهام بقهر:طيب بحاول
اندق الباب
بدور:من عند الباب
احمد:انا احمد ابي ادخل برهوم {احمد فرحان بولده اخذه عند الرجال يوريهم إياه}
بدور:عطني برهوم ابي ادخله البيت مليان بنات مو محرم لك
احمدعطاه اياه:حاسبي عليه بدور لايطيح اوكي
ريهام كانت جالسه عند الباب وسمعت الحوار ما قدرت تمنع دموعها تماسكت وطلع فوق ورمت حالها على احد الكنبات وذبحت نفسها بكي بعد شوي سمعت حركه على الدرج مسحت دموعه وعدلت جلستها ومسكت جوالها كأنها تطقطق فيه
كانت مها تسند اختها وتوجهت لوحده من الغرف ودخلت اماني فيها ولحقتها امهاببرهوم الصغير طلعت مها وابتسمت لريهام اللي بدورها ردت الابتسامه لها
مها:يالله ياخت جابوا العشاء انزلي تحت تعشي
ريهام:طيب وانتو ليه ماتنزلوا تتعشون
مها:كنت بنزل اجيب عشاء امي واماني وانزل تحت لأنا كذا نص ساعه ونمشي لتبوك
ريهام:كلكم بتروحون
مها:اي الا امي بتقعد يومين كذا وتلحقنا لكن اماني بتقعد على طول
ريهام:اها الله يتمم على خير
مها:انا مها وانتي؟؟
ريهام:ريهام
مها:ماتبي تتعشين ياريهام يالله نمشي
ابتسمت ريهام:يالله انا نازله
نزلت ريهام مع مها ولو ان مالها نفس بس اكثر شيء منفس عليها هو عدم وجود اماني في نفس المكان
على طول يوم خلصت من العشاء:ريوف اتصلي على ماهر يجي ياخذنا
ريوف:خلينا بنسولف مع جده شوي
ريهام:ريوف بليز
ام ناصر:يالله بنات ناصر بيمشي اللي بتخاويه تقوم
ريوف:يمه انتي بتروحين
ام ناصر:لا والله بجلس شوي مع ماهر بشوف انحلت سالفة المسكين اللي طايح في السجن
ريوف:انا بجلس معك
هيام:وانا بعد
ساميه:يعني مافيه احد بيخاويني
ريهام:لا انا بروح معك فيني نوم
ساميه:يالله ناصر ينتظرنا
لبسن عباياتهن وطلعن براء كان حوش ابوخالد كبير السيارات داخله فيه ومن كثر السيارات واقفات يتلفتن ماكان فيه سياره شغاله
وكان في رجال واقف مايعرفنه ومعه واحد معطيهن ظهره
ساميه:اخوك وينه يقول برا ينتظرنا
ريهام:والله مدري بس احس شكلنا غلط
ساميه:امشي بندخل ونتصل عليه
ناصرمن وراهن:وين راجعات انتن
ساميه:كنا بندخل طولت علينا
ناصر:يالله يالله امشن سيارتي اللي ورى الشباب
راحن يمشن لف احمد وجهه :ماشي ياولد العم
ناصر:اي ماشي تعرفني ماني راعي سهر
احمد:تصبحون على خير{شفتها وفز قلبي يوم شفتها لاتسألوني ايش لون عرفتها اسألوا قلبي ليه لاشافها تزداد دقاته}
ناصر:وانت من اهله شوي عن الطريق الاهل معي
مرن من عنده وهو ونايف كان نايف يطالع فيه لم قربن من عنده تغيرت نظرات احمد الى نظرات مبهمه محد قدر يفهمها
طول الطريق وهي ساكته وراحت للبيت وعلى طول رمت نفسها على السرير تبكي
خلف قضبان الســــــــــــــــــــــــــــــــــــــــجــــــ ـن
جالس يفكر راحت به الذكرى لما كانوا في حايل وكان كل واحد من اصحابه راح لجهه يتصيد فيها وهو كان يتصيد حس بصرخة انسان للمكان اللي وجه المسدس اتجاهه توقف للحظات ثم راح يركض اتجاه الصوت طالع فيه شاب يمكن عمره 19 سنه يصرخ ويئن
علي:يارب استر هذا من وين طالع لي يابن الحلال تحس بشيء
فجأه انقطعت حركت الشاب اللي هو منصورحط علي يده على قلبه مافي نفس بالمره خاف علي ورجع لأصحابه وبعدها اصر انهم يرجعون في نفس اليوم مع انهم متفقين يرجعون بعد يومين لكن علي حاب يهرب من الجريمه بإي طريقه بس الله جعل اثنين من اصحاب منصور يشوفونه وترصدوا لعلي لحد ماعرفوا اسمه بالكامل وبكذا علي انكشف
ياربي ليه حظي كذا يافرحه ماتمت ليتهم يوم انهم ناوين ياخذوني اخذوني بمكان ثاني مو بيت عمي ويوم ملكتي آه ياحظي الردي
امي آه يمه اكيد الحين متعذبه ياليتهم مامنعوني من المكالمات كان كلمتها وطمنتها اضحك على نفسي انا على ايش اطمنها اطمنها اني اموت في الساعه الف موته آآآآآآآآآآآه يايمه ياليت اقدر اطمنك علي والمسكينه آه ياشوق ماكان نفسي احطك بهالموقف حتى ملكه مثل الناس ماسيوتها احتراما لرمضان اعذريني ياشوق يا اول حب في حياتي اعذريني فا انا توقعت املاء حياتك سعاده بسعاده لكن قدر الله ماشاء فعل يآآآه ياصعبه من موقف لما يسحبوني لمنصة الاعدام وابوي واخواني وعيال عمي وعمي وقبيلتي حواليني ايش بيكون موقفهم وهم يشوفوني ياويل حالي ياليت اموت بسكته قلبيه اهون عليهم هم لكن انا ماتوقع انها تفرق معي...
وريهام ريهام اختي اكيد مقهوره من اللي سواه احمد اكيد قهرها الله يسامحك يا احمد وزدتها انا يارب ايش صار لها ريهام غير ريهام حاساسه يارب الطف فيها وما تنهار اهلي موناقصين دموعه كانت تنزل لاشعوريا بدون مايحس انفتح الباب عليه كان معطي الباب ظهره جاء سامي لحد ماجلس جنبه
علي فز من مكانه:سامي
سامي:اخبارك اليوم ياعلي
علي:اخباري الله العالم فيها
سامي:قو نفسك ياعلي وخلك متوكل على ربك
علي:ان شاء الله بسألك عن اهلي كيفهم
سامي:الحمدلله بخير ياعلي بس انا جاي اودعك لاني مفروضا من البارح رايح انشغلت الليل كله
علي:على وين بتروح
سامي:دوره على خميس مشيط شهر كذا وجايك
علي:يمكن تلاقيني ويمكن
يقاطعه سامي :ايش ذا الكلام ياعلي انت انسان مؤمن بالله
علي:لكن هذا هو الواقع ياسامي تقدر تنكره
سامي:لكن ربنا على كل شيء قدير تقدر تنكرانت هالشي
علي:لا بس تكفي ابي اكتب رساله لاهلي ابيها تاصلهم لأني ماراح اوجه احد مثلك
سامي:انا صحيح بروح لكن انا موصي عليك مساعد صاحبي وان شاء الله مايقصر معك
علي:الله يوفقك يا ابووريف
سامي:تأمر علي شيء قبل ما اروح
علي:سلامتك وطمن الاهل اني بخير وبذات امي تعرف قلب الام
سامي:يوصل ان شاء الله في امان الله
علي :في امان الله
====================
بعد ماراحوا الناس كلهم شوق جالسه تسوي السحور وبدور معاها بالمطبخ
بدور:شوق تصدقين ما ارتحت لاماني
شوق:مادري بس احسها مسكينه وبعدين مانقدر نقيمها من يوم واحد وتوها طالعه من المستشفى بعد
بدور:يمكن بس انا مابي احمد الا لريهام شكل ريهام كان يقطع القلب كانت تتظاهر بس مسكينه كل شيء واضح
شوق:كنت الاحظ فيها حتى انها راحت بدري مو مع اهلها كالعاده تحب تسهر عندنا
احمد داخل عليهم سمع آخر كلام شوق:من هي اللي راحت بدري وانتم ملاحظين عليها
شوق:هاه اي ساميه
احمد في نفسه العبي غيرها ومن متى ساميه تسهر عندنا فاهم عن ريهام تتتكلمون انتم ماتدرون انكم تذبحوني بكلامكم هذا
بدور:ياهووه يابو ابرهيم نحن هنا
احمد:وانا هناك هههه بدور انتي ماتتركين عيارتك
بدور:لا وانت الصادق انت جاينا ومسرح تعال قولي حكايتك من يوم رحت لين جيت
احمد:اوووه هذي قويه بجلس اقولك اللي صارمعي سنه يبي لها قعدة سنه
بدور:نقعد سنه ويش ورانا تعال انت بترجع تتوظف في الشركه
احمد:اي طبعا بعد العيد وانتي ياشوق باقي اسبوع وتبداء الدوامات الرسميه ايش اللي سمعته انك ما انتي مدامه بذا الاسبوع
شوق:اوووه هذا عبود على طول ينشر الخبر مايصدق يلقى خبر
احمد:داومي ياشوق احسن لك قضي وقت الفراغ
شوق:صدقني جلستي في البيت اريح بس تعال مارحت لخالي حمد
احمد:لا والله اظاهر بكره بروح له
شوق:اخذني معك مشتاق لهم
احمد:حشمي عمتك الواقفه تو ساكنه وانتي بطقينها مشاوير
بدور:اخذها يا احمد انا اصلا معزومه عند ريوف بكره للفطور بروح افطر عندهم
احمد:كذا انحلت وانت ياشوق جهزي بكره الا كم بقي على السحور
شوق:ربع ساعه ويمكن اقل
احمد:اجل انا بروح عند اماني وبرهوم اذا خلص قولي لي اوكي
شوق:وعمتك ام نايف وينها
احمد:في الغرفه اللي قريبه من جناحنا سكنت فيها يومين كذا وتروح
شوق:اها
مر رمضان بأحلى ايامه والعيد لكن على ابطالنا الكل متأثربدخول علي لسجن وكان ابوناصر ينتظر ابو مساعد واعيان قبيلتهم لحد مايتجمعوا ويرحون لأبومنصور عشان يطلبونه انه يتنازل عن علي
في كنــــــــــدا
حمدان:ايش فيك ياسر ليه مضيج على نفسك
ياسر:بليز حمدان وربي مورايق
حمدان:ياسر وربي انا اكثر منك مورايم اتخيل فراقنا خلاص كلها يومين واحنا بديارنا عند اهالينا وربعنا
ياسر:مدري افرح ولاّ احزن
حمدان:اقول سكر هالموضوع انت ماتنعطى ويه اولتها تبي اهلك والحين متضايج حظرتك تبي ترز ويهك عند هالاجناب
ياسر:اقول صخ عني انت عارف انا ليش متضايج
حمدان:هههه من رابع القوم صار منهم من متى انت تحجي اماراتي
ياسر:من شفت خشتك
حمدان:هههه يالله بنروح لعمر عشان نصور الاماكن هنيه عمر مره متعلق بتصوير
ياسر:يالله نسير له شو ورانا
حمدان:هيه يالله نسير شو ورانا صادق كلها يومين ونفترق {يجاكر ياسر}
دفه ياسر من كتفه وطلعوا لعمر عشان يصورون
شوق :فمان الله عمتو اليوم اول دوام بعد العيد
بدور:الله يوفقك على الساعه كم تجين
شوق:والله مدري بس اتوقع وحده او حده ونص ليه تسألين
بدور:لاني بسوي الغدا اليوم
شوق:اوكي لاتتغدون لحد ماتنتظروني بذوق طبخك
بدور:ان شاء الله واتوقع لما تذوقي طبخي تعيفي طبخك
ركبت مع فارس وراحت للمستشفى وكان يوم مرهق على شوق على الساعه وحده اتصلت على فارس كان مشغول واتصلت على خالد وقال انه بيجي لها طوّل عليها واتصلت عليه
شوق:ياخي الشمس اكلتني انت وينك
خالد:ماقدرت ادخل زحمه اجيني من الشارع الثاني اقطعي طريق المستشفى ولفي من وراه كله وتلقيني
شوق:حرام عليك وين تبيني اقطع هالطرق
خالد:قلت لك الطريق مزحوم ماقدرت ادخل تعالي انتي ماراح تخسري احسن لك من جلستك بالشمس طووووووط طووط
شوق "يوه هذا ايش فيه قطع علي اووه هذا ماقطع الشحن طفى مالي حل الا اسوي اللي قالي عليه "
مجرد ماتحركت بتمشي انشدت يدها بقوه التفت بتشوف من خافت بالمره كان
ماجد:امشي معاي
شوق:ماجد انت ايش قاعد تقول فكني
ماجد:مو قبل مانتحاسب
شوق:على ايش نتحاسب احنا مابينا حساب
ماجد:انا ماجد انرفض يابنت ابراهيم
شوق:ماجد الزواج قسمه ونصيب وانا خلاص على ذمة رجال
ماجد:ههههه رجال وينه هالرجال خلاص هاالرجال بيعدمونه
شوق وهي تحاول تحرر نفسها منه:ابعد عني ياوقح
شدها ماجد بقوته كلها وركبها السيار وحركت السياره
ماجد:يالله صلوح حرك بسرعه عالشقه
شوق:ماجد فكني حرام عليك انا بنت خالك تكفى والله حرام
ماجد:انا وقح يابنت الخال ووين كلامك هذا يوم رفضتيني اقول صالح هات اللي معك
اعطاه صالح كمام وكممها وهي تصارخ لحد ماطحت مخدره
ماجد:اخيرا طاحت بغت تفضحنا بصراخها
ايش راح يصيرلشوق وماجد ؟؟؟
وعلي ايش بيصير قتل ولد غريم ابوه اللدود؟
ياسر هالاسبوع بيرجع لسعوديه ؟؟
وبدور وريهام راح نتكلم عنهم في الجزء القادم عن جميع الابطال
________________
اليوم رااح انزل لكم آخر شي كتبته في القصه
هذا آخر ماكتبته بارت وكمان ناقص اعذروني على القصور
ولاتحرموني ردودكم وتوقعاتكم
"الجــــــــــــــــــــــــ 18 ــــــــــــــــــــــــــــزء "
اول ماوصلو الشقه
صالح:لاتنسى ان عمار صاحب الشقه مايدري انك جايب صيده
ماجد:هذي مولكم لي انا ابي انتقم منها
صالح:ولو اني موفاهم السالفه بس حط في بالك عمار ماراح يسكت لك
ماجد:بعطيه فلوس مثل ماسويتوا انت وريان المره اللي راحت
صالح:اوكي بنزل معك لاني اعرف مفتاحه راحوا يركضون مع الدرج
ماجد:تعال صح ماتتوقع احد ينتبه للبنت اللي بسياره اخاف احد يشوفها ونتورط وانا لسه ما اخذت بثاري منها
صالح:ماحد رايق ينتبه تو الناس طالعه من دواماتهم واحنا خمس دقايق وراجعين لها ولاتنسى انها مخدره
كان الدكتور تركي واقف وسمع كلامهم على الدرج وفي نفسه يقول بنت ومخدرينها انا لازم انقذها
راح لها لقى باب السياره مقفل حاول لكن لاجدوى لقى له رجل مصري مار من عنده
تركي:لوسمحت ياخ في بنت مسكينه داخل السياره سمعت ان شباب مخدرينها اكسر معي الباب لازم ننقذها
رمزي:لحزه انا عايز اقيب مهندس
تركي:مو وقته والله مو وقته اذا طلعوا الحين البنت تروح في داهيه امسك هالحديده حاول معي
رمزي بعد محاولات مع تركي:انفتح الباب يابني اهرب بالبنت ابل مايقوا اللي مخدرينها
تركي:طيب الكلام مايطلع إنا احنا اللي انقذناها
رمزي:سرك ببير يابني
شالها تركي ورماها بسيارته وحرك
بعد خمس دقايق طلع ماجد مبسوط وقف عند السياره انصـــــــــــــدم ياربي هذي وين راحت مصيبه مصيبه لوراحت لاهلها ركب سيارته واتصل على صالح وقاله يطلع ييدور كل واحد راح يدور لحاله
خالد انتظر انتظر ماجات وقف سيارته وراح يركض على رجوله دخل المستشفى قالوا انها طالعه قبل ربع ساعه واكثر دور حوالين المستشفى والشوارع القريب مالقى اثر اتصل على احمد وفارس وعبدالله وكل واحد راح يدورفي جهه المصيبه جده من كبرها تحس انك تضيع فيها
ام خالد وام محمد وبدور واماني طولوا عليهم العيال ام خالد قلبها ناغزها ان فيه شيء بس ماحبت توتر اللي حواليها ثم تغدوا
الدكتور تركي توجه لأحد الشوارع المهجوره كونه طبيب وشنطته كانت بسيارته ومتفهم في هالامور اعطاها ابره وصحت بعد دقايق
شوق:دكتور تركي انا ايش جابني هنيه
تركي استغرب انها تعرفه:تطمني انتي في امان يا اختي
تلفتت شوق حواليها شارع مجهور :وين انا في امان يادكتور وانا بذا المكان
تركي:تطمني يابنت الناس انا انقذتك من شباب بس ابشرك كانوا بينتقمون منك بس انا لحقت عليك على آخر لحظه
شوق وهي تسترجع الذاكره :شباب اي اي قصدك ماجد ايا الحيوان يالحقير
تركي:معليش بس انا سمعته يقول ثار بياخذه منك
شوق:لاني رفضته لما خطبني واخذت ولد عمي
تركي:ايا الجبان الحقير
شوق:دكتور ليه جبتني بذا المكان
تركي:بصراحه حبيت اتوه ماجد هذا اللي تقولينه لما يطلع مايلقاك في سيارته
شوق:مشكور هالحين ابيي اروح اووه الساعه 3 الاربع يمدي اهلي انشغلوا علي
تركي:ابشري بوديك لهم بس انا اسمعك تناديني بأسمي انتي تعرفيني؟؟
شوق:انا شوق طالبة تمريض في نفس المستشفى اللي انت تداوم فيه
تركي:اها والله انا يا خت ما اعرف اي اسم من الطالبات اللي عندي المهم ياخت عطيني عنوان بيتكم
شوق:اوكي حرك وانا ادلك
حرك تركي لحد مادخل الحي اللي هم فيه اشرت شوق على بيتهم
تركي:هذا بيتتكـــــــــــم
شوق:اي مشكور دكتور
نزلت شوق وكانت جدتها تمشي في الحوش في جهة مافيها شمس شافها
تركي آآآآه بدور انتي بجده وانا مدري توقعتك لازلتي برياض سبحان الله يالحظ يجمعنا من يوم كنا صغار وكبرنا وهو لازال يجمعنا بنفس المدن يارب هل بنجتمع يوم وتكوني حليله لي يابدور اوبتبقين على عنادك {تركي هو اخو ندى}
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك