رواية عشر اسباب خلتني احبك تسع منها مدري ليش -19
شوي ودخلت مع صاحبتها تضحك بصوت عالي
وجلسوا جنبه !
جات إمراه متينه وبنفس مكشره : أهلا وسهلا ماذا تريد ان اقدم لك ؟!
دانيال بإرتباك : أي شيء
المرأه استغربت ورفعت حاجبها : هل تريد بيره ؟!
دانيال : لآ
المرأه : هل تريد الشراب ؟!
دانيال : لا
المرأه : اذا ماذا تريد بحق الجحيم ؟!
دانيال : أ أ أ اريد عصير برتقال !
المرأه : عصيييير برتقاال ؟!
البنتين التفتوا عليه وهم مستغربين
المرأه : لقد عملت هنا 5 سنوات ولم اسمع هذه الكلمه !
دانيال : ولما لا ؟!
المرأه : اظن انك جديد في هذه المنطقه ! هذه حانه وستصبح مزدحمه في الليل
دانيال ارتبك : لم اكن اعرف هذا !
المرأه طنشت وقالت للبنتين : وانتما ؟
إيميلي : انا اريد الشراب و...(التفتت لصاحبتها) وانتي ياروني ؟
روني تناظر ب دانيال .. وهو بدوره ماكان معاها ويناظر بالارض
إيميلي : روووني
روني دون ماتلتفت : كما طلبت
إيميلي : حسنا اريد ........الخ
روني ابتسمت بخبث وهي تناظره
قامت من الكرسي و وقفت ملاصقه له
روني بإبتسامه : مرحبا
داني ارتبك وبعّد عنها شوي وصارت مساحه بالكرسي
روني ناظرت المساحه : اوه شكرا (وجلست)
داني : oh my god
روني : هههههههه لماذا التوتر لهذه الدرجه (مسحت على شعره) لاتكن هكذا (وقالت بنبره خبيثه) فهذا يثيرني حقا
داني توه بيوقف !
بس حطت يدها ع رجله يعني اجلس
روني : هل انت جديد في هذه المنطقه !
داني : أأ أ أ نعم !
روني : هل تريد مرافقتك لاماكن سياحيه !
داني : لا شكرا , انا اسف سأذهب الان !
روني : ولكننا لم نتعرف بعد
داني ارتبك !
روني : (مدت يدها) انا اسمي روني وهذه صديقتي إيميلي
داني توهق جد مايبي يتعرف ويوهق روحه
داني دون مايمد يده : أ أ اهلا انا داني
روني استغربت : هل قال لك احد قبلي انك غريب اطوار
داني وقف بسرعه : انا اسف روني ولكني اريد الذهاب الان
روني : اذا رقمك ؟!
داني : .............
روني طلعت القلم من جيبها
وسحبت يده وكتبت الرقم فيها !
داني بقلبه : الحين شلون اتوضى واصلي ؟
روني بعد ماخلصت بإبتسامه : انتظرك
داني : انا لا اريد ان اتعرف
روني : وانا اريد ذلك !
داني طلع بسرعه وهو لسه مرتبك !
بعد ماراح
إيميلي : يالغرابته
روني : أحترق شوقا لموعدي التالي !
.
.
بعد مادخل البيـت ..
الاب : هـــآه بشر ؟ ارتحت خلاص ؟ علامك حاط الغتره ع كتفك و وجهك صاير كذا كأنك جاي من جنازه لا سمح الله
طلال : أي يبا جاي من جنازه
الام اخترعت ومافكرت الا بـ سليمان الي طالع مع ربعه البر
الام : وشفيييييييه وش صااااااير مييييييين ؟؟!
طلال بحزن : أنـآ
الام : طيحت قلبي ياولدي قولي وش فيك ؟!
طلال هز راسه بـ لآ وكأنه يقولهم لاتهتمون
راح وتركهم !
الام : تكفى يابو طلال اتصل على ابو البنت وشوف لي شصاير
الاب : طبعــآ ..
اما طلال تحطم ودنيته صارت سودآ
كل الي يفكر فيه ويتذكره ان الين وقفت مع فهد !
معقوله تكرهني طول الوقت ؟!
معقوله اتفقوا على كل هذا عشان يدمرون فرحتي ؟!
معقوله الين وفهد يحبون بعض ؟!
أكيد متفقين علي !
اصلا شنو انا وشنو فهد !
فهد ولد عمهـا واولى فيها .. مدير شركه كبيره مشهوره
وانا شنو ................. موظف !
فهد له اكثر من بيت بأكثر من منطقه !
وانا جالس اجمع فلوس عشان الشقه الي بسكن فيها انا والين !
الله يسامحك يا الين ... علقتي قلبي فيك ودستيه برجولك !
انا كيف بعيش ؟!
ـــــــــــــــــــــــــــــــــ
الاب : انا قايل من البدايه مافي احسن من فهد !
فيصل : يا عبدالله انت فاهم الموضوع خطأ , الين قالت لساره عن كل شيء !
الاب : فيصل انت بتجنني ؟ اقولك انا مكلم الين وقالت لي نفس كلام فهد ! وبيني وبينك انا اصلا مو مرتاح لطلال !
فيصل : بس الين تشوف راحتها معاه ! لاتدمر حياتها واحلامها ! خل تاخذ طلال واذا انت مو مقتنع عجل بزواجهم
الاب صرخ : مجنوون انا ؟! قلت لك ماعاد أأمن عليه ف بنتي ! و ورقة طلاقها توصل !
فيصل التفت لها بأمل : وانتي مالك كلمه ؟!
الام : والله انا معاكم ! وطلال وامه واهله دخلوا قلبي ومو مصدقه الي صار ! بس (تأشر على الاب) ما باليد حيله !
فيصل : هذي بنتكم الوحيده حرام تلعبون بمشاعرها !
الاب بحده : فيصل ! لا صارت الين سدن سو فيها الي تبيه (يقصد لو الين بنتك)
رن جـواله !
الاب بعصبيه : الو ....... (بسخريه) هلا ف بوطلال ! سمعت اخر الاخبار ولا ماجاتك ؟ ....... (بتهجم) اسمع اسمع ورقة بنتي توصل ! ......... يعني مادريت ؟ ............. دخلت البيت وشفته يضرب ولد اخوي اليتيم زين ما مات علينا ......... وزياده على كذا كان بيغصب الين على شيء ماتبيه وهي اعترفت ....... شوف , ولد اخوي قال الكلام والين وافقت عليه وقالت هذا الي صار ........ وانا ماعندي اغلى من هالاثنين ! تبيني اكذبهم واصدق ولدك هذا المستحيل بعينه ! ع العموم ورقة بنتي توصل اليوم ولا ترى اوصل السالفه للمحاكم !
ـــــــــــــــــــــــــــــــــــــــــــــــــ
في بيت بو عبد المجيد ..
وبين زحمة الحريم والرجال ..
فراس : خلصيني !
لمياء : فراس بلا استهبال !
فراس : مو جاي استهبل .. جاي اسمع موافقتك !
لمياء دون نفس : شرايك يعني ؟! اكيد موافقه !
فراس : بقولهم جاوبت دون نفس !
لمياء بعصبيه : فراس لاتحرق اعصابي
ام عبد المجيد جات وهي تتصنع الابتسامه : لمياء يلا لك ساعه الحريم يسئلون عنك ..
فراس ابتسم : سلمي عليهم وقولي لهم فراس مستعد يخدمكم بأي وقت ورقم جوالي 050.....
ام مجيد بحده : فراااس .... (تنهدت) مابرد عليك !
فراس : مو لازم خخ (غمز ل لمياء) تراه مزيون ومبروك عليك
لمياء : طيب تشرفنا مع السلامه
وقـآمت التبريكات في مجلس الرجال وفي مجلس الحريم..
بعد مـآ رحل الجميع !
لمياء راحت غرفتها
انسدحت ع السرير ودفنت وجهها بالوساده
سحر تدخل : هاي لموو...
لمياء بعالم ثاني : اكبر غلطه اني نسيت اقفل الباب
سحر جلست ع السرير : شدعوه تراني اختك مو وحده غريبه ! لو اني وليد كان دخلتيني على تول
لمياء رفعت وجهها : سحر مافي شيء بيني وبين هالوليد لاشفته ولاشافني ولا كلمته ولا هو كلمني بس متزوجين بالاسم (عدلت جلستها) تدرين ان مادري كم عمره وشنو وظيفته !
سحر : انا اعرف كل هالاشياء سمعت ماما وبابا يتكلمون !
I WANNA MAKE UP RIGHT NA NA NA ==> رن جوالها بأغنيه Akon ..
لمياء دون نفس : الو ؟
...... : هـلا
لمياء : عفوا ؟ مين معاي ؟
....... : انا وليد
لمياء عدلت جلستها وعدلت شعرها
لمياء : أ أ اهلين ؟ (وبقلبها : عمره طويل )
وليد بملل : ايوا وش كنت بقول ! .. احتمال اجي بيتكم اليوم
لمياء متفاجأه : تجي بيتنا ؟ (حست ع روحها) اقصد حياك الله بأي وقت !
وليد : طبعا !
لمياء : طيب متى بتتفضل عندنا ؟؟
وليد : ما بحدد وقت
لمياء : طيب انت مشغول الحين ؟! اصلا ماتعرفنا على بعض ؟!
وليد بضحكه خفيفه : ههه لما اجي اتعرف عليك ! ايوا صح كأني سمعت انك تدرسين طب وتبين تتخصصين بمجال تبينه ؟
لمياء بقلبها ابتسمت : واخييرا واخيرا كلمني عن طموحي ومستقبلي واحلامي الي بتتحقق ! بس جبت هالطاري يا وليد عرفت انك مناسب لي !
لمياء ابتسمت : ايوا صح !
وليد بهدوء : أهـــا .......
(كمل بحده)
اقول مالك الا القعده في البيت اوكي ؟
لمياء : ههه الله يسلمـ(استوعبت) شـنــ...وشـ... (بحده) نعــــم ؟
وليد بهدوء : زي ماقلت لك ! ماعندنا بنات يشتغلون !
لمياء : وش الخرابيط الي تقولها ؟ وين احنا بالعصر الحجري !
وليد : ع العموم مابكمل كلامي نتناقش لما نتقابل !
لمياء عصبت : هيييه انت اصبر ! يعني شايف روحك رجال بتمشي كلامك علي ! وانا بكل طيبه بقول اوكي ؟! لا ياعمري كلامك هذا يمشي على بنات ضعيفات الشخصيه مو علي انا ! واذا مو عاجبك طموحي في 100 بنت يقبلون بأفكارك اللا حضاريه ! عسى بنسكن بالبر بعد ؟!
وليد احترقت اعصابه وقال بهدوء : نكمل نقاش في البيت ..... باي !
لمياء سكرت بوجهه !
وليد اخذ الجوال وناظره وهو مصدوم كأنه يقول لها : خيير !
وليد تنهد : اهم شي اني صنعت موضوع نتكلم فيه احسن من ان نظل ساكتين
.
.
لمياء معصبه : وليد ولد ام وليد وماشاء الله عليه و رزين ومثقف وراعي مسؤوليه ما اقول الا حسبي الله على كل واحد مدحك ما اشوف الا انه غلطآن !
سحر: بسم الله شفيك تتحلطمين ؟
لمياء ماتبي سحر تعرف : ولاشي
سحر : والله هالوليد مغرور قال لك فراس وش سوا له ؟!
لمياء اهتمت : شنووو ؟
سحر : فراس قال نكته ومد يده (يعني كفي ب كفك) بس وليد ما مد يده ! وفراس اتفشل وسحبها !
لمياء : اوووف وانا حسبالي شي مهم ! عادي اصلا فراس من يومه ماعنده سالفه ولا كلام مهم ولا منطق !
سحر : اها جالسه تتدافعين عن وليد (غمزت) بديتي تحبين لمووي هههه
لمياء بدفاع : لااااااااااااااااااا استغفرالله !
I WANNA MAKE UP RIGHT NA NA NA ==> جوال لميـآء ..
لمياء : هـلا ؟
وليد : بجي بعد شوي
لمياء : وليد الوقت متأخـ ..
وليد يقاطع كالعاده : انتظرك
طوط طوط طوط
لمياء : والله وقاحه
سحر : شصاير بعد ؟
لمياء : بيجي الحين
سحر : ونااااسه بسولف معه , بروح اقول للطباخ يجهز لكم عشا وبقول للخدامات يرتبون المـجـ ..
لمياء : لالا اتوقع بيجلس بالصاله يقول يبي يتعرف عليكم
سحر : أمــــــآآ .. طيب بروح انادي فراس وبنشر السالفه في البيت
راحت سحر
لمياء : والله مرجوجه
بعد ساعه ونص وصل البيت ..
لمياء احتارت شنو تلبس .. لبست جينز وبلوزه صفرا
وخلت شعرها على اكتافها ..
لمياء نزلت من الدرج وشافت الي بالصاله امها وابوها وسحر و وليد
لمياء : السلام
الكل : وعليكم السلام
وليد ابتسم نص ابتسامه
لمياء ترد له نص ابتسامه واثقه
رنت نغمة نوكيا الممله
بو عبد المجيد : نعم ؟؟ .... طيب طيب الحين انا جاي ... فمان الله
بو عبد المجيد : عن اذنكم انا طالع وعندي شغل ضروري ما يتأجل .. حياك الله بأي وقت وليد
وليد : الله يحيك عمي
ام عبد المجيد تهمس لسحر : وين فراس ؟
سحر بنفس الهمس : مدري عنه يقول طالع وبيرجع بعد شوي
ام عبدالمجيد : طيب قومي وخليهم لحالهم
ام عبد المجيد قامت: عن اذنكم
هدوء عم المكان لـ لدقآئق
وليد : أ أحم احم .... سحر مابتقومين ؟
سحر استغربت : ليه مثقله عليكم ؟
وليد ابتسم: لا علي انا بس ! اقصد ليه جالسه اصلا ماراح اكلمك
سحر فاتحه عيونها من جد وقح
وليد كمل : يلا قومي ابي اجلس مع زوجتي لحالنا
لمياء التفتت بسرعه ع وليد
بس هو رجع راس لمياء مثل ماكان بصبعه
سحر انقهرت ورااحت
لمياء : تعال نروح المجلس مو هنا تفشلنا
وليد قام دون مايتكلم ودخلوا المجلس
لمياء دخلت بالموضوع : ايوا صراحه انا ابغا اكمل ! بالنسبه لوجهة نظرك المحطمه (دخلت بموضوع ثاني) يعني انا مدري شالتفكير الي عليك ؟ ابدا ماتوقعت ان تفكيرك لهدرجه وش البنات يجلسون بالبيت ترى هذا الكلام قديم له 50 سنه (رفعت حاجبها) اتوقع انها 50 سنه !
وليد كان طول الوقت يناظر ملابسها : ما احب اللون الاصفر
لمياء انحرجت : مو هذا موضوعنا وبعدين هذا ذوقي
وليد : طيب شنو اللون الي تكرهينه ؟
لمياء : ليه ؟ تبيني البسه غصب عني ؟
وليد ضحك على برائتها : لا , بس قولي لي
لمياء : البنفسجي
وليد : طيب امم ابي اشوف غرفتك
لمياء خافت : ليه
وليد فهم وابتسم : بس كذا ابي اشوف المحيط الي تعيشين فيه
لميـآء تصرف : لا اصلا مو مرتبه
وليد وقف : يلا انا جاهز
وراح فتح الباب عشان يطلعون
لمياء راحت معاه وصعدت معه فوق
وفتحت غرفتهـآ
اثـآث كلاسيكي و غرفتها مرتبه ولون الغرفه بيج وبني ..
وليد : امممم حلوه بس مو احلى من (شدد ع الكلمه) جناحي ..
لمياء قربت منه : ليه كل هالغرور الي فيك ؟
وليد ابتسم : يكملــني !
لميآء : انا ما احب المغرورين لو سمحت غير اسلوبك ! و شعرك الطويل مو حلو ياليت تقصره
وليد : انا ما احب الوزن الزايد لو سمحتي سوي رجيم
لمياء شهقت : انا سمينه ؟
وليد استانس نقطة الضعف : اي ماتشوفين نفسك
لميـآء ماقدرت تستحمل وغرقت عينها
وليد اتفاجأ ردة فعلها وماعرف شنو يسوي بهالمواقف عشان كذا حاول مايزيد الطين بله
لمياء راحت جلست ع السرير وحطت كفوفها ع وجهها وبكت
وليد جلس ع الارض قدامها : والله لمياء انا مو قصدي بس لاتبكين كنت امزح والله
لميـآء قامت تناظره بدهشه معقوله هالمغرور يجلس بأقل من مستواي
حبت تتطول السالفه شوي : مو توك قايل انا سمينه بالله هذا كلام ؟
وليد : والله مو قصدي
انفـــــــــــــــــــــــــتح الباب ..
والي دخل تفاجأ وفكر غلط ..
ــــــــــــــــــــــــــــــــــــــــــــــــــ
في الحديقه الي جنب البيت !
وبساط ع الارض وجو رايق وسله فيها فواكه وسندويشات !
داني : يجب علينا ان نتحدث بالامر بكل جديه , أمي !
الام : نعم !
داني : هل كنتي على معرفه بعلاقات لورا !
الام : بالتأكيد لطالما نصحتها بالابتعاد عنهم ولكنها تصر بمرافقتهم و وافقت
داني : امي لايمكنك الموافقه
الام : ولكنهم اصدقاءها !
داني : لقد قبلها ذاك القرد ماذا تنتظرين اكثر !
لورا عصبت : تشان ليس قردا ولا اسمح لك بالتحدث عنه بهذا الشكل
داني : وتسمحين لنفسك بأن تصفيني بالمشوه !
لورا : اعتررض ! انه يغير الموضوع !
داني : وبالنسبه لك يا لورا ! لاتعجبني تصرفاتك مع امي بتاتا !
لورا : انا احترمها دائما ! اليس كذلك امي !
الام ابتسمت ونزلت راسها للارض : أ أ لااعرف ماذا اقول !
لورا عصبت وقالت بحده : امــــــــــــي !
داني : هل رأيتي ! وامامي ايضا ! (تنهد) انا لا احب الغرور وان اجعل من نفسي قدوه ! ولكن اقتدي فيني بالامور الطيبه فإني لا ارافق أي احد ولا امارس أي افعال غير لائقه بالرغم من المغريات الكثيره هنا !
لورا بصوت صغير : نعم نعم صدقت ! انا متأكده بأن لديك العديد من الصديقات
داني : لا طبعـا ف أنا اعرف اخلاقي واعرف دوري هنا ولماذا اتيت فلست بحاجه الى التسكع مع احداهن !
على اخر كلمـآت داني !
سمعوا صوت اغاني بوب عاليه
بنت لابسه جنز مشقق وبلوزه من قدام عاديه ومن ورا خيوط مقطعه
زي الصوره بالضبط
روني بصوت عالي : يـــــــآ .... إ ........لآهي
( تقول ب بطيء : oh …… my …… god )
وقالت بسرعه : انه دااااني ! (نادت صاحبتها) إيميلي تعالي !
مشت بخطى واثقه و وقفت خلف داني
الام ولورا يناظرون فيها هم مستغربين !
داني تمنى يكون الشي الي ف باله مو صحيح التفت ب بطيئ
وامنيته ماكانت بمحلها ! انها روني حقـآ
روني ابتسمت وجلست جنبه : مرحبا داني اذا هذه عائلتك هاه ؟! حقا العالم صغير جدا ! (التفتت على الام) كيف حالك خاله اليزابيث !
الام ابتسمت : بخير وكيف حال امك فيبي (تتذكرونها صاحبة الام ايام زمان =p )
روني : بخير !
تتذكرون بالاجزاء الماضيه
لما الام قالت : هناك اميره تنتظر اميرها (غمزت لـ دانيال )
"بالبارت الثالث"
كانت تقصد روني & داني !
روني : اذا هذا هو داني الغني عن التعريف ! الذي رفض المجيء الى هنا سنين طويله !
الام ضحكت : نعم انه هو !
روني : ولماذا لم تقولي لنا ! سأجمع جميع الاصحاب ونجتمع لعمل حفله صغيره ! ف الجميع في الحي يعرف اسمه ! انه اخ لورا المشهور
داني : س أعود الى الديار قريبا لا حاجة للتجمعات والحفلات !
إيميلي جلست وياهم : أهلا خاله اليزابيث اهلا لورا (التفتت ل داني) اهلا ياغريب الاطوار ! (تكلم روني) لماذا يجلس معهم ؟!
روني : خمني ! انه داني
إيميلي : من داني ؟!
روني : تذكري يا بلهاء ! كانت خاله اليزابيث تقول لديها ابن ولكنه يرفض المجيء
روني تذكرت : اهـااا لقد تذكرت ! ياللصدفه العجيبه (تأملت وجهه) يا الهي انه وسيم حقا
رن جوال روني بنغمه وصل صوتها للمريخ !
روني : أهلا بيبي نعم سأكون هناك حالا لاتقلق عزيزي ! (سكرت) هيا إيميلي انه الموعد (ابتسمت) الى اللقاء جميعا !
إيميل وقفت : الى اللقاء !
.
.
.
وأنا كمآن الى اللقاء =p
توقعآتكم !
ألين & طلال والموقف الي ماينوصف >< !
لمياء & وليد ومين الي دخل ؟؟
موقف داني الي بالتو !
رايكم بالشخصيات الجديده روني & إيميلي & وليد !
مواقف عجبتكم و اخرى كرهتوها ! وبس
القآكم بالاربعاء الجاي !
ادعوولي بالتوفيق بالاختبارات !
.
.
جربت الحــــب !
الفصل الثالث – الجزء الخامس
.
.
على اخر كلمـآت داني !
سمعوا صوت اغاني بوب عاليه
بنت لابسه جنز مشقق وبلوزه من قدام عاديه ومن ورا خيوط مقطعه
روني بصوت عالي : يـــــــآ .... إ ........لآهي
( تقول ب بطيء : oh …… my …… god )
وقالت بسرعه : انه دااااني ! (نادت صاحبتها) إيميلي تعالي !
مشت بخطى واثقه و وقفت خلف داني
الام ولورا يناظرون فيها وهم مستغربين !
داني تمنى الشي الي ف باله مو صحيح التفت ب بطيئ
وامنيته ماكانت بمحلها ! "انها روني حقـآ -_-"
روني ابتسمت وجلست جنبه : مرحبا داني اذا هذه عائلتك هاه ؟! حقا العالم صغير جدا ! (التفتت على الام) كيف حالك خاله اليزابيث !
الام ابتسمت : بخير وكيف حال امك فيبي (تتذكرونها صاحبة الام ايام زمان =p )
روني : بخير !
تتذكرون بالاجزاء الماضيه
لما الام قالت : هناك اميره تنتظر اميرها (غمزت لـ دانيال )
"بالبارت الثالث"
كانت تقصد روني & داني !
روني : اذا هذا هو داني الغني عن التعريف ! الذي رفض المجيء الى هنا سنين طويله !
الام ضحكت : نعم انه هو !
روني : ولماذا لم تقولي لنا ! سأجمع جميع الاصحاب ونجتمع لعمل حفله صغيره ! ف الجميع في الحي يعرف اسمه ! انه اخ لورا المشهور
داني : س أعود الى الديار قريبا لا حاجة للتجمعات والحفلات !
إيميلي جلست وياهم : أهلا خاله اليزابيث اهلا لورا (التفتت ل داني) اهلا ياغريب الاطوار ! (تكلم روني) اخبريني بحق الجحيم لماذا يجلس معهم ؟!
روني : خمني ! انه داني
إيميلي : من داني ؟!
روني : تذكري يا بلهاء ! كانت خاله اليزابيث تقول لديها ابن ولكنه يرفض المجيء
إيميلي تذكرت : اهـااا لقد تذكرت ! ياللصدفه العجيبه (تأملت وجهه) يا الهي انه وسيم حقا
رن جوال روني بنغمه وصل صوتها للمريخ !
روني : أهلا بيبي نعم سأكون هناك حالا لاتقلق عزيزي ! (سكرت) هيا إيميلي انه الموعد (ابتسمت) الى اللقاء جميعا !
إيميلي وقفت : الى اللقاء !
بعد ماراحوا !
لورا تقلد اخوها : أنا اعرف اخلاقي ! انا اعرف دوري هنا ! ولا اتسكع مع احداهن ! (ناظرته بعيونه) هذه روني التي حيرت الشباب ولم يتمكنوا حتى بأخذ رقمها , هاهي تجلس معك ! ياللقدوه !
داني : لقد تعرفت عليها بالصدفه !
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك