رواية عشر اسباب خلتني احبك تسع منها مدري ليش -18
طلال ظل يتأمل عيونها الي وعد نفسه انها ماتدمع ابدا
ماسمع ولا كلمه من كلام الين
كان يتأمل حالتها ودموعها وحزنها
كل الي فِ باله
ان فهد حاول يسوي شي مو زين لـ الين !
وهذا كل الي شاغل تفكيره ؟
شنو يسوي بـ فهد ؟
فهد: اسمع طلال انا من زمان كنت ابي اكلمك بالموضوع
طلال قرب من فهد لما صاروا وجها لوجه
دون نقاش طلال عطى فهد كف على وجهه ..
ودون شعور طلع كل حرته بفهد
وفهد ماقدر غير انه يتصدى للضربات
طلال ما اكتفى من ضرباته بيده واخذ السلاح السعودي
.
.
.
العقــــال
على صرخات الين وتوسلات فهد وضربات طلال
انفتح البااااب ودخل شخص ...
وعم الهدوء
.
.
.
.
.
........ بعصبيه يخاطب طلال : انت انجنيييييييييييت ؟؟؟!
ــــــــــــــــــــــــــــــــــــــــــــــ
في الشركه !
بو دآنيال : دانيال راح وانعفس كل شي !
ريما : ...................
بو دآنيال : والي اسمه فهد عبد المنعم َ! عفس علينا الشغل كله !
ريما : ان شاء الله استاذ دانيال يرجع قريب ويتصلح كل شيء , تامر على شيء طال عمرك ؟!
بو دانيال ماسك راسه : قولي لـ بو هاني يجيب لي قهوه
على طـآري بو هـآني سمعوا ضربات ع الباب !
بو دانيال : تفضل !
بوهاني : عن اذنك بنظف المكان
بو دانيال عدّل جلسته : ومن متى تنظف المكان وانا موجود ؟!
بوهاني بارتباك : انا جاي متأخر طال عمرك
بودانيال رفع حواجبه : ومتأخر بعد ؟!
بوهاني توتر : ان شاء الله اخر مره
بودانيال بعصبيه : كم مره سمعت هالجمله ؟ دائما تقولي اخر مره وتعيدها (تنهد) مابي افتح هالسيره للمره المليون , روح جيب لي القهوه !
بوهاني كأن مويه بارده انصبت عليه !
بودانيال : شفيك بعد ؟
بوهاني : أأأ ... نسيت اسوي القهوه !
بودانيال ضرب على يده بالطاوله : الله يهديك يا بوفرج يوم قلت لي انك ماعدت تبي تشتغل , ياريتك ترجع لي دقيقه !
بوهاني : اوعدك طال عمرك اخر مره !
بودانيال تنهد : اخر فرصه سامع ؟
بوهاني بفرح : جزاك الله خير الله يطول بعمرك .. عن اذنك
وطلع ...
رن التلفـون !
بودانيال : ردي !
ريما : مكتب مدير شركة الـ.......
قاطعها : هلا هلا ريمـآ انا دانيال
ريما بصرخة فرح : جــــــــــــــــــــد ؟ هـلآ فيك دانيال كيف الحال عسى بترجع ؟
بودانيال رفع عينه عليها باستغراب !
دآنيال : والله شكلي بطول شوي , المهم الوالد يمك ؟
ريما: ايه تفضل !
ريما مدت السماعه ل بودانيال وقالت له بإبتسامه : دانيال
بو دانيال بحده : استاذ دانيال
ريما اختفت ابتسامتها : أيوا عارفه انا قلت دانيـ...(سكتت وانربط لسانها)
بودانيال هز راسه بـ لآ وكأنه يقولها كحلتيها =p
بودانيال بإبتسامه : هلا هلا ولدي هـلآ (أشر لها على الباب يعني طلعي)
طلعت وهي مستغربه كيف طلعت منهـآ ...!
.
.
فـي بريطآنيآ
دانيال وهو جالس ع الصوفا بإبتسامه : والله كلنا بخير ...... احنا الي اشتقنا لك يا يبه .......
لورا نزلت من الدرج هي وماندي وكانوا مطقمين مع بعض
شورت جينز وتي شيرت عادي
ماندي : يـا الهي كيف تستطيعين العيش مع هذا الملاك ؟
لورا بإستغراب : انه اخي
ماندي : لكن انظري اليه لورا ! أ لاتشعرين بأي جمال في وجهه ؟!
لورا بحده : ماندي ! انه اخي لا افكر فيه هذا التفكير
ماندي وقفت فجأه وهي مصدومه
اما لورا كملت مشي حسبالها انو ماندي تمشي معها
وقفت والتفتت ورا !
راحت جنب ماندي
لورا : ما بك ؟!
ماندي تناظر الارض : اتمنى ان الشيء الذي افكر فيه ليس صحيحا !
لورا : وماهو ؟
ماندي رفعت عينها : اعتقد اني احب دانيال
لورا : ماذا ههههههههه ؟ كيف ومتى ؟!
ماندي مسكت راسها : لا اعرف ! عندما كنا نتكلم عنه بالتو شعرت بإحساس مفاجئ بقلبي , انه شعور غريب حقـآ
لورا : لا اعتقد ان هذا حب
ماندي : ولكنك جربت الحب مع تشاندلر ؟ صفي لي ماذا شعرتي حينها او بالاحرى كيف تشعرين اتجاهه الان ؟
لورا بإحراج : ومن قال اني احب تشاندلر ؟
ماندي : لاتصطنعين الكذب ! هل نسيتي في عيدميلاك وعن قبلته الرومانسيه
لورا شافت شخص ورا ماندي وقالت : أأأأأأ ماندي غيري الموضوع !
ماندي : وها انتي تتهربين مجددا ؟ جديا اخبريني بما احسستي حينها ؟ وماذا عن الكلام الرومانسي الذي قاله لك بالشرفه
لورا : ماندي ارجوك ...
قاطعتها ماندي : ههههه عندما رحل كدتي تموتين خجلا , أما عن وجهك يا لحمرته حينها , بالنسبه لتلك القبله ماذا اطلق عليها ؟ أووه قال انها هدية عيد ميلادك ! يالظرافتك يا تشاندلر
لورا بصراخ : اصمتتتتتتتي
ماندي استغربت
بس لما شافت لورا تناظر للخلف عرفت ان في احد وراهم
التفتت شوي شوي
وشـــــآفت
.
.
.
.
.
ماندي بقلبها : انه المــــلآك الابيض
ــــــــــــــــــــــــــــــــــــــــــــــــ
في بيت بو عبد المجيـــد ..
فراس جالس ع الارض ومعآه درآمآت المـآي =p
فراس : ومـــــــآ يطيـــق الصبرآآآآآآ (وبدا يطبل) يــمل قلبــــي
سحر وهي تصفق : مايطيق الصببببراا
فراس : ايوا عاشوا .. ورا ورا .. قدآآم
سحر : واسبح .. واسبح !
فراس : اقول لايكثر !
سحر : لايكثر انت
فراس : اقول شرايك تاكلين هوا ؟
سحر : ومن متى الهوا ينأكل ؟
فراس : اهاااااا تبيني اقولك شي ينأكل ؟ المشكله ان الاهل يبوني اتيكيت عشان كذا قلت لك هوا !
سحر : ماشاء الله ع الاتيكيت شف وين جالس بس !
ام عبد المجيد مرّت بتصعد
ام مجيد تكلم جوال : ايوا ايوا نسرين كيف الحال ( لمحت فراس وسحر ع الارض وكملت طريقها) ايوا بالنسبـ.....(سكتت واستوعبت الي شافته , التفتت لـ الي جالسين ع الارض وقالت بصدمه ) شنــــــو هذآ ؟
سحر وقفت بسرعه : مامي انا مالي شغل اصلا توني اقول لفراس موضوع عن هالتصرفات البايخه الي يسويها
فراس رفع راسه لسحر وقال بصدمه : أيـآ الـ..
قاطعته امه : فراااااااس , كم مره قلت لك احترم خواتك وصون لسانك وزينه بمحاسن الكلام
فراس التفت ع امه بصدمه وقال : يمه اقسم لك بالله توهـآ....
قاطعته امه مره ثانيه : لاتحاول تتعذر لي , والحركات البلديه اكثر من مره قلت لك لاتسويها !
فراس وقف : هذا جزآي احاول اسوي لكم فرح بالبيت
الام بفخر : ما الفرح الا فرح اختك ! الي ان شاء الله بيتم على خير , عدّل المكان الي عفسته بيجون الضيوف اليوم
فراس : أي ضيوف بعد ؟!
سحر : الي بيخطبون اختك
فراس : اممم .. مبروك عقبالك ! اما انتي بتحتارين مين تختارين من كثرهم
سحر شهقت : مااااااااااامي شفتي شيقول عني
الام انصدمت منه : هذذذي اختك , حسبي الله عليك ! والله حسابك عندي يافراس انا اوريك
فراس : لالا يما ماكان قصدي
الام : والله شغلي معاك , ما اكون ام مجيد ان ماوريتك ! ماينفع معاكم لا الكلام الحسن ولا الاخلاق مدري كيف اربيكم
لمياء نزلت و وقفت عند نصف الدرج
لمياء : انت متى تصير رجال ؟ هاه ؟! يعني جد انك ابزر واحد فينا وينقالك اخر العنقود بس فتح عيونك عمرك 20 سنه
فراس : رجـال من زمان ولا مو عاجبك ؟
لمياء : عطني دليل واحد يثبت انك تحمل ذررة رجوله
فراس : مـابرد عليك مو عشانك بس لان بلاقي تهزيئه من الوالده ع الرد الي بيجيك
لمياء : مو غريبه عليك , كله من اصدقاء السوء الي مصاحبهم
فراس : و وليد شيطلع ؟
لمياء شهقت
والكل ناظره وهم مصدومين
فراس استغرب : ماقلت شي ؟!
الام بإعتدال : انا عرفت الحل ....... وجد هالمره حسابك معاي
ــــــــــــــــــــــــــــــــــ
صفحه ~
لمـاذا ؟!
لمـاذا لا يكتمل فرحي دائما ؟!
لماذا المشاكل تستمر بملاحقتي ؟!
لماذا لا ارى عيناي السعيده الا سنويا ؟!
لماذا الحزن يريد مـلازمتي !
لا أعرف ماذا أقول ؟!
هل اعتبر هذا نقطة سودآء في حياتي و اتوقف ؟!
ام اكمل طريقي الطويل ؟!
خل نشـوف ايش صـآر بالضبط !
.
.
.
على صرخات الين وتوسلات فهد وضربات طلال
انفتح البااااب ودخل شخص ...
وعم الهدوء
.
.
.
.
.
الاب بعصبيه يخاطب طلال : انت انجنيييييييييييت ؟؟؟!
ألين بسرعه طلعت من المجلس
ابو الين مشى بخطى سريعه الى فهد الي كانت حالته شبه غريبه
مسك كتوفه : شفيك يا فهد تكلم ؟ تعورت ؟
فهد : شفففت ياعمــي ؟! شفت وش جزآي ؟! يعني اقطع صلة الرحم ولا اجيك ؟! مو قلت لي انك ابوي الثاني ؟ وين وصية ابوي ؟ ولا نسيت اني يتيم ؟!
الاب : لاحشا والله يا ولد اخوي انا ابوك وكلآمك اوامر!
طلال بعصبيه : احلف بس ! يعني على هالمسرحيه تبي تقنعني انك طيب ومسسكين , والله لولا جلسة عمي يمك كان لعبت بهذا (وهو ماسك العقال) على ظهرك
الاب بحده : طــلال مافي احترام حتى قدامي ؟
طلال : ياريتك كنت موجود وقتهـآ (وجه كلامه لفهد) وانت حسابي وياك بعدين والله العظيم وربي يشهد ع كلامي اني ماطلعت حرتي فيك
الاب : طيب شفييييكم وش صاير ؟!
طلال : قـــوله .. قــوله يالمسكين يالطـيب !
فهد : اسمع يا عمي انا ومنال اختي جينا بيتكم ودخلنا وماشفنا احد , مرينا ع المجلس وسمعنا صوت طلال والين وكان يرغمها على شيء ماتبيه
الاب بصدمه : شــنووو ؟!
فهد : مثل ماسمعت ياعمي , وقلت لاختي منال تدخل بما انها البنت وطردهـا ! ولما دخلت انا قام يضربني مثل ما انت شايف وقالي انها زوجتي واسوي فيها الي ابي
الاب بصدمه التفت ع طلال : أيا الخسيس
طلال يناظر فهد بصدمه : أيا الحيوان !! انا سويت كذا ؟
الاب : يعني تكذب تربية اخوي ؟
طلال : طيب جيبوا الين واسألوها !
فهد ابتسم : عاادي الحين انادي منال والين
طلال ارتبك ! السالفه فيها منال ؟!
عسى ماتنقلب السالفه عليه مع انه على حـق !
فهد طلع من المجلس ونادى اخته منال !
دخلت منال & ألين !
الاب : اليين تكلمي وش صااار ؟
منال : ألين نطقي
ألين التفتت على منال !
ومنال حركت شفايفها بهمس وهي تقول : اتكلمي
ألين حطت عيونها ب عين طلال
كانت نظرته مجهوله
ماتدري خوف ولا ذل ولا رجاء !!!!
امتلت عيـونها دموع وقالت بكل اسـى : ايه صح !
طـلال صرخ : لآآآآ , مو صحيح ! انتي تكذبين على نفسك مو تكذبين عليهم
ألين طاحت دموعها : أمبلا طلال هالشي صار لاتنكر
طلال مصدوم قرب منها وحط يده ع كتوفها : ألين طالعييييني
ألين نزلت راسها وهي تصيح
رفع وجهها بيدينه الثنتين !
طلال بأسى : حطـي عينك بعيني وقولي واللــه !
ألين حتى ماقدرت تناظره و انهارت بكا ...
فهد : اتوقع ان علامة السكوت علامة الرضا !
الاب قال بكل جديه : اسمع يا طلال .. انا عطيتك اغلى امانه على قلبي , وانت للاسف غدرت فيني وخنتها ! ورقة بنتي توصل قريب
طلال دمعت عينه والتفت على الين : تكلمي قولي الحقيقه ! قبل لايصير شي جد مانبغاه !
الاب : اتوقع كلامي واضح
الين على نفس الحاله .... دموع !
طلال طلع بكرامته والغتره ع كتفه وخطواته يأئسه
نـآظر الطريق الي يمشي فيه !
يا الله ...
قبل نص ساعه كان جاي وفرحان ومتكشخ
والحين خســـر كل دنيـــته !
تكملة الصفحه ~
مـالم اتوقعه يومـآ وخصوصا بهذه اللحظات الاخيره !
هل سيكون طـلال فارسي حقـآ ؟!
طق طق طق طق الباب
الام : ساره وفيصل تحت ماتبين تسلميـ....
الام ماكملت كلمتهـآ الا ساره وراها ودخلت الغرفه وسكرت الباب بعد ماعرفت بالسالفه كلها من الاب
راحت عند الين بسرعه
ساره قربت يدها بتحطها ع كتف الين : ألين حبيبـ...
الين وخرت يد ساره بعنف
ساره استغربت بس مافقدت الامل
ساره : اسمعي الين انا ادري انك معصبه على كل الي صار , بس متأكده ان من داخلك كلام بتطلعينه ! وصدقيني مافي احسن مني بيفهمك وان شاء الله اقدر اساعدك ! انا بنسى التصرف الي قبل شوي بس قولي وش صار ؟ صددق طلال سوا لك شي ؟
ألين بدفاع : لاآآء
ساره ابتسمت : امبـــلا , واصلا انتي اعترفتي بعظمة لسانك واعترفتي قدامهم
ألين ناظرتها بعصبيه : منآآآل قالت لي .....(دمعت عينها)
ساره : اتكلمي ...
ألين : قالت لي ان فهد يقدر يدمر مستقبل طلال وخصوصا ان واسطاته كثرت ويقدر يتدخل بدراسة سليمان اخوه وشغل ابوه وقالت لي (سكتت ودمعت عينها) انه يقدر يخفي طلال من الوجود
ساره لاشعوريا : فلم هندي على غفله ؟!
ألين بعصبيه : ساااره فتحي عقلك معاي , الدنيا ماعادت سعيده بريئه فتحي الجرايد وشوفي جرايم القتل والاختطاف والاختفاء افتحي ايميلك وشوفي كم واحد ضايع اهله مايدرون عنه ! ابد انتي مو عايشه بالدنيا !
ساره ضيعت السالفه : طيب طلال ؟! وش سوا لك ؟
الين : وانتوا صدقتوا ان طلال بيسوي لي شيء ؟! مسستحيل !
ساره : طيب قولي السالفه !
الين بحزن : فهد هو الي كان يبي يسوي لي شيء , بس طلال جا ودافع عني !
ساره بارتباك : طيب سوا لك شيء ؟
الين : ..........................
ساره احترقت اعصابها : ألين ردي .!
ألين : ........ لا (دمعت عينها) المهم انه ماصارلي شيء وتكفين سكري الموضوع !
ساره: الي ابي اعرفه ليه ابوك متعاطف كثير مع هالفهد ؟
ألين : فهد امانه برقبة ابوي وخصوصا انه مريض وياخذ لك ادويه دائما َ!
ساره بهمس : يتعالج ؟
الين : ايه , هو مريض نفسي امه كانت تضربه وهو صغير وتوصل للحبس !
ساره : ياحرام ... مسكين فهد
من ورا الباب : احم احم يالله يالله
ساره اتغطت
ساره : تفضل !
الاب دخل : السلام عليكم !
الكل : وعليكم السلام
الاب بإبتسامه : الين هاتي البشـآره !
الين ابتسمت بأمل : شنــــو ؟؟؟!
الاب بإبتسامه كبيـــــــــــــــــره :
فهد يبيك على سنة الله ورسوله !
وهذا هو تحت يكلمني بالموضوع عن اذنكم !
وطلع
.
.
.
.
.
ساره : أ أ أأأ ... ألين ؟؟؟!
.
.
.
.
.
ألين : همم ؟!
ساره : معصبه ؟!
ألين : لآ طبعـآ .. لسه على ذمة طلال !
ـــــــــــــــــــــــــــــــــــــــــــــ
ماندي استغربت
بس لما شافت لورا تناظر للخلف عرفت ان في احد وراهم
التفتت شوي شوي
وشـــــآفت
.
.
.
.
.
ماندي بقلبها : انه المــــلآك الابيض
دانيال مصدوم : نـــــعم ؟ وش kiss بعد ؟!
لورا ابتسمت : داني بعدين نتفاهم !
دانيال بحده : لورا ! لايكون اقنعتيني نظل هنا عشان تكملين هالمسخره !
لورا بخوف : والله لا ! اصلا هالموقف صار من زمان قبل 3 سنين !
دانيال : أوه حقآ ! اخبريني ماندي متى حدث ذلك الموقف الرومانسي بجانب الشرفه ؟!
لورا خآفت وهمست لـ ماندي : بسسس
ماندي توهـآ بتلتفت لـ لورا ! بس ....
دانيال بحده : مآندي
ماندي التفتت له بسرعه : ماذا ؟! (وبهالحاله بلغتنا = لبيه =p )
دانيال بهدوء وبصوت وهـ =$ : لاعليك من لورا , انظري الى عيناي وقولي الحقيقه ! متى حدث موقف لورا مع تشاندلر ؟!
ماندي ناظرت عيونه وضـآعت =$
دانيال مستغرب : ماندي هل تسمعينني ؟!
ماندي بصوت سريع وهي مغمضه عيونها : هل بإمكاني ان احضنك ؟!
دانيال انصدم هو وين وهي وين !
وهو اصلا يستحي من حركات البنات
وبسرعه يبين على وجهه !
دانيال بإحراج : لم اكن اقصد هذا !
ماندي بصوت سريع : ارجوك ارجوك احضني ارجوك
دانيال تنهد وراح .... حتى نسى السالفه ><
لورا ميلت راسها : يا لبرائة اخي , انه لايقوى على النظر في اعين فتاة والتغزل بها ! ياليته عاش هنا معنا فكان سيصبح ملك المدرسه الثانويه !
ماندي : بل ملك العالم !
لورا : ههه ربما !
ماندي التفتت عليها بسرعه : انك تتغزلين بأخاك ؟!
لورا : ماذا ؟! لا طبعا !
ماندي غمزت لها : ربمـآ ؟!
لورا اشمئزت : ماندي انه اخي وحقا لا افكر فيه هذا التفكير انها مجرد وجهة نظر نعم انه جميل وانتهى الموضوع لا اتخطى هذه الحدود ابدا
ماندي : نعـم انتي على حق !
الام : لورا غداءك المفضل جاهز
لورا استانست : حقـااا ؟ هل احضرتي لي وجبه من المطعم الجديد ؟!
الام : أ أ .. لآ !
لورا استغربت : اذا ؟
الام : لقد حضرت لك اللحم المقدد مع ......
قاطعتها ماندي : ewwww لورا هل تأكلين اللحم ؟!
لورا ارتبكت : لا لا .. امي انا نباتيه كم مره قلت لك ذلك ؟!
الام مستغربه : انتي نباتيه ؟ من متى ؟!
ماندي عصبت : لورا لماذا تكذبين دائما !
لورا : انا لم اكذب بل امي التي فعلت !
ماندي فصخت الاسواره : خذي اسوارة الصداقه ! اوه عفوا اسوارة الكذب !
طلعت
لورا : مااندي مااندي ! (التفتت على امها) انتي السبب انتي السبب !
.
.
.
.
دانيال طلع وشاف محل
يبعد شارعين عن الحي الي يسكنون فيه
ودخل ~
دانيال جلس ع الكرسي وقدامه طاوله طويله
وعلى يساره ويمينه كراسي !
و وراهم طاولات دائريه (وصلت الفكره=p ؟ )
شوي ودخلت مع صاحبتها تضحك بصوت عالي
وجلسوا جنبه !
جات إمراه متينه وبنفس مكشره : أهلا وسهلا ماذا تريد ان اقدم لك ؟!
دانيال بإرتباك : أي شيء
المرأه استغربت ورفعت حاجبها : هل تريد بيره ؟!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك