رواية اعشقه وصعب أنساه لاني نسيت أنساه -17
البارت السابع عشـر:
خوله وعلى وجهها ابتسامه: اذا كنت تظن اني ما اعرف ان فيصل كان يكرهني و يتمنى لي الشر فانت غلطان ......
يوسف رمش بعيونه بسرعه وهو مصدوم: كنتي عاااااااارفه؟؟؟
خوله: واعرف بعد ان امي قالت لك الحقيقه يوم كنتي في المستشفى ..وهو من اهم اسباب تغير معاملتك معي يوسف..
يوسف: قصدك اني اشفقت عليك؟
خوله بثقه: ماهو هذا هو السبب الرئيسي لعدم ضربي؟
يوسف: لاآآآآآآآ
خوله: الحمد لله..
يوسف بفضول: من متى تعرفين؟
خوله : لما جيت انت و ابوك تزورونا بعد ملكتي بكم يوم...
يوسف: في نفس اليوم؟ شلون؟
خوله: لاني عرفت ان فيصل ماهو فارس احلامي لما شفتك ...
يـوسف بصدمه: ايش قصدك؟؟؟؟
من اربع سنوات بعد ملكه خوله و فيصل باسبوع كانت خوله و وفاء و سعاد جالسين في جناح الطابق الثاني للضيوف ضحك و سوالف و تلفزيون و طبعا اكـل..
وفـاء قطعت حديث ماله معنى في نظرها بتملل: ممكن تنهون كلامكم المعتاد عن براد بيت اللي حبيبي بدر احلى منه مليون مره...
خوله عطت وفاء نظره وهي رافعه حاجبها: يقولون القرد بعين زوجته غزاآآآآآآآآل ههههههههه,,,
وفاء عصبت وكانت بترد بس سعاد سبقتها: يعني اخوي فيصل قرد لانه بنظرك غزال ههههههههه
خوله عصبت ورمتها بالمخده : هذا و هو اخوك كذا تتكلمين عنه اجل لو انه عدوك..
وفاء وهي تضحك : يعني انتي يا خوله اللي ما تتكلمين عن اخوك بالسووووووء هههههههه
ام بدر فتحت الباب و شافتهم وهم يتضاربون بالمخدات: ايش اللي صاير؟؟؟؟
وفاء انحرجت من خالتها و نزلت راسها و سعاد سكتت و ما عرفت ترد و طبعا كالعاده خوله هي اللي ردت: ماآآآآآمآآ انا كنت بس ادااافع عن زوجي ...و اقوووووول انه احلى من براد بيت .....بس سعاد تقول عنه قرد و وفاء تضحك ...
ام بدر عطتها نظره غاضبه و قرصت خدها: تضربينهم علشان قااااااالوووا الحقيقه..
خوله: مآآآآمــا فيصل مااااااااهووو قرد..
سعاد ووفاء حاول يكمتون ضحكتهم لانهم خايفين من ام بدر تقلب عليهم: ان قارنتيه في براد بيت فهو اقبح من القرد... لان الوحيد اللي احلى من براد هو حبيبي البي توم كروز...
وفاء وسعاد ما قدروا يكتمون ضحكهم اكثر و انفجروا خصوصا بعد ما لاحظوا الصدمه على وجه خوله: ظنيتك بتقولين بابا..
ام بدر وهي تعطيها نظره استغراب: ابوك عجوز ولا نسيتي انا احب الشباب
خوله بانفجار: لااااااااااااااااااااااااااااااااااااااااااااااااا ااااااااااااااا
ام بدر قرصت خدها مره ثاااااااانيه: بسسسسسسسسسسس ابوك عنده رجاجيل!!!!!!1
وفاء وكانها تذكرت شيء: الا صحيح خاله ما كأنهم طولوا؟
خوله: ابوك حاس بتأنيب الضمير و عازمهم على العشى يراضيهم...
سعاد بفضول : ليش زعلانين؟
خوله وهي مبتسمه: هذاا عمي بو فهد اللي خطبني ورفضته ههه عازمه ابوي يراضيه هو وولده..
ام بدر لوت وجهها و طلعت من الغرفه بسـرعه.. خوله استغربت ردت فعل امها و رجعت تكلم محاوراتها الطويله مع سعاد ووفاء.. بعد نص ساعه سمعوا صوت رجال من بره وطبعا كاي بنات غمرهم الفضول وركضوا للشباك يشفون خطيب خوله اللي رفضته.. تجمعوا و لمحوا رجال كبير في العمر يمشي مع بو بدر استنتجوا انه بو فهد كان وراهم شاب توقعوا يكون هو لانه ما كان في غيرهم ومن كلام ام بدر بوفهد كان جاي مع ولده وبما انه عنده ولد واحد ، هذا الشاب هو اللي خطب خوله ورفضته... انتظروا الشاب يلتفت بس للاسف وصلوا السياره وما قدروا يشفونه.. استسلموا وكان بيبعدون عن الشباك لما شافوا الشاب مره ثانيه يرجع يكلم بو بدر الشيء اللي عطى الثلاث بنات الفرصه يتاملون وجهه بدقه..
سعاد و عيونه طالعه لقدام: هذاااااااااا اللي رفضتيه علشان اخوي الدب!!!
وفاء: بصراحه وسيم....
سعاد: وسيم وبس!!!!! قولي براد بيت!! توم كروز.!! سواااقين عنده ..
خوله كانت تتامل الشاب صاحب الشعر البني و الملامح الوسيم... صداع تملك راسها بقوه... خوله بعدت عن الشباك ومشت لبراه الجناح صحيح سعاد وفاء نادوها بس ما ردت عليهم ومشت لجناحها بس في نص الطريق صادفت امها جنب الشباك: ماما!!
ام بدر التفتت لها وعلى وجههاا البرود: خوله؟ ايش فيك؟
خوله: ولاشيء كنت رايحه لغرفتي .... عندي صداآآع..
ام بدر ردت قبل لا تحرك وجهها للشباك من جديد: سلامتك
خوله فكرت و قبل لا تروج لغرفتها تراجعت وسالت امها: ماماآآ عمي بوفهد اول مره يزورنا؟؟؟
ام بدر: لاآ طبعا.. كان يزور ابوك في موقع العمل دايما زارنا البيت هنا مرتين اول ثلاث من سنين و مره وحده المزرعه..... اعتقد تذكرين هذا المره اللي.. ضاعت فيها العابك... صح.....
خوله حست بكهربا ضربت راسها من كلام امها: ضاااااعت العابي ووو
ام بدر اشرت باصبعها بخفه بره: وولد بو فهد هو اللي لقاهم وساعدك..
خوله انصعقت من كلمت امها كان الشيء الاخير اللي تنتظره حتى تتكون الصوره الاساسيه و الحقيقه في عقلها .... صوره فارس احلامها... دارت الدنيا فيها و انهارت على الارض: خووووووووووووووووله...
بعد ما صحت خوله وسط اهلها و فيصل زوجها التزمت الصمت فتره طويله وهي تحاول تكبت حزنها، فيصل ما هو فارس احلامها، ماهو الشخص اللي قابلته مره وحده في حياتها وحبته حب طفولتها اللي كان شبه وهمي اللي انبنى على صوره الطفل اللي ساعدها، فيصل خداعها طول الوقت، وفوق هذا ذكرى تصرفاته معها ومع اهلها كلها رجعت... حست بالم كبيـر وألم اكـبر لان الشخص اللي حبته فارس احلامها الحقيقي كان قريب كثير منها وهي اللي رفضته... خوله حبست دموعها فتره طويله حتى بقت لحالها وبعدها انفجرت بكاء و استفرغت كل المحبوس و المكبوت داخلها
ايا كانت مشاعرها تجاه فارس احلامها لازم تنساها و تنساه كل احلامها، فيصل اللي كانت تعرفه تغير بعد ما فقدت ذاكرتها صار طيب وحنون وحتى وان كان العكس هو زوجها الحين و لازم تخلص له و تحبه حتى وان ما كان حبها الاول.. لكن و رغم ان خوله وعدت نفسها بالاخلاص لفيصل كانت ما تتقبل وجوده معها في اغلب الاوقات لما يزورها و بدت مع الوقت تكتشف تصرفاته اللي الخطأ وانه يتقصد يأذيها و تهرب منه، الشيء اللي خلاها ترافق اهلها في كل رحلاتهم للخارج، كانت تخاف تجلس في البيت لحالها، تخاف منه، وتحذر،
و بعد كم شـهر...
خوله وامهـا كانوا يتمشـون في اسواق لنـدن و من حسن حظـهم ومعرفه امها بطـقس لندن و متى ينزل المطر اخذوا مظلاتهم معهم...
خوله قطعت حوارها مع امها لما لمحت وجه مألوف حزين ومحبط جالس على الارض مثل المتسول: خوله؟ ايشفيك؟
ام بدر حركت عيونها من بنتها الى الشخص اللي كانت تتامله: هذا ولد بوفهد مـامآآ؟؟
ام بدر حددت عيونها عليه: و ايش اللي يجلسه بهذا الشكل برايك..
خوله مشت باتجاهه: وضاح انه حزين ويحتاج مساعده..
ام بدر نادتها: خوله لحـظه...
خوله تجاهلت نداء امها و مشت لعند يوسف كانت مقنعه نفسها انها بتحاول تطلعه من الحال اللي هو فيه ماهو بسبب مشاعر الحب القديمه اللي كانت تشعر فيها اتجااه لانه كانت شبه وهميه طفوليه و انما السبب هو لانها ناويه ترد الجميل له، يوسف من جهه ثانيه كان كل من مر يتجاهل وجوده مدينه اعتادت على المتشردين تجمد قلبها من اي رحمه.... بعد فتره من الوقت حس يـوسف بجزء من المطر انحجب عنه...
خوله وقفت قدامه و حاولت تجذب انتباهه لكن سوف تأملها وكانه ما يعرفها حست باحراج انها تقول مرحبى انا خوله قابلتك مره وحده في حياتي و انا صغيره ووقعت في حبك... فضلت تتظاهر انها ما تعرفه: عربي؟؟؟
يـوسف بغضب حاول يقلل فيه من اللي في قلبه: اتركيني في حااااااااااااااااااااااالي!!!
خوله وسعت عيونها و قربت وجهها اكثر و هي تتظاهر بالقلق سـالت: سـعودي؟؟ فيك شيء؟ محتاج شيءء؟
يـوسف غمض عيونه و هو يصرخ في نفسه: تظني شحاذ احتاج صدقة منها... ما تعرف اني غني .. غني كثييييييييييييييييييييييييير... ماديا لكن عاطفيا فقير فقييييييييييييييييييييييييييييييييييييييير..
فتح يـوسف عيونه بصدمه لما حس ان المطر توقف كليا.. والحقيقه ان المطر ما عاد يلامس جسمه بس لان المظله اللي كانت في يد البنت صارت فوق راسه تحميه من المطر..
يـوسف بصدمه: ليش؟؟؟
البنت بابتسامه رقيقه: ردت فعل طبيعيه.. البيت ماهو بعيد و ما راح اتأثر بالمطر لكن انت ناوي تجلس هنا كثــير و راح تمرض و احتمال تموت من البرد..
يـوسف وهو مافاهم شيء منها: وايش اللي يهمك؟؟
خوله: مستحيل اشوف احد محتاج و ارتكه من غير مساعده، حتى وان كنت ما تعني لي شيء. اكيـد تعني لاحد ثاني كثيــر ..
يـوسف: انا شخص غير مرغوب فيه..
خوله هزت راسها و الابتسامه ما تزال على وجهها: لكل شخص هدف من وجوده و لازم على كل فرد يكتشف هذا الهدف... و لا تسنى ان اي حزن نقدر ننساه لما نقنع انفسها باهميتنا و نحافظ على ابتسامتنا ..
خوله عطت يوسف المظله اللي عطاها اياه فيصل كهديه لما سافرت لمدينه الضباب و هو هدفه من الميداليه انها ما تنسى انها ملكه رغم اي مكان تروح له، عطت يوسف نظره اخيره وعطتها ظهرها وبدت تبتعد عنه في الشـوارع ركضت وركضت بعيد عنه كانت خايفه توقف ويلحقها و يعرف نوع المشاعر اللي كانت داخلها سنين اتجاهه وحتى ان كانت وهميه..
نهايه الذكريات:-
يوسف رفع وجهه خوله اللي كانت منزلته وهي اللي تقوله ذكريات كانت مكبوته في داخله و ما هي سامحه لاي احد يتجاوزها: ما كنت ادري.....
خوله بابتسامه حزينه: شيء طبعي لقاءنا و مساعدتك لي مر عليها اكثر من 15 سنـه و مره وحده، و شيء طبعي ما تعني لك شيء رغم انها عنت لي الكثـير..
يوسف: وليش ما قلتي لي بعد ما تزوجنا
خوله بضحك: نســـيت اول لقاء بينا بعد ما تزوجنا؟؟؟
يوسف حس بتأنيب ضميـر لما تذكر:................................
خوله: بعد مده من زواجي سمعت بخـبر ان ولد بوفـهد اللي كان خاطبني تزوج من بنت عمه، حسيت وقتها بشيء من الحزن لكن مع الوقت حاولت انسى بشكل نهائي وهو هذا الشيء استمر حتى بعد موت فيصـل.. فهمت الكل اني رافضه الزواج لاني احب فيصل لكن بس لما بلغني ابوي ان ولد بوفـهد الثاني خطبني حسيت بنوع مختلف اتجاهك وافقت لاني ماكنت ابي اتزوج مرزوق قريب ابوي و على امل انك تكون انت وان حبي ما كان فهد خصوصا اني ما كنت اعرف ان عمي بوفهد عنده ولد ثاني...
يـوسف: و انصدمتي بصرفاتي اول ليله...
ذكرى اول ليله:
يوسف مشى لعند خوله اللي جلست على السرير و رفعت غطوتها على وجهها .. عيونه تأملت وجهها الخالي من الزينه .. وجهها الذابل الاصفر.. و الخطوط السودا تحت عيونها و شعرهاا القصير الخالي كم الزينه مثل اي عروس...
يوسف بنبره كلها قهر: شيء طبعي تغدرين فيني و تقبلين هذا الزواج!! وحده مثلك مستحيل تتزوج شخص مثلي..
خوله قررت تبدي بتقطع: انا .........
يـوسف ما عطاها مجال انفجر و سحب شعرها : انتي ما عندك كرامه ... شلون تقبلين بانسان رافضك نهائيااااااااااا
خوله حست بالم و نزلت دموعها يوسف سحب يده و ابتعد عنها ابدا ما كان فاهم شلون سوى هالشيء: لانك تملك شيء ما يملكه غيرك..
يوسف : اللي هو؟؟
خوله حركت راسها لبعيد و رفضت الاجابه...يوسف راقب عيونها و حركتها و انقهر زياده .. رمى بشته و شماغه على الارض.. خوله توسعت عيونها و ماتت من الخوف وهي تشوفه يخلع ثوبه و يرميه على الارض جنب الاشياء الثانيه ..
غمضت عيونها و انفجرت بكاء: لااا لااااا لااا تكفى لا!!!!!!!!!!!!!!11
ما تلقت خوله رد من يوسف انتظرت مده و فتحت عيونها من جديد لقته يلبس ملابس سبورت و كاب على شعره و كانه متنكر....
التفت لها بنظره كلها حقد: لا تصيرين واثقه من نفسك و منغره في شكلك يا مداااااااااااااااام... انا لا يمكن المس قطعه مستعمله فاهمه...
فتح يوسف باب الجناح و طلع ... خوله فاجأها كلامه و حست بقليل من الفرح.. رمت نفسها على السرير و بدت تتأمل السقف : زوجه بالاسم !!! هههه ايش كنت اتمنى اكثر من هذاااااااا! وانا ارمله
نهايه الذكرى
خوله نزلت راسـها بحزن..يوسف...
يوسف سحب يدها وباسها بقوه: اســـف ياليت يدي انشلت ولا ضربتك يومهـاآآآ... حتى ما عطيتك مجال تفهمني اي شيء...
خوله سحبت يدها من يده وحطتها على وجهه: بعيد الشـر عنك يا حبيبي... انا فرحت كثــير رغم كل اللي صار في داخلي... حبي و انا اخيرا اجتمعنا ... صحيح تصور لي انك مختلف عن الصـوره اللي كونتها سنين في بالي لكن في النهايه اكتشفت انك مثل ما تصـورت تماما..
يوسف نزل راسه حط جبهته على جبتها: خولـــه ليش بعدتي عني و ما شاركتيني باي شيء من همومك ليش!!!!!!!
خوله: لانك قلت انك تبيني زوجه بالاسم بس..
يوسف ابتسم بخبث: يعني الحين لا....
خوله ارتفعت درجه حراره جسمها وووجها تغير لونه للاحمر الغامق وهي تتامل وجهه الخبيث: آآآ....آآآآنــــأأأأأأأأ برووووووح الحمـآآآآآآآآآآآآم...
يوسف حوط يده على جسمها و قربه له: تقدرين تأجلينه.
خوله: أ..أأ..أأأأنـأأأأأأأ مآآآآآ,.... اقــ...ـدر....
يــوسف انفجر ضحك و تركها: روحي اخاااف تسوين مثل الاطفال الصـغاااااار .....
خوله ركضت بترنح وهي خجلانه من كلامه و تصرفاته ودخلت الحمام وقفلت الباب وراهاآآ
يوسف ضحك و رمى نفسه على السـرير وهو عيونه على الباب: شلون ياخوله تبيني اعامل من اليوم ورايح...
يوسف ما كان عارف ايش يسوي مع خوله من اليوم ورايح مشاعره اتجاهها تغـيرت و تطوت لنوع جديد صحيح كان متعود عليها و عاجبته خلال الشـهرين اللي قضوهم مع بعض لكن بعد ما عرف انها الانسانه اللي عطته الامل في لحظه انهيار و انه فارس احلامها اللي تحبه كثـير رفع هذا الشيء لمسـتوى جديد...
يـوسف غمض عيونه بقهر لما تذكر واقعه المرير.... خالد ومشكلته مع اخته الجـود....
يوسف من غيـر قصد سمع كلام خالد مع ابوه قبل لا يسافرون و صراخ الجـود لما ضربها خالد... توتر العلاقه بينهم واللي راح بشكل واضح الى طلاقهم اكيـد راح يأثر عليه وعلى خوله، ليش لما صار متعلق في خوله تنهار علاقه الجـود اخته باخوها....
رفع جسـمه وحس انه ضايق ومحتاج يفرغ لاي كان.... اخذ موبايله وفتح واحد من مواقعه المفـضله...(نادي العشـاق)
بدأ يتصفح المواضيع اللي يناقشـون فيها المشاكل و اللي اغلبها كانت متشابهه و مافي شيء مثل قصته حس بضياع و احباط خصوصا ان خوله طولت في الحمام واللي استنتج منه انها ماهي ناويه تطلع قبل لا ينام لانها خجلانه منه و من كلامه الجـريء اللي ما عرفه شلون ملك الجرأه يقوله... من غـير تفكير فتح قائمه الاعضاء وقرر يرسل رساله خاصه للاعضاء المختصين بالمشاكل انتبه ان الرئيسه كانت متواجده الانسانه اللي عطته فكره الزواج، و خففت عنه المه في يوم من الايام ... رغم انه كان واثق انها بتتجاهله و ما راح ترد عليه .. قرر يرسل لها من جديد...
اخذ رسالتها القديمه كاقتباس حتى تتذكره...
المرسـل: ألاسـير...
اقتبــاس ----------------------------------------- --------------------------
المرسل: نادي العشـاق ..
اقتباس------------------------------------------------------------------------
السلام عليكم
بصراحه لفت انتباهي اعلان موقعكم خلال بحثي في المواقع عن حل لمشكلتي و قبل ما ارسل الرساله ،، بحثت وتاكدت بنفسي من ان الكل يمدح فيكم و في المساعده اللي تقدمونها للمحتاجين..
عندي مشكله من نوع مختلف و انا اظن انه صعب يكون لها حــل...
انا احـــب زوجة اخوي !!!
كان من المفروض هذي الانسانه و اللي احبها من كل قلبي و اللي كانت السبب في تحملي ذل اهل ماهم باهل...تكون لي..
استغل هالناس سفري و غيابي.. ضغطوا عليها و على ابوها و زوجوها اخوي الفاشل ..انسان ما يعطي هذي الرقيقه اي حب او انتباه عايش على وناسته و طيشه.. انسانه ما تقدر تمنع عيونها من النظر لي بحب في كل مره تتلاقى عيونا..
انا خايف علي وعليها... خايف تتسب هذي المشاعر بمشاكل اكثر و اكثر بيني و بين اهلي...
ارجوك ساعدني....
------------------------------
و عليكم السلام اخوي..طلبت تحويل الرساله لي و ان الرد يكون مني انا شخصيا لما لاحظت انها شبه معقده و تحتاج حكمه و هدوء بال...
الاعضاء الباقي رفضوا الرد و اعتبروك مجرم.. يستحق التجاهل ..
(يوسف توسعت عيونه من الكلام اللي يقراها كان بيغلق الصفحه قبل لا يلفت انتباهه السطر اللي بعده)
انا على العكس اتعاطف معـك لاني اعرف بالضبط شـعور لما ينتزع بالغصب من قلبك الحب اللي كان يمليه... لكنـا في النـهايه ما بوسـعنا الا ان نعيش من دونهم ..
و اسلم شيء لك هو انك تتزوج... وجود الزوجه مهما كان قلبك متعلق في غيرها راح يغير في اتجاه الصح مع الوقت.. و تكوين الاسره راح يعوضك الفراغ اللي تحس فيه اتجاه اسرتك..
و نصيحتي لك ان تسارع في هذا الشيء.. الشيطان راح يلعب في عقلك و يصور لك اشياء راح تدفعك لارتكاب اخطاء ممكن تكون غير قاصده و تتسبب في اشياء تندم عليها مستقبل ..
بالتوفيق.:
الرئيســه : Magi
السـلام عـليكم يا رئيسه مـاغي..... تذكريني انا اللي ارسلت لك من مده هذي المشـكله و بكل طيب جاوبتني عليها
عندي مشكله جديده ممكن تساعديني فيها؟؟؟
اخوك: الاسـير...
يوسف ارسل الرسـاله و انتـظر دقيقه ... تحولت الدقيقه الي خمس و بعدها الى عشـر... و بعدها تحولت حاله الرئيسه الى غـير متصـل... عرف لحظتها انها ما راح ترد عليه و حولته لشخص ثاني ... وصلته رساله فتحها رغم انه كان واثق من انها رساله تحويل..
المـرسـل: الرئيسه Magi
وعليكم السـلام اخوي الاسـير.. اخبـارك .. اتمنى تكـون بخيـر.. الاعضاء في العاده يسـالوني عن حلول المشاكل وانا ابلغهم وبعدها يردون لكن قله اللي ارسل لهم بنفسي ..بمعنى ثاني ما نسيتك لا تخاف...
تفضـل .. كلي آذان صاغيه...
يـوسف ابتسم و فهم انها حوله حالتها لغيـر متصل حتى تتفرغ له، كتب المشـكله و انتظـر الحـل ...
الاسيــر
انا من مده لما بلغت ابوي اني بتزوج.. زوجني اخت زوج اختي الارملـه و قررت ارفضها لانه ماهو حق اتزوج ارمله وانا ماسبق لي الزواج وما عندي قاصـر .. لكنهم اجبروني و اجبروها ... عاملتها بقسوه و اهنتها حتى تكرهني حتى اني رفضت المسها و استمريت اناديها بالقطعه المستعمله، لكنها كانت صبوره و تحملتني... بعد فتره قصيره مات اخوي .. و صابتني صدمه كبيره اثرت على دماغي وافقدتني البصـر.. زوجتي اهتمت فيني و حطتني على راسها وبعد ما رجع لي البصـر قررت اقوي علاقتي فيها اكثـر رغم انها خجوله و تتهرب مني فهمت منها انها ما كانت تحب زوجها الاولي و ان الظروف هي اللي جبرتهم ببعض وانها كانت معجبه فيني انا قبل زوجها بمده لاني كنت ازورهم... لكن حتى بعد ما صارحتني احسـها تتهرب مني .. هل هو الخجل فعلا... او ان اللي قالته مجرد كلام حتى تقربها مني .. احس بضياع...
شيء ثاني.. اختي المتزوجه اخوها العلاقه بينهم متوتره كثـير و احس انها بتنتهي قريبا.. و هو شيء راح يأثر علي و على حياتي معها خصوصا ان اختي هذي مدلله الوالد و اخاف يجبرني اطلق زوجتي اذا تطلقت اختي.... ارجوك .. ساعديني...
بعد عـشر دقايق
المرسل/ Magiبصراحه يا اسير انت مثير للشفقه ( يوسف توسعت عيونه و حس بقهر من كلمتها وكان بيغلق الرساله بعدها تذكر انها استخدمت نفس الاسلوب في الرساله الاولى و كمل) ليش تهتم في امور تافهه ما حصلت حتى، في العاده ياثر طلاق اخت الزوج من اخو الزوجه لان الزوج ينتظر اي حجه حتى ينهي زواجه او يفرغ غضب مكبوت داخله، مثلا لما تكون ناوي تتزوج وحده ثانيه او زوجك ما كانت عاجبتك ممكن انك تاخذ طلاق اختك كعذر حتى تنهي زواجك.. اما ان كانت علاقتك في زوجتك ممتازه و تحبها في حق وحقيقي ما في قوه في العالم كله ممكن تفرقكم، وحتى ان كانت اختك اللي تكرهك، طبعا هذا اللي فهمته من رسالتك القديمه...
و بخصوص تهربها منك... اعتقد ان السبب ممكن يكون من تجربه سيئه مع زوجها السابقتخاف تتكرر او تصدر من الشخص اللي تحبه او انها تكون خجل منك لسببين الاول هو انها ماهي مهيئه نفسيا للانتقال معك لهذه المرحله خصوصا انك قلت ان معاملتك معها ما كانت ممتازه و السبب الثاني و هو مستبعد انها تكون بنت و هذي تجربتها الاولى فيكون الخجل فيها طبيعي..
اسـير اتمنى يكون في كلامي الفايده لك.. واتمنى ما تتردد في طلب اي مساعده... ما ادري ليش متحمسه لقضيتك مع زوجتك...
الاسـير
اختي ماغي مـشكوره على النصـايح القيمه... كلامك عطاني احساس كبيـر من الراحه و ساعدني اتفهم شغلات كثـيره كانت غايبه عن بالي...... اختي ماغي.... بصراحه احسك اخت حقيقه لي..علاقتي بالنساء كانت سطحيه كثــير و شبه معدومه.. ما كان عندي ام و خواتي مثل ما قلتي ما يحبوني و طبعا ما كان عندي صديقااات مع اني كنت عايش بغربه سنين ... وهذا الشيء مصعب علي تعاملي مع خوله الحــين.. ممكن مساعده..
ماغي:اخو..... كلمه جميله لكن للاسـف.. ماهم كل الاخوان... اخوان ... الاخو احيانا يكون اقسى عليك من عدو .. على اي حال بما اني انا بعد مفتقده هذا الشعور ماعندي مانع نكون اخوان.... بشرط ما تسـال ابدا انا من او تحاول تعرف عني اي شيء... انت ذكرت اسم زوجتك بين الكلام وانا متاكده انه كان بشكل عفوي .. من غير لا تنتبه لكن لا تحاول توضح لي شيء عنك .... لاني اخاف... اعرفك بعد تاذني وساعتها ما راح اقدر امنع نفسي من تدميرك... اسـير.. راح اكون متواصله معك على طول عن طريق الايميل اللي الحين راح ارسله و راح ارشدك لكن لا تستخدمه في غير هذا الشيء... انت ما تعرف مع من تتعامل... انا سـيده الحـب صح... لكن ممكن ااكون سيده القسـوه...
يـوسف كان متفاجأ من كلام ماغي.. يحسها عندها انفصام بالشخصيه تقول شيء و تسحبه و تعطي امل و تكـسر... بس بما انه ناوي يظل في السـليم.... مافي مانع في التعامل مع ماغي..
اســير...
اتفقنا.. ارسلي الايميل...
في المستشفى في جده:
وفاء مشت لعند بوبدر اللي كان جالس على كراسي الانتظار مهموم و حزين عند غرفه الملاحظه ينتظر الطبيبه: عمي.. اهدأ شوي.. الجود باذن الله مافيها شيء...
بوبدر: الله يهديها..... الله يهديها...
وفاء حركت عيونها لبدر اللي كان واقف وبعدها لعمها: عمي من وصلنا وانت تردد هذا الكلام.. الجود ايش فيها بالضبط..
بوبدر: الله يهديها!!!!
وفاء حست ان عمها ما راح يعطيها جواب وقفت ومشت لعند زوجها من ساعه تقريبا اتصل عمها وقال لهم يسبوقنه على المستشفى لان الجود تعبت و نقلوها للطبيب ما ذكر شيء عن سبب تعبها او ايش اللي صار لها بالضبط..
طلعت الدكتوره و على وجهها تعابير غاضبه للمنتظرين.. بوبدر مشى لعندها بتعب :دكتوره طمنيني عن الجود....
الدكتوره وهو معصبه و تحرك عيونها لبدر: انت زوجها؟؟؟؟؟
بدر تفاجا من نظره الدكتوره ورد بسـرعه: لا يا دكتوره.. انا اخو زوجها..
الدكتوره حست باحراج وحركت عيونها لبو بدر: من حضرتك...
بوبدر : انا عمها ابو زوجها هي وزوجها عندي في البيت بس ... زوجها مسافر ..
الدكتوره: ممكن تفسر سبب الضربات اللي في جسمها يا سيد؟
بوبدر تراجع بجسمه شوي و سكت.. بدر حس بتراجع ابوه و قرر يتدخل: يبه الدكتوره اكيد تقصد الضربات اللي تسببت فيها طيحتها من الدبابه...
بوبدر عرف ان بدر يبرر له و ابتسم: اعوذ بالله منك يا ابليس كلام ولدي بدر صح انا نسيت...
الدكتوره ما تغيرت ملامحها و كملت: و البروذاك منو عطاها اياه؟؟
بدر بتعجب : برو.... ايش هذا وفاء؟؟
وفاء كانت مستغربه مثل بدر وحركت عيونها لبوبدر اللي اشر للدكتوره تروح معه لجهه جانبيه و بدأ بو بدر يشرح و يفسر شغلات للدكتوره اللي هزت راسها مرات و بعدها بعدت و رجعت الغرفه.. وهو رجع لهم..
وفاء : ايش قالت الدكتوره يا عمي...؟؟
بو بدر: يظهر ان الجود اخذت دوا قوي وهي ماهي عارفه انها حامل...
وفاء توسعت عيونها و بحزن سالت رغم انها كانت متوقعه الجواب: وايش صار؟
بوبدر: للاسف سقطت....
بدر وهو يطلع نفس طويل: لا حول ولا قوه الا بالله... وشلونها الجود الحين؟
بوبدر: الدكتوره تقول انها لازم ترتاح كم يوم في المستشفى وبعدها تطلع.. بس هم محتاجين توقيع خالد على بعض الاوراق.
بدر: بتقول لخالد...
بوبدر: هذا شيء اكيـــد بس بطلب منك طلب يا بدر...
بدر: ابشـر باللي تبيه يا يبه..
بو بدر: ابيــك انت اللي تتصل و تقوله اللي صار ممكن؟
بدر: اوكي ...بس ممكن اعرف ليش انا اللي اتصل؟
بو بدر جلس على الكرسي وهو يفتح اول زر من ثوبه: احس نفسي تعبان وماني قادر انقاش احد..
وفاء جلست جنبه وحطت يدها على كتفه: بعد الشر عليك ياعمي ... تبي يقيسون لك الضغط بما انا في المستشفى.؟؟
بوبدر هز راسها وهو مبتسم .. : لا يا بنتي انا مرهق شوي بس... وبعد ما ارتاح ساعتين بصير احسن...
وفاء: اجل تروح البيت احسـن وانا بقعد مع الجـود...
بوبدر بخوف: لاآآآ..... انتي ارجعي لبنـااتك وانا بجلس مع الجـود.... مسكينه ولازم اظل معها ... عندي كم شغله بقولها لها لما تصحى...
وفاء حست ان عمها مصر يجلس مع الجـود فقررت تستسلم و تروح مع زوجها... بو بدر طلع نفس طويل بعد ما مشوا
طلع الصـوره من جيبه وسند راسه على الكرسي وهو يتأملها : لما فتحتي صندوق ام بدر .. حطيتي اول خطوه لنهايتك.......كل شخص يعرف بالحقيقه او يسعى لمعرفتها لازم تمسحه جوري عن وجه الارض.
ضحك وابتسامه عريضه كان اول شيء سواه يوسف بعد ما صحى وهو الشيء اللي ما كان معتاد عليه لانه مثل ما توقع خوله ما كانت نايمه لا جنبه ولا على كنبه الغرفه و انما نايمه في غرفه جلوس براه الجناح بملابسها من امس.. واضح انها طلعت وبخوف وخفه من الحمام بعد ما نام رغم انه انتظرها طويلو ركضت لبره... رجع للغرفه غسل و صلى وبعدها رجع لها واختار كم كلمه من اللي علمته اياهم ماغي وقرر يبدأ التطبيق...
يوسف جلس على ركبته بهدوء وصار يتأملها باعجاب: ماهو الحب هو اللي يعذبنا ...اللي نحبهم هو اللي عذبونا ببعدهم و تمنعهم و جمالهم..... يتقربون منا .. لما نقرب يبعودون و يحرقون قلبنا بنار جبـهم.. و اعجابنا بكل ذره عشق نكبتها بقوه في داخلنا بس في سبيل ما نجرحهم او نزعلهم.... يااا ليتهم يحسون فينا.... ويطفون هالنار اللي خايف تحرقني بنار حبهم.......... عذاااااااااااااب اآآآآآهــ ياااا عـــذااااااااااب
قرب منها بخفه لحد ما صار وجهه فوق جبتها ونفخ بقوه، الشيء اللي طير خصلات شعر على جبتها و صحاها بخوف: يووووووووووسف؟؟؟؟؟؟
يوسف انفجـر ضحك من شكلها المرعوب و لونها الاحمر الواضح : ههههههههههههه تقدرين توقفين هذا التمثيل خوله...... لانه مكشوف وواضح انك منتي نايمه....ولا تظنين اني لسى اعمى...
خوله زاد خجلها ونزلت راسه لاقصى درجه ممكنه : يعني انت اللي ما كنت تمثل؟؟
يوسف تراجع و ابتسامته ما غادرت وجهه: مافي داعي امثل الحب واحاول اقربك مني وانا عارف حقيقه مشاعرك اتجاهي.... الا اذا كانت هذي المشاعر خاليه من الثقه ومثل ما تصورت كلها خوف ورعب مني...
خوله هزت راسها بالنفي: لاااا.... الموضوع ماهو كذا... اناااا..
يوسف حط يده على خدها و حس برجفتها: بس هذا اللي احسه كل مره اكون فيها قريب...
خوله حاولت تتملك انفاسها السريعه و ترد عليه بكل ثقه تملكها: في بعض الاحيان نتسرع في الحكم باشياء وعلى ناس وهو يكون غلط..........
يوسف ابتسم على ردها وحكمتها اللي اعتاد عليها ردودها كانت دايما حكيمه وموزونه بدقه فكر و قرر يسال سؤال مهما كانت حكمتها صعب تجاوبه: اوكي..... اذا كان حكمي غلط انتي صلحيه.....انا ايش بالنسبه لك يا خوله؟
خوله تجمدت كل ذرت دم في جسمها هو ايش بالنسبه لها....حبيبها و قلبها و روحها طبعا و فارس احلامها،، لكن هل هذا هو اللي تقدر تقوله.. امس عبرت له عن حبها و عن حقيقه فارس احلامها لانه كان مسكور و محتاج حنان بس الحــين ... وهو متفرغ ومستعد لها صعـــب: اقدر اسـالك الشيء نفسه؟
يوسف وهو مبتسم بخبث: بس انا سـالت اول!!
خوله رجفت و قامت من مكانها بتهرب: مره ثانيـه...
يوسف سحبها مع يدها لحضنه: لا تهربي .... خل نكون صرحين اليوم حتى نتجنب اي مشاكل في المستقبل..
خوله رفعت عيونها بصدمه من كلمته: مستقبل؟ مستقبلنآآآآ
يوسف توسعت عيونه بعد ما فهم قصدها: انتي مازلتي تظنين اني ناوي اتركك ....
خوله هزت راسـها بالايجاب: بس هذا اللي قلته بدايه زواجنا..
يوسف:بس انا غيـر الحيــن ....انتي غـير.. مشاعرنا غيــر و حياتنا... وحبنا يااااااااااا خوووووله!!!!!!!!!!
خوله نزلت راسها : يوسف انا,,, خايفه... خايفه انجرح من جديد خايفه ....و..
يوسف حط يده على فمـه: لا تكمليــــــن...... الدينا كبيره و متغيره ممكن تجرحنا في اليوم الف مره... انا ما اقدر ابعدها عنك كلها... لكن وعد علي ما راح اسمح لاي شيء يجرحك طول ماهو في متناول يدي....طبعاآآآ هذا يشملني انا .....!!
خوله ظلت صامته وهي تسمعه يوعدها وتتامله لوقت طويل..كانت ثواني دقايق طالت و طالت وبعدها انقطعت.....
ماريا: اهوووووووو سوري لم اكن اعلم انكم....
يوسف وخوله نسوا انهم في غرفه الجلوس بعد يوسف عن خوله اللي دخلت في حااله من الخجل فضيع..: هــ.....هـــل هنالك شـــ....ـــيء يااااااااآآ مـــااااريــآآآآ
ماريا كانت هما منحرجه بس قررت تقول سبب قدومها لهم: السيده و السيد الصغير تريد ان تودعكم قبل ان تغادر
خوله باستغراب: تغادر؟ الى اين؟؟؟؟؟؟؟؟
ماريا: اظن الى وطنكم.. بما انها انزلت الحقائب الى السياره..
خوله دخلت لغرفتها تغسل و تبدل ملابسها اللي من امـس حتى تلحقهم يوسف اللي ما كان محتاج هذا الشيء نزل على طول ... لقى خالد جالس في الصاله وشنطته اليدويه معه..
يوسف: خاااااااااااالد!! ايش اللي صار؟؟؟
خالد رفع وجهه له رغم ان التعب و بعض الالم عليه ابتسم ورد عليه: ولا شيء... انا اخذت اسبوع اجازه بس....لكن الشغل بلغوني انهم محتاجين بشغل مهم.....
يوسف: وعمتي؟؟؟
خالد: تقول بتعطيكم مجال تاخذون راحتكم ...خصوصا انها تحس نفسها احسن و حابه ترجع لشغلها..
يوسف كان عارف ان خالد مخبي عليه شيء ..وواضح ان كلامه مع ام بدر امس له علاقه بهذا الشيء..: اذا كان هذا السبب فعلا فبراحتك,,,
خالد فهم قصد يوسف و سكت وهو يقول في نفسه: ايش تبيني اقولك يا يوسف,,, سوري اختك سقطت بسبب ضربي لها.........كذبت وقالت انها حامل .. انتزعت حلم الابوه اللي كنت اتمناه بكذبتها و بعد ما عاقبتها على جريمتها اكتشف انها حامل بحق وحقيقي و ادمر الشيء اللي كنت احبه و ابيه.......... اخخخخخخخخخخخخ ياااااااا الجود اخ ... لايش ولاي مستوى من العذاب ناويه توصليني.....
خوله نزلت على عجله وركضت لجهته: خالد!!! صحيح اللي تقوله ماري؟؟؟ انت وامي راجعين ؟
خالد هز راسه بالايجاب: للاسف ياا خوله انا وامي عندنا شغل مهم...
خوله: الشغل يتاجل ولا نسيت ان الدكتور جمال طلب من امي تبتعد عن اي ارهاق..
خالد: ماما زارت الطبيب هنا و غير لها العلاج و ما منعها عن الشغل....
خوله حست ان كلام اخوها ونبرته ماهي طبيعيه: خااااااااالد انت فيك شيء؟ قوووول انااا اعرفك.. تكلم....!!
خالد بانفجار: ماااااااااافيني شيء...
خوله تراجعت من الخوف منه اول مره تشوف خالد بهذا الشكل: خااالد...
ام بدر دخلت الصاله: اتركيه يا خوله.....
خوله حركت عيونها لامها كانت ذابله وشكلها مختلف عن امس:ماما...
ام بدر و عيونها بس على خالد: خالد اسبقني السياره......
خالد سحب شنطته و طلع على عجله ام بدر قربت لخوله و حضنتها: تامرين على شيء يا حياتي...
خوله: مآآما بلييييييييز لا تروحين صحتك..
ام بدر غمضت عيونها: للاسف يا خوله صحتي ساءت عن قبل... ومن الافضل ارجع.. على الاقل اشيل شيء من الشغل عن ابوك..
خوله وهي تحضن امها بقوه: بليززززز ماما لا تشتغلين....بليـــززززز ارتاحي......انااا خايفه عليك..
ام بدر ابتسمت رغم كل التعب اللي حاسه فيه: لا تخافين علي يا خوله... انا جبل ما يهزه ريح... ولا نسيتي...
خوله بعدت عنها و حركت وجهها لزوجها اللي كان واقف صامت طول الوقت ام بدر رفعت عيونها له و انتظرته يقول شيء ولما ما تكلم قررت هي تتكلم: مع السلامه يااااا يوسف...
يوسف كان ناوي يتكلم بس حس بتردد خصوصا بعد ما تذكر هي ايش له وان الحقيقه كانت عندها طول الوقت مخفيتها.... قرر يسكت.. وما يرد..
خوله صدمته حركته اما امها كانت متوقعه هذا الرد منه و قررت تنسحب بهدوء.. طلعت بعد ما باست بنتها مره ثانيه و عطت يوسف نظره اخيره قبل لا تطلع...
اول ما تسكر الباب خوله التفتت ليـوسف اللي كان ناوي ينسحب: انت ليش تصرفت كذا؟؟
يوسف ظل معطيها ظهره: أسف... ادري انها امك وتحبينها...لكن اناآ ماني قادر اسامحها على اللي سوته..
خوله: هي كان قصدها بس حمايتك!!!!!!! ما كانت تبيك تكره ابوك.!!!
يوسف:وليش ما تبيني اعرف حقيقه الانسان اللي قتلها!!11 ليش ؟؟؟
خوله بقوه: لانه ابوك!!!!!!!!11
يوسف صعقته كلمتها صحيح هو ما عمره حس باي مشاعر من ابوه اتجاهه و اي تعاطف لكنه كان دايما يسعى لينال رضاه.. لانه ابوه:........
خوله قربت من يوسف وحطت يدها على كتفه: يوسف اباءنا همها سوا ومهما حزنونا يظلونا اباءنا و امهتنا اللي وصانا دينا فيهم...ابوك وامك مهما كانوا ومن كانوا يظلون امك و ابوك اللي لازم تحبه و تحترمهم..
يوسف: شلون احبها!! وانا ما عمري شفتها!! ولا حسيت بحبها!!!!11
خوله ابتسمت: مامآآ موجوده!!! و انا متأكده انها كانت تهدف تعوضك الحنان اللي فقدته في غياب امك..
يوسف عجبه استنتاج خوله وحس بالراحه نزل راسه لكتفها و تنسد عليه: واضح اني المجرم الوحيد هناااآآ
خوله: ما راح تظل مجرم ان اعتذرت من ماما وسامحتها..
يوسف: وهذا اللي بيصير...... بس مو الحين...
خوله باستغراب: اجل متى؟
يوسف: بعد ما نرجع من شهر عسلنا!!!
خوله: ايش؟؟؟؟؟؟؟
في الطـياره المتوجهه للمملكه:
ام بدر كانت عيونها على شباك الطياره ووجهها كله حـزن، خالد صحيح كان مخه مشغول بموضوع الجود والطفل اللي مات لكنه كان حاس بامه خصوصا بعد ما شاف رده فعل يوسف لما تقابلوا اخيرا بعد اللي صار امس..
خـالد: ماما اذا ما تبين تسافرين تقدري.......
ام بدر قاطعته: لا تخاف يا خالد ...انا راجعه لان جلوسي هنا راح يسوء صحتي اكثـر....
خالد: صحتك كانت ممتازه اول ما وصلنا .. بس من عرف يوسف بموضوع امـه...
ام بدر : كان لازم يعرف..... وانا كنت مستعده لهذي المعامله من قررت هذ الشيء..
خالد استغرب كلامها وهو يتذكر يوسف شلون عرف: بس يا ماما يوسف سمع كلامنا بالصدفه!
ام بدر: لا!! انا كنت عارفه انه يسمعنا!!!
خالد: وليش قلتي له وانتي عارفه انه هذا الشيء راح يجرحه و يحزنه!!
ام بدر: هذا اللي تبيه جوري!1
خالد: جوري؟؟ ام يوسف... بس جوري ماتت شلون تعرفين انها رغبتها..
ام بدر عطت خالدد ابتسامه بارده: ان يوسف يظن امه ميته هو واحد من رغباتها!!! و الحقيقه انها قريبه كثير منه و من غير لا يعرف
خالد وعيونه متوسعه: قصدك ايش؟؟؟ جوري شخص نعرفه...
ام بدر : جوري هي رئيسه مجموعه شركات الجـوري!!! الموجود لها فرع في الرياض
خالد : الشركه اللي تتعاملون معها...
ام بدر: صح... بس خااااااالد.. يوسف و كل افراد عائلته لازم ما يعرفون بهذا الشيء...
خالد: بس يوسف يتمنى يشوفها و...
ام بدر: اذا كنت ناوي تدمرنا يا خالد و تنهي حياتي و حياة ابوك طلع الســر..
خالد: اوامـرك..
في المستشفى في جـده..
من بلغوا الخـبر وهي منهاره و تبكي باستمرار، صار اللي كانت ناويه تسويه بالضبط، كانت ناويه تمثل الحمل عليه و تعلقه فيها و بعدها تتظاهر انها سقطت و تحسسه بالذنب انه كان ضاغط عليها في البدايه،،، صار بحق وحقيق كانت حامل و مات طفلها بسبب غباءها لانها كذبت عليه و تركته يضربها، اكلت دواء بمفعول قوي لانها كانت تبي تنسى اللي صار، فتشت ورا اشياء مالها دخل فيها و اخذت صدمه كبيره و في النهايه فقدت الطفل اللي تعلقت فيه رغم انها ما عرفته الا بعد ما اختفى...
الممرضـه: الجود البكاء ما راح يرجع اللي راح، ارجوك اهدي و ارتاحي .. علشان صحتك و صحة المسكين اللي ينتظرك بره...
الجود التفتت لها وكانت ناويه تطردها بحكم انها مالها دخل فيها بس تذكرت اخر كلمه، خالد معقوله يكون رجع علشانها و ينتظرها بقهر: من اللي ينتظرني؟؟
الممرضه: ابو زوجك ..
الجود وهي حاسه باحباط: اطلعي..!!! انااااااا ما عندي استعداد اقاااابل احد!!
الممرضه خافت من الجود اللي صابتها حاله هستيريه و طلعت و بمجرد ما طلعت دخل بـوبدر وهو شبه مترنح: الجود!1
الجـود عطت عمها نظره قويه بعدها قررت تنهار وتبكي وتستغل الوضع: عمي اهـ اها اها اها اه
بو بدر بهدوء: الله باذن الله يعوضك خيـر...
الجود ظلت تبكي: كله من خالد كله من خالد!!!
بوبدر : الدكتوره اكدت لي و انه رغم الرضوض اللي في جسمك... سبب الاجهاض كان الصدمه اللي تلقيتيها و الدواء خالد ماله اي دخل..
الجود وعيونها متوسعه: تقصد اني السبب في كل شيء!!!!!!11
بوبدر وهو معصب: ليش اخذتي البروذاك وانتي عارفه هو لايش بالضبط يستخدم..
الجود سكتت و ماعرفت ايش ترد هي كانت في حاله نفسيه صح لكن انها تاخذ دوا بهذي القوه من غير استشاره كان شبه انتحار:..........
بوبدر: وثقت فيك وسمحت لك تدخلين غرفه ام بدر مع انها ما تسمح لعيالها حتى يدخلونها لحالهم... وفوق هذا رحتي وفتشتي في اغراضها!!!!
الجود تذكرت الاوراق و الصـوره: الاوراق؟؟؟
بوبدر: اوراق خاصه بام بدر!! و مافي اي سبب يجبرني ابلغك بمحتواها!
الجود: اللي في الصـوره هي..............!
بوبدر: انسـانه عزيزه علي و على ام بدر ........ هذا كل اللي اقدر اقوله لك
الجود: بس...
بوبدر: الاسلم لك يا الجود ان حوارنا يتنهي عند هذا الحد!! جوري ان عرفت ما راح ترحمك او ترحم احد من اسرتك..
الجود: جوري؟؟ من جوري؟؟؟
بوبدر حط يده على شفايفه شلون زل لسانه و قال اسمها: انا قلت جوري؟؟؟
الجود : جوري هو اسم صاحبه الصـوره صح؟؟
بو بدر: انتهى كلامنا... ان عرف خالد ما راح يكون عندي عذر حتى ما ابلغ جوري....
الجود حست بخوف من تزوجت خالد و عرفت ابوه في حياتها ما كلمها بهذا البرود وهذي اللهجه .. جوري هذي ايا كانت... شخص كبيـر و قوي اكيد..... بو بدر طلع و تركها لحاله... الجود رجعت ظهرها للسـيرير و هي تفكر في اللي شافته معقوله تتركه بهذي السهوله... هذا الشيء اللي ممكن تستغله ضد ام بدر و بقوه... و تلوي ذراعها....: جوري.... انا متأكده اني شخص اعرفه يكره هذا الاسم... بس من؟؟؟
اللحظات لما تكون سعـيده تـمر على الناس بسـرعه كبــيره و لما تكون حـزينه تمر صعبه و طـويله.... يـوسف و خوله كانوا مثال على اللحظات السريعه السـعيده.. قرروا يتركون لندن و ياخذون رحله حول اوروبا كشـهر عسـل جديد و حقيقي لهم... ابتدوا في فرنـسا.. زاروا برج ايفيل و حدائف فرساي .. ركبوا الخيل، و الدرجات مع بعض.. و اتجهوا للنمـسا و تسـلقوا الجبال و ركـبوا القوارب شافوا اشـياء مع بعض عمره يـوسف ما شافه...لانه كان دايما يسافر للشـغل بس... خوله علمته اشياء كثـيره بما انها رجعت خوله الاول... ركبت الدراجه الناريه عطته الخوذه و طلبت منه يتمسك فيها و هي تقوده في الشوارع و المزارع الكثـيره.. تسـوقوا في المانيا حتى يتفرغوا للرومانسيه في ايطاليا مدينه الرومانسيـه المكان اللي تواعدت فيه خوله مع افراح صديقها العزيزه...
من جهه ثانيه الوقت كان يمر مر و طويل على الجـود و خالد... من رجع خالد وهو متجاهلها صحيح ينفذ كل رغباتها بهدوء بس من غير نقاش و لا حتى كلمه سلامات... الصـوره اللي شافتها و الاوراق اللي قرتها كانوا دايما في بالها.. كانت تبي تقوله عنهم لكن تهديد بو بدر اللي كان جاد خوفها كثـير.. ام بدر من رجعت وهي متجالتهم.. زارتها مره وحده تحمدت لها السلامه وبعدها رجعت لشغلها ، خالد كان يطلع للشغل و برجع بعد العصـر يشوف رغباتها و بعدها ينام في الغرفه الثانيه.. كانت تحس بالم تحبه صحيح لكن حبها له زاد ببعده .....
رومـا..
يوسف كان جالس على طاولته يشرب له كوفي مع عامر زوج افراح اللي قابلوهم حسب خطه خوله و اتفاقها مع صديقتها. في الوقت اللي راحت فيها خوله مع افراح يتسوقون في المحلات..
يوسف بضحك: تصدق اننا تسوقنا لسنه في المانيا حتى ما تتسوق هنا!! بس ايش نسوي ..
عامر بهدوء: يظهر يا يوسف ان خبرتك في النسـاء قليله رغم تصرفاتك و مظهرك... الحريم غرامهم التسوق..
يوسف بابتسامه : شكلك خبيـر..
عامـر: اكيـد.... شخص في مستواي و بمظهر تتوقع متعته الوحيده ايش ممكن تكون غير النساء..
يوسف صدمته كلمته: ايش؟؟؟ اي نساء..
عامـر: خوله اكيد ما قالت لك اني اتزوج مساير...
يوسف: مسـاير!!!! تتزوج؟؟ و زوجتك تدري؟
عامـر: اكيـد!!!! انا انسان دبلوماسي و منطقي... اذا بغيت شيء اسويه من غير حرام.. شفت وحده وعجبتني اتزوجها مساير كم يوم وبعدها ننفصل... هي تستفيد وانا استفيد...خصوصا لما تكون من اسره فقيره و محتاجه مبلغ تعدل فيها مستواها وحياتها
يوسف من غير نفس: وطبعا بهذي الطريقه اقنعت زوجتك!!
عامـر: افراح انسانه هاديه ومالها في المشاكل و ما تحب تهدم بيتها و تضيع مستقبلها و متقبل بنتها الوحيده.. اللي على حسب قولها ما عندها استعداد تجيب غيرها في الوقت الحاضر..
يوسف: لان بينكم مشاكل؟؟
عامـر: مشاكل اكيد تمزح... افراح برمجت نفسها اني لما اكون عند وحده من حريمي المسيار.. تتخيل اني مسافر لشـغل بما اني اغلب الوقت اشتغل .. و السبب في عدم رغبتها في الانجاب في الوقت الحالي انها ما تبي تفقد شيء من جمالها و خايفه اني اتركها لوحده ثانيه..
يوسف : يعني انت ما تحبها..
عامـر: تقدر تقول اني تعودت عليها!!! كنت احبها في بدايه زوجنا لكن مع الوقت تحول هذا الحب الى اعتياد و صداقه.. لما تزعل او لما اتزوج وحده مسيار اراضيها بسفره للخارج او هديه غاليه...
يوسف حس انه مقهور و عنده رغبه كبيره في ضرب عامر.. صوره محسنه عن فـهد اخوه.. فهد كان في نظره الدنيا كلها لعب و استهتار و فلوس .. تزوج انسانه رقيقه و طيبه و ما قدرها .... عامر كان احسن من فهد بشيء واحد انه.. كان مخصص جزء بسيط من وقته وحياته لزوجته و معوضها بالفلوس مع انه المفروض يعوضها بالحب... اعتياد..
هل فعلا ممكن يصير كذا بعد مده من الزمن مع خوله رغم الحب اللي يشعر فيه اتجاها؟ بس ام بدر و بو بدر كانوا مثال كبيـر على الحب اللي يستمر لوقت طويل... هل راح يصير مثلهم او راح يصير مثل عامر و افراح
عامـر هز يده قدام وجه يوسف: يوسف؟ لوين رحت..
يـوسف من غير نفسك: معك...
عامـر : ايش رايك اسوي اختبار لحبك للنـساء..
يـوسف: ايش قصدك؟
عامر هز براسه باتجاه الطاوله اللي كانت جنبهم بنتين جلسوا عليها من و شوي و عيونهم عليهم كان لبسهم كله ستايل غربي تنانير قصير فوق الركبه منفوشه قمصان ضيقه مفتوحه من فوق و ثلاث ارباع اليد ظاهره و الشعر تسريحه و مصبووووغ غير الميك اب الفل رغم ان اعمارهم ما كانت تتجاوز 18 سنه : عيونهم عليك من دخلوا..
يوسف هز راسه اسى عليهم و حرك وجهه عنهم: استغفر الله... هالبنات اللي يلبسون هالاشياء في الغربه و يتصرفون بهذا الشـكل صاروا يشوهون سمعتنا و شرفنا...
عامـر: واضح من ملامحهم خليجيات رغم كل التظاهر... اي وحده بتختار...
يـوسف: ما عندي اي رغبه اختار منهم!! الحمد لله عندي زوجه...
عامـر ضحك و هز يده للبنتين ... البنت اللي كان عاجبها عامر ركضت لعندهم و جلست جنب عامر... : حرام كسـرت بخاطر صاحبتها...
يوسف انقهر و قرر يقوم... لما البنت الثانيه مشت لعندهم وهي تتظاهر بالاستحياء و جلست جنبه
من جهه ثانيه خوله و افراح رجعوا من التسوق و كانوا في قمه الفرحه لما لمحت افراح تلويح عامر للبنت: تشوفين ياااا خوله...
خوله حست بالاسى على حال صديقتها اللي تنذبح الف مره في كل مره تشوفه مع غيرها... صحيح تتظاهر انها ما تتاثر في سبيل بيتها و بنتها لكن الحزن صار امر و شيء كبير في حياتها: الله يكون في عونك...
افراح: حتى واحنا مسافرين ما يقدر يعطيني اهتمام.... انا بايش مقصره في حقه.. كل شيء يبيه اسويه... اخدمه بعيوني قبل يدي... معيشته رومانسيه طويله و عميقه ليش ليش..........شكله ماهو مكتفي وناوي يعلم زوجك خراااااااابيطه!!
خوله حست بطعنه في القلب وهي تشوف البنت الثانيه تجلس جنب يوسف وكانت بتنفجر بس لما شافت يوسف يقوم من مكانه و يمشي بعيد عن الطاوله حست براحه و سعاده كبيره: يوسف غير يااا افرااااااااح...
افراح: كلهم غدااارين يااا خوله ......ز لا تتركينه يخدعك
خوله قهرتها كلمه افراح حتى و ان كانت صديقاتها العزيزه ماهو حقها انها تتكلم عن زوجها بهذي الطريقه: اسمحي لي يا افراح بس انتي اللي عطيت عامر حريه مطلقه... وهذي اخرتها!!
افراح بابتسامه حزينه: حتى لو ما عطيته كان راح يصير هذا الشيء... كلهم كذا بعد ما ياخذون اللي يبونه.. يوسف ما لمسك صح!!
خوله انفجر خجل من كلمتها شيء نسته وما قالته لافراح حتى و ان كانت صديقتها العزيزه: شـ....لووووون عرفتي!!
افراح: لانه لسى يتصرف بحب و رومانسيه... لكن بعدين راح يتغير اذكري كلامي هذآآآ
خوله نزلت راسها و الف فكره و فكره في بالها... كانت متاكده ان يوسف ما راح يتركها بعد ما وعدها لكن حاله افراح اللي تصعب على اي شخص فشلون لصديقتها العزيزه حسستها بالم و خوف.... معقول يتركها يوسف...
افراح ضحكت: مثل ما توقعت...
خوله رفعت راسها و انصعقت ... يوسف صحيح وقف وبعد عن الطاوله لكنه كان واقف مثل التمثال مصدوم وهو عيونه على وحده واقفه على مسافه اقل من متر قدامه... خوله توسعت عيونها وهي تتامل الوحده...
كانت بنت طويـــله جسمها ولا عارضات الازياء الخصر الضعيف الكتفين العرضين الشعر البني الطويل لاخر ظهرها صحيح ملامح وجهها ما كانت واضحه لكن واضح من بعيد انها ملك في الجمال... يوسف عيونه كانت مبهوره ....
هل يوسف مثل ما قاااااااااااالت افراااح فعلااا... لااااا ... لمااا عرفت ان فيصل خااااااااين ما تأثرت.. لكن...انها تشوووف يوسف حبها و فارس احلامها يخووونها لاااااااااااااااااااااااااااااااااااااااااااا
من غير تفكير خوله رمت الاكياس و انهارت على الارض تبكي...
تضل الروح مشتاقه
تبي شوفته واشراقه
تضل الروح مشتاقه
تبي شوفته واشراقه
تعالى وجل خلاقه
فديت حسنه البراق
فديت حسنه البراق
ابيني لي قربه دايم
وفكري بالغلا هايم
وقلبي بجوها حايم
لأنها جنه المشتاق
لأنها جنه المشتاق
تروح وتزعل وتأتي
وترضى وتبعد آهاتي
تروح وتزعل وتأتي
وترضى وتبعد آهاتي
واقول ان هذه امناتي
لأنها اصدق العشاق
تروح وتزعل وتأتي
وترضى وتبعد آهاتي
واقول ان هذه امناتي
لأنها اصدق العشاق
اكتم واصبر وانطر
لأجل عينه انا انطر
وفي عيني السما تمطر
لكن ربي كتبلي فراق
لكن ربي كتبلي فراق
تضل الروح مشتاقه
تبي شوفته واشراقه
تعالى وجل خلاقه
فديته حسنه البراق
يا حبي وسبة جنوني
يا اغلى الناس في كوني
يا اغلى الناس في كوني
يا حبي وسبة جنوني
يا اغلى الناس في كوني
اصونك وانت في عيوني
ما دام القلب بك خفاق
نفذ صبري وتفكيري
متى يا حبي بتجيني
متى تضوي عليه ليلي
تره بعدك لي ما ينطاق
تره بعدك لي ما ينطاق
تضل الروح مشتاقه
تبي شوفته واشراقه
تعالى وجل خلاقه
فديته حسنه البراق
يتـــبع:
التووقعاااااااات:
1- الجود هل راح تلتزم باتفاقها مع بو بدر و ما تتكلم عن اللي شافته؟
2- ايش راح تكون اخر الحياه البارده بين خالد و الجود؟
3- ام بدر هل صحتها في تقدم ام سوء خصوصا انها حزنانه على يوسف؟
4- الجوري على ايش ناويه ان كانت فعلا حيه؟
5- يوسف و خوله ايش راح تنتهي عليه مشكله الغير اللي زرعتها افراح من غير قصد؟
6- البنت اللي شافها يوسف من؟؟؟
7-
8
9
10
انتظــر توقعاااتكم و افكااااااااااركم للبارتات الجااايه
هلوووو ســوووري انا قلت انه دور الاسـبوووع المهمم..
البآآآآرت الجاي يوم السبت اوكــي...
مجهزه لكــم مفااااجاه هالبـاآآآرت
اسكن عيوني يالغـلا وجفونـي تغمـض عليـك
خذ ما تشا من دنيتي بس لا تقلـل مـن غـلاك
لو يعذلوني كلهم ما اسمـع كـلام النـاس فيـك
انت الغلا وانت الهوى وانت الجوى وانت الملاك
شوفتك بالدنيا معـي وابيـع غيـرك واشتريـك
انت الوحيد بناظري ما ترقـب عيونـي سـواك
لا رق ليل العاشقين روحي مع النشـوه تجيـك
تتحرك غصون الهوى في خافقي بنفحـة هـواك
محبتي لك صادقـه مـن كـل قلبـي اهتويـك
واحلى الليالي في العمر قضيتهـا وانـا معـاك
مالك شريك في الحسن وفي خافقي مالك شريك
كلمة احبك قلتها يـا زينهـا وهـي مـن شفـاك
انت المنى وانت الهنا وانته على روحـي مليـك
شوفتك تجلب راحتي وبعدك عن عيوني هـلاك
حتى ولو جالس معي اسبح بك و اولـه عليـك
كلمة غلا لو جابها غيـري تمثـل لـي غـلاك
البارت الثامن عشـر..:
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك