رواية عشر اسباب خلتني احبك تسع منها مدري ليش -15
ظل فراس يتذكر الايام اكثر واكثر ..
سحر ولمياء دخلوا .. ومروا على طاولة فيها بنتين نفس عمر سحر
وحده اشرت ع سحر وتهمس بأذن صاحبتها
وقاموا يضحكون بشكل يقهر .. سحر ماقدرت تصبر زياده
التفتت وراحت عندهم وضربت ع الطاوله
سحر : سلامات مو كأنكم تتكلمون عني ؟
بنت بإحتقار : خير جايه عندنا ؟ زعلانه لان هنوف راحت ؟
سحر عرفت انهم بنات من الجامعه لان هي وزعت كروت كثير لصاحباتها ولغير صاحباتها
سحر : ومين قال اني زعلانه ؟ تطلعين كلام على كيفك مع وجهك (رفعت حاجبها) مو كأنك ديما ؟!
ديما : مااشاء الله عليك , عليك عقل موطبيعي صراحه
سحر اتذكرتها , ديما هي السبب ب خراب سحر (ديما وليس ريما =P ) وهي السبب الي فرقت بينها وبين الين ~
بس الحين الكل يشهد لعداوتهم
البنت الي مع ديما : سحر بالجامعه غير وحركاتها استغفر الله , وهنا البنت الطيبه دلوعة اهلها
بنفس اللحظه مرت وحده معها انواع مختلفه من العصيرات
سحر خذت لها كاس ماهمها أي عصير ومسكته بطريقه متكبره
سحر : هه ليه تغاارين ؟ اكيد لاني سحر والكل يغار من سحر ع العموم مابطول معكم (شربت شوي وبعدته بسرعه) ماعجبني (حطته ع الطاوله وتعمدت تحطه بطريقه غير متوازنه)
وانـــــــ ـــــــكب ع ديمـآ
ديما وقفت : هييييييييييييه
سحر حطت يدها ع فمها : اوووبس ماكنت اقصد
لمياء جات : سحر تعااالي امي تبغانا كم مره اقول ؟
سحر : اوكي ...
مشت مع اختها ولا كأنها سوت شي
ومروا على طااولة ام وليد .. لمياء ابتسمت لها
ام وليد بغرورها وثقتها كالعاده : لمياء
لمياء التفتت : هلا
ام وليد : اخبارك ؟ واخبار الدراسه ؟
لمياء ابتسمت : ما اخبي عليك صعبه شوي بس الله يوفقني وان شاء الله ارفع الراس
ام وليد رفعت حاجبها: ماشاء الله عليك واثقه ؟
لمياء ارتبكت : اي اكيد واثقه , اذا نسبة الثانويه العامه 99 فـ أكيـ.....
قاطعتها ام وليد : اجل وين ام عبدالمجيد مااشوفها ؟؟
لمياء بقلبها : عطتني طاف -_-
سحر تأشر على امها : شوفيها هناك ..
ام وليد ابتسمت لهم يعني شكرا ..
ردوا لها الابتسامه ولما بعدوا شوي
سحر : بسم الله وش تبي ذي ؟
لمياء : سحر بلا رجه احترمي الحرمه
سحر : هه ليه احترمها ولا عبرتني ولا كأني موجوده .. حتى انا ادرس ومتفوقه بدراستي
لمياء : تكفين يالمتفوقه نسبه الثانويه 72
سحر : احم احم
انزفت العروسه لـ عبد المجيد ..
فتحوا البوفيه والكل راح يتعشى.. وسرعـآآن ماخلص العرس ..
دائما المناسبات الحلوه تخلص بسرعه ..
سلموا على عبد المجيد ورجعوا للبيت
سحر تبي تنام تعبت كثير ولا همها ان مجيد تزوج اصلا , هي مالها علاقه فيه كثير مقارنه بفراس
لمـيآء حزنت حيل فقدت اخوها الي يفهم عليها حيل وخصوصا ان ثنينهم داخلين مجال طب ..
فراس يكتم مشـآعره مايبي يبين لهم انه متأثر او اي شي .. خصوصا للميـآء الي تعتبره بزر ومراهق على قولتها
اما الام والابو فـ عادي عندهم لانها سنة الحياه بحكم تفكيرهم
الاب يشتغل بشركة مدير شركه بأسمه ..
ينافس شركة داني و فهد
ساكنين بـ فله كبيره مره وتوسع لهم ولضيوفهم ..
وعندهم برآ حوض سباحه وملحق وساحه خارجيه واسعه ..
كل الناس يمدحون عايلة بو عبدالمجيد ويضربون فيها الامثال بحكم انهم عايله متوااضعه ومتماسكه ومتحاابه والعيال مايتهاوشون ومحترمين ...
بس يــآآآتررى هل كلام الناس بمحله ؟؟
صرآآآخ هز اركان البيت هز
سحر بصراااخ : فرااااااااااااس ماني براايقه لك ياريت تفكني وتسكت
فراس : مالت عليك وعلى وجهك انطمي لا اشق فستانك الحين
سحر بصراخ حآد هز البيت : مــــــــــــــــــــــــــــآآآمآآآآآآآآآآآآآآآآآ آآآآ
فراس حط يده ع فمها : سكتي سكتي , كل هذا اني سألتك عن البنات حلوين ولا لا ؟
سحر : بس عن البنات ؟ مو توك تتريق ع هنوووف
ام عبد المجيد جات : وانتووا ماتسكتووون الى متى الصرررراخ ؟ كأنكم بزران
طبعا بو عبدالمجيد ولمياء جالسين مع سحر وفراس بنفس الصاله
وسبب عدم تحركهم انهم تعودوا على هالموواال طوووووووووووول السنين
^
كانت لمحه بسيطه عن عايله جديده ~
_________
في بيت فهد
ملاحظه : منال صار عمرها 30 سنه
منال بغرفتها وهي تبكي بحرقه على حظها
بنت عمها الين الي تصغرها بـ 9 سنوات بتتزوج قريب
وهي لآ .....
منال صرخت بكل ألم !
لا ليلها ليل , ولا نهارها نهار
ماتتهنى اذا جلست مع صديقاتها
او راحت لعرس
او راحت المدرسه ~> هي معلمه
الكل يتكلم ويتكلم ولسان الناس مايسكت !
أألـــم .. ألم ـم ~
صرخة ألم ترجو ألآمـل !
ــــــــــــــــــــــــــــــــــ
في بيت طلال
سليمان واقف عند باب الغرفه !
سليمان : يلا طلال افتح الباب , مايصير كل يوم تقفل عليك الغرفه وتتكلم بالجوال كأنك خاطب
طلال بـ عالم ثاني !
طلال : آمري تدللي طلبي الي تبين
ألين : آممممم شرايك تجي بيتنا ؟
طلال يقلدها : آآممممم شرايك انتي تجين بيتنا ؟
ألين : لأ مايصير ><
طلال : امبلا يصير ! انتي بتجين بيت اهل زوجك
ألين : آآممم أوكي , منها اشوفك ومنها اتعرف على الاهل
طلال : ايوا , شفتي كيف !
ألين : ابي اقولك شي !
طلال : شنو ؟
ألين : دائما قبل ما اشوفك اكون متحمسه ومستانسه و ودي اسولف معاك , بس لما اشوفك ينربط لساني ولا اقدر اقول أي كلمه
طلال : يعني تستحين ؟
ألين : ايه , تتذكر الملحق ؟ كنت متحمسه قبل لا اشوفك , وكل شوي اقول متى اروح ومتى اروح , بس لما شفتك انربط لساني
طلال : ياحليلك يا الين , وطلعتي تستحين , اجل وين ايام المدرسه هاه ؟
ألين : ههههههههههه عاد ايام المدرسه غير ! تقدر تقول مراهقه وجرائه
طلال : يوم كنتي صغيره جريئه ولما كبرتي تستحين
ألين : ايه !
طلال : اجل انا العكس , الله يعينك
ألين : الله يعين الجميع
طلال : اوكي اليوم بـ امر عليك
ألين : اوكي
طلال : يلا مع السلامه
ألين : سي يو
سليمان : طـلاآآآآآآآآآآآآآآآآآآآل انت تفهم عربي ؟
طلال : يارربي (فتح له الباب) حتى لما صرت بغرفتي الخاصه تبي تدخل ؟ يعني ما اخذ راحتي حتى بغرفتي ؟
سليمان : ابيك بموضوع
طلال مكشر : خير ؟
سليمان : لازم تصير نفسيتك حلوه عشان اقول
طلال ابتسم ابتسامه مصطنعه : خير حبيبي ؟ امر ؟
سليمان ابتسم : ايي , شسمه , في معادله في مادة الكيمــ..
طرآآآآآآآخ
سليمـآن : ليه سكرت الباااب بوجهي ؟ افتح الباب ماخلصت
رن جوال طلال !
طلال : رقم غريب ؟ مين ذا ؟
طلال ردّ : نعم خير ؟
..... : خطيبتك ماضيها خراب بـ خراب !
طلال جلس بـ رواقه : غردي غردي !
..... : ألين كانت بـ مدرسة اولاد , و ولد عمها شافها مع ولدين قبل 4 سنوات
طلال : طيب ؟؟؟؟
...... : الييين وحده .....
قاطعها طلال : والله انك فاضيه
طوط طوط طوط طوط
مين تتوقعون ؟!
ـــــــــــــــــــــــــــــــــ
جلس فراس الساعه 6:40 المغرب راح صلى المغرب ورن جواله ..
الي لقى احبابه نسى اصحابه يادنيا ياغرااابه
فراس : ياادنيا ياغراابه , (و رد) الو ؟
... : ....مو هذا جوال رندا ؟
فراس بعفويه : لا ايّ رندا ؟! انا فراس !!
... : طيب فروسي سوري على الازعاج باي
فراس يبي يحرق اعصابها : مافي مشكله اخووي
... : انا بنت
فراس ابتسم : عارف
... : لو سمحت الزم حدودك
فراس : انتي الي لزمي حدودك ماخذه رقمي وتستهبلين
... : صدق واحد مو متربي ولا متعلم الادب
فراس عصب جد : انا مو متربي ؟ لا تعالي وعلميني الادب .؟ مادري منو قليل الحيا الي داق على واحد ويقول موجوده رندا , استدراج غبي
... : استدراااااج ؟؟ شنو ابغا فيك انا ؟ وبعدين انا ماهتم للامور التافهه هذي خصوصا لما تكون مع امثالك
فراس : ياليت تسكتييين !
... : صدددق تربية ### وقليل ادب ومو متربي روح اذلف يلالا
فراس يصرخ : مين الي مو متربي ؟؟ انا ماقلت الكلام الي قلتيه يا @@@ ياااا @@@
... شهقت: كلمات زي وجهك
فراس :انتي شايفه وجهي عشــآآن تتكلمين
... : يـــآآآ ولد الـ@@@
فراس بقق عيووونه وفتح فمه اول مره احد يقوله كذا : انا ؟؟ انا ؟؟؟ والله لاوريك ثمن كل كلمة قلتيها
... : مايهمننننننننني انقلع .. اخر زمن اناااا اكلم اشكالك .. (وسكرت بوجهه)
فراس استغرب اول مره احد يهينه او يصرخ عليه . لا وبنت بعد.
فــــرااس وده يذبحهههاا ويقتلها و و و ووووكل شي
فراس : والله لااطلعك هويتك واروح لك و ... استغفر الله بس والله لاخليك تندمين والللله
ــــــــــــــــــــــــــــــــ
في بيت دآنيال
دانيال متفاجأ : نــــــــــــعم ؟ بترجع البيت ؟
الاب : ايه
دانيال تردد : بـ ـس بس بـ ـس .. بس هم قالوا 5 سنوات ؟
قال بقلبه : 5 سنوات اجازه هادئه
الاب : امك مريضه وتعبانه ويمكن تطيح بأي وقت , اصلا هي تبي ترجع وتتوب وتترك دينها
دانيال جلس ع الكنب بصدمه : انت تعرف شنو يعني لورا في البيت ؟ يعني ازعاج يعني مقبره يعني موت وكتمه
الاب : شدعوه يا ابوك ؟ هذي اختك من لحمك ودمك
دانيال : البنت كبرت , وبتطلع لي كل يوم بسالفه جديده , وانا جد مو رايق
الاب : معلييه تحملها , وهي من لها غيرك ؟
دانيال : الله يطول بعمرك يا يبا !
الاب : انا مو دايم لكم يا ولدي , دوري بهالدنيا قرب ينتهي , وانت اولى بأختك من كل الناس ! عدل كلامي ولا لا !
دانيال : حاشاك من الخطأ يا ابوي , بس ............
قاطعه الاب : المهم انهم بيرجعون , وهذاني عطيتك خبر
ـــــــــــــــــــــــــــــــــــ
مكالمه ~
ساره : والله ان هالفيصل مجنني , ما ادري انتبه عليه ولا على سدن , اثنينهم اطفال ولازم البي احتياجاتهم, مادري اشيل همها ولا همه ولا همي , وزياده على كذا كل الشغل فوق راسي , الوظيفه و تعديل البيت والطبخ والتنظيف والتلميع ولازم اكون بشكل حلو دائما عشاني وعشان حظرته , وبعد كل هـــــــــذا يقول لي شرايك بـ اخو لـ سدن ! والله الرجال مايحسون بـ الحمل حسبالهم 9 شهور شويه , طيب غضينا البصر عن الحمل , شـ اقول عن الولاده ؟ والله اني ظليت يوم ونص انتظر هالسدن تطلع , ياررررربي احر ماعندي ابرد ماعنده ....... الين وينك ؟
ألين : معـآك معاك , عقدتيني من الزواج
ساره : انا ما ابي اعقدك , وبعدين كل وحده وحياتها الخاصه
ألين : صح كلامك , راح احاول اخلي حياتي احسن منك !
ساره : لا والله ؟ اتحدآك تسوين ربع الي سويته , اصلا انتي ماتدرين ....
دخلت الخدامه : مستر تلال تهت ~> مستر طلال تحت
ألين مستانسه : يلا يلا مع السلامه !
ساره : اووف مالت عليكم اثنينكم , يابزران انا وفيصل كبار وعاقلين و ........
قاطعتها ألين : blah blah اوكي اوكي , يلا مع السلامه سيا
ــــــــــــــــــــــــــــــــــ
في لندن
الام : بعد يوم سـ نعود إلى الوطن
لورا : الوطن لندن , وليس الظهران
الام : لورا (قاطعها رنة الجوال) الو ؟ اهلا ريتشل (اتفاجأت) ماذا ؟ الطائره اجلت رحلتها ؟ لماذا ؟ .. اممم حسنا حسنا شكرا على اتصالك
لورا سوت روحها ماتدري : هل هناك شيء ؟
الام : الطائره اجلت رحلتها الى بعد اسبوعان
لورا فرحت بـ اصطناع : وااااااو , انها هديه من السماء , الرب يحبني
الام ناظرت الارض بهدوء بعدين رفعت راسها : لقد جائتني فكره !
لورا فرحت
اكيد الي في بالها
امها بتوافق وتقول راح نظل على طول في لندن
لورا بـ امل : ماهي ؟
الام : مارأيك نقضي الاسبوعان هنا في لندن
لورا ابتسمت واتجهزت لـ صرخة وناسه كبيره بس .....
الام : ويأتي داني ليقضيهم معنا ونعود الى الظهران بالاخير
لورا بصدمه : مـاذ... لـنـ .. دآنـ,,؟ ولكن داني ؟ هل ... يأتي ... داني ؟؟
الام : فكره رائعه اليس كذلك ؟ سـ اتصل به حالا
راحت الام
لورا بصرخه : آآآآآآآآآآآآآآآآه
ـــــــــــــــــــــــــــــــــــــ
لما راحوا بيت طلال
ألين : طلال حياتي اخوك سلوم بزر ليه اتحجب منه ؟
طلال : ياااصبر ايوب , الين فهميني! صار رجّال عجل كبير , بـ ثالث ثانوي شلون ماتتحجبين عنه , وبعدين لاتقولين سلوم تحسسيني كأنه بـ اول ابتدائي !
ألين : بس هو اصغر مني !
طلال : اقول يلا لبسي العباة والحجاب
الين وبيدها عباتها وحجابها : مابي مابي مابي
طلال طفش : المهم خل ندخل المجلس , بس تراني ماخلصت من الكلام !
الين : بتجلسني بالمجلس ؟ لا ياحبيبي ابي ادور البيت كله واشوف غرفتك و ...
قاطعها طلال : اوكي بس بالبدايه روحي المجلس عشان يضيفونك الاهل
ألين : اوكي
مشت بخطوات واثقه
و كان طلال يمشي وراها
دخلت للمجلس وياريتها مادخلت
اول مافتحت الباب
الكل : سبرآآآآآآآآآآآآآآآآآآآآآآآآآآآآآآآآآآآآآيس
وقفت هي وطلال متفاجئين بالموقف
ارتسمت عليهم علامات الاحرآج
اليوم كان عيد ميلاد طلال بالميلادي
والربع مسوين له مفاجأه
خل اقول لكم مين !
( دآنيال , فارس , نور , سليمان )
طبعا الكل انحرج
لان الين ماكانت لابسه عباة
ومتكشششخه ولابسسه احلى لبس
دآنيال بصعوبه : عـ ـاد ي صـ ـح ؟
طلال مسك كتف الين بهدوء
وراح معها غرفته دون مايتكلم
خلاها تجلس ع الكنبه الي بغرفته
طلال بهدوء : لاتتحركين شوي وراجع !
غمض عينه وتنهد , ورآح
الين بقلبها : الله يستر !
خل نشوف ايش صار ؟
طلال بعصبيه وصرآخ : يـآ ##### يـــآآ #####
سليمان خاف : طلال والله اسف , اصلا ماتوقعت تدخلها المجلس !
طلال ناظر سليمان بنظره مجهوله ! وسليمان خاف
نور يوجه كلامه لـ سليمان : وانت حضرتك عارف انها بتجي وساكت ؟
سليمان : والله مادري انها بتدخل المجلس , حسبالي بيروحون الغرفه !
فارس : انت غــبي ؟؟ شـ بيسوون هناااك ؟
سليمان بعفويه : من بعد سالفة الملحق ؟ صراحه اتوقع أي شيء !
طلال نزل راسه وغمض عينه و واضحه حركة صدره من العصبيه
دانيال : معليه طلال امسحها بوجهي !
طلال رفع راسه وفتح عينه : وانت بتكحلها حضرتك ! اجل "عادي صح" هاه ؟
دانيال : توقعت انك ترضى , خصوصا ان احنا كنا بمدرسه وحده لما كانت محمد
فارس انصدم : هـ ـذا ؟ محمـ؟؟ هذي الين ؟ ماغيرها ؟ خطبتها يالسباله ! والله عليك ذوق خطير (سكت وحس على روحه) !
دانيال من قلب : الله ياخذك , الله ياخذك كانك فتحت علينا سيره جديده !
سليمان مستغرب : شسالفه ؟
نور : معليه طلال سامحه , طلعت عفويه!
طلال رجع لـ حالته [ الهدوء قبل العاصفه ]
فارس : ياخي ماقلت شي غلط ! البنت حلوه فيها شي يعني ؟ بالعكس احنا ديموقراطيين , وبعدين لاتنسى اني صحفي ومتعود على كلمة الحق , الحق لازم ينقال ! ولا تبيني اكذب !
سليمان : الله يرحمك يافارس , كنت خوش رجّال !
نور : والله محد ورطنا باللي احنا فيه الا سليمان !
دانيال : طيب خلاص شباب خل نطلع ونخلي المعاريس ياخذون راحتهم !
طلال : زين حسيتوا على روحكم !
فارس : طيب والكيكه ؟
نور : والفوشار ؟
سليمان : والبلاي ستيشن ؟
دانيال بعصبيه : وطلاآآآآل ؟؟؟ خلوه براحته يلا يلا مشينا !
سليمان : هذا بيتنا ماني طالع ! انتوا طلعوا !
دانيال : سلوم بلا حركات بزران يلا بابا اطلع ويانا
طلال : يلا سليمان وياهم
سليمان : لحووول (فكر شوي) عندي اختبـ....
طلال بتطنيش : اطلع اطلع اطلع , مو علينا هالحركات
الكل اعتذرمره ثانيه لطلال
وطلعوا كلهم
طلال جلس ع الكنبه بتعب وارهاق
سليمان عند الباب : لحظه شباب بقول شي لـ طلال وراجع
طلال التفت عليه : خير ؟
سليمان : ترى البيت فاضي , امي وابوي مو موجودين
طلال سوه روحه مو فاهم : طيب شسوي ؟
سليمان غمز له : عليناا ؟ هاآآآآه ؟ اقول لك الملحق شفيك نسيت ؟
طلال : سليمان انقلع
سليمان : هههههههههههههههههه (وطلع)
طلال راح لـ الين !
ودخل الغرفه !
بس ماشافها ع الكنبه ؟
طلال : اليين ؟؟؟ الييين ؟؟
الين : هذآآآني
طلال : وينك ؟
طلال التفت وشافها فاتحه دولابه
وتشوف ملابسه
طلال : هييييه هيييييييه انتي خير ؟؟
الين : .....................
طلال قرب منها وسحب الملابس الي بيدها ودخلهم داخل الدولاب
طلال : ليه تفتشين بالدولاب ؟
الين : بشوف ذوقك بالملابس !
طلال : لا واللهي ؟ وبالله حاط اشياء خاصه !
الين بنظره سخريه : اتحدآك , عندكم اشياء خاصه ؟ وبعدين طفشت طول المده جالسه ع الكنبه (وقفت) يلا بسرعه وين الاهل ابي اسلم واتعرف عليهم وخصوصا على (شددت ع الكلمه) سلوومي !
طلال بقلبه : الله ياخذ هالسلوم !
طلال بتردد : ايه الين حبيبتي نسيت اقولك !
الين : شنو ؟
طلال بلع ريقه : ترى الاهل مو موجودين , طلعوا عشان يخلونا براحتنا !
ألين : خالتي وعمي موهنا ؟
طلال : لا !
الين : و و و مافي الا انا وانت بالبيت
طلال ابتسم : ايه !
الين بهدوء : آآممم لا مايصير طلال رجعني البيت
طلال : ليييه ! خل نجلس ونششوف فلم مع بعض ونطلب بيتزا
الين ميلت راسها : سوري ماقدر
طلال سوا الوجه البريء : والله اني مسكين , الله يوفقني مع بنت الحلال
ألين : نعععم ؟ تفكر في بنت ثانيه ؟
طلال : لا ابد ! اقصدك انتي بنت الحلال
الين ناظرته : لا والله ؟ يعني مشيتها علي ؟
طلال : والله من جدي اتكلم ! اقصدك انتي !
الين قلدت طلال غمضت عينها ونزلت راسها للارض
وقالت : انت تدري شسووويت بكلمتك هذي ؟
طلال حط يده على كتفها : هههههه الين تمزحين صح ؟
الين رفعت راسها وناظرته : انا معصبه !
طلال ابتسم بخبث : معصبه ؟
الين توهقت : ايه , وسوّ الي تسوي !
طلال : أي شي ؟
ألين بقلبها : وتستمر حالة الغباء تلازمني بعض الاحيان
ألين : طلال شرايك نرجع البيت !
طلال بهدوء يقلدها ويقرب : نـ ـر جـ ـع الـ ـبـ ــيـ ـت
ألين : يلا طلال متى بنشوف الفلم ؟
.
.
.
طوووط
ــــــــــــــــــــــــــــــــــــــــ
مكالمه ~
دانيال : شــنــــــــــــــــــــــــــــو ؟؟ انا اروح لندددن ؟
الام : ماذا تقول ياعزيزي ؟
دانيال : مستحيل يا امي مستحيل , على العموم سـ أكلم ابي ليذهب بدلا عني
الام : لا لا , ارجوك , اريدك انت ! حقق رغبة امك يابني , ارجوك اريدك انت
دانيال انكسر خاطره : مره واحده فقط !
الام : نعم !
دانيال ابتسم : لك ما اردت !
اقتنع دانيال بالسفره
و ودّع الربع
وراح للمطـــآر
وإلى لندن يا داني !
ـــــــــــــــــــــــــــــــــــــ
في السيـآره
وجنب بيت الين
طلال يكلم جوال : سليمان خلاص انا رجعتها البيت , وشوي وجايكم عشان تسوين لي سبرايس مره ثانيه ....... هههههه ايوا بسوي روحي متفاجأ , تعالوا كلكم هاه ؟ كل الشباب ...... يلا مع السلامه ....... هاه شتبي ؟ (قال له المحلق , وطلال سكر بوجهه)
طلال ابتسم والتفت على الين : اتمنى انك استانستي بالطلعه ؟!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك