رواية عيني بعينه والقلوب بعاد -14
الجزء الثامن والعشرون
منى تبكى:بيه خالد طلقني
ابوعبدالله:وش وليش اش صار
وينه فيه والله ما يفكني منه احد اليوم
على باله بنات الناس لعبه
منى تبكي:لا يبه خله الله يخليك
يبه ما ابي احد يعرف انا ابي
اعتد هنا في بيته
ابوعبدالله: وش وش تقولي انتي انجنيتي
منى:لا يبه بس هذا الشرع
ما ابي ائثم بيه و أوعدك بس تنتهي
العدة ارجع أوعدك ما ارجعله لو على قص
رقبتي
ابوعبدالله:لا حوله ولا قوة الا بالله
وش الي صار يبه وش الي خلاه يطلقك
منى بقوه كسبتها من ابوها:سواء يبه الي
يخليني ما ارجع له لو يجيني يحبي على ركبه
ابوعبدالله بحزن:دامك مانتي براجعة له ابد
روحي معي وش له تجلسي هنا لبعد العدة
منى:يبه هذا شرع ربي ولو علي رحت
معك وما قعد هنا دقيقه واحده
ابوعبدالله: اهم شي رضى ربك
وخالد هذا لو أشوفه ما فكه مني احد
منى:لا يبه لا توسخ يدك به
يبه الله يخليك لا تقول لعبدالله
ابو عبدالله:بس لازم يعرف اخوك
منى ببكي :لا يبه الا عبدالله والله لو
دري ليذبحه عبدالله حار ما يتفاهم
بعدين يعرف
ابوعبدالله:خلاص يبه بس لا تبكي
جلست مع ابوي شوي استأذن وخرج كان باين
عليه الحزن ادري اني حملته همي
طول عمري كنت هم على ابوي
يوم تزوجت لقت خلاص بريحه
الا بزاد همه هم يوم برج له وانا مطلقه
الحمدلله اني فكرت اخذ موانع تذكرت
كيف وافق خالد بسرعه على رأيي
ما كان يبي يبلش روحه مع ولد مني
ما صدق وافق وانا الهبله قلت انه اكيد
مراعي ظروفي
رجعت ما لقيت احد في الصالة حمد ربي
ما ابي احد يشوفني بها الشكل عشان ما
يسألوني عن السبب
طلعت جناحي أو جناح خالد لان فتره وبفارقة
رحت طلعت كل ملابسي وديتها غرفة الضيوف
وجبت لي مفرش ورتبت كل شي لا
من اليوم لثلاثة شهور جايه
لبست وتجهزت وسويت ماكياج بسيط
ولبست تنوره قصيرة على بلوزه ماسكه ويديها كت
من اليوم بالبدء خطتي
الحين بطلع الصالة لازم أبين له انه ما
همني ولا هز فيه شعره
قبل اطلع تذكرت
خالد:منى فكي شعرك شوي نفسي
يوم أشوفه مفكوك انا أموت على الشعر الطويل
رجعت بسرعه عند المرايه فكيته واخذت
بس أطراف شعري مسكتها بشباصه صغيره
طلعت واخذت الريموت أتفرج على
التلفزيون شوي الا وخالد داخل
جلس واقف عند الباب شوي
شكله مستغرب من وجودي هنا
شوي وقرب جلس على الكنبه القريبة
خالد:امي قالت لي ان أبوك كان هنا
رديت عليه من طرف خشمي
منى:ايه كان هنا
خالد بستهزاء:شو قلتي لبوك
منى:اكيد بقول له
خالد:اجل غريبة ما خذاك معه
لفيت عليه وقلت له بسخريه: لا انا بأكمل عدتي
هنا ليش ما تدري ان المرة لازم تعتد ببيت زوجها
طالع فيه خالد شوي: انتي اش ناويه عليه
منى:ولا شي ماني ناويه على شي
خالد:اجل وش قصدك من لبسك ذا
منى:عادي وش فيه لبسي ما فيه
ولا تخاف انا ما افكر ارجع لك ابد
خالد:منى انا مو ناكر عشره
وما كنت ابي الامور توصل لطلاق
بس انتي استفزيتيني ومدري كيف طلعت
مني ها الكلمة
لا يا حبيبي لما ما صارت الحبيبه موجودة
قال ما قصد ويوم هي مهنا اليد اش طوله
رديت عليه:لا خلودي اصلا هذا المصير بيني
انا وانت سواء الحين ولا بعدين
خالد:منى شوفي عادي نرجع لبعض
عشان أهلنا
قربت منه وجلست جبه ومسكت طرف
قميصه ورديت عليه بدلع
منى:لا لا حبيبي ما يصير خلاص
انا قلت لأبوي ووعدته بعد ثلاثة شهور
ارجعله
خالد وعيونه علي:ترى لو ابي أرجعك
رجعتك بدون شورك
منى:امممم بس في ذي الحالة برجع
لأهلي وهم بيخلوني أطلق بطريقتهم
صح
جلس خالد يطالع فيه شوي
خالد:الله من وين طلع كل ها الدلع
يوم كنا متزوجين ما شفته
قمت من جبه ورجعت محلي واخذت
الريموت اقلب
منى:يطلع متى ابي انا
عاد ما قلت لي متى الزواج ان شاء الله
أعزمني ابي احضر ترى
خالد وهو واقف بيروح الغرفه:اكيد انتي أول الحاضرين
منى:خلودي حبيبي ممكن تجيب لي تقويم
لف علي خالد: تقويم ليش
منى:عشان احسب الثلاثة شهور
خالد:ايه خلاص بكره اجيب لك
دخل الغرفه وانا جلست في الصالة
شوي وسمعت صوت دق على الباب
قمت افتح لقيتها الخدامة جايبه العشاء
منى:ليش جايبته هنا
سوني:مستر يقول طلع عشاء فوق
منى:آه طيب دخليه على الطاولة
دخلت سوني العشاء
جلست على الطاولة اتعشاء وما انتظرته
جاء خالد وجلس بدون ما يتكلم
تعشينا وبعدها قام خالد
خالد:انا رايح عند الربع
طالعته شوي: وانا وش يهمني وين رايح
خلاص ها الامور ما عادت من اهتمامتي
شفته شكله عصب:تكلمي معي عدل
ولا روحي لأهلك
منى:بروح بس تحملني ها الكم شهر
وما عاد انت بشايفني
خالد:انتي وين بتنامي
منى:في غرفة الضيوف خلاص
نقلت كل أغراضي فيها
خالد:شكلك مجهزه لكل شي
قمت وقربت منه وسكرة زر من أزرار
قميصه
منى بدلع:اكيد مرتبه كل شي
طالعت فيه وغمزت له بعيني
أعجبك ترى انا فهيمه
تركته ورحت لغرفتي
وانا لأفه بظهري وأشرت له بيدي
منى:بأي حبيبي تصبح على خير
دخلت غرفتي انسدحت على الكنبه
وتنهد بضيق اووفف باقي المشوار قدامي
طويل ولازم أكمل الي بديته
ما عاد اقدر أتراجع بعد ما قلت لأبوي
اني بجلس هنا
وخالد بعد ما ابي أبين له اني
استسلمت دامني بدية الخطة بأكملها
غمضت عيوني بنام لازم أنام بدري
بكره ورأي مشوار طويل
الجزاء التاسع والعشرون
مرت علي الأيام مع خالد
على نفس الأسلوب وزد عيار الدلع
اكثر صرت دايم قدامه متزينة
مره كان في الصالة يتفرج على التلفزيون
مريت من قدامه وانا لابسه بجامه
برمودة اسود ضيقه علي
جديدة لاني قلت لعهود تشتري لي
معها وهي تتجهز لزواجها الي تأجل لصيفيه عشان ضيوف زوجها خليتها تشتري
لي كثير ملابس
عشان لازم الخطة تمشي تمام
رحت لتقويم الي شريته اليوم الثاني
لان الأخ ما شراء
منى:خلودي حبيبي تصدق مر
علي شهر وأكثر من النص
قلت وانا اقلب في التقويم واحسب
منى:ام باقي لي شهر امممم وعشره أيام
بس وأكون في بيت ابوي
رحت وجلست بقوه بجنبه ومسكت
بيده وميلت راسي على يده
منى:خلودي حبيبي ما كن الأيام
تمر ببطى
لفيت طالعت فيه
منى:خلود اش فيك اليوم هادي
خالد فك يده مني ولف لي:منى ابي أرجعك
مدري الي سمعته صح ولا انا ما عد اسمع
زين
اصراحه مقدرة امسك نفسي
منى:تكلم جد
شفته ابتسم فرحان:ايه جد موافقة
منى:اوك بس بشرط
خالد بسرعه: الي تبين بسوية لك بس ارجعي
منى:طيب قبل الشرط ليش تبي ترجعني
مو انت بتتزوج قريب
خالد:لا خلاص ماني متزوج ابد انا أبيك
بس انتي منى انا والله العظيم احبك
ما حسيت اني احبك الا لما حسيت اني
بخسرك خلاص منى صديقني بعوضك
عن كل شي انا مقدر استغني عنك ابد
حسيت بفرحه كبيره يعني ما توقعت
تنجح خطتي كذا بسرعه
منى: اوك بس بشرط
خالد: قولي الي تبين بس اهم شي ترجعي
لي
منى:كم صار لنا متزوجين سبعه شهور ونص
صح
خالد: صح
منى:من تزوجنا الين ذاك اليوم الي تطلقت
فيه كان لنا ستة شهور و17 اليوم بضبط
خالد:منى خليك من كل ذا وش تبين مني
وترجعي لي
منى:متأكد انك بتنفذ
خالد:والله أنفذ لك كل الي تبين بس ترجعين
وتعيش مع بعض زي قبل
منى: اوكي اسمع برجع لك بس
ابي تشتري لي جوال وبروح السوق أول
واحد يرقمني بأخذ الرقم وبكلمه ستة شهور
و17 يوم وبعدها اروح أقابله وانت
تعال خذني من هنا وذاك الوقت
بانسى كل شي وبرجع معك منى القديمة
وأحسن بعد
خالد: منى انا اتكلم جد
منى:واحد قال لك اني انا الي امزح
خالد:منى عن الاستهبال مو وقته
قمت وقفت وبعد عنه
منى:والله هذا الي عندي تبي ولا كيفك
خالد بعصبيه:انتي مجنونه وش ها الكلام
الي تقوليه
منى:وش فيها عادي
خالد بعصبيه مرة: اذا عندك عادي انا
مو عندي عادي
منى بهدوء:بسوي زيك بس ما قلت
بسوي شي غير الي انت سويته
خالد:انا غير وانتي غير
منى بحده:في شو غير
خالد:انا رجال غير عنك
منى بعصبيه وصراخ:والله يعني انت مو حرام تكلم
وانا حرام انت ربي ما بيحاسبه اذا
كلمت فلانه وعلانه وانا بيحاسبني
شوف احنا عند ربي متعادلين فلحساب
يعني متعادلين في الغلط يعني ما فيه
فرق بين مره ورجال عند ربي عشان
انت تجي تخون وتقول عادي وانا حرام
وما يصير
وانا اصلا ما كنت بسويها لاني متربية
وخايفه ربي بس بغيتك تعرف
ان الي ما ترضاه لنفسك ما أرضاه
لنفسي وانا ما ارضى ارجع لواحد
عرف غيري واحده وثنتين ويمكن عشر
لان حياتني بتنبني على الشك وانت مره
قلتها حياه فيها شك ما تستمر
لفيت رايحه لغرفتي
رجعت لفيت عليه
منى:انا مره قلت لك ان اذا خسرتني معد
بتلقاني وانت خسرتني مو الحين من
قبل شهر و20 يوم تمام
لفيت دخلت غرفتي وسكرت الباب
والسند عليه سمعت كسر شي
بعدين صوت الباب يفتح ويتسكر بقوه
عرفت انه خرج
جلست في الغرفه
حسيت بملل خرجت بروح الأحلام
أتسلى معها شوي
بدلت ملابسي ورحت دقيت الباب
سمعت صوتها تقول ادخل
احلام:منى جيتي بوقتك ابي أستشيرك
بشي
قربت وجلست جنبها
منى:يالله قولي انا أسمعك
احلام بخجل:انا انخطبت
منى:جد متى ومنين خاينه ليه ما قلتي لي
احلام:بس اليوم خطبني عبد الرحمن صديق
خالد
منى:وكيفه هو تمام
احلام:خالد يقول مره كويس
وانه طيب وأخلاق كويسه ويصلي
وما يدخن
منى:لله قالك كل ذي
احلام:لا انا سألته تعرفين هذي
اهم شي
منى:صادقه طيب انتي وش تحسين
احلام:صليت الاستخارة احس اني
مرتاحة بس قلت لخالد برد عليه
بعد ثلاثة أيام
منى:الله يوفقك
مدري ليش تذكرت هند يوم
قالت لي احلام عن الخطبة
يمكن عشان خالد كان بيخطبها مدري
ليش غير رأيه عن الزواج منها
معقولة كان يكذب علي
عشان ارجع له
منى: احلام كيف هند ما عاد جت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك