رواية عشر اسباب خلتني احبك تسع منها مدري ليش -14
ام الين : يوووه , امداهم كتبوا الكتاب , بيشوفها على طول
فيصل : اييه مو قادر يصبر , يلا تراه واقف برا
ام الين : وين اوديهم ؟ مافي مكان فاضي الا الملحق الي برا
فيصل : دبري عمرك !
ام الين : خلاص وده الملحق
ملاحظه : الملحق كان جزء برا البيت كأنه مجلس صغير
ألين مستانسه : ب يشوووفني ؟؟
ساره معصبه : ب يشووفها ؟؟
ألين : ياررربي ونااسه
ساره معصبه : لا فصول , قول له مو الحين , امداهم مملكين , حتى الرجّال والحريم ماطلعوا , اجلها فيصل اجلها !
ألين عصبت : انتي هيه هيه , مين انتي عشان تتكلمين وتتخذين عني قرارات ؟
ساره : وللمره المليون انا مرت عمك
ألين : ترى لولاي كان ماصرتي مرت عمي
فيصل : مو كأنك تغلطين على زوجتي ؟
ألين بدلع : ياررربي خلاص وخروا عني ! وين المرايه طلال بيشوفني !
ساره : حمدلله والشكر
بعد ربع ساعه !
ألين : خلصت !
ساره : مابغيتي !
ألين : مالك شغل !
فيصل جاء : يلا اخرتينا وفشلتينا مع هالطلال
ألين عصبت واشرت بأصبعها السبابه : لو سمحت لاتغلط عليه
فيصل نزّل يدها : والله مادري شـ قايل له ! امشي امشي الله يستر عليك
راحت معاه وهي متحمسه
وكأنها بتجلس مع صاحبتها
لما وصلوا عند الباب
جاها شعور الخوف والخجل وشعور كل بنت بهالموقف
فيصل بسخريه : يـلآ دخلي
ألين مدت شفايفها : استحي
فيصل : لا والله ؟ اقول دخلي خلصيني لا ادخلك بالغصب
ألين : فييييصل والله استحي , مابي ادخل (تذكرت) ياررربي مدري كيف قبل لا ادخل كنت متحمسه من جد ما استحي !
فيصل ميّل راسه ولا عرف شيسوي
فيصل : خلاص انا بخليه يطلع لك ويدخلك معاه
ألين : لاآآآآ , يعني كحلتها ؟ !
فيصل : انتي متسببه اليوم ! مو عاجبك لا كذا ولا كذا ! ترى بتركك وبروح
ألين : لا خلاص اسفه بس ............. (تنهدت وقالت بصعوبه) خلاص دخلني
فيصل استعد وحط قبضته ع الباب : اوكي
ألين حطت يدها على يده : لا لا لا خلاص مابي ادخل
فيصل اتنهد : الين (سكت ولا عرف شيقول) .......... (اتذكر) اتذكري اول مادخلتي مدرسة الاولاد ؟ كيف كان شعورك ؟ كنتي خايفه , بس قاومتي خوفك ودخلتي
ألين : هالمره غير !
اتذكرت لما كانت تجلس مع طلال لحالهم بالمكان السري
ماكانت خايفه ومستحيه لهذي الدرجه ؟
شالفرق ؟
الفرق ان حلاة اللقاءات الي كذا تكون بخوف وخجل
حلاتها تكون بــــــــــــ
الحـــــــــــــــــلال !
فيصل : ترى طلال كمّل نص ساعه وهو جالس لحاله
ألين تنهدت : خلاص بدخل
فيصل لحق ع الفرصه وفتح الباب بسرعه
وحط يده ورا ظهرها وقام يدفها بخفيف
وهي قلبها ينبض ينبض ......
لما دخلت
طلع وسكر الباب
ألين كانت واقفه وتطالع الارض
ألين بقلبها : احنا حاطين هالسجاده بالملحق ؟؟ اوف الين رفعي راسك لاتطالعين الارض , شنو بيقول عنك (بدت ترفع راسها شوي وشافت رجوله واطراف الكنب وكان جالس بنهاية المجلس) طيب بس باقي شوي ...(اتفاجأت) يااااااررررربي ؟ راااسي عللللللق ؟؟؟ ماهو راضي ينرفع ؟؟
ظلت طول المده بس تطالع رجوله وجزمته الله يكرمكم
لما الرجّال زهق وشافت رجوله وهي توقف وتتقدم
ألين بقلبها : ياغبيييييييييييه ياغبيييييييييييه ياهبللللله (شافته يقرب منها) رفعييييي راااااااااااااااااسك
.
.
.
.
هدوء
.
.
.
صمت
.
.
.
ألين بقلبها : اممممم والحين اشوف ثوبه
><
كان قدامها (( بالضبط ))
شافت يده تقرب جنب وجهها
ألين بقلبها : شنو بيسووي ؟
مسك ذقنها ورفع راسها تدريجيا
ألين بقلبها تقول تدريجيا وهو يرفع راسها : لاآآآآآآآآآآآ آآآآ (الى ان صار صوتها خفيف "بقلبها طبعا لول")
هاللحظه !
هي التقاء العيون
بعد 4 سنوات !
بـ ايامها ولياليها , بـ ساعاتها وشهورها !
طلال ناظر عيونها : سبحان الله
ألين استحت ونزلت راسها للارض مره ثانيه
قرب يده من وجهها
بس التفتت للجهه الثانيه
قرب يده مره ثالثه
ألين بصوت صغير جدا : لآ آ آ
طلال بنفس هدوءها : لـــيـه ؟
ألين غمضت عينها ونطقت بصوت خفيف : استحي
طلال : ههههههه
ـــــــــــــــــــــــــــــ
طبعا الرجال والحريم طلعوا من زمـان
بس ظل دانيال ينتظر طلال
لانهم جايين مع بعض
دانيال بالمجلس جالس مع فيصل
وكل واحد ساكت ومنحرج وخصوصا ان مافي ميانه ابدا
دانيال بقلبه : ساعه ونص ! افف شقعد يسسسوي ؟
اخييييييييييرا !
دخل طلال
فيصل : لوولوولولوويش !
طلال : هههههههههههههههههه , طولت واجد ؟
دانيال بحقد : لا ابد , ساعه ونص بس !
طلال استغرب وعقد حواجبه : جد ؟؟ توقعتها 5 دقايق
دانيال بحقد : لآ , وبعدين قلت لك جايين نتقهوى ونمشي !
رن جوال ~
فيصل رفع جواله : هذي المدآم , يلا انا استأذن
وطلع
دانيال من قلب : الله يفشلك زين ؟ الله يفشلك !
طلال رفع حواجبه : انت شتبي ! واحد وجالس مع زوجته
دانيال ابتسم : يا الخبل ! لايكون سويت لها شي ؟!
طلال : والله كيفي اسوي الي اسوي , المهم يلا قوم اتأخرنا
دانيال : الحمدلله انك حسيت ع التاخير
طلال : يلا يلا مشينا
ـــــــــــــــــــــــــــــــــــــ
الين دافنه وجهها بالمخده
ألين : يما مابي مابي خلاص خلوني لحالي
ام الين جلست ع السرير : الين حبيبتي , انا بس ابي اعرف ! يعني ماسوا لك شي ؟
ألين دفنت وجهها اكثر : يمممممماه , يعني من جدك بيسوي لي شي ؟
ام الين بخوف : اكيد ؟؟
ألين رفعت راسها وطالعت امها : والله ماسوا لي شي ,اصلا مستحييل يسوي لي !
ام الين ارتاحت : طيب ليه مرتبكه كذا
الين دفنت وجهها بالمخده : اول مره اشوفه , يعني لما شفتي ابوي ما استحيتي ؟؟
ام الين ضحكت على براءة التفكير , وهي خايفه حسبالها شي ثاني : ههههههههههههههه
ألين : خليني لحالي
ام الين هههههههههههههههههه طيب
طلعت وتركتها
الين رفعت راسها من المخده !
وخذت كتاب مذكراتها
صفحه ~
لاجدآل
بأن اليوم ... هو اجمل يوم
لقد اخذني بأحظانه
وامطرني بـ قـ:$ـلاته
اليوم التقيت
بـ فارسي
اليوم هو اللقاء الحقيقي
سكرت كتابها وهي لما الحين خجلآنه حييييييل
كل ماتتذكر الي صار تجيها حالة خق غريبه ~> !!
ـــــــــــــــــــــــــــــ
في بيت طلال
سليمان ضرب ظهر اخوه : شـ عليك شـ عليك , اخوي ذيييب !
طلال : مو تصدق روحك , ترى ابقى اخوك الكبير
ابو طلال بـ ترييقه : الا اقول يالاخو الكبير , بلاك ماقدرت تصبر ! من كتبوا الكتاب نقزت على طول بتشوفها , والله فشلتنا قدام الرجاجيل
طلال : يبا كيفي كيفي , زوجتي وكيفي , ليه الكل يقولي هالكلام ! خلاص انا من ذيك اللحظه متزوج واسوي الي ابي
ام طلال بصوت صغير : الله يستر بس
طلال : شـقصدك ؟
ام طلال : اكيد هالجلسه مو لله
طلال بطفش : لاحووووول , ترى انا كبرت واعرف مصلحة نفسي ومصلحة زوجتي , يعني مستحيل اسوي لها شي , مادري شالتفكير السعودي الي عليكم !
سليمان دخل جو : حتى لو بيسوي لها شي ! بيسوي لها بـ ملحق
طلال ناظره بحقد : اقول ....... لاتلعب بالنار
سليمان ناظر السقف بتطنيش
ــــــــــــــــــــــــــ
في لندن !
كانوا بحديقة الحي الي هم فيه
وفيه بحيره يجتمع حولها البط والاطفال
لورا بحده ضربت ع الطاوله : امـــــــــي, مستحيل !
الام : لقد صحيت من الغيبوبه توا , ولا اضمن هل سيحدث هذا مرة اخرى ! يجب انت تعودي ادراجك الى الوطن
لورا : لا لا لا , اريد البقاء هنا
الام بحده : لورا , لقد حجزت التذاكر , وسـ تعودين بعد يومين لا اكثر ولا اقل ... انتهت المناقشه
لورا فتحت فمها : ولكن هذه حياتي , انا اقرر ما افعله بحياتي واين سـ اعيش !!
الام بحده : انتهت المناقشه
لورا بغضب : آآآآآآآآآآآآ (وقامت من الطاوله وهي معصبه)
وكانت تتحلطم : متى يصير عمري 18 واسوي اي شي ف بالي وافتتتتتتك
كانت لابسه شورت جنز قصير
وبلوزا بيضه
لاحظتها صاحبتها
ماندي : لوراا لوورا
لورا طنشت
ماندي : لوراااا
لورا التفتت بقوه : ماذا ؟
ماندي : مابك ؟ هل قالت لك شيئا ؟
لورا بغضب : نعم .. سأعود الى الوطن الفاشل
ماندي : رغما عنك ؟؟؟؟؟
لورا : رغم عني !!
ماندي : يا للجفاء ! ولكننا نريدك ان تبقي يا لورا
لورا : وانا كذلك , ولكن امي حجزت لي بعد يومان
ماندي : يا الهي
لورا : لا اعرف ماذا افعل , ولكني قطعا لا اريد الذهاب
ماندي نزلت راسها بـ حزن
رفعت راسها فجأه وقالت : لدي فكره !!
لورا بـ أمل : ماذا ؟؟
ماندي بـ خبث : تعالي معي !
راحوا مع بعض
وراح البارت وياهم =p
توقعاتكم ؟
شرآيكم بالقفزه بالفتره الزمنيه ؟ هل تفاجئتوا يوم قريتوها (4سنين) ؟!
اممم ايش تتوقعون تسوي ماندي ؟؟
اذا امكن مواقف اعجبتكم بالبارت واخرى تفاجئتوا يوم قريتوهآ
وبس =)
جــــربت الحــــب
الفصل الثالث – الجزء الثاني
.
.
.
ماندي : لوراا لوورا
لورا طنشت
ماندي : لوراااا
لورا التفتت بقوه : ماذا ؟
ماندي : مابك ؟ هل قالت لك امك شيئا ؟
لورا بغضب : نعم , سأعود الى الوطن الفاشل
ماندي : رغما عنك ؟؟؟؟؟
لورا : رغم عني !!
ماندي : يا للجفاء ! ولكننا نريدك ان تبقي يا لورا
لورا : وانا كذلك , ولكن امي حجزت لي بعد يومان
ماندي : يا الهي
لورا : لا اعرف ماذا افعل , ولكني قطعا لا اريد الذهاب
ماندي نزلت راسها بـ حزن
رفعت راسها فجأه وقالت : لدي فكره !!
لورا بـ أمل : ماذا ؟؟
ماندي بـ خبث : تعالي معي !
مشوا مع بعض
لـ بيت صاحبهم تشاندلر عمره 18 سنه
واعمار البنتين 16 ~> للتذكير فقط
لورا : ماذا ؟ منزل تشاندلر ؟
ماندي : نعم , هو الوحيد القادر على مساعدتنا
لورا بحده : ماندي , لقد اخبرتك عن مشاعري اتجاهه
ماندي : هل تحاولين اخباري بإنك تحبينه !
لورا : لـ نرى , انه شاب جميل وسيم وعيناه جميلتان و......
قاطعتها ماندي : حسنا حسنا , هل نذهب الان ؟
لورا بعد تردد : حسنا
راحوا له
وماندي حكت له عن كل شيء
وقالت له عن خطتها الطويله العريضه
تشاندلر : لاتعقدي الامور , الحل بسيط جدا
ماندي : وهل هناك حل ابسط من حلي ؟
تشاندلر : خطتك طويله جدا , نحن لسنا في مسلسل درامي
ماندي عوجت فمها بـ قهر "تفشلت"
لورا بنظره يائسه : اذا ماهو الحل ؟
تشاندلر : سـ نذهب بنزهه قبل وقت اقلاع الطائره , وهذا كل شيء !
ماندي التفتت عليه : هذا هو ؟؟؟ هذي هي الخطه ؟؟ ولكن خطتي ناجحه اكثر , بإرتداء الملابس التنكريه والخروج بالأروقه ليلا وبتأجير سياره و .....
تشاندلر قاطعها : خطتي ابسط , على اية حال (التفت على لورا) لورا سـ تبقى في لندن , و تشاندلر سـ يحتفظ بـ لورا !
ابتسمت لورا
وفرحت انها بتظل
ــــــــــــــــــــــــــــــ
في بيت فيصل & ساره !
جالس بالصاله
ويتابع التلفزيون بحماس
كان يشوف اول مباره لـ كأس العالم
سدن بـ براءه : بابا .. بابا ؟؟
فيصل وعينه معلقه بالتلفزيون : بعدين بعدين
سدن : بابا , افتح لي الشيبس , بابا (غرقت عينها ) بابا ؟
فيصل : اوهوو قلت لك بعدين (تغيرت نبرته) يلا يلا سدد قوول يلاآآآآآ
ساره توها طلعت من غرفة النوم : صباح الخــ... !
فتحت عينها لاخر درجه وهي تشوف الصاله معفوسه
وزياده على كذا , سدن جالسه تكلم ابوها وهو مايرد عليها
وسدن ماتتكلم الا نادرا , ولازم يشجعونها لما تتكلم !
ساره عصبت : شنو هذااااا ؟؟؟؟
فيصل وقف وقال بصراخ هز البييييييييت :
قووووووووووووووووووووووووووووول
جلس وهو يضحك ومستانس
وسدن مجمده مكانها ومتفاجأه من ابوها
ساره راحت عند بنتها وحظنتها : خوفتها ! مابتتكلم مره ثانيه !
بعد ثانيتين من القول !
صار تعادل ><
فيصل اتفاجأ : لعنبو الي يعطيكم وجه , كل واحد افشل من الثاني تفووووو عليكم يالـ $#^*&^%
ساره سدت اذن بنتها وقال بحده : فيييييييييصل , بنتك تسمع !
فيصل عصب وقام من محله !
ساره : يارررربي شـ اسوي مع هالرجّال !
ــــــــــــــــــــــــــــــــــــــــــــ
في قصر الافرآح ~
عرس عبد المجيد ~
أم عبدالمجيد : لميـآء يلا بسرعه نـآدي فِـرآس وسحر عشان نصور كلنا مع بعض ..
ام عبدالمجيد شخصية الام الطيبه الحنون .. تحن على عيالها وتبي تشوفهم مستانسين و متواضعه حدها ..
ومو رافعه خشمها لان زوجها مشهور بالمنطقه ..
لميـآء : اوكي مـآما ..
لميـآء مششت بفستانها الذهبي الملفت والمخصر على جسمها .. صحيح انها مليانه شوي بس الف من يتمنـاها .. متواضعه وطيبه طالعه على امها
عمرهـا 25 تدرس بمجال الطب وحلمها تتوظف بالتخصص الي تبيه .. طموحه وعقلانيه ومثقفه وحسآآآآسه على اقل شي تزعل وحتى بمراهقتهـآ مو طايشه ومتهوره كثير
بس هالصفات ماتمنع من شكلها الحلو واهتمامهـآ بنفسهـآ ..
لميـآء : سحر وين كنتي ؟ بسرعه يلا بنصور كلنـآ ..
سحـر (عرفتوها =P ؟ ) : كنت جالسه مع هنوف , كلنا؟؟ مين بيصور ؟؟
لميـآء : مين يعني ؟ امي وابوي ومجيد وفراس وانتي ..
سحـر : أهــآآ مسوين فيها big happy family ..
لميـآء : أي big انتي الثاانيه .؟ كلنـآ اربعه بس , المهم يلا امي تنتظر ..
سـحر : اوكي ..
سـحر لابسه فستان وردي مره كيوت وقصير وتسريحه ناعمه رافعه شعرها بطريقه حلوه ومسويته كيرلي
وحاطه اكسسوار وردي ع نفس لون الفستان على شعرهـآ .. عمرها 22 سنه ولها حركات هي وصاحبتها الهنوف
ومهما كبرت تبي تصغر نفسهـــا
مغرووره وشايفه نفسهااا على كل شي .. ماتحب تنهان او تتفشل حتى لو كان شي قليل ..
لمياء اتصلت على فِـراس ..
لمياء : فرااس وينك ؟؟
فراس : طلعت برا مع الشباب
لمياء : تعال بسررعه , بنصور كلنا مع بعض , توني شايفتك داخل
فراس : يــــآلييييييل طيب انا جاي
لمياء : بسرعه
طوط طوط طوط
فـراس عمره 20 شخصيه متهووره يسوي الي يبغاه حتى لو كان ..... أي كــآآن
له تصرفات محد يتوقعها.. جريء حده ومملووح وحلو
حنون بس مايحب ينهان بأي طريقه . علاقته بـ اخته سحر ززينه مررا لانه في اشياء مشتركه بينهم
فراس دخل القاعه حس على دمه وحس ان شكله غلط وهو داخل وطالع وهذا عرس اخووه الوحيد بعد ..
واخيرا واخيييييرا
بعد ماتجمع الكل
وقفوا مع بعض وصوروا صورة عائليه ..
فـراس : خلاص ارتحتوا ؟؟ صورتوا الصووره وخلصتوا ؟؟.. حشا عمليه مو صوره
ام عبد المجيد : هالصوره الي ماعجبتك لها ذكريات حلوه وراح تتذكر لما تشوفها بعد سنين
فـراس : يصير خير
فراس شاف اخووه كيف مستانس واخيرا استقرت حياته على قولته
مشى بخطوات ثقيله لاخوه ما تخيل يوم من الايام بيفارق اخوه الغالي
يخفي مشاعره ودموعه الي مستحيل تنزل
فراس : هــلآااا بالمعررس
عبد المجيد : هههه هلا فيك ..
فراس : اخييررا بيتوسع بيتنا شووي
عبد المجيد بنظره صادقه : من قلبك هالكلام ؟
فراس : لا والله ياخوي والله مو من قلبي , تدري وش احس فيه ؟
عبد المجيد عرف ان الحين بيبدا استهبال اخوه : وش تحس فيه ؟
فراس : ودي احضنك بقووه بس ادري مو وقتها والكل يناظرنـآ
عبد المجيد عمره 27 اسمرر , شعره اسود وجسمه رياضي واسمر
عـقلآلآني ومثقف هو ولميـآء شخصيتاهم متقاربه حيل
عبدالمجيد : ممكن اطلب منك طلب
فراس : تفضل
عبد المجيد بهدوء : ممكن تذلف لان الحين بيزفون عروستي ,ابوي وربعي والرجال طلعوا من زمان , والحريم وراك يناظرون يقولون شفيه هذا مفهي وماطلع
فراس : صدق ؟ (التفت وشاف امه شوي وتموته ,ابتسم لها يعني هدي اعصابك والتفت ع اخوه ) يلا اخليك
وطلع ..
بو عبد المجيد : ليه طلعت ؟ نمت هناك احسن
فراس ابتسم بألم لابوه
بو عبد المجيد فهم : شدعووه فرااس راح تشوفه لما تطفش صدقني عادي ..
فراس تنهد : هه , مستحيل
بو عبدالمجيد رفع اكتافه ومشى
فـرآآس راح عقله لذكرياته هو مع اخووه .. يـآآمـآآ فراس سوا مشاغبات بالمدرسه ايام المتوسط
ويقول لاخوه .. ويجاوب عبد المجيد : اعقل لازم تدرس وهذا مستقبلك .. والخ
بس يدخل الكلام من اذن فراس ويطلع من الاذن الثانيه
وتذكر لما سووا عيد زواج امهم وابوهم مفاجأه
وكانوا كلهم مشتركين بالخطه ..
الام والاب كانوا طالعين اول مادخوا البيت ظلمه ,
بعدين شغلوا الانوار وشافوا لمياء وسحر وفراس وعبد المجيد واقفين والبيت كله زينه ومجهز
سحر : فراااس .. فراااس
فراس : .................
سحر : فراااااااااس
فراس : هـآآ .. اقصد هـلا ؟؟ نعم خير ؟
سحر : ولا شي طفشت .. هنوف راحت
فراس : إنا لله وانا اليه راجعون مع هالهنوف , وحده بزره بثالث ثانوي ومخاويتها وش تحسين فيه
سحر : فراس شهالتعقيد ؟ اسلوبك مو حضاري ..
جات لميـآء ~
لمياء : فرااس روح عند الرجـآل لاتظل برا رطوبه , سحر تعالي داخل ماما تبغاك
سحر : اوكي (ابتسمت لاخوهـآ) بـآي سوفي
فرآس : بـاي
ظل فراس يتذكر الايام اكثر واكثر ..
سحر ولمياء دخلوا .. ومروا على طاولة فيها بنتين نفس عمر سحر
وحده اشرت ع سحر وتهمس بأذن صاحبتها
وقاموا يضحكون بشكل يقهر .. سحر ماقدرت تصبر زياده
التفتت وراحت عندهم وضربت ع الطاوله
سحر : سلامات مو كأنكم تتكلمون عني ؟
بنت بإحتقار : خير جايه عندنا ؟ زعلانه لان هنوف راحت ؟
سحر عرفت انهم بنات من الجامعه لان هي وزعت كروت كثير لصاحباتها ولغير صاحباتها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك