رواية قل لها المجنون وصاني وهو يعنيك -14
في قسم النساء
شوق:ياربي مرهقه نفسي اريح شوي
هيام:ادخلي داخلي نامي
شوق:ياريت والله
ريوف:شوفي ريهام مقفله الغرفه بلاول
هيام:اوكي
دقت الباب مره وثنتين وثلاث مافي رد طفشت هيام ونزلت تحت
ريوف:يالله شوق نطلع هيام جات
هيام:موراضيه تفك الباب
شوق:هي ليه حالتها كذا وجهها شاحب وعازله نفسها
ريوف:بصراحه حالتها كذا من يوم انخطبت ماتبي فهد
شوق:في بالها احد غيره
ريوف:مادري ولو فيه ريهام كتومه ماتتكلم
شوق:الا الا ريهام تحب تتذكروا يوم لعبة الصراحه لما اعترفت انها تحب ولازال حبه بقلبها
ريوف:تصدقين نسيت والله
شوق:هيا لها انشوفها
طلعوا لها البنات دقوا الباب مافي فايده
هيام:ريوف انا عندي سبير لباب انتظري ثواني
ريوف:بسرعه هاتيه!!!
جابت هيام السبير وفتحت الباب
لقت اللاب توب شغال وكانت كالعاده فاتحه مذكراتها
لكن في شي غريب ريهام موموجوده
ريوف:وينها هذي
هيام:يمكن بالحمام
شوق قربت من اللاب توب كان مكتوب
{{{{قبل انتفارق سطرتلك يميني آخر رساله حب اودعك فيها
هذا قدرنا بالهوى صدقني الايام تمشي عكس مانبيها
ودعتك الله وان قسيت اعذرني وعيوبي اللي تعرفها استرها
وان كان عذبتك معي سامحني وانسى ذنوبي الاوله واغفرلي}}}
ريوف:ريهـــــــــــــــــــــــــــــــــــــــــا م
هيام:ايش فيه
ريوف:تعالوا شوفوها هنا طايحه مغمى عليها
شافوها البنات انفجعوا كانت طايحه تحت عند سريرها
ريوف:هيام جيبي عطراو اي شيء بسرعه
نزلت شوق تحت بتستنجد بالحريم واول شيء شافت علي جالس مع امه وام خالد
شوق:علـــــــــــــي الحقنا ريهام مغمى عليها
طلع علي بسرعه فوق وامه ام خالد معهم
علي:ابعدوا عنها
وشالها وحطاها بحضنه علي وهويرش عليها الماء:ريهام ريهام اصحي
فتحت عينها على الخفيف:آآآآآآه
علي:سلامتك من الآآآآآآآآآآه قومي ريهام مايصير اللي تسوينه لاتخوفينا عليك
ريهام تحركت بتقوم
علي:ممكن تطلعون براء واتركوني انا وريهام وحدنا
لما طلعوا كلهم قام وقفل الباب
علي:ريهام مايصير الا اللي تبينه وفهد ماراح تاخذينه
بكت بصوت عالي وبين شهقاتها:مشكور ياخوي
علي:ولا راح تاخذين الا اللي تبينه لو على قصاص رقبتي ماعاش راسي وانا اخوك وفيه احد يغصبك على احد ماتبينه
ريهام تبكي بصمت
علي:امممم طيب لاتبكين على احمد مصيره وهو راجع لااهله ولما يدري انك رفضتي فهد بيجي هنا طيران
ريهام:احمد
علي وهو يحط يده على فمها:اشششش ادري من زمان والله واوعدك باذن الله ابذل قصارى جهدي لاجل تاخذينه
ريهام:الله يخليك لي ولا يحرمنا من حنيتك
علي:امين بس اطلعي مع شوق وامي والبنات تراهم خايفين عليك
ريهام:مالي خلق اطلع قولهم اني بخير
علي:طيب عندي طلب
ريهام:آمرني
علي:طيب قولي تم بالاول
ريهام:تم
علي:ترجعين ريهام اللي اعرفها
ريهام:ان شاء الله
ابتسمت له واطلع وهو شايل همها
في بيت ابو سامي
رُبى:انت هي ترى جننتيني هذا وليد يحبني من سبع شهور ومتمسك فيني
خلود:اتركيه احنا نلعب مونلزق في الواحد لزق
رُبى: انا ما العب انا احبه
شذى:يووه متى علاوي يلتفت لي بس بلا وليد وغيره
خلود:قريب والله قريب
رُبى:من زمان تقولي قريب ماشفنا شيء ارجعي ياشذى لسعود تراه لازال متمسك فيك
شذى:اظاهر مردي له ولا لسالم احبابي القدامى{للمعلومه شذى مغازلجيه وخلود ورُبى نفسها}
خلود:بقول لكم سر بس بينا
رُبى وشذى:اكيد بينا ماراح يطلع
خلود:يوم الغداء دخلت غرفة بنات عمي شفت جوال شوق بشاحن ارسلت لعلي مسج
وقالت لهم على المسج
رُبى:عشان كذا تقولي قريب بيرجع لشذى
شذى:ياعمري ياخلود عندك الكنز هذا وساكته للحين
خلود:عشان تعرفون اني موهينه
روان وهي داخله:بــــــس خلاص لحد هنا وبس الا الضلم الله مايرضاه
شذى:انكتمي ياروان ولاّ اقول لسامي على بلاويك قبل
روان:قولي له ماراح يصدقك وربع ساعه بس واجيب رقم علي واقوله ان شوق مالها ذنب وان انتوا اللي ارسلتوا عليه
شذى:لاتسوينها روان واسوي بلاوي ماتتخيلينها
روان:ايدك وماتعطي ياشذى خلاص انا تعبت من هياطكم ولعبكم وانتم يا خواتي الليله ياسر بيكون عنده خبر خلاص ياسر قرب يخلص كلها قل من سنه ويشوف شغله معكم ولا ماجد على الدنيا السلام
طلعت روان وهي معصبه فتحت جوال سامي واخذت رقم علي وارسلت عليه من رقم قديم عندها
علي اعترف لك شوق مالها ذنب بالمسج اللي جاك بس اعذرني ما اقدر اقولك من اللي ارسلها من جوالها وهي ماتدري وفعلا المكيده مثل ماصار ذاك اليوم من شذى
وانا ارسلت لك بس حبيت ابري ذمتي من اللي انا متاكده منه
فاعلة خير
رنت الرساله عند علي
علي في نفسه:كنت متاكد بس ان كيدهن عظيم اشلون ارسلوا من جوالها بدون ماتدري واكيد بدون مااحد يقول هي شذى
ام سامي:تعالي ياروان تعشي انتي حامل مايصير تهملين بنفسك
روان :مالي نفس ياخاله
شذى كانت جالسه جنب سامي قالت كلمه ماسمعها الا سامي
مسكها سامي مع اذنها ووقفها:ايش ايش قاعده تقولين
شذى:ماقلت الاالصدق
سامي:انكتمي قطع اللسانك ياللي ماتربيتي يالخايسه
ام سالم:اتركها هذا اختك ياسامي
ام سامي:اتركها ياسامي
سامي:موقبل ماتتعدل وتتكلم مثل الناس
ام سامي:ايش انت قايله لاخوك ياشذى
شذى:خلاص مولاازم اعيد اللي قلته هوخلاص عرف خليه يفكني يمه
سامي وهو يعطيها من الكفوف :الله يهديك يمه ابد ماربيتي بنت
ام سالم:لا ابد الوضع ماينسكت له ايش انتي قايله لاخوك ياشذى
شذى تبكي تسوي نفسها مسكينه:يمه خلاص ماعد اتحمله
سامي:ماراح اتركك الا وانتي جثه هامده
روان:انتي ايش قايله
سامي:باختصاريمه تقول انت متاكد ان اللي ببطن روان ولدك هذا كلام بنت توعمرها 22 فهموني
قامت ام سامي وضربت بنتها وانحرجت من اختها من الكلام اللي قالته بنتها
روان تحاول تبرر لسامي
سامي:روان حياتي انا مصدقك اعرف شذى دومها حقوده علي وعليك
في كنـــــــــــــــــــــــــــــدا
ياسر شاف ريما تمشي وفي نفسه :كنت متأكد انك سراب من يوم شفتك ذاك اليوم وبعد ما تأكدت من الخاتم اللي عليك اللي كان طايح في المكان نفسه قبل فتره وبعدها لقيت الورقه اللي طاحت منك يوم الحادثه ثم ابتسم وطلعها يقراها
{ احب اقولك هذي اخر رساله بتسأل ليه شهر كذا وانتهي دراستي ولا ادري ارجع لكندا كان هالمكان من افضل الاماكن عندي لانه كان يجمعنا في اكثر الاحيان انت طالع وانا داخله او العكس تقبل تحياتي ســــــــــــــــــــــــــــــراب}
ريهام واحمد وفههد امممممم محور حديث الجزء القادم
ياسر؟؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
<<<الجــــــــــ الثالث عشر ـــــــزء>>>
فيصل:هلا خالد غريبه جاينا بهالوقت
خالد:آه يافيصل الارض ضايقه فيني
فيصل:طيب ادخل داخل خلنا نتكلم ماله داعي الوقفه عند الباب
خالد:لالا ماالي خلق تعال في الحوش
طلعوا في الحوش
فيصل:ايش اللي صاير
خالد:احمد يافيصل هاجر وتركنا
فيصل:هاجر اشلون وليه!!!
خالد:مدري ايش اقولك يافيصل بس احمد طلع يحب
يقاطعه فيصل:ياخي غلط اللي سواه مهما صار هو موبزر يسوي كذا
خالد:وينه لاجل يسمع كلامك
فيصل:احمد مو اول واحد ولا اخرواحد تتزوج اللي يحبها غيرها
خالد:بس احمد
يقاطعه فيصل:الدنيا مو فوضه راحت ريهام في الف ريهام واحمد الكل يتمناه
خالد:لحظه انت ايش عرفك انها ريهام
فيصل:مومهم اشلون عرفت المهم زواجت فهد وريهام توقف خلاص ايش ذا المهزله البنت تبي احمد واحمد مهاجر كله عشانها
خالد:غريبه بس ريهام من قال انها تحب احمد
فيصل:هذاني اقولك وحبهم من يوم كانوا صغار فجاءه يجي فهد وياخذها
خالد:هذا وانت مومن زمان نعرفك الا اخبارنا كلها عندك ومافي غيرشوق ولا الباقين ماعرفتهم الا البارح
فيصل:مافي اي طريقه تدلكم على احمد
خالد:آه بس بايع سيارته ومقفل جواله واصحابه مايعرفون عنه شيء ولا كاتب لنا رساله ويقول انسوني جن الولد ويبنا نجن معه
فيصل:لاحول ولاقوة الابالله
ابوخالد واهله نامو عند ابوناصر اصرعليهم الا وينامون عنده وخالد نام عند خواله
في الصبح
وفاء ارسلت على شوق رسالة اعتذار
ابي منك السموحه اليوم
واذا اسمك ماهوعلى البال
وانا في غيبتك مهموم
عيوني ماتنام ليال
وعنك لوتجيني علوم
ابي انشدها عن الموال
سوري شوق اعذرني سوء فهم خلاني -----؟؟؟
والله مالي وجه اقابلك ولوالله ثم علي كان لازلت الى الان في عماي ولا ادري عن الحقيقه
اعذريني
وفـــــــــــــــــــــــــــــ شوق ـــــــــــــــــــــــــاء
رنت الرساله وهي نايمه عاد اليوم خميس ماعندها دوام
ماصحت فيها
ولماجات الساعه 10الاثلث صحت ولقت الناس على الفطور
افطرت معهم طالعت في جوالها شافت في مسج
شوق في نفسها:يالله عساه خير
اول ماشافت المسج استغربت مافهمت شيء كانت بتتصل عليها دخل ابوها وعمها ابوناصر جلست تسولف ونست
كانت الجلسه كيئبه الكل يحاكي احمد اللي مايدرون وين اراضيه
قامت شوق بتكلم وفاء وتشوف السالفه
اول ماطلعت على الدرج شافت علي طالع من غرفته عدلت عبايتها
وكملت طريقه بتروح غرفة البنات
هيام:شوق تعالي الحقينا تحت ونزلت هيام مع علي
شوق:لحظه بتصل على وفاء واجيك
واول مادخلت الغرفه وقفلت الباب اندق عليها
شوق:مين عند الباب
علي:شوق ممكن ثواني ابيك
فتحت الباب شوق:خير علي
علي:تعالي هناك في نص الصاله عشان مانكون بموقع شك
شوق:اسفه ياعلي وقوفي معك باي مكان بكون بموقف شك
علي:قلت ثواني وانتي في بيتنا يعني اكيد بوقف معك من باب الصدفه باي مكان
شوق وهي توقف بنص الصاله:خير ياعلي
علي وهو يسوي نازل مع الدرج:قبل ماتكلمين وفاء حبيت اقولك وفاء معذوره انتي الله يهداك حطيتينا كلنا بموقع شك
شوق:انا موفاهمه!!!!
علي:الا ياشوق لما جاء فيصل وركبتي معه بسياره في احد الايام مصافحكم وضحككم يثير الشك وانا ووفاء وامل مانلام لما شكينا فيك
شوق:طيب اسألوني موتشكوا فيني كذا
علي:صار اللي صار وفاء خلاص عرفت قلت لها
شوق:مشكور
علي:لاشكر على واجب بس الرساله اللي جتني من جوالك
شوق تقاطعه:والله موانا
علي:ادري والله اتوقع انها شذى عرفت ان احد اخذ جوالك من وراك وارسلها ومافي الاهي
شوق:لامو هي هي ماتحركت اوووو اشلون طاففني خلود قامت ودخلت الغرفه وجوالي كان بشاحن ويومها لقيت سجل المكالمات ممسوح
دخلت الغرفه وقفلت الباب عليها
اتصلت على وفاء كان جواله مقفل
وجاها مسج فتحته من علي
{{{{.....قـوول انك تحيبنـي
خلينـي أحـس بمكـانتي ..
أنـا محـتـاجهـا انك تطمنينـي
وتمسـكي يـدي و تقـوولي لي..:
محـدن غيـرك بيسـكن قلبـي
و رووحـي انتي وعمـري ..
ومـافي احـد يغـنيـنـي عنـك ..
وياعسـى تكـوونين طـوول العمـر جـنبـي ..}}}}
شوق في نفسها والله انه موهين هذا اشلون بجلس عندهم وولدهم يغازلنــــ----؟؟
قطع عليها حبل افكارها هيام
هيام:شوق انت هنا
شوق:ها اي اي ليه
هيام وهي تجلس:تدرين كنا مثل الاطرش بزفه عندنا عشاق في العايله واحنا ولا على بالنا
شوق:هاااااااااااااااااااااااااا{{{اللي على راسه بطحا يتحسس}}}
هيام:اي ولا اتوقع انك تدرين
شوق:انا مدري اجل منهم
هيام:احمد اخوك وريهام
شوق:احمد وريهام من قال؟؟؟؟؟؟
هيام تو ماهر يقول لنا انا وريوف ويبينا نداريها وبصراحه احمد مهاجر عشان ريهام راحت لغيره
شوق:ياربي ايش ذا المصييبه مافي حل الا ان ترفضون فهد
هيام:ماهر يقول ابوي يقول انه اعطى ابوفهد كلمه ولا يقدر يتراجع فيها
شوق:لاعاد اخوي يتعذب ويهاجر وهم يحسبون حساب شيء تافه وابوفهد انسان متفهم كلموه بالهداوه
هيام:اسمحي لي اقولك صعب حتى اختي جالسه تتعذب
شوق ماتحملت تذكرت احمد وجلست تبكي وهيام عندها تهديها
فيصل بعد الدوام اتصل على فهد واعزمه على غدا في احد المطاعم
فهد:والله ماكان له داعي كلفت على نفسك
فيصل:لا كلفه ولاشيء انت تستاهل
فهد:ويش مناسبة هالعزيمه
فيصل:اممممممم مادريي اشلون ابداء بس صدقني الموضوع خاص وحساس
فهد:اخذ راحتك احنا مثل الاخوان
فيصل:بصراحه انا خطبت وحده
فهد:على البركه من هم اهلها
فيصل:الله يبارك فيك ناس اجواد بس واجهني مشكله وابيك تساعدني
فهد:ابشر وانا ابوسعود
فيصل:ااكتشفت ان ولدعمها يحبها وكان ناوي يخطبها بس اانا استعجلت وتقدمت
فهد:وبعدين؟؟؟
فيصل:المصيبه ولد عمها هاجر من الديره لاجل خاطرها يبيها ولايبي غيرها
فهد:اووووف مصيبه
فيصل:ايش اسوي؟؟
فهد:مافي احلى من انك تروح وتقول لاهلها انك ماتبيها
فيصل:اشلون صعبه
فهد:لاموصعبه اذا هم يدرون عن ولد عمها وانت قولهم مافيهاخيره
فيصل:تصدق بحاول
فهد:لا مافي شيء اسمه احاول لاتهدم مستقبلك ماراح تكون متهني
فيصل:مشكوووور بس
فهد:ايش اللي بس باقي شيء انا موعارفه
فيصل:بصراحه انا ماخطبت من احد ولا ناوي اناسب غيركم ابي اختك الكبيره بعد اذنك
فهد:والله ولي الشرف بس اشلون قبل شوي تقول خاطب
فيصل:بصراحه ولا تزعل انا حبيت اجس نبضك انت تبي بنت ابوناصر عن حُب
فهد:مع انه مو من حقك تسأل السؤال ذا الا انها عادي بس بصراحها اهلي يمدحونها وسمعت اهلها زينه ولا هي بسلامتها
فيصل:حلو طيب صراحه يافهد لوغيرك مااتجرأت افاتحه بها الموضوع كون عيال ابوخالد يصيرون عيال اختي فانا ما اقدر اسكت على اللي انا قاعد اشوفه احمد يبي ريهام وخطبتها انت وابوناصر رافض يتراجع بكلمته واحمد هاجر وترك اهله ولا اظن في منطق يسمح باللي يصير والميزان بكفتك بعدالله يا إما تعدله ولا تبقيه على ميلانه
فهد:بصراحه فاجأتني بس اوعدك مايصير الا الخير واشكرك على ثقتك فيني
فيصل:طيب لاتنسى وصل الاهل اني ابي اختك وابي انتظر احمد لحد مانلاقيه لان مومن باب الذوق اخطب وولد اختي مفقود
فهد:اصيل اصيل يابوعمر
ماهر:مافي اخبار
علي:لا بس الليله ناصر وزوجته جايين هيا نروح ندور له عشاء الوالد موفاضي
ماهر:الله يحيه بس ايش قولتك في اللي يصير لريهام واحمد
علي:الموضوع هذا انا منتهي منه والله ماتاخذ اختي واحد ماتبيه وانا ابوحمد
عبدالله توداخل عليهم:كفو كفو يابوحمد
علي:ماعليك زود يا ابومن انت
عبدالله:ابومحمد
ماهر:كفو والله وين ابوانكم مالهم نصيب حتى من القابكم
علي:ابوانا في قلوبنا بس مثل ماتعرف ناصر يقول انه ابومحمد وكثرت الاسماء الموحده في بيت واحد مالها داعي عاد انا من يومي صغير مسمي حالي ابوحمد
عبدالله:خالد عندنا في البيت نقوله ابو ابراهيم واحمد ابو رعد وانا ابو محمد وفارس ابوسيف
شباب جدد مهمين لهم قصه اخرى مرتبطه بالقصه الاساسيه
ضاري :اخيرا يانايف اخذنا الدوري
نايف:بهالمناسبه اناعازمكم كلكم ياشباب
طلال:قدها وقدود يا نايف
نايف:يالله مشينا شباب
طلال:نايف شوف ذا مصفي موقف سيارته قدام سيارتنا
ضاري:انتظروا اشوفه
كان جالس بسيارته وافكار الدنيا تجي وتروح فيه
ضاري وهو يدق باب السياره:يالاخوممكن تقدم نبي نطلع
:هااااااااااااااااااااااا خير
طلال:ياخي انت ماتسمع
ضاري:استهد بالله طلال خلنا نشوف سالفته
نايف:ياخوي ابعدسيارتك بنمر
:سيارتي اي اي اوكي انتظرثواني
ضاري:ياخوي شكلك مهموم قلي ويش سالفتك احنا نعين ونعاون
نايف: انت ايش اسمك ياخوي
:انا نا احمد
ضاري:ياخوي يااحمد قدم شوي واحنا بنمشي وانت الحقنا بسيارتك في مطعم هناك
نايف من باب الدعابه:لاتخاف يااحمد حساب العشاء علي
احمد:لالا مابي اكلف عليكم
ضاري:لاكلفه ولاشيء
نايف:شكلك مو من اهل تبوك
احمد:لاوالله جاي هنا زياره بس تصدقون اني ارتحت لكم يالله بتقدم وانتوا امشوا قدموا قدامي والعشاء عليك يالاخو
نايف:اسمي نايف وهذولا اخوياي ضاري وطلال
احمد:تشرفنا والله يالله اتفقنا شباب والعشاء عليك لاتتراجع
فهد:يبه مابي بنت ابوناصر
ابوفهد:ليه موانت اللي اختارتها ايش اللي تغيير
فهد:يبه مابي بنته وبس
ابوفهد:ما اقدر اروح لرجال واتراجع بعد ما اعطانا كلمه
فهد:لا يبه انا مابيها وانا ابروح بنفسي لابوناصر واكلمه
ام فهد:بتفضحنا انت
فهد:مابيييييييييييييييييها خلاص لاتجادلوني
وفاء:هذا وانا وامي مختاراتها بانفسنا وتتركها ماراح تلقى احسن من ريهام
فهد:مابيها ابي ساره بنت جبر صاحبتك
وفاء:زين اقتنعت في وحده من صاحباتي
فهد:يبه انا الحين رايح لابوناصر وبكلمه ولاتشيل هم انا اقدر اتفاهم معه
وطلع من عندهم متوجه لابوناصر
ام فهد:انجن ولدك يابوفهد امس يبيها والحين متراجع
ابوفهد:الله يهديه{وفي نفسه ايش اللي قلب رايك يافهد عن البنت معقول سامع انها بترفض ولا---}
علي:هلاااااااااااااااا بالمعرس هلاااااا ناصر تومنور البيت
ناصر:هلافيك علاوي عقبالك
وسلم ناصر على ابوه وعمه اخواانه وعيال عمه
دق الباب كان فهد سلم عليهم ثم نادا ابوناصر لوحده ودخلوا لغرفه محايده
فهد:عمي ابوناصر انا طلبت بنتك وانت وافقت
ابوناصر:اي بالله طلبتها ووانا وافقت
فهد:عمي مدري اشلون اقولها بس اظاهر مابينا نصيب
وقف ابوناصر وهو معصب:وشووووووووو شايف على بنتي شيء يوم ترفضها
فهد:لا والنعم فيك انت وتربيتك بس النصيب يصيب ونصيبي مومعها
ابوناصر:والمعنى!!!!!!!!
فهد:زوج بنتك والله يبارك فيها واعذرني بس قدرالله وماشاء فعل ---وباس راسه وطلع
دخل ابوناصرفي المجلس
ابوخالد:بشر ايش عنده فهد؟؟؟؟؟؟
ابوناصر يناضر فيهم كلهم :من فيكم قال لفهد يترك ريهام
كل وحده يناضر في الثاني موانا والله موانا
ابوخالد:تركها!!!!
ابوناصر:اموت واعرف ايش لون جايني اليوم ويقول ابي اتركها وهواللي كان بيتشقق من الفرحه يوم الخطوبه
علي في نفسه{اكيد شوق قايله لوفاء}
ابوناصرفي نفسه{اكيد ام خالد قايله لام فهد}
خالدفي نفسه{اكيد فيصل هواللي قايل لفهد يتركها}
فهد:الوو
فيصل:هلا فهد
فهد:مريت على ابوناصر
فيصل:بشر ؟؟؟؟؟
فهد:مثل مااوعدتك
فيصل:كفوو والله يابوسعود قدها
فهد:انت تحسب احمد عادي عندي ياخي انا واحمد تربينا بمكان واحد واحمد لوهوغيره ماهاجر كذا بدون حتى يقابلني احمد حاسب للعشره اللي بينا حساب تبيني اجي انا وانكرها
فيصل:اصيل الله يعوضك خيرمنها
فهد:لاابشرك قلت للاهل ينسقون مع وحده ثانيه بس دعواتك لايرحل واحد من عيال عمها وابتلش
فيصل:هههههههههههههه الله يكتب لك اللي فيه الخيره
فهد:في امان الله
فيصل: في اماان الله
منى:فجر انتي انخطبتي
فجر:وشوووووووووووووووووووووو؟؟؟؟؟؟؟
منى:اي يافجر والرجل هذا ابوك اختاره
فجر:بس انا صغيره
منى:حتى ولو وهومو متزوجك الحين هوبيملك بس بعد سنه الزواج
فجر:سنه حرااااااااااام ما ابي اتزوج ومنهو ذا اللي ابوي اختاره
منى:واحد مو مهم تعرفيه المهم بعد فتره كذا بتم الملكه وهوبيجي هو واهله وترى في نظره شرعيه بعد
فجر:وشوووووو لامنى حرام عليك مابي اتزوج
منى:لو عرفتي من بتغيرين رايك
فجر:انا حاسه بدون ماتقولين
منى :من؟؟؟؟؟؟؟
فجر:سطام ولد خالي
منى:لا موسطام
فجر:اجل من
منى:انتي تبين سطام
فجر:لا بس مافي احد ابوي يعرفه وعمره قريب لعمري الا هو
منى:ههههههههه لا المعرس هوهو خــــــــــ ـــالــــــــــــــ ـــــــــــد
فجر:ها خالد خالد ولدعمتي نوره ولا غيره
منى:الا هو ماغيره
فجر:خـــــــــــــــــالــد يبيني انا بس الفرق كبير
منى :الرجال يبيك انتي والفرق موكثير عائشه رضي الله عنها تزوجت الرسول صلــ وسلــ عليــ الله ـــه ـــم ـــى وعمرها 9 وهو فوق الاربعين
فجر مومصدقه خالد اللي تلعب معه وتضحك وووو يبي يتزوجها هي بذات اشلون ابد موداخله عقلها
احمد:كثرالله خيركم شباب
ضاري:العشاء عليك بكره يااحمد
احمد:ابشروا العشاء ةوالغداء اذا تبون
نايف:هذولا ماينعطون وجه صدقني يااحمد اسألني عنهم
احمد:يمنون والله
طلال:انت وين ساكن الحين
احمد:صراحه انا جاي بمهمة عمل ولا عندي سكن وابيكم تدلوني على فنادق او شقق للإجار
طلال:الاهل معك
احمد:لا والله وانا اخوك عزابي
نايف:افى فنادق وانا موجود نومتك عندي الليله
احمد:لا عاد خيرك سابق ياخوي
نايف:حلفت نومتك عندي الليله
احمد:اجل الله يعينك
سلوى متصله على ريوف
ريوف:اعذريني ياسلوى
سلوى:هواللي قالي اتصل عليك
ريوف:وانا مابي شيء من طرفه
سلوى:ريوف عشان خاطري هوندمان
ريوف:قولي له ريوف مولعبه وانتهى الموضوع
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك