رواية توأمي لكن انا غير ومالي مثيل وراسي عنيده -13
وقف سيارته ونزل منها وشاف العنوان هو نفسه اللي قال له عليه علي انه شافها تنزل عنده وعرف الشقه من الحارس حق العماره
راح وصعد لحد ما وصل للشقه المطلوبه ورن جرس
سمع صوت:من
حصين:وين بانه
أماني فتحت الباب:نعم من يبغاها... و نهى وراها
حصين:ناديها وهي بتعرف مين انا
نهى:مو هنا نقلت
حصين وهو عاقد حواجبه:نقلت
أماني:أي اليوم نقلت
حصين:طيب تعرفون رقمها
نهى:من انت احنا ما نقدر نعطي رقمها لأحد ما نعرفه
حصين وهو رافع خشمه:انا ولد عمها
نهى وأماني طالعوا بعض باستغراب
أماني :لحظه...راحت وجابت جوالها وعطته الرقم وهو شكرهم ونزل ورفع جواله:الو
فواز:هلا اخوي
حصين:وينك
فوزا:في المطعم(...) ليه
حصين:انا جايك
صك الخط وتوجه له
وصل للمطعم ودخل ولقى فواز وتركي وجابر قاعدين
حصين:السلام عليكم
وقف الكل يسلم عليه وهو جلس وطلع سيجاره وبدا يدخنها وهو عاقد حواجبه ويفكر بعمق
فواز بهمس:وش صار
حصين:مالك شغل
فواز:شكلك ما لقيتها
حصين طالعه وما رد عليه
فواز اللي تفاجأ باللي يشوفه وهمس لآخوه:ما له داعي تتعب نفس وتدور
لان بنت العم جاتك بنفسها
حصين لف للي يطالعهم فواز وشاف ثلاث بنات يدخلون وهم يضحكون
وظل يطالع الثلاثه
*******************
دخلو المطعم وجلسوا
بانه:والله ماله داعي هالعزيمه
أمجاد:إلا لها داعي
سجيه:وأمجاد صادقه هذي بمناسبة رجوعي وبمناسبة سكونك معانا بالشقه
بانه:ما دامكم مصرين اوكي
أمجاد وهي تطالع اللي يطالعونها:بانه
بانه:نعم
أمجاد بابتسامه جانبيه:شوفي من هنا
بانه:من
أمجاد:ولد عمك الكمخه
بانه وهي تطالعه وتطالع اللي جنبه اللي ما عجبتها نظراته لها وتضايقت منهاكثر من فواز
سجيه:يا لبيه اللي جنبه يهبل
بانه وهي تلف وجهها:مالت عليهم كلهم على بعضهم كريهين
وسكتت وهي تتذكر أختها
سجيه:وش فيك بنبون
بانه بحزن:تذكرت أختي من زمان ما كلمتها
سجيه:طيب ليه ما تكلمينها
بانه:أخر مره تهاوشنا
أمجاد:تلاقينها مشتاقه لك وأكيد ودها تسمع صوتك
بانه:تظنين
سجيه:إلا أكيد
بانه والبسمه انرسمت على وجهها ووقفت:بروح اكلمها
قامت وطلعت
سجيه وهي تفتح المنيو:انا بطلب اسسكورا
أمجاد وهي عاقده حواجبها:ايش
سجيه:لا لحظه استوكزا لا لا اس
أمجاد وهي تميل فمها:استكوزا
سجيه:اييييوه هذا هو يا لبى قلبك يا أم المجد
أمجاد ابتسمت بخفه ورفت المنيو تطالع المأكولات
في خارج المطعم رفعت جوالها وقلبه يدق وسمعت صوتها:الو
بانه:دندون
دانه:حبيبتي أختي مشتاقه لك
بانه اللي راح الخوف من قلبها لما شافت رد دانه:حبيبتي وآنا أكثر
دانه:أخبارك وش مسويه
بانه:تمام كل شي تمام
دانه:بانه حصين
بانه:من حصان أي حصان
دانه:مو حصان حصين حصين
بانه:من هذا حصين
دانه بخوف:ولد عمي صالح يدور عليك
بانه: وهذا بعد وش يبغى احنا ما نفتك من هالقلق
دانه:يا بانه انا خايف عليك منه
بانه:ومن يكون هذا حاصن ان شاء الله علشان نخاف منه
سمعت صوت من وراها:حصين يا بنت العم
التفتت وهي متفاجاه وشافت قدامها واحد لابس ثوب اسود مخطط ولاف الغتره على شكل عصبة رأس ورافع أكمامه وبيده السبحه السوداء يحركها ويطالعها بتركيز وجمود
&
لهنا أوقف واترك لكم حرية التعليق
ودي وحبي لكم
&&&&
توأم لكن انا غير ومالي مثيل وراسي عنيده
البارت الثاني عشر
قراءه ممتعه وان شاء الله ينال إعجابكم
&&
في خارج المطعم رفعت جوالها وقلبه يدق وسمعت صوتها:الو
بانه:دندون
دانه:حبيبتي أختي مشتاقه لك
بانه اللي راح الخوف من قلبها لما شافت رد دانه:حبيبتي وآنا أكثر
دانه:أخبارك وش مسويه
بانه:تمام كل شي تمام
دانه:بانه حصين
بانه:من حصان أي حصان
دانه:مو حصان حصين حصين
بانه:من هذا حصين
دانه بخوف:ولد عمي صالح يدور عليك
بانه: وهذا بعد وش يبغى احنا ما نفتك من هالقلق
دانه:يا بانه انا خايف عليك منه
بانه:ومن يكون هذا حاصن ان شاء الله علشان نخاف منه
سمعت صوت من وراها:حصين يا بنت العم
التفتت وهي متفاجاه وشافت قدامها واحد لابس ثوب اسود مخطط ولاف الغتره على شكل عصبة رأس ورافع أكمامه وبيده السبحه السوداء يحركها ويطالعها بتركيز وجمود
أول ما شافته سوت له تقييم أولي زي عادتها بنظره سريعه من تحت لحد ما وصلت لعيونه السوداء واللي عدستها كانت مركزه عليها
ما تدري ليه حست بشوية رهبه وان اللي قدامها خصم مو سهل
انتبهت على صوت دانه اللي على الخط تناديها:بانه بانه تسمعيني وين رحتي
بانه وهي لحد الحين تناظر حصين اللي قدامها:معاك
دانه بحنيه:حبيبتي انتبهي لنفسك من هالحصين
بانه بسخريه:هو قدامي
دانه :من قدامك حصين
بانه وهي لحد الحين تناظره:ايه
دانه شهقت
بانه:دانه أكلمك بعدين
دانه بخوف:بانه لا تصكين ال..
قاطعتها بانه:مع السلامه
صكت الخط وهو قرب وهو لحد الحين مركز نظره عليها
بانه وهي تبتسم ابتسامه جانبيه وتظهر القوه وقالت بسخريه وتهكم:انت اخو فواز
حصين بهدوء وهو يتجاهل لهجتها:من الأخر يا بنت العم أنتي عارفه ليش انا هنا
بانه بكره:عارفه وآنا اقولك لا تتعب نفسك لاني ما راح ارجع
جات بتمشي وتتجاهله ولما مرت من جنبه حست بقبضه على يدها ولفت له بنظرات كلها غضب وما عجبتها حركته
حصين:راح ترجعين
بانه بثقه:لو تنطبق السماء على الأرض ما رجعت
حصين بسخريه في لهجته:لا تقولين كلام مو قده يا بنت العم
بانه:بابا نويل جدك طلب انك ترجعني برضاي صح ولا انا غلطانه وانا ما راح ارجع مدام انه...وتشدد على الكلمه:برضاي
حصين وهو يفك يدها ويحرك السبحه يمين ويسار وبثقه:راح ترجعين وبرضاك
بانه خافت من نظرة الثقه واللهجه اللي يتكلم بها وكأن رجوعها أمر مسلم به
تظاهرت بعدم الاهتمام وطالعته باستخفاف وطنشته ومشت لحد ما دخلت المطعم وراحت وقبل ما تجلس عطت فواز اللي كان يطالعها من أول ما دخلت نظره وجلست وكان مبين عليها الضيق
سجيه اللي لاحظتها:بنبون وش فيك لا يكون أختك غسلت شراعك
بانه :لا ما فيني شي
أمجاد مالت عليها وبهمس:هو صح
بانه طالعتها وهي مستغربه شلون عرفت
وأمجاد واجهت نظرات بانه بابتسامه خفيفه على جنب ورجعت رفعت المنيو
أما بانه فغرقت في بحر من الأفكار والتوقعات والهواجس وخوف من القادم
&&
في السعوديه في بلاد الخير
جالسه في غرفتها وقلبها عند أختها
دانه:اووووف من هالبانه صكت الخط وخلتني على نار الله يحفظها ويسلمها في بلاد الغربه
سمعت طق على الباب:تفضل
دخلت رؤيه:وينك يا حلو ما شفناك تحت
دانه بابتسامه:ابد قاعده
رؤيه وهي تجلس على سرير دانه:ما دريتي
دانه باستغراب:بوشو
رؤيه:جدي مسوي اجتماع بكره
دانه:غريبه في العاده مو الحين وقت اجتماع العايله
رؤيه:والله ما ادري يا خبر اليوم بفلوس بكره ببلاش
شوي إلا دخلو وهم يتهاوشون
مدى:لولوه اقولك غيري الفستان
لولوه وهي تجلس وبملل:ليه وش فيه يهبل
أسير:والله قلت لها انه حلو ما سمعتني
مدى:لا والله هجل إذا سألني ليه شاريته بقول أنتي
لولوه باستغراب:من يسألك
مدى:يوسف فيه غيره
لولوه بخوف:لا واللي يرحم والديك لا تقولين انا بعدين يسوي لي سالفه
مدى وهي تمد الفستان:هجل غيريه
لولوه:المحل ما يرضي لا باستبدال ولا ترجيع
مدى وهي تتخصر: يأكلون تبن والله لأروح واسوي لهم فضيحه
دانه بهدوء:وش فضيحته الله يهديك أنتي الثانيه
مدى وهي تجلس:اووووف وش أسوي طيب ما لي خلق غسلت شراع
أسير:على الأقل تنظفين يعني ما يحتاج تغسلين شعرك يوم الملكه وتخسرينا شمبو ههههههه
مدى وهي تضربها بقوه:أنطمي يا معفنه
أسير وهي تحط يدها مكان الضربه:اييييييي حسبي الله عليك أنتي ويدك اللي كأنها مضربة هريس
رؤيه اللي ملت منهم:ببببببببببببببس خلاص الله يرجكم رجيتو راسي
كلهم سكتوا
رؤيه اللي الفضول ذابحها:أقول تتوقعون ليه جدي بيسوي اجتماع بكره
مدى :أكيد في مصيبه لحد فينا
أسير:ههههههههه تخيلو جدي يزوج مدو
مدى طلعت عيونها:مالت عليك على هالفال الشين اللي مثل وجهك
لولوه:الله يرحم اللي بياخذها أمه داعية عليه بليلة القدر
الكل:ههههههههههه
مدى :أقول مالت عليكم كلكم أروح غرفتي ابرك لي ولا أروح اجنن جدتي أحسن لي من مقابل وجيهكم المنحوسه
وطلعت ولحقتها أسير
وبقى دانه ورؤيه ولولوه اللي قعدوا يسولفون
نرجع لأميركا وللي بالمطعم
سجيه وهي تاكل :يا ويلي على الطبخ الحركات والله ودي أبوس رأس الطباخ
أمجاد:المطبخ عندك روحي
سجيه:لو مزيون ما عندي مانع
بانه وأمجاد:ههههههههههه
سجيه اللي انتبهت لشخص ورجعت تدقق النظر وضحكت بسخريه:الظاهر اليوم نحس بقوه
أمجاد وبانه يطالعونها ومو فاهمين
سجيه وهي تاشر برأسها:شوفي (تقصد أمجاد)
أمجاد لفت راسها وطالعته قاعد مع وحده أجنبيه ويضحك وكان لابس بدله وكرفته عمل ورجعت لفت بضيق ومبين على وجهها القهر
سجيه رجعت تاكل وهي مو مهتمه
بانه وهي تطالع الرجال اللي أشرت عليه سجيه:من هذا
أمجاد طالعت سجيه ورجعت تشرب من عصيرها ولحد الحين ملامح الضيق على وجهها
سجيه طالعت بانه وتوها بتتكلم إلا أمجاد تقاطعها بعصبيه:ما ابغى اسمع صوت وحده فيكم
بانه استغربت من حال أمجاد وسكتت وشافت الحزن في عيون سجيه على صديقتها
بانه وهي تطالع الموجودين :ههههه ههههههههه
أمجاد وسجيه يطالعونها مستغربين
بانه:شكل اليوم صدق منحوس على الأخر ههههههههه
أمجاد وسجيه مو فاهمين شي
بانه:أول شي انطردت سجيه وبعدها ضاعت والحين شفت النحس ولد عمي الزفت وقبل شوي دورك يا أمجاد وتضايقتي والحين دور سجيه
سجيه:دوري في وشو
بانه وهي تاشر:شوفي من هناك
التفتوا يطالعون اللي تاشر عليه بانه وشافوا الدكتور اللي طرد سجيه قاعد يسولف مع صديق له وما شافهم
أمجاد تطالع سجيه وعلى وجهها ابتسامه تسليه
سجيه اللي اعتفس وجهها:جعله يغص هذا وش جابه هنا ناقصين لوعة كبد
ما أقول إلا رح يا شيخ جعل اللي كليته ما يحدر
بانه:ههههههه
قامت أمجاد:قوموا امحق طلعه بس
قاموا وطلعت أول وحده سجيه وبعدها بانه وأمجاد قبل ما تطالع طالعت الرجال الجالس واللي لما شافها تغير لون وجهه بس هي قابلت نظرته بابتسامه أسى وطلعت وركبت السياره وشغلتها
سجيه وهي تدخل شريط:خلونا نعدل المزاج بعد المغثه اللي شفناها
وشغلت راشد الماجد ما يطيق الصبره
سجيه اللي ناويه تعدل مزاج ربعها صارت تغني بطريقه تخلي الواحد يكره الأغاني بكبرها وبصوت كله نشاز وتتمايل مع الاغنيه
بانه تضحك عليها وأمجاد تبتسم لأنها تعرف ان صديقتها تحاول تخفف عليها بس وش تخفف وش تخلي وشردت بأفكارها
ولا صحت إلا على سجيه:يله ابو المجد هز كتافك عاشو وراء وراء سرى سرى
وصارت تدق إصبع
وصاروا بانه وأمجاد يضحكون عليها وراحوا لشقتهم
في الشركه وبين أوراقه رن جواله رفع رأسه ولما شاف الرقم استغرب:هذا هو الرقم اللي كله يرسل لي خلني أرد وأشوف من هالمزعج
ورد:الو
الطرف الثاني:الو معاذ
معاذ باستغراب:نعم من معي
الطرف الثاني:ما تعرفني بس انا أعرفك أكثر من نفسك
معاذ:نعم من أنتي
الطرف الثاني:مو مهم المهم انك تعرف ان في احد يحبك أكثر من نفسه ولو قلت له اذبح نفسك يذبح نفسه فدوه لك
معاذ اللي مستغرب من هالوقاحه:لو ما قلتي من أنتي بصك الخط
الطرف الثاني بدلع:ههههههههه انا القلب اللي يدق والهواء والحياة بألوانها وآنا اللي روحي فداك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك