رواية اعشقه وصعب أنساه لاني نسيت أنساه -12
البارت الثاني عشـر
لنـدن قـبل
20 سنـه
في منتزه تابع لوحده المسـتشفيات الخاصـه، كانت العائله السعيده المكونه من الزوجه المبتسمه و الزوج الطيب و ثلاث اطفال مرحين، كانت الزوج في قمه الفرح بالاخبار اللي بلغه في الطبيب المشرف على الطفلين التوأمين، التوأم اللي انولدوا في ظروف صعبه و تحت تأثير نفسي و جسمي كبير على الام تسبب في ولادتهم باستعسار و قبل موعدهم، كان موتهم خلال السنه اشهر الاولى من حياتهم كبير.. وبعد السفر زالت هذي الهموم و تبدلت بالامل...
المستشفى اللي كانوا يعالجون فيه من احسن المستشفيات و كان شبه مجاني اي منخفض التكاليف للعرب و محدودي الدخل بما ان صاحبه ملياردير عربي و معتبره صدقه جاريه للعرب و المسلمين في الغربه ، كان على اعلى مستوى من الامكانيات و التسهيلات...
ام بدر كانت حاضنه خوله قريب لصدرها و تمسح دموعها من جديد، بو بدر ضحك عليها و هو يلعب مع التوأم الثاني خالد: افففف منــيره ممكن افهم ليش هذي الدموع!
ام بدر هي تبكي من جديد: خايفه يكون حلم اصحى منه في اي لحظه.....خايفه اخسرهم..
بو بدر: لا حول ولا قوه الا بالله ! يا منيره اللي كاتبه ربك بيصير سواء خفتي ولا لا.. وثانيا الطبيب طمنا و ان شاء الله بيصير كل خير... وبيكبرون و بنفرح فيهم
ام بدر وهي تحاول تبتسم: ونعم بالله...
بدر طفل الاربع سنين كان يلعب حولهم ..يرمي الكره و يرجع يرميها من جديد في مكان حول اهله .. بعد شوي و بعدها سمع ابوه العالي: بدر!!!!!!1 تعاااااال!!!!!!!!
ركض بدر بسرعه لابوه ام بدر مستغربه من تصرفه : ايشفيك؟ خوفت الولد...
بو بدر اشر بعيونه لانه ما يبي ينبه احد على اللي في باله: المكان خطر..
ام بدر حركت عيونها لوحده على كرسي ما كان بعيد منهم و جنبها ممرضه... الحرمه كانت لابسه لبس الطبيب اللي طبعا ما كان مرتب.. شعرها البني الفاتح كان طويل و منفوش على وجهها، جالسه في مكانها من غير لا تتحرك وكانها في عالم ثاني، كان واضح انها تابعه لقسم العلاج النفسي، وبما ان الممرضه الضخمه كانت ملاصقه لها كان واضح ان حالتها خطيره وهي خطيره... بدر هز كتف ابوه: باااااااابااااا باااااااابااااااا .... ماااماااا
على كلمه ماما رفعت الحرمه عيونها وتلاقت بعيون ام بدر و ابو بدر.... عيونها العسليه المكحله طبيعي ...عيون لا يمكن ينساها..
-
-
بو بدر صحى من غفوته استغفر ربه انه غفى بعد ما صلى العشى على سجادته وقال في نفسه انه نتائج التقدم في العمر.. من جديد مر الحلم اللي كان عباره عن ذكرى قديمه في باله، تلفت في الغرفه و استنتج ان زوجته ما هي موجوده، كانت نايمه لما دخل و الحين طلعت وجود فوزيه و امها مزعجها واضح...بوبدر تنهد و مشى للشباك يفتح ويغير جو الغرفه لما لفتت انتباهه...: خوله؟؟؟
خوله اللي كان جسمها و شعرها كله مبلول التفتت له، بو بدر اخذ فوطه من عنده و لفها عليها: تعالي بابا معي لداخل ولا بتمرضين...
خوله سمحت لابوها يحظن جسمها الصغير بين يدينهم و يسحبها معه لغرفته: ايش اللي صار؟ ليش كنتي جالسه جنب المسبح بهذا الجو؟
خوله ما عرفت بايش ترد... ما كانت قادره تقول له انها رفضت ابسط حق من حقوق زوجها و هربت منه مثل المجنونه وهو محتاج لها ، اصلا هي عارفه انه مستحيل يسوي اي شيء مهما كان بسيط من غيرها في الوقت الحالي..: ولا شيء... اشتقت للمسبح و حبيت اسبح فيه شوي...
بو بدر ابتسمت و حرك شعرها الرطب باطراف اصابعه بعيد عن عيونها: بهذا الوقت وهذا الجو؟؟ ثانيا وين يوسف؟ مو من المفروض تكونين معه دايما وهو في هذا الوضع؟
خوله نزلت راسها على ذكر اسم يوسف ما عرفت تبرر لابوها و قررت تكذب: يوسف نايم.. وانا ما جاني نوم فقررت اتمشى و شفت المسبح و رميت نفسي فيه..
بو بدر استمر في الابتسامه كان عارف انها تكذب بس قرر يسايرها: ما علينا من هذا! انتي ايش اخبارك ؟ من تزوجتي وانتي دايما مع يوسف و ما حصلت فرصه اجلس فيها معك لحالنا نتكلم فيها عن اللي يزعجنا واللي خايفين منه..
خوله كانت قريبه من ابوها كثير الكل كان يظنها قريبه من امها اكثر من ابوها لكن الحقيقه هي انها ما تقدر تخفي شيء عن ابوها و بكلمه بسيطه منه تقول كل اللي عندها: يــ....يـــوسف!
بو بدر: خوله! اذا كنتي تظنين اني ماني فاهم حقيقه العلاقه بينك وبينه فانتي غلطانه!
خوله بتعجب: قصدك اني ....
بو بدر: يا خوله انتي تربيتي و اقدر افهم من نظراتك ليوسف و معاملتك له حقيقه مشاعرك.... اللي هي مشاعر اخوه و صداقه صح كلامي ولا انا غلطان..
خوله هزت راسها بالايجاب، الشيء اللي غطى المجال لابو بدر يكمل: خوله ان كنتي رافضه يوسف كزوج فانا مستعد افصلكم في اليوم اللي يتشافى فيه.....الى هذاك اليوم اتمنى تصبرين و تتحملينه....خوله انتي تعرفين شيء عن حياة يوسف؟
خوله: اعرف انه ولد الزوجه الثانيه وان زوجه ابوه ما تطيقه و حتى ابناءها.. وابوه ضاغط عليه في الشـغل..
بو بدر رجع ظهره للكرسي اللي كان جالس عليه : و مع كل هذا ناويه تتركينه...
خوله : بابااا انا لا يمكن اترك يوسف و هو في هذه الظروف بس لا يمكن استمر معه بعد ما يتشافى...
بو بدر: مثل ما توقعت... طول عمرك يا خوله كريمه و حنونه و ما تترددين في مساعده احد... حتى وانتي في اول اشهر حياتك...
خوله رمشت بعيدنها و تأملت ابوها بتعجب: باول اشهر حياتي؟؟؟
بو بدر: خوله مع انك اذكى ابنائي ما عمرك سـالتي نفسك شلون كونت انا و امك هذي الثروه و احنا من الاساس من اسر بسيطه ؟
خوله عقدت حواجبها وهي تحاول تتذكر: سـالت مـاما مره بس قالت لي انه نتيجه مشاريعك الناجحه..
بو بدر هز راسـه بالنفي: حتى وان كانت مشاريعي ناجحه مستحيل اكون هذي الثروه بوقت قياسي.... و من غير رأس مال ضخم..
خوله: اوكي اذا افترضنا انك بعت او رهن كل ما تملك راح تحصل على رأس مال كبيـر..و يأهلك لدخول السوق..
بو بدر: كلامك صحيح و هذا اللي صار...
خوله ابتسمت : كنت عارفه..
بو بدر رد عليها يبحبطها: لكنه ما كان سبب ثرائي..
خوله و الفضول بدأ يزعجها: اجل ايش السبب...؟؟
بو بدر طلع نفس طويل اخيرا جاء اليوم اللي يبلغها فيه بالخدمه اللي قدمتها و هي طفله: اسمعي يا خوله.... لما تزوجت امك كنت مجرد موظف بسيط يسعى للثراء صاحبي كان بو فـهد ابو زوجك .. كان انسان بارد مستعد يقدم اي شيء و يتنازل عن اي شيء في سبيل الثراء... و هذي كانت اسوء صفه فيه بنظري و احسن صفه في نظر الناس الثانيه..
قدمت اكثر من مشروع و عمل تجاري و جمعت مبلغ صحيح ما كان كبير لكنه كان كافي علشان يغار بو فهد... اللي قرر يسافر للخارج و يبدأ تجارته... ترك زوجته و بناته الثلاث و سافر لحاله كان يرجع خلال الاعياد و المناسبات فقط و بعد
سنـه و نص رجع بثروه كبيــــــره كانت ناتجه عن صفقات مربحه في الغربه مع ان اغلب الناس شكو في صدقه..
خوله توسعت عيونها من الصدمه: قصدك ان عمي تعامل بشيء غير قانوني؟؟؟
بو بدر وهو يطلع نفس طويل: كل شيء جايز خصوصا انه كان في الغربه... لكن بعدها بمده قصيره انشرت سالفه انه اخذ ولد زووجته الثانيه ((يوسف )) منها و طردها و كان سبب قوي اخفف من علاقتي معه..
خوله : لحد الحين ما عرفت سبب ثراءك من كل هذا يا بابا..
بو بدر: خوله بعد ما خففت علاقتي في بو فـهد تزوجت امك طبعا بعج حب طويل-خوله ابتسمت له- كانت حياتنا شبه عاديه محصوره بين شغلي الصباحي الحكومي و شغلي المسائي الخاص.. لكن بعد ما حملت فيكم امكم تغير كل شيء..
خوله: ليش يا بابا..
بو بدر: تعبت امك كثير وهي حامل فيك و بخالد... و اضطريت اتخلى عن الشغل المسائي و التقليل من الصباحي في سبيل الحرص على صحتها خصوصا انا كنا في الرياض عند شغلي و اهلها كان في الشرقيه، بعد ما انولدتوا اكد لي الاطباء هنا ان نجاتكم من موت محقق خلال السته اشهر الاولى من حياتكم ...
خوله بصدمه ما كانت تعرف بهذا الشيء : ايش؟؟
بو بدر : اللي سمعيته... خفت انا و امكم عليكم و الشيء اللي حملنا و سافرنا لبره.. طبعا العيشه هناك كانت غاليه و مكلفه حتى بعد ما حصلنا على مستشفى باسعار رمزيه....
خوله: و استهلكت كل ربحك خلال سنين عملك...
بو بدر: كنت مستعد اتخلى عنك كل شيء علشان تعيشون حتى بعد ما اخذت قروض على كتفي في سبيل علاجكم...
خوله دمعت عيونها و بدت تبكي : خوله!! لا تبكي!
خوله: وليش ما ابكي وانا كنت سبب في كل هذا ...
بو بدر: انتي كنتي سبب افلاسي في البدايه و ثرائي في النهايه....
خوله: شلون؟
بو بدر: خلال وجودي انا و امك معكم في المستشفى تعرفنا على مريضه من قسم العلاج النفسي...
خوله: مريضه؟
بو بدر: كانت تجلس قريب منا تراقبنا و تسمع ضحكاتنا عيونها كانت دايما عليك وعلى اخوك... اللي فهمته ان طفلها مات و تأزمت نفسيتها ... في يوم من الايام استغفلت الممرضه الملازمه لها و قربت منا...
المريضه كانت تمشي بخطوات غير ثابته للعائله عيونها كانت على خوله اللي بدت تحبي جنب امها اللي كانت توكل بدر، بو بدر انتبه و بدأ يأشر لام بدر تاخذ بنتها قبل لا تقرب المريضه منها... خوله البرئيه رفعت راسها للمريضه ذات العيون الضائعه و ابتسمت... عيون المريضه تغيرت و ارتسمت ابتسامه ذابله على وجهها الاصفر... نزلت جسمها تلمس البنت .. لما مسكها ممرضين من يدينها : لا تتحركيييييييييييييييين (Don't move)
المريضه: No!!!!!!! I want my baby!!!!!!!!!! ( ( لااا ابي طفلي))
ام بدر و بسرعه فز قلبها و تكلمت: Leave her!!! She didn't do anything wrong ( اتركوها.. ما سوت شيء غلط)
بو بدر استغرب رد زوجته: منيره؟؟؟؟؟
ام بدر تجاهلت زوجها و كملت: (let's her go) اتركوها!!
الممرضين تركوا المريضه و سمحوا لها تمسك البنت حملتها بين يدنها وعلى وجهها علامه الحزن ابتسمت للبنت لما بدت تلعب معها... مشى الطبيب لعندهم و تفاجأ من اللي يشوفه كانت هذي اول مره تستجيب فيها المريضه من سنين لشيء...
عرفوا بعدها ان المريضه كانت البنت الوحيده لمليارير من مؤسسي المستشفى و انها كانت مدلله طول عمرها و انصدمت لما مات طفلها و دخلت في مرحله شبيه للجنون.. الطبيب طلب من العائله الصغيره انها تمسح للمريضه بزياره الطفلين و الجلوس معهم.... مقابل العلاج المجاني و خلال السنه اللي جلسوا فيها تقدمت حاله المريضه و تماثلت الى ما يشبه الشفاء.. صارت تتكلم و تلعب مع الاطفال....
-
خوله دمعت عيونها وهي تسمع كلام ابوها عن المريضه: مسكينه!! انا اعرف شعور لما تفقد شخص غالي عليك...
بو بدر: خوله،، المريضه كانت وحيده ابوها ما كان موجود عندها هي مسكينه انتي لا!!! انتي اهلك موجودينو عندك ناس كثير يحبونك انا هي... فما كان عندها احد... وكل اللي حولها كانوا طمعانين فيها.... و ينتظرون موتها و موته علشان يورثونهم..
خوله : علشان كذا امي كانت تحاول تطلعني من الحزن؟ كانت خايفه اني اصير مثل المريضه؟
هز ابوها راسه بالايجاب: صح... لما قررنا نرجع لديرتنا بعد ما تشافيتوا حزنت المريضه لكن وعدناها نرجع ابوها الله يرحمه حب يكافئنا صحيح انا نرفضنا لكنه و المريضه اصروا و قالوا انه لولا الله ثم انتي يا خوله ما تطورت حالة بنته و قربت من الشفاء.. عطانا مبلغ من المال.... كان تافه في نظره لكنه كااااااان كبير في نظرنا.... انتقلت انا و امك لجـده و بديت تجارتي فيه.... و الحين ياا خوله فهمتي قصدي من هذي القصه...
خوله فهمت قصده لكن حبت تتظاهر بالعكس: ايش تقصد يا بابا..
بو بدر: انتي يا خوله و من غير ما تعرفين انقذتي حياه انسانه كانت منتهيه في نظر الكل و في نفس الوقت عطيتينا الفرصه لحياه جديده.. تعتقدين ان علاج يوسف و اعطاءه فرصه حياه جديده بيكون صعب عليك..
خوله ابتسمت على صيغه ابوها للسؤال: تتحداني يا باابا؟؟
بو بدر: اكيد يا اللي ما تعرفين المستحيل...
خوله: وانا قبلت التحدي...
بوبدر قرب من بنته و حضنها بقوه، كان عارف انها مستحيل تتخلى عن يوسف بعد ما عرفه عنه اللي عرفته، لكن الحين بكلامه عطاها دافع اكبر للتمسك فيه و الدفاع عن حقه في السعاده...
-
-
في غرفه يوسف و خوله:
ام بدر: فيصل ماهو فارس احلام خوله الحقيقي
يوسف: اييييييييييييييييييييييييييييييييييييييييييييييييش ؟؟
ام بدر وهي تطلع نفس طويل:ظنيتي اني طلبت عدم المقاطعه!
يوسف رجع جسمه اللي مده من شده الصدمه لجهتها: اسف !!
ام بدر: مافي داعي للاعتذار هذي رده فعل اي شخص طبيعي عارف مدى تعلق خوله بفيصل...
يوسف: من هو فارس احلام خوله يا عمتي؟؟
ام بدر: انسان غير موجود في ارض الواقع..
يوسف واستغرابه يزيد: ايش؟؟ صديق وهمي قصدك؟
ام بدر كملت بهدوء: تقريبا... خوله لما كانت صغيره كانت البنت الوحيده في العائله.. اقاربنا كان كل ذريتهم اولاد.. البنت الوحيد هي سعاد اخت فيصل لكنهم وقتها كانوا عايشين في منطقه ثانيه وطبعا الاولاد يرفضون يلعبون مع البنات..كانت اذا طلبت تعلب معهم يضحكون عليها و يتحرشون فيها...ابوها قرر يدلعها و كان يشتري لها العاب من كل نوع و شكل... كانت تلعب بالالعاب و احيانا... تكلم الالعاب من الفراغ اللي كانت تحس فيه..في يوم من الايام وبين ما كنا مجتمعين في مزرعتنا و اغلب اهلنا و قرايبنا موجودين قرر زعيم العصابه الاطفال مرزوق ولد ولد عم بو بدر يسرق هذي يستهدفها... سرقوا العابها و رموهم في كل مكان... خوله انفجرت بكي و استمرت تدور على لعبتها المفضله صديقتها الوحيده على قولها...... ظلت لحالها طول اليوم و انفجرنا ندور عليها... في اخر اليوم واحد من الاطفال لقاها متمسكه بلعبتها و خايفه... نادنا و ركضنا .. و اخذ مرزوق و عصابته عقاب كبير... خوله من يومها و هي تقول انها ما كانت لحالها .. وان فارس قوي انقذها ... تعرف تصورات الاطفال...خصوصا انها كانت ما بين الخمس الى اربع سنوات
يوسف وهو ينزل راسه: شيء طبيعي على بنت في عمرها و ما عندها احد...
ام بدر : من ذاك اليوم وهي ترسم هذا الفارس على قوله على حصان ابيض..و
يوسف قاطعها: السموحه عمتي بس وين فيصل في كل هذا ظنيتها تقول انه كان موجود من كانت صغيره...
ام بدر: اسمعني للاخر وراح تفهم كل شيء يا يوسف..
يوسف: اوكي..
ام بدر: لما كان عمر خوله 8 سنوات قللت من عاده الكلام مع نفسها و مع العابها لان فيصل و اخته سعاد انتقلوا للعيشه عندنا... ماتت امهم و ابوهم تزوج وحده ثانيه وقرر يتخلى عنهم...
يوسف: ما كان عندهم خاله او خال غيرك لهم؟
ام بدر هزت راسها بالنفي: ما كان لهم احد، انا و بوبدر استقبلناهم برحابه صدر.. فيصل كان في عمر بدر و سعاد اصفر من خوله بسنه، و وجود سعاد في البيت بعد خوله عن حاله العزله اللي كانت فيها، صارت تكلم سعاد و تلبس معها نسف اللبس و يلعبون مع بعض.... لكن هذا الشيء ما كان مرضي لفيصل..
يوسف: ليش؟
ام بدر: فيصل كان طماع بنظره بو بدر ما كان عادل.... لانه يشتري لخوله لعبه كبيره و لسـعاد لعبه عاديه ويداعبها و يلعب معها اكثر من سعاد... بو بدر اصلا ما كان مجبور يستضيفهم في بيته... و خوله بنته و سعاد كانت غريبه...
يوسف: وهذا سبب كره لخوله...
ام بدر: بالضبط كان بدايته غيرته منها و ما كان اي منا منتبه عليها ، مع الوقت بدت اغراض خوله تضيع و في احيان كثيره نلقاها مقطعه...خالد كان جبان و يخاف منه فما كان يتكلم خصوصا انه كان اكبر منه، و بدر كان مسالم و يحب يزيد اي مشكله مهما كانت و يكبرها..
يوسف : وانتوا ايش سويتوا بعد هذا كله؟
ام بدر تنهدت بقهر: كنت اصارخ و مرات اقرب امد يدي عليه لكن بو بدر كان طيب و كريم،،، رفض انه يرميهم بالشارع او يعاقبهم، بالعكس سواهم بشكل كلي بعياله و يمكن اعلى منهم، الشيء اللي زاد من غرور فيصل و جبروته... الى اليوم المشؤوم اللي اتمنى اللي صار فيه ما صار...
يوسف بفضول: ايش اللي صار؟؟؟
ام بدر عضت شفايفها و ضغطت على يدها من قهرها و هي تتذكر اللي صار من 9 سنين..
فيصل بثقه البيت مع بدر اللي كان الخوف راكبه من كل جهه، الوقت كان متاخر و قريب الفجر وكل الموجودين نايمين و المصابيح كلها مسكره....
بدر تنهد براحه: الحمد لله مافي احد...
فيصل نظر له باشمئزاز: خايف مع هالوجه..و تسمي نفسك رجال..
بدر عصـب و رفع صوته: رجال غضبن عنك...
فيصل ضحك على كلامه : والدليل انك خفت و ما دخلت السباق..
بدر: قلت لك ما عندي رخصه ثاانيه السباق خطر...
فيصل: كلام جبناء..
انفتحت المصابيح و فز فيصل و بدر لما شافوا ام بدر تنتظرهم في الصاله: تو الناس كان بتوا بره..
بدر خاف و فيصل تقدم منها بغرور: عادي.. احنا رجاجيل محنا بنات..
بدر: فيصل!!
ام بدر : لا توقفه يا بدر خل نشوف اخرتها معه .... السجاير و طوفناها.... و الحين سباق شوارع يا فيصل ناوي تضيع الولد..
فيصل ضحك بغرور كان يعرف ان خالته تكرهه و عارفه بكل صغيره و كبيره في البيت الشيء اللي كان يخليه يتمادى لحد ما تنفجر و توقف هذا البرود: شفت يا بدر انت بنظر الوالد مجرد ولد!!
ام بدر بانفجار : ولدي ولازم اخاف عليه واذا تبي تضيع ... تضيع الحالك و ابتداءا من هذا اليوم بيتنا يتعذرك اطلع براااااااااه...
فيصل ضحك: ما تقدرين...
ام بدر صفعته على وجهه بقوه: اقدر اسوي اكثر من هذا يااااا ولد...
فيصل رفع يده بيرد لها الضربه بس بدر مسكه و ظلوا يتخانقون ... نزلت خوله على الصوت العالي و راها ابوها : ماااماا؟؟
فيصل دفع بدر على الارض و كان بيدوس عليه، ام بدر مسكت فيصل بيد و خنقته بالثانيه بقهر ... كان نتيجه لكبت طويل .. خوله ركضت لجهة امها و حاولت تبعدها عن فيصل لما حصلت ضربه من امها رمتها لبعيد و صدم راسه الطاوله : خووووووووووووووووووووله؟؟؟؟
-
ام بدر : توقفت المشاجره بعد اللي صار لخوله اللي نتقلت للمستشفى و ظلت فيه عده ايام ، الضربه على راسها سببت لها ارتجاج خفيف في الدماغ أدى لفقد جزء من افكارها و ذاكرتها..لما صحت تأكدنا منه انها تذكرنا لكن مع ذكرى جديده، خلال فتره غيبوبتها عرف فيصل باللي صابها سوا دراسته و زارها من ورانا و ظل يكلمها و يدس افكار في عقلها.... و صارت الكرت الرابح له و بطاقه بقاءه في عايلتنا بعد ما اقسمت يطلع منها ... خوله لما صحت تبرمج عقلها على ان فيصل هو فارس احلامها..كل تخيل كانت تتخيل فيه هذا الشخص تبدل بفيصل و صار هو حبيبها...
يوسف وهو مقهور: بهذي البساطه؟؟؟؟؟
ام بدر: بهذي البساطه... الانسان اللي كان يكرها و يبغضها استولى على حب الطفله البريء، صار معشوقها اللي تبحبه فهمها انه اكثر انسان يحبها و يفهمها كانت في فتره مراهقه وقتها و مشاعرها كبيره.. حبها له اختلط بهذي المشاعر و تطور مع الوقت ... كلمة لا له.. كانت مستحيله..
يوسف: بس انتي كنتي عارفه انه يكرها ... ليش ما منعتيه يتقرب منها؟؟ ليش؟؟
ام بدر: اقعني بو بدر انه تغير لانه التزم و صار ضابط فظنيت ان كل شيء تغير.... بس رجعت بدريه و بنتها و تغيرت الحال من جديد..
يوسف وهو حاس بمصيبه جديده على ذكر هذا الاسم: ايش صار؟
ام بدر: فوزيه كانت لخالد ولدي من كانوا صغار بس تغيرت القاعده لما خطب ابـوك خوله لفـهد...
يوسف: لحظة فـهد كان خاطب خوله؟؟؟؟؟؟
ام بدر: ما كنت تعرف؟
يوسف: لا؟
ام بدر كملت : خطب خوله بس خوله رفضت لكن روحها و قلبها كانت متعلقه بفيصل و لان بو بدر كان خايف يزعل ابوك صديقه العزيز، خطب الجود لخالد.... الشيء اللي زعل بدريه و بنتها و كرهم فينا...
يوسف كان في حاله صمت و صدمه وهي يقول في نفسه: يعني السبب في كل اللي صابني فيصل و خوله؟؟؟ لو ان خوله ما حبت فيصل ، ما رفضت فهد، لو ان خوله وافقت على فـهد كان ما تزوج فاتن.. لو ان فهد ما تزوج فاتن.. كانت فاتن له.. و كان يومها راح يكون اسعد انسان في العالم مع الانسانه اللي يحبها!!!
ام بدر: يوسف؟؟
يوسف طلع نفس طويل: ممكن تكلمين!
ام بدر: فوزيه بدت المشاكل معها و قررت بما انها لا يمكن تتزوج خالد لازم تدمره و تدمر خوله السبب في زواجه م غيرها... صارت تطارد فيصل و تسبب مشاكل... لكن اللي ما كنا عارفينه ان فيصل و فوزيه كانوا متفقين على كل شيء...
-
-
-
من ثلاث سنوات و نص خوله في قمه اناقتها بشــعرها الفاتح و مكياجها الناعم مع سعاد ووفاء يضحكون و يسولفون باشياء كثيره..
سعـاد: لا ابدا ما عجبني فلم بـراد الجديد احسـه مبالغ فيه..
خـوله بابتسامه: على العكس براد مهما كانت قصه الفلم سخيفه يظل حلو لانه فيه..( طلعت شهقه طوييييييل)
وفاء و هي تضرب كتفها: يوووو راااح تتعبين لما تتزوجين يا خوله و السبب كلامك عن الوسيمين كذا..
خوله : هههههه اللي يبيني ياخذني بتصرفاتي هذي..
سعاد: اخ لو حلوه وواثقه بنفسي مثلك كان انا متزوجه من زمان..
خوله: حرام عليك يا سعاد انتي حلوه كثير..
وفاء: النصيب يجي يا سعاد عاجلا ام اجلا... طول ماهو مكتوب لك.. انا مثلا ما كانت متوقعه اني اتزوج واحد مثل بدر .. جمال و مال و منصب..
خوله ابتسمت و حطت يدها على كتف وفاء.: بس يا وفاء نسيتي انك تملكين صفه نارده و شبه معدومه في هذا الوقت... التواضع و حب الناس و التسامح المطلق... وهو اكثر شيء عجب اخوي فيك...
سعاد: وانا متأكده ان جمالك هو اللي عجب اخوي فيك..
خوله ضربتها على خدها بخفه ودلع: سعااااااد!!!
رن موبايل خوله باسم فيـصل، حمر وجهها و تراقب نظرات سعاد لها قامت من عندهم و مشت للحديقه بعيد عنهم و ردت: مرحبا..
خوله: اهلا اهلا..
فيـصل بصوت جذاب: شلون حبيبة قلبي ...
خوله زاد خجلها من كلامه صحيح هم مخطوبين بس كلامه كان كبير عليها: بخيــر ..
فيـصل : مافي بخير يا عمري ولا يا روحي ولا انا ولا شيء عندك؟
خوله: ليش.. تقول كذا... انت غالي علي...
فيصل : وبعد...
خوله: و احـ..........و احس بالراحه معك..
فيصل : بصراحه احبطت...
خوله: فيصل!!
فيصل: عيونه وروحه و قلبه...
خوله كانت بتكمل حوار الغزل بينها و بين حبيبها لما لفت انتباها ورقه مقطعه على الارض: لحظه فيصل...
كانت خربشات طفله صغيره
فارسي الجمـيل ....على حصانه..انقذني....
خوله توسعت و عيونها و صرخت لما فهمت ان الورقه اللي كانت جزء من مجموعه اوراق كثيره كانت مذكراتها: لااااااااااااااااااااااااااااااااااااااااااااااآآآ آآآآ
سعاد و وفاء ركضوا لخوله اللي كانت منهاره على الارض تحضن الاوراق المقطعه: خوله ايش اللي صار ايش فيك....
سعاد اخذت الورقه و قرتها: هذي مذكراتها يا وفاء...
وفاء رحعت تسال خوله: خول من اللي سوا كذا تكلمي..
خوله ظلت تبكي و متجاهلتهم فوزيه قررت تنظم للحوار : ايش اللي صار ليش تصرخين؟
وفاء التفتت لها و رغم ان ابتسامه عريضه على وجهها جاوبت ببراءه: مسكينه في احد سرق مذكراتها و قطعها..
فوزيه لوت وجهها بعدم رضى: الحمد لله و الشكر.. بزر انتي تصيحين على اوراق...
خوله وسط بكاءها: هذي اغلى ما املك!!
فوزيه: كان اغلى ما تملكين ولا ناويه تحتفظين فيه بعد اللي صار..
سعاد: فوزيه!!!
على صراخ خوله في الموبايل جاهم فيصل ابتسامته على وجهه و دخل منطقه الحريم: ايش اللي صار؟
وفاء على طول غطت راسها كانت تكره تصرف فيصل هذا انه يدخل ويطلع من غير اذن كانه صاحب المكان كانت تقدر تكلم بدر عن الموضوع بس ما حبت تكبر الموضوع...
فوزيه بضحك : تصور يا فيصل زوجتك المستقبيله تبكي على اوراق متقطعه كانها اطفالها.....بصراحه الله يعينك عليها...
فيصل و ابتسامته ما غادرت وجهه: حرااااااااام مسكينه خوله.... بس تراها اوراق.. مافي داعي تضحكين العذال عليك...
فوزيه على كلام فيصل ضحكت... تصرفها فجر غضب خوله اللي ركضت لعندها و كانت ناويه تضربها بس احد ثاني مسكها: خوووووووله؟؟؟؟؟
خوله تفاجأت لما شافت امها اللي جت على صوتها تمسك يدها عن ضرب فوزيه: مااامااا فوزيه قطعت مذكرااااتي..
فوزيه بدفاع سريع: اناا ما سويت شيء يااا خاله، وفاء و سعاد شاهدين اني توني جااايه...
سعاد و وفاء هزوا راسهم بالايجاب.: كلامها صح يا خاله..
ام بدر حركت عيونها ما بين خوله و المذكرات و فوزيه و سعاد ووفاء و مجموعه حريم كان موجودين عن ام بدر في مجلس الاسقبال ... ضغطت على يد خوله و تكلمت: خوووله!!! ماهو هذا الانطباع اللي كان لازم تكونينه ...
خوله باستغراب وهي ترمش بعيونها المكحله: ايش؟؟؟
ام بدر : احرجتيني.... على غرفتك بسرعه..
خوله: ماما بس..
ام بدر: من غير نقاش الكل على غرفته!!
مشت خوله وهي تبكي و تراقب اجزاء مذاكراتها اللي بدت تطير بالهواء مع وفاء و سعاد لغرفتهم و فوزيه على غرفتها و الحريم رجعوا لمكانهم و ما بقى الا فيصل صاحب الابتسامه الزائفه و ام بدر: اسف على الاحراج اللي سببته خطيبتي يا خاله..
ام بدر ضغطت يدها: فيــصل انت كنت عارف ان الحريم اللي جايين كانوا ناوين يخطبون خوله صح!!
فيصل وهي يتظاهر بالتعجب: صدق ما كنت ادري...
ام بدر: ولانك كنت عارف خطوبتك لخوله مجرد كلام عادي وانه الناس اللي متقدمين لها هذي المره ناس لا يمكن يردهم بو بدر دخلت غرفتها و سرقتها مذكراتها اللي بلغتك بمكانها بكل براءه و قطعتها حتى تحرجها قدام الضيوف!!!!!!1
فيصل: من المحقق هنا انا ولا انتي....
ام بدر كانت نرفزتها تزيد في كل لحظه من بروده مع انها كانت عارفه انه مذنب: فيصل ... ان فكرت في يوم تأذي خوله من جديد!!!!!!!!!! رااااااااح اذبحك فاااهم....
فيصل انفجر ضحك على تهديدها: ههههه يا ماما خوفتيني....اعلى ما في خيلك اركبيه..
فيصل عطى ام بدر ظهره و مشى بثقه ام بدر كانت مخططه تدبر زواج لخوله من اي احد حتى لو تجبرها في سبيل تبعدها عن هذا المخلوق... للكن للاسف
-
-
ام بدر: فاجأني يومها بالليل بو بدر ان فيصل طلب تحديد موعد الملكه و قدام الكل بما انهم متفقين على كل شيء...
يوسف: عمي كان موافق..
ام بدر: للاسف عمك كان يظن اني موافقه و فرحانه بقرار فيصل لاني لمحت له قبلها بيوم ان خوله لازم تتزوج وباقرب وقت
يوسف: كان فيصل عارف بتخطيطك و استغله لمصلحته ... اي داهيه هذا..
ام بدر: طيبه بو بدر و قلبه الكبير كان جزء من خطته، لو ان بو بدر بلغني قبل خوله كان رفضت و تحججت باي شيء بس بلغني بعدها و خوله طارت من الفرحو صارت تعد الثواني ليوم الملكه و تتجهز لها...
يوسف: مسكينه..
ام بدر: فيصل يا يوسف كان يخطط يدخل على خوله قبل العرس و يطلقها و بكذا يحطمها للابد.. صدته اكثر من مره يتقرب لها لما ما نكون موجودين و الحمد لله قدرت انقذها الى يوم عرسها...
يوسف: و حسن نيتك و نية بنتك انقذتكم منه لما مات..
ام بدر وعلى وجهها ابتسامه حزينه: معك حق.... هذا فيصل اللي كنت تسـالني عنه يا يوسف.. ما كنت ناويه اقولك عنه حتى ما تاخذ فكره غلط عن خوله و او تظنها غبيه او مجنونه... خوله..
يوسف: طيبه و مسكينه... مشكوره يا عمه على اللي قلتيه وان شاء الله ربي يقدرني و اسعدها..
ام بدر وهي تحط يدها على يده: اعتبر هذا وعد؟
يوسف ابتسم لها ابتسامه كانت في نظرها خطيره: اكيــد..
ام بدر اخذت الضمادات اللي كانت طايحه منه و بدت تلفها على وجهه: عمتي مافي داعي..
ام بدر: الا في داعي الا اذا كنت معتبرني شخص غريب...
يوسف: لا عمه انتي مثل امي,,.......
ام بدر: نادني امي ارجوك
يوسف: ما عندك مانع؟
ام بدر بفرح ضمته: اكيد لا يا يوسف ..
خوله دخلت و شافه امها و بتفاجأ: ماما ايش اللي تسوينه؟؟؟
ام بدر حركت عيونها باستخفاف: احاول اغري زوجك الوسيم علشان يتركك وياخذني بدالك!! يا القبيحه..
خوله مشت لعنهم بخطوات ثقيله حتى تبين ليوسف انها معصبه: قبيحه بس صغيره ..
ام بدر بعدت عن يوسف و ضحكت: اي شخص يشوفني جنبك بيقول عني اختك الصغير يا عجوز..
يوسف ضحك عليهم كان شكله خطير وهو يضحك في نظر ام بدر و خوله: لا تفهمين غلط .. عمتي.... اقصد امي منيره.. كانت تسليني بعد ما تخليتي عني يا خوله...
خوله نزلت راسها بعد ما مرت ذكرى هروبها على بالها و حمر وجهها ام بدر فهمت اللي صار وقررت تنسحب و تتركهم لحالهم: انت اللي فهمت غلط يا يوسف... انا كنت استدرجك حتى استولي على قلبك و نعيش حب محرم وااااااو كووول..هههه بااااي
طلعت ام بدر و سكرت الباب وراها خوله و يوسف ضحكوا على تعليقها: خوله مرات احس فيها انفصام بالشخصيه... شخصيه قاسيه متغطرسه و شخصيه مراهقه مرحه..
يوسف: حلو ان الانسان، يعيش نفسه بفرح و استمتاع بكل لحظه..
خوله: بس كلام ماما صحيح.. اللي يشوفني جنبها يظني اكبر منها بكثير...
يوسف: شكلي بنصدم لما افتح.... من كلامك واضح انها غير الصوره اللي رسمتها في بالي...
خوله: صح انت ما قابلتها قبل اللي صار...
يوسف: مثل ما ماقابلتك قبل موت زوجك السابق..
خوله: ايش اللي تقصده..
يوسف: انا عارف انك كنتي غير اللي انتي عليه قبل موت فيصل....زوجك السابق.....
خوله: امي اللي قالت لك؟
يوسف: ماهي الوحيده..... والي انا ناوي اسويه... انك ترجعين لذاك الوضع و الحال يا خوله..
خوله بضحكه ساخره: مستحيل..
يوسف: ظنيت كلمه مستحيل مالها وجود في قاموسك..
خوله: فيصل الله يرحمه حط حد لهذي المقوله..في حياتي..
يوسف ضغط على فراش السرير وهو يقول في نفسه: الانسان اللي عطيتيه اكثر من قدره و حقه..
يوسف: و اعتقد انك يا خوله مستعده تدخلين النار علشانه!!!1
خوله توسعت عيونها و فزت من كلمته: ايش اللي قاعد تقوله انت ايش ادخل النار علشانه!!!
يوسف: خوله من تزوجتك وانا مقرب لربي و ديني اكثر من اول وانا اللي كنت ابدي شغلي فوق كل شيء... لكن في شيء مهم انتي نسيتي و هو انا زوجك و ان رضاي جزء مهم من دينك .. واني ان طلبتك ما يحق لك الرفض
-
قررت الشريعة الإسلامية بجميع مصادرها حق الزوج على الزوجة بالطاعة، إذ عليها أن تطيعه في غير معصية، وأن تجتهد في تلبية حاجاته، بحيث يكون راضياً شاكراً.
ونجد ذلك بقول النبي صلى الله عليه وسلم في الحديث النبوي الشريف " إذا صلت المرأة خمسها وصامت شهرها وحفظت فرجها وأطاعت زوجها دخلت جنة ربها ".
وفي قول الله سبحانه وتعالى: "فإن أطعنكم فلا تبغوا عليهن سبيلا". وقال رسول الله صلى الله عليه وسلم: " لو كنت آمراً أحداً أن يسجد لأحد، لأمرت المرأة أن تسجد لزوجها"
فمن أول الحقوق التي قررها الدين للرجل هي أن تطيعه زوجته في كل ما طلب منها في نفسها مما لا معصية فيه، إذ ورد أن النبي صلى الله عليه وسلم قال: لا طاعة لمخلوق في معصية الخالق".
بالتالي عليها أن تأتمر بأمره، إن نادى لبت، وإن نهى أطاعت، وإن نصح استجابت، فإذا نهى أن يدخل قريب أو بعيد محرم أو غير محرم إلى بيته في أثناء غيابه أطاعت.
قال رسول الله صلى الله عليه وسلم: " ألا إن لكم على نسائكم حقاً، ولنسائكم عليكم حق، فأما حقكم على نسائكم ألا يأذن في بيوتكم لمن تكرهون".-
خوله انزلت راسها بحضنها و حوطته بيدها تبكي و تصيح.. كانت عارفه هذي الحقيقه و خايفه... خايفه من ربها ومن اللي بتلقاه في اخرتها اذا رفضت يوسف ....زوجها..
يوسف على صوت بكاءها مد يده و من غير قصد سحبها بحيث صارت تبكي على رجوله: خوله!! انا لا يمكن اجبرك على شيء....اذا كنتي رافضه اكون زوجك بهذي الطريقه فانا ما عندي مانع... لكن ابي اشوفك سعيده تضحكين و تلبسين و تعيشين حالك حال كل البنات... هذا طلبي الوحيد و اتمنى انك ما ترديني فيه...
خوله بكت لمده و بعدها هدت على كلامه ولما بدأ يمسح على شعرها القصير: شعرك طال!
خوله رفعت راسها بعد ما انتبهت على كلامه : صح صار لي مده ما قصيته.....
يوسف: لا تقصينه!
خوله: ليش ان شاء الله..
يوسف وهو مستمر يحرك شعرها : ابي اشوف شعرك طويل.... ثانيا نسيتي اللي قلته لك ان اوامري تنفذ من غير نقاش...
خوله و هي تحاول تقوم من فوق رجوله: ان شاء الله..
يوسف سحبها و بسرعه لحضنه و حوطها بيدينه: نامي معي الليله...
خوله وهي مصدومه توه كان يقول ما يفكر فيها بهذي الطريق: يــ...ـــوسف..
يوسف: ما في داعي للخوف... ابيك تكونين جنبي وحسب..... لاني مازالت احس بالضياع بعد ما تركتيني...
خوله بتوتر و خجل كبير: ان شاء الله..
يوسف رجع ظهره للسرير بعد ما تركها حط راسه على الوساده و انتظرها تغير ملابسها المبلله و تلبس بيجامتها... صوت تغير ملابسها اللي كان واضحه له لانه ما يشوف كان دايما يعطيه شعور غريب حتى وان كان ما يشوفها هذا النوع من التصرف كان كافي يحمر وجهه و يعصر قلبه...
حس يوسف بالسرير لما نزل و بالغطاء لما انسحب جزء منه كان يسمع صوت انفاسهت السريعه و الدافئه رغم انها حاولت تكون ابعد ما يمكن في السرير عنه:تصبحين على خـير...
خوله بصوت مقموت تحت الغطاء:تصبح على خيـر..
-
-
في مكان ثاني
بالشاليه و تحديدا في غرفه الجلوس التابعه خالد و الجـود.. ،، خالد دخل الحمام يتروش و الجود استغلت هذي الفرصه تخطط مع فوزيه صديقتها الجديده تخطيط جهنمي..
فـوزيه بغرور وهي تلعب بشعرها الطويل: ايش رايك بمخططاتي؟؟
الجـود بنفس الغرور: بصراحه اثبتي لي انك منتي سهله بس هما الاضافات اللي قلتها لعبه دور و المخطط..
فوزيه وهي تضحك: يظهر يا الجـود انا توأمين روحيين.. اجتمعنا اخيـرا..
الجـود في نفسها: لا ان شـاء الله انا وين وانتي وين يااا حقيـره..
الجـود بابتسامه مصطنعه: اهم شيء تبعد هذي الكئيبه عن يـوسف اخوي..
فوزيه في نفسها: هي كئيبه وانتي حقيره ما تستاهلين خالد....
فوزيه قامت : استأذن الحين، اخاف يطلع خالد و يتضايق من وجودي..
الجـود: براحتك، لازم اشوفك بكرا... علشان نبدأ بالخطه...
فوزيه وهي ترسل لها بوسه طايره: اكيد بايييييييي
طلعت فوزيه وعلى وجهها ابتسامه نصر تلاشت لما تلاقت عيونها بالعيون العسليه الغاضبه ...: اه اه
ام بدر كانت واقف جنب الباب وكانها متوقعه طلعتها و كان شياطين الدنيا كلها راكبتها : ممكن افهم سبب وجودك في غرفه ولدي؟
فوزيه: انا كنتـــ..
ام بدر: خلينا اجاوب عنك... كنتي تخططين مع السيده المحترمه زوج ولدي لمصيبه ..
فوزيه: حرام عليك انا كنت بس......
ام بدر مدت اصبعها بوجه فوزيه: اسمعيني زين يا فوزيه انا ما راح ارحمك ان عرفت انك حاولتي تأذين اي واحد من عيالي!!! و حطي في بالك زين ان يوسف صار واحد منهم!!!!!!!
فوزيه: انا ما قلت شيء كنا بس ........
ام بدر: فوزيه!!!!!!!!!!!!!! اعرفك اكثر من الكل واذا مازلتي تحبين تكونين مقبوله في العائله انصحك تبتعدين عن اي من اللي تفكرين فيه...
فوزيه تخصرت لها : ايش ممكن تسوينه يعني؟ خالي لا يمكن يطردني و يطرد امي... هذي فلوسه هو مو انتي!!
ام بدر: ابسط شيء اسويه هو اني اوريه عقد زواجك من فيصل
فوزيه توسعت عيونها زادت سرعه نفسها: ايش؟؟؟؟
ام بدر: كنت اعرف انك متزوجه فيصل و كنتي حامل لما مات و سافرتي و اجهضتي الطفل و سويتي عمليه #### كل الاوراق عندي من مصادري الخاصه... الجود اللي انتي معتمده عليها قربت نهايتها لكن حاولي ما تطلعين من اللعبه بسرعه و قبلها اوكي
ام بدر عطتها ابتسامه قهرتها و مشت لجناحها، فوزيه ارتبكت و حست انها خسـرت ،، لا هي كانت خسرانه من زمان، اصلا ام بدر كانت عارفه باللي ناوين يسونه و عطتهم المجال... كان هدفها من البدايه تطيح الجود في اللعبه علشان تنهيها و للابد... فوزيه ضحكت ،، تصرف ام بدر عطاها فرصه للتراجع و التخطيط من جديد و اما الجود فما في ضرر انها تكمل الخطه القديمه لحالها و تخسر و بعدها تبدي لعبه فوزيه الجديده..
-
-
-
الجود قررت تبدأ اول خطه لبست وتأنقت مشت لجهة التسريحه و بدت تحط مكياجها، لفت انتباها شيء كان ينعكس في المرايا: مداليا؟؟
قامت الجود و مشت للمكتبه خالد كانت داخلها اغراض كثير شهادات و ملفات و مداليه الفضول ذبحها بدت تفتش في مفاتيح خالد لحد ما حصلت مفتاح المكتبه فتحتها و بدت تفتش اخذت الميداليه الذهبيه وقرت اللي وراها :البطوله المحليه في الرمايه ... خالد الـ........
تفاجأت الجـود ما كانت تعرف انا خالد بارع في الرمايه، رجعت المداليا اللي لقت معها مداليات ثانيه فضيه و برونزيه هما في الرمايه ، شهادات تقدير و دروع للبطولات اللي حققها..: غريبه ما عمره تكلم عن هذا الشيء؟
كان في ملف غريب بين الشهادات شكله ما كان يوحي انه تابع لخالد سحبتها و فتحته...
القضـيه رقم : 123390
الاسـم: فيــصل الـ...
الرقم المدني: .........................
الجنسيه : سعودي..
تاريخ الميلاد: - 13-1-1985 مـ
تاريخ الوفاه المحدد: 5-7- 2007مـ
تاريخ العثور على الجثه: 8-7-2007مـ
ســـبب الوفاه: طلق ناري اخترق القلب...
مكان العثور على الجثه: 50 كيلومتر شرق شاليه عائله القتيل..
ملاحظات المشخص: عثر على الضحيه خلال فتره عمله بلباسه الرسمي و اختفى سلاحه ، تم ضرب القتيــل ضرب مبرح بعمود حديديه في منطقه الوجده تحديدا قبل اطلاق النار عليه .. وجدت الجثه مدفونه في حفره صغيره و لا دليل على مرتكب الجريمه...
-
الجود تفاجأت وهي تقرا الملف الصفحات اللي بعده كانت عباره عن محاضر استجواب اقرباءه ام بدر، بو بدر، خالد و بدر ،سعاد .....، ( مجموعه من الناس ما تعرفهم الجـود) فــهد الـ......... .
الجود انصدمت: فـهد؟؟ فهد كان عرف فيصل زوج خوله السابق..
الجود كملت وهي تتصفح لاخر صفحه ( تم تسجيل القضيه ضد مجهول)
الجود كانت مصدومه و ماهي عارفه ايش اللي تقوله وتسويه، اليوم اكتشف اشياء و اشياء...: فيصل هذا اللي حزنانه عليه خوله زوجها السابق مات مقتول، مع ان الكل يقول فيصل مات في حادث خالد نفسه قالي هذا الشيء وفوق هذا يعرف فهد مع ان فهد ابدا ما قال انه يعرف احد من عايلة خالد... ثانيا خوله؟ ليش خوله هي الوحيده من العائله اللي ما تم استجوابها مع الباقي... ايش اللي يصير,,
خالد: الجود..
الجود فزت من الخوف لما سمعت صوت خالد اللي طلع من الحمام..: خــ.. ـــ الــ,...د!!
خالد استغرب خوفها و توترها بس في اللحظه اللي شاف فيها خزانته مفتوحه و ملف قضيه فيصل عندها انفجر غضب و عيونه طلع من الشرر..مشى لعندها و سحبها مع شعرها بقوه : انتي باي حق تفتحين خزانتي!!!!!!!!!!!!
الجود كانت مصدومه و متفاجأه لدرجه انها ما حست بالالم في شعرها ابدا خالد ما عصب عليها : انااا ما سويت شيء!! كنت بس اتفرج!!!!!!1
خالد صفعها كف قوي على وجهها رمها على الارض: تتفرجين على اسراري!!!!!!! شوفي يا الجود انا طيب اي.. مسالم اي... لكن اللي يتجاوز حدوده معي اذبحه فاااااهمه
الجود عيونها كانت مليان دموع لكن الصدمه اللي كانت عايشتها منعتها من النزول: اســــ..ــفه..
خالد: طبعا قريتي اللي في الملف و كونتي فكره تامه عن فيصل و اللي صار له... لكن ان سمعت او حسيت ان احد ثاني في البيت عرف باللي فيه الطلاق اقل شيء ممكن تحصلين عليه فاااااااااااهمه...
الجود وهي ترجف خوف: حــ....ــــاضــ...ر.....
خالد ابتعد عنها بعد ما رمى الملف و قفل خزانته عطاها نظره غاضبه دخل لفراشه و تركها في مكانها على الارض... كانت خايفه .. لا ميته خوف ابدا ما كانت قادره تتحرك او تقرب منها... اليوم انكشف لها وجه جديد لخالد.. متسحيل يرجع في نظرها خالد الاولي حتى لو عاد لطبيعته: بس ليش كل هذاااااآآآ ايش اللي في قضيه فيصل مسبب له كل هذا الغضب....ليش ما يبي احد يعرف ان فيصل ميت مقتول..... ايش اللي صار بالضبط..
-
-
-
للصبر آخر
للصبر آخر خلاص عافك الخاطر
حاولت اسامح ولكن ما اني بقادر
خلاص عافك الخاطر
روح في طريق وانا بطريق خلني على جرحي العتيج
خلاص عافك الخاطر
تذكر يوم كنت انا حديث الناس
ومن منا مثلك يا اعز الناس
واليوم بقدم لك عذر
وان كان لي عندك قدر
محبتي اقطع من راجاها اليأس
روح بطريق وانا بطريق
خلني على جرحي العتيج
خلاص عافك الخاطر
هذا القرار الاخير واعتبرنا منتهين
لا تنتظر لحظه حنين
ما احبك بقناعه قلتها
انتهى الحب انتى
التها القلب التها
هذا القرار الاخير روح بطريق وانا بطريق
خاني على جريح العتيج
خلاص عافك الخاطر
يتـــبع:
ان شاء الله يكــون البارت عجبكم اعرف ان الكل عنده اسئله كثيره بس لا تخافون ان شاء الله كل شيء بيتوضح
الباااااااااااااارت الجاااي راح يكون اما الجمعه او السبت كحد اقصى ان شاء الله
التوقعااااااات:
خالد ايش سبب غضـبه من الجـود؟ وهل اللي صار راح يغيرها عليه؟
يـوسف ايش ناوي يسوي علشان يكسب خوله و يمشي بالاتفاق مع ام بدر؟
خوله باي شكل ناويه تطلع يوسف من احزانه وهي رافضته كزوج؟
فوزيه ايش اللي تخبيه خصوصا انها كانت متزوجه فيصل من وراهم ؟
هل هي نهايه الاسرار في عائله بو بدر؟
فيصل هل حياته هي بس اللي كان يظنها اهله او كان له اسرار اكثر و مختلفه؟
ايش طبيعه العلاقه اللي كانت بين فهد و فيصل ؟
انتظر بااااااقي التوقعات على مزاجكم
طـلب صغــير لا تجعلي القراءه تلهيك عن الصـلاه او قراءه القرآن
و قـوووولي:
( سبحان الله و بحمده عدد خلقه و رضى نفسه و زنت عرسه ومداد كلماته)
(اللهم اغفر لنا و ارحمنا و عافنا و اعفو عنا)
البـــارت الثالث عشـــر:
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك