رواية توأمي لكن انا غير ومالي مثيل وراسي عنيده -12
بانه بمحاوله أخيره:سجيه من جد لا تضيعين عليك درجات الحضور وخلي عنك العناد
سجيه:ما أكون بنت العليان ان ما هبلت به هجل انا ويا وجهه يهددني
بانه باستغراب:لحظه الحين مو أنتي بنت عبد الرزاق كيف تقولين العليان
سجيه بدون ما تطالع بانه:ايه بس اسم أبوي وعائلته ما يشرف فأحط اسم أمي وعائلتها اشرف لي من اسم عائلة أبوي النصابين
بانه سكتت لأنها حست ان سجيه تضايقت وأمجاد تطالعهم من طرف عينها وما علقت
دخلوا القاعه وجلسوا بانتظار الدكتور
&&
نزلت وهي تتلفت وبشويش وطلعت برا وسمعت همس قربت:أخيرا جيتي
مدى:وش عندك اخلص
يزن:ابغى منك خدمه
مدى:وش خدمته بعد يا كثر طلباتك مو كافي اللي أسويه لك واللي لو دروا عنه ذبحوني
يزن:اووف منك بتسوينها ولا لا
مدى:اخلص وقول
يزن:اسمعي
يناظر جواله وهو يستنى الرد رن جواله ورفعه:الو ها جبت الرقم – لحظه
مسك ورقه وصار يسجل الرقم بعد ما خلص: طيب يعطيك العافيه – مع السلامه
صك الخط وعلى طول اتصل وهو ناوي ينفذ خلاص الموضوع تأخر أكثر من اللازم ولازم يبرد حرته منها
&&&&
دخلت عليهم وقطعت سوالفهم وهي جامده وسرحانه
رؤيه تطالع دانه:وش فيها هذي
دانه ترفع كتوفها بمعنى ما ادري
رؤيه تاشر قدام وجه لولوه:لولوه وش فيك
لولوه اللي صحت من شرودها:ها لا ولا شي
رؤيه:أي ولا شي وأنت سرحانه ومفهيه على الأخر
لولوه:لو تعرفون وش سمعت كان ما تصدقون
رؤيه ودانه باهتمام:وش سمعتي
لولوه:بس أول توعدوني ما يطلع لبرا
رؤيه ودانه:وعد
لولوه قالت لهم كل اللي سمعته وبعد ما خلصت
رؤيه ودانه يطالعون بعض وهم متفاجأين
رؤيه:يعني مازن يحبك
لولوه اللي انحرجت:ما ادري
رؤيه:كيف ما تدرين وأنتي تقولين انك سمعتيه يقول هالكلام ليزن
دانه بابتسامه:حلو
التفتوا لها ولولوه ترد:شلون يعني حلو
دانه:يعني حلو ان في احد يحبك وخصوصا مازن هو طيب وحبوب
لولوه سكتت وما ردت
رؤيه:لولي ليكون تحبين
لولوه بسرعه وعيونها طالعه:لا والله
دانه:طيب انت وش شعورك اتجاه مازن
لولوه:ما ادري عادي
رؤيه:والله حركات طلع في البيت عندنا حبيبين وإحنا ما عندنا خبر
دانه تبتسم :افتحي قلبك وانبسطي
لولوه سكتت وما ردت عليهم
رؤيه:ويزن من يحب بعد
لولوه:والله ما ادري بس قال انها تعتبر الحب غباء
رؤيه ودانه وهم يطالعون بعض وبصوت واحد بتفاجأ:رواء
لولوه طلعت عيونها:رواء
رؤيه:هههههههههههه أما يزن يحب رواء أم النفسيه ههههههه صدق أحول
دانه:حرام عليك والله رواء تهبل بس لو تترك عنها فرويد وغيره كان هي بخير
لولوه:يعني هو يحب رواء كيف عرفتوا
رؤيه:لا ما في احد يعتبر الحب غباء وتخلف غير رواء والله حرب يزن عويصه
دانه:إذا كان يحبها من قلب بيعرف كيف يكسبها
كملوا البنت سوالف وضحك وأحيانا رؤيه تقط نغزات على لولوه
في أميركا
في الجامعه في القاعه
كانت جالسه أمجاد وجنبها بانه وجنبها سجيه
وهو يشرح نزلت وطلعت من شنطتها كيسة حب
بانه اللي سمعت صوت التفتت لسجيه وباستغراب:وش تسوين
سجيه وهي تقشم:ما تشوفين أكل فصفص وحب
بانه بتعجب:أنتي انهبلتي والله لو يشوفك يطردك
سجيه:بالطقاق
بانه تلتفت لأمجاد اللي تكلمت قبل ما تتكلم بانه:خليها على كيفها احنا ما لنا دخل هي حره
بانه طالعت أمجاد باستغراب وفي نفسها:والله انهم اغرب صديقات مرو علي يحبون بعض ويموتون على بعض بس في مواقف ما لهم دخل في بعض والله غريبين
سجيه انتبهت للولد اللي قدامها ابو قذيله:هيه أنتي
سجيه:خير
الولد ابو قذيله:يا ويلك لو يشوفك نزلي الكيس
سجيه:مو شغلك
صديق ابو قذله:خلها ما لنا دخل
الولد ابو قذله:إذا انطردت بتصير المحاضرة ممله وما في احد يضحكنا
الدكتور اللي كان يطالع سجيه ولمحها تقشم حب عصب:أنتي
سجيه وهي تطالعه:انا
الدكتور وهو يقرب:في غيرك مسوي قرقيعان في المحاضره
الطلاب:ههههههههههه
سجيه وهي توقف:نعم
الدكتور:مو أخر مره نبهتك تقومين تعاندين وتجيبين حب
سجيه طالعته ولفت وجها بتأفف
الدكتور:اعتقد حذرتك إني راح أطردك من المحاضرة والثلاث اللي بعدها ولا لا
سجيه ما ردت عليه وخذت أغراضها وبتطلع لما وصلت لباب الخروج
الدكتور:وين
سجيه بعدم اهتمام:اطلع بكرامتي قبل لا تطردني واصلا في كل الأحوال انا ما افهم شي..وطالعت أمجاد:ركزي علشان بعدين تشرحين لي
وطلعت وتركت الدكتور وراها اللي شاد على يده لأنه ما تعود احد من الطلاب يستخف فيه وفي مادته لها الدرجه زفر بضيق ورجع يكمل المحاضرة
طلعت وراحت للكافتيريا وجلست وطالعت ساعتها:باقي ساعه إلا ربع على انتهاء المحاضرة أروح افطر في المطعم القريب أحسن لي من القعده وبعد ساعه إلا ربع ارجع أو اكلم أمجاد تجيني هناك ايه أحسن من القعده والملل وآنا انتظرهم
قامت وخذت أغراضها وطلعت من الجامعه وهي تحاول تتذكر المحل افطرت فيه هي وأمجاد من قبل وقريب من الجامعه
&&
طلعت من الحمام (أكرمكم الله) وهي تنشف شعرها لمحت شي من تحت الباب فتحته وشافت رساله خذتها بسرعه وصكرت الباب وقفلته وفتحت الرساله ولقت داخلها ورده صغيره لونها وردي ومعاها بطاقه
فتحتها وبدت تقرا المكتوب فيها
اشتاق لك شوق الصحاري للمطر
شوق الليالي للقمر
شوق الثلج يلقى الدفى
شوق المنهنه للغفى
اشتاق لك وأهواك وصل وقطاعه
اشتاق لك شوق الصحاري للأمطار
اشتاقت لك في كل لحظه وساعه
غبتي عني ساعات بس الساعات عندي دهور
ادري بتقولين مجنون بس انا مجنون من يوم طحت في هواك
ملاحظه:
أسف إذا كان طريقتي غلط باني أحط الرساله عند الباب
بس لو ما حطيتها كان ما راح يطب بعيني النوم ابد وقلبي ما راح تهدا دقاته
احـــــــــــــــــبــــــــــــــك
صكرت البطاقه وهي تفكر:هذا مجنون كيف يحط البطاقه عند الباب لحظه هو كيف وصل لحد باب غرفتي وهالدور ما يدخله إلى انا و خواتي ويوسف كيف
طالعت البطاقه وضمتها لصدرها وحست بشوق ورجعت تقراها وقلبها تزيد دقاته وتحس بخوف لان البطاقه وصلت لباب غرفتها وخافت لو احد شافها كانت راحت ملح بس الخوف امتزج بشعور الحب وتغلب شعور حبها وشوقها لكلماته على شعور الخوف
&&&
في نفس البيت
دخل عليها وهي تستعد للنوم وجلس وهو يطالعها
الجده:وش بلاك عسى ما شر
الجد:بعد بكره في اجتماع خبري بناتك يقولون لعيالهم ابغى الكل موجود
الجده:ليه عسى ما شر
الجد:بكره تعرفين ولا عاد تعورين راسي
قام وانسدح وتركها وراه تحس ان في شي من وراء هالاجتماع
قاعده في مطعم وتفطر ولما طلعت فتحت شنطتها وطلعت جوالها علشان تتصل في أمجاد وشافت الجوال طافي مافي شحن
سجيه:يا ويلي هذا وقتك يا جوال يا معفن تنطفي وش أسوي الحين لا حول ولا قوة إلا بالله ما لي إلى امشي شوي قدام وأكيد بشوف الجامعه لان المطعم قريب بس انا من أي طريق جيت....وصارت تتلفت يمين ويسار:من هذا ولا من هذا ياربي حتى الطريق ضيعته لا من هذا ايه خلني أروح من هنا وأكيد بوصل للجامعه
ومشت ومشت ومشت لحد ما تعبت وبعدها شافت كرسي وجلست:ااااه تعبت شكلي ضعت يا ربي وآنا بعد من الذكاء الخارق ما اعرف غير Yesو Noمالت علي بس
وصارت تلتفت يمين ويسار وانتبهت على احد تعرفه ولما دققت النظر شهقت:هو والله هو خلني ألحقه علشان يساعدني
وقامت ولحقته وشافته يدخل فندق ودخلت وراه ولما قربت دخل الاصنصير وهي ما لحقت على الاصنصير لأنه تصكر وراحت ركض تصعد الدرج دور بعد دور بعد دور ولما وصلت للدور اللي وقف فيه الاصنصير :ااااه تكسرت رجولي حسبي اله عليه هو ووجهه لازم يتفنن ويسكن بالدور الخامس ...ولما قربت من الاصنصير لقته فاضي
سجيه وهي تطالع الغرف الموجوده:ياربي الحين وين ألقاه هذا باي غرفه هو أروح وأطق كل الغرف لا ما يصير أحسن شي اقعد واستنى ما في إلا هالحل
تربعت وقعدت على الأرض وشنطتها في حظنها تنتظره يطلع
دخلت بيتهم ولقت أمها وآلاء قاعدين:سلاااام
أمها وآلاء:وعليكم السلام
وجلست
الأم لمياء:قلتي ساعه ما قلتي لي ساعتين
لولوه:خذتنا السوالف
آلاء:وش أخبار البنات
لولوه:يسلمون عليك وترى شريت لك فستان معاي
آلاء:زين سويتي لان ما عندي وقت أروح السوق ومالي خلق
الأم لمياء:وش أحوال دانه
لولوه:بخير بس تفكر في أختها و مشتاقه لها
آلاء:هجل ما دريتي بأخر الأخبار
لولوه:وش صاير
آلاء:جدي مكلم حصين يلقى بانه ويرجعها
لولوه:متى صار هالكلام
الاء:ما ادري واللهلولوه:طيب أنتي وش دراك
الاء:جدي قال لأبوي وأبوي علم أمي وهي قالت لي
لولوه وهي توقف:يله انا بروح ارتاح
أمها وآلاء:الله معاك
صعدت الدرج بسرعه وراحت غرفتها وعلى طول رفعت السماعه تعلم دانه باللي سمعته
&&
طلعوا من المحاضرة وراحو الكافتيريا
أمجاد وهي تدور بعيونها:وين راحت ذي بعد
بانه:اتصلي عليها يمكن في دورة المياه
امجاد هزت راسها واتصلت
وكان الرد ان الجوال مقفل
أمجاد:مقفل
بانه:خلينا ندور أنتي برا الجامعه وآنا داخل الجامعه تلقينها تحوس هنا ولا هنا
أمجاد:زين
وافترقوا وبعد نص ساعه التقوا:ها لقيتيها
بانه:لا
أمجاد رجعت تتصل والخوف بدا يأكل قلبها:وين راحت هالغبيه يا ربي لا يكون ضاعت هي ما تعرف انجليزي
وظلوا يتصلون وهم خايفين ويفكرون وين ممكن تكون سجيه
&&&&
في بيت الجد
مدى منسدحه على الكنب وأسير تسولف عليها
مدى:اووووف منك ترى زهقتيني بها السالفه خلصنا عاد
أسير:والله يا خوفي يعرفنا
مدى:والله حاله انا اللي اخوي المعقد النفسيه ما خفت وأنتي اللي إخوانك طيبين ويهبلون تحاتين المفروض العكس
و تذكرت:إلا صح ما شفت الفستان اللي اختارته لي لولوه
قامت وراحت الغرفه ورجعت بكيسه ولما فتحته شهقت
أسير بخوف:وش فيك
مدى وهي تطل الفستان:شوفي لولوه الزفته وش شاريه لي
أسير وهي تطالع الفستان:والله حلو
مدى:بس يوسف بيدفني لأنه سير
أسير:عادي حطي الشال
مدى:والله لو يهاوشني بقول لولوه هي اللي شرته
أسير:والله عادي ما فيها شي مدام أنتي بتحطين الشال على كتوفك
مدى بسخريه:عند يوسف مو عادي ابد
أسير وهي تهز راسها:الله يعينك ويخلي لي قعودتي وسلطوني اللي ما يهاوشوني ابد
مدى في نفسها:يا حظك مو انا مالت بس
وسكتوا وهم يتفرجون على الفستان
&&&
ملت وهي تنتظر وبعد ثواني رفعت راسها لصوت الباب اللي تصكر وفزت من مكانها وراحت وراه :وقف يا سواق الطياره
استغرب على الصوت وحس انه مألوف ولف وطلعت عيونه:أنتي
سجيه وهي تجيه:ايه انا هجل كاسبر
سلطان وهو يلف وجهه:خير
سجيه:انا ضايعه
سلطان وهو يرفع حواجبه:والمطلوب
سجيه:فيها كلام أكيد تساعدني
سلطان:ليه شايفتني طرزان وآنا ما ادري
سجيه اللي همت نغزته وبهمس:ول عليه ما ينسى الميموري كارد
سلطان وهو ينزل من الدرج لان الاصنصير تأخر:سجيه:وين رايح ما تبغى تساعدني
سلطان:لا
سجيه وهي تلحقه:والله انك نحيس الحين انا ابغى مساعده وضايعه وأنت تقول لا ما صدقت يوم شفت احد اعرفه والله خفت يجي الليل وآنا ضايعه
سلطان اللي كسرت خاطره:طيب تعرفين عنوان بيتكم أو الشقه
سجيه:صدق انك خبل يعني لو اعرف أرز وجهي عندك وأطرك
سلطان اللي عصب من أسلوبها مشى وراح جهة القهوه في الفندق وطنشها وجلس وسجيه لحقته ووقفت قدامه:خير تطنش
سلطان:لما تتأدبين أساعدك
واشر للنادل وطلب قهوه
سجيه بضيق وبالغصب تتكلم بأدب:خلاص بتأدب...ومدت يدها:طيب ممكن الجوال
سلطان لما شافها عرف انها ودها تصطره وكتم ضحكته و مد يده وعطاها الجوال واتصلت على أمجاد وردت عليها :الو
سجيه:ابو المجد وينك
أمجاد:سجيه يا حيوانه وينك فيه وليه جوالك مقفل ومن وين تكلمين
سجيه بطولة لسان:حيوانه في عينك يا بقره وآنا ضعت وجوالي ما فيه شحن واكلم من واحد سعودي طلبت جواله منه
أمجاد:أنتي وين وآنا بجيك
سجيه:انا في ..والتفتت على سلطان اللي علمها باسم الفندق وقالت لأمجاد وسكرت منها
سجيه تكلم نفسها :ول عليها رشاش ما أمدى قلت الو إلى أمطرت علي طخ طخ طخ طخ طخ رشتني
سلطان يطالعها وهي تكلم نفسها وفي نفسه:إذا هي رشاش فأنتي بازوكا
سجيه اللي ما عادت محتاجه له قلبت وهي تطالعه:خير يالحبيب وش عندك تناظر تفكر وجهي مرايه ولا تلفزيون
سلطان بملل:لا أفكر متى ناويه تعطيني جوالي ولا ودي تأخذينه معاك بعد
سجيه وهي مقهوره مدت الجوال:خذ
خذاه وهي ظلت واقفه
سلطان وهو يشرب قهوته اللي جابوها له:لا توقفين على راسي كأنك أريل حق تلفزيون
سجيه بسخريه:صدق والله طيب أي قناة تبغاني اضبط لك سبيس تون ولا أم بي سي ثري
سلطان طالعها بعصبيه وهي لفت وجهها وسكتت وجلست على كرسي قريب من طاولته تنتظر لما أمجاد تجي لها وبعد نص ساعه قامت بسرعه وركضت وسلطان انتبه للمكان اللي راحت له
شافها تروح لبنتين وحده بويه والثانيه متحجبه وتضمهم وبعد ثواني راحت معاهم
سلطان:شف ناكرة الجميل راحت وحتى كلمة شكرا ما قالت والله جاحده
ولف يكمل قهوته وبعدها ضحك بخفه لأنه ما توقع ابد انه يشوفها ولا بعد وصوله بساعه بس
&
في مكان ثاني في أميركا
سرحان وانتبه على صوت تركي:فواز
فواز:ها
تركي:وين رحت
فواز:أفكر في اللي قاله حصين لي
تركي:قصدك تهديده لك
فواز:ايه
تركي:لو درى باللي انت مسويه والله يوريك الويل
فواز:وشلون بيدري والسر هذا بيني وبينك
تركي:وهي ما راح تقول
فواز:لا انا واثق منها ..وانتبه على جابر جاي لهم:خلاص جابر جاء
وسكتوا وجاء انضم لهم جابر وبعدها صار يسولفون
وقف سيارته ونزل منها وشاف العنوان هو نفسه اللي قال له عليه علي انه شافها تنزل عنده وعرف الشقه من الحارس حق العماره
راح وصعد لحد ما وصل للشقه المطلوبه ورن جرس
سمع صوت:من
حصين:وين بانه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك