رواية اعشقه وصعب أنساه لاني نسيت أنساه -11
البارت الحادي عشـر :
خوله بصدمه الكلمه اللي قالها ردت: ايش؟؟؟؟؟؟؟؟؟؟
يـوسف اللي كان معطيها ظهـره التفتت لجهة صـوتها و تكلم ببرود: انا زوجـك وفيـصل جزء من ماضي لازم تنسينه .. سواء الحين ولا بعد ما ننفصل ......
خوله تجمعت الدموع في عيونها مره ثانيه ليش يذكرها بحقيقيه انفصالهم اللي تتحاول تتناسها علشان تخدمه و تشرف على راحته بشكل كامل مع انها هي نفسها ناوي تنفصل عنه...: انا لا يمكن انسى فيصل لانـــــــــه....
يـوسـف كمل عنها و بنفس نبرتها: زوجك السابق و حبيبك المــيت!!!!
خوله ردت بكلمه اسكته: فيـصل فارس احلامي!!! بمعنى اصح... لا يمكن انساه لاني ببساطه اشوفه في كل احلامي.....
يـوسف زادت كلمتها قهره انفجر في وجهها من جديد: ايش سوالف البزران هذي!! فارس احلامي و ما اعرف ايش... اكبري يااا بنت ولا تنسين انك على ذمه رجال ثاني!!!!!
خوله: ليتتي اقدر اتحكم بالاحلام يا يـوسف كان عشت فيها و هجـرت هذا العالم الخالي من فيصـل...
يوسف فجرت كلمتها عنده كل غضبه مد يده بيصفعها بس صدم كرسي كان جنبها و طاح على الارض: اههههه
خوله نزلت لمستواه بسرعه و حطت يدها على كتفوه: اسفـــه..
يوسف دفع يدها من جسمه بقرف و رفع نفسه من على الارض وهو حاس بالاحراج و الغضب الكبير في نفس الوقت: ماني بحاجتك..
خوله حست بتأنيب الضمير وهي تشوفه يمشي بحذر متمسك باي شيء جنبه لحد ما وصل الكنبه وجلس عليها، مشت لعنده و جلست على ركبتها قدامه: ما كان قصدي...
يوسف وهو رافع حاجبه من تحت ضماداته: كلامي كان واضح، وما يهمني اللي قصدتيه بعدها...
خوله: بس انا ما اقدر اتحكم بعقلي وقلبي.......
يوسف: بس تقدرين تتحكمين بلسانك!!!!!
خـوله غمضت عيونها و ضغطت على يدها بقوه: اللي تشوفه... ما راح اجيب اسم فيصل قدامك بعد اليوم...
يوسف: بدايه ممتازه... عقبال العقل و القلب....
خوله هزت راسها و هي عارفه انه يحس بحركتها: عن اذنك ابدل ملابسي و ارجع....
يوسف سمح لها تروح بهزه من راسـه و ظل يتابع صوت رجلها و هي تدخل الغرفه الثانيه، مستحيل تبدل وهو موجود حتى و ان كان ما يشوفها يوسف حرك راسه في الغرفه و حس بالوحده، من صحى ما جلس لحاله في نفسه خوله و اهلها ما تركوه بس..
((... فيصل أبداااااااااااا ما حبها بالعكـس المشاعر الوحيده اللي كان يشعر فيها اتجاها هو الكـره الحقد و الرغبه في الانتقاااااااااااااااااام...))
كلمات ام بدر رجعت ترن في اذن يوسف، فيصل و حقيقته اللي رفضت ام بدر تتعمق فيها و تعطيه اكثر من الفكره الغامضه اللي بلغته فيه، يوسف سمع صوت خطوات خوله وهي راجعه لمكانه : تبي ترتاح على السرير؟
سمع صوتها الحنون وهي تساله من جديد، معقوله يقدر يستمر في معاملته القاسيه معها وهي بهذا الحنان و الطيبه، في نفسه: اذا كان في شيء ممكن اعطيك اياه في المقابل فهو اني انسيك فيصل اللي ما عمره حبك....
-
-
-
دخلـت بسرعه و ضربت الباب من وراها بقوه، رمت شنطتها على الارض و نفسها على السـرير تبكي..
دخل خالد الجناح ومشى بعدها لغرفتهم لقاها مقفوله : الجود!!!! افتحي الباب
الجـود و بصـراخ: ما ابي احد لاااااا تكلمني!!!!!
خالد تنهد بقوه و ضرب الباب من جديد: الجــودددد!!! افتحي الباب و خلينا نتفاآآآهم!!
الجـود: ما ابي !! مااآاآا ابي!!!!
خـالد تأفف و قرر يتركها لحالها، الجود استمرت في البكي مده و بعد ما استفرغت كل القهـر اللي داخلها سحبت موبايلها و قررت تنقـل اول احداث وجود يـوسف اخوها الغير مرغوب فيه الى اكثر انسانه تكرهه...
الهـنوف : الـــووو!!
الجـود بصوت باكي: أهـ ... الهــ....ـــنوووف!!!!
الهنـوف خوفها صـوت اختها: الجود !!! ايش فيك!!؟؟؟
الجـود: يـــووووووسف! يوسف!!
الهنـوف شدها اسم اخوها اللي تكرهه وان اختها تسميه و هي تبكي: ايش اللي سواه ولد الكلبه تكلمي!!! يعني حتى بعد ما انعمى ما ارتاحنا منه و مشاكله!!!!!!1
الجود: ام خالد الحقيره!! تصوري انها اهانتني و صرخت علي لاني صدمته و تدافع عنه و بقوه!!1
الهنوف تأففت: اففففف منها انا من شفتها في العزا و انا كارهتها ........ ماهي سهله و بتحاول تحميه على حساب تعاستك في سبيل تصير بنتها الارمله سعيده!!
الجود: والعمل يا الهنوف... احس اني بموت من القهر!
الهنوف: بعيد الشر عنك... ان شاء الله يوسف و خالتك الحقيره!
الجـود وهي ترفع يدها:آآآآآآمين و ارتاح منهم في يوم واحد....بس مو قبل لا انتقم منهم شر انتقام...
الهـنوف ابتسمت وهي الافكار تنولد في دماغها : تقدرين .... ووجود يوسف في بيتكم راح يسهل عليك الموضوع!
الجـود وهي مستغربه كلامها: ايش قصدك؟
الهنـوف: وجود يوسف و خوله راح يقلل من تركيز خالتك عليك اولا و ثانيا اذا كان بينهم مشاكل راح تتفرغ لهم و بشكل كامل وتنساك نهائيا
الجـود: مشـاكل؟ مثل ايش؟
الهنـوف : خخخخخ ما في داعي .. اعلمك انتي الخبيـره!!
الجـود: خبيره في التفريق بين صديقات يس بس بين زوجين لا...
الهنـوف: اسمعي زين اللي ما اعتقد انك تعرفينه ان خوله كانت متيمه في زوجها السابق فيـصل و تزوجت يوسف مجبروه وفي نفس الوقت،، يـوسف كان و ما زال يحب فاتن!!! ولا نسيتي...
الجود ابتسمت باستمتاع: بمعنى اني اقدر استخدم هالشخصين في اثاره المشاكل بينهم و بالتالي شغل ام بدر عني و عن خالد..
الهنوف: و لا تكتفين في هذا لان مع الوقت راح تنكشف لك اسرار اكثر و بتعرفين شلون تستغلينها اكثر و اكثر ... ولا تنسين ان خالد اهم فرد في اللعبه لا تخسرينه.. وحاول تقربينه منك اكثر واكثر ..لحد اليوم اليل تطلعون فيه من البيت...
الجود ارتسمت على وجهها ابتسامة النصـر: اوكـــــي.....
-
الحمد لله والصلاة والسلام على رسول الله وعلى آله وصحبه، أما بعـد:
فإن التفريق بين الزوجين من الذنوب الكبيرة التي يحرم على المسلم أن يوقع نفسه فيها، قال النبي الكريم صلى الله عليه وآله وسلم: ليس منا من خبب امرأة على زوجها أو عبداً على سيده. رواه الإمام أحمد وأبو داود وصححه السيوطي.
والتفريق بين الزوجين من أخطر الأعمال فلذلك نجده أهم الأعمال عند إبليس، ففي صحيح مسلم: إن إبليس يضع عرشه على الماء، ثم يبعث سراياه فأدناهم منه منزلة أعظمهم فتنة، يجيء أحدهم فيقول: ما تركته حتى فرقت بينه وبين امرأته، فيدنيه منه، ويقول: نعم أنت، فيلتزمه.
-
الجـود طلعت من غرفتها بعد ما عدلت شكل ملابسها و تركت الدموع في مكانها و لقته جالس على الكنبه يتفرج التلفزيون بتملل و على وجهه نظرت غضب... لمحها لكن تجاهلها و كمل فرفرته بين القنوات.. الجود نزلت على ركبها و سحبت يده لشفايفها: اســـفه..
خـالد ذهله تصـرفها التفت لها و سحبها من كتفها جنبه: على ايش؟
الجـود وهي تحرك راسـها و تتظاهر بالتألم: لانس صرخت عليك وقلت اني ما ابي اكلم احد.....كنت مقهوره..
خـالد: ما في احد يلومك... بس اكيد امي ما كانت تقصد...
الجـود: انا ما قهرني كلامها.... لانها خالتي و على عيني و على راسي بس اللي قهرني انها سوت هذا الشيء قدام يوسف...
خالد ابتسم و مسح على راسها: عادي... هو اخوك ولا نسيتي.. وانا كثير صارخت على خوله و امي صارخت علي في وجود ناس ثانين موجودين
الجود قامت من مكانها و عطته ظهرها: بس يوسف غير............. غيــــــــر
خالد استغرب منها : غير من اي ناحيه...
الجود: يوسف يكرهني و يتمنى لي الشر...
خالد قام من مكانه بصدمه: ايش اللي يكرهك!!! انتي ايش اللي تقولينه؟؟؟؟
الجود التفتت لجهته بقوه و بدموع تماسيح كاذبه:لاني و فهـد كانا غالين و مدللين عند بابا و هو امه تركته مقابل الفلوس..
خالد كانت كلمات الجود اللي تقولها تصدمه اكثر و اكثر: امه تركته..
الجـود: يوسف جا لهذا الغالم بغلطه،،، ارتكبها ابوي مع وحده من موظفاته بعد ما اغرته في ليله مشؤومه و بعد مده باعت يوسف بمبلغ خيالي ابوي قبل بعد قهر و حزن كبير خاف من الفضيحه و قبل يوسف، ورغم كل الحب اللي عطوه اياه كان يكرهنا ...
خالد نزل راسه و قال من غير تفكير: مسكين!!
الجود تحولت ملامحها المتظاهره بالحزن الى وجه مصدوم: ايش؟؟؟
خالد: الجود انتي لا يمكن تحسين بشعور يوسف لانك مثل ما قلتي كنتي مدلله لكن يوسف كان يتذكر اللي سوته امه فيه في كل ثانيه، لهذا السبب هو مسكين و الله يكون في عونه...
الجود كانت بتنفجر وهي تشوف خطتها الذكيه تاخذ مسار غير اللي خططت له... طيبه خالد و رقه قلبه الشيء اللي كان مصبره على وحده مثلها من اليوم بيكون في مصلحه يوسف بعد..
-
اشرقت الشـمس و بدا يوم جديد بالنسبه لافراد اسـرة بو بدر كان مثل اي يوم ... لكن بالنسبه ليـوسف كان يـوم جديد مختلف، صحى من نومه ، وصلته خوله للحمام و جزته له ملابسه.. غيرها و صلى و بعدها رطت الضمادات على عيـونه و قرروا ينزلون ايدهم بيد بعض للفطـور...
على طاوله الطعام كان الكل موجود ام بدر و ابو بدر و خالد و الجود اللي حضرت بعد اصرار من خالد..
ام بدر ابتسمت لهم : صباح العســل يا حلوين...
خوله خجلت و ابتسمت لهم : صباح الفـل...
يوسف: صباح الخير...
قربت خوله من ابوه و باست راسه و ساعدت يوسف يسوي الشيء نفسه، مشت لجهة امها و سوت الشيء نفسه ورغم ان يوسف ما كان عنده نيه لهذا الشيء ام بدر مدت راسها و عطت الفكره لخوله تقربه منها..: اجلسوا جنبي...
خوله سحبت يوسف وجلسته جنب امها و صارت هي على الجهه الثانيه ، خالد و الجود صاروا مقابلينهم.. ، الجود لوت وجهها و بدت تفطر، خالد حرك عيونه ليوسف و خوله اللي كانت تمد الاكل له في صحنه و تصب له الشاي و الحليب...
خالد ابتسم و قرر يفتح حوار ممتع مع نسيبه: ياآآآ عيني على الحـب و الغرام..
خوله توتر و حست بخجل كبير تسبب في رجفت يده و تناثر بعض قطرات الحليب على يوسف اللي فهم خجلها: اي حب و اي غرام يااااااااا خآآآآآالد!!!
خالد ضحك بصوت منخفض: و اهتمامك بيوسف ايش سببه...
خوله نزلت عيونها وحست باحراج اكثر التفتت ليوسف اللي ظل صامت و لاحظت لونه مال للون الاحمر، الجود ما كان الوضع عاجبها : خاآآآآلد !!!
ام بدر حركت عيونها لها و تنتظر ايش اللي ناوي تسويه بعده، خالد: آآيش؟
الجـود وهي رافعه راسها: اتركهم ياكلون براحتهم،، يوسف ما يشوف ولازم خوله تساعده ولا تبيه ما ياكل؟
يوسف فهم قصد الجود وهو تذكيره بوضع على عكس اللي فهموا انها تبي تنهي مضايقه خالد لهم، مد يده و بدأ يأكل بنفسـه، خوله : يوسف ؟
يـوسف: مافي داعي ... اقدر آكل لحالي...
خالد كان بيتكلم لمـا: اووووووووتش....
امه ركلته من تحت الطاوله: عجبك الحين؟؟ من اليوم مرتاحين كان لازم تحرجهم؟
خالد: ما كان قصدي... سوووري يوسف، خوله..
يـوسف: مافي داعي تتأسف يا خالد انا اقدر آكل لحالي و ماني بحاجه لمساعده احـد..
ام بدر حركت عيونها من خالد الى الجود، كانت متأكده ان كلمه خالد ما همت يوسف لكن كلمة الجود هي اللي اثرت فيه... كان يوسف يأخد قطع البيض بالجبن بشوكته بشكل عشوائي و يحطها في فمه، ابتسمت و حبت تغير الجو: يوسف .... تحب البيض بالجبن؟؟؟
يوسف ما عرف ايش كان المقصد من كلامها بس جاوب ببراءه: اي ..
ام بدر ابتسمت وقلت بصوت عفوي: الحمد لله .... اخيـراااا صار في بيتنـا شخص ثاني يحبه غيــيري!!
يوسف حس بشيء داخله ماهو عارف يعبر عنه لما سمع كلامها كام طول عمره ياكل من غير لا احد يعلق او يتكلم معه، في احيان قليله كانت العنود تكلمه على الوجبات لكن من تزوجت انتهت هذي اللحظات..
خالد دخل الموضوع من جديد بتصرفاته الطفوليه:انا ماني مالي عينك؟
ام بدر: طبعا لا..
بو بدر ضحك و ضرب على كتف ولده يخفف عنه: الله يكون في عونك يا ولدي خالد شكلها امــك بدلتك بقطعه جديده.!
ام بدر ضحكت بصوت مسموع ليوسف: شيء طبيعي ابدله.. وسيم و طيب و محترم..
خالد: يعني انا مافيني اي من هذي الصفات..
ام بدر: اكيد.... ترتبي ابوك ولا لو انك تربيتي كان صرت شيء ثاني.......
بو بدر ضحك: ههههههـــ لا يا حبيبتي لو كان تربيتك كان صار انعم و ارق من زوجته ههههههــ
ام بدر وهي تتأمل الجود اللي انتبهت لكلمه عمها: كلاااااااااامـك صح ههههـــ
الجود انقهرت بس تظاهرت بالعكس و كملت اكـلها خوله حست فيها و حركت عيونها بين ابوها و امها و الجود، في نفسها:مـاما ايش سبب اهتمامك في يوسف؟؟؟؟ هل هو الرغبه في تعويضه عن حنان امه و الاسره اللي في حياته ولا هو......................... معاقبه الجود اللي تكرهه ياستمرار..
خوله حركت عيونها ليوسف و كملت : يس بهذي الطريقه راح تزيدين النار حطب و تكرهين الجود في يوسف اكـثر..
خوله : نعم..
ام بدر : انا و ابوك عازمينكم على الغدا برا اوكي..
خوله سكتت و عرفة انها ان عارضت راح تجبرها انها الروجه معهم بس يوسف : عمتي سامحيني بس ما اعتقــد اني اقـدر .....
ام بدر و بسرعه قاطعته: انســـــــــــــــــــى!!!!! انا مستحيل اقبل اي اعتذار فانسى.....
يـوسف: بس..
ام بدر حركت عيونها لخالد و الجـود: تقدرون تجون معنا اذا تبون..
خـالد بضحك: للاسف عندي شـغل...
بو بدر سـال الجود لانه عارف ان زوجته يستحيل تسالها: وانتي يا بنتي..
الجود اللي حست باهانه لان ام بدر عزمت يوسف و خوله بس وبعدها سالتها كانها تنتظر منها الرفض: اسفه عندي شغل اليوم..
ام بدر وهي تقوم من مكانها : اوكي راح انتظركم على الساعه 1 بااايوووو
سحبت ام بدر شنطتها و عباتها و طلعت الجود انقهرت و صعدت لغرفتها خالد انتظر شـوي ومشى لشغله و الشيء نفسه ابوه، يوسف في نفسه: عائله سعيده .. و متفاهمه......... الجود!! مكانها غلط بينهم
خوله اخذت المنديل و مسحت فمه يوسف تفاجأ من حركتها بس استسلم و تركها تسوي اللي تبيه: يوسف.... تبي تصعد لغرفتنا...
يـوسف تسند على الطاوله و رفع نفسه: اذا ما عندك مانع...
خوله حوطت يده بيدها و ساعدته لغرفته اقتحم هدوءهم المعتاد سؤاله: شلون شكلي يا خوله؟
خوله تفاجأت : ايش؟؟؟؟
يوسف: لحيتي و شعري مهملين؟
خوله فهمت قصده، شعره كان اطول من شكله اول ما تزوجوا و سكسوكته كانت مبهذله بسبب الشعر اللي نما حولها: تقريبا..
يوسف تحسس وجهه من جديد : ممكن تعطيني آله الحلاقه..في الشنطه موجوده
خوله تفاجأت و ردت بتهور: بتحلق؟؟؟؟؟
يوسف: اكيد.. ولا تبيني اظل بهذا الشكل؟
خوله: بس..... ممكن تجرح تفسك...
يـوسف اشر لها من جديد: عندك حـل ثاني؟؟؟
خـوله ما عرفت بايش ترد عليه مشـت للمكان الشنطه و سحبت الة الحلاقه و المقص..و عطتهم اياه ، يوسف مسك المقص بيده اليمين و جـزء من شـعره بيده اليسـار من جديد خوله خافت: لحظه...
ركضت خوله واخذت فوطه و حطتها على كتفه باهتمام مسكت المقص بلطف..: ممكن اساعدك؟
يـوسف رفض طلبها بهدوء و بعد يده: مافي داعي ...
خوله بخوف من جديد: بــليزززز اخاف يخترب و يصير ماهو متساوي..؟؟
يـوسف تأفف: ممكن افهم ليش هذا الاهتمام؟
خـوله : لانــه...................... انا ما احب الشيء غير متساوي...
يوسف تأفف مره ثانيه و باستسلام مد المقص لها: تفضـلي يا عنيـده... قصـدي يااا خبيــره!
خوله ابتسمت: شلون تبيه؟
يـوسف بنبره تحذيره: اي شيء بس ما يكون حيـل قصير...
خوله: اوكي...
خوله قصصت شعره بعنايه و اهتمام يوسف كان يحس بشعرات خفيفه تدغدغ رقبته بعد ثواني انتقلت خوله للجهه الاماميه و بدت تقصص من قدام، كانت انفاسـها تضرب في وجهه باستمرار وحس بشيء غريب هذي كانت المره الاولى في حياته اللي كان فيها قريب لهذا الحد من انسانه حس فيها تنزل المقص و تحط الرغوه على وجهه و تحلق له بعنايه، في نفسه: يا ترى يا خوله لو ما كانت عيون مسكره هل كنتي تقدرين تسوين هذا الشيء؟
خوله انتهت بعد ما حددت السكسوكه و خلتها ضعيفه: سوري يوسف كاني ضعفتها؟؟؟
يـوسف تنفس بعمق: ما في مشكله .. اهم شيء تكون حلوه..
خوله بشكل لا ايرادي: تجنن..
يـوسف رفع حاجب وعاد كلمتها: تجنن؟؟؟
خوله حست باحراج من الكلمه: القصـه حوله ....و ان شاء الله تعجبك..
يـوسف ابتسم و ما حب يحرجها اكثر: يعطيك العافيه..
خوله قصـت شـعره بحيت كان خفيف من تحت و هو نازل تحت الرقبه بشوي ، وكثفته شوي من فوق.. وحددت له الشعر اللي نزل جزء منه لقدام...: الله يعافيك...
قام من مكانه اللي كان فيه و و طلب من جديد: ممكن الفوطه بتروش...
خوله طلعت له الفوطه و مسكت يده توصله للحمام ( وانتوا بكرامه) قربته من البانيو و حطت الفوطه قريبه منه و الشامبو و كل شيء..و طلعت بسـرعه.. يـوسف رمى ملابسه على الارض بما ان خوله اصرت انه ما يترحك من مكانه تخافي يطيح ..و فتح الماي اخذ شامبو الشعر و غسل فيه شعره، من خلال الشامبو و المي قدر يعرف شكل القصه اللي قصتها له خوله و ابتسم فعلا صاحبت ذوق.... بس ليش هذا الاهمال في شكلها...
سحب الفوطه و لفها على جسمه.. حط يده على الحيط و مشى لحد الباب اللي طبعا ما قفله في حالة طاح او صدم له شيء و نادها: خوله!!!
خوله اللي جهزت ملابسه باناقه على السرير مشت و راسـها نازل ملون بدرجات الاحمر المختلفه: حاضر...
مسكت يده و مشـته للسـرير ، بالغلط (( انتبهوا بالغلط ههه)) لمحت شكله كان خطير شـعره المبلول عيونه العسـليه الفاحته الضايعه، جسمه الخطير الرطب ، في نفسها: كله منك يا ماما افســـدتي عقــلي.... بس فعلااا عذااااب..
يـوسف بعد ما جلس على السـرير: مشـكوره...
خوله وعيونها ما رفعتها من الارض: مافي داعي ... واجبي يا يوسف...
يوسف بابتسامه خفيفه على وجهه: لا خوله... لو كانت وحده ثانيه كان تركتني و تفرغت لنفسها...
خوله حست باحراج ونفسها سريع بتهرب: الملابس عندك على السـرير.. اخذ راحتك واذا تبي شيء انا في الغرفه الثانيه..
يوسف سمع صوت خطواتها و هي تركض بسرعه لبراه الغرفه، سحب الملابس اللي طبعا كانت ريحتها حلوه مبخره و معطره مثل عادتها ... في نفسه: خايف اتعود على هذا الوضع............
-
-
-
-
في سيارتها الخاصه كان محاميها الخاص و مسؤول اغلب الاعمال يجهز لها الاوراق المحتاجه توقيعها ، كان معتاد على حده مزاج مسؤولته لما يعصبها احد خصوصا الموظفين لكن هذي كان المره الاولى اللي يشوفها فيه بهذا الشكل مع زوجها اللي كانت تكلمه بالموبايل..: انا ما غلطت بشـيء...
بـوبدر وهو يحاول ان صـوته ما يعلى خصوصا انه كان في شركته: الا غلطتي!! ولا ايش معناه دعوتك لهم قدامها!!
ام بدر : ما عندي وقت ثاني ادعوه انت ناسي اني كنت بطلع للشغل؟
بو بدر: يعني ما كنتي تقدرين تعزمينهم بالتيلفون؟؟
ام بدر و هي تتافف: لااااآآ لاني كنت عارفه ان يوسف كان راح يرفض.... و الحل الوحيد علشان نتجنب هذا الشيء اني ادعوهم في وجوده...
بو بدر: بس انتي تعمدتي تتجاهلين الجـــود!!! كان قلتي انا عازمتكم كلكم.....
ام بدر: بس انا ما ابيها!!
بو بدر حط يده على راسه بتعب من عنادها: هي كانت راح ترفض في كل الاحوال لان خالد عنده شغل و هي من الاساس ما تطيقك....
ام بدر : بس انا كنت بوضح لها اني فعلا ما ابيهاااااآآآ
بو بدر : افففففففف منيره!!!! انتي ناسيه انها حتى وان تصرفت غلط تظل بزر و بنت اعز اصحابي؟؟؟
ام بدر لوت وجهها بتملل: ماني ناسيه.... اصلا لا يمكن انسى انه السبب في زواج ولدي العزيز من وحده مثلها...
بو بدر : الكلام معك ضايع..... بس لا تنسين يا منيره انك بتصرفاتك هذي بتقضين على حياة ولدك..
ام بدر سكتت و ما ردت عليه الشيء اللي ترك بو بدر يغلق الخط .... رجعت موبايلها في شنطتها و اخذت الاوراق و كان بالها يدور في منطقه وحده: ان ما طفشتك من البيت و من خالد يا الجـــود... مااا اكوووون ام بدر .... اصلا زواجك من خالد كان غلطه لازم تتصلح من البدايه..
يـوسف حـس باحسـاس جديد و نوع من السعاده اللي عمره ما حس فيها في حياته، خلال طلعته مع خوله و ام بدر و ابوب بدر حـس بانه و اخيـرا بين عائله، خوله كانت تهتم فيه و تعطيه اي شيء قبل حتى لا يطلبه ام بدر كانت تناقشه بمواضيع شبه قويه مثل العمه الفري و تذكر خوله بكل دقيقه مثل امـه، بو بدر كان يكلمه بمواضيع بسيطه خارج نطاق العمل و يعلق على خوله و زوجته حسه اب بمعنى الكلمه...فرح و استمتع ظن انه راح يكون يوم فريد و دخيل على حياته البائسه ... لكن توقعاته انتهت في اليوم الثاني.. اللي كان احلى و احلى. ..ظلـو ا في كل يوم يعطونه حنان و حب وسعاده.. حتى بدر اللي كان يزورهم مع بناته الدلوعات اللي استمتع معهم ... عيال اخته الجوهره كانوا يتحاشونة لان امه ترفض يتقربون منه... حتى زوجه بدر وفاء كانت رسميه صح معه مثل اي زوجة اخ.. كانت عائله جديده و حياه سعيده انسته انه فقد البصـر ........الشيء الوحيد اللي كان كريه هو الجـود اللي ما تطيق وجوده حتى لما يضحك خالد ومعه و يلعب كانت تحاول تنهيه و تختلق اي سبب لخلاف... بس ام بدر كانت لها بالمرصاد...
في الشـاليه الكبيـر... بعد اسابيع
كان الكل متجمع افراد العائله متجمعين على كراسي الشاطئ... الرجال كانوا لابسين سبروت و كابات ... خوله فكت الضمادات عن عيون يوسف و غطتها بنظارات سودا مبطنه من داخل شكله ما كان يعطي ايحاء انه ما يشوف، البنات بناطيل طويله و قمصان طوال فوقه .. وفاء مغطيه شعرها بسكارف ملون و نظارات، الجود كانت لابسه كاب و مومغطيه شعرها بحكم انها ماهي متحجه، و ما يهمها بدر... خوله اجبرتها امها تبلس مثلها قبعه قش كبيــره ...
كان ضحك و استمتاع و تعليق على الثانين ، الجود كانت ساكته و خالد كان حاط الكوره القولف في قاعدتها و ماسك المضرب بيده و جنبه ابوه اللي سدد ضربه بسيطه لمنقطه قريبه: للاسف...
خالد وهو يضحك : بااااااااااااااابااا كان الضربه اقل من المره اللي فاتت؟؟
بو بدر ضرب كتفه : اسكت يا ولد..
ام بدر ضحكت : حبيبي!! هذا تأثير الكبــر بس .. نصيحه اذا ما عدلت اكلك وصغرت في عمرك ممكن افكر في غيرك .. ولا ايش رايك يا يــوسف..
يوسف في بدايه عيشته معهم كان يتفاجأ من تصرفات ام بدر مع زوجها.. كانوا مثل المتوجين حديثا وفي نفس الوقت اصدقاء عمر.. تعاملهم مع بعض كان مختلف عن ابوه مع زوجته: ههه عمتي .. عمي بوبدر ما يتعوض... ويسوى وزنه ذهب...
بو بدر ابتسم : مشكور يا يوسف رفعت معنويات ... فيك خير اكثر من ولدي اللي من لحمي و دمي...
خالد كان فاهم انه يقصده: انا مع الحق... ضربتك اقل من السنه اللي فاتت...
بدر تدخل علشان ينقذ ابوه من تعليقات اخوه و امه: مافي دخل للعمر في اللعبه يا خالد! انا مثلا اصغر من ابوي و اضرب اقل منه...
خالد وهو يهز المضرب مثل المحترف: انسـه بدور رجاء اكرمينا بسكوتك!!
بدر انفجر: اييييييييييش!!! يا خلود؟؟؟
يوسف و خوله ووفاء ضحكوا، اغلب الرجال يكرهون هذا النوع من المعامله و هذا اللي استغربه يوسف في البدايه لكنه تعود عليه لان كل شيء كان عند خالد و بدر عادي ...
ضرب خالد الكره و رماها لبعيده و تفاخر بعضلاته من جديد ابتسم لجهة الجود اللي كانت ماده بوزها، حرك عيونه لامه وراقبها عيونها غير الراضيـه قرر يغير الجو... و سـال يـوسف..
خـالد: تبي تجرب حظك يا يوسف؟
بدر انصحك يا يوسف لا تجرب اتركها للي عنهم عضلات من غير عقل..
خالد بنبره غاضبه : ايش
ضحك يوسف و بدر في الوقت اللي كانت الجود مقهوره: يضحك و يفرح نفسه و اخوه ما صار له اسبوعين متوفي...
خـالد: يالله يوسف جرب..
يـوسف هز راسه بالنفي: ما اقدر يا خالد نسيت اني ما اشوف...
خالد : مو عذر.. خوله ساعديه لو سمحتي...
خوله بخجل لانه عارفه قصد خالد: انا؟؟؟؟
خالد: اكيـد انتي ولا تبيني انااا اسويهاااا؟؟؟
يـوسف: اذا ما تبين عادي؟؟
خوله باحراج وهي تراقب عيون اخوها اللي كان يعطيها تحذير من الرفض، قامت من مكانها و عطت يدها ليـوسف قربوا من مكان الكره و عطته المضرب بيده مسكت بيد و حطت اليد الثانيه حول خصـره توجه لطريقه الضرب، اللي يشوفهم من بعيد يتصور له انهم يحضنون بعض، يوسف في نفسه فهم قصد خالد: علشان كذا كان رافض يعلمني...
ضرب يوسف الكره تعبا لتوجيهاتها و ارتفعت عالي لمكن بعيـد، خالد : واااااااااااووو ابعد من ضربه الوالد.،،، بس ماهي ابعد مني...
صفق بدر له: اهلا فيك يا يوسف في فريق اصحاب العضلات من غير عقول...
خالد برد سريع: قصدك فريق الرجاااااااااااااااااااااااااااااااااااااااااااااا اااااال
ام بدر كانت تضحك على مشاجره خالد و بدر الجديده لما لفت انتباها شيء، عقدت حواجبها و حركت عيونها لزوجها اللي توتر و بدأ يأشر لها انه تهدأ علشانه: خاااااااااااااااالد!!! عطني المضـرب!!
خالد نقز من الفرحه: واااااااااااووو الخبيــره بتلعب...
يـوسف يتسـال: الخبيـره؟
خـوله بابتسامه: امـي صاحبه بطولات سابقه...
يوسف وكان شبه متفاجأ: واو..
ام بدر اخذت المضرب و سددته، خالد و بتهور: ماما... التصويب للجهه الثانيه... كذا تضربين الناس...
ام بدر وهي تحدد الهدف بعيونها: الهدف تخوفيهم بس...... ماهو اصابتهم
خالد: ايش؟؟؟
قالت ام بدر كلمه انتبه لها يوسف مع ان صوتها كان منخفض : (كلمه مستحيل غير موجوده في قاموسي)
يوسف في نفسه: هذي الكلمه؟؟
ضربت ام بدر الكره بقوه، اللي طارت ومرت من جهة حرمتين كان ماشين لعندهم وبسرعه استقرت في الشباك اللي تكسر... الحرمتين خافوا و ركضوا بعيد عن الكره المجنونه، و بدأ يسبون، ام بدر لوت وجهها و جلست في مكانها..
قربت الحرمه الكبيره منهم: ايش معنى هذي الحركه يا منيره...
ام بدر و هي متملله و تحرك عيونها على بنت الحرمه اللي طبعا خلعت عباتها من نزل من السياره و كانت لابسه برمود ضيييييييييق و عليه بدي اضيق و شعرها الاصفر كيري وميك اب فل: غلطت في الهدف يااااااااااا ام فـــوووووووووزيه...
فوزيه وهي تتخصر لها: اسمي فـــووز يا ام بدر!!!
ام بدر وهي رافعه حاجبها بغرور: تتصورين انه بعد ما حذفتي حرفين بيصير حلووو. ( ابتسمت بخبث) القبيح... ما يغيره ذهب و الماس..
فوزيه انفخت من الغضب: سمعت يا خالي؟؟؟
ام فوزيه: صالح انا جايه لهنا نتعرف ولا نتهزأ؟؟؟
ام بدر حركت عيونها لزوجها اللي قرب منها و ضغط على كتوفها: مافي داعي لهذا الكلام يا منيره.... بدريه جايه تتعرف على زوج خوله و زوجه خالد...
ام فوزيه بنبره ساخره: منيره..
ام بدر و كأن ام فوزيه بحركتها ضغط زر الجنون عندها، اخذت المضرب و توجة لها: ايش اللي تقصدينه هااااااااااااااا؟؟؟
بو بدر قرب و مسك يدها .. : منيررررررررررررررررره!!!!
منيره تمالكت اعصابها بصعوبه ابتعدت عنه و دخلت الشاليع بعد دقايق سمعوا صوت باب ينضرب و كان واضح انها قفلت الباب عليها...
بدر و خالد و خوله سلموا على عمتهم ... وطلبوا منها تجلس، وفاء قامت و سلمت اشرت للجود لكن الجود اكتفت تهز اصابع يدها...، بدريه: اكيد انتي الجود؟؟
الجود بتفاخر: اي الجــود الــ..... بنت عبدالله الـ...
ام فوزيه: اعذرينا و لو انها متأخر على عدم حضور زواجكم كنا مسافريييين لبره!!
الجود: و عزا اخوي كنتي مسافره بعد؟؟
ام فوزيه ما عجبها رد الجود واضح منه انها قويه التفتت ليـوسف اللي كان جالس من غير اي تعليق: وانت يوسف زوج خوله..
يوسف هز راسه: اكيد يا خاله .... ولا ايش اللي يجلسني معهم...
فوزيه بدلع، تصرفاتها كان يكرها بدر و خالد اللي كانوا ينظرون لمكان ثاني بعيد عنها : شلووونك ياا يوسف؟؟؟ تذكرني..
يوسف عرف فوزيه من صوته و اسمها و تذكر تصرفها مع خوله في المطار ما حب يبين لهم انه فقد البصر: الحمد لله على كل حال... خوله ...؟؟
مشت خوله لجته يوسف حرك وجهه لما حس فيها : شرايك نتمشى، علشان تاخذ عمتك و بنتها راحتهم..
ام فوزيه و بسرعه: مافي داعي انت مثل ولدي و فوز مثل اختك..
يوسف مسك يده بطريقه توحي للكل انه جزء من رمانسيته معها : اكـيد بس انا ماني مرتاح...
يوسف مشى مع خوله لبعيد، ام فوزيه انقهرت و بدت تتشكى لاخوها مثل عادتها، كانت متحججه بتعديل العلاقات علشان تزورهم، بس ام بدر كانت و مازلت لها بالمرصاد.. فوزيه مشت لعند الجود و جلست جنبها...: مستغربه انه متحمل وحده كئيبه مثلها...
الجود ما كانت طايقه فوزيه بعد تصرفها مع خالد من قبل ، واستغربت اكثر انها ما عادتها قدامها بس كلمتهاكانت شيء جديد: ايش قصدك؟؟
فوزيه: قصـدي واضح،، انسانه بكل هذي الوسامه يتزوج وحده مثل هذي...
الجود توسعت عيونها و مرت شغلها في بالها...
((الهنوف: و لا تكتفين في هذا لان مع الوقت راح تنكشف لك اسرار اكثر و بتعرفين شلون تستغلينها اكثر و اكثر .)))
الجود ابتسمت بخبث: مسكين انخدعنا فيها و انجبر يتحملها لا هو يتساهل وحده مثلك جميله و انيقه و نيو فاااشن..
فوزيه فهمت قصد الجود: تقدرون تاخذون له غيرها..
الجـود: ياليت بس بابا رافض الفكره.... بس في حاله هي طلبته ما اعتقد يعارض...
فوزيه ضحكت بخبث: غريب كلامك يا حلوه..... اثاره الحريم و دفعهم للطلاق سهل ..
الجود: انا ما اقدر لحال ... خصوصا انا خالتي اللعينه موجوده.. اكيد احتاج مساعده
فوزيه ابتسمت: وانا ايش فايدتي....
الجـود: وانتي ايش دخلك...
فوزيه: للاسف طيبه و احب اساعد الناس...
الجـود: بس اكيد تبين مقابل صح؟؟
فوزيه وهي تغمز لها: ماهو كثـير....و تقدرين عليه
الجود مدت يدها لها و تصفاحوا كنوع من الاتفاق: اتفقنا يااا حلوه..
-
-
-
في الرياض:
بو فـهد دخل لغرفته و رمى نفسه على سريره، زوجته مشت لعنده و حطت يدها على كتفه: ايش فيك يالغالي؟؟؟
بوفـهد طلع نفس عميق و التفت لها: تعباااااااان... الشغل متعبني..
ام فهد: انت ما تاكل عدل و ترهق نفسك كثيييييير في الشغل ايش فايده موظفينك و ازواج عيالك اللي مجمعهم عندك في الشركه..؟؟
بو فهد وهو يحاول يتنهض و يجلس: كل واحد له شغل معين وانا شغلي كله الاداره....
ام فهد لوت وجهها: الله لا يعافيك يا يوسف يوم انك اخترت هذا الوقت بالذات علشان تمرض...
بوفـهد : لا تدعين عليه، ان شا ءالله يتشافى و يرجع شيل جزء من الشغل عن كتفي...
ام فهد: اصلا لما يرجع لازم يشيله كله و ناخذ اجازه طويله نرتاح فيها....الله يرحمه فـهد الغالي... هو اللي دايما كان يخطط للاجازات..
بوفـهد طلع نفس طويل وحاول يخفف عنها لما لاحظ الحزن عليها: الله يرحمه،، و يخلي لنا ولده اللي جاي بالطريق..
ام فـهد: هذا ان ظل معنا....
بوفـهد: ايش قصـدك؟؟؟
ام فـهد: انا مستحيل اسمح لفاتن تتزوج بعد فهد..
بو فـهد: و من اللي قالك اني راح اسمح لها تتزوج!!! انا ولي امرها الوحيد واي شخص يتقدم لها بعد ما تطلع من العده راح نرفضه...
ام فـهد: ماهو كااافي... اخاف تلعب و تسوي سواااااالف
بو فهد بانفجار...: بنت اخوي ماهي كذااا
ام فهد: لازم نحسب حساب كل الاحتمال واحسن شيء نزوجها يوسف..
بو فهد: ايش؟؟؟
ام فـهد: يوسف ولدك لازم يتزوج فاتن علشان نظمن وجود ولد فـهد عندنا...
بوفـهد : بس يوسف متزوج؟؟؟
ام فـهد : الشرع حلل اربع...
بوفـهد: بس اخاف ابوها يزعل!!
ام فـهد: ايهم اهم... ولد فـهد.. ولا صديقك هذااا...
بوفـهد حط يده على فمه بتفكير: خليني افكـــر و بعدها اقرر...
-
-
-
في جده:
انتـهت رحـله الشـاليه اللي ابتدت نضحك و فرح بمشكــله، ام بدر ظلت في غرفتها طول اليوم و ما طلعت منها.... خالد اضطر يتمشى مع بدر بعيد بعد ما لاحظ ان الجود اتفقت مع فوزيه و تحولت احاديثهم لضحك و قصص طويله ... وفاء جلست معه مستمعه.. بو بدر ضاق خلقه من كلام اخته المزعج بس ما حب يكسر في خاطرها.. خوله و يوسف ظلوا يتمشون و بعدها رجعوا لغرفتهم... بعد وجبه العشاء اللي اعتذرت عنها ام بدر، الرجال تعشوا لحالهم بسبب وجود فوزيه،..
يـوسف نادا خوله بعد ما لبس بيجامته، رغم المواقف المحرجه اللي صارت بينهم في الاسبوعين اللي عاشوها مع بعض مازالت تنحرج منه و تطلب منه يلبس وبعدها يناديها.. دخلت خوله و معها الضمادات الجديده: هاا انتهيت؟
يوسف: اي تفضــلي
لاحظت خوله ان واحد من الارزه كان متخربط: لا يا يوسف زرايرك غلط.
يوسف لا ايراديا حرك يده للازره: اي واحد..
خوله مشت وهي ماعاف كيف تبينه فتحت الازره، يوسف مسك يدها :مافي داعي يا خوله..
خوله ابتسمت و كملت: لا في داعي... ما احب شيء غير مرتب..
يوسف ابتسمت وسمح لها تعدل الازره رغم خجلها اللي حسه من اطراف اصابعها الحاره... انتهت خوله و قربت منه حطت له القطره المائيه اللي ترطب فيها عينه، وسوت له مساجه: يوسف؟ اتمنى تعذر ماما على تصرفها اليوم..... اعرف انه كان مـ...
يوسف قاطعها: مافي داعي تبررين لها..عمتي على عيني وراسي مهما سوت..
خوله ارتاحت انه متوافق معها حركت شعره لورا و بدت تلف الضماد: في خلاف بين ماما و عمتي وفوزيه من زمان و هو سبب هذا التعامل بينهم.....
يوسف قاطعها: مافي داعي تطلعين اسرار اهلك لشخص غريب يا خوله..
خوله استغربت ولا ايراديا ردت: بس انت زوجي مانت غريب يا يوسف,,,,,!!!!!!
يوسف هزته كلمتها ((مانت غريب!!!!!!!!! انت زوجي!!!!!)))
مرت في باله كل لحظه سيئه صنعها في حياتها ضربها اهانها تركها تبكي حتى لما رجعوا من السفر رماها عند الباب من غير حتى لا يكلف على نفسه يدخلها بس تهتم فيه و تعامله بحنان و طيبه و هو اللي ضربها و بكاها كثــير....
يـوسف: خوله
خوله تفاجأت لما سحب يوسف يدها اللي تربط الضمادات و باسهااااااااااااا بقوه...: يــــ.....ــــــوســف............ اتركنيـــــــــــــــــــــ ارجوووووووووووووووووك...
يوسف ترك يدها و بسرعه سمع صوت خطواتها اللي ركضت لبره...: خوله!!!!!!!
خوله رمت الضمادات اللي طاحت على الارض و ركضت لبره الغرفه و تركت باب الغرفه مفتوح طلعت لبره و رمت نفسها في حوض السباحه، كانت محتاجه تفرغ الاحساس الحار اللي تولد داخلها:::: مااااااا ابي اخوووونك يااا فييييييييييييييييييييييصل مااا ابي اخونك يا فاااااااااااااااااااارس احلاااامي
-
-
يوسف المسكين ظل جالس في غرفته مثل الطفل اللي تاه عن امه، كان خايف يتحرك و يصدم له شيء او يزعج الموجودين في الشاليه خصوصا ان ضيوفهم الغير مرغوب فيهم ناموا عندهم، خطوات خفيفه قربت من عنده و دخلت الغرفه يوسف بتوتر من خفت الشخص اللي دخل: خوله؟؟؟؟
توقف الخطوات لكن ما ردت عليه الدخيل اللي تجرأ ودخل غرفته النوم: انت من؟؟؟
كـــليك!!!
يوسف انفجر لما سمع صوت كاميرا الموبايل يوسف قام من مكانه وصرخ: لحظه....
خطوات شخص ركض لبراه: لحظه!!!!!!!!!!!!!!!!!!!!!!!!!!!!!!!!!!!
صرخ يوسف لكن ملتقط الصوت هرب بسرعه، حس يوسف من اللي صار بالضـعف و قله الحيله و انه فعلا بحاجه خوله... شعوره بالضعف انساه ليش يصوره احد....
ام بدر من ورا الباب : يوسف؟؟
يوسف طلع نفس نادها: تفضلي يا عمـتي...
ام بدر دخلت و مشت لعنده كانت تلفت في الغرفه: سمعت صوتك وانا ماره!!
يـوسف: سوري ظنيت احد دخل...
ام بدر جلست قدامه على كرسي: ليش وين خوله؟
يوسف طلع نفس طـويل: زعلتها بحركه بايخه.. و طلعت...
ام بدر: حاولت تاخذ جزء من حقوقك صح؟؟
يوسف فاجأته ام زوجته من جديد بفهمه لعلاقته مع بنتها: حستيها قربت كثير خلال الاسبوعين اللي فاتوا ... بس كالعاده غلطت في تقديري للامور... تعاملها كان بدافع الشفقه!!!
ام بدر حطت يدها على يده: لا تحزن.... يااا يوسف...
يوسف من جديد حس بشعور الامومه بس خاف يكون مثل شعوره تجاه خوله كاذب: عمتي....انا يستحيل اكون فيصل في نظرها .... حتى وان عاملتها بحب.... بعكس فيصل...
ام بدر ابتسمت على تعليقه: ومن قالك ان فيصل كان يعامل خوله بحب...
يوسف: عمتي ارجوك كلميني عن فيصل!!!!!!! ان كنت فعلا تبين اطلعها من اللي هي فيه لازم اعرفه!!!
ام بدر طلعت نفس طويل: اوكي يا يوسف...... راح اقولك كل شيء عن فيصل..... وعن كيف خوله حبـته.... بس عندي شرط
يوسف : انا موافق على كل شروطك..
ام بدر: تسمع للاخر وما تسـال عن اي شيء اضافي..
يوسف: موافق...
ام بدر: فيصل ماهو فارس احلام خوله الحقيقي
يوسف: اييييييييييييييييييييييييييييييييييييييييييييييييش
-
-
-جبار حبك ولكنك علي غالي
وقلبي على حبك الجبار وصيته
يا اول غلا في خفوقي واخر أمالي
من قلبك الحب والاخلاص حسيته
مرة شهور بغيابك وانته فبالي
اشتاق شوفك وبعدك ماتمنيته
غيبتك ياروح روحي عذبة حالي
عانيت جرح الغلا والشوق قاسيته
ماهمني قول عذالك وعذالي
ولا الزمن لا نوى الفرقى تحديته
والعمر دونك حبيبي كيف يحلى لي
غيرك من الناس كم ياني وصديته
عادي تموت البشر بس انته تبقى لي
يامن على الروح قبل القلب وليته
غالي وتبقى على بعد المدى غالي
مايطوي الوقت صفحة شخص حبيته
يتـــبع,,,
هااااااااي اعتقد البااارت طـووويل صــح...
ما ابي اسمع كلمه البارت قصـير لانها بصرراحه تقــهرني...
انتظـر ردود طوووويله كثــير و لا راااح فعلااا ازعل و اقصر البارت الجاااي اوكي...
لاا تنسووووني بالدعاااء:
التوقعاات:
1فـوزيه والجـود على ايش يخططون ؟
2هل هدف فوزيه يوسف ولا خالد؟
3هدف الجود تعذب يوسف ولا تبعد فوزيه عن زوجها؟
4ام بدر هل راح تسمح لهم؟
5و يوسف هل راح يمشي بخطتهم؟
6ام بدر ايش سبب الخلاف بينها وبين ام فوزيه؟
7خالد هل راح يستمر في تحمله للجود؟
8خوله شلون حب فيصل وهو ما كان يحبها؟
9فيصل شلون خدع خوله واهلها؟
10 ام بدر شلون عرفت بحقيقه فيصل؟
11يوسف هل بدأ يحب خوله؟؟
12شلون بيعامل خوله بعد ما يعرف ماضيها مع فيصل؟
13-
14
15
16- اذا ما كان فيصل فارس احلام خوله من بيكون؟؟؟ وهي تحبه من صغرها؟؟
انتظر جوووووووووووواب على كل التوقعاااات و توقعاااتكم الشخصيه
و تذكروووااا ردود قصيره يعني البارت الجاااي قصير
خليت البااارت طوووويل علشااان مااا يكون عندكم عذر تقووولون قصير
ما يطيق الصبرا .. يا مل قلب ٍ ..
ما يطيق الصبرا.. نحت انا له وبرا ..
نوح الحمامه .. نحت انا له وبرا
يا نظير عيوني .. ودعتك الله ..
يا نظير عيوني عبروا مضنوني ..
يا اهل المراكب .. عبروا مضنوني
وإن رجع مضنوني .. نذر ٍ عليٌه
.. لا رجع مضنوني.... ثم اعيّد شهرا ..
واصوم عامين .. ثم اعيّد شهرا
للحبيب وساده .. حطيت زندي
.. للحبيب وساده ...عن هلي سلاني
.. حب الحبيّب .. عن هلي سلاني
((ملاحظه من الكاتبه: دققوا في كل كلمه اليـوم في البارت و اذا حستي ان في اشياء غير مفهومه و غير مترابطه فاعرفي انك قربتي تحلين جزء اسرار الروايه و يمكن يكون اهم سر فيها ...ولا تتتصورين اني انا اللي متخربطه هههههههــ ))
البارت الثاني عشـر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك