رواية توأمي لكن انا غير ومالي مثيل وراسي عنيده -11
هبه:بعد تكذبين آلاء وهي تقول ان الحرمه صاحبة الجناح هي اللي قالت لها عنك وعن زنوباتك يالهنديه أنتي وام الزبيري ياللحوج
أسير وهي راصه على أسنانها :مدووووو
مدى وهي تلتفت لأسير:ها
أسير بهمس وبصوت خايف:طالعي وراك
مدى التفتت وراها وتفاجات وهي تشوف راكان واقف عند المحاسبه وهو يطالعها بنظره ما فهمتها هي تعجب أو غضب أو استنكار ما فهمت ظلت عيونهم معلقه لثواني قبل لا يغض بصره ويأخذ الكيس ويطلع
أسير بهمس وخوف:سمعكم
مدى وهي تبلع ريقها:صدق
أسير:ايه ما تشوفين كيف يطالعنا يمه أكيد بيعلم علينا
مدى:وبيعلم مين بالله عليك حتى لو هو سمعنا وعرف ان احنا اللي كنا عند أمه كيف بيعرف احنا بنات من
أسير:وإذا لحقنا
مدى بخوف:ما أتوقع بس احنا ننتبه وإحنا طالعين إذا كان ورانا ولا لا
أسير:خايفه
مدى:اهجدي يا بنت لا يحسون فينا هالعلتين
أسير:طيب
وكملوا شراء الأغراض وبعدها طلعوا لمقعد وراحوا محل إكسسوارات وشر لهم وللباقين وأسير تتلفت كل شوي يمين ويسار
مقعد اللي لاحظ:أسوره
أسير بخوف:ها
مقعد:وش فيك تتلفتين مضيعه شي
أسير:ها ل..لا..
مدى تقاطعهم:تدور محل قالت عليه صديقه لنا
أسير:ا..ايـ..يه صـ..صح
مقعد:اها
مدى وهي تهمس لأسير:حسبي الله عليك شكلك بتفضحينا يا غبيه
أسير:والله خايفه
مدى:اووووف منك
وبعدها راحوا للباقين اللي شرو لهم فساتين وقاعدين يستنونهم
رواء شرت لروابي
رؤيه شرت لأسير وهبه ولولوه شرت لأختها آلاء ومدى
التقوا فيهم وطلعوا
وقفوا ينتظرون مقعد يجيب السياره ويزن بهمس لمدى:أشوفك اليوم في الحديقه ..وبعد بسرعه
أسير اللي لمحت يزن يكلم مدى:مدو وش عنده يزن
مدى:ولا شي بس يقول نزلي الغطا على عيونك
أسير:اها
جاء مقعد والكل ركب وانطلقوا للبيت
&
جالسه في الصاله مع صديقتها
البنت:بسويها
صديقتها:من جدك أنتي والله شكلك ناويه على المشاكل
البنت بوقاحه:ليه كل السالفه إني بأخذه منها وأتسلى
صديقتها:وش تتسلين أنتي بتهدمين حياة عائله وتقولين تتسلين
البنت بعصبيه:أنتي معاي ولا معاها ها
صديقتها لفت وجهها وبدون نفس وضيق:معاك
البنت :هجل أنطمي ولا تعكرين مزاجي
وسرحت بأفكارها من بكره بتبدأ تطبق خلاص وقت الرسايل انتهي وجاء وقت الجد
&&&
في جناحه وفي مكتبه الصغير
يكلم تلفون
معاذ:مشاكل لا حول ولا قوة إلا بالله - لا انا ما اقدر أجي – خلاص خلاص انا بتصرف بشوف احد يجي لكم – ما راح نتأخر اوكي – طيب مع السلامه
زفر بضيق وهو يرجع شعره على وراء
التفت للي دخل عليه
غصون:وش فيك حبيبي صاير شي
معاذ:فرعنا اللي في أميركا فيه مشاكل ولازم احد يروح ويباشر من هناك
غصون:وأنت بتروح
معاذ:ما اقدر عندي أشغال ومناقصات لازم أتفرغ لها ونادر ما اقدر أرسله لان ملكته قربت وما ابغى أرهقه بالشغل
غصون:وحصين
معاذ:حصين مشغول
غصون:طيب وش بتسوي
معاذ وهو يرفع جواله:مقعد
غصون باستغراب:بس مقعد مهندس
معاذ:مقعد شاطر ورجال ثقه ويعرف أمور كثيره وهو بس يباشر هناك وآنا أتواصل معاه من هنا
وسكت وهو يرد على مقعد:الو
مقعد:هلا والله
معاذ: هلا فيك أخبارك وأخبار الأهل
مقعد:تمام وانتم أخباركم
معاذ:الحمد لله يسرك الحال أقول مقعد
مقعد:سم
معاذ شرح له الأوضاع والمشاكل وبعد ما خلص:ها تروح
مقعد:بس انا ما اعرف كثير انت تعرف ان انا مهندس وخاص بالمشاريع
معاذ:انت رح هناك وراح أتواصل معاك وحصين هناك يساعدك إذا احتجت شي
مقعد:ما دام كذا ماشي خلاص
معاذ:لازم تروح بأقرب وقت يعني على بكره أو بعد بكره بالكثير
مقعد:خلاص ان شاء الله بكره احجز بس أعطي خبر للأهل ولجدي
معاذ:ماشي
مقعد:توصي على شي
معاذ:سلامتك
مقعد:مع السلامه
معاذ:مع السلامه
صك من عنده وهو يتمنى ان الأوضاع ما تتدهور كثير
دخلو بيت الجد وهم يسولفون عن السوق والأغراض اللي شروها
لولوه:انا بروح البيت
رؤيه:لا اقعدي شوي
لولوه:لا خلاص تاخرت
دانه وهي تمسك يد لولوه:يله عاد لولوه اقعدي والحين بنروح غرفتي ونسولف يله عاد
رؤيه:ايه والله من زمان ما قعدنا مع بعض وسولفنا
لولوه:اوكي خلاص بس اكلم أمي أعطيها خبر وألحقكم
رؤيه:اوكي نستناك في غرفة دانه
لولوه وهي تروح الصاله:اوكي
راحت الصاله وحطت الأكياس ورفعت التلفون واتصلت وقالت لامها بتظل في بيت جدها ساعه وبعدها بترجع وأمها قالت اخذي راحتك وصكت التلفون ودخل مازن بعد ما صوت
مازن :وش فيك لحالك وين الشعب عنك
لولوه:لا بس اكلم أمي
مازن:اها
دخل يزن:غريبه لولي هنا مو مع الباقين
مازن:هيه يالحبيب قاط الميانه لولي
يزن:ايه لولي انت وش عليك إذا هي راضيه صح لولي
لولوه بضحكه:ايه
مازن بعصبيه:أنتي فرحانه يعني عادي أي احد يدلعك تنبسطين وما عندك مشكله
يزن:مازن وش فيك ترانا نمزح
مازن:وش هالمزح الماصخ
لولوه وقفت وهي متضايقه ومشت من المكان
يزن بعصبيه:انت وش فيك انهبلت
مازن لف وجهه للجهه الثانيه وما رد عليه
يزن:أحرجت البنت وفشلتها على شي ما يسوي وبعدين انت تدري ان لولوه حسبت أختي وآنا وياها من زمان الميانه طايحه بينا
مازن:ادري بس وش أسوي أحبها وأحس إني بموت واعرف إذا هي في قلبها احد ولا لا بس مو عارف كيف اعرف إذا هي تحب احد ولا لا وأحس إني مقهور
يزن:مو علشان انت مقهور تطلع قهرك وحرتك علينا
مازن:أسف
يزن وهو يحاول يواسي مازن: الحال من بعضه حتى انا أحبها ولا تدري عن هواء داري واشك انها لو عرفت تفكر تعطيني وجه يعني شف حالت غيرك تحمد ربك انت أهون انا الحاله مستعصيه
ويقلد رواء:الحب غباء
مازن ويزن:ههههههههههه
صاروا يضحكون ما حسوا باللي سمع كل كلمه قالوها
في مكان نفس البيت في الدور الثاني
تطل من نافذتها على الطاوله الموجوده في الحديقه
:اليوم ما ترك شي يا ترى وش صاير وش فيك يا رواء هذا يبغى له سؤال كيف يترك لك ورد وأنت مو موجده علشان تأخذينها اووووف طيب اليوم ما في شي
يا ربي والله ما كنت أبي اطلع السوق بس هالعلل انشبو لي شكل اليوم ما في شي اووووف اشتقت لكلامه مالي إلى إني اصبر لبكره واحرص إني ما اطلع أي مكان وقت العصر الله يصبرني لبكره والله مشتاقه اعرف هو ايش راح يكتب لي هالمره
حطت يدها على قلبها وهي تبتسم
راحت وخذت منشفتها وراحت الحمام (أكرمكم الله) تأخذ لها شور يهدي أفكارها ويحسسها بشعور أفضل بدل هالضيق اللي حاسه فيه
&&
في مكان برا المملكه في سويسرا
جالس في وحده من لمطاعم مع صديقه ورفيق دربه
:ههههههههههه الله يقطعك وهذي سالفه بالله عليك يا جاسم
جاسم:هههه هو غبي انا وش أسوي له
سلطان:الله يرجك والله مسكينه اللي بتاخذك
جاسم بحالميه:فديتها والله
سلطان باستغراب:من
جاسم:اللي بتاخذني
سلطان:ههههه والله انك فاصل
رن جواله رفعه :الو – هلا مقعد الحمد لله بخير – أخباركم – امر – أميركا ليه – اها طيب ما في غيرك – لا ما عندي رحله لها – ههه طيب خلاص انا احجز وأسافر واعتذر عن رحلتي الجايه وأخليهم يحطون احد بدالي – لا ابد مو مشكله وآنا اخوك ما ودنا تضيع هناك بعد – هههه طيب سلم لي على الوالده والأهل – مع السلامه الله يحفظك
صك جواله والتفت لجاسم اللي سأله:وش فيه مقعد
سلطان وهو يشرب الكوفي:ابد بس هو بينزل بكره لأميركا علشان الفرع اللي هناك فيه مشاكل وما يدل في أميركا شي ويبغاني اسبقه واستقبله هناك وأكون معاه
جاسم:اها الله يوفق وأنت بتحجز
سلطان:ايه بكلم المشرف على الرحلات وبطلب يحط احد محلي وآنا بحجز اليوم وبكره بروح واستقبله
جاسم:الله يوفق
سلطان:تسلم
كملوا سوالف وبعدها قاموا وكلم سلطان المشرف ورتب معاه وراح يحجز له على أميركا لأنه لازم يكون هناك علشان يستقبل مقعد بكره
&
أشرقت شمس الصباح معلنه عن يوم جديد في أراضي أميركا
قامت بنشاط وصلت ولبست وظهرت رايحه للجامعه مع أماني ونهى وصلت ولقت أمجاد وسجيه قاعدين
بانه بابتسامه:صباح الخير
سجيه وأمجاد:صباح الخيرات
بانه وهي تجلس:اليوم كم محاضره عندنا
أمجاد:وحده
بانه وهي تطالع سجيه :لوائل كفوري
أمجاد بابتسامه على الجنب:ايه
سجيه:مالت عليه وعلى شرحه
بانه:راح نشوف إذا قدرتي تسكتين ولا لا ...وتلتفت على أمجاد:وش رايك نتراهن
سجيه:ماله داعي لاني ماراح اسكت
بانه طلعت عيونها:مو أنتي قلتي راح تسكتين ولا راح يطردك
أمجاد:قلت لك تموت لو تسكت
سجيه:خله يطردني أصلا انا في كل الأحوال ما افهم وش يقول وكل مره أمجاد راح تشرح لي وأذاكر وراح انجح في النهايه بإذن الله
بانه:بس درجات الحضور راح تروح عليك
أمجاد:لا تتعبين نفسك معاها والله لو تتكلمين من هنا لبكره ما راح تسمع لك
بانه هزت راسها بأسف على سجيه اللي ما عليها من احد
قامت أمجاد:يله يا شباب وقت المحاضره راح تبدأ
قاموا وتوجهوا للقاعه
بانه بمحاوله أخيره:سجيه من جد لا تضيعين عليك درجات الحضور وخلي عنك العناد
سجيه:ما أكون بنت العليان ان ما هبلت به هجل انا ويا وجهه يهددني
بانه باستغراب:لحظه الحين مو أنتي بنت عبد الرزاق كيف تقولين العليان
سجيه بدون ما تطالع بانه:ايه بس اسم أبوي وعائلته ما يشرف فأحط اسم أمي وعائلتها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك