رواية توأمي لكن انا غير ومالي مثيل وراسي عنيده -10
سجيه:وش عندهم ماروكو وسالي
بانه بضحكه:يقولون انهم بيرجعون الشقه بعد نص ساعه والمفروض أكون عند البوابه حقت الخروج
أمجاد:ما ادري أنتي كيف متحمله تعيشين مع هالثنتين
سجيه خطرت ببالها فكره:أقول بانه تعالي اسكني معانا بالشقه
بانه متفاجاه:ايش
سجيه:اللي سمعتيه الشقه فيها 3غرف انا وحده وأمجاد وحده وباقي وحده فاضيه أخذيها أنتي
أمجاد:أنتي هيه شقتك علشان تسكنين فيها على كيفك
سجيه:عادي انا وأنتي واجد ما بينا فرق
بانه اللي حست ان أمجاد ما تبغاها تسكن معاها:لا انا مرتاحه شكرا
سجيه طالعت أمجاد بعتب والتفتت على بانه:وش رايك نتغدى برا انا بموت من الجوع
بانه:لا ما اقدر
أمجاد:إذا على كليله ودمنه على قولة سجيه اخذي منهم العنوان وإحنا بنوصلك لباب الشقه
بانه:إذا كذا اوكي
سجيه :يله نقابل هالقرود وتأخذين العنوان وننطلق إلى المطعم
بانه وهي تضحك:اوكي يله
قبل ما تلحق سجيه سمعت أمجاد تناديها بهمس
التفتت لها:نعم
أمجاد وهي تمسح على شعرها البوي:إذا حابه تسكنين معانا فمرحبا بك بينا
بانه:توك ما تبغيني
أمجاد:لا مو كذا
بانه:هجل ايش
أمجاد:طول عمري ما اعرف غير سجيه فحسيت ان الوضع غريب لو جيتي وسكنتي عندي بس بعد ما فكرت حسيت الفكره حلوه وراح نتسلى
بانه:يعني ما اسبب لكم أي إزعاج
أمجاد:لو تسببين أي إزعاج كان طردتك ولا قلت تعالي اسكني معنا
بانه بفرحه:خلاص بكره ان شاء الله ارتب أوضاع وانقل معاكم
أمجاد بغرور:بس لا تنسين ترى كل اللي بينا مصالح
بانه بضحكة تحدي وغرور:أكيد
وضحكوا ثنتينهم وانتبهوا على سجيه اللي فضحتهم وهي تناديهم بصوت عالي
&&
دخلت غرفتها شافت روابي نايمه راحت للمكتب حقها وفسخت نظارتها وحطت الكتاب على المكتب وقبل ما تروح لسريرها مدت يدها وفتحت الدرج اللي مقفلته بمفتاح وطلعت الكتاب الكبير فتحته وشافت الورده اللي حطتها بين الصفحات
كانت ورده صفراء رجعت فتحت بطاقتها وبدت تقرا اللي بين سطورها
كتمت الحب في صدري
وداريته مع جراحي
تنام الليل ماتدري
عن اللي في هواك صاحي
ولو تروح
وتلف الدنيا كلها
وتدور بين أهلها
محبتك بقلبي لاتظن انك بتلقى مثلها؟!
غمضت عيونها وحست باحساس غريب
رواء:وش قاعد يصير لك يا رواء أنتي عمرك ما تهتمين ولا تحسين بها الاشياء وتقولين ان اللي يحبون ناس متخلفين واغبياء...لحظه انا قلت يحبون يعني انا ..ا..حـ...ب..لا انا ما احب بس اللي احس فيه لا لا خذا شي طبيعي نتيجة هالكلمات وتاثيرها بس يا ترى بلقى بكره بعد ورده وش بيكون لونها ..يوووه وش فيك تفكرين إذا بكره راح يحط لك ورد ولا لا صدق مبين إني استخفيت
يا ترى مين اللي يحط لي الورد مين لا ما ابغى اعرف ابغاه يكون مجهول مثل الغامض والحلو في حياتي
يوووه وش فيك يا رواء شكل الهرمونات اليوم عاليه كله من مدو يوم خوفتني اوووف خلني انام أحسن
راح وانسدحت وصارت تطالع السقف وتذكرت هالكلمات
تنام الليل ماتدري
عن اللي في هواك صاحي
رواء وهي تلعب بشعرها وعلى وجهها ابتسامه:هو صاحي مثل ما قال ويفكر فيني من انت يا صاحب الورد انا ما اعرف من هو بس اللي متاكده منه انه احد من العايله لانه يعرفني عدل ولانه يقدر يدخل ويطلع على راحته مستحيل يكون من برا بس من منهم من
وغطت في النوم وهي تعيد وتكرر من انت
في الجامعه
واقفين ينتظرون بانه اللي راحت تأخذ من أماني ونهى العنوان وتجيهم يروحون المطعم
سجيه وهي واقفه مع أمجاد المتسنده على جدار الجامعه
سجيه وهي تهز أمجاد وتأشر بيدها:شوفي شوفي مجود
أمجاد تطالع محل ما تاشر سجيه :وين
سجيه وهي تاشر:شوفي ذيك العشه
أمجاد تدقق النظر وشافت ولد شعره كدش
أمجاد:ههههههههه قصدك الكدش
سجيه وهي تتحمد:الحمد لله والشكر الناس تدور النعومه وهم يكشكشون هالشعر
أمجاد:كيفهم كل واحد حر في نفسه
سجيه بلقافه:ابغى اعرف كيف يخلون شعورهم كشه
أمجاد بسخريه:اسأليه
سجيه وهي تروح لجهة الولد:وهذا اللي بيصير
أمجاد تمسكها:أنتي هيه وين رايحه
جاتهم بانه:وش فيكم
أمجاد:هالخبله تبغى تروح تسال الولد كيف خليت شعرك كدش
بانه:ههههههههههه
سجيه:ما فيها شي بس بسأله
أمجاد:أقول اهجدي بس
بانه بهمس:خليها تروح
أمجاد:تبغين تسوين لنا مصيبه
بانه بنذاله :خلينا نضحك
أمجاد طالعت بانه وعلى وجهها ابتسامة نذاله تركت سجيه:اوكي روحي
سجيه راحت ووقفت وراء الولد وضربته على كتفه:لو سمحت
الولد:نعم
سجيه:ممكن تساعدني في شغله ابغى أسالك عنها مصيريه وما في احد يقدر يجاوبني عليها غيرك
الولد:اسألي واللي اقدر عليه بسويه
سجيه:هالزرع شلون سويته
الولد استغرب:الزرع ما اعرف كيف يزرعونه الصراحه
سجيه:لا انا اقصد الكتروني ولا يدوي
الولد ما فهم شي
سجيه :أكيد ما فهمت انا اقصد المخمه اللي فوق راسك هل هي إلكترونيه أو يدويه وترى ما في اتصال بصديق
الولد عرف انها تتمسخر:أنتي تتطنزين حضرتك
سجيه:لا انا من جدي أتكلم يعني كشتك تسويها بنفسك ولا بروحها بعد ما تستحم تنتفش مثل الفشار
وتأشر على راسها:تشكتشكتشكتشكتشك وتصير بيت عصافير
الولد بحقد:ناس ما تستحي....وراح
سجيه:هذا وش فيه راح وما جاوب على سؤالي صدق غبي... ورجعت لبانه وأمجاد اللي متقطعين ضحك
أمجاد وهي تمسح دموعها:والله أنتي مجنونه رسمي
بانه ودموعها طالعه: ههههههههه هههه بـ...طـ...ني ههههههههههه بموت ههههههه ههههههه
سجيه باستغراب:وش فيكم تضحكون ضحكوني معاكم
أمجاد وبانه زاد ضحكهم
سجيه:صدق إنكم مجانين وفاصلين بقوه انتم وأبو كشه اللي راح وما جاوب على سؤالي ما ادري ليش
أمجاد وبانه:ههههههههههههههههههههههههه
سجيه تتحمد عليهم وراحت وهم يلحقونها وهم فاطسين ضحك
&
تــــــــــــــابـــــــع
وصل للشركه الكبيره ودخل وصعد بالاصنصير للطابق المطلوب وأول ما دخل عند السكرتير وقف:طويل العمر ينتظرك
هز فواز رأسه ومشى وراء السكرتير اللي فتح له الباب ودخل عليه شافه لابس نظاراته وبالغتره البيضاء والثوب الأسود كان معروف بلبسه الزي السعودي حتى وسط اجتماعاته ما يغير هالزي وفخور فيه
ويطالع مجموعة أوراق ويوقعها
فواز بتوتر:السلام عليكم
حصين رفع عينه لفواز:وعليكم السلام
اشر له يجلس ورجع لأوراقه
جلس فواز ومرت ربع ساعه فواز اللي مل من الجلسه:حصين
حصين:اششششششششش
سكت فوزا وبعد 10 دقايق رفع رأسه وصكر الملف وفسخ نظاراته:قول وش صاير
فواز قال له كل شي حتى التسجيل
حصين بوجه بارد وملامح جامده وبصوت مكتوم من العصبيه:ليه ما عطيتوني خبر من قبل علشان أتصرف
فواز بسرعه:ما ادري جدي قال لا تقول لحصين
حصين قام من مكانه ووقف قدام فواز:وأنتي بنت تسوي فيك كذا
فواز توه بيتكلم بس سكته حصين بصرخه:كم مره قلت لك بطل سهر ها
فواز:انا...وسكت
حصين سحب نفس وطالع فواز وبهدوء:تعرف وين ساكنه
هز فواز رأسه بلا
حصين راح لمكتبه وضغط على زر:علي تعال
ثواني وعلي داخل
(علي سكرتيره الخاص اللي يثق فيه ولا يثق باحد غيره)
حصين:بكره يا علي تتصل في فواز على الضحى وتروح له الجامعه وراح يوريك وحده ابغاك تعرف كل شي عن هاللي بيوريك إياها واضح
علي:واضح طال عمرك
حصين:تفضل
طلع علي وحصين جلس في كرسيه وطلع سيجاره وبدا يدخن وهو يطالع فواز وبهدوء:انت لحد الحين تماشي السوريه
فواز:ايه هي زميلتي في الجامعه
حصين رفع إصبعه بتهديد:لو أشوف لك غلطه وحده راح تكون على أول طياره للسعوديه فاهمني يا فواز
فواز وهو ينزل عيونه:ايه فاهمك
حصين:يله توكل عندي شغل
قام فواز وطلع بسرعه وحصين قام من مكانه وراح للنافذه وصار
يطالع المنظر وبهمس:بانه....وابتسم على جنب: اسمك حلو بس راح نشوف أنتي مثل أبوك اللي يا ما سمعنا عنه ولا لا
وظل يطالع المنظر وهو ينفخ دخان سيجارته بمهاره
أشرقت شمس الصباح في المملكه
وقام الكل بنشاط
في المطبخ
الجده وهي على الطاوله وعلى يمينها ويسارها بناتها ويسولفون
دخلت عليهم دانه:صباح الخير
الكل:صباح النور
باست رأس جدتها وعماتها وجلست وشوي وامتلت الطاوله
الجده:وآنا أمك محاضرتك متى
دانه:على الساعه 9 ان شاء الله
الجده:ان شاء الله
رؤيه تطالع مدى بحقد
أسير:هههه بتذبحك
مدى:ايه والله الحمد لله انها أمس مغمى عليها ولا كان ما قدرت أنام اخاف تذبحني وآنا نايمه
أسير:ههههههههه أمس أشكالهم تحفه
مدى:أي والله بس عليهم هجوم متوحشات
أسير:ههههههههه
الجده:يا بنات ترى اليوم بتروحون السوق
هبه:متى
أم أسير:على العصر ان شاء الله
روابي:لا خلوها على المغرب أحسن
الجده:لا المغرب اغلب العيال عندهم أشغال وما في احد يوديكم وتدرون ما أحب السواق يوديكم
رؤيه:جده ابغى لولوه تجي معنا
الجده:معليه قولي لها تجي
مدى بهمس:الله بنستانس عدل
أسير:وش في بالك
مدى:ولا شي
أسير وهي تاشر على يدها:أقص يدي من هنا إذا ما كان في بالك شي
مدى ابتسمت وما ردت
سمعوا صوت :يا ولــــــــــــد
الكل تغطى والجده بصوت عالي:ادخل يمه ادخل
دخل سلطان:صباح الخير
الكل:صباح النور
سلطان وهو يبوس رأس جدته وأمه وخالته:يله انا أترخص توصون على شي
أمه:انتبه على نفسك يا يمه وتدفئ زين واكل زين
الجده:وأنتي كل ما جاء بيروح نفس الاسطوانه
إلا:وش أسوي وليدي اللي أطالع الله وأطالعه هو وإخوانه
سلطان وهو يحضنها ويبوس راسها:الله لا يحرمني من الحنونين
أسير وهي تقوم وتجيه وتحضنه:مع السلامه
سلطان:الله يسلمك
أسير:لا تنسى اللي وصيتك عليه ترى يقولون أغراض سويسرا حركات
سلطان:ههههههه ان شاء الله من عيوني
هبه وهي الثانيه تحضنه:انتبه على نفسك يا اخوي
سلطان وهو يبوس راسها:ان شاء الله يا قلبي
والتفت على البنات:يله بنات توصون على شي من سويسرا
مدى:انت وذوقك لا أوصيك هالله هالله بحبحها شوي
أم مدى:يا بنت استحي
الجده:وحده مطروده ما ينشره عليها
الكل:ههههههههههه
مدى:ول عليكم ما سوت علينا هالمدرسه اللي 24ساعه تعيرونا فيها
وبعدين سلطان مثل اخوي ما له داعي الحياء بين الإخوان
سلطان:ههههههههههه
الكل هز رأسه باستسلام لان ما في فايده مع مدى
سلطان:يله مع السلامه
الكل:الله يسلمك – توصل بالسلامه
طلع لمقعد اللي يصر في كل مره ان هو اللي يوصله وأمه وهبه وأسير وراه
&&&&
قاعده في غرفتها ترتبها وتحط الملابس في شنطتها وبعد ما خلصت راحت للنافذه تطالع منظر الشارع اللي ينوره نور الشارع والسيارات
ابتسمت وتحس انها مرتاحه لأنها بتروح تسكن عندهم ما تدري ليه تحس انها مرتاحه معاهم ولا متكلفه في تعاملها معاهم ولا تتضايق من أي كلمه يقولونها
بانه:بكره بسكن عندهم ما ادري ليش متحمسه ههههه
وطرا على بالها فواز: ان شاء الله هالغبي يقدر يقنع بابا نويل علشان يفكني من غثاه الغثيث اووووف وطرت على بالها دانه
طالعت جوالها:لا لما تهدى راح اتصل عليها ايه كذا أحسن أخليها كم يوم تفكر بكلامي وترتاح
وظلت فكره توديها وفكره تجيبها
&&&&
في الظهر
قاعد وراء مكتبه يحاول يحل المشاكل اللي طالعه له بالشغل رن جواله ورفعه ورد:هلا وغلا ببنتي
سوسن:يبه وش فيك تأخرت
يامن باستغراب:على وشو
سوسن:لا لا تقول نسيت
يامن:والله ما اذكر ذكريني حبيبتي
سوسن بزعل:ما وعدتني تأخذني للسوق اشترى لي الأغراض اللي ابغاها ولا تقول روحي مع الخدامه لا انت وعدتني توديني بنفسك
يامن اللي تذكر:ايه صح خلاص تجهزي شوي واجيك
سوسن:صدق
يامن:أكيد صدق كم عندي من سوسن انا
سوسن بدلع:وحده احبك يا أحلى ابو بها الدنيا
يامن وهو يضحك:وآنا بعد
سوسن:يله باي
يامن:باي
رفع سماعة التلفون لسكرتيره:الغي كل مواعيدي انا طالع
وصك السماعه وخذا مفتاح سيارته وطلع
&&&&
اجتمعوا وزي العاده من يوديهم غير مقعد المسكين المطيع ومعاه مازن ويزن
وصلو المجمع وقبل ما ينزلون
هبه وهي تلف على مدى وأسير:شوفي أنتي وياها أي حركات استهبال والله لأذبحكم فاهمين
رؤيه اللي حاقده على مدى لأنها خوفتها:هذولي اغسلي ايدك منهم والله بيفشلونا
مدى:لا يا شيخه وشو نفشلكم أصلا ماله داعي انتم من نفسكم تفشلون
روابي:بس خلاص خلونا ننزل
نزلوا والكل مستانس بالسوق إلا هي تحس انها مكتومه ومتضايقه وما راحت إلا علشان خاطر جدتها
دخلو المجمع مقعد وهو يلف لهم:الحين وين بتروحون
الكل صار يتكلم وكل وحده تقول اسم محل
مازن:بس بس يا ربي وش كثر تحبون الفرفره
يزن:إذا كنتم بتروحون كل المحلات اللي قلتوها عز الله ما خلصنا إلا أخر الليل لازم تنقسمون
روابي:وشو ننقسم لا ما ينفع
مقعد:إلا يزن معاه حق نصكم يروح لنص المحلات والنص الثاني يروح النص الثاني للمحلات وكل فريق يجيب للفريق الثاني اللي يحتاجه من المحلات اللي رايح لها كذا نخلص أسرع
لولوه:فكره حلوه
مازن وهو يطالعها:أكيد حلوه دام احنا اللي مقترحينها
لولوه نزلت عيونها بخجل مع انه ما قال شي يخجل
مقعد:عن الكذب يزن اللي مقترحها
مازن:انا ويزن نسخه وعندنا توارد أفكار
الكل:ههههههههههه
مقعد:طيب انقسموا 4 معي و4 مع يزن ومازن
روابي:خلاص انا وهبه ومدى وأسير معاك يا مقعد والباقي مع مازن ويزن
مازن ويزن بسرعه:ايه
مقعد:اوكي وبينا اتصال
يزن:اوكي
وانقسموا وبدوا يتسوقون
&
وصل بيته ونزل بدل ملابسه ورجع ركب سيارته ومعاه بنته وولده وراح بهم المجمع يشترون شوية أغراض ويودي ولده الألعاب يلعب شوي
&&&&
يمشي مع أخوه و معاهم البنات وكل شوي داخلين محل وهم ينتظرونهم برا
يزن:الحين كيف أعطيها الورده
مازن:خلها إذا رجعنا بيت جدي
يزن:على رايك بس تظن ينفع معاها
مازن رفع كتوفه:والله ما ادري بس ان شاء الله ينفع
يزن:لا انا حاس انها بتحبني
مازن:ان شاء الله
يزن:وأنت
مازن:وش فيني
يزن:ما تأكدت لحد الحين
مازن:لا
يزن:كيف بتتأكد
مازن:ما ادري بس بفكر وبعدين بقول لك
يزن وهو يغمز له:إذا بغيت مساعده ترى اخوك حاضر
مازن ابتسم لآخوه
&&
دخلو محل حق عطورات ومقعد برا يستناهم وانتشروا أسير وهي تتكلم ولما التفتت ما شافت مدى وصارت تدورها
أسير:مدو وينك
سمعت صوتها:تعالي انا هنا
أسير وهي تشوف مدى:وش تسوين
مدى وهي تتزحلق:الله شي والله حماس
أسير:ههههههههههه
مدى ترجع وتركض وتتزحلق وأسير تضحك عليها
جاهم الهندي حق المحل:ايش هزا
مدى:وش تبغى انت
الهندي:هزا ما في كويس أنتا ابغى اشتري أو اطلع
مدى:هذا اللي ناقص تطردنا والله هزلت بو دهان يطردنا
الهندي:انا في قول هق هزا كفيل
مدى:يله اقلب وجهك تهدد بعد مع زيت الخروع اللي في راسك
الهندي راح وهو يتحلطم
أسير:أقول مدو الله يخليك لا يجيب لنا كفيله ونتورط
مدى وهي توقف عند بداية الممر:هذي أخر وحده
وركضت وزحلقت وتفاجات باللي طلع في وجهها وصدمت فيه
مدى اللي طاحت:أييييييي
أسير:مدو أنتي بخير صار لك شي
مدى:لا
أسير طالعت اللي قدامها وشقهت
مدى انتبهت لشهقة أسير وطالعت اللي وقف قدامها وطلعت عيونها
في نفس المحل قاعده تشم من العطورات وهو مع بنته جنبها
سوسن اللي سمعت هبه تتكلم قربت ولما سمعتها عدل راحت لأبوها بهمس:يبه يبه
يامن اللي كان شايل ولده:نعم يا بابا
سوسن وهي تاشر على هبه:هذي هي
يامن:عيب تأشرين على الناس
سوسن:لا يبه هذي هي المدرسه اللي طردتني
يامن بسرعه رفع عينه للي واقفه عن المحاسب ونزل ولده :انتبهي لآخوك شوي وراجع
سوسن:طيب
قرب منها وبحقد وكره:اساتذه هبه
هبه اللي خافت لفت بسرعه وصارت تطالع اللي واقف قدامها وقلبها يدق بسرعه وبخوف:كيف عرفتني من انت
يامن وهو راص على أسنانه:طبعا الوقح ينسى الناس اللي يسئ لهم
هبه اللي عصبت:من انت
يامن وهو يطالع سوسن:انا ابو الطالبه اللي ما عرفت أربيها واللي قلتي ان انا مو متربي
هبه شافت سوسن ورجعت طالعت يامن:وآنا صادقه وأنت اثبت هالشي الحين
لأنك لو محترم ما تكلم حريم خلق الله
يامن بصوت غاضب مكتوم:أنتي تقولين كلام مو قده وراح تدفعين ثمنه غالي
راح وشال ولده وعطاها نظره ومسك يد سوسن وراح وهبه لحد الحين في مكانها وخايفه:يا ربي يا ليت لساني انقص
رفعت يديها شافتهم يرتجفون تلفتت بسرعه تشوف إذا مقعد شافها ولا لا بس كان جالس على الكراسي اللي برا ولا يدري عن احد
هبه:الحمد الله ما شافني...استغفرت ربها ورجعت للعطورات اللي كانت تشمها وفكره مشغول وقلبها يرجف من الخوف ومن تهديده اللي ما تدري ليه حست بخوف منه
&
لهنا أوقف واترك لكم حرية التعليق
ودي وحبي لكم
&&&&
توأم لكن انا غير ومالي مثيل وراسي عنيده
&
البارت الحادي عشر
قراءه ممتعه وان شاء الله ينال إعجابكم وسوري على التأخير
&&
في المجمع تحديدا عند دانه ورواء ورؤيه ولولوه
لولوه وهي ترفع فستان :ها دندون وش رايك هذا حلو أخذيه
جات رؤيه:لا لا ...وهي ترفع فستان ثاني:هذا أحلى خذيه
جات رواء وهي تعدل نظارتها ومعاها فستان:لا هذا أفضل لونه يريح النفس
لولوه:لا ما عليك منهم هذا أحلى
رؤيه:لا اللي معي أحلى عليك يا حلو
رواء:جهله بالألوان هذا أفضل علشان نفسيتها ترتاح
لولوه:ها وش قلتي دندون أي واحد تختارين
دانه بملل:كيفكم
رؤيه وهي تجي وتوقف جنبها:شلون يعني كيفنا هذي ملكتك أنتي مو احنا
لولوه:أي صح
دانه :ما تفرق معاي
لولوه:دانه والله نادر يهبل وما في منه
دانه تنهدت
رواء سكتت وما عرفت وشلون تواسي دانه
رؤيه:والحين ما قلتي أي واحد بتختارين
دانه وهي تطالع الفساتين لفت نظرها واحد:هذا
الكل التفت على الفستان اللي أشرت عليه دانه
لولوه:أكيد تمزحين هذا هادي مره
رؤيه:وما فيه حركات كثيره ولا شك ولا تطريز
دانه بابتسامه:بالعكس حبيته كثير مره ناعم
رواء:حتى انا عجبني هادي وناعم مثل شخصيتك يا دندون
دانه:تسلمين
رؤيه:والله شكلي حتى انا بدا يعجبني
لولوه وهي تحط يدها تحت دقنها:ايه والله يناسبك ويعكس شخصيتك بس اللون انا بختاره
رؤيه:لا انا
رواء:خلوها هي تختار
رؤيه ولولوه سكتوا
دانه:ابغاه زهري
رؤيه ولولوه طالعوا بعض وابتسموا لها
رواء:بيطلع عليك خطير ويبين نعومتك وشخصيتك الهاديه
رؤيه ولولوه هز روسهم مؤيدينها ودانه التفتت للفستان وطرا على بالها أختها بانه
دانه في نفسها:ليتك هنا يا أختي كان ساعدتيني محتاجه لك ...وابتسمت بخفه:الله يوفقك ويحفظك
نروح لجهه ثانيه من المجمع
ركضت وزحلقت وتفاجات باللي طلع في وجهها وصدمت فيه
مدى اللي طاحت:أييييييي
أسير:مدو أنتي بخير صار لك شي
مدى:لا
أسير طالعت اللي قدامها وشقهت
مدى انتبهت لشهقة أسير وطالعت اللي وقف قدامها وطلعت عيونها
:سلامتك أختي أسف ما انتبهت
مدى علطول سحب الغطا على عيونها وقامت من محلها وهي متوتره وفي نفسها:هذا من وين طالع لي ما لقيت اصدم إلى في هذا والله لو يعرف من انا كان نتفني
لفت تبغى تمسك أسير ويمشون ما لقت وراها احد ومشت بس وقفها صوته
راكان:عفوا أختي
لفت له مدى وأشرت على نفسها بدون ما تتكلم بمعنى انا
راكان:ايه ولا أقول خلاص أسف شكلي مضيع
مدى مشت بسرعه وبعدها زفرت لأنه ما عرفها وصارت تتوعد بأسير اللي كل ما طاحت في مصيبه ما تشوف إلا غبرتها
أما عند هبه وهي سرحانه مسكتها أسير وهي خافت:ااااه
ولفت على أسير وزفرت براحه:وجع خوفتيني
أسير:أنتي اللي خوفتيني لما صرختي
هبه:وينها مدى
أسير بتوتر وخوف:ها مـ مدى هـ هناك
هبه:شفيك تتمتمين وش صاير
جاتهم مدى:مو صاير شي
أسير وهي تمسكها:مدو
مدى تاشر لها بعيونها بمعنى اسكتي
هبه بشك:انا حاسه ان في شي اعترفو وش مهبهبين
جاتهم روابي:وش فيكم
هبه:ما ادري بس أحس هالثنتين مسوين شي
روابي بعصبيه:وش مسوين بعد ليكون عافسين شي بالمحل
مدى:لا حول ولا قوة إلا بالله وش فيكم كل شوي والثانيه مسوي شي ومسوي شي
روابي:ايه لأنكم ما يجي من وراكم إلا المصايب
أسير وهي تطالع وراء مدى وتضربها وبهمس:مدو
مدى :لحظه خليني أتفاهم معاهم هاللي باطين كبدي وش مسوين احنا بالله عليكم
هبه:آلاء قالت لنا على اللي سويتوه في المستشفى
أسير وهي تضرب مدى مره ثانيه:مدو
مدى:لحظه....وتلتفت لهبه:وإحنا وش سوينا ان شاء الله مفجرين المستشفى وآنا ما ادري
روابي:لا بس جايين وانتم لحوج ولا صاعدين لجناح الشخصيات المهمه وداخلين على حرمه ياللي ما تستحين
أسير وهي تشد عباية مدى:مدو
مدى:قلنا اصبري يووووه...والتفتت على هبه وروابي و بكذب:ما صار أي شي من اللي تقولينه
هبه:بعد تكذبين آلاء وهي تقول ان الحرمه صاحبة الجناح هي اللي قالت لها عنك وعن زنوباتك يالهنديه أنتي وام الزبيري ياللحوج
أسير وهي راصه على أسنانها :مدووووو
مدى وهي تلتفت لأسير:ها
أسير بهمس وبصوت خايف:طالعي وراك
مدى التفتت وراها وتفاجات وهي تشوف راكان واقف عند المحاسبه وهو يطالعها بنظره ما فهمتها هي تعجب أو غضب أو استنكار ما فهمت ظلت عيونهم معلقه لثواني قبل لا يغض بصره ويأخذ الكيس ويطلع
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك