رواية هدمت حياتي بيديك وجاي تقول ندمت -103
رائد وقف:يالله بروح اشوفه
وراح ودق الباب
ابو متعب:ادخل
رائد دخل:السلام
ابو متعب:وعليكم السلام
رائد باس راس ابوه وجلس:شخبارك يبه
ابو متعب:تمام يابوك وانت
رائد:تمام والله
ابو متعب:وينك هالايام تغيب عن البيت كثير
رائد برتباك:اي يبه عندنا استراحه ونكون فيها
ابو متعب :اكيد
رائد:اي يبه
ابو متعب:انا اثق بكلامك
رائد يبتسم:الله يخليك يبه
ببيت ابو عبدالمجيد
ابو عبدالمجيد:اخوك مادري وينه ادق عليه جواله مقفل
بشاير:يمكن خلص شحنه مصيره يرجع يبه وش فيك
ابو عبدالمجيد:مادري والله بس غريبه لهالوقت ماجاء
بشاير:مالغريب الا الشيطان
ابو عبدالمجيد:صدقتي
بشاير:قوم ارتاح يبه ولجاء بخليه يجيك
ابو عبدالمجيد وهو يقوم:أن شاء الله وطلع لغرفته وبشاير
تسرح بعالم احزانها
بالـــفندق
وليد فتح الباب ودخل وماشاف هديل بالصاله راح الغرفه وشافها تقراء مجله
وليد:السلام
هديل من غير ماتناظره:وعليكم السلام
وليد جلس ع السرير:ممكن نتكلم
هديل تقلب بالمجله:اكيد لا
وليد يرفع حاجبه:هديل خلينا نتفاهم
هديل:خلاص خليك مع حبيبه القلب وانا خليني بحالي
وليد:اسمعيني زين انا انسان مليت منك من ملكت عليك وانا نفسي طايبه منك ومنار مو بس حبيبه قلبي منار الهواء اللي اتنفسه سمعتي هواي اللي اتنفسه
والنبض لقلبي والدنيا كلها وفرحي وكل شي
هديل ضغطت ع المجله وناظرته وتتصنع الابتسامه:مبروك الله يهينك فيها ويهنيها فيك
وليد اتنرفز من اسلوبها اللي بالنسبه له مستفز:لاتنرفزيني ببرودك
هديل ابتسمت اكثر ع نرفزته:ايش تبي اسوي مثلا ابكي ياربي واسوي اكشن ع واحد ماحبه
وليد بعصبيه:ولا انا احبك ولاتهميني سمعتي انتي ولاشي
هديل سكرت المجله:اوك احنا متعادلين فخلي كل واحد يسوي اللي يعجبه
وليد وهو يمشي لها ويشد يدها:انتي جالسه تخليني اكرهك وانا مابي اكرهك
هديل تحاول تفك يدها:بس انا اكرهك من يوم تزوجتك وانا اكرهك
وليد:ليه انا ايش مسوي لك
هديل بعبره تحاول تكتمها:كسرت فرحتي بملكتي والا نسيت ودفت يده عن يدها:خليها بالقلب تجرح ولاتطلع لبرا وتفضح وطلعت الصاله
وليد شد شعره بقهر ورمى حاله ع السرير وهو حاس انه تعبان من هديل وعنادها ومن منار وتصرفاتها جفافها بحد ذاته يتعبه
ببيت ابو ضاري
ضاري دخل وهو يغني:صعب انساك حبيبي صعب انساك
نوره وهي شايله حمود النايم:حياالله ضاري
ضاري يبتسم:الله يحيك وينهم
نوره:بغرفهم
ضاري يصعد بسرعه قبل نوره ع الدرج:بشوفهم مشتاق لهم ودخل غرفة مرام ولقى لين عندها
ضاري:ياحلوات وحشتوني
لين ومرام جلسو
لين:هلا والله بالقاطع
مرام:وانت وحشتنا اكثر
ضاري يقرب لمرام ويبوسها:يلوموني فيك والله
لين تتخصر:اغار
ضاري بضحكه خبيثه:لابيجي اللي يخليك تغارين عليه مو علي
لين بستغرب هي ومرام:وش تقصد
ضاري ضحك وجلس قدامهم:اسمعوني
لين ومرام ناظروه بحماس
ضاري ركز نظره ع لين:خطبك صاحبي
لين :انا
ضاري:لا اللي وراءك
لين لفت وراء
وضاري ومرام فطسو ضحك
لين:وجع عاد
ضاري:غباء لاينتهي عندك
مرام:طاري الخطبه ضيعها
لين مدت بوز:بايخين
ضاري:اي سعود صاحبي خطبك
لين توردت خدودها من ذكرت موقفها مع سعود:سعود
ضاري:شوفي خدودها اي سعود
مرام:اللي يشوف خدودها يقول بينهم حب
لين قامت:الشرهه علي اجلس معاكم
ضاري مسك يدها:فكري وردي ترا الرجال شاريك
لين فكت يدها وبصوت واطي:طيب وطلعت بسرعه لغرفتها وتناظر فهد النايم
وسرحت بخيالها
ببـيت اماني وعادل
بالغرفه
اماني منسدحه ويدها ع بطنها ودموعها ع خدها
وتحس انها مو متحمله اكثر
دخل عادل وهو يناظرها وقرب لها:اماني
اماني لفت وجهها عنه:اطلع عادل
عادل حط يده ع كتفها:اسف حبيبتي
اماني غمضت عيونها ودموعها تنزل وتضم رجولها وبنفسها"انا اللي اسفه ياعادل انا"
عادل انسدح جنبها وضمها لصدره وهو يبوسها:لاتبكين تكفين
اماني:....
عادل يشدها اكثر بيدخلها جواته ويهمس:مشتاق
اماني مستسلمه لحضنه وقوتها وهي ضامه حالها ارتخت
عادل ماحب يكثر كلام وظل ضامها وباس رقبتها وهو يحط راسه ع المخده قريب لراسها واستسلم للنوم عقب مانامت اماااني
ببريطانيـــا
ليان تحرك مها:مها
هدى بكاء:منتحره
غرور تسحب يدها :مها
مها فتحت عيونها وهي تناظرهم بتعب:ايدي تعورني
جود تنهدت براحه:وش هالدم
مها ناظرت يدها ورفعت كم بلوزتها وهي توريهم مكان الدم:ماقدرت انتحر بس غرسته بيدي
ليان بعصبيه:مجنونه شي انتي
مها بكت:ابي اروح له مابي هالحياه ابوي يبي يزوجني ولد عمي اهئ اهئ
البنات تفاجؤؤؤؤؤؤؤؤ
ليان:من متى هالكلام
جود:متى كلمك
مها بصياح:من يومين يبيني ارجع ويزوجني لولد عمي وانا مابي احد عقبه
غرور:مو ع كيفه
مها بكاء:اجل ع كيف مين ابوي بيجبرني عليه ليه تركني احمد ليه اهئ
هدى تجلس جنبها وتحضنها:هدي وبنلاقي حل
مها ظلت تبكي وهم يهدونها
مشاعل طفشت وطلعت وتركتهم
جود:مها خلاص بنلاقي حل
مها عضت شفتها وظلت تبكي
ليان:جوعانه
مها تهز راسه بلا
غرور:انتي نحفانه تراك وفي ببطنك طفل يامها حرام هالشي
مها بصياح:مابي اللي ببطني قلت لكم ابي احمد
ليان بعصبيه وصراخ بوجه مها:واللي ببطنك من مين مو من احمد
مها ماقدرت ترد
ليان:بطلي حركات بزران واهتمي فيه لانه من احمد لو كنتي فعلا تحبينه وطلعت
والبنات قامو وحده وراء الثانيه وطلعو
ومها انسدحت ودموعها تنزل وهي تفكر بكلام ليان
بعد ثلاث اسابيع
حال ابطالي
عبدالمجيد من عقب طلاقه لمرام اختفى تماما وماحد عارف مكانه ولا هو وينه
مها حالتها نفس ماهي لاتغير
هديل ووليد لاتغير
اسيل طلعت من المستشفى بس معامله رائد ماتغيرت لأن لها بقلبه شي كبير من الحقد والكره
متعب يدور احساس ويسأل ويتواصل مع الشرطه ومالقوها
احساس ورامي تحسنت احساس شوي
لين وافقت ع سعود
وملكتهم اليووووم
:::
:::
ببريطانيا
ليان تسحب مها بالجامعه:يابنت بتفوتنا رحله الجامعه
مها:مابي اروح لها روحوا انتم
غرور:لابتروحين تغيرين جو
مها:كافي اني من اسبوع اداوم
جود:خلصينا بلا دلع
مها:اوف وركبت الباص وهي طفشانه وجلست والبنات ركبو وجلسو وخالد وسعود وراشد ركبو وبندر وماجد
وحرك الباص لرحله استكشافيه بريه
غرور لفت ناظرت راشد شافته يضحك مع وحده بريطانيه وبلعت غصتها وهي تحاول ماتنزل دمعتها بس خانتها ونزلت ولفت وهي تمسحها
جود تمسك يدها:حاولي تنسينه
غرور:ماقدر جود احبه
جود بحزن:مايجي من الحب الا العذاب
غرور هزت راسها بحزن
ليان جلست جنب بندر وهو يتغزل فيها وطايرين ببعض
وهدى وسعود يتراسلون بالمسجات بس ماهم جنب بعض
وظلو مايقارب الساعتين لين وصلوو
ليان نزلت ويدها بيد بندر:حر
بندر يحتويها:شوي لغابت الشمس يبرد الجو
ليان تحرر نفسها من أحتوائه:بندر تراك تحرجني
بندر ضحك ومشو الكل نزلو وهم ينزلون شناطهم وينزلون ويمشون
ماجد قرب لمشاعل وهو يلمس يدها بيده ويناظرها ويمشي
مشاعل حست بحراره بجسمها وارتبكت
جود:بنت
مشاعل:هاه هلا
جود:وين صرتي
مشاعل:معاكم يالله فين بنجلس
غرور:باقي شوي
مها بتعب:انا تعبت ماقدر اتحمل
سعود يقرب لهم:اخبارك مها
مها:الحمدلله عايشه
سعود:اي الحمدلله وناظر هدى:تجين
هدى بخجل:ايه ومسكو يدين بعض وراحو
راشد قرب لهم:السلام
الكل :وعليكم السلام
غرور حست بفرح تحسه جاي لها
راشد وهو يناظر مها:مها ابيك بموضوع
مها بنفس ضيقه:وش الموضوع
راشد سكت شوي وهو منزل راسه بعدها ناظرها:تتزوجيني
؟؟؟؟؟
بالريــــاض
ببيت هديل ووليد
هديل وهي تلبس عباتها :اي زواجها اليوم
وليد:اها وناظرها بنظرات حيرتها:اوكي انا برا
هديل:طيب
طلع وهديل تحاول تفسر نظراته ماقدرت واخذت شنطتها وطلعت له وركبت
وليد:ساعتين واجي اخذك
هديل:لا لخلصت انا اتصل فيك
وليد:لا ماهو ع مزاجك انا قلت عقب ساعتين عقب ساعتين
هديل:مو ع كيفك
وليد:عجبك عجبك ماعجبك ارجعك البيت الحين
هديل بعبره:ليه تبي تقهرني
وليد:لاني قلت لك عنادك بيندمك مافهمتي
هديل لفت للشباك وهي تتوعد فيه
وصلها وحرك ودخلت وحصلت الكل موجودين
بفــــله رامي واحساس
رامي يجلس جنب احساس اللي تاكل ريماس ويبتسم:وحشتيني
احساس ابتسم ع خفيف:كيف الشغل
رامي بنفس الابتسامه:تمام بس تعبت واجد اليوم واحس اني محتاج شآور يريح لي جسمي
احساس:قوم طيب تروش
رامي:اقولك واحشتني شوي بتروش
احساس لفت عليه:لا قوم اخذ شآور وانا بروح اجهز العشاء
رامي:امم طيب حبيبتي وقام وصعد فوق
احساس تناظر ريماس:تعالي نشوف الخادمه جهزت العشاء والا باقي
ريماس تهز راسها
ومشت احساس وريماس معاها وشافت العشاء جاهز ابتسمت برضى وطلعت وقفت عند المرايا وهي تحط يدها ع بطنها
وتناظره وتتحسسه وهي تبتسم
ريماس:ماما هنا في داده
احساس تبوسها:ايه في داده حبيبتي
ريماس تحط يدها ع بطن احساس وتبتسم ابتسامه اطفال وبراءه
رامي نزل من فوق ويناظرهم ويبتسم:شتسون
احساس لفت له:ننتظرك لان العشاء جاهز
رامي وهو يقرب لهم:وانا جيت يالله امشو
وراحو لطاوله وجلسو
رامي مسك يد احساس وباسها:الله لايحرمني منك
احساس سحبت يدها وجلست تكمل اكلها وهي تحس ان رامي انسان يجنن حنون اكثر من متعب اللي ماكان يحسسها لا بحبه ولاحنانه
بشــقه رائد واسيل
رائد بصراخ:انا شقلت لك قبل ساعه
اسيل بخوف:انا انا
رائد يسحبها من يدها:انتي ايشش
اسيل خافت:انا مادري شلون نمت من التعب انا بكويه لك الحين
رائد دفاها ومسك حنكها وضغطه:لانك نمتي لازم تتعاقبين عشان مره ثانيه ماتنامين لقلت لك سوي شي
اسيل بكت:تكفي سامحني مابكررها
رائد سحبها من شعرها للغرفه ورماها ع السرير وطلع علبه فيها كره دائريه وكلها مسامير وقرب لها وهو يناظرها بحقد:هذا عقاب بسيط عشان تذكرينه كل مره
اسيل زاد بكائها وخوفها:تكفى رائد والله آخر مره
رائد قرب لها وهو يثبتها وهي اصلا من خوفها ماتقدر تقاومه او تبعده بالعكس تستسلم له
رائد مسك يدها وغرس المسامير فيها
اسيل صرخت:آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه
رائد سحبهم من يدها وايدها تنزف وهي تتلوى من حر الوجع
رائد وقف ورمى دائره المسامير اللي فيها دم وناظرها وهي تتلوى ولاحن قلبه عليها:هذي بس لذكرى
اسيل ماقدرت ترد لانها بحاله من الالم المميت
طلع رائد وهي ظلت تبكي ومسكت التلفون تبي تتصل بامها بس طاح بالارض وماقدرت تنزل تجيبه لان يدها تنزف وهي متالمه وجلست تكتم صرخاتها بمخدتها
ببيت ابووووووو ضـــاري
بالــصاله
الكل موجودين
والبنات حول لين
هديل:الله يهنيك ياقلبي تستاهلين كل خير
لين ابتسمت بخجل:تسلمين حبيبتي
مرام:ياناس ع الخجل والله
لين استحت زياده
هديل:هذولا خواته وامه
مرام:ايه مره عسولين تصدقين
هديل:اي لان ليونه بتعيش معاهم لازم يكونون عسل معاها
لين ناظرتها بسرعه:لا بعيش لحالي ماحب اكون مع اهل الزوج
هديل:اها مادري قلت يمكن سعود مايقدر نفس متعب
لين تغيرت ملامحها من تذكرت رساله متعب لها
مرام تبي تلطف الجو لانها حست باختها:اي الحين بتدخلين للعريس
لين بخجل:خايفه كأني اول مره املك واحس بهالاحساس
هديل:الاحساس بالثنتين مختلف مع متعب كنتي تحبينه ومع سعود مافي حب
لين زادت ضيقتها من رميات هديل وطاريها لمتعب
مرام:انتي شفيك كل كلمه والثانيه تقولين متعب ومتعب
هديل:لاننا نتسرع بقرراتنا ماحد يندم الا حنا وناظرت لين:تقدرين تحلفين انك ماعاد تحبين متعب
لين بحزن:اي ماحبه
هديل:اتحداك
مرام:هديل فكينا من نفسيتك بالله
بشاير قربت لهم:وش تقولون
مرام تناظر هديل بعتب:ولاشي بس الاخت جايه تنكد شكلها
هديل دق جوالها وناظرتها:ليه انكد هذا زوجي جاء بفككم وقامت ولبست عباتها بدون ماترد ع كلام اي احد ولا ع من نادوها
وطلعت لوليد وركبت السياره وهي خنقتها العبره وتناظر رائد وهو ينزل ويدخل
وليد:اشوفك ماأعترضتي
هديل:...
وليد:هديل
هديل:خير شتبي
وليد:وش فيك
هديل بضيقه:ولاشي رجعني للبيت بسرعه ابي ارتاح
وليد:اوك والتزم الصمت
ببيت ام منار
منار نزلت وهي لها ايام وليالي تفكر باللي قاله وليد وتحاول تستنتج وتعرف ليه ابوه سوا كذا
حنين:زين شفناك
زهور:بس تعرفين كنا مرتاحين منك
منار بمزح:بس رجعت لكم وبقوه بحشركم
حنين:اوه الله يعينا
زهور:انا ماراح تحشريني ليه مستصغرتني يعني
منار تقرب لها وتخنقها ع خفيف:اي يالصغيره انتي احشرك انتي وحنين بكرتونه صغيره
زهور تكح وتسوي مخنوقه:يمه الحقيني تبي تموتني
حنين تسحب منار وترميها ع الكنب وتمسكها هي وزهور
حنين:من يحشر الثاني
منار بضحكه:لو انتم قويات كان كل وحده تدافع عن حالها مو ثنتين ع وحده
زهور:اي تركنا القوه لكم
منار:غصب عنكم مو بكيفكم
حنين وزهور جلسو يتضاربون مع منار وهم يضحكون
وامها تناظرهم وهي تبتسم لمنار اللي من ثلاث اسابيع ماجلست معاهم ولاشافو ضحكتها
ببيت ام تركي
تركي جلس قدام منال:ابي اقولك شي
منال:قول
تركي بعد صمت:متذكره هند
منال تغيرت ملامحها:لاتقول رجعت
تركي نزل راسه:الا رجعت
منال:تركي انت وبشاير
تركي قاطعها:انا طلقت بشاير هي طعنتني بكلامها حسستني اني مو رجال خلاص كل شي بيننا انتتهى من زمان
منال:قصدك انك تبي ترجع لهند
تركي:هي ماتركتني الا لانها مريضه
منال:مريضه
تركي:اي وانا مو هذي سالفتي انا جاي ابيك تعلميني شسوي
منال:تحبها؟
تركي ارتبك من هالسؤال:مادري
منال:لما عرفت انها رجعت وش كان شعورك
تركي:خوف ع فرح ماني عارف
منال:تحس نفسك ضايع
تركي:ايه انا من رجعت رجعت لي كل الاحاسيس اللي من خمس سنين بس من اتذكر بشاير احس ان هالاحاسيس تتجمع لها هي
منال:اممم تركي لاتستعجل وتقارن انت شوف قلبك من يبي
تركي:ضايع والله يامنال انا عارف ان انا وبشاير مستحيل نتوالف ونرجع من جديد بس بعد هند مادري كيف ارجع لها
منال:فكر زين ولقررت لاتخلي اي شي يغير لك قرارك
تركي هز راسه وهو يفكر بعمق
ببيت عادل واماني
عادل يجلس قريب من اماني:ابي اعرف انتي وش سالفتك حتى ملكه لين ماتبين تروحين ولك مده منتي ع بعضك ايش فيك انتي
اماني بنفس ضيق:مافيني شي بس ريحني منك تكفى
عادل:اذا انا سبب ضيقتك مستعد اطلع من البيت
اماني نزلت راسها :مو انت السبب انا السبب
عادل بستغرب:كيف انتي السبب
اماني نزلت دموعها:في شي بقوله لك
عادل:قولي
اماني تمسح دموعها وينزلون اكثر :مابيك تزعل مني
عادل ح بخوف من بكائها:خوفتيني وش صاير
اماني:...
عادل يشوفها تبكي وماتكلمت وقلبه يدق بخوف:تكلمي وش فيك خوفتيني
اماني بتردد وخوف:ا..نـا .....
نرجع لبيت ابو ووو ضاري
ام متعب تقرب للبنات:لين يالله قومي ادخلي لرجلك
لين بخوف:ألحين
ام متعب:اي يالله
ام سعود تقرب للين:عسى الله يسعدك انتي وولدي
لين بخجل:آمين
هنادي:ماختار سعود الا السنعه والله
نرجس:من جد الله يحميك كامله والكامل وجه الله
لين استحت
الجده تقرب لهم:يالله يابنتي تأخرتي ع رجلك
مرام بضحكه:ياجده وش تاخرت خليه يتلهف لشوفتهاا
الجده:اقول انتي انطمي يالله يالين روحي لرجلك
لين:طيب ياجده وزفوها للمجلس وهي تحس بخوف ودخلت بتردد
وتمشي بشويش وتحاول تطول بمشيتها
سعود رفع راسه لها من دخلت وهو يناظر بفستانها التركوز وبطفولتها بالفستان وجسمها وشكلها
لين جلست بعيد عنه بدون ماتتكلم
سعود يتبسم ع خوفها الواضح:مبرووك
لين:...
سعود:امم كيفك لين
لين بصوت واطي:الحمدلله
سعود:وانا بخير
لين ابتسمت ع خفيف
سعود:تعالي جنبي
لين:كذا مرتاحه
سعود:طيب ممكن ترفعين راسك مايصير بعيده وكمان ماشوف وجهك زين
لين:...
سعود حس انها ماراح تتكلم وقف ومشي بخطواته لها
لين حست بخوف ووقفت على طول وهي تناظره بخوف
سعود ناظر عيونها وهو مستغرب هالخوف و....
انتهى البارات
توقعاتكم
وش بيصير بين سعود ولين؟؟ولين ليه خايفه منه كل هالخوف؟؟
واماني وش اللي تبي تقوله لعادل وش اللي مخبيته؟؟
وتركي من بيختار؟؟
هديل ليه تغيرت؟؟وايش بيصير اكثر بينها هي ووليد معقوله يظلون كذا مع بعض؟؟
وايش السبب اللي خلى ابو وليد يوصيه مايتزوج منار؟؟
وعبدالمجيد وين راح وتتوقعون يرجع والا؟؟
وش بتكون ردت فعل مها ع كلام راشد؟؟
غرور ايش بتسوي ؟؟
واحساس ورامي وهالتغير اللي طرى ع احساس وش تتوقعون سببه؟؟معقوله ترجع تحب رامي؟؟
اسيل وتعذيب رائد الوحشي لها الى وين بيوصلها ؟؟
ورائد لمتى يعذبها هالعذاب ؟؟
دن دن..
البارات التاسع والعشررووون
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك