رواية افهم ترانا لايقين لبعضنا كنك نهائي الكأس وانا هلالي -9
اتقن اللهجه السعوديه وحفظ القران جزء من ترك هاالخليه الارهابيه
يستنى الفرصه اللي تسمح له يسلم الشرطه الامانه اللي بيده لاكن كان خايف لانه كان معهم خمسه سنين
انعزل عن المجتمع خايف ان الشرطه تتابعه
دخل البيت وهو حاس بتعب غريب بجسمه اليوم
فتح الكيس وسمى بالله واكل
بعدها تسند على الجدار الخشن وهو يحس بدوخه قويه
نوف مالها خلق لاي شي من بعد ماصار اللي صار مع سعود وحالتها حاله كتبها مرميه على الارض
ماقدرت تذاكر وامتحانات الثانوي الاسبوع الجاي
يدها على خدها بحزن سمعت صوت امها من وراء الباب
الجازي :نوف افتحي
نوف توقف بملل وتفتح الباب
الجازي :نوف يله اخوك عند الباب نروح المصممه تخلص لنا الفستان ماعندك الا اسبوع هي تعرفني وراح
تطلع لك مبكر
نوف وهي تطالع امها بعيون تايهه:ماما مالي خلق
الجازي :من يومين وانا اقولك وانتي مالك خلق ناسيه ملكتك يوم الخميس مها خلصت وانتي باقي تتدلعين
نوف محتاره ماتدري مصيرها مع سعود شلون ملكتي الخميس وهو قال ماابيك رجعت لغرفتها وجلست على
الاريكه وهي تفكر
الجازي تقرب منها:نوف ياحبيبه امك سعود رجال والف بنت تتمناه ليش خايفه (مسكت يدها)قومي ياقلبي
البسي عبايتك علشان نلحق على الوقت
استسلمت نوف لامها وطلعت ..
(بيت ابو يوسف)
ام يوسف وهي تفك يده من عينها وبعصبيه:وخر يدك ياسعود
سعود يفك يده وببتسامه : افا يمه يهون عليك ماتكلميني هاليومين
ام يوسف عينها على التلفزيون (ولاترد عليه )
سعود حس بداخله انها ضايقه بالحيل عليه قرب يدها يحبها :يمه تراني مااحب ضيقتك
قامت ام يوسف وهي ماحطت عينها بعينه وطلعت من الغرفه
سعود يطالع امه وبداخله (الواحد كره هالبيت بسب هاالنوف) (رفع جواله على خالد)
خالد كان نايم بالشقه نغص عليه الجوال فتح عيونه :ها؟
سعود :نايم
خالد : همم
سعود :خالد صحصح خلك معي
خالد :اخلص ايش عندك ماابي النوم يطير
سعود:اسمع العصر طالع لدمام تطلع معي
خالد :والشركه
سعود :ثلاثه ايام بس وكل السكرتيريقوم بشغلك
خالد :خلها المغرب ابنوم لي شوي
سعود : خلاص انت بالشقه الحين
خالد :اي
سعود:جايك الحين
( بيت سامي)
عهد: ابقدم اعتذار على امتحاناتي حاسه ماني جايبه نسبه كويسه
سامي بحب:خلاص قلبي اهم شي راحتك انتي ياعيون سامي
عهد توقف : الله لايحرمني منك حبيبي
سامي حس ان عهد تجرأت شوي : ايش قلتي
عهد :ابروح اسوي شاهي (طلعت للمطبخ وهي تسمع ضحكه سامي (حست ان احد وراها)
عهد بروعه: يمه
سامي :هههه مره ثانيه ماتنحاشين مسك يدها الثنتين وهي تحاول تفكهم
سامي :يله عيدي اللي قلتي من شوي
عهد خدودها ورديه من الحياء وبدلع: ماقلت شي
سامي : بتقولي ولا (يقرب يعض خدها )
عهد وهي توخر :لا ابقول بس بعد شوي
سامي بضحك: بعدت شوي بس بظل ماسكك
عهد ببراءه :ربي لايحرمني منك
سامي :يا ..؟
عهد عينها على الارض :حبيبي
سامي فك يدها وضمها بقوه:ولامنك يااغلى قلب
عهد حست انه ملك قلبها بطيبته وحنانه تمسكت فيه بيده كأنها خايفه يختفي من حياتها ..
صلحت الشاهي وحطته على الطاوله خذت الشاهي وتفكيرها لبعيد
سامي يشرب الشاهي وهو يذاكر رفع راسه على عهد السرحانه بحنان:ياحظ اللي ماخذ عقلك
عهد ابتسمت
حس انها تفكر بأهلها: تفكرين بأهلك
عهد :مشتاقه لامي
سامي :ولايهمك اوديك لها بكره
عهد وهي تفكر بعماد:وعماد
سامي:لاتشيلي همه كثير اهم شي تنبسطين
نزلت عينها تشرب الشاهي
سامي يطالع بعهد:عهد اذا خلصت اختباراتي نسافر شهر العسل لاي دوله في اوربا تبينها ابعوضك بكل شي
وبكره بدور لنا على شقه ايجار
عهد تبتسم ابتسامه رضى: والله ماقصرت علي بشي
المغرب ..
سعود يتفاهم مع (علي )الخادم بأنه يجيب الاكل لمنار كل يوم بعد مااعطاه الفلوس
خالد وهو يسمع سعود : قلت لها
سعود :اعطيتها خبر
خالد بجديه:علي انتبه للشقه معلوم كلام ثلاثه يوم ويجي اذا شوف هذي بنت في اطلع سوي اتصال انا(يقصد
لاطلعت منار من الشقه كلمني)
(علي )يهز راسه باالموافقه ..
طلع خالد وسعود واتجهوا للشرقيه يغيرون جو ويرتاح سعود شوي .....
ندى بغرفتها تذاكر اخر سنه لها باالجامعه وتتخرج من علم النفس قامت تفتح الباب لريم
ريم وهي تضحك :شكلك في ازمه
ندى بزهق:حاسدتك على هالضحكه
ريم :انتي لازم تسوين عزاء لاجت الامتحانات
ندى وهي ترجع لكتابها: علشان قسمك سهل وجامعتك سهله قولي ايش عندك ..؟
فجأه ريم تنط على ندى وتضمها وهي تسوي نفسها تصيح
ندى تبعد ريم :بسم الله ايش صار على هاالخبله ايش فيك انتي
ريم تضحك :نددددى ياالسخفيفه بتتزوجين قبلي اخ ياالقهر اخ ههههه
ندى فاتحه فمها :انا ابتزوج ..؟
ريم فكت ندى وصارت تنطط على السرير وهي تزغرد
ندى تسحب ريم وتطلعها بره :اذا كنتي فاضيه فأنا عندي مليون شغله
ام ياسر تدخل:ايش هاالازعاج
ندى:يمه شوفي ريم
ريم منسدحه على الارض وهي تضحك:يمه قولي لها الخبر
ام ياسر:بسم الله انتي المفروض مايقول لك احد شي
ندى :يمه شسالفه ..؟
ام ياسر :طيب حبيبتي كملي مذاكرتك وبعدين اقولك الموضوع..(طلعت وطلعت ريم معها)
يوم الاثنين
الساعه 10:30 الليل..
تقلبت على فراشها بملل مر في بالها لما كانت تتدلع على خالد ماتتمنى شي الا وهو قدامها رجعت لايامها وراء
تتذكر كل لحظه حلوه معه
فرق كبير بين حالها الحين وقبل حست بمغص الجوع يزيد عليها قامت ورمت افكارها بخالد وراء
حطت الطرحه على وجهها وفتحت الباب من امس ماكلت حاجه حاسه بجوع الخادم مااعطاها ولا لقمه ( طلعت
للصاله )
ارتاحت ان مافي احد حتى (علي )طالع ولاتدري وينه ؟
دخلت المطبخ تشرب مويه يبلي ريقها الناشف فتحت الثلاجه لقت خبز وشويه عصيرابتسمت بفرحه لقت لها
شي يسد جوعها
خذت الاكل ورجعت لغرفتها قبل لايجي الخادم
كبت العصير بالكاس وهي تفكر تستغل هاالفرصه وتطلع تدور لها اي شغل لازم تتقوى وتعتمد على نفسها (
عبست بحواجبها وهي
تتذكر تهديدات خالد ماتطلع من الشقه المفروض تنفذها
ولا راح تنطرد ولاتدري وين تروح مدت يدها على الخبز وبدت تاكل
نوف في الطريق تحاول تتذكر العنوان زين احتارت حست انها تاهت خذت نفس وحاولت تتذكر الطريق بمحاوله
عاشره لازم تنفذ اللي في بالها
ابتسمت وهي تشوف العماره اللي نزل لها سعود فتحت باب السياره ونزلت رفعت راسها للشقه ماتدري اي شقه
تدخلها
قربت للحارس من جنسيه مصريه الواقف عند الباب
نوف:لو سسمحت ؟
الحارس:ايوه أأموري
نوف : تعرف سعود
الحارس :انتي مين
نوف بجديه:جاوب تعرف او لا
الحارس :ايوه اعرفه
نوف:قولي اي شقه يدخلها من هاالعماره
الحارس : لا هو نقل لحي تاني
نوف:طيب تعرفه
الحارس بكذب : لا
نوف حست انه يكذب فتحت شنطتها وطلعت 200 ريال:طيب اعطيك هذي وعلمني العنوان
الحارس يمد يده ياخذها:كدا ايوه اقولك فين هيا
(خالد كان محذر الحارس مايعلم احد العنوان لانه نقل معه العفش للشقه الثانيه بعد ماسوى اللي سواه
عبدالعزيز باالشقه)
اخذت العنون واسرعت تركب السياره الشقه بعيده والوقت يمر عليها
عينها على الساعه والمشوار طويل مره :اففف زود على السرعه
السواق:طيب بس هذا طريق زحمه
وصلت لعنوان
قربت من باب الشقه وهي مرتبكه انتظرت الرد
منار باالغرفه تسمع الجرس وهو يتكرر كم مره (حسبي الله عليك ياعلي وين رحت وخليت الشقه)طلعت من
الغرفه تتأكد من وراء الباب اذا هو علي
او احد من ربع خالد طلت مع العين تشوف استغربت من هاالبنت اللي بعبايتها ترددت تفتح او لا
حركت يدها على المفتاح( فتحت الباب)
نوف تقدمت لداخل بكل جرائه منار بأستغراب صكرت الباب ودخلت
جلست نوف بكل دلع وغرور ومن داخلها مقهوره
منارعينها على نوف اللي فكت حجابها:مين انتي..؟
نوف تحط رجل على رجل :ماعندك اسلوب اتكيت وضيافه ..
منار:المكان هذا مو للضيافه
نوف :هاهاي مو هذا اللي ابغاه منك؟! (وبجديه)انا جايتك بموضوع مهم باالنسبه لي.؟
منار : ايش بيني وبينك انا مااعرفك ابد
نوف وقفت ومسكت كتف منار بكل احتقار:لاتعرفيني وتعرفيني كويس بعد؟
منار توخر يدها:روحي عني اذا جايه تصيعين مع خالد فأقولك خالد مسافر عن اذنك رايحه لغرفتي
(سمعوا صوت الباب ينفتح ..)
منار التفتت على الباب ...دخل (علي الخادم) ومعه اثنين من اصدقائه بنقاليين
منار حست بنظرات الخبث من عيونهم وهم يطالعون جمال نوف ومنار
ماقدرت تتحمل مسكت يد نوف وجرتها بقوه وهي تسرع لغرفتها وقفلتها
نوف طاحت على الارض بعد مادخلت الغرفه :من هم ..؟ايش اللي صار
منار تسندت وراء الباب تاخذ نفس حست ان احد وراه قربت لنوف وبعصبيه:انتي تبي مين باالضبط..؟
نوف بصراخ: انا خطيبه سعود
منار تذكرت موقفها باالمستشفى فتحت عيونها مصدومه :ايش جابك هنا غبيه غبيه انتي وين سعود عنك تجين
للنار برجلك
نوف مو فاهمه شي وبصراخ ودموعها على خدها:انتي وحده حقيره كرهني كله من اسبابك
منار :انا..؟؟؟ انا مالي علاقه معه ابد
نوف تدف منار لبعيد :ياحيوانه لاتنكرين والرسايل الغراميه بينكم
منار صقع ظهرها بحافه السرير جلستت تتألم وبصوت كله الم :واقسم لك بالله مالي علاقه ابد
الباب يهتز بقوه واصوات ضحك علي واصدقائه عاليه
منار بخوف قربت لنوف: انا خايفه عليك وضعنا خطير ليش تطلعين بهاالوقت المتأخر
نوف حست باالخوف وعينها على الباب
منار قربت بجرائه من وراء الباب :علي خذ صديق انتا بره ولاانا كلام خالد (مجرد تهديد جوالها مع خالد)
سمعت ضحك وكلام قذر زاد من خوفها
نوف نزلت دموعها:ايش يبون ..؟
منار تهدي نوف: خليك هنا لاتطلعين لما يروحون
نوف بعصبيه:واهلي ايش اقولهم
منار سكتت قامت وجلست على السرير والباب يزيد من هزه
رفعت راسها لفوق تدعي ربي يكفيهم شرهم
نوف تسندت على الجدار وهي ترتجف الغرفه هاديه منار بين لحظه ولحظه ترفع عينها على نوف تطمن عليها
استغربت ريم من امس وسعود مارسل لها دقت على ساره
ساره: هلا ريم
ريم :اهلين قلبي شخبار الامتحان
ساره:الحمدالله ثلاث مواد حليت زين فيها وانتي طمنيني عليك
ريم : الحمدالله يالله هانت كم يوم واودع المذاكره
ساره:ياحظك ليتني داخله دبلوم ومريحه
ريم: عاد من قدي في البنك شخبار عهد
ساره:عسل تصدقين انها من نفس عايلتكم
ريم:جد .؟ يمكن تشابه بس
ساره:ايه يمكن ..
ريم : عندي لك خبر حلو
ساره:فرحيني
ريم:ندى اختي مخطوبه
ساره:ومن سعيد الحظ
ريم:ولد جيرانا وليد
ساره:ياحبيبتي ياندى تستاهل كل خير وافقت
ريم :لحد الحين امي ماعلمتها تقول لما تخلص الاختبارات
نوف تطالع منار اللي ملامح الحزن مغطي جمالها في داخلها فضول تسألها لاكن حقدها عليها منعها
قامت متوجه للباب
منار اسرعت تمسك نوف:انتي ايش تسوي ماتسمعي الاصوات
نوف توخريد منار بكل قرف :خليني اعرف اتفاهم مع هالحثاله
منار:رجيتك يانوف لاتفتحين وربي راح تندمين صدق
نوف : اذا ماتبيني افتح علميني ايش علاقتك بسعود
منار :مابينا شي
نوف :مستحيل تقنعيني والرسايل
منار :احلف لك بالله ماارسل له وانا جوالي مع خالد
نوف:من خالد اخوكي
منار نزلت راسها ماتدري ايش تقول لها
نوف بكل قساوه:ردي علي
منار: انتي تبين اجابه ايش بيني وبين سعود واعطيتك غير كذا لاتسألين
نوف تحرك المفتاح تبي تطلع
منار برجاء :علشان خاطر سعود لاتطلعين وربي راح يأذونك وانا ماابي يصير لك حاجه
نوف بعدت يدها عن الباب كانت خايفه لاكن تتصنع الشجاعه طالعت ساعتها 1الليل بداخلها(راح يذبحني سالم
ايش اسوي
لمياء صكرت من خالتها اللي كانت تسأل عن نوف
طلعت لعفاف تسألها يمكن عندها خبر
..عفاف..؟
عفاف:همم
لمياء:ماتدرين وين نوف طالعه
عفاف بأستغراب الساعه 1 اكيد في بيتهم
لمياء بخوف :خالتي دقت علي كم مره تسأل عنها مهي موجوده في البيت تقول ان نوف طلعت الساعه عشر
رايحه تذاكر مع وحده من صديقاتها
عفاف:تعرفين صديقاتها دقي عليهم
لمياء :اعرف وحده بس ابكلمها ...وبطلع اروح لخالتي
على البحر
سعود وخالد مع مجموعه شباب يلعبون كوره
جلس سعود وهو ياخذ نفس بعد مافاز فريقهم والشباب فوق راسه يشيلونه بعد ماسجل اخر هدف مايعرف احد
منهم لاكن طبعه اجتماعي هو وخالد
انتهت المباراه وكل واحد راح بجهه
انسدح خالد على الفرشه يريح نفسه بعد اللعب
جلس سعود وبيده ببسي يبرد على قلبه طلع جواله وفتح على السبيكر يدق على ريم ويكرر الاتصال كم مره
خالد:ياشيخ غصب ترد عليك
سعود: مشتاق يااخي
خالد : لاتعب نفسك شكلها صعبه
سعود: وهذا اللي معذبني
خالد: من جدك تحب وحده زي كذا
سعود لاهي يكتب رساله لريم
مشتآق لك موت
و انت عني مو |{ دآري . ,
خالد رجع يرفع راسه وهو يتذكر الصوره اللي بجوال منار دخل يده وطلع جوالها من جيبه يشوف الصوره
لف سعود راسه استغرب:جوال منار
خالد وهو يتأمل الصوره :اي
سعود قام مفزوع :ليش ماخذه لو صار لها شي وانا هنا
خالد عينه على الصوره حس بمشاعر غريبه دخل الجوال بجيبه :ماراح يصير لها شي (علي )يعلمني بكل اللي
يصير
سعود: قم والله مااجلس ولا دقيقه هنا
خالد تغير جوه بعد ماشاف الصوره : ماالي خلق على الطريق فكني منه والله حاس بضيقه على صدري اموت
وارتاح من هاالدنيا
سعود :توك من شوي مبسوط بعدين وش معجلك على الموت بتموت ان شاءالله لاتستعجل عليه
خالد :ياخي رح عن وجهي ارجع لرياض انا بجلس هنا
سعود حس ان بخالد شي مخبيه جلس جنبه:خالد فيك شي
خالد بضيق: لا مافيني شي
سعود :احلف بالله ان فيك شي
خالد قام وهو يتهرب :مافيني شي بس من اجي للبحر وانا يضيق صدري يله قم نمشي لرياض
الساعه 4 الليل
لمياء جت عند خالتها الجازي اللي ميته من البكاء
الجازي :السواق مسوي لها شي قلبي حاس
لمياء بخوف :خاله هدي نفسك وتوكلي على الله
السواق اللي كان ينتظر نوف من الساعه عشر انتظرها ساعتين وبعدين نام ولاحس بنفسه الاالساعه اربع
استغرب ان مابعد جت دق على جوالها اللي كان بيد الجازي
رفعت السماعه بسرعه :نعم
السواق:ماما وين نوف
الجازي وقفت ودموعها على خدها:انت ياحمار ياكلب وين وديت نوف
السواق بخوف:ماما هذا نوف نزل باالشقه وبعدين مافي انزل ثاني
الجازي بصياح:اي شقه انت وينك كلم سالم عطه عنوان الشقه
نوف متسنده على الجدار ويدها على وجهها
منار تطالع نوف من ساعه وشكلها كذا قربت منها وبهدوء :تنامين على سريري
نوف ماردت كانت تبكي بصمت خايفه لحد الحين ازعاج علي واصدقائه في الشقه
منار رفعت يده تتحسس اذا نوف نايمه اولا
نوف حست على منار ورفعت راسها
منار رجعت يدها بخوف من نظرات نوف
نوف: متى يروحون ابي اروح البيت
منار :ماادري مثلك
نوف:مو هذا بيتك مالك كلمه تطلعينهم
منار ماردت عليها قامت واتجهت للسرير
وصل سعود وخالد الشقه
نزل خالد بتعب وسحب الشنطه ووراه سعود فتح باب الشقه
انصدم من الشقه مقلوبه دعاره بنقالين اغاني خمور وبنات من جنسيات مختلفه فتح عينه بقوه و من غير
شعور صرخ بصوت عالي (علي)
علي ارتبك وهو بوضع مخل مع وحده ماتوقع يجي خالد اليوم فز مرتاع يلبس لبسه ويركض لخالد
خالد وقف والشرار بعيونه احتار ايش يسوي مايبي يبلغ الشرطه ومنار هنا معه ومو ناقص تحقيق
بعصبيه :طلع هذولا بسرررعه ..
سعود ركض يتطمن ان منار ماصار لها شي طق الباب بقوه
منار حمدت ربها وهي تسمع صوت سعود رمت الطرحه على وجهها وركضت للباب فتحت الباب بسرعه
سعود بخوف :منار صار لك شي؟؟
نوف رفعت راسها لباب وهي تسمع سعود يتطمن على منار وهي مصدومه من وجوده
سعود شاف هيئه بنت من وراء منار دقق يشوف من هذي انصدم انها نوف اللي تحاول تخبي وجهها لاينتبه لها
منار التفتت للجهه اللي يطالع فيها سعود حست انها ارتكبت غلطه المفروض مايدري بوجودها عضت على
شفايفها بندم
سعود وخر منار من طريقه ودخل غرفتها وهويتأكد اللي شافه صدق ولا خيال ..
..:نوف
نوف ترتجف وقفت على رجلها
سعود:ايش جابك هنا ..؟
نوف :ماتدري ايش تقوله كرهت نفسها وكل شي بهااللحظه ايش يسوي لو درى اني جايه انتقم من منار
سعود بعصبيه :ايش جاااااابك هنااااااا
طلعوا اللي بالشقه بقى علي اخذه خالد وقفل عليه بغرفته يتفاهم معه بعدين اتجهه على صراخ سعود
سعود : ايش مطلعك بهاالوقت وين خالتي عنك وين سالم اللي سامحين لك ايش يسوون لو دروا انك هنا
منار واقفه تطالع الموقف ماتدري ليش نوف جايه هنا ولاتدري ايش تقصد باالرسايل احتارت ماتدري شلون
تدافع عنها
دخل خالد استغرب من هاالبنت الموجوده:من هذي سعود
سعود يجر نوف مع يدها بعصبيه : غطي وجهك ..؟وانت مالك خص انت وخر عن طريقي
سمع صوت الجرس فك نوف من ايده واتجه يطل بعيون الباب انصدم من سالم اللي وراء الباب
احتار ايش يسوي لف راسه على نوف :تدرين من عند الباب..؟
نوف دموعها على خدها ماردت عليه وهي تمسك يدها من الالم
سعود:سالم اخوك
نوف بكبر:انا ماسويت شي علشان اخاف..
سعود انقهر من عنادها جت في باله فكره ركض لمنار :منار اطلعي لسالم على اساس انتي صديقه نوف
لاسألك عنها قولي انها تعبت ونامت لها شوي
منار بدون تردد وافقت بس تساعد نوف (دخل خالد وسعود للغرفه )
طلعت منار... لسالم
سالم:نوف عندك؟؟
منار:معليش والله اعتذر نوف كانت تعبانه وارتاحت شوي عندي وهي مامعها جوالها نسته في البيت
سالم:طيب ناديها لي تطلع
منار /:ان شاءالله ردت الباب ودخلت تنادي نوف
قرب سعود من نوف وبعصبيه :انا لي تفاهم معك بعدين لاتجيبن طاري اسمي على لسانك اني موجود هنا
نوف بصراخ: يعني تشك فيني لاحبيبي انا اشرف من اللي وراك عايش معها قصه حب
منار واقفه بالصاله انصدمت تجمع الدم بوجهها تمنت عندها شجاعه وتعطيها كف يسكتها
سعود يضغط على اسنانه : ليش جايه هنا
نوف بغرور :انا جايه هنا اربي هااللي ماعرفوا اهلها يربونها
سعود رفع يده على نوف بعصبيه واعطاها كف على خدها
طاح الغطى من على وجهها وبانت دموعها في عيونها رفعت عينها على سعود وهي تشوف يده اللي ضربتها :
اكرهك اكرهك
خالد واقف يطالع الموقف ولانطق بأي كلمه مايقدر يتدخل بين سعود وبنت خالته
خذت شنطتها ومشت بخطوات سريعه للباب
سالم بخوف:نوف فيك شي خفنا عليك
نوف تحاول تسوي نفسها تعبانه:جيت لصديقتي اذاكر وياها وتعبت والله لاتشيل هم كم الساعه الحين..؟
سالم:الساعه اربع
نوف :يوه كل هاالوقت ماحسيت بنفسي
سالم قدرت تلعب عليه نوف صدقها ونزل معها وهو يحاول يوديها المستشفى ....
جلس سعود وحيله مهدود مااستوعب وجود نوف هنا اتجهه لمنار يبعد شكوكه
..منار
منار بصوت مخنوق :نعم
سعود:منار ايش تبي منك نوف
منار انحرجت تقول له شي :ماادري عنها
سعود بجديه:ايش قالت لك لما شافتك
منارمضطره تعترف: صدقني ماادري عنها بس سألتني عن لي علاقه معك
سعود بأرتياح :تعرضوا لكم بشي
منار:لا متخبين في الغرفه ماصار شي ..
سعود ارتاح اكثر ورجع للصاله .....
الجازي ولمياء ركضوا لنوف اللي داخله البيت مع سالم ضمتها لصدرها :نوف يابنتي صار لك شي..؟
نوف :ماما لاتخافين تعبت شوي وانا عند صديقتي
لمياء وهي بحضنها :ياالدبه روعتينا عليك
سالم وهو يجلس :احاول اوديها المستشفى رفضت
الجازي تحط يدها على راس نوف تتحسس حرارتها: هذا من قل الاكل حبيبتي
لمياء وهي تبوس نوف:والله انك غاليه علينا بعيد الشر عنك
ابتسمت نوف ومن داخلها تأن وتبكي :عن اذنكم ابروح ارتاح شوي بغرفتي
صعدت لغرفتها واول مادخلتها فتحت درجها وطلعت دفترها الاحمر بدت تشققه وتشقق كل صفحه انكتب فيها
اسم سعود
من اليوم راح تنساه ...!!
بداخلها تردد(بتتركني اعاني الجرح واعاني الصمت والحرمان )مسحت دموعها وقامت للغساله تغسل خدها
تحاول تمسح اي اثر لسعود
انجرحت كثير وراح توقف بوجه اهلها ماتبي تتزوجه ....مسحت وجهها وهي تحاول تهدي قلبها حاسه بعبره
خانقتها قلبها
مااستوعب انها راح تنساه تمالكت نفسها لاكن كانت اضعف مما تتصوره انفجرت صياح اخفت صياحها داخل
المخده .وبعدها استسلمت لنوم .
أكابر"
وأنا بـ دآخلِي صَصرخه صَدآها يزعزِع كل شَرآيِيني ..!
يوم الثلاثاء الصباح
ام نواف تستعد باالفطور لساره قبل لاتطلع من الامتحان سمعت صوت الجرس طفت المويه من على النار
واتجهت للباب
..مين
..:لو سمحتي موجود سامي ..
ام نواف:لا في بيته
..:ممكن تعطيني عنوانه
ام نواف اعطته العنوان ورجعت للمطبخ
في الشقه عند سامي
سامي توه قايم من النوم:صباح الورد
عهد ببتسامه جالسه بجنبه على السرير:صباح النور يله صحصح احط لك الفطور
سامي وهو يتثاوب :اوه لازم عاد اذوق طبخك
عهد تبوسه مع خده بحب قامت للمطبخ
تنهد سامي براحه وحب لعهد كل يوم يزيد بدل ملابسه ودخل يساعدها باالفطور
سامي:اي مساعده شيف عهد؟
عهد :اممم مافي شي خلصت كل شي بعدين انت تاكل وبس ماتتعب نفسك
سامي يقرب منها ويمسك خدها:ولو نساعد القمر خذى الصينيه من يدها
طلع وطلعت وراه عهد
سامي تعالي بجنبي علشان تنفتح نفسي واحل زين باالامتحان ,,
عهد تجلس جنبه وتفتح كيس الخبز
سامي يأكل عهد بيده سمع صوت جرس :غريبه من جاي ..؟
قام للباب وفتحه تفاجأه بثلاث ضباط عند الباب ومعهم سلاح حس بخوف رجع لوراء ..
الضابط :انت سامي ؟؟؟؟
سامي :اي !!
تقدموا ثنين من الشرطه وكلبشوه بحديد
سامي :ايش سويت ..؟
الضابط :انت مطلوب من ضمن خليه ارهابيه
سامي اسودت الدنيا بوجهه :والله اني برئ ياضابط
الضابط بجديه:هذا الكلام مايفيد الحين التفتت لضباط ( يله طلعوه)
سامي :طيب زوجتي هنا لحالها
الضابط :كلم احد من عايلتك ياخذها
سامي ينادي على عهد
عهد من وراء الباب شافت الشرطه حست بخوف:سامي ايش صاير
سامي يطمنها:لاتخافين حبيبتي خذي جوالي وكلمي نواف وساره يخاذونك للبيت عندهم ماراح اطول
عهد عينها على يد سامي ماسكه عبرتها وهي تشوف الشرطه تاخذ سامي لبره طلعوا وصكروا الباب
جلست على الارض تصيح ركضت لجوال سامي تدق على ساره
ساره تفطر مع امها سمعت جوالها يدق رفعت السماعه بفرحه
:هلا سامي صباح الخيراات
عهد بصياح:ساره سامي اخذوه الشرطه
ساره وقفت مفزوعه:عهد ايش صاير
عهد :سامي راح ياساره راح خذوه الشرطه
ساره بخوف:ليش ..؟؟
عهد :ماادري ..
ساره تهدي عهد: خلاص حبيبتي ابجيك الحين مع نواف ..
صكرت السماعه وهي تركض تنادي نواف
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك