رواية ايه احبك قلتها والصدى غطى المكان -9
سعد : والله مستعجل يوم ثاني ان شاء الله
رائد : على خير
سعد : يالله تصبح على خير
رائد : وانت من اهله
وصلوا البيت وسلمت مي عليهم وراحت لابوها وضمته : شلونك يباا
ابوها : الحمد لله ها يقولون طلعتوا اليوم وين رحتي
مي قعد تسولف معاه الي صار باستثناء سالفه الهوشه و قالت انها استااانست بالطلعه وراحت بدلت ملابسها ونااامت >> نوم العوافي
دمتم بخير =$~ }..
البارت [21] :
صباح يوم جميل مليء بالحب والسعاده يتدفق لأ جمل الاحباب ينثر عبيره لارق الناس لإكمال طريق السعاده والهناء معا ]~
خلونا نمر على ناس من يوم المخيم ما سمعنا عنهم خبر ؟؟
بيت راكان ( ابو سليمان )
& مها قضت العطله الباقيه في المسن والطلعات وشرت اغراض المدرسه امس مع مريم ..
& اما رهف متفقه مع مي اليوم بتروح هي ومي يشترون الاغراض لان مها ومريم امس شروا وقالوا لرهف بس تعودت انها دايما تشتريهم مع مي ..
& سليمان شاغل تفكيره بورود الي ما عرف هي تبادله نفس الاحساس ولا لا وهو اليوم الي بيودي مي ورهف للمكتبه ..
_______________________________
بيت نواف ( ابو ناصر )
& ناصر مفكر يقول حق مريم انه خطبها من ابوها ووافق بس خايف من رده فعل ابوه وعمه لان يعرفهم ما يتغشمرون بهالمواضيع فهل بيقولها و ينتظر رده فعلهم الي بتصدمه لانه متوقع منهم كل شي ولا بيصبر ويخلي الرسميه تتم ليما يخلص الثانويه وراه مشواار طويل ..
& ورود اممممم تصدقون انها مسكبه بسليمان يعني فترة البر ونست و ما خذت الموضوع جد
& عايشه استعدت نفسيا للدراسه لانها بتبدى فصل ثاني بمرحله ما فيها غشمره عاااشر وما ادراك ما عاشر ( ثانيه ثنوي )
_________________________________
بيت جاسم ( ابو علي )
& الهام محتاره بشغله امممم تدرون خلوها بعدين
& عاليه هم حالها حال عايشه خايفين من الفصل الثاني
& علي هو بتاسع بما انه اخر سنه بالمتوسط وما فيها لا نسبه ولا قاله الله سكب حتى ما فكر يروح يشتري اغراض المدرسه خلاها لمن يطلبون المدرسين ويروح يشتري
__________________________
بيت سعاد الي هو بيت خالد ( ابو وليد )
& نوره اتصلت على ساره و تطمنت على عزوز خخخخ وودها تجيهم بس خلتها بعدين اصلا مفكره منذ مبطي حتى ساره قالتلها تجيهم بس نوره حبت تخليه بعدين ..
& وليد لا الحين ما عرفتوا شخصيته خلوا كل شي بوقته عسسل *ــــ^
& عمر هم بيشد حيله لانه مفكر بنسه بباله بيدخل فيها هندسه وبدى التوتر لانه باول سنه ثانوي وعاشر صعبه ..
_______________________
بيت عبد الله ( ابو سلطان ) الي هو اخو خالد ( ابو وليد )
& سامي كان يفكر شلون بيفترق هو ورائد رفيج عمره الي كان دايما معااه وسبحان الي جمعهم مع بعض مدام ان رائد اكبر منه بسنه وسامي اخر سنه له بالثانويه...
& اما سلطان ومنال ما ودي ادخل بشخصياتهم الحين خلوا الاحداث تبين شخصية كل واحد ما ظهرت شخصيته للان لان لسى بدري على الي جاي >>> احس بتوديكم بداهيه
_______________________
قعدت مي من النوم البيت هادي لان من التعب ما سهرت حذفت نفسها وراحت بساابع نومه الوقت كان تسع الصبح وراحت اخذت شور ونزلت
وخذت لها عصير برتقال طازج من الثلاجه و سوتلها توست وجبن وقعدت على التلفزيون و من محطه لمحطه لين رست على برنامج وقعدت تتابعه بصمت
اما رهف الي ما قعدت الي على اذان الظهر و عقب ما صلت و وبدلت ونزلت اتصلت على مي الي كانت سرحانه
مي : الوو
رهف : السلام عليكم
مي : وعليكم السلام هلا وغلا
رهف :هلا فيج
مي : متى ودج نروح المكتبه
رهف : اممم مدري سليمان يقول خلوها قبل صلاة العصر يعني بعد شوي على ما نلبس شرايج
مي : يكوون احسن بعد
رهف : ميوو
مي : هلا
رهف : شرايج لمن نرد من المكتبه تجين عندي
مي : مدري والله اقول لا مي وابوي واجي
رهف : اوك زين يلا روحي البسي شوي نمشي
مي : اوكييك
سكرت مي من عند رهف وراحت استاذنت من ابوها لان امها من امس قايلتلها بس البست وقالتلها مره ثانيه انها بتطلع مع رهف ما عارضوا لان متعودين على طلعات مي مع رهف ولا يردوونها ابد
صارت الساعه 2 الظهر طلعت مي لان رهف اتصلت عليها وقالتلها انهم برا ينطرونها
مي ركبت السياره : السلاام
الكل : وعليكم السلام
سليمان : مساكين الله يعينكم ع المدرسه
مي : امييين من جد تغغث بس احسن شي لمن تروح المدرسه وتلاقي ربعك و مدرسينك الي تعودت عليهم صعبه تترك هالشي مره وحده
رهف : وخصوصا انتي اخر سنه بالمتوسط بتجين الثانويه الله يعيين على اخر يووووم هههه ذكرتيني يا حنا بجينا بجي
سليمان : والله من الخبال حنا ما نصدق نطلع من المدرسه و هذيلي يبجون
مي : عاد شنسوي بالي ما عندهم قلب
سليمان : وانتي الصاجه شنسوي بالي ما عندهم عقل هههههههه
وصلوا المكتبه و تقريبا عارفين شيشترون لانهم بالفصل الثاني مو مثل اول السنه الي الواحد يكون ضايع و مو عارف شيشتري شيخلي خخخ
سليمان نزلهم وراح للمسجد وصلى وردلهم نطرهم تقريبا بس لمن كانوا يحاسبون الاغراض طلعوا وركبوا السياره رهف : سلوووم
سليمان حس بمخطط لان متعود عليهم خخخ >> مسكين : هلا
رهف : ترانا جوعااانين نبي ماك
مي : اكيد حتى انت ما تغديت مو يلا ولا يهمك علا حسابنا ها شقلت
سليمان : خلوني انطق بكلمه استغفر الله زين زين وانتي مي على حسابنا ها اوريج اطر منكم انا
مي : ههههههههه لا عادي بس حبينا نعزمك
رهف : خخخخخخخخخ
وصلوا ماك وجا سليمان بيروح لخدمة السيارات عاد هني اشتقلوا وحنوا على راسه الا يبون ينزلون
نزلوا وقعدوا على طاوله وراح سليمان يطلب لهم كان زحمه شوي
لمحهم سامي وجا عندهم : السلام عليكم
مي ورهف : وعليكم السلام
سامي : وانتم من جابكم ياحظي ههههه
رهف : ياحظي ما قعدنا على راسك
سامي : هههه ادري مو قاعدين على راسي لا جد منو معاكم
مي : بروحنا
سامي : بلا استهبال مع منو جايين
رهف : مع سلووم هو جابناا
سامي : الله يعين قلبه
مي : شتقوول
سامي : هاا ولا شي سلامتكم
وراح وسلم على سليمان و قاعد يسولف معاه على ما خذ الطلب وراح عند البنات و سامي كان مخلص من قبل لا يجون بس قاعد يسولف مع سليمان وبعدين راح لانه جاي مع ربعه ...
خلصوا وراحوا لبيت رهف دخلت مي وسلمت على خالتها ندى و مها وقعدوا سوالف لمن جت تقريبا الساعه 6 المغرب اتصلت على ابوها مرها وردوا البيت طبعا رهف كانت تحن عليها انها تقعد اكثر بس قالت ان ابوها بيمرها الحين ..
% يــــــــــــــــــــــــــــــــــوم الخمــــــيــــــــــس %
قعدت مي و كانت مزهبه اغراضها الي بتاخذهم معاها وبتلبسهم للحفله
وكانت الساعه 1 الظهر ولبست ملا بسها الي بتروح فيهم و اخذت معاها عبايه حطتها مع اغراضها لان لبسها قصير راح اوصفه لكم لمن تلبسه *ـــــــ^
طلعت من البيت الساعه 1 ونص وكانت بالسياره مع سعد رهف اتصلت عليها وقعدت تسولف معاها و لمن وصلت سكرت وقالتلها بتصل فيج بعدين ودخلت البيت ؟
رائد كان قاعد ماد رجوله على الطاوله الي قدامه وحاط الجريده بوجهه وقاعد يقرا خخخ
اما مي سألت الخدامه وين ساره قالت لها توها قعدت عصبت عليها مي وهي قايلتلها تقعد مبجر لانهم متفقين مع الصالونه تجيهم 2 وطبعا ياغافلين لكم الله جت مي وحذفت شنطتها على رائد الي قاعد يقرى ما كان مبين ومن العصبيه خخخخ
رائد : آآآي
مي تفشلت خخ : اووه آآسفه ما شفتك
رائد : الله يهداج شحاطه فيها
مي : احم اسفه تعورت
رائد : لا تاسفين ما بينا اسف وغمز لها
مي : وين ساره
رائد : توها قاعده تلقينها فوق
مي : يالله باي
وصلت دار ساره وسلمت عليها : تو الناس جان كملتي نومتج
ساره : والله امس كنت سهرانه زين قعدت
مي : يا ذكيه الصالونه توني متصله فيها بالطريق
ساره : عادي انتي استشوري شعرج اول على ما اخذ شور
مي : سااره باااارده
ساره : يختي شورانا حناا هههههههههه
وصلت الصالونه واستشورت شعر مي وقالتلها تستشور شعر ساره بعدين تسويلها التسريحه عقب ما تلبس و استشورت شعرها ساره ولبسوا وسوت لمي التسريحه بعدها ساره و مي قبل ما تسوي تسريحتها حطت حق نفسها مكياج خفيف يعني قلوس وكحل ومسكره بس
راحت الصالونه ومي قعدت تلبس الساعه و الفلات لان نفنوفها ما يحتاج اكسوارات واجد مي كانت لا بسه نفنوف قصير على الركبه بالظبط وكان لونه اسوود شيفون روووعه و اكمام شفافه منفوشه طويله وعليها اكسوار على احجار حول نهايه الاكمام ونفس الشي حول رقبتها وكانت مستشوره شعرها ستريت و بف وكانت روووعه بشكل مو طبيعي نااعمه ...
اما ساره كانت لابسه تنوره لي نص الساق مشجره بشكل حلووو ونفس الشي البلوزه وكان لونها سكري والتشجير اخضر فاتح و احمر ومخليه شعرها مستشورتها وبدون تسريحه لان ما حبت تسويه ستريت خلتها على الاستشوار وامسكته باكسسوار شعر من فوق وكانت طالعه كيوت ..
مي عقب ما لبست : انتي متى تخلصين الساعه 7 الحين
ساره : نص ساعه ونمشي
مي : يااربي نسيت رهف ما اتصلت عليها شنطتي تحت ساروو في احد
ساره : محمد وفيصل من امس قالوا بيطلعون سينما ورائد هم كاني سمعته بيطلع وفهود وعزوز بيروحون يغيرون جو ع البحر
مي : اكيييد
ساره : يعني مستحيه من امي وابوي مثلا خخخخخ اكيد هم طالعين
مي : ملييييييييييييغه
طلعت مي ونزلت تحت واتصلت على رهف لانها لقت منها 3 مكالمات لم يرد عليها
مي : سو ري هههههههههههههه
رهف : سوريج خليه لج 6 ساعات وما اتصلتي مسكبه فيني
مي : فدييت الزعلانين والله يااقلبووو كنت فوق وما سمعت التليفون بس عاد هههههههه ادري لي وحشه هههههه خلاص عااد يلا عاد فدييييت روحي اقعد واراضي ناس مسكبيني باااي ياروح ميوو ههههههههه
سكرته لان رهف يبيلها قعده خاصه تراضي فيها
طبعااا رائد كان نازل بيطلع وسمع المكالمه لا جابت سيرت رهف ولا غير رهف هع
رائد : من كنتي تكلمين
مي اول شي ما كانت متوقعه انه ما طلع بمعنى ما كانت متوقعه يشوفها وهي بهاللبس
بس رائد ما كان مركز على لبسها ولا عليها الغيره بدت تشب فيه : انا سئلت سؤال واضح وابي اجابته منو كنتي تكلميـــــــــــــــن
مي انتفضت من صوته : كـ كنت اكلم رهف
رائد سحب التليفون منها وشاف المكالمه مسجله باسم رهف بس الغيره الله يكافيكم شرها اتصل وردت عليه رهف : ما قدرت ما ارد عليج خلاص سامحتج هههه
رائد سكر الخط بسرعه " اووه انا شسويت استغفر الله "
رائد مدلها التلفون : مي انا اا اسف بس
مي نزلت دموعها : اسف بعد الي سويته تقول اسف
رائد : مي صدقيني ما كنت اقصد
مي : رائد ما اسمحلك تشك فيني اهلي وثقو فيني انت تجي تشك فيني
رائد : مي اسف بس مو عن الثقه انا واثق فيج
واتصلت رهف بس مي اغلقت الجهاز ومشت ..
رائد كاان متحسسف من الي سواه وراح وقف بوجهها وقال : مي باجر المسن لا تنسين ابيج ضروووري الي صار اليوم خليه بعدين ابيج ضروووري بلييز لا ترديني
مي صعدت فوق عدلت كحلها ولبست العبايه وملفع ورتبت اغراضها عشان لمن ترد ما تقعد تدور وتضيع الوقت ونزلت تحت وراحت هي وساره مع السايق للحفله وطبعا قبل لا تدخل مي الحفله اتصلت على رهف
رهف : لا والله مي سخافتج خليها بعدين تتصلين وتسكرينه
مي توجه كلامها ومبين بصوتها الجديه : رهف انا اتصلت عشان ما تزعلين وبس ولمن ارد البيت اتصل فيج لا تنامين
رهف : مي صار شي
مي : رهف بليـــــز انطري لمن ارد بااي
رهف حست ان صار شي : بااي
اتمني البارت عجبكم وتتوقعون شراح يصير بين رائد ومي مي بتدخل المسن ولا لا ؟؟ بيتراضون قبل لا يسافر رائد عقب اربع ايام ؟!
دمتم بسعآده =)
22]~
دخلت مع ساره بس كانت تبين الابتسامه عليها من غير نفس لان ما تصالح هي ورائد الا ويجي و يخرب كل شي بنفسه لكن هالمره بتخليه يتادب ع الي سواه مو كل مره تسامحه >> بتقدر ؟؟
المهم رائد لام نفسه ع الي سواه و اتصل على فهد وقال انهم ع البحر وراحلهم وقعد معاهم بس جسد وتفكيره مع مي ..
طلعوا مي وساره من الحفله الساعه12 غيروا فيها جو لان استانسوا مع رفيجات ساره وما كانوا واجد وصلوا بيت ساره نزلت مي واخذت اغراضها و ردت تحت تنطر ابوها ياخذها دخل رائد البيت و مي ما كانت لحالها عشان جذي ما قدر يبرر موقفه بس دخل سلم و كانت نظراته تكفل انه غلطان ويتاسف ومتحسف بعد طلعت مي عقب ما اتصل عليها ابوها وصلت البيت و صعدت وبدلت ملابسها ونزلت عشان تكلم رهف و طلعت بالحديقه عشان تاخذ راحتها بالكلام واتصلت على رهف الي كانت تنطرها
مي : قوه رهف
رهف : هلا مي رائد صح
مي هني حست بضيق بتبجي وبصوت مخنوق قالت : ليش السعاده ماتكمل معاي ؟
رهف : ميوو حبيبتي تعوذي من الشيطان قوليلي الي صار بكل هدوء
مي قعدت تقولها الي صار
رهف حبت تغير جو مي وتدري انه حركت رائد غلط : ميووو يغاار عليج عادي
مي : رهف ضايقني بحركته
رهف : امممم والمسن
مي : يصير خير بدخل عن حلفي بس وتشوفين
رهف : مي خلي العناد عنج ترى بيسافر وبتحسفين انج ما سمعتيه
مي : خلي يحس شوي مو يسوي الغلط وغصبن علي اسامحه
رهف : الله يعيين
مي : رهووف تبين شي احس رااسي يعوورني بناام
رهف : سلامتج تصبحين على الف خير
مي : وانتي من اهله
وراحت نامت .......وهم رهف نامت .........
بس رائد " استغفر الله اففف شالحل انا ليش سويت جذي صج مطفوق مو لهالدرجه عاد احس اني اهنتها لمن اتصلت بالتلفون رحمتك يااارب"
فهد " ليش افكر فيها صورتها ما مسحت من بالي من ذاك اليوم بس هههههه مي صغيره علي بس احس اني تعلقت فيها عادي الصغير مرده يكبر وياكثر الي اخذوا اكبر منهم فرق بيني وبينها اممم 6 سنين خخخخ واحسب بعد وربي دخلت مزاجي بس وقت لمن تخلص الثانويه الله يعين"
..................................................
الدنيا تحتاج منا الصبر لممارسة حياتنا واكمال مسيرة العيش بهدوء في الحياه المليئه بالعواصف كلمت عواصف يظنها البعض صغيره بمعناها على الحياه لكن انا اعتبرها كبيره لان الانسان مجرد ولادته فهوا عاصفه بحد ذاتها
( يـــــــــــوم الجـــــــــــمعه) الساعه 6 المغرب
رائد كان طالع يشتري ملابس للسفره لان بيسافر يوم الثلاثاء الفجر الساعه 5
ومر على عبير لانه متضايق وقالها السالفه وعبير قالتله انه ماله حق يتعبث بتيليفونها
رائد : عبير حطي نفسج مكاني شبتسوين
عبير : بس الي سويته غلط صح
رائد : آآه
عبير : رائد
رائد : اممم
عبير : ودي اسافر معاااك
رائد : ههههههههه من صجج
عبير : لو مو الجامعه جان رحت
رائد : كملي معاي
عبير : صعبه بعدين انا ارتحت من وضعي هني
رائد : انا اصلا بروح اسجل بالجامعه واشوف المكان الي بقعد فيه والسنه الجايه ابدى الدرااسه
عبير : شبتقدم عليه
رائد : هندسه ديكوور
عبير : وااو حلووو
رائد : بغيت تصميم ملابس خخخ بس ابوي عيا هههههههه
عبير : خلك على الديكور ارحم هههههههههههههه
رائد : يلا بمشي تبين شي
عبير : تو الناس ما استانست معااك
رائد : شوفي ساعتج الساعه 10 والصراحه عندي موعد 11 خخخ
عبير : ههههه زين نام هني ولابتوبي حلالك اليوم
رائد : المره الجايه
عبير راحت ضمت رائد : بشتاااقققلك وقعد تبجي
رائد : عبيرررررر تو الناس سفرتي الثلاثاء ولا تبين الفكه
عبير : ماني متخيلتك بعيد عني
رائد : الله يخلي المسن و التليفونات ابي اتصل لمن تقولي خلاص غثييتني سككر
عبير : ما راح تسمعهامني ههههههههههه
رائد :هههههه يالله مع السلامه
عبير : مع السلامه الله يوفقك
رد رائد البيت وكانت الساعه 10 ونص وكان مبدل ملابسه وقاعد ينطر بس باقي نص ساعه خخخخخ
اما مي رهف اتصلت عليها ترفع من معنوياتها و دخلت وهو كان حاط مشغول لان مايبي يكلم الا مي ومي سوت نفي الحركه
مي كانت حاطه توبيك : جرحتني لا تترك الجرح تذكار ؟
ورائد :لا قالوا الناس حلوة قولي ايش الجديد لاتفرحي قولي ادري روسكم سالمه
رائد : السلام
مي : وعليكم السلام
رائد : مي اسف على الي صار اليوم بس حبيت ننسى الي صار اليوم
مي : ترى دخلتي اليوم عن حلفي لا تظن اني تقبلت اسفك
رائد عارف نقطه ضعفها : بس الثلاثاء انا مـــــسااافر
مي حطت اوف لاين وخنقتها العبره وحبت تخليه يتكلم وهو عارفها وسكت ودرى انها ما طلعت ................................
♥♥♥ رائد : ا عذروني اذا سالت دمعتي واذكروني اذا طالت غربتي♥♥♥
مي : دخيــــــــــلك اجل الموعد
رائد سكر الاب وانسدح على سريره [ بشتآقلهآ ]
مي كانت تبجي سمعت تليفونها يدق : الووو
رهف : مي تبجين
مي : لا
رهف : مي تصالحتوا
مي : لا
رهف : مي تكلمي
مي : الثلاثاء رهف الثلاثاء
رهف : مي تكلمي بدون بجي بلييز
مي وهي تبجي : بيساااافر
رهف : مي الوقت متاخر الحين قومي غسلي وجههج وتعوذي من الشيطان ونامي
مي : بااي
وسكرته رهف " استغفر الله الله يعينج يامي تعلقتي بواحد وانتي صغيره و حبيتيه وهو اكبر منج "
( يـــــــــــــوم السبت ) باجر المدرسه
مر اليوم كئيب ع الكل لانه باجر مدرسه مو شي جديد خخخخ
( يوم الاحــــــــــــد) يوم المدرسه
قعدت مي وبدلت ملا بسها ونزلت تحت : صباح الخير
الي موجود مريم و ابوها وامها سعد ما بدوا جامعه وابوها عنده دوام على طول لانه يشتغل بالشركه
الكل : صباح النور
ابوها : شلون النفسيه
مي : زفت والحمد لله >> الكلمه المعتاده ايام المدرسه
ابوها : افااااا ليش يبا
مي : مالي خلق متضايقه
ابوها : اذكري الله كلها كم شهر وتخلصين من المتوسط
وقامت مريم ومي لان ابوهم بيوصلهم وركبوا السياره
وصلوا مريم مدرستها ونزلت مي وقعدت قدام مكانها
مي : يباا والله مالي خلق نرد البيت
ابوها : هههههههه مي تكلمين جد بتشوفين رفيجاتج وبتوسعين صدرج
مي : اليوم انت الي بتجيني بالهدا يبا
ابوها : ان شاء الله
مي : لاتاخر
ابوها شافها متضايقه حب يسايسها : حاضر اول واحد بكون موجود
مي :افففففف
ابوها : مي فيج شي
مي : مدري والله احس اني متضايقه
ابوها : سمي بالرحمن واذكري الله يلا وصلنا
مي : لااله الا الله مع السلامه
ابوها : مع السلامه
نزلت و دخلت المدرسه ولقت رفيجاتها فجر و شروق سلمت عليهم وقعدوا شوي بعدين راحوا للطابور عقب المحاظرات عن لائحه النظام والفصل وغيره راحوا صفوفهم ...
عند مريم كانت بمدرسه رهف ومها و دخلت سلمت عليهم
رهف : مريم
مريم : هلا
رهف : اممم شلون مي
مريم : والله نفسيتها اليوم زفت مدري شفيها
رهف : اهاا
مها : عسا ماشر تعبانه
مريم : والله مدري من امس وانا حاسه انها متضايقه يلا بااي اسلم على رفيجاتي قبل الجرس
رهف راحت وهم مها راحت وخلص الطابور وراحوا للصفوف
مرت الحصص غثثثثثثثثه وجت الساعه 1وربع هدت مي لان المتوسط يهدون قبل وطلعت برا وقعدت تسولف مع رفيجتها لمن شافت سيارت ابوها وركبت : سلااام
ابوها : وعليكم السلام تاخرت
مي : لا
ابوها قعد يسالها شسوت اليوم لمن وصلوا مدرسة مريم واخذوها ردوا البيت وقالت مي مو مشتهيه غدى وخذت شوور وانسدحت ع السرير : اففففف
نامت تقريبا ساعه لمن صارت الساعه 4 قعدت وتغدت و اتصلت على رهف تسولف معاها
قعدت ترتب جدولها ودفاترها لان هي مو بالعاده تنام ايام المدرسه الا ايام الامتحانات و اول يوم
مريم ما قعدت الا الساعه 6 المغرب
وصلت الساعه 12 مي تعشت وناامت اما مريم ما نامت الا الساعه 2 الفجر
نهــــــــــــــــ البارت ـــــــــــــــــــــــــايه
اشوفكم الثلاثاء الجاي
وابي توقعاتكم :)
البارت 23 :
( يوم الاثنين )
روتين ممل
ردت البيت مي ما نامت مريم هي الي نامت ابوها ما داوم اليوم حب يريح
الساعه 4 العصر
ابوها قعد يمها : شلونج مي
مي : الحمد لله
ابوها : خلصتي دروسج
مي :اممممم توني مخلصه
ابوها : انا طالع تطلعين معاي
مي : والله
ابوها : يعني انا اجذب
مي : هههههههههه لا والله بس صدمه خخخخ ايام مدرسه
ابوها : اوكي روحي البسي وقولي حق امج اذا بتروح معانا اوكي
مي : ثوااااني
قالت مي لامها وامها قالت ما لها خلق تطلع ومريم نايمه وسعد طالع وراحت لبست جنز و بلوزه رماديه مخططه بأبيض فوق الركبه حلووه
راحت ركبت السياره مع ابوها استانست انها بتغير جو وبنفس الوقت بتطلع مع ابوها الي درت انه حس فيها وطلعها عشان نفسيتها هاليومين
وصلوا المجمع وابوها قال خلينا نروح ستار بكس نقعد فيه وبعدين نكمل رضت مي لانها مشتهيه قهووووه
قعدوا وسوالف عن المدرسه و اسلوب ابوها بانه حب يجرجر منها حجي لان يدري انها بمرحله مراهقه وحب يخليها تصارحه اذا حبت لان مي صعب احد ياخذ منها سالفه ؟؟
----:السلام عليكم
ابوها : وعليكم السلام هلا برائد اخبارك
رائد : الحمد لله قوه مي اخبارج
مي : عايشه الحمد لله > قالتها مع ابتسامه صفرا
ابوها : حياك
رائد : خلكم على راحتكم اخاف اضايقكم >> والله الود وده يقعد خخخ
ابوها : رائد عليك رسميه اقوول اقعد
رائد : ههههه حاظر
ابوها : متى سفرتك
رائد تنهد تنهيده حآآآره : باجر ان شاء الله الساعه 5 الفجر
ابوها : تروح وترجع بالسلامه
رائد : تسلم ياعمي
مي ساكته لان اذا تكلمت بتسبقها دموعها البنيه هالايام صايره ام دميعه حسآآآآآآسه
ابو سعد : عن اذنكم دقايق هذا واحد عندي سالفه معاه اخلصها واجي مي اطلبي لرائد الي يبي على ما اجي .....
مي : امممم شنو ودك تشرب
رائد : انا اقوم اجيب خليج
مي قامت : لا انا بروح اجيبلي قهوه ثانيه لان راسي مصدع اجيبلك معاي
رائد : اوك
مي جابتله قهوه نفسها : تفضل
رائد : شكرآآآآآ
مي : العفوا
رائد : مي فيج شي
مي : انا من يقول الحمد لله ما فين الا العافيه
رائد : مي حطي عينج بعيني
مي : امممم ما فيني شي
رائد : شلون المدرسه
مي : زفت وبعد فتره بسيطه .. ابي اروح اجيبلي قهوه عن اذنك
رائد : مي
مي : نعم
رائد : ترى ما راح تضرين الا نفسج بهالقهوه
مي : انت قلتها نفسي >> تغيرت ع الكل فجأه
رائد " شفيهااا "
ابو سعد : عسى ما تاخرت عليكم
رائد : لا عمي بس مي شفيهاا؟؟
ابو سعد : علمي علمك يارائد البنت صايره نفسيه حيل
رائد : من متى
ابو سعد : من اول يوم مدرسه انا انتبهت
رائد : عمي بس تكثر قهوه وانت عارف اضرارها يمكن اكثر مني وسنها توها على القهووه احسها تعاند نفسها
ابو سعد : وهذا الي الحاصل !
ردت مي وقعدت بدون ما تكلم قعدت تشرب قهوتها وتستمتع وتتلذذ بمرارتها..
ابو سعد : مي رائد بيسافر باجر تدرين
مي حست انها مخنوووقه بس حبت تقوي نفسها ما حبت شي يهزها حبت تصير صلبه لان ما حبت تمسك باحد وبعدين تفقده بلحظات :ههههههههههه شدعوه يبا اسمعكم مساع تروح وترد بالسلامه رائد
رائد متعجب !! : الله يسلمج
رائد : يلا عمي تامر على شي انا مواعد سامي والحين يجي مع السلامه
ابو سعد : تروح وترجع بالسلامه لا تقاطع واذا احتجت أي شي لا يردك الا التليفون وتلقاه يوصلك لي عندك بس شيل الحيا عنك انا حسبت ابوك
رائد حب راسه : ابشر يلا مع السلامه
ابو سعد : مع السلامه
مي حست ان روحها طلعت من قام حست القلب القوي الي بنته من يومين رجع مثل الهشاش ما تقدر تعتمد انه يساعدها على الي بالها وحبت تقوى اكثر واكثر بس ما تدري ليش قامت بهاللحظه هل بتلحقه ولا لا قامت ما حست الا هي طايحه ع الارض : طرآآآآآآخ
رائد التفت وياليته ما التفت التفت وشاف قلبه طايح قدامه شاف حبه ع الارض شاف مي طايحه وما يدري شفيها ؟؟
ابو سعد يطق على خد مي : مي مي يبا قومي مي
رائد مخترع ! : عسى ماشر شفيها
ابو سعد : رائد جيب السياره بسرعـــــــــــــــــه
قام رائد وجابوا السياره وابوها شالها وركبها بسياره رائد وعلى طووول المستشفى
واخذوا منها تحاليل و حطوها ع السرير ولا الحين ما صحت
لو اقولكم منو دكتورها نفس الدكتور الي هذيك المره العن ام الحظ النحس واااافضيحتااااااااااااااااه
راح ابوها للدكتور ورائد حاط ايده على قلبه الدكتور عاتب ابوها ليش ما كملت علاجها وليش وليش وابوها منصدم متى صار هالحجي وليش ما قالوله وعرف ان رائد الي جايبها هذيك المره ورائد بررله انه هذي رغبت مي و ابو سعد خاف على مي من الانهيارات الي تجيها ومو عارفين سببها ؟؟
ابوها : لا حول ولا قوه الا بالله زين ليه ما قلتلي يارائد
رائد : هذي رغبتهااا ياعمي و قعدت ترجاني اني ما اجيب سيره لاي احد
ابوها عصب : حنا لو الله يفكنا من عنادهااا جان حنا بخييييير ...
الســـــــــــــــــ 8 باليل ــــــــــــــــــــــاعه
طبعا بالساعات الي راحت سعد عرف ومريم وامها وجو للمستشفى وارسلوا السواق يجيبون سياره ابو سعد من المجمع ؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك