رواية انا اخترت الفراق ومادريت ان الفراق وصال -8
عبدالله:ها كيف المكان
العنود:نون فاكت بجد
ضاحي:حلو هادي و راقي
سارة:حلاتو بوجود مجود و البيبي (تكلم البيبي) حبيبي فرحانة شايفة كيف المكان حلو
ماجد:و الله حلاتو بيكي انتي و النونو
سارة:يا قلبي
العنود:لا حول و لا قوة الا بالله اللهم صبرني على بلوتي دحين نفسي افهم زوجناكم قلنا يمكن تعقلو مافي فايدة
و انتي هي الحيا فسخ منك ايش فسخ الا اتبرى منك
سارة و ماجد أنواع التطنيش
العنود:مااالت عليهم قتلوني بالهبل حقهم
عبدالله:خليكي في حالك و بدال ما تطالعيهم اهتمي بالضعيف الي جمبك الي بلى عمرو و أخدك
العنود:الا منى عمرو و لا (تطالع ضاحي بنظرات قوية)
ضاحي:أكييد طال عمرك أفااا بس و بعدين انت ليش تخرب ما بيننا خليك في حالك و خلي قلبي ياخذ راحته
العنود:احم احم
.
.
.
قبل العشا كل واحد قام مكان
عبدالله راح يشرف على الأكل
ماجد و سارة واقفين قدام البحر و شويا يتغزلوا في بعض و شويا يكلموا البيبي
ضاحي:العنود شرايتس نناظر البحر
العنود:يلا
و هما واقفين يتفرجوا
العنود:تصدق ضاحي نفسي أسوي زي فليم تايتنيك
ضاحي من وراها:وش يسون
العنود قلدتهم:كدا و انتا سوي زي
عمل ضاحي زيها
العنود قامت تغني:every nigt in my dreams I see you I feel you
ضاحي:الله صوتتس يهبل
العنود:هههههههه
ضاحي:وش فيتس تضحكين
العنود:أقولك سر
ضاحي:قولي
العنود:أنا لمن أخجل أضحك
ضاحي:فهمت الحين
العنود ابتسمت لو
ضاحي:ودي يالعنود ننسى الي بيننا هذي الأيام لأنها ما تتكرر
العنود:ضاحي خلاص نحنا متفقين اننا نكون فريند
ضاحي سكت
.
.
.
عبدالله:يلا يا شبااب العشى وصل
العنود: يم يم يمييي ريحة استكوزا
مشيت العنود و خلت ضاحي مكانو
ضاحي طالع في المكان الي كانت فيه اتنهد و لحقهم
العنود:الله على ريحة الأكل يا عيني عليك يا أخويا تنفع مرشد سياحي خلاااص أنا فررت بفتح فرع سياحي و بخليك المسؤول عنو و الله بتجيب لنا غنايم
عبدالله:و انتي ما تفكري الا في الفلوس
الكل الا العنود:هههههههههههههه
العنود:هاهاها ما تضحك أقول كلو بس عساه سم في بطونكم الا بطني
سارة:يا سلااام حتى على حبيب خالة
العنود:و كمان حبيب خاله لا
سارة:طيب و حبيب خالة يحب بابتو
العنود:بابتو الا يتسمم
سارة:خلااص ما أحبك يا خالة
العنود:و أنا أكثر يا رووح خالة ههههههههه
الكل:هههههههههههههههه
كملوا السهرة الين ما رجع كل واحد على الفندق يدور السرير
.
.
.
صباح يوم جديد يشرق على أبطالنا
الكل قام من بدري يبغوا يحللو كل ثانية تمر عليهم
العنود:ها عبيد فين اليوم إن شاء الله
عبدالله و هوا يطالع على المرشد السياحي:اممممم حنروح القرن الذهبي اليوم مكان حلو على البحر
سارة:يلا مشينا أجل
الكل:يلا
..~..
القرن الذهبي :
يقسّم هذا المصبّ على هيئة قرن إسطنبول الأوروبية . وهو إحدى أفضل الموانئ الطبيعية في العالم، كان في السابق مركز للقوات البحرية البيزنطية والعثمانية ومصالح الشحن التجارية.
خليج يتجه من البسفور غرباً فيشطر القسم الأوروبي قسمين، وطوله 4أميال وعرضه نصف ميل، ويتم العبور من فوقه بواسطة جسرين عائمين وآخر ثابت.
وكان قديما مقفلاً بالسلاسل منعاً للغزو البحري للمدينة اليوم، تخطّط المتنزهات الجذّابة والساحرة على شواطئ القرن الذهبي مشهد رائع خصوصا بينما تهبط الشمس على الماء.
في فينير وبالات، أحياء نصف الطريق فوق القرن الذهبي، هناك كامل الشوارع ملأت بالبيوت الخشبية القديمة، والمساجد العثمانية والكنائس البيزنطية.
يستقرّ النظام البيزنطي في فينير... اما العثماني فأعلى القرن الذهبي في يوب، وهناك بعض الأمثلة الرائعة للهندسة المعمارية العثماني يأتي المسلمون من جميع أنحاء العالم يزور يوب كامي الي هو مسجد وقبر أبو أيوب الأنصاري وهو أحد الأماكن المشهورة.
إنّ المنطقة ما زالت مكان دفن شعبي، والتلال فوق المسجد منقّطة بشواهد القبور الحديثة بعثرت بالأحجار العثمانية المزخرفة.
مقهى لوتي بيير، في أعلى التلّ الذي يطلّ على الضريح والقرن الذهبي، مكان رائع للتمتّع بهدوء ومشاهدة القرن الذهبي.
سارة:الله المكان مرررة ناايس مو كدا مجود
ماجد:الا أكيد يا عيون مجود انتي
العنود:بصراحة مررة روعة بالزات و الدنيا منورة مررة قوود
ضاحي:رايِ من رايكم
عبدالله:احم احم اتفضلو بس
العنود:شوف بس شاف نفسو علينا عشان مدحنا المكان مالت عليك
عبدالله:و أنا نفسي أفهم انتي ليش مقهورة
العنود: أنا مني ..............
ماجد:ضاحي سرون تعالو نسبقهم
سارة:يلا
مشيوا التلاتة و عبدالله و العنود جالسين يضاربوا
بعد ما خلصوا مضاربة
العنود:الا فينهم هدولا
عبدالله:و الله مدري شكلهم سبقونا
العنود:الخونه و ما شاء الله مسرع ما ضاحي صار واحد منهم
عبدالله:هههههههههههه (بجدية) نودي كيف ضاحي معاكِ مرتاحة معاه
العنود:ايوا نحنا متفقين نكون فريند لأني قلتلو إني مني قادرة اتقبلوا في حياتي أبدا كزوج
عبدالله:كويس قلتلك ضاحي واحد طيب و راح يتفهمك
العنود ابتسمت:بس رغم طيبتو لكن ما أقدر أعيش معاه يا عبدالله مررة أحسها صعبة حياتي تختلف عن حياتو 180 درجة أنا فين و هوا فين أنا وحدة ما أعرف أطق مكان أكتر من شهر لازم أغير جو أسافر و لا كباين و لا أي شي و هما من صحرا لصحرا يعني حياة ما تنطاق أبدا و فوق هدا كلو عارف عادتهم و تقاليدهم
عبدالله:نودي شي واحد من قلب أخو يحب أختو اصبري و من صبر ظفر
العنود:لكن كل يوم يوم كامل من حياتنا يروح على الفاضي و نحنا كل واحد مع الشخص الخاطئ أنا ما انكر انو التغير ما كان شي كبير لكن برضو في اختلافات كتيره بين تفكيري و تفكيرو ما أعتقد اننا راح نستمر المهم
نحنا وصلنا عندهم خلينا نقفل السالفة
عبدالله:اوكي
العنود:افا يا قليلين الأدب تسيبونا و تمشوا
سارة:ايش نسويلكم كل يوم مناقرة انتي و الدب التاني فكونا ياهو اعتقونا لوش الله لو يوم بس
العنود:انتي ما ينشره عليكي بعد هدا اتور ما أخدك صايره خاينه لكن الشرهه على مستر ضاحي ما شاء الله صاير معاكم
ضاحي:وش اسوي معكم مافي أي فايدتن نرجاها منكم
العنود:أنا قولت ما ينشره عليك عبووود
عبدالله يسوي زي حركة العساكر:سم طال عمرك
العنود:إلى الأمام سر
عبدالله و العنود يمشوا زي العساكر:واحد اثنان واحد اثنان
الكل الا العنود و عبدالله:ههههههههههههههههه
ماجد:مخبلين كالعادة
سارة:عن جد
ضاحي:هههههههههههههه
ماجد:يلا نلحقهم
.
.
.
كملوا تمشيتهم و طلعوا الي في راسهم و رجعوا على الفندق مهلوكين
العنود:أنا لو ينهدم الفندق لحد يصحيني
عبدالله:أنا لو ايش يصير ما أبى اسمع صوت نفس أحد
سارة:مجودي حبيبي و الله تعبانة ما فيني أمشي
ماجد:أشيلك حبيبي
سارة:لا يا قلبي ما ابى اتعبك
ضاحي مجرد توزيع ابتسامات:أنا بجلس هنا شوي
العنود و هيا بالقوة تجرجر رجولها:بكيفك
عبدالله:نودي
العنود:هاا
عبدالله:هوا إن شاء الله يسد حلقك قولي آمين
العنود:خلص ايش تبى
عبدالله :تشيليني ما فيا أمشي
العنود:أقوول أسكت بس محد فاضي لمزحك التقيل زيك
عبدالله:انتي أخت خاينه
العنود:ما جبتها من بعيد طالعه عليك
عبدالله:أعود بالله أقول كلمة ترديها بعشرة
العنود:و انتا ليش ما تحترم ألفاظك
عبدالله:مزااج
العنود:حتى أنا مزااج
كل واحد راح على السويتس حقو و ضاحي جلس في اللوبي طلب شاهي و جالس يقرى في جريدة عربية
....:داهي!!
ضاحي:هلا سوزان
سوزان:كيف حالك ضاحي
ضاحي:أزقح
سوزان:أزكح ما معنى أزكح
ضاحي بابتسامة:يعني بخير و الحمدلله
سوزان:أهاا أزكح كلمة رائعة
ضاحي:شكرا لك ماذا تفعلين هنا
سوزان:أنا أشتغل في النادي الليلي الذي يتبع الفندق
ضاحي:اها و ماذا تعملين؟
سوزان:أرقص و أشرب و أجمع الأموال من الأغنياء
ضاحي:حسنا
سوزان:لمادا لا تنزلون الليلة
ضاحي:لا نستطيع فنحن لا نشرب الخمر فهو محرم في التعاليم الدينية الإسلامية
سوزان:أنا مسلمة و لكنني أشرب هو مجرد شراب لمادا أنتم هكدا معقدون
ضاحي:ذكر في الكتاب الطاهر و السنة النبوية الشريفة تحريم شرب الخمر
سوزان:إن الله غفور رحيم داهي لا تفخم الآمور عزيزي دونت وري
ضاحي:نواي هذا ديني
سوزان:حسنا لن أجبرك على شي يجب عليا الدهاب سررت بلكائك
ضاحي:و أنا أيضا
سوزان:إلى اللكاء
ضاحي بابتسامة:إلى اللقاء
.
.
.
بعد ما شرب ضاحي الشاهي طلب من الفندق يدبروا لو خرج يشتريلو ملابس
احتار ايش يختار من ملابس دخل محل لاكوست
ضاحي خليني اسأل :اكسيوزمي فتحي
فتحي:يس ولكم
ضاحي:مصري
فتحي:آه أأمر يا باشا
ضاحي:لا أنا ودي تختار لي شين سبور و مودرن
فتحي:اتفضل يا باشا اتفضل
طبعا لطبيعة شغل فتحي فهو متعود على انو يختار للناس ملابسهم
اختار لضاحي مجموعة حلوة كشخة و في نفس الوقت سبور
حاسب ضاحي و خرج و صار يدور في المحلات الين ما تعب رجع ينام
.
.
.
عبدالله:الكل جاهز
الكل:يس
عبدالله:أجل يلا بينا على بيوك آدا
العنود:و ايش يطلع هدا
عبدالله:بطلي لقاافه المهم يلا ترى الهليكبتر تستننا
سارة:يا سلاام حنروح بهليكبتر
العنود:أستغفر الله تقول عمرها ما ركبت هليكبتر يا بت أسكتي فشلتينا بس
الكل الا سارة:ههههههههههههههههههههههههههههه
سارة تضرب ماجد على خفيف:طيب يا مجود
ماجد بالقوة ماسك الضحكة:كح كح خلاص هههههه احمم احممم خلاص لحد يضحك على هههههههههههههههههههههههههههههههههههههههههاي
و سارة صارت تضربو
العنود:لا حوول يا بنت اعقلي
عبدالله:بالله نونه خليهم مع نفسهم هدول ناس الله يشفيهم بس
العنود:ضااحي متى اشتريت هدي الملابس
ضاحي:شرايتس مو حلوة
العنود:امممم لا شيك و مناسبة ليك
..~..
بيوك آدا :
جزر الأمراء هو عبارة عن أرخبيل من تسع جزر في بحر مرمرة و سبب تسميتها إنها كانت منافي للأمراء البيزنطيين.
تحتوي على بيوت من القرن 19 ميلادي بحرها مررة حلو و بارد كثير من الأغنياء يفضلوا يروحوها في الصيف.
بويكادا :
أكبر جزيرة وفيها تقدر تتمتّع بجولة في العربات (الحنطور) بين أشجار الصنوبر، أو ترتاح على شاطئ في أحد الطوق العديدة التي تدقّ الجزيرة.
و الجزر الأخرى زي سيديف، بيرغاز وهيبيليادا تعد العبّارات المنتظمة التي تربط بين الجزر والشواطئ الأوروبية والآسيوية.
و أيضا يستطيع السائح الاستمتاع بشراء الهدايا التذكارية من المحلات الموجودة فيها وللعلم الي يسكنو هذه الجزر كلهم يهود .
..~..
عبدالله:و الله الجو مررة روعة و لا المويه يا سلاام
العنود:اسكت لا تقهرني نفسي انزل اتسبح
عبدالله يسوي حركات يقهرها فيها
العنود:يا رب تغرق يا رب
ضاحي ميت ضحك عليهم و هوا يسبح مع عبدالله
أما ماجد و سارة جالسين يتمشوا
العنود:اووووف منكم انقلعوا بس
و مسكت جوالها اتصلت على الشركة
العنود:السلام عليكم أنا العنود
السكرتير:.........................
العنود:طمني كيف الشغل
السكرتير:..........................
العنود:اها طيب ارسلولي كل شي على ايميلي و اسمعني اليوم بتصل عليك بحدد موعد نجتمع فيه سوا
السكرتير:.........................
العنود:بلغهم انو حيكون عن طريق الاسكاي بي خليهم يجهزوا كل شي
السكرتير:...........................
العنود:طيب خلاص يعطيك العافية
السكرتير:............................
العنود:مع السلامة
السكرتير:................................
العنود:أوووف ايش اسوي مرررررة طفشانة خليني أقوم الفلف شويتين
قامت تدور حوالين البيتش
........:لو سمحتي انتي الآميرة العنود الحاسبي؟
العنود:ايوا
..........:أفااا يالعنود ما تزكرتيني
العنود:لاو الله بس مشبهه عليك
.........:افاا يا زعيمتنا نسيتي عصابتنا أيام المدرسة
العنود بصدمة:لا لا تقول انو انتا البراء
البراء:بشحمو و لحمو
..~..
البراء
هدا صاحب لهم من آيام الكي جي ون علاقة قوية مرة فيهم لكن حصلت مواقف بعد تخرجهم من التنوي
خلت كل واحد ينشغل و شويا شويا بدأو ينسو بعض..
ملامحو هاديه اسمر و شعرو سبايكي يلبس نظارات طبية من ظبقة رفيعة و لها كلمة في البلد..
هوا و العنود و سارة و عبدالله كانو عاملين عصابة في المدرسة قائدتهم العنود
و ماجد أكبر منهم لكن في نفس المدرسة فلمن يعرف عن الي يسوه
كان يضربهم و يستقوي عليهم لكن سارة كانت الدلوعة حقتو
فدايما يحقد عليها البراء و يضربها أو يزعلها و لا يعاندها أهم شي يسوي فيها شي
فماجد ما قصر فيه ..
..~..
العنود:كيفك ايش أخبارك؟
البراء:تمام و انتي؟
العنود:مرررة قود
البراء:أول ما شوفتك في المؤتمر الصحفي كان بيغمى عليا ما اتوقعت انك بتتحكمي في الاقتصاد السعودي
العنود:شايف كيف الدنيا
البراء بحرزن:بس بجد مرة زعلت لمن دريت خبر وفاة أبوكِ و أمك عظم الله أجرك سوري و الله ما قدرت أجي كنت في لوس انجلس ادرس هناك تصوير
العنود:هو انتا لسى ما اتغيرت زي ما انتا اتزكر في التنوية لمن فزرت بجائزة أحسن مصور فوتوقرافي بس م توقعت تستمر مدري قلت يمكن يدخل أي شي هنا و لا هناك
البراء:لا يا عنيدي زي ما انتا الا تعالي نجلس شويا نشرب كوفي
العنود:اممم المشكلة أهلي هناك بس يلا جالسين يتسبحوا الا ايش جابك هنا
البراء:ناثينق فيزت
العنود:زيارة حلو
البراء:ايش تحبي تشربي
العنود:شوور تركش كوفي
البراء:هو لسى ما اتخلصتي من الإدمان
العنود:اسكت بس جاتني فترة ما قدرت اشرب فيها تركش كوفي كنت بموت
البراء:يا ربي ليش؟
العنود:ابدا صح ما باركتلي
البراء:بمناسبة
العنود:اتزوجت
البراء:بس منيي شايف دبلة و لا شي
العنود:تعرف زي أي بنت ضاعت هنا و هناك
البراء:و متى اتزوجتي؟
العنود:قبل كم يوم و أنا دحين في شهر عسل بس مع عبود و سرون و زوجها
البراء:حتى سارة الدلوعة اتزوجت معقول هههههههه
العنود:و انتا متى ناوي تتزوج
البراء:يا حبيبتي أنا متزوج قدني و عندي بنت و ولد
العنود:ول متى أتزوجت و خلفت
البراء:من أول ما اتخرجنا سافرت أنا على أمريكا و بعدكد اتزوجت هناك وحدة أمريكية أصلها سعودي أكبر مني بسنتين بس مرررة كنا نحب بعضنا
العنود:اهاا و فينها ما اشوفها هي و البزورة
البراء:اممم هيا الله يرحمها و أما البزورة فهما مع الناني الخاصة فيهم
العنود:عظم الله أجرك فيها طيب خلينا نقوم نشوف البزورة
البراء:يلا تعالي
وصلوا عند البزورة و هما ساكتين طول الطريق العنود أول ما شافتهم حضنتهم
العنود:يالله يجننو ما كأنهم سعودين
البراء ابتسم:البنوتة حزري ايش اسمها ؟
العنود:امممم و الله مدري مخي فاضي دحينا
البراء:فكري بس شويا
العنود:امممم انتا تحب الأسامي الأجنبية فممكن ليزا أو غريس
البراء:نو نو اسم بعيد عن هدول كلهم
العنود:امممم و الله احترت خلاص ما فيا
البراء:هي تعتبر سميتك
العنود بصدمة:اسمها العنود!!
البراء بابتسامة:يب يب
العنود تطالع فيها:فديتك عنودتي خلاص أنا حأخدك من بابا و أخليكي عندي عشان تصيري زي و أحسن طيب يا ماما
العنود الصغيرة و هي تمسك وش العنود بيداتها الصغنونة:ماما ماما
العنود حضنتها بقوة:فديتك يا روح ماما تزنيني و ايش اسمو الولد؟
البراء:اسمو البندر
العنود:فديتو بندوري بس غريبة مسميهم أسماء عربية
البراء:العنود عشان كنت دايما أحكي لتينا عنك و عن العصابة فحبت تسميها على اسمك تقول تبغاها تصير زيك قوية و أما البندر فعشان اسم أبوها
العنود:ها الله يحفظهم ليو و يحفظك لهم
البراء:آمييين
البدي قارد:الآميرة العنود اتصل السيد عبدالله عليا يسأل عنك
العنود:خلاص دحين أكلمو
البراء:أجل خلاص نشوف بعض مرة تانية
العنود:اصبر و الله لا تتعشى معانا الليل
البراء:يا شيخة ما ابغى اضيق عليكم
العنود:إذا أمرت الزعيمة على شئ ايش ينقلها
البراء:صار
العنود:ايوا حسبالي يلا بيننا كول بس رقمك زي ما هوا و لا اتغير
البراء:لا نفسو
العنود:خلاص أجل متفقين نحنا تي كير و لا تنسى جيب العنود و بندور معاك
البراء:صار
العنود:هههههههه أجل سي يو
البراء:سي يو
العنود رجعت عندهم
عبدالله:أخيرا البرينسيسة نورت فينك طال عمرك
العنود:عبود على ما أعتقد اني متزوجة و زوجي راضي انتا ايش قاهرك
عبدالله:يالله على البرود المهم تعالي حنروح هنا أوتيل نستريح شويا عشان نتغدى و بعدين نرجع نكمل مشوارنا
العنود:أوكيشن بس فين ماجد و سويرة
ضاحي:اسبقونا
العنود:أها طيب يلا
.
.
.
وصلوا الأوتيل
عبدالله:خدو هدا مفتاح جناحكم يلا باي
طلعوا ضاحي و العنود الروم حقهم
العنود استكشفت المكان و فتحت الطيق
العنود:المكان مو بطال حلو قدام البحر
ضاحي:بغتسل تبين شي
العنود:نو
دخل ضاحي يتروش و العنود فتحت البلكونة و حطت لها كرسي و ساعة
العنود:الله كل شي جاهز بس خليني اغطي الدنيا المكشوفة دي
قفلت الدنيا بالشراشف و صارت الشمس تدخل من فوق بس لبست المايوه حقها
قفلت الباب و حطتلها أويل للتشميس و انسدحت على الكرسي
العنود:الله من زمان على التشميس ان شاء الله بس ضاحي ما ينتبه
.
.
.
بعد ربع ساعة
ضاحي خرج من الحمام:العنود العنود وينتس فيه
ما سمع رد
ضاحي:العنود العنود
استغرب قال يمكن راحت عند سارة و لا شي
راح عند سارة يسأل
ضاحي:ماجد عندكم العنود
ماجد:و الله لأ
ضاحي:مشكور يعطيك العافية
مشي ضاحي و هوا يكلم نفسو:هذي وين راحت
نزل اللوبي دور عليها ما لقاها قال يمكن في البيتش دور عنها برضو مافي فايده بعد ساعة الا ربع رجع الأوتيل
دخل و هوا يسأل نفسو عن مكانها
ضاحي فتح باب البلكونة عشان يشوفمن فوق بس يلاقي العنود نايمة بالمايوه
ضاحي خرجت عيونو من المنظر أول مرة يشوفها كدا صار يبلع ريقو بقوة
ضاحي بارتباك:العنود العنود قومي
العنود في سابع نومه
ضاحي شاف اللون البرونز و كيف طالع عليها شي:العنود العنود
العنود بدأت تصحصح و شويا اتزكرت ايش كانت عامله فقامت مفجوعة:ضااااحي
كان وشها في وش ضاحي أنفاسهم كأنها وحدة و كل واحد يطالع في عيون التاني
ضاحي بلع ريقو:قومي اغتسلي
العنود لفت المنشفة عليها و هيا منحرجة منو كانت مخططة انها شويا تتشمس بس ما حست بالوقت
اتروشت العنود و لبست فستان حبال ملموم من عند الصدر و مفتوح بعد كدا وألوانو فسفورية أورنج و أخضر و أًصفر طالع عليها شي
وقفت قدام المراية و ضاحي مسدوح على السرير
العنود عملت شعرها فلو حطت روج أحمر صارخ و من فوق عيونها بالأسود و مسكرا
العنود:و الله فيني نوم
ضاحي يهز براسو بس و جلس يتأملها
العنود و هيا مغمضة عيونها حست بشي فوقها و أنفاس حارة فكت عيونها و ياليتها ما فتحتها لقت عيون ضاحي تاكلها
ضاحي طالع في عيونها بعدها نزل على روجها الصارخ قرب منها مستسلم لمفاتنها باسها على شفايف وشويا بدأ ينجرف لمشاعرو و هيا منجرفة معاه لكن بصعوبة
دفت العنود ضاحي بعيد عنها
العنود:ضااحي وقف
العنود:ضاحي فوق فوق (اصحى اصحى)
ضاحي انحرج من الي صار و انو ما قدر يمسك نفسو لكن الرغبة في داخله لسى ما توقفت
العنود أخدت نفس:ما صار شي ما صار شي أوكي نحنا حننام دحين زي كل يوم بهدوء و راحة
قام ضاحي من السرير:أنا بروح أشرب موية
مع انو موجود في الغرفة تلاجة لكن العنود حبت انو يروح
ضاحي شرب مويه و هوا يفكر كيف سوا كدا و هما متفقين انهم فريند ضرب الباب برجلو
و خرج ينسدح في الصالة
و كل واحد منهم ما عرف للنوم سبيل
.
.
.
قامت العنود من السرير و هيا ما ذاقت طعم النوم
شافت نفسها في المراية
العنود في جوتها:أنا كيف سويت كدا كيف انجرفت معاه كييف يا ربي الله يستر من الجاي دحين لو اتعلقت فيه و هوا اتعلق فيني مررة صعب نفترق أأأأه يا قلبي لازم نتصرف على الي بيصير هدا لازم
المهم خليني أقوم أغير ملابسي و اتجهز أقلها أخرج اتنفس شويا و آنسى الي صار
..
و في نفس اللحظة ضاحي كان يفكر كيف هوا ما قدر يوفي بوعدو خاف انو العنود
تشيل في قلبها عليه بس يرجع و يقول أنا مالي ذنب كل شي أكبر مني
.
.
.
في اللوبي
عبدالله:ها مستعدين حنرووح مكان رووعة
ماجد و سارة:مستعدييين هههههههههههههههه
عبدالله يطالع في العنود و ضاحي الي كل واحد يحاول ماتجي عيونو في التاني:هي انتو مالكم نفس
العنود بابتسامة مجاملة :لالا خلينا يلا نمشي
ضاحي:ايه هي الصادقة
عبدالله:أوكي يلا
.
.
.
في الهليكوبتر
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك