رواية ظل أسود للكاتبة أنـاهيـد -7
اشرس من حرب البسوس هو يدري ان الانسانه اللي حبها عنيده جداً وصعبه وقاسيه لها اذن تسمع كل شي الا الامر ولها عين تشوف كل شي الا الحب ولها قلب يحس بكل شي الا الرحمه ولها عقل يفكر بكل شي الا الرضوخ تنهد بغييره ما قدر يخفيها وده يطلعها من السياره ويضربها يضربها لين يتخلص من النار اللي جالسسه تشب بضلوع صدره طلع من البيت وهو مقهور قررر يمشي بروحه وبعيد عنهم لين تخف عنه وطأة هالمشاعر وسطوتها : تبين تقهريني تبين تعلميني اني ما راح تكون لي كلمه عليتس لا اللحين ولا حتى بعدين تبين تبينين لي اني راح اكون عاجز عنتس تبين تربطين يديني تبين تقصين لساني غلطانه يا امييره والله غلطانه يا بنت عممي انتي بعد ما تعرفيني زين لكن ما عليه كل شي بوقته حلو ..
اميره نزلها ابوها عند الحريم وراحت لهم وهي مبسوطه باللي سوته تدري انهم كلهم اللحين يفكرون فيها : والله لا اقهركم كلكم مثل ما قهرتوني ..
بعد نصف ساعه ..
اميره قالت للبنات انها بتمشيهم ، راحت فوق ضلع تكلم ابوها : يبه طلبتك لا تردني
ابو سند : عطيتس
اميره ابتسمت : يبه بمشي بنات عمي بالامطار والله ما بروح بعيد هنا قريب منكم
ابو سند : وين تروحين بهالبنات
اميره بعناد : يببه قريييب قلت لك ما ببعد ازهل والله ما بيصير لنا الا العافيه ان شاءالله
ابو سند : يلا اجل برسل واحد من العيال يجيب لتس السياره
اميره : طيب
—
ابو سند ناظر لفهد اللي جالس وللحين معصب : فهد
فهم ناظر لـ ابوه : سم يبه
ابو سند عطى فهد المفتاح حق سيارته : ود السياره لـ اميره
فيصل : وشهو له
ابو سند ابتسم : بتمشي البنات على الامطار
فهد : يبه بنات يروحون بروحهم لييه لو صار لهم شي
ابو سند : ماهو بصاير لهن شي ان شاءالله الديره فاضيه
فيصل بقهر : يبه انت تبي تفقد اميره
ابو سند عصب : وش هالكلام الفاضي لا تكبرون المواضيع وخلوا البنت تستانس لا تعقدونها بخوفكم الزايد
فهد قام وهو معصب ما يحس الا بالقولون اللي بدا يلعب بمعدته لعب اخذ السياره وشخط من قدام البيت بقوه ومشى لين ما وصل عند اميره نزل من السياره بعد ما طفاها وضرب الباب بقوه : متى تعقلين انتي
اميره ما استغربت هالهجوم منه : عطني المفتاح
فهد مسكها مع ذراعها وشدها له بغضبب : ما تتوبين انتي ما تعدليين ما تحشمين احد جايه تمشين من عند الرجال وشتبين وشعندتس
اميره ضربت يده بقهر : مالك دخل فيني امشي بالطريق اللي يعجبني
فهد بعصبيه : لا لي دخل ونصص لكن وقسم بالله ما بيعدي اللي صاررر
اميره : عقدك النفسيه طلعها على حرمتك لا اعرست اما انا ما انت ولي علي يا مريض
فهد : وقسم بالله لو مو توتس طالعه من الموت لا اوريتس الشغل
اميره دفته بقهر : موت اللي ياخذ عمرك انقلع عني ، ركبت السياره وهي معصبه وقفت قدام الخيمه وهي تطنب على البنات كانت تناظر قدام وهي معصبه خذت جوالها وحطته على الطبلون بعصبيه
ريم ركبت قدام بحكم انها اكبر البنات سن وهي مبتسمه : يا رب لا تحرمنا من اللي تبي تمشينا
الهنوف جات : اميييره بشويشش على البوري شقيتي الارض شق
اميره رمِقتها بنظره وطلعت راسها من الشباك : قسم بالله دقيقه ما ركبتوا لا اسحب عليكم
ملاذ ركبت وهي تدري ان اميره تسويها ما عندها مشكله تسحب اما جمان اللي ركضت وحذيانها بيدها : وش بنت العم ذي المتسلطه
ملاذ ضحكت : بنت ابوها
الهنوف : ابوي مو متسلط
اميره رجعت ظهرها على المرتبه : اخوانتس المتسلطين والظالمين
الهنوف سكتت ما تبي اميره تغلط على اخوانها اكثر من كذا قدام البنات
ملاذ ضحكت : اميره انتي متأكده انتس بنت
جمان : قسسم بالله ذي ارجل من بعض العيال
ريم ضحكت وبيدها جوالها تصور : عزتي لسيف
اميره وقفت السياره بقوه والبنات صفقت روسهم بالمراتب : انزليييي
رييم بصدمه : وشش انززززل تستهبلين انتي
اميره صارخت : انزلييي لا احطتس تحت هالسياره
ريم بعصبيه : انتبهي لكلامتس اقول
الهنوف مسكت اميره : اميييره تكفيين اهديييي خلااصص
اميره بهدوء : اسفه
ريم ما زالت زعلانه : انا ابي ارجع رجعيني للخيمه
ملاذ : بنات بلا سماجه نبي نستانس
جمان اللي اهم شي عندها وناستها : اي والله نبي نستانس
ريم انقهرت من جمان : استانسوا انا برجع ، وناظرت لـ امييره ، رجعيني للخيمه
اميره شدت على الدركسون بيدينها تبي تخفف من الضغط اللي تحس فيه ودها تشب بالسياره ودها تحرق بالخيام ودها تجلد اي احد يجي بوجهها تكره عصبيتها تكره نفسها لا عصبت ما تطيق نفسسها اذا فقدت اعصابها : ريييم قلت لتتتس اناااا اسسسفه
ريم بدت تهدا : حتى اسف ما تعرفين تتأسفين وشذا الاسف واضح مره انتس ندمانه
ملاذ تبي تلطف الجو : ذا الاسف اللي بدون ندم
جمان ضحكت : اي قسم
اميره ناظرت قدام : وش هالسياره
ريم خافت وهي تشوف عيال اثنين بسياره : بسم الله تكفيين ارجعععي
جمان خافت وهي حاضنه يدين الهنوف اللي بدا عليها الخوف
ملاذ بخوف : ارجعي ارجعي بسرعه
اميره : ما راح ارجع وش بيسوون يعني وبعدين الخيام قريبه مننا
ملاذ : بنتتت صاحيييه انتي ارجععي يلا
جمان ضحكت : ذااا سيف ومحمد
اميره ما حست بنفسها شالت يديها من الدركسوون
ريم انتبهت لها ومسكت الدركسون : امييييره وششفيتس كنتي بتذبحينننا
اميره ناظرت للسياره بـ ارتباك بلعت ريقها بصعوبه وهي ما تبي تفضح نفسها قدام احد هذا هو والله هو قرييب مني حيل قدام عيوني بس بيني وبين يده عادات وتقاليد ورجل راح يدخل حياتي قريب كتمت تناهيدها المتعبه والمتلهفه ..
سيف انتبه لها شال عيونه عنها وهي للحين باقيه بباله اما محمد فـ ما ناظر لهم ابداً : البنات يتمشون
محمد : خلهم ينبسطون
سيف ابتسم كيف رضيت كيف كيف نسيت كل هالوعود والتهديدات اهه يا عيونها انا اضعف رجل بالعالم قدام عيونها القوه اللي بعيونها زعزعت ثباته حط يده على الفروه و شدها له بقوه وهو يحاول يهدي نفسه اجمعينا يا دنيا اجمعيييينا وقري عيوني بشوفتها حولي طولللل الوقت ..
—
محمد جالس يقهوي الرجال وسيف باله مشغولل وهو يحرك النار بالملقاط وما هو مع العالم ابد يفكر بعيونها وبس قد ما يقدر جالس يمنع نفسه من الابتسامه هي تهبل تهبل لدرجه تخليك تحب فيها كل شي حتى عيوبها بس لازم اغير فيها بعض الاشياء واذا ما قدرت مالي الا اني احب ذا الاشياء ...
أبو سياف : والله ما لقينا شجر كله طلع سام
ابو سند : حسيت والله لكن فيه ديار قريبه منا بها اعشاب زينه ماشاءالله
سعود : والله ياعمي مشينا وحتى رحنا على سيارة عمي ابو نوره وابعدنا شوي ما لقينا شي
ابو سند : ماهي هنا الشجر بالديار اللي ورانا
ابو نوره : ايه الظاهر والله بس تعبنا ورجعنا
فيصل : الله يعطيكم العافيه
ابو سهم : الله يعافيك
محمد بضحكه : لو رحتوا لعطاره ابرك
ابو سهم : العطاره هي تجي هنا بالبر وتاخذ من هالعشب
ابو سند : اي بالله صادق
ابو سياف ناظر لـ سيف : ولد
سيف ما هو منتبه ان ابوه يناديه ماهو معاهم يهوجس ..
ابو سياف عصب : يا سيف
سيف ناظر لـ ابوه : سم يبه
ابو سياف بحده : الله لا يبارك بعدوك انت علامك مفهي هاللون جدد القهوه
سيف : ابشر ابشر
سهم : اليوم ما فيه براد بالحيل الجو زين ماشاءالله
ابو سهم : يجي البراد تالي الليل
سند : والله اني امس اتراعد من البرردد غير جبت الفروه وتغطيت بها
سهم : مدري والله انا البارحه صدق برد لكن ما حسيته قوي
سعود : لانك جاي بالنص كلنا على يمينك ويسارك
سهم ضحك : الحمدلله يعني مكاني زين
فهد : ذا مكاني الليله
فيصل : غيروا الاماكن على كيفكم بس مكاني ترا محد بنايم فيه
ابو نوره : والله انا مكاني زين بعد لا تجونه
سعود ضحك : جاز لي مكان عمي عبدالله
ابو نوره : اقول الخلا بس
العيال ضحكوا ..
ريم جت وهي تخلط الكيك اللي بيدها : بنت امجاد هاتي حطب لا تطفي النار
امجاد تبتسم : اول مره بحياتي بذوق كيكه على حطب
جود : حتى جدتي ما سوتها
ملاذ : على اساس جدتس عمرها سوت كيك
جود : الا سوت كيك بقل
امجاد ضحكت : عزتي لجدتي اتركوها ترقد بسلام
ملاذ : خلصنا من الاحياء ما عاد باقي الا الاموات
جود ضحكت : والله خلصت سوالفنا خلاص لنا يومين مقابلين وجييه بعض
ريم : اسمعوا يا كلبات الكيكه بالفانيلا وش ازينها فيه
جمان : بالشوكلاته
جود : زينيها بـ اصابعي اجللل بعدين لحظه وش شوكلاته يا تسببدي
امجاد تضحك : شوكلاته شكلها ما سمعت محمد
جمان ضحكت : طيب وذا اسمها
جوود : اسمها شقليططططه
ريم : جووود الله يفشل بليستس وش تقولين انتي
جود : اقول الصدق مناك بس
ريم : اقوولل بس ازينها بالشوكلت ؟
جود : اي اي بالشقليططه زينيهااا
جمان : بتطبخ الكيكه لين تنقلب تسبدها على ذا الحطب
امجاد : انا من جيتتت ما شفت اميييره هي كذا بالبيت يالمها
المها : لا والله دايم تسهر خصوصاً هي وفيصل والهنوف
جود : احس فيصل فله
المها : هو فللله بس لا تقربين منه لا عصبب يصييير خايس
ريم : والله ما فيييه اخييس من عصبييية امييييره
المها ضحكت : ياعمممري يا امووور حتى وهي نايمه طاريها موجود صدق انها ماده دسمه
جمان : يهبل الحشش فيها
ريم : اي والله
—
بعد نصف ساعه
حطوا البنات جلسه برا وتكايات وقهوه وشاهي واعشاب وحلويات وحاطين كيكة ريم
ريم : يا زين كيكتي بينهم
ام سند تضحك : والله انتس سنعه يا ريم
ريم : افا علييتس يا خالتي تحسبيني مثل هالرفل هذيلن وان شاءالله الطعم يجمل
جود تشرح بضمير : انا احسها طعم فانيلا مع جمر
ملاذ : لا لا انا احسها كيكة حطب بالفانيلا
ام سهم تضحك : بالله قصيها بسرعه ابي اذوقها متحمسه اذا زينه نبي نودي الرجال
ملاذ : لا لا تكفييين من بيرجعنا للييت كلهم بتنقلب بطونهم
ام سياف : لا والله كيك ريم زيين بس مدرري عن هالحطب
ريم : بسم الله يارب لا تفرح اعدانا بفشلنا
المها جالسه تقهوي الحريم : انا اقول انها لذيذه
الهنوف تضحك : تقول كذا عشان تعطيها تاكل
المها : غصب عنها تعطيني
نوره راحت للحريم وسبقتها ريحة عطرها اللي تعبر عن ذوقها الناعم والراقي : مساء الخير
البنات : مساء النور
جود : زين جت مرت اخوي تعالي ذوقي كيكة المتخلفه ذي
ريم ضحكت : اجل انا متخلفه مافيه كيك طسي يلا
جود مبتسمه : لا بتحطين غصب عنتس
الجازي : نوره شفتي الوليد
نوره : ايه يلعب هو وتميم قريب من هنا
جود : المهم كل وحده تقول لنا تجربتها مع العرس
ام سهم قرصت جود : شتبين بتجاربنا خليها تجلس
ام سياف ضحكت : تبي تعرف كل شي لا اعرست
جود : اييوه صادقه خالتي
ام سهم بضحكه : انا اخبر يوم تزوجت عبدالعزيز وانا صغيره وقتها ومتزينه عاد
ام سياف ضحكت : الزينه هذاك الوقت حمره وكحل بس
ام سند تضحك : يوووه اللي تحط حمره هذي محد قدها
جود تضحك : ياعمري يا يمه كملي
ام سهم تضحك : واسمع الناس يقولون مريم هي وشتبي بعبدالعزيز مهبول مهبول هذا وانا ابكي واروح لـ امي الله يرحمها واقول مابيه مابيه
ام سند وام سيف والبنات يضحكون
ام سهم : قالت امي اصبري اكلم ابوتس وابوي يجي من عند الرجال ويقول وشبلاكن عاد ابوي الله يرحمه حنون ماهو من الرجال الشديده قلت يبه عبدالعزيز مهبول قال وش مهبول قلت مجنون يعني قال لا يا بنيتي وانا بزوجتس لواحد مجنون وين عقلي
امجاد تضحك : ابووي يدررري عن السالفه ذي
ام سهم تضحك : اييه وبس والله عبدالعزيز عاد طيب تراه وحليل مابه بلا
ام سند ضحكت : الله يطول بعمره انا يوم اعرست عاد على ناصر جلست سنه ببيت ابوي كل ما ودوني له انحشت كنت استحييي والعرس اول يبطي ياخذ له ايام وانا ماسكه امي وابكي وهي تهديني ويوم شفته زاد الخوف ما يضحك ولا يبتسم لكن بعد ما حملت بسند هجدت ومسكت ارضي
ريم ضحكت : يا عمري يا خالتي احس تذكريني بالهنوف
الهنوف ابتسمت : اخييراً احد نطق بالحق محد يستحي من بنات ابوي الا انا
المها : ماشاءالله وانننا
الهنوف : انتي واميره جريئات ماشاءالله
ام سند حضنت الهنوف : وهي صادقه
ام سياف : انا عاد يوم تزوجت حامد كان به من اطباع ناصر والله اني جلست سنتين ما احط عيني بعينه كنت استحي منه واذل بعد
الجازي تضحك : ابووي هيبه
ام سياف: اي والله
نوره تذكرت ليلة زواجها من سهم كانت اجمل ليله بعمرها صدق انه زواج تقليدي بس سهم طيب ومتفهم وابعد عنها كل الخوف ويحبون بعض: انا والله كنت مستحيه مررره بس هاللحين عادي يعني صرت استغرب من اللي يستحون احس مافيه شي
الجازي : صادقه والله ، و ام اميره يا خاله كيف كانت
ام سند : عسى الله يرحمها ويرحم اموات المسلمين والله لو كانت عايشه اللحين بحسبة اختي
ام سياف : الله يرحمها ويغفرلها
جمان : هي كيف ماتت
ام سهم تذكرت : صابها سرطان صح
ام سند : ايه جابت بنتها بعدها بـ اربع سنين مرضت كل شوي مرضانه وداها ناصر للمستشفى وطلع معاها سرطان بالمعده الله يرحمها وجلست سنه تعالج والله اخذ امانتها الله يرحمها
ريم : الله يرحمها يارب
جمان : بس انتي مو مقصره يا خالتي ما قد حسستي اميره ان امها متوفيه
ام سند : اميره عندي من كانت صغيره امها كانت دايم مرضانه الله يرحمها
ام سياف : عسى الله يرحمها
ام سند : عاد اسأل اميره اقولها تذكرين امتس لانها يوم ماتت واميره عمرها ٥ سنين تقول ما تذكرها ابد
المها حضنت امها : ياعمري بس الله عوضها فيتس يا احن ام بالعالم
نوره اوجعها قلبها تذكرت امها : اي والله
ام سياف : عاد جو خوالها يبون ياخذونها ورفض ابو سند قال ذي بنتي وتعيش معاي دامني حي للحين ذا على ايام جدتها يوم انها عايشه قبل تموت
ام سند : والله اتذكر اني بكيت لين طاح راسي يوم دريت انهم يبون ياخذونها تعلقت بها كنت دايم اشوفها تؤوم فيصل هو اكبر منها بسنه ف قد بعض ما بينهم شي لكن امها يوم درت انها بتموت قالت اميره امانه عندتس اسألتس عنها يوم القيامه
ريم : يروحي والله
ملاذ : عاد صدق ودي اشوف خالتي ام اميره
ام سياف : مثل بنتها تشبها بالحيييل واخبرها قويه محد يقدر عليها
ام سند ضحكت : والله محد ياخذ حقي غيرها انا كنت استحي من ابو سند هي لا والله تكلم وماعليها
المها : يعني مثل بنتها
ام سند : ايه مثلها بالضبط
المها ضحكت : انا اكبر من اميره بـ اربع سنين لمن كنا صغار والله اتذكر انها تضربني وانا اخاف منها عوبا ما غير يجي فهد ولا سند ياخذون حقي
جود ضحكت: والله انا للحين اخاف منها
امجاد : اتذكر كنا دايم نسوي مصايبنا مع بعض انا وياها وملاذ وريم يوم كنا صغار
ملاذ ضحكت : اي والله تذكرين يوم طبينا ببيت جارنا من فوق السطح
نوره مبتسمه : وشصار
ملاذ : اميره ضربتها بنت جارنا هي واخوانها
ام سند تضحك : ايه اخبره
ملاذ ضحكت : اميره ضربت البنت وبجون اخوانها يضربون اميره وعيال عمي ناصر ماهم هنا واميره حقدت على البنت كيف نطلع البنت ونضربها ورحنا طبينا عليهم بيتهم بجنب بيت عمي ناصر والبنات خافوا وانحاشوا ما بقى الا انا واميره
جود : ما بقن الا العوب
ريم ضحكت : خفت من العيال
امجاد : وانا بعد
ملاذ تضحك : بعدين امييره جلست تضرب البنت وانا اشد شعرها
البنات ضحكوا
ملاذ : وشوي يدخل ابوهم وهو يناظر لـ اميره وعرف انها بنت ناصر اما انا ما عرفني وناظر لـ اميره وعطاها عشره وقال روحي لـ ابوتس
جمان تضحك بصوت عالي : تكفييين
نوره تضحك : ضاربه بنته ويعطيها عشره شكل بنته فاقعه تسبده
ام سند ضحكت : انا اخبر يوم كانوا صغار اميره وفيصل عاد كانوا ما يدانون بعض طول اليوم وهو بالحلوق ورحنا انا وابوهم نشتري ملابس العيد واميره ضاعت ويدورونها ويدورونها وابوها يلقاها وهي ماسكه ولدين تضربهم
جود ضحكت بصوت عالي : كفووو بنت عمي
ام سياف ضحكت : يويلي
ام سند : وابوها يضحك و يشتري لها فستانين للعيد وفيصل الله يصلحه راح وهو ياخذ الحنا اللي بيد الهنوف كانت نايمه ويمسحه بفستان اميييره غيران ان ابوه ما شرا له ثوبين
الجازي تضحك : ياررربي
امجاد تضحك : نذل
بعد السوالف راحت ام سهم وبناتها ونوره يسوون العشاء..
—
الساعه ٨ مساءَ ..
ام سند راحت لـ اميره بخوف وهي تصحيها من اول بس ما تصحى : اميره
اميره ما ردت
ام سند جلست وهي تمسك يد اميره : اميره قومي يالله الوقت تأخر قومي اكلي و استانسي مع البنات
اميره اللي دافنه وجهها بالمخده : هلا
ام سند : قومي الليل امسسى ومن الصبح ما اكلتي شي حتى غدا ما اكلتي ، ناظرت للمها : هاتي لـ اختس اكل
المها راحت : ابششري
اميره جلست وهي تربطط شعرها : مابببي اكللل شبعانه
ام سند : شبعانه وش اكلتي يوم شبعتي
اميره : مابي اكلت مع ابوي الصبح
ام سند : اقول قوممي بسس
اميره : بروح اصلي
ام سند تمسح على ظهرها : روحي صلي ولا خلصتي تعالي اكلي يالله
راحت للخيمه شافت امها والمها جالسين وام سهم وبناتها وبنات ابو نوره عند العشاء جالسات وام سياف جالسه برا تصلي وبناتها معاها
بعد دقايق ..
اميره ناظرت للأكل : والله الشكل بيرفكت ماشاءالله تعالوا اكلوا
الهنوف ابتسمت : لا والله انا مالي نفس
المها جلست : انا مالي نفس بس باكل عادي
اميره : بالعافيه
ريم جت : اميييره صاحيييه اخيراً ما بغينا نشوفتس
اميره تبي ترفع ضغط ريم : بسم الله من يكلمني
ريم جلست : تكلمتس الشيخه ريم وبعدين وشذا النوم الخايس اللي نمتيه يييع
اميره : ليييه
ريم بقهر : فييه احد ينام طول اليوم
الهنوف ضحكت : تدرين اميره تنام عشر ساعات تصحى وهي معصبه ومتضايقه ومنفسه وتقول انها ما نامت بعد
ريم حطت يدينها على راسها : لا اله الا الله هذا نوم شخصين
المها : تنام عن نفسها وعن قرينها
اميره ناظرت لـ ريم : انتي كم ساعه تنامين
ريم : ست ساعات بس واصحى وانا مروقه ومبسوطه
اميره : ما تجيتس كوابيس
ريم بخرعه : يهب وشتبين فيني
اميره ضحكت : خلاص انطمي مو كل الناس ترتاح بنومها
الهنوف جلست وهي تناظر لـ اميره بتساؤل : انتي تجيتس كوابيس
اميره ناظرتها وبعدها ناظرت للأكل : يعني نقول بين فتره وفتره
الهنوف : بسم الله عليتس اقري اذكارتس قبل النوم
اميره ضحكت : ما ودي اقولتس اني انام احياناً والسماعات بـ اذني
الهنوف بعصبيه : وش تتفرجين عليه
المها : اكيد تتفرج على المقاطع ذيك الفاسده
اميره ناظرتها بطرف عين : ليه قالوا لتس المها
المها بعصبيه : تخسييين انا اتفرج على قصص هذيك مدري وش هي فيه قناه تنزل قصص
اميره تذكرت : ليكون هذيك القناه ....
المها : ايه
اميره : لا تصدقينهم ترا كل قصصهم كذب
المها بخيبه : احلفي الله ياخذهم وانا دموعي خلصت عليهم الله لا يبارك فيهم
الهنوف ضحكت : ياعمري
اميره : انا اتفرج على مسلسلاتي وبس ساعات انام والمسلسل مفتوح بعد
ريم : وشذا وانتن ما تدخلون عندها تطفون ذا المسلسل
الهنوف بأسف : تقفل الباب بالمفتاح لا جت تنام
ريم : وشعندتس تقفلينه
اميره شبعت ووقفت : وشرايتس اكتب لتس تقرير عن الاشياء اللي اسويها واخذ رايتس فيها
ريم جلست تاكل البسكوت : ما يمنع
اميره راحت تغسل : والله تعقبين
ريم رافعه صوتها : جعلتس تطيحين يا ام لسان
اميره : انا اتفرج على مسلسلاتي وبس ساعات انام والمسلسل مفتوح بعد
ريم : وشذا وانتن ما تدخلون عندها تطفون ذا المسلسل
الهنوف بأسف : تقفل الباب بالمفتاح لا جت تنام
ريم : وشعندتس تقفلينه
اميره شبعت ووقفت : وشرايتس اكتب لتس تقرير عن الاشياء اللي اسويها واخذ رايتس فيها
ريم جلست تاكل البسكوت : ما يمنع
اميره راحت تغسل : والله تعقبين
ريم رافعه صوتها : جعلتس تطيحين يا ام لسان
اميره ضحكت وراحت شافت الحريم جالسات بعيد شوي وجلستهم مره حلوه : مساء الخير
الحريم والبنات مساء النوور
جود مبتسمه : يالله تحيييها ما بغينا نشوفها
اميره وقفت : ترا بروح من اول ريم قالت ذا الكلام
امجاد : لا لا اجلسي بس خل نشبع منتس بكره ماشين ان شاءالله
البارت الحادي عشر
ام سند مسحت على ظهر اميره : الحراره هدت حيلها
ام سياف : الله ياخذ هالحراره والله انها ما تترك الواحد غير هي ذابحته
اميره : اي والله بس انا بخير اللحين
ام سند ابتسمت : الحمدلله وهاللحين حنا نبي ندخل على الشتاء بتكثر الامراض
ام سهم : اي والله انتس صادقه بس كثروا من هالبطانيات والدفايات
جمان تضحك : انا بالشتاء اتغطى بثلاث بطانيات واصحى القى امي حاطه علي وحده كني جبل
امجاد مبتسمه : ومع ذلك برد ، الشمال بردها بالعظم
جمان : اي والله
اميره ابتسمت : والله عاد انا احب فصل الشتاء
ام سهم : لا والله ماهو بزين برد
جمان : والله حلللو مره يوسع الصدر
ام سند : والله الشتاء اللي راح مسكت عاد بناتي حراره ما تركتهن
اميره : اتذكر مره فيني حراره وجالسه العب لين طحت وودوني امي وفهد للمستشفى
ام سند بقهر : دبلت تسبدي ما تسمع الكلام اهاوشها ما تطلع ثم طلعت ومرضت واعدت اخوانها كلهم
جود تضحك : ذي حيوانه
اميره ابتسمت : لا خلوني انا المها المها عاااد يوووه اذا مرضت تطيح طيحه ما تقوم صدق
ام سند : اي والله حتى الهنوف بعد بس الهنوف صبور المها ما تحمل
امجاد ضحكت : بخاطري اشوف شكل المها وهي تعبانه
اميره تضحك : ما انصحتس والله تحسستس انها بتموت خلاص وهي مافيها الا زكمه
المها جت هي وريم والهنوف : وش المها
اميره خبت وجهها بطرحة امها : بسم الله ذي وشلون جت
ام سند بضحكه : تعالي تعالي
المها جلست هي والبنات : وش تسولفون فيه
ام سهم بضحكه : نسولف بهالبرد
المها : اي والله برد بس ليه تضحكين
اميره فتحت وجهها : لا ولا شي بردانه
المها ضربتها بعلبة المويا : تسذبين تحشين فيني اكيد اعرفتس حيوانه
اميره : اححح يوجع يا حمار
ام سند ضربت اميره بخفه : وش هالكلام عيب
اميره : هي اللي بدت
جود متكيه وتشرب شاهي : يليل بنات الروضه
اميره : خفي علينا يا بنت الجامعه
-
عند الرجال تعشوا وخلصوا وجلسوا يتقهوون
ابو سياف : عز الله ما قصرتوا يا رجال ونستونا ووسعتوا صدورنا
محمد دق سيف مع كتفه : ابوك شكله طفش من وجيهنا ويبي يصرفنا
ابو سند ناظر محمد بقهر : انت علامك بس تحش ارفع علومك
ابو سهم بعصبيه : الله لا يحيي هالوجه
محمد ضحك : وشفييكم قمتوا علييي وبعدين ولا تزعلون مره ثانيه بعلمكم بكل شي
سيف تورط : ما يحش جالس يمدحكم
ابو سياف بعصبيه : اللي يمدح يمدح قدام العرب
سهم ضحك : عمي وشفيك هددد اقول سيف سو لنا شاهي والله يا ان شاهيك مساج للمخ والاعصاب احس براحه لا شربته
فيصل : الله يعافيك ترا مو بنادول
ابو سند : ماهي بزينه هالحبوب ذي يقولون بالواتس شفت واحد عاد اعوذ بالله انشل من هالحبوب
محمد ضحك : عمي شكلك انت اللي تنشر الاشاعات بالواتس
ابو سند عصب وهو دايم يهاوش محمد لانه ياخذ كل المواضيع بطقطقه : انت حق الله يبي لك علم
سند ضحك : ابوي حاقد على محمد
ابو سند مسك يد ابو سهم : خله يجلس عندي لي اسبوع اعدله لك
سيف ضحك : يا عمري يا عمي ذا انا ما عدلته وانا خويه من سنين
ابو سياف : انت تبي لك من يعدلك
العيال جلسوا يضحكون بصوت عالي
محمد ناظر لسيف وهو يضحك : سيف حبيبي
سيف انقهر من كبر الكسحه واللي قهره زياده ان هو وده يضحك بعد ناظر لـ ابوه : تمون على الرقبه يابو سياف
ابو نوره : عاد انا سيف والله اغليييه بالحيل عز الله انه ذيب تحطه على يمناك
سيف قام وحب راس عمه : ابشر بسعدك
ابو نوره ابتسم : يا حبيبي انت
ابو سند ناظر لفيصل : وينه فهد
فيصل : فهد راح ينام نعسان
ابو سند : سعود وينه
سيف : سعود راح يكلم المدير عشان يعطيييه بكره إجازه
ابو سند : الله يوفقه
الكل اميييين
-
بعد مرور يوم تحديداً يوم الاحد ..
سند واقف برا بيته يكلم خويه بالدوام : وكم عمرها
ابو خالد : عمرها ٢٧ متخرجه من الجامعه وماشاءالله ما عليها كلام اسمها أماني
سند ابتسم : لا كذا زين
أبو خالد : انا بكلم اخوانها وبخلي زوجتي تكلم اختها والله يقدم اللي به خير
سند : ان شاءالله يالله اخليك اللحين
ابو خالد : الله يحفظك وان شاءالله ما بتجيك الا العلوم اللي تسر خاطرك
سند : ان شاءالله مع السلامه
ابو خالد : مع السلامه
—
في غرفة المها كانت جالسه شافت جوالها يتصل ..
رقم غريب !
المها طنشت لكن الرقم اتصل عليها اكثر من مره فـ قررت ترد و تسكت وتشوف مين هو ..
.... : استاذه المها
المها بأستغراب : مييين !
عروب : انا عروب
المها جلست على طرف السرير : هلا عروب اشفيتس
عروب ببكاء : استاذه
المها بصدمه : وشفيتس ليه تبكين
عروب : استاذه امي ماتت وما عندي اهل انتي عارفه لا اخوان ولا خوات تكفين تعالي لي
المها بصدمه : عظم الله اجرتس يا حبيبتي بس كيف اجيتس !!!
عروب : تكفييين استاذه
المها : طيب بشوف اخواني بس انتي اهدي والله يرحم الوالده
عروب ببكاء : اميييين لا تتركيني تكفين
المها بحزن : ولا يهمتس حبيبتي بحاول اجيتس بعد العصر
عروب بعبره : طيبب
المها قفلت وهي تمسح وجهها بذهول : لا حول ولا قوة الا بالله لا حول ولا قوة الا بالله
اميره فتحت الباب بدفاشه : مافيه نوم الغدا عليتس
المها ناظرتها بهدوء : اميره تعالي
اميره جت لها وجلست بجنبها وحطت يدها على كتفها : وشفيتس !
المها حضنت اميره : تعرفين عروب
اميره بأستغراب : وشفيها
المها بحزن : امها ماتت
اميره ما تأثرت كثير بس مستغربه من المها : الله يرحمها كيف عرفتي
المها رفعت راسها : عروب قالت لي و لازم اروح لها العصر تكفين اميره امشي معاي
اميره بأستغراب : مدري احس روحتي مالها داعي
المها : اميره ذا عمل انساني
اميره وقفت وقالت بقسوه : انا شفتها مره ياختي البنت غريبه ما دخلت قلبي
المها : اميره تكفين مهما كان هي تحتاج احد بجنبها
اميره : المها انتي تدرين اني ما اعرف اواسي ما اعرف اتكلم وش اقول بجلس اعزيها وبسكت روحتي مالها داعي
المها : اسكتي عادي بس تعالي انا احتاج احد معاي
اميره : طيب والهنوف ليه ما تاخذينها
المها : الهنوف صغيره وبعدين الهنوف نايمه
اميره بتفكير : طيب ليه ما تاخذين امي معاتس
المها : اميره تكفيين مابي احد يدري
اميره وقفت : طيب انا بروح معاتس ان شاءالله على كذا اجل لازم اسوي نفسي مضحيه واسوي الغدا
المها بقهر : انتي ذا همتس
اميره ضحكت : الصدق ايه
المها : اطلعي برا
اميره : زيين بنطلع
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك