رواية اذا انتثر دمع عينك -7

رواية اذا انتثر دمع عينك - غرام

رواية اذا انتثر دمع عينك -7

كل هذا راح تعرفونه في البارت العاشـر .. ^^

~| البــآرت العـــــآشر |~

بعد نص ساعة طلع فارس من غرفته عشان يدخل الحمام ( وأنتوا بكرامة )
سارة شافته يطلع دخلت على طول غرفته : إيه هين الحين بعرف مين
وفتحت جهازه وركبت المومري حقها ومن حسن حظها لقت ملف تسجيل المحادثات حق المسن ورسلته : أكبر غلط عندك يافارس أنك تحفظ محادثاتك ماتوقعت شخص مثلك ذكي بالبرمجة والهكرز يسجل المحادثات
وخلص الإرسال للمومري وطلعت من الغرفة ولا كأن شي صار
وراحت الغرفة وحطت المومري حقها بالشنطة حقتها وقالت بنفسها "" بعدين أشوف شنو فيه لمن اتفرغ ههه نشوف من هي يافويرس "" وجلست على النت
ومع الوقت صارت الساعة عشر
مسك خلصت واجباتها وملت واتصلت على رهف تضيع الطفش
&&&&&&&&&&&&&&&&&&&&
في بيت هنادي ( أم أحمد )
دانيا تكلم أختها دانة : وين أخوك أحمدوه ما أشوفه اليوم ؟
دانة : لاتسوين نفسك ماتدرين اهو من خطب وهو مو ماسك أرضه وحتى لو يجلس معانا عقله طاير
دانيا : هههههههه بصراحة يحق له ماشالله حلوة
دانة : اي وعليها أدب وأخلاق تجنن
دانيا : بقوم أسأل امي عن أحمدوه
راحت دانيا لأمها بالصالة وشافتها تشرب القهوة مثل عادتها
دانيا : يمــه وين ولد أحمدوه أنتوا من خطبتو له مانشوفه
هنادي (أم أحمد) : يوووه يادانيا لاتظلمينه توه راجع من برا وراح غرفته يرتاح
دانيا : أهآآ .. اكيد الحين يكلم جنى بروح أجننه
هنادي : أعقلي عن ولدي
بهاللحظة دخل فيصل و زوجته ربى
فيصل و ربى : السلام عليكم
دانيا وأم أحمد : وعليكم السلام
فيصل دخل عرض : من ولدك أي واحد فيهم ؟
أم أحمد : بعد مين بعد قلبي أحمد
دانيا برطمت: شفت فصول أحمدووه ولدها بعد قلبها وانا شنو أطلع ؟
ام أحمد : أنتي بعد بنتي
دانيا : بس بنتك يعني مو بعد قلبك
أم أحمد : داينووه بلا حركات بزران ولا روحي عند أمك الثانية
فيصل : هههه خلاص أنا أخذك يابعدي يا أختي دنوو
(ملاحظة ألماس (أم فيصل ) أرضعت دانيا مع ريان فالحين دانيا تصير أخت فيصل وريان وملاك وسيف وعمار بالرضاعة ^_^ )
دانيا : إي هذا الأخو السنع ولا بلاش .. ربى أخبار حبيب عمته ؟
ربى : ههه الحمدلله يسلم عليك بس ماتدرين يمكن يطلع بنت مو ولد
دانيا : لالا أنا قلت ولد يعني ولد بعد قلبي والله .. أخبارك إنشالله ماتعبك بالحمل .. لاتفترين عليه أكيد ملاك مثل عمته دنوو ؟
ربى : هههه الحمدلله بخير ولحد الحين على قولتك ملاك مو مزعجنا
فيصل : إيييي سألي عن ولدي ولا تسألين عني إيييي ندري ندري لنا الله بس
دانيا : أووه تليقف لنا الجراح و مرعب البزران
ربى : هههههه عيب عليك ما أرضى تعايبين على زوجي
فيصل وقف ورا ربى وحط يده على كتفها : هذي حبيبتي وعمري الي تأدب دانيوو طويلة اللسان
ربى ابتسمت : تسلم حياتي
دانيا : هــي انتوا كلامكم هذا خلوه في بيتكم .. شوف تراني يوم قلت الجراح ومرعب البزران يعني مزحة لأن انت الي تفكنا من حنه البزران لأنهم يخافوا منك
فيصل رفع حواجبه وضحك : ههههه ادري يالمصلحجية ماتبين تخسريني عشان ماتضيع مصالحك ها !! هههه
دانيا : اي مصالح يا أخي وبعدين ليه ماخليت زوجتك تجي معانا المزرعة اليوم ها ؟
فيصل وقف قبال دانيا وحط صبعه السبابة على راسه : كييييفي .. مزاااجي
دخل ياسر : أحلى .. واحد كيفي وثنين في جيبي خخخ
فيصل : قديمة ماتضحك
دانيا تهز راسها بتوعد : إي هين اسمع بعد كم يوم إذا رجعت بيتكم وما لقيت زوجتك لاتقعد تصيح
فيصل مسك يد ربى وحط يدها على خده ويناظر ربى : اتحداك كان اذبحك وأشرحك بمكانك .. يعد أشوفك قمتي تتعدين على ممتلكاتي الخاصة
ياسر قام ينقز ويصفق : تخانقوا القرعان على نتفه عصيدو ويووو هههآآي
أم أحمد مسكت ياسر من كتوفه : ياسرووه استح على وجهك احترم أخوانك هم أكبر منك
فيصل : إي ترانا هالأيام راخينن لك الحبل
دانيا تلعب بشعرها : صحيح أنت عمي ماتشوف كل هذا الشعر الطويل وتقول قرعة
فيصل : صحيح أنتي شنو تستخدمين عشان صار شعرك بهالطول ؟
ياسر قام نقز و وقف قدام فيصل وحد يده على كتفه وهز راسه : يا أخي أنا ماعطيها الوصفة السحرية وبسعر رخيييص
فيصل : رح ألعب بلايستيشن رح
ياسر : لا تراني ما اكذب عليك أبد بعت عليها قملتين تخيل بس قملتين ما مر أسبوع صاروا عشرة .. وعشان تكمل الوصفة بعتها زيت دبل املا ذا الي ريحته خايسة حق الهنود بس شي عجييب
الكل : ههههههههه
فيصل : هههه الله يغربل إبليسك
دانيا تناظر ياسر : دواك بعدين
ياسر يستهبل عليها : فيفادول ولا بندول
الكل : ماتضحك
ياسر : خلوني اذلف احسن لك قبل لاتقومون علي بالنعال خخ
&&&&&&&&&&&&&&&&&&&&
في بيت سلطان (بوفيصل) .
الساعة عشر الليل
ملاك تلعب قيم بوي وسيف وعمار يلعبون بلايستيشن
دخل ريان : هــي أنتي قومي بلا لعب قومي ذاكري
ملاك ناظرته بأطرف عينها ورجعت نظرها للقيم بوي : خير أعتقد ان بكرة الجمعة يعني بقى يوم للمذاكرة
ريان : نشوف أخرتها معاك
ملاك : اقولك ترا أمي رفعت لك عشى
ريان حط يده على بطنه : شي طيب (وراح)
ملاك ربع ساعة وملت من القيم بوي سكرته وراحت غرفتها
وانسدحت على سريرها وخذت جوالها واتصلت على صديقتها تضيع الوقت والملل
عند ريان بالمطبخ ..
طلع ريان الأكل من الفرن وتوه جلس على الطاولة بيدخل الملعقة بفمه إلا يرن جواله : أوووف حتى بأكلي ما أتهنى
ويشوف الرقم وابتسم وحطه على السايلنت وقعد ياكل بهدوء
&&&&&&&&&&&&&&&&&&&&
في بيت عبدالكريم (بومشاري) ..
الجوهرة (أم مشاري) تذاكر لولدها عبدالله بغرفته و روان ورهف ومشاري جالسين بالصالة يطالعون تلفزيون
روان تفرفر بالمحطات : اووف مافيه شي حلو بهالتلفزيون أقوم اجلس على النت أحسن لي
مشاري : وليه ماتقومي تذاكري أحسن لك ها
روان سفهته وراحت غرفتها تجلس على النت وشافت سارة بالمسن واشبكت معاها
تحت بالصالة عند رهف ومشاري ..
رهف : مشاريووه شهالحركات الي مسويها مع مسك ياقليل الأدب ها تظنها من هالبنات الي تكلمهم ها
مشاري مسيح نفسه على الكنب : خير بعد بتشتغلين علي الهيئة هنا
رهف قامت وقفت على راسه : خيير ترا البنت ماهي براعية هالحركات افهم
مشاري يبغى يضيع السالفة : اقولك شوفي جوالك يهتز شكل احد يكلمك
رهف خذت جوالها وابتسمت : هلا وغلا الطيب عند ذكره
مشاري وقف جنبها وحط اذنه على جوال رهف
رهف تبعد مشاري : خير شنو تبغى بعد تجسس على مكالماتي
مشاري : من تكلمين مسك
رهف : شدخلك اكلمها ولا لأ
مشاري سحب جوال رهف بخفة وبصوت ساحر : هلا ومسهلا حبيبتي أخبار الحلو ؟ اشتقتي لي ؟ انا اشتقت لك يابعد عمري
مسك : هلا مشاري أنا الحمدلله أنت اخبارك ؟
مشاري : آآآآآآه انا بخير من سمعت صوتك
مسك : اسمع تراني أعتبرك مثلك مثل فارس
مشاري مسوي نفسه منصدم : بس مثل فارس
مسك بقوة : إيه وممكن تعطيني رهف
مشاري : بتشوفين ياقلبي بخليك تحبيني غصبن عنك
مسك سمعت كلامه تلون وجهها وتذكرت كلام أختها سارة يمكن يحبها بس بسرعة سكرت الخط وقالت بنفسها "" لالا هذا مشاري يحب يلعب على البنات ""
مشاري : أووه سكرت ( وطلع جواله يبغى ينقل رقم مسك عنده بس رهف سحبت جوالها )
رهف : خير بعد تاخذ رقمها والله لأقول لأبوي عن سوالفك إذا ماعقلت
مشاري رفع حاجبه باستهزاء وتوه بيرد عليها إلا يرن جواله بيده ويطالع الرقم ويرد عليه وهو يمشي لغرفته : اهليين .. تعبت وأنا انتظرك .. هههههه يابعد عمري صحيح .. (ودخل غرفته )
رهف : هين يامشاريووه تلعب على بنت عمي ربي مايضرب بعصا
وراحت رهف غرفتها واتصلت على مسك
مسك ردت بس بدون ماتتكلم
رهف : هلا مسك اسفة الزفت خذ جوالي من عرف أنك أنتي المتصله
مسك : أهآآ ريحتي قلبي وأنا الي أقول بذبحك لو أنك معطيته
رهف : لازم نحط حد لحركاته
مسك : قولي انا أسمع مع أني قلت له أنه مثل فارس
رهف : طيب سمعي
نهــــــآآية البارت العـــــــــآشر .. ^^
أرأئكم وتوقعاتكم تهمني .. ^^
&&&&&&&&&&&&&&&&&&&&&&&&&&&&&&

~| البــآرت الحــ عـشر ــآدي |~

وراحت رهف غرفتها واتصلت على مسك
مسك ردت بس بدون ماتتكلم
رهف : هلا مسك اسفة الزفت خذ جوالي من عرف أنك أنتي المتصله
مسك : أهآآ ريحتي قلبي وأنا الي أقول بذبحك لو أنك معطيته
رهف : لازم نحط حد لحركاته
مسك : قولي انا أسمع مع أني قلت له أنه مثل فارس
رهف : طيب سمعي حقريه ولا تعطينه وجه أبدا
مسك : طيب ونشوف شنو بيصير
رهف : يلا أشوف الحين غيري السالفة
وظلوا مسك ورهف يسولفون ويتنقلون من سالفة لسالفة
&&&&&&&&&&&&&&&&&&&&
يوم السبت في المدرسة
في قسم الثنوي
عند ملاك ورهف في الحصة الأولى ..
ملاك تتثاوب ومتكية وحاطة يدينها على خدودها : رهوف شنو علينا الحين ؟
رهف تناظر الجدول حقها بلا اهتمام : استغفر ربي علينا فيزياء من اول حصة
ملاك تتثاوب مرة ثانية وتحط يدها على فمها : تقصدين نومياء (هذا مصطلح من مصطلحات ملاك وتقصد فيه فيزياء )
رهف حطت يدها على خدها : إييه
دخلت ابله الفيزياء : السلام عليكم
البنات وقوفوا : وعليكم السلام ورحمة الله وبركاته
ابله الفيزياء : تفضلوا .. اليوم راح اشرح لكم قصة اكتشاف الجاذبيية مع اشهر العالماء والكل يعرفه ألا وهو نيوتن وبدت تشرح لهم عن قصة نيوتن ويا التفاحة
ابله الفيزياء : يابنات يلا شاركوا شفيكم اليوم خاملين ؟
رهف : ابله اليوم السبت
ابله الفيزياء : وشنو فيه يوم السبت ؟
ملاك : يعني ابله هو بعد يوم الجمعة ويوم الجمعة إجازة يعني بيكون ملل
رهف : إيه أبلة والمخ مقفل مايستقبل شي
ملاك : ليه هو بلوتوث هههههه
رهف : حلوة هههه
ابله الفيزياء : رهف ملاك بس اسكتوا
وكملت الأبلة شرح
ملاك رفعت يدها ويدها الثانية على خدها
ابله الفيزياء : ملاك
ملاك وهي جالسة و تكلم الابله بطريقة استهزاء واستهبال : ابله بستفسر استفسار مهم يمكن يغير مجرى البشرية كلها
رهف تناظر ملاك ورافعه حاجبها
ابله الفيزياء تعرف حركات ملاك بس قالت لها : سألي مع اني أعرف أنك تبغين تضيعين الحصة
ملاك وقفت وهي ماسكة القلم بيدها ورافعته على خدها اليمين : ابله تتوقعين ليه نيوتن ما اكل التفاحة وحمد ربه ورجع نام وفكنا؟؟ يعني ابله لازم يخرب عيشة الطلاب بالمذاكرة ؟؟
البنات : هههههههههه
رهف وهي جالسة وحاطة يدها اليسرى تحت ذقنها واليد الثانية تقلب مسّاحتها على طاولتها : يعني ياولد الناس ليه ماأكلت التفاحة وحمدت ربك جاي تقول لنا ليه التفاحة طاحت تحت ماطاحت فوق ..
البنات : هههههههههههه
ابله الفيزياء تقاطع ملاك ورهف ببرود: ملاااك اجلسي احسن لك واحسن لنا وإذا مو عاجبتكم الحصة يابنات ال . ( قالت اسم عيلة ملاك ورهف ) مو لازم تحظرونها
رهف وملاك : لاأبد سلامتك
ملاك : ابله بس حبيت يعني استفسر لاأكثر
الأبله طنشتها وكملت شرح
&&&&&&&&&&&&&&&&&&&&&&&&&&&&&&
في قسم المتوسط
في الحصة الثانية ..
سارة الي كانت ورا روان انحنت لقدام شوي وقامت تهمس لروان : روانوه
روان رجعت الكرسي حقها لورى شوي عشان تصير قريبة من سارة اكثر : هاا
سارة بهمس : انا بطلع من الحصة بقول للابلة أني بودي دفتر رياضيات لاختي تحتاجه
روان بهمس : ها .. أجل أنا بستأذن بروح الحمام
سارة : أهم شي الأبله قيمتك بالقرآن
روان : أيه قيمتني وانتي ؟
سارة : ايه يلا انتظرك برا اوكيك
روان : أوكيك
سارة تكلم صديقتها شوق الي جنبها : شويق ما أوصيك غطي علينا ها
شوق : اوكيه
بعد دقيقتين وقفت سارة : ابله ابله
ابله القرآن : نعم سارة
سارة : ابله اختي نست دفترها الرياضيات عندي بوديه لها ( وترفع دفتر من دفاترها يعني هذا دفتر الرياضيات )
ابله القرآن : طيب بس دقيقة أتأكد أني قيمتك ( وتشوف اسم سارة ) إيه خلاص روحي وديه قيمتك ذاك الأسبوع
سارة راحت تطلع : مشكورة ابله (وتطلع)
بعد ثلاث دقايق تقريبا وقفت روان : ابله ممكن دورة المياه (الله يعزكم)
ابله القرآن : ضروري ؟
روان : ضروري يا ابله
ابله القرآن تناظر اسم روان : روحي قيمتك ذاك الأسبوع
روان حاولت تمسك نفسها عشان ماتنطط بالفصل من الفرح : مشكورة ابله ( وتطلع )
أول ماطلعت روان من الفصل كانت بوجها سارة مسكوا يد بعض وقاموا ينقزوا : ههههههه
وقفوا تنقز وقاموا يمشون بالسيب (الممر)
سارة وهي ماسكة الدفتر : إممم شرايك شنسوي الحين ؟
روان : إممم خليني افكر
ودخلوا على الكافتيريا
وهم يتمشون يناظرون باب قسم الثنوي الي كان مفتوح على الكافتيريا
روان وسارة ابتسموا ولفوا على بعض
روان : تفكري بالي أفكر فيه
سارة : أبه يلا أنا بطلع اختي وانتي طلعي اختك
روان : طيب .. وملوك تكسر الخاطر كيف نطلعها ؟
سارة : كيفها والله لو تبغى تطلع تسوي مثلك تستأذن لدورة المياه (الله يعزكم)
روان : أجل يلا
ودخلوا قسم الثانوي من جهة باب الكافتيريا
سارة : يلا روان طلعي رهف عشان نطلع بعدها مسك
روان : اوووكيييك
بعدت سارة عن باب فصل رهف وملاك شوي عشان الأبلة ماتشوفها وينكشفون
دقت باب الفصل روان وفتحته : السلام عليكم
ابله الكيمياء وقفت شرح الي ولا بنت فهمت شي من هالشرح : وعليكم السلام بغيتي شي
روان وقفت عند الباب وهي ماسكة قبضت الباب وابتسمت ابتسامة اصطناعية : إذا ماعليك أمر يا ابله ممكن اختي رهف
ابله الكيمياء : ليه .. و شنو جابك لقسم ثنوي ؟
روان ابتسم مرة ثانية ابتسامة اصطناعية : ابله المرشدة الطلابية قالت لي نادي اختك خليها تجي معاك
ابله الكيمياء وهي شاكة بالموضوع : طيب ليه ماسوت لها نداء بالأنترفون ( ملاحظة المدرسة حقتهم مطورة شوي يعني فيه سماعات مدمجة مع الجدار فوق السبورة حق الجرس وإعلان اي إستئذان أو أي شي إلخ )
روان : عاد يا ابله شسوي لها المرشدة إذا ما استخدمت الأنترفون وخلتني اجي
ابله الكيمياء : طيب
روان : مشكورة يا ابله
ابله الكيمياء : ولا تتأخري يا رهف
رهف وملاك من أول مادخلت روان الفصل عرفوا إنها خطة هروب
رهف في نفسها "" هذا إذا رجعت "" وحاولت إنها ماتبتسم قامت من كرسيها : طيب
وراحت رهف عند جهة الباب والأبلة طاح قلمها بالأرض فانحنت تاخذه بهاللحظة رهف و روان رفعوا يدينهم وسوو علامة الصبعين (علامة البيس ) وكل بنات الفصل ابتسموا وطلعوا روان ورهف برا الفصل
رهف مبتسمة : واااو أخيرا جا أحد وانقذني من هالحصة تسلمون ياحبيباتي
روان وسارة بغرور : عشان تعرفي قيمتنا
رهف : مسكينة ملاك بتطفش بالحصة اكثر من دوني الحين
سارة : وليه يعني من دونك بتطفش أهي طفشانة من الأساس
رهف : على الأقل يوم أنا جنبها اسولف معاها كل دقيقة
سارة : أهآآ يلا ماعليه الحين تشوفينها برا الفصل
وصحيح ماخذوا خمس دقايق واقفين جنب الفصل إلا تطلع لهم ملاك
سارة تناظر ساعتها : مبروووك كان لاطلعتي
ملاك : أخذ مني وقت أني أمثل على الأبلة ان بطني يعورني وبروح الصحة خخخ
روان : هههه تعجبيني
رهف : يلا هذا عجبك طلعنا من هالغثة
سارة تبتسم : باقي أخر وحدة نحررها
ملاك : ههه أحس أنك تتكلمين عن تحرير فلسطين
روان : يلا يلا بسرعة
وراحوا على جهة فصل مسك وطلت ملاك من النافذة الي في الباب : يابعد عمري يامسووك شوفيها حاطة يدها على خدها
سارة طلت : يابعدي يا اختي تكسر الخاطر
روان : سارة يلا دورك
سارة غمزت لها : اوكيييك
وسوت سارة نفس الي سوته روان مع رهف وطلعت مسك من الفصل
ملاك : الحمدلله على السلامة
مسك والدنيا مو سايعتها من الفرح : الله يسلمك .. أحلى تهريب
روان : عشان تعرفي قيمتنا
مسك : هههه أقول شنو كان عليكم ؟
ملاك : نومياء (تقصد الفيزياء)
مسك : هههه أجل احنا كان عندنا خلبرططات ( تقصد كيمياء)
سارة : بنات أنا عازمتكم الحين على كافتيريا المدرسة
مسك : بنات لايفوتكم مدام سويرة عازمتكم يلا
ملاك ورهف وروان : يلا
وراحوا للكافتيريا
جلسوا على وحدة من الطاولات
سارة : شنو تبغون اشتري لكم ؟
ملاك : الي يقول احنا بمطعم عشان نطلب خخخ
رهف : جيبي ثلاث علب ورق عنب وخمس علب عصير مانجو
مسك : لالا أنا ما ابغى مانجو أبغى برتقال
سارة : طيب وبعد
روان : والله مافيه شي بس جيبي كم فطيرة جبن وسبانخ وكم جلكسي وبطاطس
سارة : خلاص أوكي
وراحت سارة وشرت الي يبغونه وجلسوا على الطاولة ياكلون ويسولفون
وطبعا فوتوا الحصة الثالثة وشوق صديقة سارة قالت للأبلة الي عليهم أن سارة وروان في الإدارة يبغونهم و في فصل رهف وملاك البنات قالوا أن رهف عند المرشدة الطلابية حق اختها وملاك تعبانة في الصحة و في فصل مسك قالوا أن مسك راحت عند المرشدة الطلابية حق أختها
دق جرس الفسحة واغلب البنات قاموا يدخلون الكافتيريا وجاو بنتين يسلمون على مسك
مسك : هذا اختي سارة تعرفونها .. وهذيل بنات عمي رهف وروان خوات .. وهذي بنت عمي الثانية ملاك
رنا صديقة مسك : مشالله تبارك الرحمن انتوا يابنات ال . (قالت اسم عيلة مسك ) حلوات ماشالله عليكم
خلود صديقة مسك : إي والله بسم الله عليكم
رهف بابتسامة : عيونكم الحلوة
وجلسوا على طاولة من طاولات الكافتيريا وقعدوا يسولفون
جات لهم بنت في ثالث متوسط ومعاها شلتها اسمها أماني مغرورة ورافعة خشمها على البنات وماتشتهي روان وسارة
أماني : هـــي انتوا قوموا عن طاولتنا
ملاك لفت عليها : خير
أماني تناظر ملاك بنظرات استحقار : قوموا عن طاولتنا
مسك رافعة حاجبها : أعتقد أن في اسلوب يقول ممكن لو سمحتي مو هــي
أماني بغرور : مو أنتي الي تعلميني البرستيج والأدب يلا قوموا
روان تتريق عليها : ليه هي طاولة أبوك الي جابك
سارة نفس الشي تتريق عليها : لالا روان حرام نظلم البنت خلينا ندور اسمها على الطاولة يمكن حقتها وأحنا ماندري
رهف : هههههههههه
أماني انقهرت : ضحكتي من سرك بلا
ملاك ناظرتها باحتقار : بليز لو سمحتي عن الغلط يا ام البرستيج والادب
رهف : ههههه فشلووها فشلوها
أماني دفعت ملاك بقوة : باعدي عن طاولتنا
ملاك مسكت نفسها و روان وسارة قاموا
سارة : خييير خيير اشوفك مديتي يدك
روان : إن مديتيها مرة ثانية لأكسرها لك
أماني : يلا اذلفوا
رهف وقفت و معاها مسك وصديقاتها رنا وخلود
مسك بدلع : بنات يلا خلونا نقوم عن هالأشكال الهمج أحسن لنا ما ودنا نضيق خلقنا
اماني عصبت وقامت تصارخ : مالهمج الا أنتوا
وحدة من شلت أماني اسمها هدى : ندري أنكم حلوات يابنات ال .. (قالت عيلتهم) ومغرورات يلا قوموا بجد حشرات
رنا : مالمغرور الا أنتوا
سارة بدلع : أووف قرف قرف .. بنات خلونا نقوم أحنا مانكلم هالأشكال
قاموا البنات
مسك وقفت قدام أماني وأشرت عليها بأطرف صبعها بغرور : أنتي قبل لاتكلميني وتجي تتأمرين عرفي أنتي بنت من وأنا بنت مين طيب ( وحركة شعرها بغرور وبعدت عنها مسك)
ملاك نفس الشي وقفت قبال أماني وكلمتها بطريقة استفازية : أنتي بالأول عرفي المهندس سلطان بن عبدالله ال هذا يصير أبوي معروف ومشهور بعدين تعالي كلميني طيب
أماني انفجرت غضب ودفعت ملاك بقوة بس رهف مسكتها
وقامت أماني تصارخ والبنات تجمعوا حولينهم
روان بدلع : أوووه شو هالإزعاج بنات ماودكم نمشي
البنات : يلا
ومشوا وخلوا أماني تصارخ بروحها وشلتها يهدونها
أول مابتعدوا الشلة
الشلة : هههههههههههههههههههههههههههههه
سارة : ملاكووه ما ادري شلون جاك الدلع ههههههههههههههه
ملاك : ههههه والله حتى أنا نفسك أول مرة اسويها هههه
مسك : هههه هالأشكال ماينفع معهم إلا كذا
رهف : ههههههه صدقتي والله
خلود : أول مرة أشوفكم تتدلعون خخ
مسك : هههه بعد شنو نسوي أحنا مانحب نتدلع كذا بس هالأشكال ماينفع معاهم إلا هالأسلوب
رنا وخلود : يلا خلونا نتمشى
البنات : يلآ
وتمشوا وبعدين رن الجرس معلن نهاية الفسحة وكلهم دخلوا على فصولهم ومر اليوم كله عادي و ممل بالنسبة للبنات
&&&&&&&&&&&&&&&&&&&&&&&&&&&&&&&&
وبعد كل هالأحداث مرت الايام وصار يوم الأربعاء ..
كان يوم الاربعاء يوم انتقال عايلة بوفارس لبيتهم الجديد طبعا هم رتبوا بيتهم وجهزوا كل شي فيه من إثاث وغيره بس باقي يروحون هناك وياخذون بقية ثيابهم في شنط
الساعة 9 الليل
دخلوا عايلة بوفارس بيتهم و الكل حط شنطة اغراضه بغرفته
مسك تكلم سارة وهم يتمشون في فلتهـم : سوييرة تصدقين ان احنا نقلنا من بيتنا وصار عندنا حديقة ومسبح كبير
سارة : إيه أصدق ليه ما اصدق اخيرا
مسك : أقول شرايك نعزم ملاك ورهف و روان يجون ينامون عندنا اليوم
سارة : والله فكرة عشان بكرة بتصير في بتنا جمعة بمناسبة انتقالنا و رجعت بيت عمي خالد (بومشعل)
مسك : حلو حلو
سارة : يلا سي يو بروح ادقدق عليهم يجون
مسك : أوكيك أنا بروح الحديقة بجلس فيها انتظرك
سارة : أوكيييك
&&&&&&&&&&&&&&&&&&&&&&&&&&&&&&&&&

برا الفــله ..

جا سامي عند الباب الحديدي الكبير لبيت عمه بو فارس شاف فارس واقف جنب باب بيتهم أو بالأحرى فلتهم الجديدة
سامي : فروووس على البركة
فارس : الله يبارك فيك .. حركات مطقمين مع بعض
سامي ناظر ملابسه : ههههههه .. اقولك تعال بيتنا ريح شوي بعد هالتعب
سامي كان لابس جينز فاتح وقميص لونه برتقالي وفيه كلام بالأنجليزي بالاسود ولابس كاب لونه أسود
فارس كان لابس جينز فاتح وتي شيرت برتقالي مكتوب فيه كلام بالأنجليزي بالأسود
فارس : طيب بس بقول لابوي عشان لايدورني الحين
سامي : طيب أنتظرك
راح فارس داخل : يبــه يـــبه
بوفارس : هلا
فارس : أنا بروح بيت عمي خالد الحين يعني لاتدورني
بوفارس : طيب
طلع فارس لسامي : يلا
ودخلوا بيت خالد (بومشعل) وما كان فيه احد
فارس : وين اخوانك غريبة ؟
سامي : مشعل مبعد يجي من دوامه ورامي طالع يفرفر في هالشوارع وسمر فوق على النت وامي نايمة الحين
فارس : بس بس تقرير ما يسوى سؤال
سامي : خخخخ
فارس شاف بلايستيشن مشبوك على التلفزيون
فارس : حركات تلعبون بلايستيشن
سامي : إيه انا ومشعل نلعب ونتبارى بعد هههه
فارس : هههه اقول ودي ألعب شوي فيه
سامي : عادي ألعب فيه ماحد قالك لا
قام فارس من الكنب وجلس على الأرض وصار بينه وبين التلفزيون متر ونص ومسك يد اللعب وجلس يلعب
فارس : اقول ساميووه قم العب معي تكن (لعبة من أنواع المصارعة) والله لاكسرك تكسير
سامي : ماتخاف أنا الي اكسرك
فارس : جرب وشوف .. والي يفوز يجيب للثاني بيبسي من المطبخ خخخ
سامي : هههه طيب
ولعبـــوا في أول دور خسر فارس
سامي : يلا قم جيب لي بيبسي من المطبخ خخ
فارس يحرك بيده خصلات شعره الي على عيونه : هههههه بس أنا ما أدل مطبخكم
سامي : مافيه يعني بتتهرب شوفه على يسارك امش سيده ولف يمين وتشوفه والبيبسي بالثلاجة خخ
فارس : والله لو أنك توصف قاعة أفراح أحسن خخخخخخخخخ
سامي : ههههه يالله قم جيبه
فارس راح المطبخ وجاب قوطي بيبسي ورجع
فارس : هذ هو وتجهز للهزيمة بس
سامي : طيب نشوف
ولعــبوا مرة ثانية لكن هالمرة خسر سامي
فارس : يلا قم جيب لي بيبسي من الثلاجة وصبه في كاس ومعه ثلج خخ
سامي : ههههه وتتشرط بعد
فارس : هههههههههههههههه
سامي ابتسم : طيب ماعليه ( وفصخ الكاب حقه وحطه على راس فارس وراح للمطبخ)
بنفس اللحظة الي طلع سامي من الصالة ودخل فيها الطبخ نزلت سمر تدندن بصوتها الناعم ولابسة بيجامة بيتية عادية لونها رصاصية من ناحة الأكمام صايرة جبنيز شافت فارس جالس يلعب بلايشتيشن ولابس الكاب الاسود ومعطيها ظهره وهي المسكينة ظنته أخوها سامي لأن نفس الوان الملابس والكاب الأسود محطوط على راسه فما ميزت انه مو أخوها
وقفت وراه وفارس ماحس فيها لأن صوت اللعبة عالي شوي
سمر انحنت شوي على جهة أذن فارس وهمست : بوووه
فارس بهاللحظة تجمد ولا قدر يتكلم فنزل راسه
سمر وهي لحد الحين ماعرفت أنه مو سامي حطت ذقنها على راسه وحوطت يدينها ذقن فارس ورفعت راسه شوي : سامي شرايك اليوم نزور بيت عمي بوفارس ونبارك لهم بيتهم الجديد
فارس لحد الحين مو عارف شنو يسوي ويناظر بالتلفزيون بحيره ويقول بنفسه "" ياربي شسوي الحين "" : أحــم أحم
سمر شالت يدينها عن ذقن فارس
فارس نزل راسه مرة ثانية
سمر راحت قباله وجلست : بلا هالحركات سامي يلا تكلم (ورفعت الكاب عن راسه شافت عيون رمادية وساع انصدمت وطاح الكاب من يدها ) : أأ ..أ
فارس رفع نظره لها يوم شالت الكاب من راسه ونزل عينه عنها بسرعة وأخذ الكاب الي طاح منها ولبسه وقام يناظر جهة اليمين : أأأ .. أ.. أأسف
سمر تجمعت الدموع بعيونها وبسرعة قامت وراحت غرفتها
رجع سامي بالبيبسي : وهذا البيبسي أخذه وحطيت لك فيه ثلج خخ
فارس يجامله : ههههههه وأنا أقول ليه تأخرت يلا خلنا نكمل لعب
وكملوا لعب وبعدين جلسوا يسولفون
&&&&&&&&&&&&&&&&&&&&&&&&&&&&&
عند سمر بغرفتها
قفلت باب غرفتها وتسندت على الباب وحطت يدها على قلبها : يمــه ولا أنا الدلخة ولا حسيت (ونزلت دموعها وبسرعة مسحتهم ) لالا بس انا ما ادري وأهو ما ناظرني ولف وجهه .. الحمدلله عدت على خير
وجلست سمر تفكر بعيونه الرمادية الوساع
&&&&&&&&&&&&&&&&&&&&&&&&&&&&&&
الساعة عشر
في بيت بومشاري
اتصلت عليهم سارة وقالت لهم يجون عندهم واهم ماصدقوا خبر جهزوا اغراضهم ولبسوا عباياتهم
روان تكلم مشاري : مشاااري يلا قوم وصلنا
مشاري : أنا مو سواق ابوك ثانيا على وين إنشالله
رهف : اووه مشاري سارة ومسك عزمونا على بيتهم ننام عندهم
مشاري : واستاذنتم من أبوي قبل لاتتجهزون
روان : واستأذنا من أمي بعد إذا مايكفيك يلا قوم
رن التليفون وأقرب وحدة كانت روان رفعته : هلا وغلا
ملاك : هلا أقول مروني إذا جيتوا تروحون بيت خالي بوفارس طيب
روان : أوكيك بس مشاريوه مو راضي يوصلنا الحين
ملاك : بعد بعد أنا اخوي ريانوه طالع فما قدرت فعذرته عطيني مشاريوه
روان : طيب .. مشاري ملاك تبغيك
مشاري رفع حاجبه واخذ سامعة التليفون : هاا
ملاك : و وجعاه إنشالله قم يلا قم وصلنا ريان مو موجود يودينا يلا
مشاري : لا والله .. شوفي أوصلكم بس بشرط
ملاك : بعد بعــد تتشرط
مشاري : اسمعي إذا تبغين أوصلكم
ملاك : هذا أنا أسمع
مشاري : كل وحدة تدفع لي عشرة حق البانزين لسيارتي
رهف : والله أنك بخيييييل حدك
روان : يلا قم ونعطيك فلوسك
ملاك في التليفون : أوكيك يالفقير بنتصدق لك لوجهه الله
مشاري : اجهزوا دقيقتين إذا ماطلعتوا والله لأمشي عنكم
ملاك سكرت السماعة من دون ماتقول مع السلامة


يتبع ,,,,

👇👇👇

تعليقات