رواية ساره وصراع الحب -7
غاده تضحك:هذا شي بسيط من اللي نسويه الجايات أحسن رهام تصدقين كان نفسي في ذيك اللحظه اضمه ابوسه مدري شسوي جاني احساس غريب.
رهام:حلو ولا لا.
غاده:يجنن.
رهام:يارب يجي يتزوجني يارب.
غاده:يارب تعالي بوريك شي.
وراحوا عند محل اكسسوارات وهدايا.
رهام:واو يجنن نفسي آخذ هديه لفارس.
غاده:راح تعطينه هديه وأنا راح اعطيه.
رهام:بس شلون.
ورتها غاده ميداليات وقلادات ممكن يحفرون عليها اي شي اخذت غاده ورهام ميداليه شكل قلب تنفتح مكتوب داخلها شعر مره حلو ومن برا كل وحده قالت للي يبيع يحفر حرفها وحرف اللي تحبه.
غاده:بكره بنرجع الرياض طبعا الكل راح ينام من التعب أنا وأنت راح نحط الميداليات عند فارس وفراس.
رهام:حلو أجل خلينا نرجع الغرفه فيني نوووم.
غاده:يلا.
ورجعوا على طول ناموا جا الصباح وصحوا الحريم والرجال وصحوا البنات والاولاد عشان يروحون المطار ويرجعون الرياض راحوا المطار الساعه٩والساعه١٠ ركبوا الطياره الكل كان نايم بس غاده ورهام صاحين.
غاده:خلينا نروح الحمام واحنا راجعين نحطها.
رهام:يلا.
وراحوا بعد ماطلعت رهام ماانتبهت للرفعه اللي عند البنات توها بتطيح فارس مسكها رهام رفعت رأسها شافته فارس.
رهام:اسفه.
فارس:أهم شي ماصار لك شي.
رهام:مرتبكه لا.
وراحت تبي ترجع مكانها طاح منها الميداليه.
فارس:رهام طاحت ميداليتك.
لفت واخذتها.
رهام:شكرا.
فارس:العفو صراحه شكلها مره حلو بالذات حرفك اللي فيه.
رهام من الحيا تمنت الطياره تنشق وتطيح منها.
اما غاده واقفه جنب الحمام من الجهه الثانيه وماانتبهت لرهام لما طلعت جا فراس.
فراس:بتدخلين.
غاده:من الصدمه والخوف وقفت مكانها ماتكلمت.
فراس:غاده بتدخلين الحمام.
غاده انتبهت:ها لا لا.
فراس:طيب ممكن تمسكين لي الباب.
غاده:غاده مافي مشكله.
فراس:طيب معليش ابغاك تمسكين أغراضي.
غاده:عادي.
واعطاها بوكه ودفتر كان بجيبه صغير وميدالية مفاتيح ودخل الحمام وطول.
فتحت غاده البوك شافت صور اولاد خوالها واعمامها وفيه صورتين له.
غاده في نفسها:راح اخذ الصوره ماراح يفتقدها.
واخذتها وفتحت الدفتر أول صفحه شافت حرفrومكتوب بجنبه شعر والصفحه الثانيه والثالثه كل صفحه حرفrومكتوب عنده شعر وكل واحد شكله احلى من الثاني شوي طلع فراس وارتبكت غاده واعطته اغراضه وحطت الميداليه مع الأغراض وراحت مكانها.
غاده جلست بسرعه وشربت مويه كثير.
رهام:خلاص خلاص بطنك ارحميه.
غاده:ماتدرين ايش صار.
رهام:ماصار لك كثر اللي صار لي.
غاده طلعت الصوره:شوفي ايش اخذت.
رهام:وجع من وين اخذتيها.
غاده:لا واعطيته الميداليه وأنتي.
رهام:والله من الخوف نسيت بس شلون اخذتي الصوره.
وعلمتها غاده بكل اللي صار.
رهام:واو خلاص الحين ضمنا انهم يحبونا ويعرفون مشاعرنا.
غاده:لا باقي كثير بس اصبري كل شي بوقته بس ماقلتيلي ايش صار معاك.
رهام علمتها بكل شي.
غاده:الحين ارتاح قلبي سوينا شي مايقدرون الخسيسات يسوونه.
وصلوا الرياض الظهر وكل واحد راح بيته وناااام الحريم والرجال يصحون بدري بس البنات والاولاد ماصحوا الا اليوم الثاني هو يوم السبت طبعا الكل غايب اما رغد مانامت رجعت ترتب أغراضها شوي اتصل محمد.
رغد بصوت كلها نوم:الو.
محمد:سلام أخبار حياتي الحمدلله على السلامه.
رغد:اللي يسلمك حبيبي.
محمد:صحيتك من النوم.
رغد:لا توني خلصت من الشنطه جيت بنام اتصلت علي بس عادي الوقت كله لك ياعمري.
محمد:تسلمين حبيبتي بس خلاص إذا صحيتي اعطيني رنه راح اتصل عليك ابغاك بموضوع.
رغد:من عيوني حياتي.
محمد:أجل مع السلامه.
رغد:مع السلامه.
وراحت نامت.
صحت ساره اليوم الثاني الظهر شافت جوالها٢٥مكالمه و٣رسايل ١٠من هدى و٥من الاء و٥من أستاذه هديل و٥رقم غريب شافت الرسايل وحده من الاء وثنتين الرقم الغريب فتحت الرساله الاولى مكتوب.
صباح الخير والضحكه..
صباح الخير والبسمه..
صباح الحب لاحلى شخص سكن قلبي..
افديه بروحي ودمي..
ساره:غريبه شكله مضيع.
توها بتفتح الرساله الثانيه نادتها امها ونزلت عشان تتغدا بعد الغداء جاتها ضي ورغد واخذوها وراحوا السوق عشان رغد باقي لها أشياء بسيطه وتخلص وراحوا السوق ونست ساره الرساله وخلصوا من السوق ووصلوا رغد بيتهم وضي راحت مع ساره بيتهم ودخلوا البيت وسلموا وكان الكل موجود في الصاله.
أم فهد:هلا والله ببنتي اخبارك؟وأخبار امك؟
ضي:الحمدلله طيبه وهي تسلم عليك.
أم فهد:الله يسلمك ويسلمها ها أخبار الجامعه معاك؟
ضي:الحمدلله تمام.
أم فهد:يلا عقبال ماتتخرجين منها ونزوجك فهد.
ضي استحت مررره وحمر وجهها وفهد يناظر فيها مبتسم.
ساره:يلا عن اذنكم بروح مع ضي الغرفه.
أم فهد:الله يحفظكم ويستر عليكم.
وراحت الغرفة مع ساره وجلسوا على الابتوب شوي دق جوال ساره شافت الرقم الاء وردت عليها.
الاء:اهلين اخبارك والله وحشتيني مررره.
ساره:تسلمين حياتي بس شسوي تونا أمس جينا من السفر وما قدرت اجي بس ان شاءالله بكره اجي.
الاء:والله اليوم جيت توقعتك تجين بصراحه المدرسه مظلمه بدونك.
ساره استحت:ياعمري أنتي خلاص بكره ان شاءالله اقابلك بس خليك عند الباب.
الاء تضحك:من عيوني.
ساره:تسلم عيونك ياعيوني.
وجلسوا يسولفون بعد ماسكرت من عندها رجعت عند ضي على الابتوت شوي جاتها رساله فتحتها لقتها من الاء توها بتطلع شافت الرساله اللي اليوم.
ساره:ضي ضي شوفي جاتني رساله اليوم أول ماصحيت شفتها واتصال من رقم غريب.
وورتها الرساله يوم فتحت الرساله الثانيه صرخت بقوه.
ضي:ساره ايش فيك.
ساره تبكي:ليش ليش يسوي كذا.
ضي:ايش السالفه ومين اللي يسوي فيك كذا.
وأعطتها الجوال لما قراءتها ضي حطت يدها على فمها مصدومه.
ساره وهي تبكي:معليش سولفت معاه وضحكت بس مو يأخذ رقمي ويراسلني ويتصل علي الخسيس.
ضي:تجد فيصل ذا ماينعطا وجه ابد.
ساره وهي كلها بكاء صرخت:أنا راح اوقفه عند حده خلاص لا تقولين لي انتظري انتظرت بما فيه الكفايه.
شوي دق جوالها وانقطع الاتصال بعدها جات رساله وسائط صورة شخص يبوس وحده وهي في حضنه وفيه اغنيه وكاتب كلام تحت بدايتها(ليتك معي بنفس هذا الموقف ليتك بحضني احضنك وابوسك ياكل دنيتي وحياتي.....)إلى آخر الرساله ساره بعد ماقرتها انصدمت وبكت أكثر من بكائها المره الاولى جات ضي وضمتها وتهدي فيها جا بعد ساعه من البكاء ونامت خلتها ضي تكمل نومها وطلعت بتروح بيتها وخانقتها العبره وهي طالعه من حديقة البيت ماانتبهت ان فهد داخل بالسياره وهي ماشيه كان بيصدمها بس وقف وضي مكمله مشيها الا صدمت بكبوت السياره ونزل فهد وانتبهت لنفسها الا مسكها فهد من كتفها بخوف ويهزها ويناديها
ضي:صار لك شي ضي ردي علي.
الا انتبهت لنفسها.
ضي توها تنتبه لنفسها:ها لا لا ماصار شي وبسرعه طلعت وجلست تبكي طول ماهي في السياره الين ماوصلت البيت ومسكت نفسها عشان ماتشوفها امها دخلت سلمت وعلى طول راحت غرفتها وبكت الين مانامت.
عند رهام وهي تتصل على غاده.
غاده:هلا والله برهومتي اخبارك؟
رهام:الحمدلله أنتي كيفك؟
غاده:بخير الحمدلله اخبارك بعد السفر؟
رهام:الحمدلله بس من بعد الحركه اللي سويناها احس انهم راح يعرفون من مين اخاف يفضحونا ويعلمون علينا ويكرهونا.
غاده:بالعكس راح يموتون علينا بس خليها علي لسا ماسوينا شي طيب ماسويتي شي مع اختك.
رهام:لا ايش اسوي يعني.
غاده:غبيه والله لو أنا منك كان خليتها تكرهه حياتها ليت لو سديم بيدي كان ذبحتها على طول.
شوي دخلت سهام على اختها في الغرفه.
رهام:يلا غاده اكلمك بعدين الحين مشغوله شوي.
غاده:اوكي حياتي اشوفك على خير ان شاءالله باي.
رهام:باي.
وسكرت جات سهام وجلست بجنب اختها ومسكت يد اختها.
سهام:رهام حياتي أنتي اختي واعرفك وتعرفيني واحنا توائم ليش تسوين فيني كذا؟
رهام مرتبكه:أنا ايش سويت ماسويت شي.
سهام:طيب على حركاتك أنتي وغاده لي ولسديم ليش؟
رهام:ماقدرت تتحمل بكت مو أنا مو أنا.
سهام:حياتي رهام لاتبكين وإذا على فارس تراني والله مااحبه ولا سديم ومستحيل اسوي هالحركات لو تبين احلف لك على المصحف.
رهام:يعني أنتي ماتحبينه.
سهام:لا ولا افكر اني احبه حتى لو هو يحبني أنا ماراح احبه ابد.
رهام بكت وضمتها سهام الين ماهدت.
رهام:اسفه بس كنت مره غيرانه ومقهوره.
سهام:أنا قلت لك مااحبه واخليك على راحتك يلا اشوفك تحت ترى أمي تنتظرنا.
رهام:بجي معاك.
سهام:يلا.
ومسكت يدها ونزلوا مع بعض وسلموا وجلسوا يسولفون.
وعند محمد:هلا وغلا تو مانور الجوال باتصالك.
رغد:تسلم حبيبي إذا مااتصلت عليك ايش يصبرني على حمودي.
محمد:يالبى عيون حمودي تصدقين متى تصيرين عندي وبحضني واحس بدفاك.
رغد حمر وجهها وسكتت.
محمد:ايش فيك سكتي ولا تستحين ياعمري الحين أنا اقولك كلام أجل إذا صار صدق وسويت أشياء أعظم ايش بتسوين؟
رغد:محمد خلاص إذا جا ذاك الوقت يصير خير.
محمد يضحك:ياحبيبتي إذا جا ذاك الوقت ماراح اخليك طول الوقت وأنتي معي وبحضني بعد.
رغد تصارخ:محمد خلاص ترى اقفل بوجهك.
محمد:لا لا خلاص والله ماأقول شي خلاص بس تكفين لاتزعلين مني.
رغد:لا ماني زعلانه بس الحين مشغوله وبتصل عليك بعد شوي.
محمد:اوكي حياتي بس لاتزعلين مني يلا اشوفك على خير ان شاءالله.
رغد:باي.
وسكرت حطت وجهها على المخده وبكت.
رغد في نفسها:لا لا مستحيل اخليك تقربني ولا تلمسني.
حاولت تمسك نفسها عن البكاء وسكتت وجلست ترتب أغراضها وغرفتها.
اما ساره أول ماصحت من النوم في المغرب شافت جوالها ثلاث مكالمات توها بتفتحها اتصل فيصل وردت.
فيصل:هلا والله تو مانور الجوال يوم رديتي.
ساره:ايوه طيب بعدين ايش تبي.
فيصل مستغرب:ساره ايش فيك.
ساره:أنت اللي ايش فيك شايفني غبيه بعدين مين سمح لك تأخذ رقمي ومن وين أخذته اصلن؟
فيصل:ياعمري أنتي مصادري الخاصه.
ساره:أنا مو عمرك بعدين لو سمحت لاعاد ترسل رسايل زفت مثل وجهك ولا عاد تتصل فاهم ولا لا.
فيصل:ساره ايش فيك يعني ماتحبيني.
ساره:اكرهك اكرهك ياخي أفهم مااحبك ليش لازق فيني.
فيصل:طيب وذاك اليوم......
ساره تقاطعه:أقول بلا ذاك اليوم بلا هم لا عاد تتصل ولا ترى اسوي فيك شي ماترضاه تفهم.
فيصل:بس أنا احبك وقريب راح اخطبك ان شاءالله واتزوجك ساره حسي فيني حسي بحبي لك.
ساره تصارخ:طيب أنا مااحبك اكرهك اكرهك خلاص لاتفكر فيني في ألف وحده مو بس أنا في الدنيا.
فيصل:ساره بس.....
ساره:خلاص أنا قلت لاتتصل يعني لاتتصل ترى يجيك شي مايرضيك باي.
وسكرت بوجه فيصل شوي جاتها رساله وسائط من فيصل فتحتها فيها صورة عين تدمع واغنيه حزينه وكلام مره حلو وحزين بعد ماقرت الرساله بكت وحطت رأسها على المخده وتبكي.
ساره وصوتها كله بكاء:ليش ليش أنا يصير فيني كذا صراع الحب ذبحني.
وكملت بكاء.
عند سديم.
سديم:بصراحه مدري ليش يسوون كذا وكل ماخلونا نبعد عن المكان راحوا قريب فارس وفراس ويسولفون ويحاولون يلفتون نظرهم مدري يبون يقولون انهم يقدرون علينا أو انهم يحسبون أنا نحبهم ويبون يبعدونا عنهم مدري ايش فيهم علينا.
العنود:اكيد انهم يحبونهم لاني شفتهم مره وهم يمرون من فارس وفراس وقالوا كلام أكد لي انهم يحبونهم ومره ثانيه يتكلمون فيكم وتأكدت انهم يحسبون انكم تحبونهم وهم يحبونكم عشان كذا غاروا منكم ويحاولون يبعدونكم عن بعض.
سديم:طيب بس أنا ماأحب ولا أحد منهم ليش هم كذا.
العنود:مدري عنهم.
شوي دق جوال سديم شافت رقم سهام وردت.
سديم:هلا والله اخبارك؟
سهام:الحمدلله بخير أنتي كيفك؟
سديم:الحمدلله تصدقين توني اسولف مع العنود وعرفت انهم في بالهم ان أنا وأنتي نحب فارس وفراس.
سهام:ادري وأنا اليوم سألت رهام وطلع اللي في بالنا صحيح.
سديم:ليش طيب ليش.
سهام:يلا عرفنا ايش قصدهم وراح نتفادا كل حركه يسوونها.
سديم:اي والله صدقتي طيب سألتيها إذا كانت هي أو غاده اللي خربوا شنطتنا؟
سهام:لا والله ولا فكرت.
سديم:يلا حسبي الله ونعم الوكيل.
وجلسوا يسولفون.
عند رغد وهي جالسه بالغرفه جاتها رساله من محمد فتحتها مكتوب(حبيبتي رغوده استعدي بعد شوي بجي آخذك)رغد استغربت اخذت عبايتها ونزلت راحت عند امها وقالت لها ان محمد بيجي وبتروح معاه شوي الا محمد عند الباب وطلعت له وركبت السياره.
رغد:السلام عليكم.
محمد:وعليكم السلام هلا وغلا تو مانورت السياره.
ورغد ساكته.
محمد:حبيبتي رغد لاتزعلين مني بس هذا الواقع بيصير هذا الشي بيصير.
رغد:طيب أنت تعرف اني ماأحب اسمع كذا عناد فيك يعني.
محمد:والله مو قصدي بس تحمست شوي وأنا اتكلم خلاص حياتي ايش يرضي نور عيوني.
رغد:لا تقول هذا الكلام مره ثانيه.
محمد:بس وهذا بوسه بعد.
وباسها ورغد حمر وجهها مره.
رغد:محمد خلاص.
محمد ابتسم:خلاص حياتي أجل انتظري احلى مفاجئه.
رغد خافت:ايش هي.
محمد:لا تخافين بس انتظري وشوفي.
وراحوا مطعم فخم مره للعرايس بس.
ودخلوا قسم خاص للمخطوبين كلها لون احمر وابيض واللمبات ألوان خيال وفيه ورد طبيعي في كل مكان وطاوله الفرش احمر وابيض وفيه اكل أشكال روعه.
محمد:ايش رايك.
رغد:محمد كل هذا لي.
محمد:لك وعشانك ولعيونك ياعيوني أنتي وماابغاك تزعلين علي ولا تاخذين بخاطرك علي.
رغد:لا ياحبيبي ماني شايله عليك والنفس عليك بيضاء.
وباست محمد بخده لا اراديا وانتبهت لنفسها وحمر وجهها ابتسم محمد واخذها من يدها وجلسها واكلوا وبعدها تمشوا واستانسوا ورجعوا البيت ودخلوا القراج.
محمد:رغد بقولك شي قبل ماتنزلين.
رغد:لو تبي اجلس معاك الوقت كله لك ياحبيبي.
محمد:تسلمين ياعمري بس حبيت اعطيك هذا.
طلع لها كيسه كبيره واعطاها لرغد.
رغد:كل هذا لي.
محمد:إذا مو لك لمين ياحياتي؟
رغد:تسلم حبيبي تعبت وخسرت نفسك على شي مايستاهل.
محمد:أنتي تستاهلين كل شي لو تبغين اجيب لك الدنيا واللي فيها جبتها لك.
رغد:تسلم حبيبي اشوفك ان شاءالله على خير.
توها بتدخل البيت.
محمد:رغد انتظري شوي ونزلي اللي بيدك.
رغد:ليه؟
محمد:سوي اللي قلت لك عليه.
رغد:طيب.
ونزلت الكيس جا محمد وضمها وباس شفايفها رغد مره انحرجت تمنت الأرض تنشق وتبلعها من الموقف.
محمد:يلا حبيبتي اشوفك على خير.
رغد:تسلم حبيبي مع السلامه.
واخذت الكيس وراحت غرفتها وعلى طول راحت عند المكيف من شدة الموقف.
بعد ماهدت راحت سريرها تبي تنام حاولت تنام بس ماقدرت تبي تشوف الهديه راحت فتحت الكيس فيه دب كبير ماخذ ثلاثة ارباع مساحة الكيس وعلبه على شكل قلب نصه احمر ونصه ابيض وبالوسط كرستال قلب لونه احمر مكتوب فيه احبك للابد قبل ماتفتحها شافت ورود طبيعيه في باقه ملونه في وسط الورود الملونه وردتين حمراء وبيضاء الحمراء مكتوب رغد والبيضاء محمد وريحتها مره حلوه وفتحت العلبه فيها عطر ريحته مره جنان وقلاده باسم رغد فيها قلب حرفmوخاتم الماس مره روعه رغد تناظر الهديه مو مستوعبه وتذكرت كل شي صار لها من يوم وهي صغيره إلى يومها وهي تتذكر الأشياء نامت وكملت ذكرياتها في الحلم.
جا اليوم الثاني صحت ساره وهي مالها خلق للمدرسه بس هي وعدت الاء وتجهزت وراحت للمدرسه أول مادخلت صديقاتها طاروا فيها كالعاده طبعا الاء لسا ماجات.
هدى:هلا وغلا تو مانور فيك المدرسه.
ساره:بوجودك حياتي.
اريج تضم ساره بقوه:وشحتيني يادبا.
ساره ضحكت بوجودك.
فاطمه:وأنا بعد اشتقت لش تش تش تش.
ساره تضحك:وأنا بعد يابعد عمري احبش تش تش تش.
ابتسام:وأنا بعد مااسلم على حياتي.
ساره:الا يابعد عمري أنتي.
وضمتها.
اريج:ساره ساره شوفي الاء توها جات.
ساره:والله أجل بروح عندها هدى معي.
هدى:يلا.
وراحوا جات ساره ورا الاء،
ساره:صباح الخير.
الاء التفتت بسرعه وضمت ساره على طول:صباح النور ياحياتي والله اشتقت لك مره المدرسه من دونك ظلام.
ساره تضم الاء بقوه:والله حتى أنا اشتقت لك بس شسوي السفر.
وتركوا بعض.
الاء:الحمدلله على سلامتكم.
ساره:الله يسلمك بعدين مو قلت لك تنتظريني عند الباب.
الاء تضحك:الا بس شسوي اخوي قام متاخر.
ساره تضحك:يلا أهم شي شفتك.
الاء:اي والله أجل بشرينا إذا اخذتي النتيجه.
ساره:ان شاءالله يلا أجل اشوفك مره ثانيه لا يجون صديقاتي ويفشلوني.
الاء تضحك:ان شاءالله بعدين مو على كيفهم لو آخذك كل الوقت.
ساره تضحك:الوقت كل فداك حياتي بس صديقاتي يغارون.
الاء تضحك وضمت ساره:أجل اشوفك ان شاءالله باي.
ساره:باي.
وراحت عند صديقاتها والتفت على الاء شافتها طاحت على صديقتها وقالت الله يجعلني فدا هالضحكه.
ساره:الله يجعلني فدا روحها.
ابتسام بصوت عالي:الاااااء ساره تقولك الله يجعلني فدا روحها.
ساره انحرجت وضربت ابتسام:ابتسام خير.
الاء استحت وعلى طول راحت مع صديقتها.
ساره:حرام عليك.
ابتسام:أحسن ترى مو بس الاء تبيك حتى احنا نبيك.
ساره:أجل وين أنا بالمريخ.
وضحكوا وقاموا يتمشون.
لما دق الجرس وراح كلن على فصله جلست ساره مع هدى يسولفون.
ساره:هدى والله ماتدرين ايش صار أمس وقبل أمس.
هدى:ليش ايش صار؟
ساره تنهدت بعدين علمتها كل اللي صار.
ساره خانقتها العبره:ايش اسوي معاه تعبت والله تعبت.
هدى:طيب اتصل بعدها.
ساره:لا بس أرسل رسالة وسائط.
هدى:والله لو أنا منك كان علمت عليه.
ساره:مستحيل اسوي كذا لاني ماابي يصير لي شي مثل كذا تخيلي لو أنتي بداله وأحد علم عليك والكل قام يتكلم فيك بترضين.
هدى:صح كلامك والله انك صادقه.
ساره:احس فيني بكاء من القهر كل ماتذكرت اللي سواه انجن.
هدى:خلاص حياتي لاتفكرين فيه وهو بعد الكلام اللي جاه منك اكيد بينساك.
ساره:ان شاءالله.
شوي جاوا البنات عندهم يسولفون وأعطتهم ساره الهدايا اللي شرتها للبنات جات الفسحه وهم طالعين قابلوا ادارية ثالث سلموا عليها.
ابتسام:استاذه بكره فيه دروس.
الأداريه:لا هذا الاسبوع كله مافي دروس.
البنات:شكرا استاذه مع السلامه.
ويناظرون بعض ويضحكون.
وراحوا اشتروا كلهم عصير ويتمشون وراحت ساره الفصل وهدى عند الاء وجاوا عند ساره.
ساره:هلا والله اخبارك ها طلعوا نتايجكم؟
الاء:لا لسا بكره ان شاءالله.
ساره:ان شاءالله الاء ادري والله مقصره بس هذا هديه من قطر والكويت أعجبتني وشريتها لك.
الاء استحت:تسلمين حياتي والله خسرتي نفسك.
ساره ضمت الاء:كل شي لعيون الاء يهون.
الاء حمر وجهها:تسلمين ياقلبي.
ساره:يلا ماأاخرك على صديقاتك وأنا بعد بروح لصديقاتي.
الاء:تسلمين حبي باي.
ساره:باي.
لما طلعت الاء ساره جلست بالكرسي هدى خافت عليها.
هدى:ساره ساره ايش فيك.
ساره رفعت رأسها وهي مبتسمه وفي عينها دموع.
ساره:مقدر أتخيل كيف بفارقها.
شوي دخلت استاذه هديل وهدى استاذنت وطلعت وعلى طول ضمت ساره.
استاذه هديل:الحمدلله على سلامتك حياتي اخبارك؟
ساره:الحمدلله تمام أنتي كيف الاجازه معك.
استاذه هديل:الحمدلله حلوه بس انها قصيره ايش فيك حبيبتي الاء سوت لك شي.
ساره استحت:لا والله بس عشان البنات اتذكرت أيامنا وكيف بفارقهم.
استاذه هديل مسكت يد ساره وساره ميته حيا.
استاذه هديل:الحمدلله بس أنا زعلانه منك.
ساره:ليش عاد كل شي ولا زعلك.
استاذه هديل ضمت ساره:يا عمري أنتي تسلمين.
وتركتها وجلسوا على الكراسي.
استاذه هديل:ليه ماجيتي سلمتي علي الصباح؟
ساره:اسفه بس والله اليوم ماكنت بجي بس عشان صديقاتي والله لاني تعبانه شوي.
استاذه هديل:سلامتك من التعب خلاص أجل سامحتك بس ممكن اطلب منك طلب.
ساره وهي مستحيه:اطلبي عيوني.
استاذه هديل:تسلم عيونك بس ابغى...
وسكتت.
ساره:ايش؟
استاذه هديل:ابوسك.
ساره انحرجت ومن الصدمه ماقدرت تتكلم جات استاذه هديل وقربت من عندها تبي تبوس شفايف ساره.
ساره صارخت ودفت استاذه هديل لا اراديا.
ساره:لا مستحيل ماتوقعتك كذا لهدرجه وصلت فيك.
استاذه هديل مصدومه من ردة فعل ساره.
استاذه هديل:ساره ايش فيك طيب عادي.
ساره تناظر استاذه هديل باستحقار:عندك عادي اما أنا لا بعدين تراك بنت تبوسين بنت ماتوقعتك كذا.
وطلعت وخلت استاذه هديل.
هدى:غريبه توقعت انك تطولين.
ساره:لا لأنها كانت مشغوله وطلعت.
هدى:اها اوكي أجل خلينا نروح عند البنات لأن وأنتي مو موجوده اتفقنا نجيب فطور بكره.
ساره:حلو بس تكفين روحي الفصل إذا مو موجوده استاذه هديل ندخل إذا موجوده ماراح ادخل.
هدى:طيب بروح بس تعالي معي وأنا اللي بشوف.
ساره:اوكي.
وراحوا توهم دخلوا السيب الا استاذه هديل طالعه توها بتكلم ساره ساره مشت وخلتها وماقدرت تروح عند ساره لأنها دخلت الفصل وسكرت الباب.
هدى:غريبه ماكلمتك استاذه هديل ولا كلمتيها.
ساره ارتبكت:ها لا ولا شي بس استحيت منها.
هدى:اها أجل خلينا نسولف.
ساره:يلا.
وجلسوا يسولفون وساره ماهي في وعيها بس هدى ماحبت تقول شي لأنها توقعت ان فيها نوم شوي خلصت الفسحه ودخلوا كل البنات فصولهم وجلسوا يسولفون وجات معلمة الانجليزي عند فصل ساره دخلت وسلمت وجلست.
استاذه مها:ساره قومي مسحي السبوره.
ابتسام:ليه استاذه بناخذ درس.
استاذه مها:لا ماراح ناخذ شي هالاسبوع يلا ساره قومي.
قامت ساره ماامداها تطلع من مكانها اغمى عليها وتجمعوا البنات عليها وودوها عند المرشده الصحيه واتصلوا على أهلها وجاوا اخذوها وعلى طول للمستشفى على الطوارئ الظهر طلعت نتيجة التحاليل انها ماافطرت الصباح وبسبب ضغوط نفسيه حطوا لها تغذيه وماصحت الا المغرب وامها كانت عندها واختها سهام أول ماقامت بكت امها واختها.
أم فهد:الحمدلله على سلامتك يابنتي ايش فيك ايش صار لك.
ساره شافت امها بكت.
ساره:يما مابي اروح المدرسه خلاص مابي.
أم فهد وهي تبكي:ليش يابنتي ايش صار فيك.
شوي دخلت الممرضه.
الممرضه:معليش ساره لازم ترتاح اطلعوا الين ترتاح.
ساره تبكي:لا ابي أمي يما لاتروحين وتخليني ابي أمي.
الممرضه:خلاص امك بتجلس معاك.
وأعطت ساره ابره مسكنه ونامت.
وجلست أم فهد تقراء على ساره القرآن ونامت مع بنتها في المستشفى الين اليوم الثاني الساعه٩صحت ساره وهي خايفه.
ساره:يما يما.
أم فهد:أنا هنا يابنتي أنا هنا.
ومسكت يد بنتها لما حست ساره بيد امها هدت ونامت.
وجلست يومين بالمستشفى لما حسوا انها تحسنت طلعوها من المستشفى وطلعت ساره الظهر ومافيها شي لأنها نست كل شي صار ووصلت البيت والكل كان موجود وسووا حفله في البيت ورقص والعاب وأشياء مره حلوه الساعه٨دق جوال ساره شافت رقم الاء وطلعت الحوش وردت.
ساره بفرح:هلا والله وغلا اخبارك حياتي والله وحشتيني مره.
الاء:ساره أنتي ساره.
ساره تضحك:اي ياعمري أنا ساره.
وسمعت الاء تبكي.
ساره:ايش فيك ياعمري ليه البكاء.
الاء:ماتصدقين قد ايش فرحتي لما سمعت صوتك.
ساره:الله يجعلها دوم من فرحه.
الاء:وياك يارب بس خفت عليك ثلاث أيام غايبه واللي صار لك يوم الاحد واستاذه هديل جات وقالت لي ان ساره ماتت.
ساره:بسم الله علي بس لاني يومين مااكلت زين والصباح مافطرت وتعبت.
الاء:الله يجعل التعب فيني ولا فيك.
ساره:لا بسم الله عليك الله لايجعله فيك ولا في أحد.
الاء:امين يارب.
وجلسوا يسولفون ساره وهي تكلم نست نفسها وراحت عند قسم الرجال في الحديقه عند الخيمه وتمشي وهي تكلم شوي طلع خالد من الخيمه بيطلع برا الا انتبه لساره وساره انتبهت له وشافت المكان الا هي بقسم الرجال وسكرت من الاء ومشت بسرعه تبي تدخل قسم الحريم وماانتبهت للحجر اللي قدامها وتوها بتطيح جا خالد ومسكها.
.
البارت السابع عشر
وجلسوا يسولفون ساره وهي تكلم نست نفسها وراحت عند قسم الرجال في الحديقه عند الخيمه وتمشي وهي تكلم شوي طلع خالد من الخيمه بيطلع برا الا انتبه لساره وساره انتبهت له وشافت المكان الا هي بقسم الرجال وسكرت من الاء ومشت بسرعه تبي تدخل قسم الحريم وماانتبهت للحجر اللي قدامها وتوها بتطيح جا خالد ومسكها.
خالد:الحمدلله على السلامه.
ساره مره منحرجه:الله يسلمك.
خالد:اجر وعافيه ان شاءالله ها اخبارك الحين؟
ساره:الحمدلله أحسن.
خالد ابتسم:الحمدلله والله خوفتينا عليك يلا اشوفك وقت ثاني ان شاءالله الحين بسافر وحبيت اجي حفلتك قبل مااروح وحظي جيت وشفتك بعد.
ساره ميتا حيا:مشكور والله ماتقصر والله يوفقك وترجع بالسلامه.
خالد:تسلمين اشوفكم ان شاءالله على خير مع السلامه.
وأول ماطلع على طول ساره حطت رجلهاعلى غرفتها وهي مو مستوعبه اللي صار شوي دخلت عليها ضي.
ضي:ساره ايش فيك.
ساره:ها ولا شي ليش.
ضي:في مفاجئه لك.
ساره قامت من سريرها:صدق ايش هي.
شوي دخلت هدى وضمت ساره بقوه وتبكي وساره بكت معاها ضي ماتحملت شكلهم وبكت.
هدى:والله خفت عليك واشتقت لك والبنات اشتاقوا لك.
ساره:وأنا أكثر والله.
هدى بعدت عن حضنها وتأملت فيها.
هدى:ساره أنتي بخير.
ساره تمسح دموعها:الحمدلله بخير.
هدى:لا أنتي تكذبين.
ساره توسعت عينها من الصدمه وضي استغربت.
ساره:ليش ياهدى ليش.
هدى:ساره ايش صار معاك عند استاذه هديل في الفصل ليش قالت لنا هالكلام.
ساره:اي كلام.
هدى:ساره ايش صار لك.
ساره بكت:اكرهها مابي اشوفها مابي اكلمها ابي افصل من المدرسه.
هدى ضمت ساره:ليش طيب ليش واحنا.
ساره مسحت دموعها وصرخت:هي خسيسه سافله قليله أدب ماتستحي.
هدى:ساره خلاص لايصير فيك شي.
راحت ضي جابت عصير برتقال.
ضي:ساره اشربي عشان تهدين.
شربت ساره الكأس كله بنفس واحد من القهر خلوها لما هدت وتكلمت.
ساره:تذكرين ياهدى لما دخلت استاذه هديل وأنتي طلعتي على طول ضمتني.
وقالت لهم كل اللي صار.
ساره:وبعد الفسحه تذكرت اللي صار مع فيصل واستاذه هديل وعلى الصباح ماافطرت تعبت لما قمت اغمي علي.
هدى:عشان كذا الخسيسه دايم مشاكل مع الاء.
ساره التفت على هدى بسرعه:ايش يعني ايش تسوي.
هدى:ثاني يوم لما أغمي عليك جاتها وجلست فوق رأسها قدام البنات تصارخ عليها وتحط فيها ان الاء هي السبب في اللي صار لك واليوم الثاني جاتها وعطتها كف وكملت صراخ وفي الطلعه مسكتها من شعرها وقالت لها شفتي ايش سويتي الحين ماتت ساره ماتت ماراح ترجع المدرسه ورمت الاء على الأرض وراحت وهي تبكي.
ساره مصدومه وخانقتها العبره:ليش ليش تسوي كذا.
وبكت وهدى وضي يهدونها.
بعد ماهدت نزلوا وكملوا الحفله وجلست هدى إلى الساعه وحده وطلعت والحريم والرجال راح كل واحد بيته والبنات سهروا إلى الفجر وناموا عند ساره جا الظهر صحت ساره وضي ونزلوا تحت يسوون الفطور باقي شوي يخلصون راحت ساره تصحي البنات وضي تكمل الفطور وهي تطبخ جا فهد من وراها يحسبها ساره.
فهد:جهزتي اللي قلت لك الحين بطلع مستعجل.
وضي ساكته ماترد.
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك