رواية افهم ترانا لايقين لبعضنا كنك نهائي الكأس وانا هلالي -6

! Fares AL MoHra !

رواية افهم ترانا لايقين لبعضنا كنك نهائي الكأس وانا هلالي - غرام

رواية افهم ترانا لايقين لبعضنا كنك نهائي الكأس وانا هلالي -6

سعود رفع راسه لمنار :حلو اسمه يشبه لك

منار لفت راسها للجهه الثانيه ولاردت عليه ..

مرت عشر دقايق سعود يلعب مع تركي باستهبال وضحك

ومنار تتأمل سعود بضحكاته ولعبه مع ولدها

بدت السماء تمطر بقوه

الحارس استأذن منهم يدخله شاله سعود وسلمه للحارس تركي يصيح يبغى سعود

سعود بحنان:خلاص حبيبي اجيك بكره واجيب حلاوو كثير مسح على راسه بأبتسامه

دخل الحارس لداخل وصياح تركي واصل لمنار اللي عورها قلبها عليه..

سعود :يله منار نطلع..؟

...........................................

الساعه 8 ونص الليل ..

..واااااو ايش هاالروعه والستايل قمر قمر قمر

نوف بأبتسامه : اهم شي اعجبك لولي

لمياء : يامجرمه انتي حلوه باالخلقه بس مع هااللوك طلعتي خقه ههه

ام يوسف :لمياااااء

لمياء بغرفتها :ابنزل لامي شوي ..نزلت وصكرت الباب وراها

نوف وقفت عند المرايه بغرور وهي تطالع فستانها القصير الارتكوازي وشعرها البلايتيني

:طيب ياسعود نشوف من اللي يتمنى الثاني ..

فتحت الباب ونزلت مع امها وتتنظر خالتها مها وجدتها ..

....................

..سعوود :

سعود لسى جاي من النادي وداخل يتحمم ..وبعدها طلع ينشف شعره باالفوطه :هممم ..

عفاف :..ترى امي منيره بتضيق عليك كل ماجت البيت الاوانت طالع

سعود حاس بضيقه بصدره من شاف تركي :طيب

طلعت عفاف وفتح سعود دولابه يلبس تيشيرت اسود بكتابه ذهبيه وبنطلون اسود مشط شعره ونزل للمجلس تحت

يوسف : وش عندك كاشخ ابو الشباب

سعود وهو يجلس وياخذ الريموت وساكت

يوسف :هيه اكلمك

سعود :صايم عن الكلام اليوم

يوسف : افاااا

سعود يقلب القنوات وماله خلق ابد ..

دق جوال سعود المتصل خالد طنشه ودخل جواله بجيبه ..

بأزعاج ...سسسسسسلام عليييييكم

يوسف يوقف :هللا بخالتي نور المكان (واقف يسلم عليها)

جلست مها بعد ماسلمت على يوسف وسعود ..

طلع يوسف يسلم على جدته في الصاله ..

مها تكلم سعود: الله على هاالسبايكي متعوب عليه بس شفيه شعرك طالع يابس

(تمون على سعود بدرجه كبير بأختصار وافق شن طبقه )

سعود ماله خلق : كاب عليه علبه الجل كلها

مها : اتوقع انك حاط بتكس تحسبه جل

سعود:طلبيه من لندن هاالجل شدراك بس انتي

مها :ليش تكلمني من طرف خشمك

سعود :والله شي كبير ضايق منه

مها : فضفض لي تراني خبله مثلك يعني اللي تسويه يعجبني والله مالاق الزعل عليك مره

دخل يوسف وقطع الكلام عليهم ....

يوسف : اشوف فيه اسرار من ورانا (وعينه على مها )

مها منزله راسها تتصنع الحياء (توه صاير اليوم )

سعود:ايش اللي صار .؟

يوسف عينه على مها : بعض الناس مخطوبين وانا اخر من يعلم.

سعود يأشر على مها:لاتقول لي ان هاالخبله مخطوبه ..

مها : شفت ياسعود في احد فكر فيني ههه

سعود : يعني في امل فيني بعد احد يرضى فيني ههه

يوسف :والله ماجمع هاالخبلان الاوتورط ..يااخي انت وياها نفسي اعرف شلون بيصرون عيالكم ..

سعود : عاد انا اموت باالعيال ان شاءالله لاتزوجت بخلي زوجتي واحد بيدها يمشي والثاني شايلته والثالث ببطنه متكي يستنى دوره وراء بعض

مها :اظاهر انك مشتغل بشركه انتاج وتوزيع ايش هاالعيال اللي وراء بعض

يوسف : انتم المفروض ماتجيبون عيال ينقطع نسلكم ونريح من اشكالكم ههه

دخلت عفاف ...:مجتمعين ولا قلتو لي

سعود :سمعتي ان مها مخطوبه

مها:اعوذ بالله منك ماتمسك الخبر

عفاف:داريه قبلك ههه ادخلوا امي تبيكم داخل ..

.........................................

في الصاله (كل العايله مجتمه باالصاله ( خالد يدق كم مره على سعود

طلع سعود للمجلس اللي برا يكلمه على راحته

هلا

خالد: هلا سعود لايكون مشغول

سعود:جالس مع الاهل مجتمعين وش عندك داق

خالد:ادور لي شقه وفي وحده احترت فيها ابيك تجي تشوفها

سعود:ليش ايش فيها شقتك هذي

خالد :بعلمك باالسالفه بعدين تعال مرني لقيت شقه ومحتار فيها

سعود متضايق : طيب بس لاخلصت ابيك بموضوع مهم ولاتنسى تدور شقه فيها غرفه لمنار

خالد بحقد : لا هذي برميها مع الزبايل تحت

سعوود : خالد تبي تستفزني يعني ترى مودي خربان والاخلاق قافله

خالد:وش مضيقك ..؟

سعود :اللي مضيقني هو اللي ابي اقوله لك اليوم

خالد :خلاص يصير خير ياابو نفسيه

نوف سمعت صوت سعود برا تطمنت على شكلها ومشت بخفه ودلع للمجلس بدون حجاب كأنها ماتدري عن وجوده

صكر سعود من خالد وهو يسمع صوت احد جاي للمجلس

لمح شي ملاكي قريب من عندهه فتح عيونه من هاالجمال اللي يمشي على الارض نعومه ودلال

بخاطره :من هذي ..كان يناظرها من مسافه بعيده شوي من الشباك الكبير للمجلس

نوف وهي تتصنع انها تدور لمياء دخلت للمجلس وناظرت سعود وبدلع:سوري سعود ماكنت ادري طلعت تركض لداخل

سعود لحد الحين يناظر مكانها ويكلم نفسه ...هذي نوف ......؟؟؟؟؟؟؟؟؟؟

,....................................................................................

البارت العاشر

بهيبتها على الكرسي المتحرك والحجاب لافته على راسها بأتقان :متى نملك سعود لنوف نبي نفرح به قريب .؟

(سعود مازالت صوره نوف بداخل عقله قام من المجلس ودخل للبيت سمع صوت امه منيره تجيب طاريه هو ونوف (وقف في مكانه بعيد يسمع لهم))

ام يوسف تكلم امها : خلاص نخليه مره وحده مع مها خلي الفرحه فرحتين ..

(نوف منزله راسها مستحيه ومها تعلق عليها بهمس ..)

اما لمياء تذكرت حال سعود اللي رافض هاالشي كسر خاطرها صحيح تحب نوف لاكن تحترم رغبه اخوها مهما كان..

قامت وخذت الصينيه وطلعت للمطبخ تفاجأت بسعود واقف عند الباب ..

لمياء :سعوود ..؟

متسند على الجدار ويده وراء ظهره لف راسه ببرود وملامحه جامده مشاعره متلخبطه

اتجه لباب الخارجي مايبي يحط عينه بعين لمياء : لمو قولي لامي طالع لحتاجوا

شي عندكم يوسف (طلع لبره )..

لمياء تطالعه (تنهدت بخفيف) بعدها دخلت للمطبخ تساعد زوجه يوسف في العشاء..

.................................................. .....

يراقب بحذر الاستراحه بعد اوامر من ابو جهاد حتى تستقر امورهم ويقدرون يخفون نفسهم من بعد اللي صار..

لمح طلال واقف عند الاستراحه ..

زيد يأشر :بندر شف هذا مو طلال ..؟

بندر يدقق النظر من بعيد :الا هو ..!

زيد : شكله يدور علينا باالاستراحه

بندر :ايش نسوي نمر ناخذه ..

يرفع جواله :لا خلني اخذ الاذن من ابو عمار(ضغط على رقمه )

ابو عمار :نعم

زيد:طال عمرك نشوف طلال من بعيد جاي للاستراحه نمر عليه ولا..

ابو عمار بحذر:لاتصير مغفل ماكفاك اللي سواه صديقه هذا جاي يكمل لعبته ..

زيد :طيب نخليه كذا اخاف يدري عنا

ابو عمار :هذا فاسق مثل صديقه طلع سلاحك وارميه ..(يفتي من راسه<وهذا هم حال الارهابين )

زيد بتردد:بس يابو عمار..؟

ابو عماربعصبيه:نفذ الاوامر بدون لف ودوران ..(طبعا جميع من يدخل هذي الخليه مايلقون لحيرتهم اجابه نفذ وانت ساكت )

زيد بأستسلام:ان شاءالله ..(صكر السماعه) ولف راسه بحيره لبندر :يقول ارمي عليه سلاحك

بندر بدون تردد رفع الكنب وسحب المسدس ثبت الرصاص ورفعه بيده لجهه الشباك ...

زيد ينزل سلاح بندر اللي رافعه :انتظر خله يبعد شوي عن الاستراحه ماابي نجيب الشرطه لهنا ..

................................................

وصل للشقه اللي وصفها له استقبله خالد ودخل يتفرج على الشقه

خالد بأبتسامه:ها سعود زينه..

سعود يناظر المكان : والله فنان اللي مصممها لاكن كنها ضيقه

خالد :صح ضيقه لاكن تعال (فتح المجلس ) هذا واسع ماخذ الشقه كلها وهذا اللي ابيه..

سعود:طيب وين غرفه منار ..؟

خالد مايبي يضيق سعود:ولايهمك هذي غرفتها (يفتحها)وبحط لها تلفزيون وش تبي بعد انت امر وتدلل

سعود يشوف الغرفه كانت قريبه من المجلس ماوده ابد بهذ الشي لاكن مابيده شي مايبي يصير طرار ويتشرط بعد : ماتقصر خويلد ..

خالد يقلب الاوراق:خلاص رح مر منار وجيبها لان الخادم بيقفل الشقه وراه ..

سعود :طيب ابروح اجيبها بس تراني عازمك على عشاء بره ..

خالد وهو مشغول يهز راسه باالموافقه (طلع سعود )

............................................

مر بجنب غرفه ساره وهو يسمع صوت ريم قرب للباب وطقه بخفيف

دقيقه وانفتح الباب :سامي ..؟

سامي والتعب على وجه :ساره عندك حبه بنادول

ساره :تعبان..؟

سامي :بس مصدع خفيف جيبي لي ماء وحبه انا بغرفتي

(دخل غرفته رمى شماغه على الكنب جلس حط يده راسه ويحركها بخفيف لعل هاالصداع يخف

تذكر انه قايل لعماد اكلمك اليوم بعد ماارجع للبيت ..تلفت يدور جواله :اوه ماخذينه مني هاالحراميه

ساره دخلت الغرفه:سامي الحبوب ..

سامي ياخذ الحبه ويشرب بعدها الماء :ساره ماعندك شريحه ماتبينها ؟

ساره تفكر :الا عند موبايلي حق الكونكت

سامي روحي جيبها وابشتري لك وحده لاطلعت ..

ساره :طيب

فتح الدرج وطلع جواله القديم دخل الشريحه اللي جابتها له ساره (وطلعت لريم)

طلع الورقه من مخباه خذا رقم عماد تأمل فيه وضغط على رقمه

عماد :نعم..؟

:معك سامي

عماد :نعم سامي..؟

سامي :عماد اعتذر لك هااليومين مااقدر اخذ اختك امي متوفيه والظروف ماتسمح ابد

عماد بأستهتار:ومتى ان شاءالله ناوي .؟!

سامي :انتظرني ايام لين يهدى الوضع واجي اخذها

عماد :لك اسبوع وتجي تاخذها..

سامي بحقد :خلاص يصير خير ..(صك السماعه بضيق) رماه على الارض بقوه : الله ياخذ اشكالك ياكلب..

.........................................

في المطعم..

(الاناره خافته والمكان هادي ...)

خالد وهو يجلس :والله هاالمكان شي

سعود : ينفع لي لاتزوجت اعشي فيه زوجتي

خالد :اشوفك تطري الزواج كثير هاالايام لايكون معزم

سعود تذكر كلام جدته وامه: في ناس بيحددون زواجي قريب

خالد بضحك:قسم بالله انك ترحم ياشيخ ياخي قل لهم ماابي بنتكم غصب يلزقونها فيك

سعود بصوت هادي ومسترخي وخيال نوف مافارقه :تصدق ياخالد شفتها اليوم ياهي صاروخ عمت عيوني من الزين اللي فيها

خالد يفز ويجلس جنب سعود:قل والله ..

سعود يناظره بطرف عينه:خير تبي تجيب راسها ؟

خالد بتصريفه :لا بس احب طاري الزين والمزيونات

سعود حس ان الفرصه جته:طيب يااخي منار تقطع القلب من الزين اللي فيها

خالد رجع لوراء وهو مكشر :ياحبك تنكد على الواحد

سعود بحزن :خالد تدري اليوم من شفت

خالد :من ..؟

سعود يركز عينه على خالد :ولدك ..؟؟؟؟؟؟؟؟؟

.................................................. ....

طلال يأس من ان يكون فيه احد رجع يتصل بأبو عمار لاكن جواله مغلق اتجه لسيارته وحركها ابتعد بمسافه خمسه كيلو

الطريق تقريبا فاضي الامن مرور بعض الشاحنات

سياره زيد تتبعه من وراء بمسافه بعيده..حس ان الفرصه حانت

لف زيد لجهه اليمين واسرع .رفع بندر السلاح وهو يصوب لكتف طلال وبعد ماقرب اطلق ثلاث رصاصات تكسر زجاج السياره

وجرحت وجه طلال اللي دخلت بكتفه رصاصتين حاول يوازن السياره وقدر يوقفها بصعوبه على طرف الطريق نزف بقوه تالم

وحس بطعم الموت ضغط على يده يخفف الالم وهو يعض على شفاته بعدها فقد الوعي ..

زيد زاد السرعه اكثر وطلع من الطريق لطريق جانبي بري ..

رفع السماعه لاابو عمار :تم كل شي .

ابو عمار :قضيت عليه

زيد :اطلاقنا عليه بثلاث رصاصات

ابو عمار:تعال لاابو جهاد

زيد :طيب والاستراحه

ابو عمار :اللي خايفين منه قضينا عليه

زيد :طيب جاينك الحين..

................................................

خالد أستغراب:ولدي..؟؟

سعود بجديه:اي ياخالد ولدك

خالد بضحكه:ضاربه فيوزك انت..؟

سعود:نسيت كلام منار اول ماجت

خالد عصب :مصدقها من جدك.؟

سعود:خالد خليك هادي ونفهم الموضوع سواء

خالد : متى شفته انت ..؟

سعود :وصلت منار وطلبت منها

خالد :سعود بتودي نفسك بداهيه مع منار هذي

سعود:خالد ابيك تفهمني الولد يشبه لك ويشبه امه ايش اصدق دليل من هذا

خالد بخوف: يتخيلك ياشيخ

سعود: تعال معي بكره وتشوفه

خالد بغرور:وهذا الناقص بعد

سعود :انت مايضيعك الاغرورك

خالد:مغرور ومن حقي اغتر

سعود يتنهد: ايش ذنب هاالولد يعيش يتيم وابوه عايش

خالد :خلينا نتعشاء ووفر نصايحك لك

.........................................

الساعه 12 ليل ..

في غرفه عهد..

هديل بحماس:خلاص دام في اسبوع فرصه قدامك نشتري فستان وملابس

عهد مطنشه هديل وحاطه راسها على المخده ..

هديل : ولا اقولك اعرف اخت صديقتي فستانها يجنن ياعهد يوم زواجها ابقول لرنيم تقول لاختها

(عهد تسمع اختها بصمت)

هديل تهز عهد:هيييه اكلمك

عهد بضيق:هديل خليني لحالي ماني رايقه ابد

هديل :ايش يفيدك الحزن خلاص كل شي تم وصار المفروض الحين تستعدين ماقدامك الااسبوع ولاكان من اليوم وانت في بيت زوجك

عهد :مايهم اصلا انا ماانزف لزوجي انزف لقبري

هديل :عهد والله هاالرجال فيه مرجله لو احد غيره كان راح وخلاك

عهد :بس ايش جنيت من بعد ماساعدته الاالشك والهم والزواج وانا صغيره

هديل :منتي صغيره اللي مثلك عندهم ولدين وثلاث بس خلي عنك دلع البنات ودامك واثقه من نفسك ماسويتي غلط ليش الحزن وعماد ماعليكي

منه هو اصلا من قبل يشك فيني وحتى الحين ماخذ جوالي والله امي تعبانه لاتزيدين عليها وخلينا نفرح قلب امي

نزلت دمعه حاره على خد عهد غمضت عينه وتمنت ان الموت يجيها ولامرت بهاالموقف .(اكثر جرح للبنت لاانظلمت في عرضها)

.........................................

في المستشفى

قدروا مجموعه شباب يسعفون طلال بعد كم ساعه

نقلوه للعنايه المركزه اصاابه الرصاصتين كانت قويه عليه ونزف دم كثير ومحتاجين تبرع له

تبرع احد المسعفين بدمه وبعدها دخلوا للتحقيق مع الشرطه

وبلغوهم على موقع الحادثه .. اتجهت سيارتين من الشرطه للمكان تتفحصه ..وتدور دليل للجاني

.................................................. .......................

في غرفه التلفزيون ....

ندى تقرا كتاب لدايل كارنجي .. وترفع راسها بعد ماتلقى معلومه حلوه تعطيها اخوها ياسر وريم اللي منسجمين مع بعض باالسوالف

ريم :عاد تصدقين هالمؤلف انتحر لاتقرينه اخاف نشوفك بكره معلقه نفسك باالمروحه

ندى:ههه ايش عليك منه هو كافر يعني وين يلقى الراحه اهم شي خذي الزين منه

ياسر : في كثير متناقضين في الحياه يعني هو مطلع كتاب عن القلق واشتهر به وفي الاخير انتحر سبحان الله حتى بعض

المختصين بمشاكل الازواج تلاقين مصايب في بيتهم

سمعوا صوت امهم تهاوش بدر عند الباب ..

دخل بدر وهو ضايق من امه ..وام ياسر وراه

ريم :يمه خذوا منه الدباب بس

بدر بقهر :ريم ..؟

ريم بضحك:وانا قايله شي غلط الدباب يوخذ منك للورثه

بدر:ومنهم الورثه لايكون انتي

ريم : اي ومن يكون .

ام ياسر:اسكتي انتي اللي تشجعينه على هاالحركات اللي مالها داعي

ندى:يمه لكل شخص موهبه ليش يدفنها

ريم:اخص قوم علم النفس صاروا يتفلسفون

ام ياسر:انا خايفه عليه يستعرض بهاالدباب والناس يصفقون له ولاصار له شي اول مايتخلى عنه هم

بدر ضايق : شسوي يمه طفش في البيت

ياسر :بدر لاتتعودها ترجع متأخر طيب

بدر بضيق:خلاص طيب بس لحد ياخذ الدباب

.................................................. .......

رجع للبيت اليوم الاربعاء بلعاده مو موجود في هاالوقت

عفاف وهي تاكل كب كيك وعينها على سعود :غريبه جاي مبكر؟!

سعود يجلس بجنبها :راحت مها .؟

عفاف :اي

سعود ياخذ الكيك من الصحن :ماجلست معها زين ابيها تقولي باالتفصيل من هو اللي خاطبها

عفاف: صالح ولد جيرانهم

سعود وهو يتذكر :صالح ..؟ ايه تذكرته لا ذاك رجال ماشاءالله عليه

عفاف : فديتها ملكتها بعد اسبوعين

سعود عوره قلبه تذكر ان ملكته مرتبطه بها:سكت شوي وبعدها سأل:

عفاف وش نظرتك لنوف.؟!

عفاف وهي تحرك السكر باالكاس مستغربه من سؤاله : حبوبه حيل

بس بدون مجامله مااحس انها لايقه عليك مره لاكن صدقني بتحبها بعدين

سعود:وليش ماتحسينها لايقه ايش فيها

عفاف:لاهي حساسه مره وانت الله يهديك دايم مزوح

سعود:بس هذا الشي عادي اكيد انها حساسه لانها بنت كل البنات حساسات

عفاف: طيب انت ليش مو مقتنع فيها

سعود تذكر ريم وبعدها وقف:مدري محتار ولاابي اظلمها > يله اجل ابروح غرفتي

.................................................. ....

ريم على مكتبها ترتب كتبها اخر ترم لها وتتخرج من دبلوم اداره اعمال اخوها ياسر موعدها يشغلها في البنك وهذا حلمها من كانت صغيره .

. بدت تخطط الجدول اللي بتمشي عليه للمذاكره الامتحانات بعد اسبوع ..

تنبيه جوالها برساله ...........؟؟

( ريم ردي ابي اكلمك)<الرساله من تولين (سعود)

تطالع الرساله بشرود محتاره ماتبي تنجرف وراء عواطفها حطته على الصامت وتجاهلته

وبدت تخطط الاشياء المهمه باالكتاب,, وفكرها متشتت مره مع الجوال ومره مع الكتاب

...............................................

سعود يده على خده محتار يبي يسمع صوتها يتأكد من مشاعره من ناحيتها دايم شاغله باله

انتظر ردها لاكن مافي,,,

كرر كذا محاوله لاكن مايحصل رد في كل مره ..( طبعه يحب البنت اللي شخصيتها قويه وصعبه المنال)وهذا اللي خلاه مايل لريم

فتح رساله وكتب ( ابي اقولك شي ضروري بس دقيقه ردي )

رجع يدق وهو عنده امل ,, فجأءه سمع صوتها (بدى قلبه يدق بقوه ) وانرسمت بسمه على شفاته براحه

سعود : هلا بهاالصوت

ريم :اعتقد قلت تبي شي ضروري

سعود يموت فيها لاعصبت: ريم بقولك شي بس بتصدقيني..؟

ريم ماردت عليه تنتظر رده :..

سعود بصوت هادي:ريم انتي معي ..؟

ريم : ماابي اضيع وقت مع واحد سخيف مثلك بتقول ولااقفل

سعود يقرب السماعه اكثر لاذنه ومن قلب يقول :ريم انا احبببك

ريم هزتها هذي الكلمه حست انها طالعه من قلبه ضغطت على السماعه وقفلتها بيدين مرتجفه

حطت الجوال على الطاوله وقامت تمشي بغرفته بدون شعور وكلمته ترن بأذنها

جلست على الكرسي وهي تفرك يدها بأرتباك..

................................................

حس سعود براحه كبيره بعد مانطق هاالكلمه اللي طلعت من بين ضلوع قلبه مازالت السماعه على اذنه يتمنى ان ريم ترد صدى كلمته لاكن ماسمع

الا صوت توت توت......

نزل الجوال وفي نفسه( الحين قدرت افهم مشاعري.)

حط الجوال بجنبه وتسند على الكنب وهو يتنهد يفكر فيها دقايق ,,,بعدها قام بطفش وفتح الالب

ودخل على القروب في المسن كل ربعه فيه اللي من فتره فاقدينه من يدخل عليهم يقلب عليهم الجو ضحك وهبال

......................................

بعد يومــين ..السبت ..الساعه عشر الصبح

عماد باالصاله بيده زقاره ويطالع التلفزيون

هديل متغيبه عن المدرسه في نيتها تطلع مع عهد تتسوق ..وتشتري بعض الاغراض لها ..

انفتح الباب ..

يمممه ..؟

ام راشد:نعم يابنيتي

هديل تحب راس امها يمه عماد تحت خليه يطلعنا للسوق

ام راشد:مراح يطيعني هاالولد

هديل:يمه مر يومين ولاسوينا شي هو مايسمع لي ابد حاولي يمه تكفين علشان خاطر عهد

ام راشد توقف بتعب :اه تعالي معي نتكلم معه عسى ربي يهديه هاالولد

نزلت للصاله جلست قريب منه بصوت هادي وحنون:عماد ياولدي نبي تودي البنات للسوق تتجهز عهد

عماد :وهي معها مهر تتجهز منه

ام راشد:شسوي الرجال ماعطانا شي وماعاد بقى شي على زواجها

عماد :مافي داعي تتجهز اللي مثلها المفروض تندفن مب تتزوج

ام راشد:ياوليدي اوخيتك لاتظلمها كثير مالها سند الا اخوانها

عماد معصب :وليش اظلمها يعني اكذب عيني اذا كانت امها خريجه سجون ايش تكون البنت اجل!!؟؟

ام راشد حست بطعنه بقلبها تلفتت على هديل اللي مو فاهمه شي :قامت ودخلت داخل وهي لاحول لها ولاقوه ..

هديل واقفه بصراخ :ليش انت تعامل امي كذا ؟؟؟

عماد ببرود :ماتفارقيني احسن لك ..

هديل ركضت لداخل وهي تدعي عليه بصوت واضح....(يارب تموت وتفكنا منك ياابليس)

.................................................. ....................

خالد ماطلع للشغل تعبان وكل سعود..يقوم باالشغل كله

سعود انهى شغله مبكر وطلع ياخذ منار لتركي

في الطريق وقف عند محل اطفال :منار عطيني مقاس تركي ماعندي خبره بهااالاشياء

منار تطالع المحل :ليش..؟

سعود:نشتري شويه ملابس واغراض له شرايك تنزلين معي

منار انحرجت من كرمه :لا مالاداعي الدار مايقصرون

سعود يفتح الباب وينزل :طيب مايخالف زياده الخير خيرين يله انتظرك داخل

منار احتارت وانحرجت كثير عدلت عبايتها ونزلت ..

وبعد ماخلصوا اتجهوا لتركي .....

طلع تركي لسعود اللي حضنه بشوق وحب دخل قلبه هاالطفل يذكره بخالد كثير

جلس معه نصف ساعه وبعدها رجع منار لشقه

وطلع يزور خالد في بيته...

........................................

ريم تكلم ساره باالمسن ..

ياعساني ماانحرم من ناس تعيش بوسط قلبي (ريم)

تدري وش معنى العذاب انك تشتاق لشخص صار تحت التراب (ساره)

ياعساني ماانحرم من ناس تعيش بوسط قلبي

وجهي صبوح وبسمتي تفتح النفس من شافني لاضاق صدره تبسم (*_*)