رواية اذا انتثر دمع عينك -6
الشباب والبنات : وقـــــــــــــف مشاري وقف
مشاري وقف : شنو فيكم ؟؟
نزلوا الشباب بسرعة والبنات نفس الشي
مسك نزلت : شنو فيكم ؟؟
الشباب والبنات : هههههههههههههه
نزلت أخر وحدة دانة وراسها يدور: حسبي الله عليكم
مشاري : شفيكم ؟
ملاك : أبد سلامتك بغت دانة ترجع علينا
دانة حطت يدها على فمها وركضت داخل المزرعة
الكل : ههههههههههههههههه
ودخلوا داخل المزرعة
نهــــــآآية البارت الســــــآبع.. ^^
ارائكم وتوقعاتكم تهمني ..^^
&&&&&&&&&&&&&&&&&&&&&&&&&&&&&&&
~| البــآرت الثـــــــآمن |~
الشباب والبنات : وقـــــــــــــف مشاري وقف
مشاري وقف : شنو فيكم ؟؟
نزلوا الشباب بسرعة والبنات نفس الشي
مسك نزلت : شنو فيكم ؟؟
الشباب والبنات : هههههههههههههه
نزلت أخر وحدة دانة وراسها يدور: حسبي الله عليكم
مشاري : شفيكم ؟
ملاك : أبد سلامتك بغت دانة ترجع علينا
دانة حطت يدها على فمها وركضت داخل المزرعة
الكل : ههههههههههههههههه
ودخلوا داخل المزرعة
&&&&&&&&&&&&&&&&&&&&&&&&&&&&&&&&&
دخلت دانة داخل المبنى بسرعة وشافتها أختها دانيا
دانيا : شفيك
دانة : دخلت على جهة المغاسل واستفرغت
دانيا : هههههههههههه قلت لك لاتروحين
دانة : حسبي الله عليهم
دخلت مسك ورهف : ههههههههههههه
مسك : شفيك تدعين كأنك عجوز سارقين خبزك خخخ
دانيا : شنو عجوز سارقين خبزك من وين متعلمتها
مسك : هذي من سارة و روان
رهف : تنرحمين والله
دانيا : قولوا لي شنو صار
جلسوا رهف ومسك يقولون لها شنو صار طبعا مسك ماقالت الي صار بينها وبين مشاري
&&&&&&&&&&&&&&&&&&&&&&&&&&
ملاك مبعد تدخل داخل المزرعة : روان سارة انتتظروا بربط خيوط جزمتي (وانتوا بكرامة) انفكوا
سارة و روان طلعوا وقفوا قدامها ومعطين باب المزرعة ظهرهم : هههههه
سارة : بصراحة ياروان أخوك فلــــته
روان : إي والله هذا أحسن شي فيه رج راسنا رج
ملاك وهي منحنية تربط خيوط جزمتها (وأنتوا بكرامة) : هههه شرايكم نسميه فلتت زماني ؟
روان تحك خدها بأطرف صبعها : إممم تصدقين والله لقب مو شين يليق عليه
سارة : خلاص كل ما فكرنا بلقب حق اي احد نعرفه راح نستخدمه بدل اسمه أحسن
ملاك : حلو حلو .. يلا خلصت
روان وسارة توهم بيلفوا على الباب
طراااااااااااااااااااااااااااخ
ملاك رفعت راسها للباب : سكروووه
روان راحت عند الجرس : الحين يفتحووه
دقت الجرس سمعت صوت من ورا الباب : ههههههههههه خليكم برا أحسن وروني الحين من راح يفتح الباب لكم
سارة : عادي بندق الجرس ويجون يفتحوا الحين
الي ورا الباب : ههههه وهذا الجرس وطفيته وروني شطارتكم باااي
ملاك تضرب الباب بيدها بقوة : ياااسرووه و وجع افتح
.. لا رد ..
ملاك وقفت ضرب ولفت على سارة و روان : شنو نسوي الحين يعني نظل كذا برا
روان حركت كتوفها بمعنى ماتدري : ما أدري فكروا شوي يمكن نلقى حل
سارة ساكته وحاطة أطرف صبعها الإبهام على شفتها السفليه : ياسروه أكيد ذلف وطفا الجرس أكيد فيه حل
وظلوا واقفين دقيقتين يفكرون وبدون ماحد يتكلم
روان تناظر ساعتها : الحين الساعة اربع مرت خمس دقايق وأحنا برا
ملاك تناظر بعيد : هــي انتوا فيه سيارة جاية على جهة طريق مزرعتنا
روان خافت : أخاف يصير شي
سارة طلعت صوت بصبعها ومعالم الفرح بوجها : لقييييييتها
روان وملاك بسرعة: قولي
سارة : خلونا نلف ورا المزرعة فيـه
قاطعتها روان : أييه فييه سلم
ملاك : أجل يلا عجلوا شوفوا الي في السيارة هناك يناظرونا
راحوا بسرعة ورا المزرعة وقاموا يدورون على السلم
ملاك : هذا هو ساعدوني
روان وسارة ساعدوا ملاك ورفعوا السلم وثبتوه على الجدار
سارة : الله يلعنك ياياسروه في كل كتاب
ملاك : ههه شرايكم إذا دخلنا شنو نسوي فيه ؟
روان : خلينا ندخل بالاول بعدين نفكر
سارة : أوووه مشكلة الحين إذا خطرنا كيف ننزل من الجدار لأن الجهة الثانية مافيها سلم أو شي
ملاك : عادي ننقز على الارض صحيح إنا الجدار رفيع شوي و بنتألم بس ماعليه
روان : يلا أنا بصعد الحين أمسكو السلم اخاف يطيح فيني
ملاك و سارة : أوكي
روان رفعت عبايتها لخصرها واربطتها ونفس الشي ملاك وسارة
سارة تكلم ملاك : كشخة جينزك
ملاك : أحم من ذوقك تسلمين حتى أنتي حلو حقك وروان نفس الشي
روان : هههه والله فاضين نسولف وأحنا برا
ملاك وسارة : ههههه
وصعدت روان وجلست على الجدار : يلا
ملاك : سارة أنتي اصعدي انا أمسكه لك
سارة : طيب
وصعدت سارة : يلا باقي أنتي
ملاك : يلا بسم الله
روان : ذبيحة هي
ملاك : ياحظي على الأقل أنتوا مسكت لكم السلم أنا ماحد ماسكه لي
سارة : يلا بلا تمنن علينا
ملاك وهي تصعد على السلم : مشكلتكم نذلات
روان وسارة بنفس الوقت : عليك هههههه
وصعدت ملاك وتوها بتوصل إلا بتحرك السلم
طااااااخ
ويطيح وعلى اخر لحظة مسكت روان يد ملاك اليسرى وسارة مسكت يدها اليمنى
ملاك : يمـــه
روان وسارة حاولوا يسحبونها بس ماقدروا
ملاك : تركوني أحسن
سارة : مجنونة أنتي لو نتركك الحين بتطيحين على ظهرك وتتعوقين
روان : شنو نسوي الحين ماقدرنا نسحبها
سارة : شوفي في أحد هناك
روان : يوووسف يوسفووووه
جا لهم يوسف الي كان يلحق القطو لأن فارس تحداه يمسك القطو
يوسف يناظرهم متعجب : شنو تسون هنا ها ؟
سارة تحاول أنها ماتفلت ذراع ملاك: بعدين نقولك ساعدنا ملاك بتطيح
يوسف : ها
روان بسرعة : يوسوووفوه وصمخ اطلع برا المزرعة عشان تساعدنا
يوسف استوعب بسرعة ركض وطلع برا المزرعة
يوسف وهو يلهث : هذا انا جيت
سارة : شنو تنظر امسكها تعبنا
يوسف ارتبك شوي بعدين مد يدينه لملاك وحطهم على خصرها : اتركوها بشوي شوي عشان لاتطيح
ملاك غمضت عيونها يوم حست أن يوسف مسك خصرها
روان وسارة قاموا يتركون ملاك شوي شوي لمن تركوها
روان : يلا أنا بنقز من الجدار سي يو
سارة : حتى أنا سي يو
ونقزوا لداخل المزرعة
يوسف وهو لحد الحين ماسك خصر ملاك ويلهث فنزل جبهته على كتفها : أنتوا شنو مسوين ؟
ملاك ارتبكت : أأأأأأأ يوسف
يوسف لحد الحين منزل راسه على كتفها : هاا
ملاك احمر وجهها ونزلت راسها : لو سمحت باعد عني شوي
يوسف رفع راسه بس ذقنه على كتفها وناظرها : ها >>> الأخ مفهي
ملاك بصوت اشبه للهمس : يوسف
يوسف ناظر يدينه وسحبهم عن خصرها : سوري ماكنت اقصد
ملاك نزلت راسها وبسرعة راحت عند الباب الرئيسي وكان مفتوح لان يوسف ما سكره ودخلت
يوسف راح وراها ووشافها تدخل ظل بناظرها لمن اختفت عن عيونه : هههههههههههههههه ( ودخل )
روان وسارة شافوا ملاك راحوا لها
سارة دقت روان بكوعها بالخفيف : روان مو كأن ملاك طولت مع يوسف برا
روان فهمتها : ايه تأخرت شكلهم مسوين شي شوفي وجهها أحمر
ملاك الي كانت سرحانة انتبهت لكلامهم و سوت نفسها معصبة: ها عيدوا الي قلتوه
روان وسارة : بس بس ماتسوى علينا كلمة
ملاك : اييه شنو بتسون بياسروه الملعون
سارة تلفتت يمين وشامل شافت سكين على الأرض خذتها : الحين تشوفين
روان : ياخبلة
سارة : لاتخافون ماراح اسوي شي بس يعني تهديد تعرفون
روان : تجين معانا ملاك تاخذين حقك
ملاك : إيه على بالك بسكت يلا
وراحوا على مبنى الشباب
سارة تصارخ : ياسروووه وصمخ ياسرووه كأنك رجال تعال
كانوا الشباب جالسين برا على الكراسي الخيزران
ياسر وهو جالس على الكرسي : مبرووك دخلتوا كيف
روان : لا بعد تعترف بكل سهولة
ملاك : أنا ما أسكت عن حقي
مشاري : خير شفيكم
ريان : فهمونا حبة حبة عشان نفهم
سارة : رفعت السكين تأشر على ياسر : ذا الدلخ سكر باب المزرعة علينا وخلانا برا
روان تكمل وتحط كذبة : إيه زين قدرنا ندخل بسرعة كان فيه شباب يناظرونا
ملاك تكمل الكذبة : الحمدلله ظنيت أنهم بيخطفونا
الشباب لفوا على ياسر
فارس : خلاص روحوا أنتوا وبنبلغ وزير الداخلية و وزير المالية ( يقصد أبوياسر و
بوفارس)
سارة تسوي نفسها معصبة وتروح عند ياسر وبيدها السكين وتمسك ياقة ياسر : لا أنا باخذ حقي الحين
قام فارس ومسك يدينها : سارة بلا استهبال خلاص
سارة تسوي نفسها معصبة : اتركني عليه خلني اعلمه الأدب
وخلت السكين على خد ياسر : الحين اخذ حقي
ياسر بهاللحظة خاف : اتركيني يامجنونة
روان وملاك وسارة : هههههههههههههههههههههههه
سارة باعدت وقطت السكين بالأرض : فارس خلاص بلغ وزير الداخلية و وزير المالية يتصرفون
الشباب فهموا انه مقلب : هههههههههههههه
روان : ثلاثة واحد هووو
وطبعا فارس قال لأبوه وابو ياسر وأخذ ياسر تهزيئة محترمة
وراحوا البنات المبنى حقهم وجلسوا سوالف لمن صارت الساعة ست
طلعوا الرجاجيل من المجلس : يلا مشينا
ريان : يووه تو الناس
تركي : مبعد يصير المغرب
بو فارس : لا خلاص الكل بيروح بيته كلن عنده شغل يسويه
سامي : اجل شرايكم تجون بيتنا الجلسة معاكم ماتنمل
بويوسف : لا اكيد أمك تعبانة الحين بعد السفر بعدين
يوسف يتنهد : أجل خيرها بغيرها
فارس : أجل أنا بوصل سامي بيتهم
ريان : تدل بيتهم ؟
فارس : إيه نسيت أن بيتهم جنب بيتنا الجديد
بوفارس : الي تشوفه بس هاا لاتسرع
سامي : إييه والله لو يسرع لأقطه من النافذة
فارس : ههه
وطلعوا كلهم برا المزرعة
سارة شافت سامي يركب سيارة فارس : ستووب ستووب سلااامات أنا و روان بنركب مع فارس
فارس : خلاص اركبوا ورا
يوسف : لاوالله أجل وين أجلس انا
فارس : اجل سارة و روان يركبون مع ابوي
سارة : على بالك بتقص علي بركب السيارة يعني بركب
يوسف : أجل عناد فيك أنا بركب مسوية أنك قوية
روان تروح : سارة باي ابوي مارضى
يوسف بنظرات تحدي : ها يلا روحي
سارة مدت لسانها : ما راح أروح
فارس فتح السيارة وركب وركبت سارة ورا كرسي فارس وركب سامي قدام
يوسف فتح الباب الثاني الي ورا سامي : اقولك اطلعي احسن لك كيف أركب
سارة بلا مبالاة : ماحد ماسكك تبغى تركب اركب
يوسف يتريق عليها وبنص ابتسامة : وبصفة شنو أركب جنبك أبوك ولا أخوك ها ؟
سارة : لا هذا ولا ذاك رح أركب مع عمي عبدالرحمن
يوسف عصب شوي : أقولك يلا نزلي لا أكفخك كف يعدلك
جا ياسر : اعصابك أعصابك خلاص أنا عندي الحل
فارس : عطنا الحل
ياسر دخل سيارة فارس وسحب يوسف جنبه : هذا هو الحل أصير الفاصل بينهم
سارة : لا والله انقلع برا يلا
ياسر يبغى يرد لها عقاب الساعة : اقول سكتي حمدي ربك تبغين تجلسين جنب الرجال كأنه زوجك بنات اخر زمن
سارة فتحت عيونها على كبرها : سلااااااااامات شنو قلت
فارس فتح نافذته : اسكتوا يبــه خلاص معي سامي ويوسف وياسر وسارة
بوفارس : خلاص احنا وراكم
ومشوا
سارة مكتفه يدينها ومتسندة على النافذة وتناظر ياسر : انت مع افكارك الي مثل وجهك مسوي زحمة بالسيارة
ياسر: انتي قلتيها بلسانك افكاري مثل وجهي و وجهي حلو أحم أحم بدون غرور
سارة : تراك شايف نفسك مرة ماتلاحظ
ياسر يبغى يقهرها : يوسف أقول ماتلاحظ أن في وحدة بزرة في السيارة
يوسف يبغى يرد لها حركة السيارة : اي والله بزرة وعقلها قد حبة الفستق
فارس : بس بلا إزعاج ادري لو أتركم تتخانقوا من اليوم لبكرة ماراح توقفوا
فارس وصل يوسف وياسر بيوتهم بقى سامي واخته سارة
فارس : هذا هو بيتكم صح
سامي : يس
فارس : أوكيك .. يلا سامي وصلنا بيتكم من غير مطرود برا
سامي طلع من السيارة ويطل من نافذة فارس : هههه أردها لك بعدين
فارس : نشوف .. أحم بغيت شي قبل لا أمشي
سامي : تعال أقلط بيتنا شوي
فارس : لا مايحتاج اسبوع الجاي ببسط عندكم
سامي : أوكيك باي ( ويدخل بيتهم الكبييير )
سارة لفت على فارس : فروس ثواني لاتمشي بجلس قدام
فارس : حياك تسوين لنا رزة بالسيارة بس والله ناقصك نقاب عشان تكمل لابسة لي عباية كتف وكاشفة وجهك
سارة ركبت قدام : أحم أحم على الأقل أنا عباتي واسعة تعرفها موديل الفراشة كأنها خيمة وحتى عيوني قمت ألبس عدسات سود وأنا ما احط زينة .. ويلا حرك
فارس : أهآآ .. أحرك ليكون سواقك وانا ما ادري
سارة : لاحووول ياكلمة ردي مكانك
راحوا سارة وفارس البيت
في بيت خالد (بومشعل) الي هو أبو سامي ..
نهــــــآآية البارت الثــــــــآمن .. ^^
ارائكم وتوقعاتكم تهمني ..^^
&&&&&&&&&&&&&&&&&&&&&&
~| البــآرت التـــــآسع |~
سارة ركبت قدام : أحم أحم على الأقل أنا عباتي واسعة تعرفها موديل الفراشة كأنها خيمة وحتى عيوني قمت ألبس عدسات سود وأنا ما احط زينة .. ويلا حرك
فارس : أهآآ .. أحرك ليكون سواقك وانا ما ادري
سارة : لاحووول ياكلمة ردي مكانك
راحوا سارة وفارس البيت
في بيت خالد (بومشعل) الي هو أبو سامي ..
دخل سامي البيت شاف أخته سمر : Hi soso ( هاي سوسو )
سمر : هايات
سامي : Where is my mother? ( وين أمي ؟ )
سمر : سامي خلاص أحنا رجعنا السعودية لاتكلمني بالانجليزي
سامي : ههههه أوكي ماجاوبتي على سؤالي ؟
سمر : أمي توها نايمة من ربع ساعة وقبل ما تسأل عن مشعل مبعد يرجع من راح يجيب شركة حق تنظيف البيت ورامي لحد الحين نايم
سامي : ههه طيب أقولك مافكرتي بأي مدرسة راح تنسبين لها ؟
سمر : إممم والله ما اعرف
سامي : أجل أنا عندي لك أقتراح سجلي بالمدرسة الي يدرسون فيها بنات عماتي وعمامي
سمر : إممم بس ما راح تفرق أنا من زمان ماشفتهم وما اعرفهم عدل
سامي : عادي مع الأيام راح تتعرفين عليهم أوكيك ؟
سمر : اوكي
سامي توه يجلس على الكنب : إي نسيت ترا بيت عمي محمد (بوفارس) بينقلون بالبيت الي جنبنا بعد أسبوع
سمر مو مصدقة : أحلــــف
سامي : شفيك أقولك بينقلون على الأسبوع الجاي
سمر : والله مو مصدقة أخيرا على الأقل أتعرف عليهم
سامي يحرك شعره : شفيك شنو تتعرفين عليهم لهالدرجة ماتعرفينهم تراهم اجتماعين
سمر : لا بس أحس من زمااااان ماشفتهم ( وتناظر ساعتها ) يووه بقوم أجلس رامي يتجهز للصلاة في المسجد
رامي وهو ينزل من الدرج ويسكر أزرار قميصه : شنو فيه غامي(رامي)الوسيم ( ملاحظة رامي فيه لتغة الراء )
سامي : بسم الله الرحمن الرحيم جني تطلع بكل مكان
رامي : والله مالجني غيغك (غيرك) تطلع من بعد صلاة الظهغ (الظهر) وما تغجع (ترجع) إلا الساعة ست ونص المغغب (المغرب) وين ذلفت ؟
سامي : والله انا أحسن منك مو طول الوقت نايم على الأقل أنا رحت زرت عمامي وعماتي وسلمت عليهم
رامي : اها بس شو موديك هناك مزعج خلق الله ؟
سامي : والله من الملل اتصل علي ريان ولد عمتي ألماس ومر علي و وداني المزرعة كانوا متجمعين هناك
رامي : أهآ أجل يلا مع السلامة بمشي المسجد عشان الجماعة
سمر باستغراب : بهالملابس ؟؟
رامي : شو فيها ؟ عادية
&&&&&&&&&&&&&&&&&&
رامي كان لابس قميص أبيض نص كم فيه رسومات جماجم بالاسود وفاتح أول زرين منه ولابس سلسلة فضية وجينيز كحلي غامق وشعره طويل شوي وناعم مسويه بطريقة حلوة
&&&&&&&&&&&&&&
سامي : لا أبد سلامتك بس لابس قميص وجينز وسلسلة ترانا بالسعودية مو ببريطانيا تبغى تفشلنا رح ألبس ثوب
رامي يضرب جبهته : اوووه نسيت بغوح (بروح) أغيغ (أغير) بس دقيقة دقيقة أنا ماعندي ثوب
سمر : حلوة ذي سعودي وماعنده ثوب لاتفشلنا
سامي : على ما أعتقد أن عندي ثوب كبير علي يمكن قدك جربه
رامي : والله عشنا وشفنا أنا أخذ منك ملابس صدق إذا قالوا أن الدنيا دواغة (دوارة) أنا الي اول أعطيك ملابس
سمر : بلا كلام زايد يامستعرب و روح جربه
رامي : وجع أنا مستعغب (مستعرب)
سامي : وهي الصادقة كأنك اجنبي وقلبت عربي
رامي يصعد الدرج : اووه تطفشون الواحد أغوح(أروح) أخذ الثوب أحسن لي
دخل مشعل البيت وهو يصفر : سامية وين كنتي ؟
&&&&&&&&&&&&&&&&&&&&&&&&&&&&&&&&&
أعرفكم على عايلة خالد (بومشعل)
خالد (بومشعل) : مهندس ابعثوه يشتغل في بريطانيا وقبل شهر صار له حادث وتوفى وهو يصير أخو بوفارس وبويوسف وبومشاري وأم أحمد وأم فيصل
الجازي (أم مشعل) : زوجة خالد أم حنونة وطيبة وهي الي صبرت عيالها على فقد ابوهم يعني أم قوية بمعنى الكلمة وصبورة
مشعل : العمر 29 سنة يشتغل طبيب نفسي .. عازب .. شخصيته مرحة ومزيحية .. من ناحية شكله .. عيونه واسعة ولونهم أسود .. أسمر .. ملامحة حلوة والي يشوفه يظن أن عمره 24 سنة يعني بالمختصر جمـيل جداً وأمه تعبت وهي تحاول تقنعه أنه يتزوج وأهو أقرب واحد لأخوه رامي
رامي : عمره 21 سنة يدرس " إدارة اعمال " هالولد فيه شوي غموض ولا يتكلم كثير إلا مع الي يعرفهم معرفه قوية ومن توفى ابوه صار يدخن .. وفيه شوي جرئة ..من ناحية شكله جمييييل لأبعد درجة الي يشوفه يظنه أجنبي لأن ملامحه شوي أجنبيه عيونه خضر على أزرق غاامق يعني لونهم غريب شعره شوي طويل وناعم خشمه طويل وصغير وبشرته أبيض مايله للإصفرار يعني هالولد كله على بعضه سدح
سامي : غني عن التعريف .. وعشان تتذكرون هذي صفاته :
عمره 18 سنة بثالث ثنوي\علمي عيونه وساع وناعسة لونهم عسلي غامق ملامحه خووقااااق له سكسوكه تطيح الطير من السما يتميز بالثقل والرزانة طيوب وحبوب يعني هالولد يسدح يجنن
سمر : أخر العنقود عمرها 17 سنة ثاني ثنوي\علمي .. هالبنت مررة نعومة وهادية ورومنسية بدرجة كبيرة ومن توفى أبوها تحاول تتماسك ولا تبكي من ناحية شكلها .. شعرها طويل لحد خصرها لونه كستنائي غامق بشرتها بيضا ملامحها نعومة عيونها وساع وناعسة مثل سامي بس لونهم أسود شفايفها صغيرة بس مملوءة ولونهم لون التوت
&&&&&&&&&&&&&&&&&&&&&&&&&&&&&&&&
سامي انقهر منه قام يتلفت يمين وشمال : عطيني شي اصفعه فيه .. كم مرة قلت لك اسمي سامي يا شمعه
مشعل يبغى يستفزه : هههه أحلا أحلا أنا شمعة البيت ياسامية
سمر : ههه كل ماتقول سامية أحسه اسم شغاله
سامي عطاها نظرة عشان تسكت : أجل والله الشمعة كثير عليك ياعود الكبريت
مشعل : عود ولا جيتـااار هههههههآآآي
سمر وسامي ناظروا بعض : سخـــيف
مشعل : وانتوا الأسخف خخخخ
سامي : شكل الأخ شارب شي
مشعل : شارب ولا لحية ههههههههههه
نزل رامي لابس الثوب وصاير عليه كشخة : مشيـعل شغايك(شرايك) ؟ حلو صح ؟
مشعل يصفر : اكشخ اكشخ يارجال أنت المثال للشاب السعودي الوسيم
رامي : أحم أحم مشكوغ(مشكور) يا أخي اللغيز
مشعل : العفو يا أخي الألغز
سمر : سبحان الله كل واحد يعرف نفسه بعد
سامي : والله كل واحد يفقع المرارة .. أقول انت ماراح تروح المسجد الحين ؟
رامي : إيي يلا مشيعل أنا غايح (رايح)
مشعل يصعد الدرج : خلاص انت اسبقني أنا ببدل وألحقك
رامي : طيب (وطلع)
سمر تكلم سامي : وأنت ماراح تروح المسجد ؟
سامي : لالا أنا بصلي هنا تعبت من المزرعة
الساعة ثمان ونص في بيت محمد (بوفارس)
أم فارس دخلت غرفه فارس : فارس قوم رتب اغراضك حق النقل على الأسبوع الجاي
فارس كان جالس على جهازه الابتوب : يــمه أنتي قلتي على الأسبوع الجاي يعني بعدين
أم فارس : لا لأنه راح ننقل أغلب الأغراض بكرة وخل لك كم قطعة ثياب تعبر فيها هالاسبوع
فارس : إنشالله بعدين ارتبهم
أم فارس : ما اقول إلا الله يهديك بس
فارس يستخف بدمه على أمه : ليــه يمه أنا كافر ؟
أم فارس مشت ولا عبرته وراحت غرفت البنات : خلاص جهزتوا أغراضكم وخليتوا لكم الأشياء المهمة حق هالأسبوع
مسك كانت تكتب كم واجب عليها حق المدرسة : إيه خلاص متى بنودي الأغراض
ام فارس : خلاص إنشاالله على بكرة وبعض الأثاث بنوديه للجمعية لأنه الأثاث جددناه للبيت الجديد
مسك : أهآ شي حلوو
ام فارس : ها و ست الحسن والدلال رتبتي أغراضك ؟
سارة كانت جالسة على الكمبيوتر الشخصي وتشتغل فيه : إممممم
مسك: حشى بقرة سويرة كلمي امي عدل
سارة مندمجة بالجهاز : إي
أم فارس : الله يعلم شنو مطير عيونك وعيون اخوك فارس بهالكمبيوتر
سارة : حركات حتى فارس جالس على الجهاز الحين .. ولا تخافين أنا قاعدة اكلم صديقتي بالمسن وإذا تبغين تتأكدين تعالي شوفي
أم فارس : لا و ذاكري بدل ماتجلسين على الكمبيوتر
سارة : طيب
أم فارس طلعت من غرفه البنات
سارة طفت الجهاز وقفلت باب الغرفة ولفت على مسك : ها الحين قولي السالفة يلا
مسك : أي سالفة ؟؟
سارة : لا والله تقصين علي يلا قولي لي سالفة الي بالمزرعة الي تتكلمون عنه أنتي ورهف
مسك تذكرت : إييييه ول ماتنسين
سارة : سمي بالرحمن لاتجيني عين
مسك : بسم الله الرحمن الرحيم عليك
سارة : يلا قولي لي أنا أختك لا تخبين علي شي
مسك : إممم شوفي أنا بقولك بس إياني وياك تقولين حق اي أحد حتى روانوه
سارة تحمست : إيييه لاتخافين سرك في بييير قولي
مسك : لأنك أختي بقولك وبليز لاتعلمين احد
سارة : اووه مسك يلا لاتطويلنها وهي قصيرة قولي
مسك قالت لسارة كل الي صار لها بالمزرعة مع مشاري : وبس
سارة فاتحة عيونها على كبرها وفاتحة فمها على الاخر: ابن اللذين والله خطير وجرئ بعد
مسك : بس بس سكري فمك لا تدخل فيه الأربعين ذبانة
سارة : لا بس بصراحة تفاجأت بقوة
مسك بخوف : سارة بليز لاتقولي لأحد
سارة : لاتخافين ماراح أقول لأحد .. بس تصدقين شكل فلتت زماني يحبك بقوة
مسك : يحبني ؟!! من فلتت زماني ليكون مشاري ؟
سارة : إيه أنا و روان وملاك عطيناه لقب بعد التفحيط
مسك سرحت شوي
سارة : مسك مسسسك مسكوووه وصمخ
مسك : هااا حتى في تفكيري تدخلين فيه شنو تبغين
سارة دقت أختها بكوها بالخفيف وتحرك حواجبها : تحبينه ها
مسك خذت مخدتها وحطتها على وجه سارة : سارووه بس لاتحرجيني اكثر
سارة تبعد المخدة : هههه والله يامشاريووه وطحت في قلب أحلى البنات
مسك : إيه مادريتي عن أخر خبر ؟
سارة باهتمام : شنو ؟
مسك : مو بيت عمي خالد الله يرحمه الجدار بالجدار مع بيتنا الجديد
سارة : الله يرحمه .. يس .. يس كملي
مسك : يعني سمر بنته في عمري راح نسحبها دايم في بيتنا
سارة : أهآ بس تتوقعين تقدر تتأقلم معانا بسرعة ؟
مسك : ليه لأ .. على بالك حنا وحوش في الغابة عشان تتأقلم
سارة : طيب شرايك نخليها تسجل بمدرستنا ؟
مسك : إممم والله ما ادري بخلي أمي تكلم أمها
سارة : أفكر الحين كيف صار شكلها حتى يوم كنا صغار ما اذكر شكلها عدل
مسك : لا تتعبين نفسك كلها كم يوم ونشوفها
سارة سكتت بعدين تكلمت : إييه تضيعين السالفة عشان انسى انك تحبين حبيب القلب ها
مسك : اقول ذاكري أحسن لك وسكري السالفة
سارة : اقول ضفي وجهك .. ولا اقول أنا الي بذلف عن خشتك
مسك : أيا بنت الذين بعد ما أخذتي الي تبينه تذلفين
سارة مدت لسانها : اروح لأخوي فارس أحسن لي
مسك رمت المخدة على سارة بس سارة بسرعة طلعت من الغرفة
سارة فتحت باب غرفة فارس بقوة وبدفاشة نقزت فارس من مكانه : هااااي
فارس : وجع يوجعك نقزتيني من مكاني
سارة ولا كانها تسمع : أنا قلت هاااااي
فارس : وعليكم الهاي وسطل ماي
سارة : ماخذها من عند قاموسنا
فارس : اخلصي شنو تبغين ؟
سارة سكرت الباب وقفلته
فارس : هـي خير ليكون بتسوين جريمة فيني تراني والله ماسويت شي
سارة : فويرس عن الاستهبال ويلا اعترف
فارس : شنو أعترف
سارة : من هي S ها ؟
فارس : شنو ؟
سارة : فروس لا تعب نفسك انا شفت الورقة بسيارتك وكان مكتوب فيها بخطك ليه الهجر S من هي ؟
فارس : مالك دخل ويلا ذلفي برا
سارة : فويرس هين راح اعرف وراح تشوف ( وتمد لسانها وتطلع برا الغرفة )
فارس : نشوف
بعد نص ساعة طلع فارس من غرفته عشان يدخل الحمام ( وأنتوا بكرامة )
سارة شافته يطلع دخلت على طول غرفته : إيه هين الحين بعرف مين
وفتحت جهازه وركبت المومري حقها ومن حسن حظها لقت ملف تسجيل المحادثات حق المسن ورسلته : أكبر غلط عندك يافارس أنك تحفظ محادثاتك ماتوقعت شخص مثلك ذكي بالبرمجة والهكرز يسجل المحادثات
وخلص الإرسال للمومري وطلعت من الغرفة ولا كأن شي صار
في بيت هنادي ( أم أحمد )
نهــــــآآية البارت التــــــــــآسع .. ^^
أراءكم وتوقعاتكم
بعد ماتعرفتوا على عائلة (بومشعل) تتوقعون هل راح تصير لهم أحداث ثانية ؟
هل تقدر سارة تكتم سر أختها مسك ؟
وتتوقعون هل مشاري يحب مسك جد ولا شسالفة ؟
وفارس ومن يحب يا ترا ؟؟ وهل الي يحبها فارس موجود في المومري الي حطت فيه سارة المحادثات ؟
و شنو راح يصير في بيت أم أحمد ؟
وهل راح تصير احداث جديدة في بيت بوفارس الجديد ؟؟
كل هذا راح تعرفونه في البارت العاشـر .. ^^
&&&&&&&&&&&&&&&&&&&&&&&&&&&&&&&&&
~| البــآرت العـــــآشر |~
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك