رواية اعشق نقاشه لا شافني اتحدى كلامه -6
ليه .. وبعدين فيه اشيائ كثيرة لازم اخبرك فيها ..
منيرة : طيب قول ..
سلطان : انا رجل ارمل .. عندي بنت اسمها رنا عمرها 10 سنوات ..
منيرة : انت كنت متزوج ! ..
سلطان: اصبري لي .. قلت لك اني موظف بسيط .. بس انا مو كذا .. كنت بختبر حبك ليه .. واشوف اذا انتي بتصبرين علي لو كنت واحد فقير ..
انا تاجر كبير ومعروف اسمي علي الـ........ كنت ادور على ام لبنتي وما لقيت الا انتي .. انتي الانسب ليه .. وعمرك مقارب لي ..
منيرة : وشوو .. والله ما ادري ايش اقولك .. بس ..
علي: بدون بس .. انا بغيتك انتي . . ومتى تبيني اتقدم لك من اخوك ؟
منيرة : لحظة شوي .. تلفوني يرن ..
الوو ..... هلا فتون .....خبر ضروري! .. ...... لالا بالبيت ........ خلاص خلاص الحين جايه ... ..
علي : عسى ما شر ؟؟
منيرة : والله ما ادري .. بس يبوني ضروري .. يالله وصلني على البيت ..
علي : طيب ..
طلعوا من الكوفي بس ما انتبهوا للعين اللي تراقبهم ..
================
الضابط : ااا .. طيب على امرك ..
الحين تطلع ...
حمد : انتظرها ,,
جابوا وسن وكان شعرها مبهذل والطرحه طايحه على كتفها .. طالعت حمد بنظرة تحدي ..
الضابط : مبروك يا وسن .. الحين بتطلعين ..
وسن : لا .. اااقصد .. ليه ؟؟ انا ارتكبت ذنب كبير. . ليه تطلعوني .. ؟
الضابط : تفضلي ابصمي هنا ...
وسن طالعت بحمد وحمد يطالعها بنظرة استهزاء..
وسن موقفه بمحلها ..
حمد بصوت عالي وفيه شئ من التهجم .. " اظنك سمعتي ايش قالك .. روحي ابصمي ..
وسن راحت مكرهه وبصمت ..
طلعت من عند الضابط وهم بالطريق لبوابه الخروج
حمد " عدلي حجابك ..
وسن : شئ ما يخضك ..
حمد وقف وقعد يطالع فيها ..
وسن مصممه على موقفها معاه ..
وسن بنفسها : والله لأعاندك يا حمد واكرهك الساعه اللي عرفتني فيها ..
حمد قالها : لانك مو متربيه فالحجاب شئ غريب عليكي ..
طلعوا من القسم وراحوا على البيت ..
دخلوا .. وسن وقفت قدام المدخل تحاول تعدل بشكلها ..
جات ريماس ركض وقالت : بابا بسمه اغمى عليها ... حسام يقول جدي مات ...
حمد بصدمه : وشوو
وسن التفت وطالعت بحمد وريماس ..
دخلت عمتهم منيرة .. وهي تصيح
قالت : صدق .. حمد تكلم .. اخوي مات .. ااااااااااااااااااااااه بس .. وجلست تبكي على الأرض ..
حمد طلع ركض لفوق .. ,شاف رهف منسدحه على الكرسي ومعطيته ظهرها .. وام حمد حاط ايدها على عيونها .. وحسام وجهه محمر ومقهور .. راح لغرفه بسمه ودخل شاف بنات عمته .. من الصدمه نسي انه لازم يتغطون عنه .. وهمه بمكانهم محد تحرك ...جلس حمد على السرير ومو مصدق ان هذي اخته .. القوية تنهار بسرعه .. شعرها البني منثر على وجهها الابيض .. عيونها حمرت من كثر الدموع ..
جاء ضمها .. وقالها: اصبري .. كلنا ماشين بذا الطريق. . .
وسن يوم اتأكدت من الخبر .. راحت لغرفتها .. وانهارت تبكي على سريرها .. خافت من المستقبل .. مين بيحميها ,,, ايش بيصير لها ... تعبت من كثر الدموع ونامت ...
==================
اليوم الاول للعزاء الكل ساكت . . رهف على وضعها .. نزلت بسمه وام حمد يستقبلون المعزين .. الكل ساكت .. البيت كله اللي فيه لابسين اسود .. حتى الخدامات لبسو ثياب الحداد..
انفتح الباب .. طالعت بسمه تبي تشوف الداخلين .. الرؤيه مشوشه عندها من كثر الدموع .. لمحت نوف وشهد ... قامت وقالت بصوت مرتجف : بعد اللي سواه ابوكم الخسيس لكم وجه تدخلون .. ااااه بس .. مغسول وجهكم بمرق .. فتحت الباب وكملت : اطلعوا برا .. براااااا ....
طلعت بسمه وهي ماسكه شهد اللي كانت تطقطق بالكعب العالي .. وتتمخطر يمين ويسار .. كانوا باخر زينه .. حاطين ماكياج كااامل .. شهد سوت كيرلي .. ونوف حاطة مناكير وحاطه بف بشعرها .. طلعوا .. وسكرت بسمه الباب بكل قوتها ...
============
بالمستشفى .. روان حطت ايدها على بطنها .. حست بألم فضيع ..ضغت الجرس تنادي الممرضه ..
جات الممرضه . .
روان : الله يخليكي .. ابي مهدء مخدر اي شئ .. اااااه الالم فضييييييع ..
الممرضه : بيضرك ..
روان : طيب وين اهلي.. ابي اشوفهم ..
الممرضه : جاكي اخوكي اليوم الصبح .. بس كنتي نايمه ..
روان تذكرت اللي صار .. وجلست بقوة دمعت عيونها وقالت : طيب ابوي وينه ؟؟؟
الممرضه : بخير ..
روان : طيب بشوفه ..
الممرضه : حالته ما تسمح ..
روان : شكلك تكذبين علي .. انا حاسه ابوي صار فيه شئ ..
الممرضه طلعت بدون ما ترد عليها
خلت الافكار تروح وتحي براس روان . .
====================
في العزا عند الرجال ..
جاء مراد وماجد يعزون .. وقفوا مع حمد عند الباب ...
حسام : حمد ..
حمد : هلا. .
حسام " بتخلي حق ابونا يضيع ..
حمد سكت ..
حسام : انا رايح ابلغ عنه الشرطه ..
حمد " نعن ابوك .. ابوي توه ميت. . حتى ما صلينا عليه رايح تشتكي ..
حسام : انا بروح وانت بكيفك ..
حمد : يعني بتخليني لحالي ..
حسام : مراد وماجد معاك .. انا ماشي ..
طلع حسام من المجلس وهو متوعد ابو نوف ...
راح لقسم الشرطة وحرر الشكوى ..
الضابط : هنا طالع لي بالجاهز انه سافر لليونان ..
حسام : والحل ..؟
الضابط : الحل تبلغ عنه بالانتربول الدولي ..
حسام : وكم ياخذ الوقت ؟؟؟
الضباط : بيطول اكيد ..
حسام : ما تقصر . .
وطلع من القسم .. وراح عند البحر ..
قعد يتأمله .. شاف البحر .. غامض.. غريب ... تذكر اخر مرة راح له ...
تذكر يوم راح للبحر مع ابوه يوم انه صغير. ... تذكر كيف كان يعلمه الغوص .... : الله يرحمك يا يبه ..
كانت عيونه كلها شوق ..
أبـى أشتكيلـك يـا بـحـر مــر شـكـواى
وإن كنـت صـادق ردلــى مــا شكيـتـه
أبـى أشتـكـى هـمـى وحـزنـى وبـلـواى
وإن جـف دمعـى مــن عيـونـك سقيـتـه
أبـى أشتـكـى مــرى وغيـمـى ودنـيـاى
وجرحـى الكبيـر إلـى فـى حياتـى خفيـتـه
ودى أحطـم مــا بـقـى داخــل حـشـاى
ودى أغــرق داخـلـك مـــن هـويـتـه
تعبـت أنـا ابحـث عـن حياتـى ومـرسـاى
ودى أجــازى مــن طعمـنـى وجفـيـتـه
أبـــى أشتـكـيـلـك يــــا بــحــر
ويـــــــــن هـــــــــا دواى
صــمـــتـــك ذبـــحـــنـــى!
لــيـــه عـطــفــك مـحـيـتــه؟!
يـا بحـر ياللـى مــا تـحـرك لنـجـواى
خلى بعيونك جرحى ياللى عنيته
سكت وراح ركب السيارة ..
رجع على البيت وهو كله اسى ..
حمد : وين كنت .. ؟ كل ذا عند الشرطة ؟
حسام : لا رحت شوي اغير جو .. قالوا لي انه هرب لليونان .. .
ولازم ابلغ الانتربول الدولي عشان يقبضون عليه .. والقضيه بتطول ..
حمد : خلاص اتركه .. انا بعفي عنه ..
حسام : وشووووو .. !
حمد: وبناته وين بيروحون .. شايف امهم ميته ومالهم احد بذي الدنيا غيره .. ولا تنسى العفو عند المقدرة ..
حسام تنهد وجلس ...
مراد كان يفكر بعمته .. الافكار توديه وتجيبه ... : مراد .. اسحى من غفلتك .. لو رجال كان وقفتها عند حدها .. حرمه وش كبرها ما استحت على وجهها... اااخ بس وش اسوي ..
===============
انتهت ثلاثة ايام العزا .. والبيت كئيب بدون ابو حمد .. جاء حمد وشاف امه تبكي ..
حمد : يمه صدقيني وجهه يبشر ..
ام حمد : اااخ يا وليدي .. ما ادري ايش اقولك . . روح جيب روان ..
حمد : اف .. راحت عن بالي تماماً
يالله استأذن بروح اشوفها ..
رهف: اذنك معك ..
طالعت ام حمد واستغربت يوم شافت رهف نزلت ..
راح حمد على المستشفى ووقع لروان اوراق الخروج ..
راح لها الغرفه لقي حالتها حاله ..
روان بصوت خافت : ليه ما جيتوني او على الاقل اسمع خبر ابوي منكم مو من احد غريب ..
حمد : صدقيني حبيبتي حالتكي ما تسمح ..
روان جايه بتوقف بس حست رجلها مو شايلتها .. جاء حمد وساعدها .. ووقفت .. لبست عباتها وراحت على البيت .. اول ما دخلت كلهم وقفوا وجو عندها ..
بسمه ضمتها بقوووة وقعدت تبكي ..
ام حمد : الحمد لله على سلامتك يا روحي ..
جات روان واسندت راسها على حضن امها ,,
حمد : بنات .. بكرة تجهزوا الساعه 8 بنروح المحكمه . .
بذي اللحظة دخلت وسن وسلمت على روان وجلست على الكنبه ..
بسمه : ليه ؟؟؟
حمد : عشان اثبت بالاوراق اني ولي امركم ..
بسمه : خلاص طيب ..
================
ببيت ابو ماجد ..
ام ماجد : ابو ماجد .. .
ابو ماجد : هلا ..
ام ماجد : صدق بتكون ولي امر وسن؟؟
ابو ماجد " ايه ليه ..؟
مراد : هه .. ليه كمان .. ارفض ولايتها .. بعد اللي سوته بماجد تبي تكون ولي امرها ..
ابو ماجد " طيب اسمعني ..
مراد : لا اسمع ولا شئ. . شوف يا ابوي . . اعتبر ذا تهديد .. اذا قبلت بولايه وسن .. صدقيني انا وماجد بنفرع عليك ( حجر ) واخلي حتى ولايه اثير وفتون تسقط عنك ..
ابو ماجد : تهددني يا مراد ..
يا خسارة التربيه والله ,,
مراد : هذا اللي عندي ..
ابو ماجد جلس وحس انه بين نارين ..
مراد طالع فيه من طرف عينه وقال : ايش قررت ..؟
ابو ماجد طالع فيه بحقد : وماجد تتوقع يرفع علي حجر ..؟
مراد : ايه انا وهو اتفقنا امس ..
ابو ماجد حس قلبه يوجعه من اللي يسوونه اولاده فيه ..
ابو ماجد : خلاص طيب .. بس صدقوني انا مو راضي عليكم .. ولا راح ارضى حتى بقبري .. ما اقول الا حسبي الله عليكم ..
ام ماجد : يا قليل الادب .. تحجر على ابوك هاه .. اطلع من البيت ,, اطلع ما ابي اضوف وجهك مرة ثانيه ..
مراد : طيب بطلع .. بس خليني ادري انك صرت ولي عليها ..
وانا بكلم حمد الحين .. واوصل له انك ما تبي تكون ولي عليها ..
ابو ماجد طالع في ولده كثير ..
طلع مراد من البيت وكلم حمد ..
مراد : هلا حمد ..
حمد : هلا فيك ..
مراد : متى بتروحون المحكمه .. ؟
حمد :بكرة ان شاء الله .. بس ليه ؟؟
مراد : ايه زين .. ابوي يبي يسقط الولايه عنه .. يعني ما يبي يكون مسؤول عن وسن ..
حمد : شنووو !!
مراد : كذا ابوي قال ..
حمد : يعني كذا تجازونها.. !
مراد : خلاص لا يكثر .. انت يعني بتتولاها .. وبكره بيحضر ابوي عشان يقر بالمحكمه انه مو مسؤول عنها وان الولايه تروح لك ...
حمد : .................
مراد : باي .. وسكر السماعه ..
حمد نزل السماعه عن اذنه ..
وابتسم بخبث . .
==================
كانت جالسه بغرفتها ,,, تفكر بعمها ... وتنعيه .... افاقت على ارض الواقع على صوت رنين جوالها ,,,
وسن : الوو ...
: اهلين ,,,
وسن :انتي ...! بعد وش تبين ؟؟
: ما التئينا ( التقينا ) ست وسن ..
وسن : اوووووه .. انتي غبيه ما عندك عقل ما تفهمين ماني جايه واعلى ما في خيلك اركبيه ...
: طيب لو الت الك ان صوركي اللي بموبايلي بوزعها على العالم شو بتؤولي ؟؟؟
وسن : الصور !!! ..
: اي .. الصور اللي فرجيتيني ياها .. وطلبتك .. وما رفضتي ..
وسن : عادي ... كلها كنت محتشمه .. وبكيفك ,,
: خلاص . . متل ما تريدي .. برسل الك رسالية .. وفكري بعدا .. بتحضري او بتمشي ..الك من يومين الى اسبوع ... القرار بإيدك..
وسن سكرت الهاتف بسرعه وقفلته ,, حطت راسها على المخده وقعدت تفكر باللي قالته لها ..
===================
اثير وفتون كانوا بيجلسون الليل كله عند بيت ابو حمد ...
اثير: بنات بروح اشرب مويه. .
بسمه : اوكي ..
راحت اثير للمطبخ ومسكت كاس المويه .. راحت للصاله اللي قدام المطبخ وجلست حتى تشربت المويه ..
انتبهت بجمبها ان فيه شئ يولع .. رفعته لقت جوال .. قعدت تقلب فيه .. عرفت انه جوال ( حسام )
اثير فكرت بينها وبين نفسها .. قالت: ليه ما اخذ رقمه ؟؟؟
مسكت جوال حسام ودقت على جوالها .. طلع رقم جوال حسام وحفظته .. حطت الجوال مكانه وراحت ..
===============
باليوم الثاني الساعه 7 ..
انفتح الباب بقوة .. صحيت وهي مفجوعه النوم غالبها .. فتحت عينها بقوة ولقت حمد .. . وسن عدلت جلستها وحاولت تعدل شعرها ...
قالت : انت ايش جابك ... ؟؟ حتى الادب ما تعرفه !!!
حمد رفع حواجبه وقال : لا علميني يا سنيورة وسن ..
يالله بس قومي ...
وسن : اقوم !
حمد : ايه صح .. ما دريتي ... عمي تنازل عن ولايتك .. وطبعاً
وسن : وطبعاً ايش ..
حمد قاعد يدور بالغرفه ويبي يقهرها ..
كمل " طبعاً بكون الولي عليكي ..
وسن : وشووو .. وقامت من السرير ..
حمد : اللي سمعتيه ...
وسن : وعمي ليه ما يبيني ..
حمد كشر وقال : ونسيتي اللي سويتيه بماجد ..؟؟
وسن حطت شعرها ورى اذنها وقالت : ايش ,, طيب ليه .؟؟ انا شسويت ما تقول ..؟
حمد : ما ادري ..
وسن جات وقعدت تضرب على صدر حمد بقوة ... حست الدنيا مو شايلتها ..
وسن نزلت الدموع من عينها غصب وقالت : مستحيل تكون ولي امري ..
حمد ضحك وقال : الساعه 8 فاهمه يا شاطره ... وطلع ,,
وسن راحت تمشي يمين ويسار استندت على مكتبها ... نزلت الدموع على الاوراق وخربت الحبر ...
================
بمكتب ابو ماجد .. جاه اتصال ..
ابو ماجد : هلا ..... مين معي ..... يا هلا والله بعلي .... موضوع ضروري ...... طيب حياك باي وقت ....... الحين ...... خلاص اتفقنا ........ مع السلامة ...
سكر ابو ماجد التلفون وتوقع انه بيكلمه بموضوع يخص التجارة ..
==================
بعد ما رجعوا من المحكمه .. وسن ما فتحت الغطوة ,,,,
رهف : ايش فيكي .. شيلي الغطوة .. وصلنا ..
وسن شالتها ..
بسمه : وسن حبيبتي ايش فيكي ؟؟ كنتي تبكين ...
دخل حمد ودقق بوجه وسن ..
وسن طالعت في حمد بإرتباك وقالت : لا بـ بس تذكرت عمي ..
حمد نزل راسه وابتسم ابتسامه حب .. وسن انتبهت وطلعت على غرفتها ...
روان : حمد ..
حمد : هلا ..
روان : ماني متطمنة لك ..
حمد رفع حواجبه وقال : وشوو .. !
روان :اللي سمعته ..
حمد : والمطلوب ؟؟
روان : ابي اتزوج لي واحد وافتك من شركم ...
حمد ضحك وقال : امسك لك هندي من الشارع وازوج ..؟ ايش رايك ..؟
روان : يوووه حمد بجد ...
طلع فوق وتركها ...
بسمه : ما تحسين انك جرحتي فيه ..؟
روان : قلت اللي بقلبي ..
===============
بمكتب ابو ماجد ..
ابو ماجد : يا هلا والله .. اسفرت وانورت ...
علي : تسلم ...
ابو ماجد : آمر يابو رنا ,,
علي : ما يامر عليك عدو .. بس ما ادري كيف بفتح الموضوع ..
ابو ماجد : لا تستحي .. قول ..
علي :بدخل في الموضوع على طول.. انا جاي اتقدم لأختك ( منيرة )
ابو ماجد : وشووووو ...! اااا .. اقصد .. والله فاجئتني يابو رنا ..
علي : انا ابي ام لبنتي وزوجة تساعدني بحياتي ,, اتمنى ما تردني .. وفكر زين ورد عليه .. .
ابو ماجد : اكيد يا بو رنا .. انت رجال ما يعيبك شئ ... بس ناخذ رأي البنت ..
علي ابتسم وقال : خليها تاخذ راحتها ..
================
بسمه ورهف وروان مجتمعين ..
بسمه : اانا بدرس ادارة اعمال ..
رهف : هههههه .. بسمه انتي نقاده مررة ..
بسمه : وي .. خير ان شاء الله ...
رهف : انتي فاااااشله تماماً .. الحين بتدخلين الـ20 وانتي ما دخلتي الجامعه .. مو منك الا من نسبتك الخايسه ...
بسمه : ما تهميني .. والا اقول وش مقرره عليه ..
رهف : بدخل مثلك ...
روان : ووسن ما بتدخل الجامعه ..
بسمه : الا ان شاء الله ... صح وسن ؟؟
وسن : ايه ان شاء الله ..
روان ابتسمت وقالت بحماس : وايش تفكرين فيه ؟؟؟
وسن : قانون ..
رهف : وااااااو .. عاد تصدقين بسمه بدخل مثل وسن ...
: هههههههههههههههه
وسن : ايه كمان ذي السنه مو ريماس تكون سنه اولى ..؟؟
بسمه : صح ... بس ما اتوقع حمد يخليها تروح المدرسه اتوقع تدرس منازل ..
وسن : حرام يعقدها كذا ..
رهف : اقول لا يسمعك ..
وسن :لا يكون حرام اعبر. .!؟
بسمه : والله عند حمد حرام ..
================
حطوا الغداء تجمعوا كلهم ..
بسمه : حمد ترانا بنسجل بالجامعه لذي السنه ..
حمد : مبروووووك بسمه توك تفكرين .. ؟
بسمه : ايه .. عندك مانع .؟
حمد طالع فيه : وانا قلت شئ ؟؟
بسمه : لا ...
طالع برهف : وانتي تبين تقطعين سنه مثل بسمه ؟؟ العائله هذي كللها فاشله ..
رهف : عن الغلط ... ايه بدخل ونفس تخصصها ..
حمد : وايش تخصصها ..
رهف :ادارة اعمال ,,
حمد : اامممم حلوو ..
وسن جالسه بعالمها الثاني ,,, كانت جالسه تأكل ريماس ..
حمد طالع فيها .. وجلس يتأملها ..
وسن كلمته من غير ما تطالع فيه ..
: انا بسجل بالجامعه هذي السنه ..
حمد : امممم .. واذا قلت (لا )
وسن طالعت بتعجب وكشرت وقالت : وليه لا ؟؟؟
حمد : ما ادري.. كذا ..
وسن وقفت بإنفعال وعلت صوتها وقالت : والله لأدخل غصبن عليك ..
حمد ضحك ببرود وقال : ههههههه انا ولي امرك .. قسماً بالله لأسحب ملفك كل ما سجلتي .. فاهمه ؟؟
وسن قامت من الطاوله وهي منزعجه حدها .. لحقتها ريماس. .
حمد بعصبيه : ريماس ..
ريماس وقفت تطالع فيه وكملت طريقها ..
حمد حط الكاسه بقوة وانكسرت .. قام نت السفرة وراح ..
رهف : شاف نفسه من يوم مات ابوي الله يرحمه ...
بسمه : هزت راسها بإيه ..
===============
وسن جلست تبكي على الارض ,, وحست الدنيا ضاقت عليها ... دخلت ريماس .. وسن طالعت فيها وضمتها بقوووة .. وجلست على الارض
ريماس: انتي زعلتي من بابا ..
وسن تبكي وما ردت على ريماس ..
دخل حمد وجلس جمب وسن .. وسن رفعت راسها وطالعت فيه .. حمد باس جبينها .. وراح ..
وسن شهقت ... ومي مصدقه انه باسها ,,,
=============
: هاا ايش قلتي ..
ابتسمت منيرة وقالت : موافقه ...
ام ماجد غطرفت .. جات فتون وقالت : ايش السالفه ..؟
يمه احد خطبني ..
ام ماجد " لا عمتك منيره انخطبت
فتون ضمت عمتها بقووة وقالت : مبروك مبرووووووك ..
بروح ابلغ بنات عمي وصديقاتي واثير يالله عن اذنكم ..
دخلت بقوة على اثير
اثير ارتبكت وطاح الجوال من ايدها ,,,
اثير : يووووه شفتي ايش سويتي ..
فتون شالت الجوال .. ولقت اسم
( حبيبي )
فتون انصدمت وقالت : منهو حبيبك ؟؟
اثير سحبت الجوال وقالت ما يخصك ..
فتون : وشوو كيف ما يخصني .. تراا واللع لأعلم مراد وماجد وابوي بعد ..
اثير دفت فتون براا الغرفه وسكرت الباب .. وقفلته ..
مسكت الجوال وقعدت تفكر .. ادق والا ما ادق ؟؟ اخخخ بس فكري مشوش ..
=================
جاء حمد عند امه قال : يمه
ام حمد : هلا يمه ..
حمد : انا بتزوج ...
ام حمد : يا كلولولولولووووش.. ومين سعيده الحظ اللي حطيت عينك عليها ...
حمد : وسن ..~
ام حمد : هاه ... وسن .. ااا . . طيب
حمد : ايش فيك ارتبكتي ما كن كلامي عجبك ..
ام حمد : .................
حمد : انا قررت ..
ام حمد : ووسن وافقت ؟؟؟
حمد : مو لازم توافق ..
ام حمد : يعني بتجبر البنيه عليك ..
حمد : ومين حضرة جنابها عشان تتشرط ؟؟
ام حمد : انت الف وحده تتمناك واللي ما يبيك لا تبيه...~
دخل حسام وقال : ايش عندكم ..
ام حمد : اسمع كلام اخوك .. يبي يتزوج وسن ..
حسام : مبرووووك .. طيب ايش بك يمه ؟؟
ام حمد : البنت ما وافقت .. وحمد يقول مو لازم توافق ...
حسام : طيب ممكن توافق ..
ام حمد : ...............
================
جات رساله فتحتها .. .. انصدمت طاح الجوال من ايدها ...
شافت صورها مفبركة ومركبه على صور خليعه ... ومع الرساله رقم ( حمد )
و( حسام )
..انهارت وقعدت تبكي وما عرفت ايش تسوي . ..
حست الدنيا تدور فيها وبعدها ما حست بشئ ...
============================
===================
: لا عاد ... لا تقولها ...!
غمض عيونه واتكا على ايده ...
قام بسرعه وراح على الشركة...
شاف ان الشركة خسرت ثلاثه ارباع اللي عندها بالبورصة
حمد مسك التلفون بسرعه ودق على حسام ..
حمد : حسام .. بسرعه تجي على الشركة ...
حسام : واللييييييل .. يعني ما استمتع مثلاً ؟؟؟
حمد : تعال وانت ساكت ...
حسام : انقلع لا تنتظرني .. وقفل بوجهه ..
==================
بالبيت .. جاء حمد وكان مرهق تماماً جلس بالصاله ..
بسمة : يمه من وين بنشتري فساتين ...؟
حمد طالع فيها وقال : وش حقه ؟؟
بسمه : ما دريت ... عمتي انخطبت .. ووافقوا واليوم ملكت ..
حمد : !!!!!!!!!!!!!!
ام حمد : والله .. ايش رايك نقدم طلبيه من براا ..
رهف : ايه والله فكرة ..
حمد : وش طلبيه ما طلبيه ... عندكم فلوس انتوا ووجيهكم .. ؟
بسمه : نعم ! ... وانت وش فايدتك ما تصرف علينا ..! ووين الفلوس اللي تدر علينا من الشركة والعماير ..
حمد : للأسف .. انا جيت هنا الا بخبركم بشئ ما يسركم ...
ام حمد : وشو يمه ؟؟
حمد : العماير اللي تتكلمون عنها .. عرضتها للبيع ...
كلهم : نعم .... .
حمد : الشركة خسرت خسارة فااااادحه ... وقدامنا شيئين يا نبيع الشركة او العماير ...
رهف : كلللللل العماير ..!
حمد : كلللللللها ...
روان : شفت انك دلخ وما تعرف تدير الاموال ..
حمد : قومي بس لا اطيح فيكي ضرب على غرفتك بسرعه ..
روان :افففففف .. وقامت ..
جات وسن وجلست ..
حمد يخاطب وسن : قالت لك امي عن الخطوبه ...
وسن : اي خطوبه ؟؟؟
حمد : الخطوبة ... والا نسيتي ..
ما خطبتك انا ..
وسن : انت!!!!! ..
حمد : وش فيك استغربتي .. ان شاء الله اذا رجعت الشركة والارباح مثل ما كانت نتزوج ...
وسن طالعت بحقد وسكتت ...
================
في الاستراحه .. حمد جالس مع الشباب ... جاه اتصال من رقم غريب ..
حسام : والليل مع الازعاجات ...
ماجد : هات خلني اوريهم ...
حسام : خذ ..
جاء صوت ناعم من ورى السماعه ..
: الووو ..
ماجد : ...........
: حسام .. رد علي الله يخليك .. حسام ... انا اثير ..
ماجد : ........................
وسكر السماعه بسرعه ...
حسام : وش فيك اختبصت ...؟
ماجد : هااه .. لا سلامتك .. بس اتسمع بسواليفهم .. شكلهم شلة بنات ..
حسام : اهااا ,,, اوك ..
==================
: اهنيكي يا عمتي ( المراهقه ) على الحب الناجح ..
ام ماجد : مراد . . عاد عن الغلط احترم عمتك ...
مراد : هه ... وانتي عارفه ايش سوت ؟؟
ام ماجد : مو لازم اعرف . . فكنا زين ...
منيرة ارتبكت وقالت : و و انا ووش سـ سـويت ؟؟؟
مراد : امممممم .. افضحك قدام الجماعه ...؟
منيرة : .................
مراد : تعالي تعالي .. ابي بكلمة راس . .
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك