رواية بصدري وجع كنت احسبه نام يا صدري -66
مساعد : تعال لـ بيتي لاني بأخذ الوالدة معي تصوم ..
: وليه رفضت تجي معاي ؟ ومع الباقين ؟!
: الوالدة أنت خابرها ماتحب الازعاج وأنا م عندي الا ريتان .. المهم راحة الغالية وكلنا واحد ..
لافي : راح آحاول فيها أخذها ..
: ياخي الله يرضى عليك تركد الوالدة وافقت بالموت تطلع من بيتها ..لاتخرب وترجع الوالدة بكلامها ..
: خلاص طيب ..مع السلامه
ابتسم ومشى لـ داخل ..
-
جميل بإن تكون حياتنا ملك لنا بعيدة عن تدخلات الجميع فيما يقرر مصيرنا ومن نحبهم.
-
جلس جنب آمه وشافها مع بنته ..
: فديت ميمتي وبنيتي ..
ابتسمت آمه : جيت .. أجل وين أخوك ؟
: طلع توه وكان يبجي بس عرف بإن لمار هنا وقال بيجي بعدين ..
:الله يحفظه .. الا درى بإني بروح معك لبيتك ؟
: آي نعم ..
: وش قال ؟
ابتسم : المهم عنده راحتك ..
: مساعد علمني عساه م زعل لاني ماجيت معاه ؟
: لا يالغالية المهم راحتك عنده ..
جات لمار وفجر ..
مساعد : بعض الناس مطيحين عند آمي ..
فجر ضحكت وجلست : طبعا محد يقصدني ..
وهو يضحك ويأخذ بنته : لا ابداً ..
ضحكت : يمه رتبنا كل شي ..
آمها : يعز علي أترك البيت وش علي دام الشغالة معي والسواق تحت آمري كلهم وأنتم كل يوم تجون ..
مساعد : جلستك وحدك مهيب حلوه بـ حقنا .. ووجودك معنا في بيتي بركة ..
لمار : عمتي اعتبري بيت مساعد بيتك لك الامر والنهي والتصرف فيه .. وكلنا تحت آمرك..
آبتسمت عمتها واستانست بهالكلام حسسها بإن للحين بمكانتها عند عيالها وزوجاتهم..
تمنى يقوم يبوسها على راسها على حكيها الذوق مع آمه ..
-
آمهات الازواج مهما قسن وأسئن التعامل مع زوجات آبنائهم آغفروا لهن تلك التصرفات فهن آمهات ويطمعن بـ رؤية آبنائهم في أفضل الاحوال مع زوجاتهم وغداً بمثلماً تتعاملن معهن سيعود أحساناً أو أسائه إليكن.. لذلك لانعامل البشر بـ أخلاقهم بل بـ أخلاقنا نُحن ..
-
.
.
.
بيت آهل فهد ..
أسيل بوناسة : بكراً رمضان تو آعلن في التلفزيون ..
الجوري فرحت : ي لبييه ..
جات أم فهد : بنات بكرة صوم والا ؟
الجوري : آيييه عمتي ..
آستبشر وجه عمتها : يازينه شهر الخير والطاعه .. الله يعيده علينا وعلى المسلمين آجمعين ..
الجوري تجلس : اللهم آميين ..
نزل فهد من الدور الثاني ويسألهم ..قالت له آمه باس كفها ووجهه وهناها بـ قدوم الشهر : عساه ي الغالية يعود عليك آعوام وأعوام وأنتي بصحه وعافية ..
أخذته أمه من رقبته وباسته : سعد عيني ي فهد ومرتك عيني تشوفها وهي زين البنات ..
ابتسم لـ آمه وناظر الجوري شافها مبتسمه ..
سمعت صوت عزام ودخلت للصالة الثانية سلم على آمه وبارك لها بـ الشهر ..
فهد قام : مشينا ي عزام نصلي في المسجد العشاء والتروايح ..
عزام : طيب .. يما راح آطلع مع عيال خالتي بعد التروايح وعقبها نرجع لبيت خالتي راح آنام هناك ..
فهد : وراه تنام هناك ؟
: شوف فهد بنتها وتزوجت يعني الحين في البيت خالتي والعيال بس راح أتكي عندهم واصلاً خالتي كلمتني عشان آجلس عندهم تقول أنا وسيع صدر –قالها وهو يرفع حواجبه –
ضحك فهد : طيب مشينا ي وسيع الصدر ..
آمهم : خل عيال خالتك يجون لـ هنا آسلم عليهم ..
عزام : إن شاء الله ..
طلع فهد وعزام للصلاة ..
قامت أم فهد تصلي العشاء والتروايح في بيتها ..
-
هل فضل صلاة المرأة في بيتها تعدل فضل صلاة الرجل في المسجد؟
يقول النبي - صلى الله عليه وسلم-: أفضل صلاة المرأة في بيتها، لها فضلٌ عظيم قد يكون مثل المسجد، وقد يكون أفضل، وقد يكون أقل، المقصود أن أفضل صلاتها في البيت، فإذا كان فضلها في البيت أفضل من المسجد، معناه أنه يحصل لها مثل أجر المسجد أو أكثر؛ لأن الرسول قال: (أفضل صلاة المرأة في بيتها)، فدل على أن الأجر الذي يحصل للرجل في المسجد يحصل لها، أو ما هو أكثر لطاعتها لله ورسوله، وخضوعها لأمر الله ورسوله، فهي على خيرٍ عظيم، ولأن بيتها أصون لها وأبعد عن الفتنة، فإذا أطاعت الرسول - صلى الله عليه وسلم- وصلت في البيت، يرجى لها مثل أجر المصلي في المسجد أو أكثر.
الشيخ :عبدالعزيز بن باز –رحمة الله تعالى-
أسيل : متحمسسه لـ رمضان ..
الجوري تضحك : تدرين حتى أنا .. تعالي للمطبخ خل نشوف وش نسوي من حلا وأشياء بعد الفطور باردة ..
: تدرين فهد العام كان يساعد أمي في الطبخ ..
الجوري تحوس تطلع الصيينه ضحكت وهي تطلعها : والله ؟
:آيييه والله .. حتى القهوه أكثر شي يتقنه ..
: ي حبي له .. تدرين بكرة لو جاء من الشركة مو مرهق راح أخليه يسويها ..
: لا شوفي أذكر العام كان يجي على 2 الظهر من الشركة وينام إلين يأذن العصر يروح يصلي ويرجع قبل الصلاة بـ ساعه تقريباً لانه يجلس في المسجد ويدخل يساعد أمي طبعاً فهد عنده عقده م يحب الشغاله تجلس وهو في المطبخ ..
ضحكت الجوري : صح لاحظت يقولي حاولي تخلص كل أشغالها في الصالة عشان م تجي وهو جالس ..لما سألته ليه قال بإنه م يحب كل شوي يشوف وحده محرمه عليه ..
: ي لببااه .. ياااه جور فهود ترى مارآ طيب وحبوب ..
بحب له : فديته الله يخليه لنا .. يكفي م أحس بالامان الا بوجوده ..
دخلت الشغالة وابتسمت الجوري لها وغيرت السالفه : أسول خلينا نسوي نوعين حلا واحد بعد الفطور والثاني حلا عشا ..
أسيل : طيب خلينا نسوي جديد ..
الجوري : تعالي أجل للصالة نطلع حلا سهل ..
طلعوا وأخذت أسيل لابها وجلسوا جنب بعض ..
الجوري قامت : شوي وجاية ..
جابت لهم ليز وعصير : ندور بـ روقان ..
ضحكت أسيل وكملت تأكل وتشوف مع الجوري ..
.
.
.
بيت مصعب *سلطانه ..
حاطه كفها على فمها ومو مصدقه ..
كل شوي تناظر الساعة تبيه يجي تبشره ..
شافت أخيراً الباب انفتح ابتسمت : مصصصصعب تعال أنا هنا ..
تقدم وهو ينزع الشماغ : لبيييه ..
تضحك : تعاااال ..
ابتسم ونزل الشماغ وجلس جنبها : المود روقان عكس المغرب وش عندنا..
تعض أصبعها : فيه شي دممميل هنا
–اشرت بكفها الثاني على بطنها-
سكت للحظه : شوفي هالموضوع م فيه مزح ..
وعيونها تلمع فرح : م آلعب عليك والله حامل .. اليوم طلعت مع كدو الصباح صح ؟
ابتسم : آيييه ..
: رحنا عملنا تحاليل كاملة وكانت المفاجأه الحمل تو كدو قبل شوي قالت لي مرت لـ عبود شوي مسخن وأخذت النتيجة وصورتها لي ..
ضحك بـ فرح وحط كفه على بطنها : أجل هنا شي جمميل ..
وهي مبتسمه : دممميل ..
ضحكت : دميل لعيونك ..
مسك كفها : تعالي نبشر الوالدة وعمتي ..
: ترى ابداً م ينتظرون هالخبر..
ضحك : ابداً ..
قامت معه وأخذت الشيلة : فيه أحد هناك ؟
: لالا الكل طالع م عدا الوالدة وعمتي والبنات ..
حط كفه على خصرها : فديت الجلابية والشيلة عليك معطيتك شكل جديد..
ابتسمت : ححيل .. مصعب لاتلعب علي
ضحك :والله إني صادق أول مره آشوفك لابسه جلابيه ولافه شيله –ويده على شعرها المنتثر ورى ظهرها : شكلك جد متغير ..
انحرجت : بس
ضحك وباسها ..
حمر وجهها : ي ويلي مصعب لا تسوي كذا .. احراج لو أحد شافنا ..
ضحك على آحراجها : محححد الكل داخل الفيلا ..
دخلوا لـ بيت آهله ..
سلموا وهنت معاه لـ آمه وعمته ..
آمه : عساني آشوف ضناكم السنه الجاية جاي معكم ينهي لي ..
ضحكت وناظرت مصعب آمه وعمته كل مره على هالكلمه ..
: أبشرك يمه سلطانه حامل وراح يشرف الحفيد المنتظر ..
ابتسمت وهي تشوف فرحة آمه وعمته ردت على مباركتهم وهي تضحك على مصعب وحركاته مع آمه وعمته ..
الاستراحة ..
ثامر : م تدري يمكن خيره م يجي لكم عيال هالفترة ..حتى تتعدل أوضاعك النفسية بعد طلاقك للجوري وحتى زوجتك مهوب زين تحمل الا بعد فترة من الاجهاض..
تنهد بـ حزن : كأن الله عاقبني على سواتي في الجوري ..تدري لما قالت لنا الدكتورة هالحكي حسيت كأن أحد صفقني كف قوي ورجعت لي سواتي في الجوري بسرعة..
: سطام هي شوية مشاكل وكل شي ينحل بأذن الله تعالى ..
: عارف بس تخيل معي شعورها طول الشهور وحزنها على العقم وأنا مع وجهي لما حملت آمجاد آول مره نزلت معها نبشر الكل وهي جالسة تخيل بس شعورها هذيك اللحظه ..!
هلت دموعه : أحس إني فقدتها فاقدن شي آسمه راحه بال ..
: هي الحين لـ رجال غيرك أخذت نصيبها معاك والحين الله يستر عليها مالها منك الا أنك ولد خالها .. أنساها وأطلب الله في هالليالي المقبلة ينسيك آياها ..-تنهد- تذكر بنت خالتي كيف آنقلب حالي عقب زواجها ؟
ناظره : تهقى انسى وأنت تبكي أنها تزوجت وتركتك ..
ضحك ثامر : ياخي آحس شكلي كان تافهه هي فرحانه في حياتها ومع زوجها وأنا أبكي ..
ابتسم سطام : ي أنت بكيت بكى ليلة زواجها ..
ضحك آكثر وانسدح على العشب : كنت غبي .. بس تدري الحمدلله على خيرته لي شوف الحين ماشي في شغلي صح وزواجي قريب ..
: نسيتها ؟
ابتسم : ي قديم أكيد نسيتها كانت فترة وحب مراهقه .. الحين قلبي لـ خطيبتي..المهم والعبره ي الخوي من ذكر بنت خالتي الله يستر عليها بإن الايام كفيلة تنسيك الجوري ..
: إن شاء الله ..المشكلة من اللي يعوضني عنها ي خي البنت ماشاء الله ..
: ظروفها ي الخوي كانت قوية م تقدر تجلس عقب كل شي صار بينكم ..
تنهد بحزن ..
شد على كفه وهو منسدح على العشب جنبه : خب حزنك عليها قبال أهلكم وبالذات آمجاد ..
: تدري وشاللي يقهر .. بإني أحبها وأخذها مني زوجها .. آآآخ ي حرقة قلبك ي سطام ..أنا أولى فيها ي ثامر من زوجها ..
تقول : سامح ظروفه , والحزن خَـبّه
واقول : منهو يعوضني مخاسيري ؟
وشلون اسامح ظروفه ؟ .. واللي آحبّه
خذاه غيري وانا اولى ../ فيه من غيري
ثامر جلس : سطام تطيع خويك ..
يناظره : بـ وشو ؟
: نطلع الحين لـ السوق وتجيب لو عطر ي شيخ وتغلفه وتروح لـ بيتكم لـ زوجتك تعطيها وتبين لها بإنها غاليه عندك وإن ظروف النفسية من الحادث هي السبب في ضيقتك مو فراق الجوري .. أنت تحب آمجاد تذكر كل شي عشانها سويته ..
: ثامر أنا أحب أمجاد وأغليها هي أول حب في عمري ..
ثامر ابتسم يبيه يروق : آخخ ي سطيم قلبك فنادق ..
ضحك وحك ذقنه ..
قومه ثامر : يقولك خير البر عاجله مشينا نأخذ الهدية لها ..
: آنزل أنت م فيني للتسحب في السوق .. ياخي نظرات الناس تحسس الواحد بـ النقص ..
ثامر آنقهر : كل شخص يناظر بنظره نقص جعله البلا يبليه .. كلها أسبوع وشوي وتفك الجبس عن يدك والرجل بأذن الله قريب ..
: إن شاء الله ..
ثامر يمشي معه ويطلعون من الاستراحة عقب م قالوا للعيال ..
: آخ ي سطيم الله يخليك لي .. على كثر المعارف بوقت حادثك والراحة الاجبارية حسيت نفسي وحيد ..
سطام ابتسم : يعني صرت صديق نفسك ..
ضحك ثامر بقوة
ضحك سطام وركب سيارة ثامر ..
ثامر باقي يضحك : م صديقنا الا أنا ..
ضحك من قلبه غير ثامر المود عنده ..
-
الاصدقاء تعجز جميع الاحرف أمام وصفهم هي تلك الدعوات قد تفي بما في دواخلنا تجاههم بين حين والاخر .
لاحرمنا الله إياهم
-
.
.
12 ليلاً
بيت أبو سطام ..
طلع لـ شقته وهو يتألم من المجهود المبذول .. فتح شقته مع آمجاد ودخل م شافها في الصالة دخل لـ غرفتهم شافها متغطيه ..
على باله نايمه ..
جلست : سطام ..
ابتسم : قلبه مو نايمة ..
ابتسمت رغم الحزن بقلبها على موضوع الانجاب على آنه عبرها اخيراً : لا مو نايمة..
نزل الهدية جنبه على السرير وفك العكاز ..
: ليه آثار هالدموع ؟ عادي حبيبتي تونا والعمر قدامنا توني دخلت 25 وأنتي توك عشرين صغار لاحقين على العيال وأزعاجهم وغثاهم ..
دمعت : بس فيه مشاكل لو التأخير عادي كان آوكي ....
قاطعها : مالنا على قدرة الله اعتراض وبعدين الدكتورة تقول مشاكل بسيطة تحدث لـ أي متزوجين راح نتعالج منها وبأذن الله تحملين ..
ابتسم وهو يأخذه الهديه ويطلعها – تنفس بهدوء- : آفتحيها ..
ابتسمت وفتحت العلبة رشت العطر : ي قلبي ..
وهو مبتسم ويرجع شعرها : حلو ؟
: يجنن ..شكراً بيبي ..
باسها : مجود ترى أحبك ثقي تماماً بهالشي بس الحادث والبنتلي اللي راحت ضيقت أخلاقي ..
تنهدت بعمق و م كان لها أي مود تناقشه في موضوع تغييره لان جيته لها ومعاه هديه دليل بإن حبها للحين في قلبه ..
.
.
.
بعد عدة آيام
.
.
.
أبها
بيت أهل محمد
أبو محمد : وين ولدك ؟
: تلاقيه في غرفته ..
: الله يهديه م غير جالس مع مرته في ذا الغرفه ..
ضحكت آم محمد : خلهم بـ راحتهم ..
أبو محمد : ودي بـ عبدالله أجلس معاه ..
: الولد صغير مهوب فاهم عليك ..
: درينا ي مره لكن شوفته وهو يضحك يسر الخاطر ..
دخل محمد مع كادي وولدهم ..
آبوه : تونا بـ الطاري ..
ابتسمت كادي : أكيد ي عمي م تبي غير ذا ..
ضحك عمها : آنشهد ..
كادي وهي مبتسمه نزلت ولدها لـ عمها وجلست قريب من خالتها : خالتي وين البنات ؟
: تلاقينهم على ذا المسلسلات
: آها ..
خالتها : كادي جدانك بعد شوي راح يجون يسهرون معنا ..
آنشرح خاطرها : فديتهم .. آشتقت لهم حيل بس خالي أبراهيم رافض الا يجلسون معه ..
خالتها : راح أكلمهم الليلة يجلسون معنا .. خاصة إن ابراهيم في الرياض عندهم متى م بغاهم شافهم ..
محمد : راح أكلم جداني الليلة ..
جلست تفكر في جدانها آشتاقت لهم حيل .. كم يوم من وصلوا لـ أبها م شافتهم .. لمعت عيونها وهي تشوف عمها يضحك ويسولف مع ولدها تذكرت جدها ..
محمد ظل يناظرها عارف بإن خاطره مهوب سالي من بعد ولو هي أيام قليلة عن جدانها قام من مكانه ..
آمه : توك قاعد وين رايح ؟
: بروح آجيب جداني وأجي ..
قامت معه كادي وطلعوا من الصالة ..
: محمد جيبهم بإي طريقه .. ترى مشتاقه لهم حيل ..
ابتسم : وشاللي قومني غيرك لمعه عيونك ..
ناظرت يمين يسار وابتسمت : دنق بس
ضحك لها وباسته ..
: لاتبطي ..
مسح على خده بخفه وطلع ..
رجعت م شافت خالتها في الصالة راحت لها المطبخ ..
أخذت الدلة من خالتها : عنك خالتي أنا راح أسويها ..
ابتسمت خالتها وعطتها ..
خالتها وهي تجلس : كادي م بعد حملتي ..
لفت لـ خالتها : لا خالتي ولاأبي الحين عبدالله توه صغير ..
خالتها : أحسن ..حتى محمد كان يقولي بإنك تعبتي على حملك في عبدالله ..
: كان أكثر تعبي سفر محمد لـ جازان وخوفي عليه ..
: الله يخليه لك ..
: آمييين ..ي حبي لـ ولدك ي خاله ..
ضحكت خالتها عليها ..
واضح اصلاً حبهم لـ بعضهم من خلال تصرفاتهم وكلماتهم مع بعضهم حتى قبال الكل م همهم أحد دام اللي يجمعهم كتاب الله وسنة رسوله –عليه الصلاه والسلام-
ظلت تسولف مع خالتها إلين خلصت القهوة حضرتها وكلمت ترتيب مع خالتها ..
جاب عمها ولدها ابتسمت وشالته ..
عمها : شكله جيعان ..
: لا عمي تو من مرضعته بس م نام ..عن أذنكم راح آنومه
طلعت لـ غرفتها ..
عمها : ذربه هالبنت وسنعه ..
خالتها : تربية موضي ..
ابتسم : واضح عليها من طريقتها وأسلوبها كأنها جدتها ..
غرفتها ..
حطت ولدها على صدرها وظلت تنومه .. إلين غفى وغفت معه ..
دخل محمد عقب م جاب جدانه وآستغربت نايمه ..
جلس على السرير يتأملهم أغلى شيئن في حياته ..
ي حبه لـ حنانها لـ ولدها وهي حاطته على صدرها وماسكته عدل ابتسم وغبط عبدالله كثير على إن كادي آمه من حبه وجنونه فيها ..
بـ هدوء وهو م شبع من تأمله لها :كادي ..
حياتي كدو ..
كدو ..
تحركت بهدوء وولدها على صدرها نزلته جنبها :غفيت ..
ابتسم : جبت جداني ..
قامت من السرير : ي فديتهم ..الحين نام عبود آصحيه ..
محمد رحمه : لا كادي يحزن ..
: جداني راح يسألوني عنه قبل م آسلم عليهم ..
ابتسم : بس شكله ينرحم ..
: راح آصحيه ..
ظل يناظرها وهي تحاول تصحيه وترحمه أخيراً تشجعت وهي مندقه على ولدها :عبودي حبيبي
محمد رحم ولدهم : كادي خلاص حرام شوفي متعمق في النوم ..
رفعته وهي تجلسه : عبودي عبببادي قوم ي ماما ..
بكى وأخذته غسلت وجهه إلين صحى لها ..
محمد : ههههههههههههههههههه رحمته ..
ضحكت وطلعت معاه لـ جدانها ..
أول م شافتهم رقت كل عيونها دموع وسلمت عليهم وهي تبوس يدينهم ووجيهم ودمعها نزل : ي جعلني م فقدكم ..
أخذ جدها ولدها وآخترقت دموعه لحيته المغطاه بـ الحنا ولونها آحمر : محمد الليلة كادي بنأخذها هي وهالرجال –عبدالله- معنا مالي غناة عنهم ي جدك ..
ابتسم محمد : من عيوني ..
جلست جنب جدتها وهي ماسكه جلابيتها وظلت تهمس لها وجدتها تمسح دموعها : لاتبكين ي نور عيون جدانك ..
: آشتقت لكم .. كيفكم كيف جو أبها معكم ؟
وهي تمسح دموع حفديتها : الحمدلله .. برد هنا ..
ابتسمت : حسيت حتى عبدالله كله شتوي آلبسه ..
جدتها : كادي كأنه كان يبكي ..
ابتسمت وهي تقولها : توه من شوي نام وقومته عشان تشوفونه ..
ضحكت جدتها : الله يصلحك .. جييبه من جدك ..
جدها شافها تبي تقوم : آقعدي أنتي وجدتك سولفوا وحدكم منيب معطيكم عبدالله..
جدة كادي : ترى مثل مالك حق لي حق ..
ضحك : خليك مع كادي ..
محمد دخل : كادي آدخلي لـ داخل عبدالاله يبي يدخل يسلم على جداني ..
: آوكي ..
قامت وشافت بنات خالتها : ترى جداني في المجلس وم فيه غير أخوانكم ..
سماهر –بنت خالتها- : وأبوي وينه ؟
: شكله طلع ..
خالتها سمعتهم : أبوكم طلع يجيب عشاء .. تعالوا سلموا على جدانكم ..
جلست كادي في الصالة وحدها ..
ابتسمت وهي تسمعه يناديها : هنا حبيبي ..
جلس جنبها ..
: غريبة جيت ..
: حبيبة قلبي جالسة وحدها ..
حطت راسها على جنبه : خلك معي ..
ابتسم : منيب متحرك ..
جلست تشبك أصابعهم ببعضها : حبيبي ..
: لبيه ..
: ترى الليلة بروح مع جداني ..
: كلنا سوى ..
: أكيد من قالك أبي مكان أنفاسك م تشمله ..!
وهو مسيح نفسه على الكنبه جنبها ومايله كادي عليه حاط آصابعها على شفايفه ويبوسها..
: آتخيل على قولة سلطانه لو أحد يدخل علينا بهالوضع ..
هايم فيها: كلهم في الصالة الثانية ..لاتخافين ..
: طيب براحتك ..حمودي
: ممم
: شكل أحد جاي ..
: زوجتي م فيها شي ..
شافت سماهر داخله آنحرجت من وضعهم وهي تنزل ولدهم : كادي عبود شكله راح ينام ..
ابتسمت بـ احراج : هاتيه ..
طلعت سماهر ووجهها غادي لون ثاني ..
محمد وهو مبتسم : طحت من عين أختي ..
: أقولك لا أحد يدخل وتقولي زوجتي ..
ضحك ورجع بنفس وضعيته ماسك كفها وكفها الثاني ماسكه فيه ولدهم تنومه
كادي : حبيبي شوف وجهه ميت نوم ..
ظلت تنوم ولدها ومحمد جننها ..
: مححححححححمد ..
ضحك : موعدنا بيت جدي ..
وهي تقوم ويقوم معها يـحطون عبدالله بـ غرفتهم ..
: عبدالاله باقي عند جداني ؟
: مدري ..
طلعت لها ملابس لـ ولدها رتبتهم واخذت ملابس لـ محمد معها ..
مسكت كفه وقومته معها طلعوا وتركوا الباب مردود على الاخير ..شاف محمد المجلس م شاف أخوه دخلت معاه وكل شوي تقوم كادي او محمد يطلون على ولدهم ..
.
كندا
شقة طارق*رتيل ..
رتيل : ياااه فارق في التوقيت تدري تو مسكرة من لمار تقول الحين يصلون التروايح في الرياض
: تقربياً الفرق بين كندا والسعودية من 5 الى 7 ساعات .. لكن الله يكتب لنا الاجر اليوم بعض الطلاب مو مسلمين يسألوني عن الصوم وشلون نتحمل خاصة في كندا والنهار طويل بهالفصل ..
: الله يكتب لنا الاجر .. أحلى شي بإن فيه مركز آسلامي هنا وتقوم الصلاة دوم..
: ترى ولد أختك دائما أشوفه وأكلمه يجي يفطر معنا أو يتسحر مع ربعه عندنا ويرفض..
ابتسمت : هو طبعه خجول ..ماشاء الله عليه م يأس من نوره إلين وافقت له..
: سألت عنه أكثر من زميل ويقولون مجتهد في المعهد ..شوفي أذا اجتاز السنه الاولى وتعدا على المغريات للحياة لاتشيلين همه ..
: الحين ي طارق في معهد وآغلبه سعوديين وعرب عشان اللغه بس الخوف أذا دخل الجامعة وتعمق فيها وأنت شايف كل شي حولنا ..
بليز طارق آنتبه عليه بين فترة وفترة اسأله عنه .. نورة بـ الحيل خايفه عليه كل مره تدق وتسألني وتحرصني عليه ..
: لاتوصين الولد ماشاء الله عليه رزين .. وحتى العيال اللي مماشيهم محترمين..
: الله يثبتهم ..-فزت من مكانها بسرعة- طارق احترق شي
قام وراها ووقف وهو مبتسم : احترقت المكرونه ..
مقهوره : ي الله تعبت عليها ..
ناظر ساعته : م يمدي نسوي غيرها لان شوي ويأذن ..
ظلت تناظر المكرونه مقهوره ..
ابتسم : تفداك .. خلينا نحضر باقي فطورنا قبل الاذان ..
قعدت تتحلطم وتحضر ..
طارق يأخذ صحن ويحضر منها : م خربت بـ الحيل ..
حضروا فطورهم وجلسوا يسولفون إلين آذن المغرب ..
: بسم الله .. ذهب الظماء وابتلت العروق وثبت الاجر إن شاء الله ..
-
سُئل الشيخ عبدالعزيز بن باز – رحمه الله تعالى –
ما هو الدعاء المأثور عن النبي صلى الله عليه وسلم عند الإفطار وعند السحور أفيدوني بارك الله فيكم؟
قد ورد عن النبي صلى الله عليه وسلم أنه كان إذا أفطر يقول: (ذهب الظمأ وابتلت العروق وثبت الأجر إن شاء الله) [حديث عبد الله بن عمر رضي الله عنه].
وورد عن بعض الصحابة أنه إذا أفطر قال: (اللهم لك صمت وعلى رزقك أفطرت فاغفر لي إنك أنت الغفور الرحيم )
وأما السحور فلم يرد فيه دعاء مخصوص فيما أعلم.
والذكر الوارد على الطعام في رمضان وفي غيره أن يقول بسم الله في أوله. والحمد لله في آخره .
-
ناظرها كل شوي تشرب ماء ..
: حبيبتي آفطري ..
: م بي .. راح آقوم آصلي وبنام ..
: آيييه وبعدين ؟
ابتسمت : طروق كل ليلة تجبرني أكل وتأكلني آحس إني طفله عندك مسوي لي حظر عن أغلب الاشياء ..
ضحك تتكلم وهي مقهوره منه ..
: أحبك عشان كذا اعمل كل هالاشياء ..
: بس طارق أنت صارم معي بس علبه غازيات وحده في الاسبوع ولا لاعب علي بس بيبسي طيب خل كل آسبوع نوع ..
: في المشمش –يعني في الاحلام-
رفعت حاجب وهي مبتسمه : أحبك وغصب عني وعن عنادي آطيعك .. قلبي ي ولد الناس ممشيني لك براحته ..
ضحك لها ..
: ي جعلني في حناياك ..
وهي تمشي للغرفة : من غيرك فيها بس ..!
ضحك وكمل فطوره عقبها قام وضئ وراح لـ المركز الاسلامي يصلي جماعه ..
خلصت صلاتها وشالت باقي فطورهم ابتسمت م كانت تتوقع بيوم تغسل وتطبخ وهي من صغرها مرفهه بـ عز أبوها ..بس لانها تعشق طارق عشق المظاليم لـ فراق السجون رضت بكل حالهم ظروفهم الماديه على قدهم .. م غير الراتب لـ طارق والمكأفاة لـ طلاب التعليم العالي المبتعثين ..فكرت بإن ظروفهم راح تتعدل مع دراستها والمكافأة للطلاب .. آتسعت ابتسامتها كانت تحوس ولاتحسب حساب لاي ريال تصرفه بس الحين كل شي بحسابه بس هي تملك راحة البال مع طارق وهالشي م شافته ببيت عساف الثري جداً ولافي بيت أبوها بعد طلاقها ..
جففت يدينها ودخلت لـ غرفتهم حطت راسها وماجاها النوم إلين يجي ابتسمت وهي تسمع صوت الباب يتسكر ..
دخل لـ غرفتهم ..
: طفلتي نامت والا نتنظر طارق ..
بكسل ونوم : لاتعال م قدرت آنام ..
نزل الجاكيت ..
ناظرته : طارق هالتشيرت خفيف والجو بارد ..
ابتسم وهو يدخل جنبها في السرير ويأخذها لـ أحضانه : الغرف دافيه .. طفلتي نومتي إلين يأخذ للعشاء بعد ساعه من الحين ..
وأنفاسهم قريبها من بعضها وهي مبتسمه : طيب أنت كل ليلة على هالحكي ونقعد نسولف إلين يأذن للعشاء ..
ضحك : وش آسوي وسوالفك تغري ..
غمزت له بجنون ..
ضحك : شفتي أنتي دائما تجيبينها لـ نفسك ..
وهي تضحك : م سويت شي ..
: لا ابداً برئيه ..
: آيييه عارفه ..
ضحك من حركاتها تطلع دبلة زواجهم من آصبعه وتنقله بين آصابعه : يؤؤ م يدخل..
ميت فيها : لانه مقاس هالاصبع ..
رجعت الدبلة لـ آصعبه ودفنت نفسها تحت رقبته ..
ظل يرتب على آكتافها وفترة بسيطه وغفت ابتسم ودعى الله م يفرقهم ويطوي غربتهم ويرجعون للوطن حاملين الشهادات العليا ..
.
.
.
الرياض
بيت مساعد * لمار
الجناح الخاص فيهم
لمار تعدل الروج : لا شوي ويجون ..
يعدل شماغه : طيب الروج كل شوي تمحسين وترجعين تحطين ..
تناظر شكلها ولفت له : محد عفس الدنيا قبل شوي ..
ضحك : لاتحطين هالروج همن آتخدر ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك