رواية بصدري وجع كنت احسبه نام يا صدري -59
كادي بإلم : بإذن الله في الدنيا والاخره ..
ابتسمت وهي تبوس كف عبدالله وتعدله في آحضانها : النظر حلم بالنسبة لي .. وحلم يحاصرني دوم ..
حلم النظر طول العمر ما غادر أذهان الكفيف
وأنا الكفيف اللي تحاصر ذهنه أحلام النظر
الجوري : بأذن الله تشوفينه ..الله على كل شي قدير
كادي تغير المود الكئيب لهم : بنت في مفاجأه مجهزتها ..
ضحكت الجوري : طيب آنثبري لاتخرب ..
رتيل تحمست : وشو ؟
: لاع مب قايلين ..
: تكفففون ..
الجوري قلبها رحوم : آممم بقولها ..
كادي : قولي
: شوفي كلمنا البنات بأن كلنا نتجمع في شقتي ونجلس كم يوم سوى..
: ووواووو
: ححلو صح ؟
: حححيل مين صاحبة الفكرة ؟
كادي : الجوري ولمار عاد لمار ي عمري بالموت وافق مساعد ..
:زين وافق م توقعت يوافق خاصة بإن شخصيته صعبه شوي ..
: باقي الجوهره ..
: الله يستر من ريان م توقع يوافق ..
الجوري : لا راح يوافق إن شاء الله ..
قامت الجوري لان الجرس دق وكانت سلطانه سلمت عليها : مصعب يبي يسلم عليك ..لاتوقفين بيبي كثير ..
ضحكت ودخلت الشغاله الاكياس لـ داخل ..
ضربته على كتفها بخفه ومشت
مشت لـ باب المجلس فتحت : هلا وغلا ..
دخل وهو يسلم عليها ..
: آدخل ..
وهو مبتسم : لا بروح للشركة آخلص وعقبها أنا والربع كلهم مقررين نكشت للبر ..
ابتسمت : حححر
ضحك : م عليك المخيمات مكيفه وكل شي متوفر ..
سولف معها شوي وشافت سلطانه جايه ..
مصعب يناظرها : بالله مهيب فاتنه ي الجوري ؟
وهي مبتسمه : بسم الله عليها ..
ميت فيها : الله يخليها لي ..
: خلاص مصعب ..
ضحك ولف للجرس ..
الجوري : شوي وجايه ..
راحت وكانت لمار أخذت بنتها وولد كادي ..
ضحك وأخذ ريتان : ماشاء الله ماشاء الله ..
جلس وهو يأخذ عبدالله : بسم الله ماشاء الله ..جوراه مين هالحلوين ..
وهي مبتسمه وتناظرهم : عبدالله ولد كدو وريتان بنت لمور ..
: ماشاء الله عليهم .. سلطانه ..
ضحكت : جوووري ي دبا شوفي الحين
ضحك : تكفين آبي مثلهم تؤام ..
ضحكت من قلبها الجوري : ي الله جيبي لاخوي ولد وبنت ..
: يممه م تخيل شكلي حامل في تؤام ..
: شوفي شلون هالحلوين أنتي تكفلي بواحد وأنا بعد .. وعد م تركهم كلهم عليك ..
: لاتفكر في تؤام ..
: طيب خلاص آبي واحد ..
:ههههههههههههه ياحياتي قنوع .. الله يرزقكم ..
: آمييين ..
ضحك وهو يشوف ريتان تناظره مستغربته بس م بكت ..سأل الجوري
الجوري : متعوده على خوالها ..
سلطانه : عبدالله عببودي هاتتتيييك ..
ضحكت وهي تشيله وترفعه ..
خاف عليها : سوس آنتبهي ..
: ياااه مصعب تعقدت كل م شلت شي قلت انتبه ..
: للحين أبيك ..
الجوري : صادق آنتبهي ..
شالت الجوري عيال صديقاتها لان مصعب راح يطلع ..
حطتهم في آحضان آمهاتهم : لايفوتكم مصعب مات عليهم يقول لـ سوس آبي تؤام ولما يأس قال خلاص واحد ..
لمار:هههههههههههه ي حياتي ..
المجلس ..
وهي تعدل شماغه : آنتبه لك ..وتغطى زين .. وأكل زين .. وأخوي انتبه له ..
ويدينه على خصرها : بصراحه أخوك أو أنا أغلى ؟
:كلكم في مكانه وحده ..
: سوس ..
: والله بجد كلكم في مكانه وحده .. سعود أغلى آنسان في حياتي تدري البارحه لما صارت السالفة كنت بموت حسيت بشي قوي في قلبي ..
بخوف ضمها بقوه لـ صدره : لالا .. وش أنا من غيرك ..
وهي تبادله وابتسمت : ترى آصير مغروره من كثر حبك لي
وهو مبتسم : م تقدرين ..
حمر وجهها : مصصعب عيب ..
ضحك : يطعني عن العيب من فمها ..يلا راح آطلع انتبهي لنفسسك طيب..
ضمته : آحبش
ضحك : لاتسمعك عمتي
ضحكت : عمتك رهيبه خاصة لما تقول قصصها مع عمي الله يرحمه ..
: اللهم آميين ..أذا تبين أي شي دقي علي وقبل م تنامين دقي مو تنسيني..
: يمكن آنام متأخره
: أي وقت تنامين دقي ..الجوال راح يكون بجيبي ..
باسها وطلع ..
رجعت للصاله ..
كادي : كان جلستي أكثر
ضحكت وهي تشيل ولد كادي منها : آبي آجيب مثل هالشي الجميل ..
كادي توزت ورى لمار وهي تقول : قولي لـ مصعب ..
ضحكوا صديقاتها بشكل وحذفتهم ب المخدات اللي جنبها : سخخخيفات ..
الجوري وهي تنزل القهوه وتضحك : خبببله كادي ..
لمار تنزل الحلا :ههههههههههههه وجع م تستحين
رتيل تضحك : ههههههههههه والله صادقه قولي لـ مصعب
حطت ولد كادي بحضن الجوري وقامت شدت شعر كادي ورتيل ورجعت جلست ..
أشكالهم كانت توحفه ..
هجدوا على صوت بكى عبدالله ..
كادى شالت ولدها : حببببيييي لاتبكي .. بنات شكلي خوفت ولدي..
الجوري تمسح الدموع من عيونها غرقت ضحكت : م آلومه أشكالكم تقولون آطفال ..
رتيل تحاول تعدل شعرها وهي تضحك : عظظظامي ي حقيرات..
الجوري أكثر شي فرحت فيه ضحكه رتيل وسوالفها مع البنات..
.
.
شقه ريان * الجوهره ..
: ريان كل البنات تجمعوا هناك تأخرت عليهم ..
بضيق : م بي تنامين هناك ..
: لييه طيب ؟
: ماحب زوجتي تنام برى البيت ..
: ريان ترى بيت صديقتي ..
: ومن متى بناتنا ينامون برى بيوتهم ..!
: خلاص خلاص منيب نايمة هناك .. بس وصلني لهم ..
ابتسم اخيراً : آيييه حلو كذا ..
كشرت وهي تلبس عبايتها وتلف الشيله : لا ريان بعد ..
بملل واضح : شكلك شايفتني جماد م حس ولا اتأثر ..!
الجوهره لنا فوق الاربعه شهور وحالنا يفشل ..(بقهر) اقسم بالله يفشل..يلعن آم الحاله اللي عايشين فيها
تناظره : آوه آكتشفت فيك قوة وطول صبر ..
: لا تفهمين السالفه بمزاجك ..(بملل) آو آقولك خلاص مشينا ..
م هتمت فيه وسحبت شطنتها وطلعت من غرفتهم ..
أخذ المفتاح وطلع من الغرفه ..فتح الباب ونزل يشغل السيارة شالت الاكياس ونزلت ..
: مر أي مخابز حلويات ..
م رد وظل ساكت .. تكره زعله لامن زعل م يرد ..وقف قبال مخابز .. نزلت وهو م نزل م همها لانها متعمده على نفسها بشكل كبير ..كلم واحد من ربعه خلص المكالمه على جيتها حطت الاغراض ورى وركبت حرك لـ بيت الجوري وقف قباله أخذت كل الاغراض ونزلت وهو ساكت م حكى معها بحرف واحد ..
ظل يناظرها إلين دخلت للعمارة وحرك تنهد بضيق : يارب يسر أمرنا واصلح م بيننا ..
وقف قبال مسجد ونزل وضئ ودخل صلى تحية المسجد وآذن وهو موجود قام صلى ركعتين سنة قبل المغرب ..
.
مقهى
نزل من سيارته عقب صلاة المغرب ..
جلس على أحدى الطاولات الخارجية وهو متردد في تصرفه بس أخته تهمه كثير ..
دق جواله : هلا والله .. آييه وصلت ؟ (ابتسم) خلاص آشوفك ..
قام سلم عليه وجلسوا ..
ناصر : سلامه الاسفار
ابتسم طارق وهو ينزل الجوال ويعدل غترته : الله يسلمك .. (تنفس بعمق) ي لبى جو الرياض
ضحك ناصر : الله يسامحك وين ي لبى وهو حر
ابتسم : آشتقت ي خوك للمملكة ..
ناصر : م تنلام .. غبت عنها شهرين وشوي فقدتها كثير ..
: عساها مهيب غيبه م تسر ؟
جا الطلب أخذ طارق ونزله قباله وناصر كذلك ..
تنهد بضيق : كنت في رحلة علاجية مع رتيل ..
يحرك فنجان القهوه بهدوء وقلق : شخبارها ؟
: المشكلة نفسيتها والا صحتها الحمدلله م عليها حتى الكلى من ابتعدت عن الاشياء الضاره زال الخطر ..
بلع ريقه بضيق ظل يناظر ناصر وهو يتكلم بداخله جمله يبي يقولها واللي فيها فيها ( عطوني آياها بس)
ناصر تنهد أكثر : شوف طارق ويمكن تستغرب كلامي لكن –سكت شوي الحكي حاير وش يقول له ؟! تزوج أختي عقب م فرقكم أبوي ..!
طارق يناظره : ناصر أبيها نفسي م رتاحت من عقبها ..
ناصر : حتى رتيل للحين أنت ببالها .. والسالفه بقولها لك من أولها لـ آخرها ..
طارق : آعرفها ..
ناصر بضيق : في العلوم علوم وأنا أخوك ..
ظل يناظره وهو يحكي بضيق وضح بصوته : أبوك لييه آشترى الفلوس على سعادتنا ..!
رجع ظهره وأخلاقه صفر من هالطريقة البشعه ..
ناصر : صدقني ي طارق لولا أنت كفو م حكيت لك السالفة و لاقلت لك عن رجوع رتيل لك ..
: رتيل آشتريها بـ عمري أختك م فارقت خيالي من حزه فراقنا ..لكن أنا مسافر لـ أبها بـ آسلم على آهلي وأخذ برأي الوالد وعقبها نملك ونسافر م نبي زواج ولاغيره ..
: م هقى أبوك يوافق ..
: خلها على الله ي رجال .. طيب رتيل وينها ؟
: في بيت الوالد لكن علاقتها معاه شبه مقطوعه عقب اللي صار لها ..
: لاحول ولاقوة الا بالله ..تكفى توصى فيها بس هالايام ..
: مشكلتها مهيب طايعه لـ أحد .. الا مشاري كأنها تطلع معاه أوقات وبالموت بعد .. وعبدالرحمن يجلس معاها ..
حاول يتخيل إلى أي درجة وصل سوء نفسيتها .. تفكيره آنحصر كله فيها وشلون علاجها ..
دق جواله وقام مع ناصر : أشوفك على خير وبيننا آتصال بس بعد ساعه رحلتي لـ أبها ..
ناصر: بالتوفيق إن شاء الله ..آوصلك للمطار
وهو مبتسم : لاجعلك سالم ولد أخوي سامي توه وصل ..
سلم عليه ومشى ..
سامي : تأخرت عليك ؟
: لالا م حسيت الا لما دق الجوال ..
: غريبه من هالرجال اللي كان معاك ؟
ابتسم بإمل : أخو رتيل ناصر .. سامي راح آرجعها ..
ابتسم لـ عمه : بالله
:آييو الله .. منيب مصدق للحين ..
: وجدي ..
: الله يستر من جدك لكن الله ييسرها ..
سكت سامي وظل يفكر في حاله أبوه زعلان منه لانه رفض يتزوج بنت عمته .. طلع من شركتهم وآشتغل في شركة ثانية ..
طارق لف نظره لـ ولد أخوه شكل الهم لاعب فيه لعب .. حالته الحين ذكرته فيه بفترة فراقه عن رتيل ..
: سامي و ودك تجي لـ أبها معي تسلم على جدك وعماتك وحتى تكلم آمك عشان ترجع لـ أبوك ..
وهو يأخذ مطب بهدوء وابتسم : الوالدة حالفه م ترجع لـ أبوي عقب حركته بسالفتي الا عقب شروط كثيرة ..
ابتسم طارق : يستاهل تصرفه ماله مبرر ي تطلق زوجتك ي يطلق آمك..!
: هي عقليات غريبه .. لكن الحمدلله على كل حال ..اصلاً سابك مسويه آبتعاث والحمدلله آنقبلت فيه خمس سنين كفيله بـ النسيان والخلاص من كل شي هنا ..
ابتسم : أنت على طريقي ماشي ..
ابتسم : وليت النهاية مثلك وترجع لي رهف ..أجمل شي أني طلعت من تحت سيطره الوالد كنت كل م تكلمت بشي قال راح آطردك من الشركة آخيراً عقدتها وتوكلت تركت الشركة وقدمت على سابك ومنها آبتعاث خارجي وكل الامور متيسره ..
: وين البعثه ؟
: آمريكا
: ماشاء الله معاك أحد ؟
براحه : خويي وأقرب لي من ظلالي قدم معي والحمدلله انقبلنا سوى..
: راح تكون صداقات كثيرة .. شوفني رحت لـ كندا م عرف أحد لكن الحين لي معارف كثيرة هناك ..
: وكيف الدراسة والتدريس هناك ؟
: كل شي اللهم لك الحمد زين .. حتى الراتب عالي هناك وكل شي متيسر..
: الله يوفقك وتتم لك رجعتك لـ زوجتك ..
ابتسم : آمييين ..سامي حاول قبل السفر ترجع أمك لـ أبوك مالها داعي حركتهم وأنا عمك كلن بديره ..
ضحك : شوف أبوي ببيت جدي في أبها .. اللي زعل الوالدة حركته تقول يعني راح يطلقها عقب كل هالعمر وأنه خرب حياتي ..
: مب صاحي أبوك ..
شاف المطار ..وقف ونزل مع عمه ..
طارق ابتسم وهو يسلم عليه : وصلنا على التوقيت مضبوط .. آشوفك على خير وتعال لـ أبها ..
: إن شاء الله ..
دخل طارق وحرك سامي من المطار ..
.
.
.
بيت عساف
يأخذ العلاج ويناظرها: ذنب هالبنت بـ رقبتك قلبي مع اللي اُجبرت على طلاقها..
: البنت ي خبل مزيونه راح تتل قلبك ..
: لو هي ملكه جمال الكون م هزأت فيني شعره ..
: خل تشوفها زين ..
: شفتها في الملكة .. لكن يمه القلب و مايهوى ..
: وتهوى اللي قلبها مع قديمها ..
ابتسم بإلم : وقلب ولدك مع قديمته ..
: عميه م تشوف وش تبي فيها ..!
وهو ينسدح : وولدك صار آعمى القلب عن غيرها .. يمه بنوم ..
: أحدن ينام مبكر وبكره عرسه ..
: أنا يمه ..
تضايقت من حاله وطلعت ..
عزت عليه نفسه وتعبه عايش على المهدئات والحين هالبنت راح يظلمها معاه كثير .. قطع كل تفكيره نسبه المنوم مع المسكن للالم ونام عقب شغل يوم طويل متعب وممل ..
.
.
.
شقة الجوري ..
:لاآآآ أنا راح آسبحه ..
كادي تأكل وتناظر صديقاتها كل وحده تبي تسبح(شاور) لـ عبدالله وتضحك : هعهع وناسه لو كذا دائما أحد يسحبه ويفكني منه ..
لمار ترضع بنتها : ههههههههههههههه شوفي ولدك يضحك
ضحكت رتيل وهي تسمع صوت ضحكته الدمميلة : مجرمات مين اللي تضحكه بهالطريقه ..
كادي :ههههههههههههههه جوهير
دق جوالها : جدي فديته
ردت وحطت سبيكر : هلا جدي ..
جدها : كادي ..
ابتسمت كل مره يدق يسألها بالاول : آيييه ي جدي ..
: كيفك وكيف سميي ؟
: الحمدلله تمام ..لايفوتك جدي تعشى والحين البنات يبون يسبحونه
ضحك جدها : آفا م يستحي
ضحكوا صديقاتها وهي تتكلم مع جدها ..
نزلت الجوال : عبدالله ي دب جدي كله يسأل ويوصنيي عليك
رتيل : يااااه ماشاء الله جدك يهبل حكيه ..
: لببباه الله يطول بـ عمره وعمر جدتي ..
لمار : جدتك م كلمت ؟
وهي تأكل : لاتخافين شوي تدق وكل توصيني على عبدالله ..
سلطانه وهي تلف عبدالله في المنشفه والجوري تنشف شعره ..
الجوهره : كدو وين ملابسه ؟
قامت تحوس وعطتهم .. رجعت جنب رتيل وهي تسولف مع الجوهره : لييه طيب رافض تنامين
كشرت : مدري عنه آسبابه غبيه ..
: حاولي فيه أكثر م راح تتكرر هالنومه سوى الا بـ معجزه ..
لمار : م عتقد آنه آعسر من مساعد ووافق .. حاولي فيه أكثر..
: من البارح ي بنات وأنا آحاول إلين الليلة وقال لا ..
دق جواله رتيل رفعته كادي : ريتو ناصر
ردت عليه ظلت كادي تناظرها شكله يبي ياخذها بس رافضه وقالت عن أسبابها ..
صكت من أخوها : غريبه ناصر يبي يمر يأخذني ..بس قلت لا على الاقل بكرة ..
الجوري : م قال شيبي ؟
: لا بس يقول شي حلو لاينشغل بالي ..
سلطانه : كدو كم آحط ملاعق حليب ؟
: 3 ملاعق ..
شالت الجوري بنت لمار : هاتيها أنا راح آنومها ..
ارتاحت : سويتي خير فيني ..
ابتسمت وبدأت تنومها والجوهره ترضع عبدالله وتنومه ..
عطتها سلطانه الجوال وهي تجلس : جوالك
أخذته : هلا ريان .. أنت تحت ؟ طيب ..
صكت الجوال وفي عيونها لمعه من القهر م تبي تبكي..
وقفت : ريان تحت ..
كادي بقهر : ماله داعي بصراحة ..
: من ربي خلقه نذل هالانسان .. آفف منه ..
الجوري : حاولي فيه مره أخييره تكفين ..
: تعبت وأنا احاول فيه من البارح خاصة عقب التتش اللي صار العصر بيننا.. الحين من دق يالله يجر الحكي ..
أخذت عبايتها والشنطه : بكرآ راح آمركم واجيب معاي غدا لاتسون آوكي..
طلعت وكانت معها الجوري صكت الباب : قهههر سخيف ..
: لو زوجي كذا كان تصفيق ..
رتيل : شكله عنيد ..
.
.
.
شقه ريان * الجوهره ..
فك الشوز وشافته يفك بكت دخان .. هو تركه من فترة والليلة شكل مزاجه مسكر ..
: وين الولاعه ؟
: مدري
قام يحوس ويدور م لاقها ..
: طيب دوريها معي ..
: على بالي ..
ناظرها : خلي عنك التريقه ..
: وخل عنك تقول دوري معي لـ شي غبي ..
دخلت بدلت ومسكت جوالها دخلت في السرير وتغطت كلها ..رمى البكت كان يبي يقهرها لا عطته مجال ولارفضت حتى رجعته للتدخين ..
دخل للسرير وانسدح : لاتسحب الغطا ..
:كيفي ..
جلس وسحب الغطا كله : آقعدي ..
جلست : خير
: ترى راح آرجع للتدخين
: أرجع وشاللي ماسكك ؟
: مايهمك ؟
: لا .. لان منيب أنا المتضرره ..
سحب البي بي منها : كل هالزعل عشاني منعتك من النومه عند صديقتك..!
بكت فجأه : آيييه كل هالزعل عشان هالشي .. أنت م تعرف وش يعني كل صديقاتي متجمعات هناك وأنا الوحيده هنا .. الحين سهره وهيصه وأنا لا ..
حاول يكف دمعتها وبعدت يدها : خلاص بعد راح آنام ..
تحرك من السرير : قومي بوصلك لهم ..
: م بي
بضيق : خلاص قومي
: م بي ..
جلس على طرف السرير وسحب الغطا : جوهره قومي ..
: خلاص م بي اصلا شكلي راح يكون بايخ ..
: راح آوصلك لهم هم صديقاتك وعادي لو رحتي لهم الحين دام الميانه طايحه بينكم ..(يحكي السوء عن نفسه) هم عارفين عن شخصيتي والسوء الحاصل فيها ..
قام من السرير : آنتظرك في الصالة ..
عقب فترة قامت وهي تمسح دموعها مو لاجل تروح لـ صديقاتها بس عشان كلمته : ريان صديقاتي م يعرفون عن حياتنا شي حالهم حال آهلنا..
: م يهمني نظره آحد دامك شايفتني شخص سيئ ..أذا الاشخاص اللي نحبهم ينظرون لنا بمنظار سيئ برغم كل محاولاتنا للتغيير م يهم ابداً أي شي ثاني ..
: منيب شايفتك شخص سيئ .. لاتقعد تقول حكي بمزاجك ..
قام : صح والدليل رافضة الانجاب وقبلها رافضة قربنا من بعض آغراب من وقت السالفة اللي خبرك ..حتى لو فكرت بس آلمسك فزيتي مني بشكل يحسسني إني نكره ..!
آنتظرك تحت ..
طلع من الشقه وهي تناظر مكانه دقت عليه : تعال ..
: جوهره انتظرك ..
:م راح آروح ..تعال ..
صكت الجوال ودخلت للغرفه ..
سمعت صك باب الشقه رمى المفتاح وهي يصك باب غرفتهم ..
انسدح : خففي النور بنام ..
خففت النور وجوهم كئيب ملت من البي بي ونزلته معطيها ظهره شكل خاطره مليان زعل ..
: ريان ..
: وشو
: طيب راح تكلمني كذا ..
صار على ظهره وشغل الابجوره الثانية : جوج مالي مود حكي..
: طيب شفيك مزاجك متغير من كم يوم والليلة زاد ..!
: وش يهمك لو عرفتي ؟
: كيف وش يهمني وأنت كلك تهمني ..
: واضح ..
: ريان أنت عارف إنك تعني لي كثييير ..
بسخريه : آيييه واضح حيل ..
فترة وهم يناظرون بعضهم وساكتين ..
وهي تأكل ظفرها : ممم
حط مخده ثانية تحت راسه وظل يناظرها ناوي يحرقها بـ نظراته ..
: يؤ ريان ..
: وش فيه ؟
: لاتخز كذا ..
: راح آناظرك براحتي ..
بـ آحراج : خلاص لاتناظر ..آممم بجد أنت تغيرت أو مثل كل مره ؟
: م قدر آحكم على نفسي أنتي وش شايفه ؟
تنهدت بـ عمق : الصلوات تصليها في المسجد كلها ..آوقات تصوم الاثنين والخميس والايام البيض ..م صرت تسمع آغاني ..ممم التدخين تقريباً تركتها والليلة شريت عليه ..!
: م دخنتها بس عشان آرفع ضغطك ..
رفعت حاجب بـ قهر ..
: وبعد شاللي تشوفينه من تغيير ؟
: ممم قبل م كنت تهتم لـ أعمامنا وعماتنا بس الحين آشوفك بين فترة وفترة تروح للي في الرياض وتكلم اللي خارج الرياض ..
بس شعرك ليه م تحلق كله ؟
: عاجبني ..
: بس طويل زيادة ..!
: يناسب ستايلي ..ويكفي قصيته إلين وصل لـ كتفي ..
ضحكت : تعبت نفسك ..
ابتسم : شوفي سواء كان شعري طويل أو قصير م يهم المهم شخصيتي أنا أخلاقي طبيعتي .. لان آشوف ناس من آهلنا يناظرون نظرات تحسسني أني كائن غريب ..
: أنت تعرف آهلنا م يحبون هالحركات ..
: مالهم شغل فيني لاطلبت منهم النسب ولاالمال .. ي شيخه يالبى آمريكا الناس هناك مالهم شغل فيك ولاأنت لك فيهم .. هنا آعوذ بالله كلن همه فلان وفلانه ونسوا آنفسهم ..
شافته احتد بـ الحكي : بس م عليك منهم ..
: وين م علي بس ..!
: حبيبي روق ..
جلس وهو يقولها بحرقه : كلن له الله يحاسبه وش عليهم ..!
ليت واحد منهم نصحني كان م قلت شي لو جاني بـ آسلوب حلو لكن بعض النظرات تقهر ..
: كلن يرى الناس بعين طبعه م عليك منهم .. ريان جعلني م فقدك بـ لحظه لاتتضايق كذا ..
: والله إن الضيقه وصلت حدها ..
وهي تبوسه : لاتتضايق ..
ظل يناظرها : ي شين الرحمه هالحين م طلبت الرحمه منك آشكي لك لانك زوجتي ..
ضربته بخفه على خفه : ي غبي م رحمتك مفروض أنت ترحمني من حبك..
ابتسم وهو يحط المخده بحضنه : لاتقولين تحبيني لان حبك واضح لي جداً ..
وهي تلعب بـ آسفل شعرها : مصيبه لو للحين م تعرف إني أحبك غبي غبي ..
ظل يضحك وينرفزها لانه يعرف لامن تنرفزت شاللي تسويه ..
: شعرك لاتقطعينه أبيه ترى وعيونك لاتخزين فيها كذا ..
م تحملت وفطس ضحك وهي تمسك بلوزته وفاطسه ضحك طاحت عليه ويدينه على خصرها: م فيه ريان بلييز ..
دفنت نفسها تحت رقبته : سخيف ..
:هههههههههههههههههههههههههههههه ومتهور ..
.
.
.
بيت آهل فهد ..
غرفه فهد ..
ابتسم وهو يشرب ماي : طيب آمس كنتي موافقه على زواجي من مي ليه معترضه عليها ..
: لالا مو معترضه عليها بالعكس أحبها .. بس خل آوريك شي..
آستغرب طلعت وشوي جابت لابها فتحته وفتحت محادثتها مع مي : قبل كل شي فهد أنا سألتها عن رأيها فيك كـ زوج وقالت م عندها أي مانع هي فكرة أنها تسكن بنفس البيت معانا رفضتها ..
ظل يشوف المحادثه وابتسم : تدرين جات منها أنا شرطي الاساسي تقبل السكن بهالبيت ..
: راح تترك آمي تخطبها ؟
: لا .. لاني مالي مزاج للمشاكل أكيد خالتي راح تجبرها بطريقتها وبالنهاية مشاكل أنا وهي مالها أول من تالي ..
صكت لابها وهي مبتسمه: آممم طيب عادي آتدخل في سالفة زواجك
ضحك : لبيه ..
: أول عادي تتزوج مطلقه ..
: ولو إني ي أسيل رافض مبدأ الزواج بشكل كلي بس بما الوالدة ضاغطه علي الا آتزوج فـ شي عادي آتزوج مطلقه ..
: ممم طيب كانت آرمله من قبل وبعدين تطلقت ؟
فكر شوي : كانت لـ رجلين ..!
: ممم الاول كانت مجبره عليه وكان شايب والثاني بعد أجبرت عليه ..
: من وين تعرفينها ؟
: آستاذتي ..
: سولفي لي عنها أكثر ..
: قصتها تصيح (تبكي) ترى ..
ابتسم : م عليك عطيني قصتها تحمست آعرف ..
: طبعا هي عايشه مع عمها طول عمرها على أنه أبوها وزوجته آمها واصلاً هم في الحقيقه مايصيرون كذا ..
بـ آستغراب : شلون ؟
: مم أبوها وآمها تزوج عشان شي غبي ولما حملت فيها آمها حسوا هالشي راح يخرب عليهم فـ ظلت آمها طول فترة حملها فيها م تطلع ولاتروح ولاأحد يشوفها إلين ولدت وبعد زوجه عمها كذا وآنتقلت هالبنت لـ عمها وزوجته على أنهم آهلها صدق ..
بتعجب : وآمها وأبوها ..!
: آمها الصدق تطلقت ورجعت لـ زوجها الاول وأبوها بعد تزوج وسافر لـ برى المملكة عشان الدراسة والحين أهو يشتغل هناك نادراً يجي هنا..
فهم السالفة : الحين السالفة كلها تحليل لـ زوجها الاول ..!
لاحول ولاقوة الا بالله .. أعوذبالله وش هالسواه ..!
طيب وبعدين شصار ؟
: عمها لما صار عمرها عشرين زوجها لـ شايب وبعد سنه توفى هالشايب ورجعت لـ عمها الغبي وتقدم لها شخص ثاني وزوجها آياه وكان مرآ حقير معها تخيل لما حملت عطاها حبوب وآجهضت الحمل وقال لها آنها عقيم عشان يتزوج حبيبته ..
مصدوم ومو مصدق : أسيل من وين عرفتي السالفه ؟
: هي آستاذتي ..
: قالت لك كذا ؟
: لا ..مم ترى هي صديقه لمار ..
آنصدم أكثر : من صديقات لمار ..!
غريبه م سبق وحكت لمار عنها ..
: لانها م تقول ولاتحكي لـ أحد حتى صار معها غدد وكانت خبيثه وظلت فوق الاربع شهور محد يدري عن مرضها ولاعلاقتها مع زوجها الا عقب العملية وبالصدفه بعد ..
رحمها كثير : ي عزتي لها ..
: حتى آهلها تخيل كشفوا السالفه لها في المستشفى بإنها بنتهم ..
عصب : مرضى هالاهل ..
: تنرحم ي فهد .. لو تشوفها تحبها كل البنات يحبونها طيبه بشكل وصبوره ومحترمه وآخلاق ..
ابتسم : حلوه لو تشوفها ي فهد
ضحكت : طيب شرأيك فيها؟
: قصدك آتزوجها ؟
: ممم يب ..
حك شعره : كم عمرها ؟
: ممم اعتقد 23 مثل لمور ..
: الحين مع مين عايشه ؟
: مع أخوانها من آمها .. طبعا هي عندها عماره سكنيه .. صح ترى هي معاي أنا وقروبي في التحفيظ العصر ..
: ماشاء الله حلو كذا .. شوفي آسيل بالنسبة لـ زواجي منها راح آستخير الليلة وكان آرتحت بلغت الوالدة عنها ..
تحمست : ي لبييييه ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك