رواية ليه الصدف تجمعنا -52
[ الساعة 10 الليل – بيت الجاسر ]
الكل مجتمع هناك راشد و العنود و علياء و شموخ و عبدالعزيز و الجده و غلا و بندر ,
جاهم راكان و طلال سلموا على الجده و تقهووا و طلعوا على طول
غلا باين الخوف على وجهها و كل شوي تسرح ,
علياء : أوكي درينا أنك خايفة , بس عطينا وجه واضحكي شوي بس
العنود : غلا لا تفكرين كثير بس خلاص أدعي ربك يسهلها ,
شموخ : ترى دقوا علي البنات بكرا بيجون عندك و يسهرون هنا
غلا : حياهم الله
العنود : أخيرا نطقتي يختي , شـ فيك ؟
غلا : خايفة
علياء : هونيها وتهون كلنا معك
غلا خزتها : تالدين عني !
علياء تخرعت : الله لا يقولة توني توني
غلا دمعت : شفتي شلون مجرد خيال أرتعبتي منه
لكل : هههههههههههه
شموخ قربت لـ غلا و ضمتها : غلو ياروحي وش هـ الخوف ! , روقي روقي
غلا : شموخ تالدين عني ؟
شموخ ضحكت : ههههههه لو بكيفي كان أخذت الوجع عنك
غلا : يالبيه والله " وخزت علياء " تعلمي تعلمي الذوق !
الكل : ههههههههههه
العنود : غلا صايره صافقه يوم قربت ولادتك هههههههههه
غلا : يسمونة أنفصآم بالشخصية
شموخ : بسم الله عليك
غلا : لآتلوميني الخرعة وماتسوي
الكل : ههههههههههههه
العنود : يووووه تمنيت أمل معععنا
الكل : أي والله ياليتها هنا
غلا : بـ تجي بعد أسبوع , مآتطوف الجمعات بنت أبوها هههههههههه
الكل : ههههههههه
شموخ : والله ليتها تجي و نملك و نخلص , ودي بها دايم قريبه
علياء : صدق ابوك متى ناوي ؟
شموخ : مدري عنه والله , بس يقول شهر 6 بداية الصيفيه
الكل : الله يلحقنا خير و يسهلها
[ يوم جديد – صبح جديد – 10 الصبح ] !
شمس : والله أحس ناقصني شيء بس مدري وش ؟ من تزوجته و هالشعور ناشب لي
امل : طيب هو مسعدك و مو مقصر معك بشيء ؟ يضايقك ولا ؟
شمس : لا بالعكس حرام عليك , وربي أني أسعد أنسانة لاني تزوجته و عمره ماضايقني بكلمة ولد عمي و ماعمره يسويها , بس مدري ليه هالشعور
امل و كانها حست : أنتي ماحملتي ؟
شمس أستغربت : لآ ؟
امل : و تتمنين صح ؟
شمس : أيه مآبيه زوجي و بس , أبيه أبو عيالي بعد
امل أرتبكت : اهاا
شمس حست : وش فيك ؟
امل : لا جيت ان شاء الله الرياض أتفاهم معك على هذا الموضوع , أوكي
شمس : إوكي ,
امل : أيه و اخباركم بعد ؟ اخبار البنات ؟
شمس : والله ابد بكرا بتجي نور , و اليوم بنطلع لغلا نسهر عندها ,
امل : يوه غلا و نور , أمانة شموس خوفيهم من الولاده نيابة عني هههههههههههههههههههه و قولي لهم اهداء من امل
شمس : هههههههههههههه لا توصين , باخلي قلب نور يطلع من محله بسبة هالولاده ههههههههههههه
امل : هههههههههههه ياحبي لها عاد الناعمة ماتستحمل هههههههه
شمس : ياحلوها و الله اني مشتاقه لها
امل : أي والله , ليت شغل فهد بدل يصير بجده يصير بالرياض و ترتاحون
شمس : ليت والله , أبشرك
امل : وش ؟
شمس : ملاك حامل
امل بفرحة : بذممممتك ؟ ياحلوها كبرت بعد وصارت مره ههههههههههههه
شمس : هههههههههههه وش عندها العجوز
امل : ابي رقمها مو عندي , لازم ابارك لها
شمس : أوكي برسله لك شوي
امل : يلا شموس نورا تناديني
شمس : نورا مين ؟
امل : امي يالخبله
شمس : ههههههههههههههههههه أوكي سلمي عليها و خليها تجي المرا الجايه معك ودي اشوفها ,
امل : اوكي ان شاء الله , هي ناويه من زمان , عشان يمكن أملك بالرياض و كيذا
شمس : إوكي بإنتظارك
امل : فمان الله
شمس : فمان الكريم
[ 10 الليل – بيت الجاسر ] !
شمس : يوه عاد تشوفين ادوات العملية و تصارخين و الأكسجين يقل و الحالة حالة
غلا أنسدت نفسها و بغدت تدوخ : الله يقطعك شكلي بالد اللحين بسبتك
شمس : الله تخيلوا يجيها طلق اللحين و نوديها كلنا المستشفى و و ناقف معها و نشوف البيبي لما ينولد و كل شيء يصير تحت عيونا
غلا : آآآآآآآآآآه ؟
شمس : وش فيك تخرعتي ؟
غلا أنكتمت فجأه ووجها أختلف لونه من الخوف: ........ !
جود : غلا غلا ؟ شفيك
العنود جت جمبها : غلا غلا شفيك ؟؟ وجهك قلب فجأه
غلا و هي تتألم و قالت بصوت خفيف : أتصلوا على بندر جتني ولآدة
شمس : شنو ؟؟ جيبوا لها موية بنات
غلا : لا لا أتصلوا على بندر جتني ولآدة
شمس : ماسمعك علي صوتك ؟؟ تكلمي عدل وش فيك ؟؟
غلا صرخت بقوا و بعصبية : أتصلي على بندر بأأأأأأأأأألد
شمس أنسبهت : هااااااااااه ؟
شموخ فزت على طول و أخذت جوال غلا : شنو مسجلته
شمس و هي متخرعه و ماسكه غلا : يعني وش مسجلته ؟ أكيد أحلى أسم و أطلق مدحه له , دوري أنتي بس البنت مافيها تتكلم , بسرعه بنات جيبوا عبايتها
قامت ملاك و جابت عباية غلا : أمسكي
و لبسوها العبايه
علياء جابت كاس المويه و رشت على وجه غلا : حاولي تتنفسين لين يجي بندر
شموخ تكلم بندر : بسرعه بسرعه بسرعه جهز السياره و اضرب البوري أول ماتجي بسرعه بندر
بندر متخرع و منسبه : طيب طيب
الكل صابته حالة استنفار ومايدري شيسوي , ألي يهدي غلا و الي واقف برا يستنى بندر , و الي رايح جاي مايدري وش الطبخة
بيب بيبْ ,
العنود جت تركض : يلا جاء جاء , بسرعه خلينا نقومها " مايمدي تكمل كلامها الا بندر جاي و بدون يتنح نح و لا شيء على طول "
بندر يدور بينهم : غلا ؟
غلا : آآآآآآي
بندر مشى لها على طول : يلا يلا ع السياره من غير و لاحرف , تقدرين تمشين و لا؟
غلا : أأأأخ
بندر حآول يسآعدهآ لين دخلت السياره : تنفسي و حاولي تصبرين
و حرك للمستشفى
شمس : علياء , سواقكم هنا ؟
علياء : ايه ؟
شمس تمشي : يلا وراهم
و ركبوا البنات السياره و طلعوا للمستشفى
ورى بندر
[ بـ ممرآت المستشفى ]
البنات وحدا ورى الثانية : مبروك بندر , تتربى بعزك أن شاء الله ,
بندر فرحححآن : الله يبارك فيكم , عقبال اشوف عيالكم
شمس تهمس لـ العنود : عقبآل يشوف عيآلنآإ !!!!! , أشوف قآم يخورهآإ أبو بشآير من الفرحة هههههههههههههههههههههه
العنود : هههههههههههههههههههههههههههه حرام عليك تراه فرحان
شمس خزتها : و انا قلت شيء غير كيذا , أروحح أبشر أمل أحسن
و كلمت أمل و بشرتهـآإ بـ ولآدة غلآ لـ بشآير ,
[ بـ غرفة غلآ ]
غلآ كآنت تعبآآآنة : كيفها ؟
علياء : تجنن بسم الله عليها
غلا أبتسمت : جيبوها لي
شمس : بندر اللحين عندها , و بيجيبها لك ان شاء الله
غلا : طيب ,
جود : كم بتجلسين هنا ؟
غلا : ثلآث أيام
ملاك : تحملينا ترى كل هـ الثلاث ايام بنكون عندك مالنا شغل هههههههههه
الكل : ههههههههههههههه
غلا : حياكم وألله ,
شمس : بكرا نور بتجي , بسوي لها نفس الي سويته فيك عشان تالد هههههههههههههههههههههههههه
الكل : ههههههههههههههههههههه
شموخ : حرام علييك , أنتي شفتي كيف أستنفرنا اليوم , مانبي هذا الشيء يتكرر صراحتن
شمس : ولا تدرون , بأجل ولآدة نور لين تجي امل !
علياء : يالحبيبة , هي الولادة على كيفك !!
الكل : ههههههههههههههههههههههههههههههههه
طق طق طق ,
غلا : هذ بندر , تغطوا بنات
شمس : اصلن بنطلع و نخليكم على راحتكم
غلا : يكون احسن ههههههههههه
و طلعوا البنات و دخل بندر و معه بشاير بنتهم
شمس : بنآت , كلمتوا أمهاتنا بشرتوهم و قلتوا لهم ليش حنا تأخرنا ؟
العنود و هي تاطلع الساعه : يووووووووووووه الساعه 3 ونص الفجر يافشلتي من راشد ماكلمته ,
الكل تفشل و راح كلم أهله و خبره بالموضوع , و قالوا لهم يرجعون ,
[ يوم جديد – 4 العصر – المستشفى ]
ألجده , , ام بدر , أم راكان , ام ملاك , و كل البنات مجتمعين عند غلا
ألعنود و هي تسكر من مكالمة : ي حريم , راشد جاي هو و عمه عبدالعزيز , بيسلمون على غلا تغطوا
و تغطوا الحريم و طلعوا البنات جلسوا بالممر لين سلموا و طلعوا ,
[ 10 آلليل – بيت الكايد ] !
شمس بضحكة : لا لا سهآلآت إن شاء الله يانور , وش هـ الخوف يختي !
نور : مآني خآيفة كثير ؟ وش فيك إنتي !! ألا أخاف يعني ؟؟
ملاك : ههههههههههههه من جد من شكى لك ياشمس
شمس أنكسحت : اول مرا احد يكسحني , يامال الوجع للعدو
الكل : هههههههههههههههههههههه
شمس : أقولكم , إمول بـ الطريق جاية ونااااااااسة
ملاك : ي حبي لها , كلمتني باركت لي على الحمل
نور : توصل بـ السلامة فديتهـآإ بس ,
شمس : ألله يسلمك
نور و ملاك خزوها .... نور : وش دخلك إنتِي ؟
شمس تورطت : هاه ؟ .. لا بس يعني صديقتها .... ارد عنها بـ غيابها
الكل : هههههههههههههههههههههه
نور : طيب ليه جايين بهـ الليل ؟؟ وش مستعجلين عليه
شمس : كان المفروض يجون العصر بس جدها صار عنده شغل وكيذا
نور : اها .. ي لباها
[ بيت الجاسر ]
أمل : السلام عليكم .... ,
العنود : هلا و غلا و الله ... تو مانورت الديره " و تضم أمل "
أمل : ي روح روحي إنتي ... أشتقت لك شلونك شـ أخبارك ؟
العنود : و الله تمام الحمدلله ... إنتي شلونك
أمل : بخير لبى قلبك ... غلا ماطلعت من المستشفى ؟؟
العنود : بكرا تطلع
أمل : ي قلبي ... وين جدتي ؟؟
العنود : يووووه قد نآمت
أمل : وش عندها صايره دجاجة !! تنام بدري
العنود خزتها : متعوده على جدتي تسهر للفجر و لا ؟ أخت أمل
أمل : ههههههههههههههههههههههههههههه لا مو قصة بس كانت تنام 11
ألعنود : هههههههه ماقصرتي ... بس قدمت بساعة
أمل : ههههههههههههههه
العنود : جدك ناصر نزل ؟؟
أمل : ايه أستقبلنا راشد و دخل جدي للديوانية
العنود : اها ... بقوم أجهز القهوة لك
امل : يب ترى ناويتها سهرة صباحي
العنود : هههههههههه لأ الصباح بنطلع لـ غلا
أمل : طيب هي بكرا بتطلع ؟
العنود : بتطلع العصر ..... حنا بنروح لها الصبح نونسها
أمل : أجل بوآصل ههههههههههههههههههههه
العنود : و الله انا عندي رجال .... وش أسوي بك ؟؟ أسهرك معنا
امل : ايا ناكرة الجميل !!
العنود : ههههههههههههههههههههههههه
أمل : الا صح وش سوى راشد ؟؟ بيشتغل مع عزيز و لا؟
العنود : يفكر يداوم بـ الإتصالات ؟؟
امل : لا لا لا يداوم هناك !! مجنونة أنتي
ألعنود : ليه ؟؟
امل : هذيلا على كل حزة دوام , و أجازات بـ الموووت
العنود : مدري هو وده فيها
امل : على كل حزة دوام و الله ... خير وش هالعذاب
العنود : مدري عنه , يلا انا قايمة اسوي القهوة
امل : طيب ,
[ الساعه 7 الصباح ]
أمل : هههههههههههههههههههههههههههههههههه
العنود : بس بس و ربي فصلت ههههههههههههههههههه
أمل : وآإه بث على قولة الدلوعين , يثلم راشد الي خلاك تجلثين معي
العنود : أقول إن تدلعتي مرا ثانية لا تعرفيني و لا اعرفك
أمل : وش فيه دلعي ؟ يزنن ؟
ألعنود و هي تسوي نفسها تقوم و تشد يد أمل : برا برا برا
أمل : علق ألشريط على برا هههههههههههههههههههههه
ألعنود : هههههههههههههههههههه ي الفااااااصلة خلاص
أمل و هي تناظر الساعة : يلا قومي نتجهز بنروح لـ غلا الساعه 8
العنود : طيب بقوم اللحين أتجهز , خليك جاهزة لا نزلت اوكي
أمل : طيب
و طلعت كل وحدا غرفتها تتجهز و تلبس ,
[ المستشفى – الساعة 9 ]
أمل : سميتيها بشاير خلاص ؟
غلا : أيه , خلاص بشاير
أمل أبتسمت : حلو , يعني ندلعها بيشو ؟؟
العنود تضحك : سؤال ذكي صراحة
أمل خزتها : إنتي ماتفهمين , احاول انسيها الامها
العنود بغباء : أها ,
غلا ضحكت : ههههههههههههه , لا والله الم خفيف , ماعليييه
أمل : بيجيك احد اليوم ؟
غلا : لا أصلن بطلع العصر ,
أمل : بس يومين ؟
غلا : لا كملت يومين و نص , و كيذا كافي
أمل : لا ي شيخة , يومين و نص ؟ ههههههههههههههههههه
غلا و العنود : ههههههههههههههههههههه
غلا : بيجي بندر و عبدالعزيز و جدتي , ياخذوني شوي
أمل : اها , أجل بجلس معك و بطلع معك
العنود : ي ويلي ي هوالتك !!
أمل أبتسمت : ليش ؟
العنود : بتجلسين من شان عزيز صح ؟ " و تناظر فيها بلكاعة "
امل : هههههههههههههههههههههه , يوه كشفتيني
غلا و العنود : ههههههههههههههههههههههههههههه
امل : لا والله امزح , اصلن نعسانة من قلب ,
العنود : أي والله حتى انا
امل : خلاص كملنا ساعة هنا و ابي انام , نروح ؟
غلا : أي والله حتى انا بنام
العنود و امل خزوها : طرده يعني !
غلا : بسم الله ! مو كنكم من شوي تقولون نعسانين ؟
العنود : هههههههههههه , شكلك تخرعتي
امل : هههههههههههههههههه , خلاص يلا عنادي مشينا غلا طردتنا " ووقفت امل و ضحكت " هههههههههه
العنود وقفت : يلا غلوي نخليك ترتاحين و ترتبين امورك , عشان بتطلعين
غلا : إوكي أشوفكم بالبيت ان شاء الله
امل و العنود : ان شاء الله , فمان الله
[ بيت الجاسم – 1 الظهر – راكان و شموخ ]
كانت مندمجة مع آلـ tv , و بيدها كوب شاي
[ راكان ]
كنت بـ غرفتنا أبدل ملآبسي بطلع عندي مشاوير , كانت هي بالصالة و تتابع آلtv , خلصت لبس و طلعت للصالة
كانت جالسة ع الكنب و بيدها كوب الشاي , جيت جلست جمبها و هي ما ألتفت لي حتى ! , باقي مندمجة
راكان : روُحي , تآمرين على حاجة ؟ طالع اللحين
شموخ أبتسمت و هي مآلفت عليه : غير سلامتك مآ أبي
راكان قرب لخدها و باسها : يسلم لي قلبكْ
شموخ عقدت حواجبها و لفت وجهها لوجهه : . . . !
راكان أبتسم ووقف : وش فيك ؟
شموخ أبتسمت ووقفت مثله : ابد بمشي معك للباب ,
راكان ابتسم و مد يده و شبكها بيدها : طيب إمشي
شموخ أبتسمت : متى بترجع ؟
راكان : أمممم 5 المغرب ان شاء الله اكون موجود
شموخ : حلوُ ,
"وصلوا لـ الباب "
راكان : أممم , متأكده مآتبين شيء ؟
شموخ أبتسمت و عرفت انه حاس أنها تبي تطلب شيء : أممممم ,
راكان رفع حاجبة و أبتسم : حتى الإمم هذي , غير من شفآتك
شموخ أستحت : كيذا بتخليني أهون أطلبك
راكان : لآ لآ , ماصدقت على الله تطلبين , يلا أمريني ؟
شموخ حطت يدها على خده و قالت : إممم , آلديرتي حلو عليك , بس السكسوكة أحلى
راكان : ههههههههههههههههههه
شموخ أستحت : وش فيك ؟
راكان : عشان كيذا لما بست خدك , تضآيقتيَ !
شموخ أستحت فاهمها صح : . . .
راكان : أبشري ماطلبتي , ماجيك الا أنا حالق , يلا فمان الله
شموخ : فمان الكريم
و قبل لآ أطلع بستهآ عنآااااد , مزعجها بالحيل شعر ذقني ,
[ طلال و علياء ]
علياء : امانة , أول مرا أطلب هالطلب منك
طلال يضحك : والله ماقوى انام دونك وش فيك ماتفهمين
علياء رفعت حاجبها : لا ماعرفك أنا !! , يعني بتقنعني انك مو رافض الطلب عناد !
طلال : ي ربي ! وش فيك إنتي أقولك بفقدك مآ أقدر
علياء أبتسمت و قربت منه حيل : طلولي , حبيبي أنت .. أول مرا أطلبك أنا
طلال و قلبه يدق بسرعه من دلعها و جرائتها و أبتسم : علوي أنتي كيذا تخربين على نفسك !
علياء قربت أكثر : طلولي أقولك أول مرا أطلبك !
طلال : الا هـ الطلب !
علياء و هي تقرب : ليش ؟
طلال : أقولك بـ أفقدك مآ عآد أقدر أنام ألآ و انا مقآبلك
علياء أبتسمت و هي تحسه يتكلم من قلب : يوم واحد طيب !
طلال وهو يرفع عيونه فوق ويسوي نفسه يفكر بعبط : أمممم , اوافق بس بحالة وحدا !
علياء : إلي هي ؟
طلال يضحك : أروح معك بيت أهلك انام عندكم
علياء أستحت و ضحكت : لهدرجة ماتستغني
طلال و قلبه كل ماله و يدق بجنون : و أكثر كثييييييييييير
علياء أبتسمت : تدري شلون !
طلآل : شلون ي روحي ؟
علياء : أنسى إني طلبت هَ ألطلب , لآني أنا بنفسي مآ أقدر أنام بعيد عنك
طلال سحبها لـ حضنه : ويلي منك أنا
[ يوم جديد – بيت الجاسر – 6 المغرب ]
أمل : ي روحي , مبروك ألحمدلله ع سلآمتها
شمس : ألله يسلمك , و الله ماشاء الله عليها .. كنت أحسبها بتموت رعب , بس طلعت قوية الدلوعه
أمل : ههههههههههههههه نشوفك إنتي وش بتبدعين
شمس : ألله ألله هههههههههههههه
أمل : بأي مستشفى ؟
شمس : بالحبيب
أمل : أها , إوك إن شاء ألله نزوركم , تحمدي لها ع السلامة و باركي للاهل
سكرت أمل و لفت على غلا و العنود و شموخ و جدتهم و علياء ,
أمل : أبشركم !
علياء : نور ولدت ؟
أمل : أيه و جابت ولد و سمته بدر
الجده : عله مبروك , الله يقومها بالسلامة , عسى ماتعبت ؟
أمل : شمس تقول أنها طيبة الحمدلله , و تقول أنها أحسن من غلا الخوافة هههههههههههه
الكل : هههههههههههههههههههههههههه
شموخ : الحين وش الهدف من انك تقولين هالشيء قدام غلا
أمل بضحكة : عشان لا تقول اننا حشينا فيها ههههههههههههههههه
غلا : حلالكم , اللحين انا ام ما أعطي وجه لأي أحد
العنود : لا ي شيخة !
غلا : غلا لو سمحتي
العنود : ههههههههههههههههههه , أم العبط
علياء : أقولكم , متى نطلع ل نور نزورها ؟
الجده : أي والله ودي اوجبهم من البداية و اخلص , بدل لا أشيل هم الواجب " ووقفت بتروح تتجهز "
أمل بصوت خفيف : اما عليك تفكير ي عمه
شموخ تخز أمل : مجرد ما تسمعك جدتي , على طول بدون تفكير بتكنسل زواجك إنتي و وولدها
أمل : للتوضيح , ولدها الي هو أبوك ؟
شموخ و هي تهز راسها بمعنى أيه : بالضبط
أمل : ok , جربي تقولي ولدها بدل لا تقولين أبوي مرا ثانية ,
شموخ : ليش أن شاء الله ؟
أمل : عمى عيون , انا أمك كيفي
الكل : هههههههههههههههههههههههههههههه
شموخ : طيب طيب , المهم بنروح لنور ؟
العنود : و الله عمتي قامت , شكلها نوت
شموخ : أجل يلا مشينا
علياء : ترى بنمر محل حلويات و ناخذ حلا معنا
شموخ : أجل بقول للخدامة تسوي قهوه و شاي
العنود : حلو ,
أمل : يلا بروح ألبس عباتي و أتجهز
[ بالمستشفى – 8 الليل ] !
أمل : أنتي بترافقين معها ؟
شمس : مو مالية عينك ؟
أمل : ويلي !!! , ألله يعين نور , أقول خلي جود ترافق معها
شمس : لييييش !
أمل : ألله من الدجة لو رافقتي معها , بعدين حنا نخاف على نور
شمس : ألله يسامحك " و تمد شفايفها بمعنى زعلانة "
أمل : مو لايق مو لايق
شموخ : و زييييينو
شمس لفت عليها : إيش ألي زينو ؟
شموخ : شكلك و إنتي زعلانة
الكل : ههههههههههههههههههههههه
شمس تضحك : تمزحين , صح ؟ إيه أدري
شموخ : ي بنت وربي تزننين
أمل : خلاص حسستيني تكلمين بنت إبتدائي مو شمس
شمس : ي لبى قلبك بس , و انتي " تأشر على أمل " لآنتي صديقتي و لاأعرفك ,
أمل : أفآآآآ , انا أختك و حبيبتك و" و قالت بصوت خفيف عشان الحريم الكبار مايسمعون " زوجة المستقبل , بس مو زوجتك طبعاً
شمس : أحلفي بس , أمحق أختك و حبيبة و زوجة , لعنبو غيرك و لا مرا رفعتي معنوياتي
الكل : هههههههههههههههههههههههههههه
أمل : بنت , لا تشمتين العذال , شوفيهم يضحكون
علياء ميته ضحك : اللحين حنا عذال ,
أمل : و أكثر كثير
شموخ : ي ناكرة الجميل هههههههههههههههههه
شمس تسدحت ضحك : هههههههههههههههههههههه , أقول , خلاص ترآني مآ أرضى على أمل , بس انا أسبها لو سمحتوا
أمل خزتها : جيتي بتكحلينها عميتيها ي شميس
شمس : يلا عاد , طاح الحطب
أمل : على قلبي والله ,
نور و هي تبتسم : أشوفكم سحبتوا علي
شمس تلف عليها : ماعاش الي يسحب عليك , لبى روحك
العنود تمسك يد نور : أم بدوري , ي كشخة و الله لابق لك
أمل تستهبل : يووه تدرون من أكثر نفر بيعشق هالبزر ألي أسمه بدر !
شموخ : مين !
ملاك تضحك : شمس ههههههههههههههههههه
الكل : ههههههههههههههههههههههه
شمس أستحت : وجع وجع وجع لعدوك زين ! " و تسوي نفسها تاقف بتكفخ أمل "
أمل وقفت : مآلي دخل ملاك ألي قالت
شمس تآقف و تخصر : من ألي قآل " بنآت يووه تدرون من أكثر بيعشق هالبزر ألي أسمه بدر " , لا يكون قرينك و انا مدري !
أمل ميته ضحك : بالضبط قريني هههههههههههههههههه
الكل : ههههههههههههههههههههههههه
الجده : امانة انتوا ماتعبتوا هذره ؟
أم بدر : على أنهم أكبر ألبنات , الا ان العقل الحمدلله و الشكر ! , أثقلوا
شمس و امل أنكسحوا : أحم " وراحوا جلسوا بأماكنهم "
عدت الأيآم و أسبوع ورى أسبوع و البنات مرا عند نور و مرا عند غلا و كل يوم سهرة ,
عدى شهر 4 على خير
و أمل ساحبة ع الشرقية سحبة أليمة , و لا راحت لها !
علياء حامل و هالخبر فرح الكل و اكثر شيء كانت ام راكان الي جد طارت من الفرحة ,
شموخ و راكان كل يوم الحب يكبر , لكن ! دون أعترآفآت ألا من أتجاه راكان ؟
بدر و شمس , ماكان فيه أحلى منهم .... أكثر أثنين متفآهمين و كأن هو لهآ ألصديق و الزوج و الأخ ! و هي كذلك ... و هالشيء نادر فبعض الأزواج !
ملاك و فواز , كآنوآ تقريباً مثل بدر و شمس .. لكن شوفة فواز لشمس بعض المرات , تغير من هالشيء ... بس فواز يحاول يعشق ملاك مثل ما كان يعشق شمس و اكثر !
جود و سلطان , سلطان عيشها حياة الأميرآت , لبى كل طلبآتهآ و لا خلى شيء في نفسها و كل يوم يجربون شيء جديد , و جود كذلك صارت لسلطان كل شيء , عوضته عن كل خسايرة بالحياة و كآنت نعم ألزوجة له !
ألعنود و راشد , راشد كان من أسعد مايكون .. يحب العنود الا يموت فيها ... كآنوآ لبعض آلأصدقاء و الأخوان و الأزواج ... حيآتهم كانت حلوا بكل ماتعنية الكلمة !
غلا و بندر , بندر رجع الشرقية عشان العمل و لا هو ماوده يترك غلا و يروح , بس حكم القوي على الضعيف !
و فهد و نور , كذلك فهد رد جدة عشان العمل و نور إنفاس عند اهلها ,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك