رواية ساره وصراع الحب -5
وصلت الكل كان موجود والكل راح مع حبيبته الا هدى ماجات وراحوا يتمشون ودخلوا محل اكسسوارات اشترت ساره حرفsواعطتها الاء والاء اشترت حرفAواعطتها ساره وهم يتمشون ساره انتبهت لشخص شبهت عليه بس طنشت لأنها ماتوقعت انه يجي وراحت مع الاء باسكن روبنز واشترت لها ايسكريم توفي والاء توت لأنها تعرف ان الاء تموت فيه وجلسوا في أحد الكراسي وجلسوا ياكلون وهم جالسين ياكلون ايسكريم سمعت ساره صوت شخص تعرفه التفتت شافت نفس الشخص اللي شافته قبل شوي تأكدت من الصوت عرفت انها هدى استغربت من اللي معاها.
هدى وهي تبكي:طيب ليه تخليني طول هاذي السنوات بسبب وحده حقيره وكذابه صدقيني ليش اسوي كذا وأنا احبك.
أحلام:هدى والله ادري انك ماسويتي شي بس مقدر لو يدرون اني معك الحين قتلوني.
هدى:طيب لو جبتها واعترفت.
أحلام:والله اتمنى بس من هي.
هدى:راح اجيبها بكره راح اجي للحديقه واخليها تعترف.
أحلام:هدى والله أكون لك شاكره مدى الحياه واللي تتمنينه يجيك.
هدى:أنا ابغاك أنتي ماابغى اتخلى عنك.
أحلام:يلا حياتي مقدر أطول عليك اخاف يكشفوني.
هدى تحضن أحلام وتبكي:انشاءالله راح تعترف.
أحلام:باي حياتي.
هدى:باي.
واتصلت هدى على ساره:ساره وين انتوا الحين.
ساره:وراك.
هدى:هلا والله يلا جيت اجرب عليكم.
وتضحك.
ساره:حرام عليك فيه بنات مايتقبلون.
هدى:لا امزح بس حبيت اجي اشوف اشكالكم واروح.
ساره:طيب إذا رجعت بتصل عليك.
هدى:اوكي يلا باي.
وراحت وجلست ساره طول الوقت سرحانه.
الاء:ساره فيك شي.
ساره:ها لا ولا شي ايش رايك نمشي والله تعبت من الجلسه.
الاء:يلا.
وهم يمشون دخلوا محل ملابس صدفه شافوا بلوزه لونها احمر فيها قلوب بيضاء وفي الوسط قلب ابيض كبير مكتوب عليه كلمات وفيه حرفين كبيرهAsعلى طول اشتروها واجتمع الكل في المطعم الصيني وتعشوا وراح الكل بيته الساعه١الليل ومن التعب على طول نامت ساره.
جا الصباح صحت بدري تجهزت ونزلت الكل كان موجود على الفطور.
ساره:صباح الخير.
الكل:صباح النور.
باست رأس امها وابوها وجلست تفطر.
أم فهد:ساره لا تروحين المدرسه اليوم.
ساره:ليش ابغى اروح.
أم فهد:لأن في استراحه الساعه٩ خالد ولد خالتك لأنه اليوم المغرب بيسافر.
ساره:طيب تعالوا خذوني الساعه٩.
أم فهد:براحتك.
ساره خلصت فطور وقامت.
ساره:يلا مع السلامه.
وركبت السياره وراحت المدرسه دخلت شافت صديقاتها عند الباب مجتمعين.
ساره:صباح الخير.
البنات:صباح النور غريبه جايه بدري.
وجلسوا يناظرون بعض ويضحكون.
ساره:واو شكل المدرسه يجنن وهو فاضيه.
هدى:بنات خلونا نلعب.
الكل:يلا.
وجلسوا يلعبون ويلاحقون بعض.
شوي شوي يكثرون البنات ودق الجرس والكل راح فصله واتفقوا البنات يكملون في الطلعه ومر اليوم حلو على ساره من مواقف مع استاذة هديل أو الاء من حظ البنات طلعوهم من الحصه الخامسه لأن معلماتهم غايبات وكملوا لعب ساره متحمسه وهي تركض ماانتبهت الا صدمت بشخص وانتثرت الأغراض اللي معاها التفتت شافت الشخص انحرجت مره طلعت استاذة هديل ساره على طول راحت الحمامات واستاذة هديل ماكانت تدري مين اللي صدمها البنات فيهم ضحكه بس ماسكينها وساعدوا استاذة هديل وشالوا الأغراض معاها أول مابعدت عنهم على طول ضحكوا
ساره لما تأكدت انها راحت طلعت والبنات يضحكون.
ساره:الله ياخذكم كل هذا بسببكم والله ماالعب مره ثانيه.
البنات:والله تعبنا خلونا نجلس.
ويناظرون في بعض ويضحكون زياده.
ساره:هدى ابغاك بموضوع تعالي.
هدى:هلا.
ساره:هدى حياتي لاتخبين علي شي أنا اعرفك مثل ماأعرف نفسي ايش صار أمس.
هدى ارتبكت:ماصار شي ايش قصدك.
ساره:في المجمع مع مين كنتي جالسه قولي إذا في شي صدقيني أنا الوحيده اللي سمعت كل شي حتى الاء ماانتبهت.
هدى:توعديني مايطلع الكلام لاحد.
ساره:اوعدك.
هدى:تذكرين السالفه اللي صارت لي وأنا في ثاني متوسط يوم قالوا عني السالفه مع اخو أحلام.
ساره:ايوه.
هدى:من ذاك اليوم منعوا أحلام عني وجلسوا يتسببون في ابوي وانهم راح يفضحونه فيني وكل السالفه من رأس رحاب الحيوانه لأنها كانت تحب أحلام ولما شافت اخوها حبته وبحكم اني دايم اتقابل مع أحلام اخوها أحيانا يشوفني فجا لرحاب كلام ان اخو أحلام راح يتزوجني وعشان مايتزوجني سوت كذا وهي فيها مرض نفسي اصلن فاليوم راح امسكها واخليها تعترف في الحديقه إذا قابلت أحلام اليوم.
ساره:راح اساعدك لاني أعرف نقطه ضعفها متى بتروحين لها.
هدى:الحين.
ساره:يلا.
وراحوا فصل رحاب وأستاذنت من المعلمه عشان تطلع وطلعت لأن رحاب تحب ساره وماتدري انها صديقة هدى اخذتها ساره لفصلها وكانت هدى في الفصل تنتظرهم يوم دخلت رحاب وشافت هدى رجعت تبغى تطلع مسكتها ساره ودخلتها.
رحاب:حبيبتي ساره خلينا نتكلم برا.
ساره:أول شي أنا مو حبيبتك ثاني شي أنا ما اخذتك الا عشان موضوع هدى.
رحاب:يعني ماتحبيني ولا أخذتيني عشان نجلس لحالنا براحتنا.
ساره عصبت بس مسكت نفسها:أنا مااحبك ولا قليلة أدب مثلك بعدين ماجبتك الا عشان هدى.
رحاب:وأنا ايش دخلني فيها.
هدى:خلينا نتفاهم بالطيب أحسن.
رحاب:ليه قتلت لك شخص.
هدى:احترمي نفسك وأعترفي أحسن لك.
رحاب تصارخ:بأيش اعترف أنا ماسويت شي.
هدى رفعت صوتها:واللي سويتيه مو حرام عليك ولا نسيتي.
رحاب بكل برود:ايش سويت.
هدى ضربتها كف:كل هذا وايش سويت راح تعترفين اليوم لأحلام وأهلها.
رحاب ترفع صوتها:ليه أنا سويت شي عشان اعترف.
ساره:رحاب أنتي عارفه غلطتك إذا مااعترفتي راح تشوفين شي ماقد شفتيه.
رحاب:ليه بتقتليني يعني.
ساره:غاليه واسماء راح يعرفون بكل شي أنتي سويتيه لهدى أو غيرها وأنتي تعرفين ايش راح يسوون.
رحاب خافت:لا ساره خلاص راح اعترف والله اعترف.
ساره:اليوم تعالي حديقة النافوره وهناك تعترفين وإذا ماجيتي والله في نفس اليوم كل شي راح اقوله شوفيني حلفت.
رحاب تبكي:خلاص خلاص والله راح اعترف بس لاتقولين شي.
ساره تحضن رحاب:إذا اعترفتي راح أكون اعز صديقه لك ايش رايك.
رحاب انحرجت:موافقه.
ساره:و ماتكررين اللي صار مع أي أحد وأي شي في بالك قولي لي عادي.
رحاب:مشكوره ياساره وأنا اسفه ياهدى والله كنت غبيه حقيره لاكن من بعد اليوم راح اصير رحاب شخص ثاني راح اتغير للاحسن.
ساره:هذا اللي نبغاه يلا حياتي روحي لفصلك تأخرتي كثير.
رحاب:مشكورين مره ثانيه واسفه.
وراحت لفصلها أول مادخلت الفصل استغربوا صديقاتها منها لأنها دايم كئيبه أو معصبه ودق جرس الطلعه وطلعوا البنات وجات رحاب للحديقه وساره عشان توقف مع صديقتها واعترفت لأهل أحلام باللي سوته وسامحوها واعتذروا لهدى وصارت رحاب صديقة لهدى وساره.
ورجعت البيت المغرب أول ماوصلت اتصلت على ضي.
ساره:مساء الخير والجوري والياسمين.
ضي:هلا والله وغلا بسم الله عليك يارب دوم ايش عندك فرحانه.
ساره:والله لو تدرين ايش صار اليوم بتفرحين.
ضي:فرحيني معاك.
وعلمتها ساره بكل اللي صار اليوم.
ضي:والله ماتدرين قد ايش فرحتي.
ساره:وأنا.
وجلسوا يسولفون
طبعا ساره نست موضوع الاستراحه وامها نست تقولها انهم أجلوا الاستراحه لأن خالد زادوا الاجازه له ومرت أيام المراجعه وبدت أيام الاختبارات والكل مجتهد في مذاكرته ساره طول الوقت بغرفتها وحولها شيبسات وأنواع الكاكاو ومشروبات اما هدى طول الوقت سماعات الاغاني بأذنها عشان تركز وتروق اما ضي حوسه بيدها كتاب واليد الثانيه أوراق وحولها أوراق واقلام وريهام تذاكر وعندها مرايه ومشط وأرواج وكحل ومناكير يعني أدوات الزينه كلها عندها طبعا غاده نفس طبع ريهام اماسهام وسديم هادين بالمره مي وريم فيهم عاده إذا مسكوا كتاب يذاكرون رايحين وجايين في الغرفه
فه العنود حالتها مثل حالة ضي لأنهم في الجامعه اما عبير متنقله تذاكر مره في غرفتها مره في الصاله مره في الحوش حتى غرفة الشغاله ماخلتها ورغد ساعه تذاكر و٣ساعات تكلم محمد وكل يوم هم كذا طبعا الأيام تمشي عليهم ثقيله بس ساره أحيانا تجيها مواقف حلوه مع استاذة هديل أو الاء ومرت الأيام وجا يوم الثلثاء آخر يوم ل الاء جات لساره.
ساره:اهلين ها أخبار اختبارك.
الاء:الحمدلله حلو وأنتي.
ساره:يعني مو مره.
الاء:قهر اسبوع كامل ماراح اشوفك.
ساره تضم الاء:ياحياتي والله حتى أنا راح اشتاق لك بس كلها اسبوع ونشوف بعض.
الاء:انشاءالله يلا حياتي ما اقدر أطول معاك راح ارجع البيت وعلى طول بنسافر.
ساره:توصلون بالسلامه انشاالله.
الاء:انشاءالله يلا باي.
ساره:باي.
يوم طلعت الاء التفتت ساره شافت استاذة هديل وراها وعلى طول استاذة هديل ضمت ساره ساره استحت لأنه جاتها فجائه وقدام البنات.
استاذة هديل:والله راح اشتاق لك.
ساره وهي مستحيه وأنا بعد راح اشتاق لك.
وباستها استاذة هديل من خدها.
استاذة هديل:يلا اشوفك على خير انشاءالله.
ساره مستحيه:انشاءالله.
وعلى طول طلعت ساره وراحت عند صديقاتها بالشارع وودعتهم وراح كل واحد بيته نسيت اقولكم ان ساره قالت لأمها تتصل على أم هدى ويسافرون معاهم ووافقوا أول ماوصلت ساره بدلت ملابسها وعلى طول ركبوا السياره للمطار عشان يسافرون هم قرروا يروحون ٣أيام للكويت والأيام الباقيه في قطر ووصلوا واعلنوا عن اقلاع الطياره وركبوا طبعا ساره وضي وهدى مع بعض والكل جلس بمكانه كان الوقت قصير وحلو طبعا وهم في الرياض حجزوا لهم فندق قبل مايوصلون أول ماوصلوا الكويت المغرب راحوا للفندق وارتاحوا الين الساعه٩وطلعوا يتمشون وراحوا مجمع ودخلوا فيه كبير مره وفخم وكالعاده انقسموا البنات بس مو مثل كل مره هالمره قسمين.
ساره:يجنن نفسي ادخل كل محل.
العنود:الحمدلله ماعمرها شافت خير.
ساره:أقول اسكتي أحسن لك.
ضي:تعالوا خلونا نروح فوق شكله احلى.
الكل:يلا.
وراحوا بالفعل طلع احلى لأن فوق المطاعم والكوفي وفيه نافوره كبيره بالنص وكان شكله مره حلو وجلسوا في أحد الطاولات وكل وحده طلبت لها من الكوفي وجلسوا يسولفون.
رغد:يبغالي شهر اجلس عشان اشتري.
العنود:بلا دلع أحمدي ربك انك جيتي بس.
رغد:وانتي ايش دخلك أنا اللي بشتري ولا أنتي بعدين لازم اتكشخ لزوجي.
العنود:ياعيني بتتكشخ ترى زواجك في الاجازه عندك وقت.
ساره:خلاص فضحتونا ايش رايكم نروح الدور الثالث بعدين ننزل نتسوق.
ضي:حلو يلا.
وراحوا الدور الثالث فيه العاب كبار وأطفال ولعبوا شوي ونزلوا وراحوا يتسوقون بعد ما خلصوا طلعوا الساعه٢الليل طبعا رغد كل اللي تشوفه تشتريه رجعت الفندق بأكياس كثيره مره واشترت شنطه كبيره وجهزت الملابس فيها.
ضي:خلاص خلينا نكملهم بكرا والله تعبانه فيني نوم.
رغد:روحي نامي أنا بكمل.
راحت ضي تنام ورغد جاها نوم اخذت مخده ولحاف وراحت عند الشنطه جلست ترتبها الين ماداخت ونامت مكانها جا اليوم الثاني ماصحوا الا العصر.
يوم صحوا وفطروا اتصل فهد على ساره.
فهد:الو.
ساره:هلا والله اكيد فيه شي حلو.
فهد:ماودكم تطلعون.
ساره:اكيييد يلا دقايق ونتجهز.
فهد:أجل عجلوا باي.
ساره:باي.وسكرت.
ساره بصراخ:بناااات اللي تبي تطلع تتجهز بسرعه.
الكل يتطنز:كذابه مستحيل يطلعونا.
وكملوا سوالف.
ساره:طيب طيب أنا كذابه ضي هدى قوموا نروح.
وقاموا تجهزوا وطلعوا.
فهد:بس.
ساره:ما يبون بكيفهم يلا بس خلينا نروح.
فهد:وين تبون تروحون.
ضي تهمس لساره:خلينا نروح اي ملاهي.
ساره:ضي قالتها ليش مانروح الملاهي.
فهد:غالي والطلب رخيص.
ساره تناظر في ضي مصدومه وفي نفس الوقت فيها ضحكه وضي ميته حيا وهدى تضحك على شكلها ووصلوا للملاهي.
أحمد مصدوم:بس هذا انتوا.
ساره:كذبوني خليهم أحسن.
أحمد يضحك:هههههه بس ليه ماجبتي ريم معاك.
ساره:أقول روح بس روح الشباب راحوا.
أحمد:طيب خلاص لا تاكلينا باي.
وراحوا البنات يلعبون بعد ماتعبوا من اللعب جلسوا على كراسي بعد مااشتروا لهم سلاش وجلسوا يسولفون.
هدى:والله لو انهم جايين معنا كان استانسوا.
ساره:خليهم احسن عشان مره ثانيه مايكذبوني.
شوي دق جوال ساره شافت رقم العنود وردت.
ساره:نعم خير.
العنود:وجع طيب وين السلام.
ساره:أنتي تستاهلين سلام اصلن استغفرالله.
العنود:طيب وينكم.
ساره:مالك دخل مو انتوا كذبتوني أحسن اجلسوا أنا وضي وهدى بالملاهي وناسه أحسن.
العنود:ساره تكفين بلا مزح ثقيل.
ساره:ليش امزح والله في الملاهي.
العنود:تكفين خلي أحد يجي يأخذنا.
ساره:مافي أحد حولنا وحتى لو بتصل عليهم ماراح يردون أحسن خليك مكانك يلا باي.
وسكرت بوجه العنود.
ضي:حرام عليك ليش تسوين لها كذا.
ساره:أحسن عشان مايكذبوني مره ثانيه.
هدى:طيب خلونا منهم ليش مانتمشى في محل عجبني ابي اروح له.
ساره:حتى أنا والله يلا نروح.
ضي:روحوا انتوا أنا ابغى اجلس.
ساره:براحتك أجل بروح المحل اللي ابغاه وأنتي المحل اللي تبينه.
هدى:يلا نتلاقى في نفس المكان.
ساره:طيب.
وراحت كل وحده بجهه وضي بمكانها.
راحت ساره محل اكسسوارات لأنها تحب الأكسسوارات وهدى محل حيوانات لأنها تموت في الحيوانات شوي دخل خالد بالصدفه محل اكسسوارات وماانتبه لساره دخل عشان يشتري هدايا لأخواته إذا طلعت نتايجهم شوي سمع صوت البنت اللي شافها عرف انها ساره وجا عند المحاسب حط ٣قلادات بحروف اخواته وتعمد يكون قريب شوي من ساره سأل المحاسب.
خالد:كم الحساب.
المحاسب:٦٠ريال.
أول ما سمعت الصوت التفتت شافت خالد يوم حس انها التفتت ابتسم لها وشاف بيدها قلادتين عرف انها محتاره أي واحد تأخذ واحد منهم لونه احمر وكله كرستال والثاني ابيض وفيه كرستال صغير وصاير حلو.
خالد:خذي الأحمر حلو.
ساره:طيب جيب الأحمر.
واخذ خالد قلاده لونها اسود هاديه مره اشتراها واعطاها ساره.
خالد:وهذا بعد حلو خذيه معك ذكرى.
ساره:بس........
خالد:عشان كل ماشفتيه تذكريني.
استحت ساره وابتسمت:مشكور.
خالد:العفو اوصلك للبنات.
ساره:بس بيروحون عنك الشباب.
خالد:ماعليك تعالي.
في محل الحيوانات هدى تتفرج على الحيوانات وهي مقهوره تبي تشتري بس ماتقدر لأنه بيموت إذا راحت الرياض قررت تشتري.
اما ضي وهي جالسه تتفرج على الناس جاها واحد يقولها ياحلو عطينا الرقم.
التفتت شافته.
ضي:من زين الشكل ولا يبغى رقمي بعد شفت شكلك قبل ماتجي.
فقال لها:اللي يشوفج مايقدر يصبر عليج حتى لو هندي.
ضي عصبت:انقلع عني أحسن لك.
شوي مر فهد وشافها جا ركض ودف اللي جا يغازل ولف عليه اللي يغازل ضي:خير وش تبي.
فهد:لو محارمك مارضيت أحسن لك بعد.
اللي يغازل:ليه يقالك من محارمها الحين.
فهد عصب طلع عضلاتها:تجرب.
اللي يغازل خاف وانحاش.
وحس فهد انها خايفه فجاب لها مويه لما شربت هدت.
فهد:ليه جلستي لحالك كان الحين خطفك.
ضي:ماكان لي نفس امشي.
فهد:ماراح اخليك لحالك بجلس معاك الين مايجون.
ضي:ماله داعي.
فهد:كل هذا اللي صار وماله داعي لا ماتجلسين لحالك.
وجلس معاها وجلس يسولف.
شوي جات هدى وساره يوم قربوا راح خالد عن ساره وتقابلت مع هدى ورجعوا بنفس الوقت جاوا الشباب وصلوا قبل ساره وهدى.
فيصل:ياعيني وش عنده الحبيب جالس مع ضي.
فهد:شفت واحد من الصايعين جالس يتغزل في ضي فقلت اجلس معاها لايصير فيها شي.
شوي جات ساره وهدى.
ساره وهدى:هاي.
شوي استغربوا ايش فيهم الاولاد جالسين عند ضي بالذات فهد عند ضي في الطاوله.
جات ساره وهدى عند ضي.
ساره:فهيد وش مجلسك عند ضي.
فهد:انتوا ليش مخلينها لحالها جا صايع يتغزل فيها وانتوا فاغرين في المحلات.
ساره:ايش ايش معنى فاغرين.
فهد:يعني مفهين.
ساره:وش هالمصطلحات ايش معنى مفهين.
فهد:يعني ماشين ماتدرون عن الدنيا همكم اللي في بالكم.
ساره:اها طيب روح بس روح حلا تبي تجلس مع ضي بعد قوم.
فهد:طيب لاتاكليني ومره ثانيه خلوها في عيونكم.
ساره تناظر في ضي وتضحك وضي مستحيه:اخس اخس عندنا حبايب.
فيصل:خلونا نلعب في قطار الموت.
الكل يلا يوم راحوا عند القطار شافت ضي وحده طلعت وهي تمشي اغمى عليها وثانيه طلع من فمها دم.
ضي تصارخ:لا لا ماراح اركب مابي.
فهد:خلاص انتوا اركبوا وأنا بجلس معاها.
راحوا ركبوا وجلس فهد مع ضي.
فهد:ايش رايك نركب هاذي اللعبه هاديه ونشوف الملاهي كله من فوق.
ضي:يلا وراحوا ركبوا في عربه لونها احمر.
ضي:واو يجنن شوف الفندق يبان من هنا.
جا فهد وجلس جنبها وحط يده على كتفها على طول ضي جاتها رعشه التفتت على فهد تناظر عينه سرحان يناظر المباني والحدايق لما وقفت اللعبه نزلوا واشترى ايس كريم له ولضي وراحوا عند قطار الموت وجلسوا ياكلون ايس كريم الين ماخلصوا وطلعوا ساره وهدى كأنهم سكرانين والاولاد يضحكون على اشكالهم ساره وهي دايخه طاحت على صدر فيصل وفيصل مسك كتفها لما هدت شوي التفتت على اللي ماسكها شافت فيصل يناظر فيها ويبتسم بعدت عنه بسرعه وراحت عند هدى وضي ووجهها طايح من الاحراج وهدى وضي يضحكون عليها وراحوا يتمشون فركبوا سيارات تصادم الاولاد كل واحد اخذ له سياره والبنات يبغون يركبون فقالوا الاولاد كل وحده تركب مع واحد ولا بكيفكم لأنه زحمه وكل واحد معاه واحد مايعرفه مافي الا فيصل وفهد وراكان اللي مابجنبهم أحد فسووا قرعه ساره مع فيصل وضي مع فهد وهدى مع راكان وراحوا يلعبون وكل واحد يتوعد بواحد ويتصادمون وساره نست نفسها كل شوي تقول لفيصل يصدم واحد وفيصل يصدم اللي تقول له ساره ولعبوا٣مرات ورى بعض بعدها طردهم اللي يشغل اللعبه وراحوا يمشون ويلعبون وطول الوقت ضي مع فهد وهدى مع راكان وساره مع فيصل أو خالد في كل لعبه وجلسوا يلعبون الين الساعه١٢بالليل وطلعوا وراحوا يتعشون بمعطم بس البنات لحال والاولاد لحال فقامت ساره تغسل يدها في نفس اللحظه قام فيصل وشاف ساره وقرب عندها.
فيصل:ايش رايك باليوم مو حلو.
ساره:احلى أيام حياتي.
ضحك فيصل وطلعت ساره وراحوا الفندق الساعه١وعلى طول ناموا ماصحوا الا الظهر صحت ساره بعدها ضي.
ساره:آه ياضي ماتدرين ايش صار أمس.
ضي:حمستيني ايش صار.
وقالت لها كل اللي صار.
ضي:واو طيب وريني قلادة خالد.
طلعت ساره القلاده وورتها القلاده.
ساره:يجنن صح.
ضي:فضيييع.
ساره:صح علميني ايش صار معك يوم جاك الصايع.
وعلمتها ضي كل اللي صار شوي جات العنود.
العنود:وجع يروحون ولا يقولون ياجعله كسر.
ساره:فيك انشاءالله يالظالمه ماحد قالكم ماتصدقون.
العنود:طيب أنا اوريك الحين باخذ البنات كلهم الا أنتي.
راحت العنود اتصلت على محمد.
البارت الثالث عشر
محمد:طيب بقول للشباب.
العنود:حاول فيهم تكفى يلا باي.
شوي اتصل محمد على العنود.
العنود:هلا ها وافقوا.
محمد:اي يلا تجهزوا.
العنود راحت عند كل البنات الا ساره تجهز الكل ونزلوا.
فيصل:وين ساره.
العنود:ماراح تجي ماتبي.
ضي:كذابه والله تبي تجي بس ماقالت لها.
فيصل:والله ماحد يروح الا إذا ساره بتجي ذكرى اتصلي على ساره بسرعه.
اتصلت ذكرى على ساره.
ذكرى:ساره وينك تجهزي وأنزلي.
ساره:يعني نزلتوا وأنا ماادري.
ذكرى:العنود قالت لنا توقعتها قالت لك.
ساره:ماابي اروح.
ذكرى:ليه فيصل يقول ماراح يروح أحد الا إذا جيتي.
ساره:تعبانه ماابي اعطلكم روحوا.
ذكرى:خلاص براحتك ماتبي تروح تعبانه.
ضي:بجلس مع ساره ماراح اروح.
هدى:وأنا معاك.
ونزلوا راحوا عند ساره والبنات والاولاد راحوا يتمشون دخلت ضي مع هدى عند ساره شافوها تبكي.
البارت الرابع عشر
ضي:ساره تبكين ايش فيك.
ساره:ايش ذنبي أنا قلت لهم ماصدقوني ايش دخلني.
وبكت جات هدى ضمتها.
هدى:خلاص حياتي هي غلطانه راح نكلمها.
ساره:لا تكلمونها خلوها.
ضي:لاتفكرين فيها آخر همك راح تندم.
هدى:ايش رايكم ننزل السوبر ماركت اللي تحتنا.
ضي:فكره عشان تنسى ساره اللي صار.
الكل:يلا.
ولبسوا العبايات ونزلوا واشتروا وحاسبوا ورجعوا وجلسوا يسولفون شوي دق جوال ساره شافت رقم استاذة هديل وردت وهي فرحانه.
استاذة هديل:هلا والله وغلا أخبار القاطعين.
ساره تضحك:هلا بك شسوي كل يوم كل ساعه نطلع مانجلس في الفندق.
استاذة هديل:اي رحتي الكويت ونسيتينا.
ساره تضحك:والله مانسيتك بس عندي ناس يحاولون ينسونوي.
وضحكت وجلسوا يسولفون الين العشاء وسكرت شوي جاوا البنات.
ضي:غريبه جايين بدري.
العنود:أهم شي طلعنا واستانسنا.
ضي:الله يهنيكم.
بعد ماسكرت ساره اتصلت على الاء وجلست تسولف معاها.
ضي:عنوده تعالي ابغاك.
وراحوا الغرفه الثانيه.
ضي:العنود قوليلي بصراحه ماحسيتي انك غلطتي بحق ساره.
العنود:بصراحه شوي بس مين قالها ماتقول انكم بتروحون الأنانيه.
ضي:والله انها قالت لكم بس انتوا كذبتوها وهي ماتحب الكذب ولا تحب أحد يقولها كذابه.
العنود ساكته ماتكلمت.
ضي:والله لو ماتبيكم تروحين كان سكتت وراحت لحالها بس هي قالت لكم.
العنود وهي مقهوره:والله صادقه بس والله من القهر رحتوا وخليتونا.
ضي:أنتو اللي جنيتوا على نفسكم ولا هي كانت تبغاكم تجون.
شوي قامت العنود من مكانها بتطلع من الغرفه.
ضي:وين رايحه.
العنود:بروح اعتذر لها.
راحت العنود عند ساره وهي تكلم أول ماشافت ساره بكت وراحت ضمتها وتبكي سكرت ساره من الاء وضمت العنود.
ساره:عنوده قلبي ايش فيك.
العنود وهي تبكي:ساره سامحني تكفين والله ماقصدي بس.........
ساره قاطعتها:لا بس ولا حاجه أنا الغلطانه مفروض اني رجعت وقلت لكم بس أنا ماأحب أحد يقولي كذابه وماأحب اكذب خلاص حياتي وقفي بكاء.
العنود:سامحيني والله غلطت بحقك.
ساره:والله مسامحتك لآخر عمري.
وضمتها بقوه.
ساره:يلا مسحي دموعك وخلينا نروح عند البنات يلا.
وراحوا عند البنات ومي كانت جايبه مسجل كبير وشغلوا اغاني وجلسوا يرقصون وسوالف وطلبوا من المطعم تعشوا وكملوا رقص الين الساعه١ونامو جا الصباح الساعه٦جاوا الحريم يصحون البنات عشان يروحون المطار لقطر وصحوا البنات وكلهم نوم وطول الطريق في المطار والطياره نايمين ماوصلوا قطر الا الظهر يوم بقى ربع ساعه على قطر الكل صحا شبعان نوم أول ماوصلوا راحوا فندق قالوا بيتمشون بس الحريم والرجال رفضوا عشان يرتاحون بعدين يروحون مع بعض وجلسوا وهم مقهورين.
بعد العصر بعد ماارتاح الكل طلعوا يتمشون وراحوا عند البحر جلسوا الحريم والرجال كل واحد بجلسه قريب من البحر اما البنات والاولاد راحوا يتمشون طبعا ساره صارت عاديه مع فيصل ماصارت تكرهه وهو ماصار يسوي حركاته اللي قبل بس أحيانا مايقدر يمسك نفسه فرجعوا من البحر بعد العشاء الحريم والرجال ناموا بس باقي البنات والاولاد وكان بالفندق فيه مطعم وبقاله وجلسات حلوه وحول الفندق أسواق كثيره طلعوا البنات يتمشون طبعا بعد مااستاذنوا نزلوا تحت وجلسوا يسولفون في الجلسات اللي تحت ساره وضي وهدى والعنود ورغد وذكرى مع بعض والباقين مع بعض ساره وضي وهدى والعنود ورغد وذكرى وهم جالسين ضي سمعت صوت واحد يهمس في اذنها التفتت شافت واحد غريب يقولها ممكن الرقم ياحلو فجائه شافته طار الا فهد جاي ودفه بقوه خلاه يطير.
فهد:لاحول انتوا يالبنات ماتتخلون لحالكم قوموا بس قوموا.
ساره:وين نروح والله طفش وين نروح.
فهد:قوموا أنا اقولكم وين تروحون.
قاموا شوي راحوا عند السياره.
ساره:فهد من جد راح تمشينا.
فهد:ماتبون خلاص روحوا الفندق يلا.
ساره:لا لا خلاص.
فتحت ساره باب السياره الا البنات راكبين من قبل ومافي الا مكان واحد فاضي فركبت العنود وساره وضي وهدى ركبوا مع فهد وهم بالطريق وقفوا سوبرماركت ونزل الكل واشتروا وحاسبوا ورجعوا السياره ساره وضي تأخروا.
ساره:يلا ضي بروح وإذا خلصتي تعالي.
ضي:خلاص روحي.
وركبت ساره السياره.
فهد:وين ضي.
ساره:باقي تحاسب.
نزل فهد من السياره وراح عند ضي.
فهد:ها ماخلصتي.
ضي التفتت واستحت لما شافت فهد.
ضي:الحين بخلص.
فهد:خلاص روحي أنا احاسب.
ضي:لا مايحتاج فلوسي عندي.
فهد:خلاص لانتأخر أنا بحاسب أنتي روحي للسياره.
ركبت ضي السياره وهي مره مستحيه.
ساره:وين اغراضك.
ضي:مع فهد قالي ارجعي السياره أنا احاسب حاولت أنا احاسب رفض وقالي ارجعي فرجعت.
ساره:اها أهم شي انك رجعتي.
شوي جا فهد وجاب الكيس وفيه أشياء زايده عن اللي اشترتهم ضي واعطاها ضي وهي انحرجت مررره.
وصلوا حديقه كبيره مره ودخلوا فيها وجلسوا يتمشون طبعا نفس الشله ساره وضي وهدى والعنود ورغد وذكرى وراحوا يتمشون.
الحديقه هي حديقه حيوان وبنفس الوقت حديقه عامه وكبيره مره فيها مطاعم وأسواق.
ساره:والله جوعانه من يوم صحيت مااكلت شي خلونا نروح اي مطعم وناكل.
هدى:والله صادقه حتى أنا ميته جوع.
ضي:يلا نروح بس خلونا نقول للبنات اكيد حتى هم جوعانين.
شوي دق جوال ساره شافت رقم فهد.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك