رواية ليه الصدف تجمعنا -48
عبدالعزيز : مآفي شيء بـ الدراسه صعب لدرجه ألآ تصور ! , أنتي لو تقرينه حبه حبه و تكتبين مع كل حرف و تذاكرين أول بأول راح تشوفينه سهل ,
شموخ : أللحين بتجي علوي , بنذاكر مع بعض
عبدالعزيز بضحكه : كملت ! , بتذاكرون مع بعض ؟ , على مين تلعبها بس هههههههههههه
شموخ : هههههههههه , قصدك اننا بنترك المذاكره على جنب ؟ بهذي صدقت , بس الماده هذي حيل صعبه لازم نشد حيلنا
عبدالعزيز : أيه عاد الإدارة ماتلعب ههههههه
شموخ : هههههههههههههه
علياء تدخل وهي لآبسه نظاره طبيه كبيره و معها كتب كثيره و رمتها مره وحده : السلام عليكم " رمت نفسها ع الكنب " . أوووف , تعب موش طبيعي عجزت أستوعب كلمه وحده في الكتب ؟ تخيلوا ؟
شموخ : الحال من بعضه , خلينا ساكتين , لآني شكيت له بما فيه الكفايه
عبدالعزيز بتفكير : و عليكم السلآم
علياء تناظر عمها : وش يفكر فيه العم ؟
شموخ : يبووي ؟ وش هـ القافه ؟
عبدالعزيز وقف : أستأذن " ويوم جأء بيطلع لف عليهم " ألآ أنا بسألكم !
شموخ و علياء : عن إيش ؟
عبدالعزيز : أمل تركت شغلها ألي مع طليقها ؟ و لا؟
شموخ و علياء تورطوا : هاه
شموخ : أحم , و ألله هي ماتركته , بس قالت أنها بتتركه
علياء بغباء : لآ ماقالت أنها بتتركه ؟
شموخ صكتها بكوع : يابنت , نسيتي أنها بتصير زوجته
عبدالعزيز يضحك عليهم : هههههههـ وش فيكم أنخبصتوا ؟ لآ عآدي بس أنا أسأل بشوف وبس , يلآ فمان الله
[ عبدالعزيز ]
للحين مآتركت آلشغل هنآك ؟ دليل إنها بنت قويه وماهمها تركي ؟ , سبحآن ألخآلق , فيها أشياء كثييير من زوجتي الله يرحمها ؟ ولو أن هذي فيها رجه شوي ؟ بس هم تشبه شخصيتها ؟ ,,
شموخ : أنتي مجنونه ؟ فرضاً أخذ عنها فكره شينه ؟
علياء : يآلشيييخه !! , ذا أبوك مستحيل يظن كيذا
شموخ : حتى لو هذي تظل خطيبته و قريب زوجته ؟ كيف بيثق فيها
علياء : كله من ذا الأمتحان هو الي خلاني غبيه
شموخ ضحكت : هههههههههـ , أيه أيه تعوديها مره ثانيه , يلآ أمشي فوق غرفتي مجهزه قهوه تركيه تصحصحنا و تخلينا نذاكر زي الناس
علياء : إوكي يلا مشينا
صعدوا مع بعض لغرفة شموخ ورموا كتبهم وبدوا مذاكره
[ آلمطار ]
فواز و ملاك بعد ماسلموا على شمس و بدر صاروا يمشون بيطلعون لـ الطياره ووقفهم صرآخ شمس لـ ملآك
شمس : ملآآآك
ملآك لفت و هي بعيده عنها : هلا ؟
شمس بضحكه : سآمحيني لآ عرفتي وش مسويه فيك انا هههههههههـ
ملآك : وش مسويه يالخبله ؟
فواز : هههههههههـ أمشي ملاك ترى بنتأخر
ملاك و هي تمشي ووتحلف بشمس : و الله لو شيء كايد لـ أوريها الشغل , ماتتوب هذا و هي كبيره خلاص
فواز : ههههههههههـ هدي , عاد شمس و مقالبها أكيد عاديه , أنتي وش فيج خفتي ؟
ملاك : هههههـ مقالبها مو على خبرك , خلني ساكته بس
و ركبوا الطياره وهم يضحكون على شمس
بدر يمسك يد شمس و يطلعون لسيارتهم : وش مهببه فيها ؟
شمس توهقت : هاه ؟ و لآ شيء أمزح معهــآ بس
بدر : مآني مصدقك , بس فهمت وش قصدك هههههـ
شمس أستحت : السياره وين ؟
بدر : ههههههههههـ قدآم عينك
شمس تفشلت : أحم ,
أركبوا و راحوا بيتهم يكلمون حياتهم حياة أي أثنين متزوجين سعيدين
[ آلشرقيه ]
بندر : وش نآويه تسميهـآ ؟
غلا : أنآ قد قلت لك بسميهآ بشآير
بندر : ههههههـ يوه نسيت ,
غلا بـ إبتسامه : موافق ؟
بندر : وليش ما أوافق ؟
غلا : توقعت مايعجبك ؟
بندر : أنتي أي شيء منك يعجبني غصب عني يآ نظر عيني
[ بيت ناصر ]
أمل و هي ترمي الجوال : ألله يآخذك أنت و أمك زين , يوه أقلقني بس يتصل
دخلت عليها أمها : وش فيييك ؟
أمل : تركي ذا الدجاجه , مغير مزعجني وربي رحمت جواله الي بيده من كثر ما أتصل !
نورا : هههههههههههـ هدي هدي , بسيطه غيري رقمك ,
أمل : عجزت و انا أغير رقمي ! حلآو هو ؟ أصلن مدري كيف يجيبه
نورا : أجل خلاص واجهيه !
أمل بتفكير : و هذا الي بيصيير , وهو الي جاب هـ الشيء لنفسه !
نورا أبتسمت على شجاعة بنتها: على قلبي والله هههههههـ
أمل أبتسمت : لآ تسرقون كلمتي هههههههههههههـ
نورا و هي تجلس : شرايك نروح نجلس عند أبوي و نتقهوى , مسويه حلا يحبه قلبك
أمل تستهبل : حلا أحبه ؟ أكيد كبسة دجاج ؟
نورا : هههههههههههههههههـ أمشي أمشي معي بعدين أخبرك
طلعوا لـ ناصر و أمل في تفكير كيف تواجه تركي و تحط له حدود بـ الشغل و تمحي نفسها من حياته
عدى يوم الأربعاء و كلن ملتهي بـ حاله و بـ أشغاله ,
[ ألكويت – الخميس – 9 الصباح – أبراج الكويت ] !
فواز و هو مقابل ملاك : وش رايج بـ أهلي ؟ أن شاء الله أرتحتي لهم
ملاك رفعت عيونها بـ هداوه لـ فواز : دامهم اهلك أعرف إني برتاح لهم , و من قلب بعد , أنت قدمت لي الكثير و أقل شيء أسويه أحب أهلك زي مآحبيتك
فواز مسك يدها من فوق الطاوله : لآو ألله مآقدمت لج شيء كثر مآقدمتي لي أنتي , تدرين كنت شايل فكرت الزواج من بالي لين زنت زنت زنت شموسه و قالت خلني أخطب لك و انت مالك شغل , أنا ثقتي بـ شمس ثقه ماحد يتصورها , يوم وصلت لبيتكم و سلمت عليييج و شافتج و انتي قلتي لها عنج وعن أعاقتج الي شموس ماكنت تدري فيهم , على طول كلمتني و قالت أنك انتي المناسبه لي
ملاك قاطعته : أنت يزعجك أني أعرج ؟
فواز بسرعه : حشى و ألله مآتزعجني ولو أني أنسآن سطحي و أفكر بـ الشكل كان مأخذتج مع أنج جميله , بس انا كنت أفكر بعقلانيه و قلت نتوكل بس لما شفتج , ماتدرين شصار فييني , حبيتج من قلب وربي " أخذ يدها الي كان ماسكها و حطها على قلبه وهو يبتسم " أنتي هنا بروحج
ملاك ذابت حياء وهي يدها على قلبه و يدق بسرعه جنونيه : ........ !
فواز أبتسم : أظاهر تعجبج دقات قلبي
ملاك أنتبهت أنها للحين حاطه يدها على قلبه وهو مبعد يدينه و أبعدتها بإحراج : .... !
فواز : شـ تبين تفطرين ي قلبي ؟
ملاك بعدم أنتباه لكلامه : فواز . أأ .....
قاطعها وهو يستهبل : تبين تفطرين فواز ؟ هههههههههههـ خلني أسأل القرسون عندهم أكل بهـ الأسم ههههههههههـ
ملاك أستحت : ههههههههههههـ , لآ أقصد أناديك هههـ , يلآ خلنا نطلب
فواز أبتسم : طيب أمري ؟
ملاك بـ إبتسآمه عذبه : على ذوقك
فواز : طيب ي قلبي
طلبوا و جاهم الفطور , وهم ياكلون
ملاك : الغدا ليوم عند أهلك ؟؟
فواز : أيه إليوم عند أهلي و العشاء عند رفيجي , أهله عازمينج
ملآك : طيب إوكي
[ الرياض – الساعه 3 العصر ]
شموخ : أحس ودي أصرخ , ماعاد فيني وربي وش ذا الكتب
علياء : أحس راسي بينشق نصين من كثر مآحشيته معلومات
شموخ ناظرتها : هاه ؟
ناظروا ببعض وجلسوا يضحكون : هههههههههههههههههههـ
شموخ : قهوه ؟
علياء وهي تمسك القلم و تلعب فيه : بدون لآ تشآورين ,
شموخ : طيب
عبدالعزيز يناظر فيهم من عند الباب وكان مستعجل : حالتكم يرثاء له
علياء بطفش : آآآه , توك تدري
عبدالعزيز : ماكنكم عروسات أبد
علياء : أي وألــ . . . " وشهقت " يووووووووووووه ," بصراخ " شموخ أليوم عندنا موعد ؟
شموخ من عند المطبخ بصراخ : أيه عندنا موعد ؟
علياء بنفس الصراخ : يألله الساعه كم ؟
شموخ : الساعه " وتناظر ساعتها و تشهق " الساعه 3 و ربع
علياء : يعني تأخرنا ربع ساعه ؟
شموخ جت تركض : يلآ يلآ أمشي نتجهز يادوب نلحق ياشيخه
علياء : مالت علينا أمحق عرايس
عبدالعزيز يناظر فيهم ببأبتسآمه : الحمدلله و الشكر , موفقات بس
[ بيت الكايد ]
شمس بضحكه وهي تكلم ملاك ع التيلفون : بالله وش سويتي ههههههههههههههههه
ملاك : وش سويت بعد نمت بـ جينز و تيشيرت بسبتك , ولا بجامه ؟ و لا بجامه يالظالمه ؟ كله قمصان ؟ انا توني ماصار لي 5 شهور متزوجه تصدقين مالبست ولا واحد من الي حطيتيهم , هين أوريك
شمس : ههههههههههههههههـ تتهنين ياقلبي هههههـ
ملاك : المهم , وش تامرين عليييه من الكويت ؟
شمس : أممممم , ولا حاقه واللهي
ملاك : لآ أنتي الغاليه لآزم أجيب لك شيء
شمس : أممممم , أهم ماعلي سلآمتكم يآ قلبي , يلآ تبين شيء ؟ بدر ينادي
ملاك : الله يسلمك غناتي , مابي الا سلامتك , فمان الله
شمس : فمان الكريم
مر يوم الجمعه ثقيييل و يحمل التفكير و القلق من كل النواحي و الحمدلله عدى على خير
[ يوم السبت – 9 الصبح – الرياض ] !
شموخ : أدخلي قبلي
علياء : و الله مادخل لين تدخلين
شموخ : لآ تحلفين , يمكن أخليك تصومين
علياء : انا عروس أدخلي قبلي
شموخ : نسيتي حالي من حالك
علياء : ندخل مع بعض
سارا : ترى كلها كم سؤال و خلاص تنفك الأزمة
شموخ بخوف : والله أنك صادقه , طيب يلآ بدخل
علياء : كويس
" ودخلوا و هم خايفين من الورقه ومحتواها "
[ الشرقيه - ]
أمل كآنت بتفكير عميق بس تنتظر اللحظه المناسبه الي تروح فيها لـ تركي و تتصرف معه بعقلآنيه , مع ان هـ الشيء بعيد عن شخصيتها بس بتحاول عشان حياتها ماتخرب و لا حياته
البندري : تفكرين فيه ؟
أمل : قولي لي أروح له ؟ و لاأنتظر يطلب أسمي يوم من الأيآم
آلبندري : روحي لـ .....
زياد : أستاذه أمل ؟ وين أستاذة أمل
أمل و قفت : نعم زياد ؟
زياد : أستاذ تركي يبيك بمكتبه ضروري
البندري أبتسمت : جت منه و لا منك هههـ
زياد : ويبي كل الملفات الجديده الي عندك
أمل : قله على وصول
أمل رتبت أوضاعها وتهيأت نفسياً بعد و مشت بخطوات واثقه وناويه تعلمه أن كل الي يسويه غلط ولازم ينضبط
وقفت قدام باب مكتبه و أخذت نفس عميق و فتحت الباب
تركي رفع راسه : أهلين أمل
أمل رفعت عيونها و خزته : أنسة
تركي أنحرج من نظرتها : أنسة أمل , تفضلي
أمل حطت الملفات عنده : هذي ملفآتك
تركي : أستريحي , قهوه ؟
أمل : مآنيب مستريحه أذا أنت بتستمر بـ أسلوبك ذا , تركي خلاص أستح على وجهك أنا اللحين ماعرفك و لا تعرفني , أنا طليقتك أوكِ ماقلنا شيء بس مابيننا شيء يربطنا لآ طفل و لا شيء الحمدلله , ليه تستمر بهـ الأتصآلآت ؟ ترى وربي ضآيقتني !!
تركي : أنا بس أبي أتطمن علييـ.....
أمل : تكفى يآشيخ لآ تخليني أضحك , تتطمن علي ؟ لآ أرتآح أنت أكثر وآحد تعرف أني بخير و مآفيني شيء , أنت حتى قدام بيتي وقفت !!
تركي : بس يآ أمل ...
أمل : تركي لآ بس و لآ شيء خلنا نتفاهم بعقلانيه ,
تركي : أنتي تفضلي
أمل : بجلس عشان أفهمك بس لآ أكثر , مو لسوآد عيونك !
تركي أنحرج حيل : طيب تكلمي
أمل : تركي , أنت طلقتني و أنت تحبني و لعلمك هذا الشيء مآ أثر فيني لآنك رجآل مآعليك حسوفه ؟ وش أبي بوآحد يطيع كلآم أمه و يركض ورى مطالبها حتى لو انها معصيه ؟ أمك مريضه نفسياً تبي الكل تحت رجلها , بس تبطي عظم مآتشوفني تحت , يمكن مآ كسر خشمها ألآ أنا و هي من زمان تستاهل أحد ياقف بوجهها يعلمها أن الله حق
تركي : هذي أمي و لآزم أطيعها ؟ وتحبني أكثر من أي مخلوق
أمل أبتسمت : أآهآآآآآآآآآ أمك !! , يوم أنها أمك و تحبك ليه مآصبرت عشانك ؟ ليه تبي تمشي الي براسها وتخلي حياتك تعيسه و تفرقك عن زوجتك لسبب تافه قلي ؟ بالله قلي ؟
تركي : ...............
أمل : مآعندك رد شفت ؟ مآعندك ! , شف ياتركي أنا مره بصير قريب على ذمة رجال غيرك , رجال يسواك و يسوى طوايفك صدقني , رجال ويوم أنا قلت رجال أقصدها عدل , ومو قصدي أجرح مشآعرك بس أقول الحقيقه أنا
تركي : من ؟
أمل : و تسوي نفسك مآتعرف ؟ أنت تعرف حتى كم خطوه أمشي يآتركي لآ تجلس تستغبي
تركي يحاول يستفزها : و انتي مستانسه أنك أخذتي واحد عنده بنت أصغر منك بكم سنه لآ و بعد صديقتك ؟
أمل أبتسمت ووقفت : أقلها هو رجال يآتركي " و علت صوتها شوي " رجآآآآآآل !
تركي برد وجهه من كلامها : أمل أنا .....
أمل حست أنها زودتها : تركي , " وتنهدت " أنت ماعليك أنسان صالح و طيب و تخدم الكل ولو طلبوا عيونك عطيتهم , بس لو ربي يسلمك من شر أمك كان وربي تلقى البنات طابور يتمنونك , وانا أقولها صدق , ولا أنا ماشفت منك قبل تدخل أمك بحياتنا ألآ كل خير والله , و ع العموم أسفه ماكان قصدي أجرحك بس قلت الحق عشان تعتدل و تاخذ الموضوع بجدية بعيد عن حبك لي , صدقني بتلقى الي أحسن مني و أنت الي بتبشرني بنفسك , مع السلامه " لفت أمل بتطلع ألآ تسمع صوته "
تركي منكسر : أستاذة أمل , أسف على كل شيء
أمل : حصل خير " وطلعت "
[ أمل ]
قلبي يدق بجنون بجنون بجنون , حصل خير ؟ وش خيره ؟ ماشفت من أمه ألآ الكلام و النقايد , حصل خير يوم أنه يطلقني وخلاني أشيل هـ الأسم ؟ حصل خير يوم أني جرحت رجولته و هذا أخر شيء أتمنىآه لرجل كان زوجي ؟ , أستغفر الله بس أستغفر الله , خلاص أنا حليت الموضوع و بكيفه هو وتفكيره واذا شفت منه أصغر خطأ وألله مايلوم ألآ نففسه , سآعتها أعرف من بيتصرف نيابة عني ّ!!!
[ الرياض – 1 الظهر – بيت الكايد ]
شمس : ملاكووه لآتصيرين خبله , صار لك يوم ماكلمتيني حتى سلام يالله سلمتي , بسك دلع
ملاك : حركتك مانساها لك , مردوده وربي
شمس بضحكه : رضيتي ؟
ملاك تخز شمس : بزعل عليك طول العمر مثلا ؟
شمس ضمتها : أخر مره أمقلبك ههههههههههههههههـ
ملاك : هههههههههههههههههههههه لآ تشوفنا عمتي و تضحك علينا تقول وش هـ البزران الي مزوجتهم عيالي ههههههههههههـ
أم بدر بضحكه و هي داخلة : وش هـ البزرآن الي مزوجتهم عيالي ؟؟
الكل : هههههههههههههههههههههـ
أم بدر : عسى الله يديم المحبه حبايبي , يلآ أمشوا نحط الغدأ قبل يجون فواز و بدر
[ بيت الجاسر – 3 العصر بعد آلغدا ] !
عبدالعزيز و شموخ متغدين ببيت جدتها عند علياء و الجده
علياء : مالت علينا الي معنين أنفسنا وتعبانين
شموخ : و أكلين الكتاب أكل !
علياء : طلع تافه الأمتحان !
عبدالعزيز : تافه لآنكم مذاكرين , لو مو مذاكرين كان صارت علوم !
شموخ : هههههههه والله انك صادق , الحمدلله عدت على خير
علياء : أي والله
عبدالعزيز : المهم ترى بقدم لكم أعتذار مثل ماتفقنا الأسبوع الجاي , و عقب كيفكم أنتوا تصرفوا مع أزواجكم , زين ؟
شموخ : إإوكي حلو
علياء : إوكي
عبدالعزيز : صديقي عبدالمجيد بيجي بكرا , من سفره
شموخ : أيه صح وش قال عن موضوع أننا نخطب له ريما ؟
علياء : أي ريما ؟ ريما أخت ملاك !!
شموخ : أيه , أحسها مناسبه له ؟ و هذا راي أمول
علياء : ماشاء الله على أمول ولله خوش تفكير
عبدالعزيز : كلمته وهو موافق بس باقي تروح إمي تخطب له !
شموخ : طيب بنكلم جدتي لا قامت من النوم و نقول لها بكرا تروح ,
علياء : بروح معها
شموخ : حتى انا
عبدالعزيز : حلو و انا بروح أشوف أمور ألأعتذار الي بقدمه عشان تكملون بعدين , و يكون جاهز قبل السبت
علياء و شموخ : بالتوفيق
عبدالعزيز : فمان الله
أنتهى أول يوم بـ الأسبوع و الكل منتظر الجآي من عمره , وش يجيب له ,
كآن الكل يحاول يفكر و يخطط لحياته الجديده سواء زواج – أو رزقهم الله بمولود , أو أنتقال من مدينة لمدينة
كان أغلب هـ الأمور شاغلة تفكير الكل
بعد مرور أسبوع ثقيل على الكل , دراسه و هم و دخول فصل الشتاء هو الشيء الوحيد المفرح بالنسبه لهم ,
[ يوم السبت – الرياض – 5 العصر ]
عبدالعزيز : عذر و قدمنا لكم ؟ أي خدمة ثانيه ؟
شموخ : يسلم راسك يبى تعبناك معنا
علياء : الله يخليك عمي ماقصرت
عبدالعزيز : طيب خلونا نجي للمهم , ريما ردت عليكم و لا لا ؟
شموخ و علياء أعتفست وجيههم : ...........!
عبدالعزيز بأستغرآب : رفضت !؟
علياء : أيه , بس معذوره لآنهــ.......!
شموخ بهدوء : لآ مو معذوره !
عبدالعزيز بأستغرآب : وش أسبآبها ؟
شموخ : انا من رايي مالها حق ترفض , يعني اذا هي قصدها على عمر عبدالمجيد انه كبير , ترى وربي عادي !!!
علياء : هي قصدها على عمله و سفراته هي ماتبي تبعد عن السعوديه ؟
شموخ : وألله ياعلوي عادي , بس أكيد عندها أسبآبها الخآصه
عبدالعزيز : يعني أقول لعبدالمجيد ماله نصيب عندهم !؟
علياء : أيه
شموخ : يلآ علوي , اليوم أول يوم لنا بالنادي لآزم نتجهز و نروح بكير عشان نطلع بكير
علياء : يلا يابكير خخخخـ
شموخ و علياء – صآروا مشغولين بأشغال كل عروس , من مواعيد بشرة و من مواعيد أسنان و من حجوزات و غيره كثير , مآفي شيء يشغلهم اللحين عن أشغالهم , جامعة و أعتذروا و خلآص بعدين يتناقشون مع أزواجهم بهـ الموضوع ,
كِلها ثلاث أسابيع و يصيرون أحلى عروسـآت ّ!
[ بيت الكآيد – 6 المغرب ] !
دآرت شمس قدآم ملآك بفستآنهآ الأحمر الأستريج , كآن ضيق لين الركبه و بعده يصير واسع , شكلهـآ حلو فيه و من عند الصدر فيه مسكه خفيفه , و أكمام طويله كامله ,
شمس : هاه شرايك ملاكو ؟
ملآك : وآآآآآآآآآآآو من جد خطييير
شمس : يعني مو حيل مكبرني
ملآك : مطلعك فتنة هـ الأحمر , مآشآء ألله يجنن حبيبتي , ألله يحفظك بس
شمس : هذا لعرس عيال الجاسم , و شيمو و علوي
ملاك : أنا شريت فستآن
شمس : بآلله ؟ روحي ألبسي وريني , لحظه شـ لونه أول شيء ؟
ملاك بحياء : كحلي ملكي
شمس : يبووووووي , أكيد بتطلعين ملآك
ملآك خزتها وهي تاقف : واانا من ؟
شمس : هههههههههههههههـ أقصد ملاك يعني مَلك !
ملاك : من ذوقك ي روحي
شمس : روحي ألبسي يلا
مشت ملاك بركض وهي طالعه من غرفة شمس و بدر تلبس فستانها الكحلي
شمس رفعت البي بي وهي تدقدق فيه جآءْ على بالها شخص قديييييييم !
[ شمس ]
بدر ذاك من زمان ماراسلني !؟ , مدري وين أختفى ؟؟ بس كيفه انا تزوجت و مستحيل أرجع اراسله , ولو انه كان ونيس حيل , بس يلا أكيد خيره , وبعدين حتى هو متزوج ؟ ياحليله , أنفتح الباب ودخلت ملآكو ,
ملآك دخلت بالفستاان الكحلي الي بأكسسوار فضي , حلو حيل
شمس : وااااااو يجنن وربي ,
كآن عبآره تنوُره و بَدي توُب , و تحت الصدر متجمع القماش و ممسوك بأكسسوار فضي حلو وناعم , و التنوره طويله ضيقه من فوق و فوق الركبة بشوي تصير واسعه , ناعمه جداً بس اللون له دور قوي بـ إبراز جمال ملاك ,
شمس : خطير حيل
ملاك : أعجبني اول مادخلت المحل حيل رايق ,
جلسوا يسولفون عن المحلات و الفساتين و فجأه شمس تذكرت
شمس : ملآكو , بكرا راشد و العنود بيرجعون و جود و سلطان هم راجعين ؟ لآن عرس العيال بعد ثلاث أسآبيع ؟
ملاك :يوه كيف ماطرى على بالنا ؟؟
شمس : لآزم نجهز لهم جمعة أو عشاء بنات , مو حلو يجون ومانستقبلهم
ملاك : بس ناقصنا أمل و نور
شمس أبتسمت : نور خليها علي و أمل , تحس بالعزيمه وتجي صدقيني عندها حاسة سادسه ههههههههههـ
ملاك : ههههههههههههههههـ , عندك خبر ولا ؟
شمس أبتسمت : أبدن و لا شيء " وقفت وراحت تبدل "
ملاك : يلا حتى انا بطلع أبدل ,
[ بيت الجاسم – 8 الليل ]
طلآل : أنتي وين اللحين ؟
علياء : بـ النادي
طلآل يستغبي : ليش ؟
علياء أستحت : و أنت شـ عليك ؟
طلال ضحك : ههههههههـ يالبى الحياء
علياء : أحم , طلال بفآتحك بموضوع مهم ,
طلال : أمري ؟
راكان دخل على طلال : سلآم
طلال : عليكم , كملي حبيبتي
علياء : لآ تقول حبيبتي لو سمحت !!
طلال ضحك : زوجتي كيفي
علياء : ألمهم , شسمه من اليوم ورايح لا عاد تكلمني ؟ لآن هذا هذا شسمه قرب
طلال مات ضحك على تلعثمها : هههههههههههههههههههـ وشو الي شسمه ؟ تقصدين زواجنا ؟ عادي قوليها
علياء : زين ؟
طلال : طيب مآ أصبر , يمكن أدق عليك بدون لا أحس
علياء : عشان كيذا أمسح رقمي
طلال : ومن قالك اني حاطه بجهازي ؟
علياء : أجل ؟
طلال : حاففظه حفظ افا عليك
علياء أستحت : ......... !
طلال حس بموقفها : خلاص و لا يهمك غناتي , انتي لو تطلبين عيوني فدوه لك و ....
راكان : قصر صوتك
طلال ضحك : تغار ؟ ههههههههههههـ
راكان ضحك : لا والله , بس أنا أستحيت أستغفر الله ههههههههههههـ
طلال :هههههههههههههـ , ططيب تامريني على شيء من هنا لـ ثلاث اسابيع ؟؟
علياء بحياء : مابي الا سلامتك
طلال : بفقد صوتك
علياء : فمان الله
طلال :ربي يحفظك
[ بالنادي ]
علياء : ياربي شفيه صوته ؟
شموخ جمبها تغني : خير شفيه صوتك خير ؟ حبيبي قول و علمني , وألله لـ أقلب الدنيا على شانك و.... !
علياء خزتها وقاطعتها : كانك تدرين أني أقصد راكان ؟
شموخ لفت عليها : هممم ؟
علياء : و انا أكلم طلال , راكان يسولف جمبه , أحس صوته فيه بلى ؟
شموخ : أها
علياء : ليه تسوين نفسك مو مهتمه و انتي أصلاً مهتمه ؟
شموخ تنهدت : مدري ,
علياء : مالت عليك , هـ الأنسآن يحبك شويه عليه من أيام الدراسه برى وهو يغليك ويهتم فيك
شموخ بسرحان : يلا نطلع ؟
علياء : يلا
[ يوم جديد – يوم وصول راشد و العنود – سلطان وجود ] !
المطآر – 1 الظهر ] !
سلطآن وهو يسلم على راشد : من حسن حظنا ان هبوطنا مع بعض , شلونك ؟
راشد : بخير عساك بخير , أنت شلونك ؟؟
سلطان : مبسوط ولله الحمد , بشر شلون العرس معك ؟
راشد : الحمدلله ياربي مبسوط ,
تفرقوا و كلن راح لبيته ,
[ بيت الجاسر ] !
علياء : وآآآآآآآآآآآآآآآآآآآآآآآآآآآآآآآآآآآآآآآآي آلعنود , راشد
" علياء تضم العنود حيل "
العنود : وآحشتني , وآحشتني , وآحشتني ,
راشد يضحك على هبالهن : علوي أختاري الأجابة الصحيحه بين الي قالته زوجتي ههههههههههههههههـ " و ضم علياء و هي باسته على راسه "
علياء : ههههههههههههـ أختار أخر وحشه قالتها هي , وأهديها لك ههههههههههـ , أشتقت لك يَ تاج راسي
راشد باس راسها : مآنحرم منك يآلغآليه , وين أمي ؟
علياء : أمي داخل بغرفتها , ترى مادرت عنكم " راح راشد لها وترك البنات " " علياء تكمل للعنود " ياخوفي تنجلط جدتي لآشافته فجأه ههههههههههـ
العنود : ههههههههههـ بنت عيب ذي جدتك , يلا انا بروح أسلم عليها
علياء : ماني مستعده تجيها جلطتين بشوفتك ههههههههههههههههـ تغلييك حيل هههههههههـ
العنود : ههههههههههههههـ بسم الله عليهاااا , يلا أمشي لها
[ بيت الكايد ]
ملآك تسلم بدون نفس و جود مو مستغربه هـ الشيء : الحمدلله ع سلامتكم
جود بـ أبتسآمه رايقه : ألله يسلمك , وين أبوي ؟
ملآك بـ إستغرآب : أبوك ؟
جود تلسهم برموشهــآ : أبوي ألي هو عمي أبو زوجي
ملاك : اها , بغرفته و سلطان عنده
جود مشت : بروح أسلم عليه
ملاك بغرور : أصلن مايخلي احد يدخل غرفته الا سلطان !
جود بثقه : نشوف !
دقت الباب بهداوه ,
أبو سلطان : مييين !
جود : هذي انا أبوي , جود
أبو سلطان حس بفرحه كبيره بكلمة أبوي : تفضلي يآبنيتي
جود دخلت و بآست رآس أبوهـآ و نزلت كيس جمبه : أشتقنـآ لك يبى
أبو سلطان : ألحمدلله على سلآمتكم يآبنيتي , شهـ الكيس ؟
سلطان : هدية لك يآلغآلي ,
أبو سلطان : ليش كلفت على نفسك ؟ أنت بشهر عسل
سلطان رفع أيدينه بضحكه : مآلي شغل هي ألي جآيبتهـآ " وقدم جود وحطها بمكانه "
جود أستحت : قليله يَ أبوي وربي
أبو سلطأن : مآقصرتي ي بنيتي , روحوا يلا أرتآحوا توكم جايين من السفر
سلطان مسك يد جود : يلآ نخليك ترتآح وحنا بعد بنرتاح , قيلولة العافيه
أبو سلطان : هههـ مآتجوز من هبالك
مشوا بيطلعون برى غرفة أبو سلطان بس وقفهم صوته
أبو سلطان : سلطان ؟
سلطان : لبيه , سم ؟
أبو سلطآن : ابيك تعتني فيهـآ وتداريها , تستآهل بنت الأجاويد , عرفت تختار وانا أبوك , و أسمع لآزم اليوم توديهـآ عند أهلهـآ تسلم عليهم
سلطان أبتسم : جود بعيوني, لآتحآتيهـآ هي هنا " ويأشر على قلبه " و ....
أبو سلطان خزه : بتجلس تتغزل فيها عندي ؟
سلطان : ههههههههههههههههـ , و الله تعرف تطرد , يلآ فمان الله
سلطان وهو يمشي بجود للجناحهم : سمعتي أبوي و هو يتغزل فيك ؟ ههههههـ
جود أستحت : يوه ّ! , تصدق حبيته أكثر منك ؟ هذا يسمونه الحب من أول نظره
سلطان : لآ ؟ صدق عاد ؟
جود : وي ؟ أمززح وربي هههههههههههههههههـ
سلطان : ماراح تشوفين أهلك أليوم أجل !
جود بلكاعه : عندي أبوي يوديني وين مآبي
سلطان : هههههههـ أظاهر أبوي مردك
جود : من زمان متمرده ولا ناسي !
سلطان تذكر بريطانيا : و أحد يقدر ينسى ؟ " فتح باب الجناح " ladies first
جود : we are not in Britain to speak English Ok ?
سلطان :yes ok , but realy ladies first
جود ضحكت : أظاهر آلـ English صآر يليق علينا أكثر ههههههههههههـ
سلطان : هههههههـ يمكن , يلا متى ناويه تدخلين ؟
جود : من بعدك حبيبي
سلطان : أمممممم " ضمها " عاد انا ودي أنتي تدخلين و برجلك اليمين , ودي يتبارك بيتك !
جود : سلمت حبيبي , ندخل مع بعض عشان محد يزعل ؟
سلطان : ههههههـ إوكي
" دخلوا مع بعض وسموا و طلعوا على طول يرتاحون "
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك