رواية اذا انتثر دمع عينك -44
مشاري كان مسكر عيونه وأثار أصابع مسك ظهرت بالخفيف في خده : آآه .. ( وفجأة طاح على وراه على الكنب برومنسية ) .. يعني أنا ما أحلم .. أنتي حقيقية ومعاي ..
مسك عصبت بالخفيف من حركته مسكت أطرف تي شيرته وهزته : طيحت قلبي .. لاتعيدها ..
مشاري فتح عيونه وتحسس خده : قوي كفك بس حلو هههههههههههههههههههههههههههههههه
مسك فجأة ماتعرف ليه جاتها نوبة ضحك مع مشاري وشبكو مع بعض بالضحك ^^ .. >>> مهابيل هيهيهي =d
&&&&&&&&&&&&&&&&&&&&&
في مكتب مشعل ..
مشعل مدخل يدينه في شعره ويناظر فارس : إممم حيرتني والله .. أنت اللي تسويه صعب بقوة وخطييييييييير .. تعرف أن انت اللي تسويه مجازفه كبيرة بالقلوب ؟؟ ..
فارس ابتسم بإحراج : ههه شفت كيف .. أنت شرايك اقرر بعقلي ولا بقلبي ؟! ..
مشعل سكر عيونه وفتحهم وجلس يناظر فارس بنظرات ..
فارس ارتبك وبمزح : هي مشعل لاتناظرني كذا لاتخليني أتحسف أني قلت لك ..
مشعل بهدوء : أكيد بعقلك .. لاتخلي عاطفتك تغلب عليك .. مع أني ما ادري إيش مخطط عليه .. بس انتبه لكل شي تسويه ..
فارس وقف : أوكيكك .. ثانكس بروذير ..
مشعل على شفايفه ابتسامة خفيفه : يو آر ويلكم .. بي كيرفول ..
وطلع فارس للصاله ..
بعد دقيقتين مشعل بهمس لنفسه : الكل يحب الكل يحب يا مشعل هونها وتهونـ ..
إلا دخلت ملاك : هلااااوي ..
مشعل تعدل : هلا بك ..
ملاك لحد الحين واقفه : كيف حالك ؟؟ ..
مشعل : بخير الحمدلله وأنتي ؟ ..
ملاك : تمام .. يالله باي ..
مشعل : ستووب وين ؟؟ ..
ملاك هزت كتفها : لا بس أنا ماعندي شي أقوله قلت لهم أني بدخل أسلم عليك وأطلع ..
مشعل : ههههه .. الله معاك حياك بأي وقت ..
ملاك : أدري بدون ماتقول .. سلملم ..
بالصالة ..
ملاك : باااااك ..
الكل ماعدا طلال : ولكمووو ..
ملاك جلست : يسلموو ..
طلال ببراءة : لا بعد خلونا نرسل إشارة تنبيه !!؟ .. جالسين بمسنجر إحنا ..
ريان أشر لرامي ورامي فهمه : أفا عليك نرسل تنبيه ليش لأ ..
ويمسكونه ريان ورامي ويهزون فيه بقوة لمن استفرغ العافية طلال خيخيخي ^_> ..
طلال بعدهم عنه بقوة لدرجة أنهم طاحوا على الارض : الله يلعنكم .. مسوين خفاف دم هاااه .. وهذا أنا عمكم .. تاج روسكم ..
رامي قام من الأرض ومد يده لريان : تغاك (تراك) بلشه .. كل دقيقة عمكم وعمكم وعمكم وعمكم ..
ريان مسك يد رامي و وقف : صدقت والله .. مستلعن علينا بهالكلمة ..
سامي : ترا الحين نتجمع عليك ..
فارس : ونسدحك بالأرض ..
يوسف : ونخليك تبلع العافيه ..
ياسر وتركي : أحلا يالأقوياء أنتوا ..
البنات حدهم يراقبون ..
طلال طلعت عيونه : أعوذ بالله منكم ..
رائد بهبال: لالا الحين ما أرضى على طلول .. وأنا موجود .. لا الحين أوري كل واحد شغله ..
ريان مسك رائد من كتفه الأيمن .. ورامي مسكه من كتفه الأيسر .. و يوسف وسامي مسكوه من ياقه قميصه ..
فارس حط يده على شعر رائد : مابقى لي مكان أمسكك فيه خخ ..
رائد صرخ : لالالا إلا شعري المقدس ..
الكل : ههههههههه ..
رهف : يمــــــه منكم ذيابه ..
روان : مسكين رائد ..
رامي : هاه ودك تجغب (تجرب) ؟ ..
رائد يستلطفهم : هاااه .. ههه ههه هههه .. أمزح معاكم شباب .. ( لف على طلال ) .. الفزعه ..
ريان : هههههه بتفزع بطلال وأحنا هالكثر مايقدر عليـ نزززززززززلنـــــــي ..
الشباب كلهم افترقوا عن رائد ..
البنات : هههههههههه ..
طلال اللي حمل ريان بخفه على كتفه .. ومخلي راسه لتحت : هااااااه .. ريانوووه.. أشوفكم استهزأت فيني كثير ونسيت اني العب رياضه .. ودك أضرب راسك بالأرض الحين هااااه ..
ريان نزل الدم براسه وصار وجهه أحمر وتي شيرته تزل شوي لبطنه وصوت تنفسه واضح: هههه تووبه .. نزلني .. فشلتني الله يفشلك ماني ياسرووه تشيلني كذا .. ولا وقدام البنات نزلني .. الدم صار براسي ..
طلال ابتسم بمكر : نياهاهاهاهاههههااااي .. قدام البنات هااه .. أأدبك أنا الحين ..
ومشى طلال للبنات ويمر قدامهم رايح جاي رايح جاي : هاااه بنات شوفوا ريانوه البزر كيف أنا أشيله .. أنا بطل صح ..
البنات فطسوا ضحك : هههههههههههه ..
ريان بجد يحاول ينزل بس مو قادر لأن طلال ماسكه من رجوله بقوة .. فغمض عيونه مفتشل جد : خلاص طلول السموحه والله ما اعيدها ..
ملاك بنذاله شدت خصلة من خصلات ريان ..
ريان عصب وصرخ : يالحيوانة .. أوريك .. وانت نززززلني .. ( وبدا يقرص برجول طلال ويعضه ) ..
الكل يعلق ويضحك على المسرحيه اللي قدامهم هع ..
طلال مسوي فيها قوي ومايصرخ ويحاول يبعد رجوله عن ريان بس مافي مجال ..
ريان مد يده لدانيا : دنوو أختي حبيبتي مسكي يدي بس ..
دانيا مسكت يده وحاولت تسحبه ..
طلال صرخ : داينوووه تركي يده ..
دانيا ارتاعت وتركت يد ريان ..
ريان انقهر وعض رجل طلال بأقوى ماعنده ..
طلال نزله بقوة .. وريان وقف على يدينه عشان مايطيح على وجهه .. وتعدل واقف على رجوله .. ويضبط قميصه ..
طلال : أحح .. وجع يوجعك كان طلبت بأدب انزلك .. مو أسنان حديد ..
ملاك استغلت الفرصه : قول ماشالله لايصير في أخوي شي .. أنت وحدة بوحدة تصيب ماتخيب ..
ريان يعدل شعره بيده وطنش طلال ويكلم ملاك : أنتي ياتبن أوريك شغلك بالبيت ..
ملاك برطمت : جزاي أدافع عنك ..
ريان خزها : جب ..
ملاك تسوي نفسها تستنجد بطلال : طلوولييي ..
طلال بنص عين : دوري لك غيرها حركة قديمة .. مافيه إلا رؤوود اللي يقدر يهزني ..
ملاك كشرت : مالت عليك ( وحطت يدها على فمها ) أأ .. أقصد مالت عليك أغصان الجنه هههه ..
فارس : ههه يالجبانه ..
سارة اشرت : أحححم أحم اسمعووو .. مين التالي ؟؟
سمر : التالي ولا نيكست ..
روان وسارة : يامصلك بس ..
سمر افتشلت وسكتت ..
سامي : أنا ماني بداخل أبدا ..
رامي : مي توو مايحتاج ..
سمر : نفس الشي ..
رهف : ماعليه .. عندكم واسطات داخلين وطالعين عليه كل يوم عادي ..
الثلاثي ابتسموا ..
روان بلا مبالاة : حتى أنا .. لو بدخل بصير مثل ملاك ماعندي سالفة ..
ملاك ضربتها على راسها بقوة ..
روان : ووووجععع ..
ملاك : يوجعك ..
روان : يامليك ..
ملاك : وانتي قبلي ..
ريان بنذاله : اللهم آمين ..
روان وملاك بصوت واحد : على الدااااااعين ..
ريان افتشل وسكت ..
تركي : لقط لقط وجهك بس لقط هههههه..
سارة : الموهيم .. يعني شكل ماحد بيدخل منكم خلاص ؟؟ ..
سامي يحرك حواجبه : وأنتي ليه ماترزين طولك وتروحين ؟ .. جالسة تهذرين على راسنا كنك مذيعه سودانيه ..
رائد : سووويمي عدل الفاظك ما أرضى على سوسو ..
سامي بلعانه : ويدلعونك بعد !!!! ..
رائد بتهديد : أكلم طلال ؟ ..
سامي بلع لسانه وقام يرتجل : أفااا عليك أمزح معاها ..
سارة طنشته ولا كأنه تكلم : رهف بتدخلين ؟؟ ..
ريان قاطعها وهو واقف : أنا بدخل بس صخييي ..
دخل ريان عند مشعل ..
مشعل مبتسم : هلا هلا ومسهلا ..
ريان : ماكأني شايفك قبل شوي ..
مشعل حك راسه بإحراج : ههههه طيب أردها لك بعدين ..
ريان جلس : إمممم من وين أبدأ خلني اافكر شوي ..
مشعل قاطعه وعيونه تلمع : بختصر لك .. أكييييد تحب صح !! ..
ريان فتح فمه بدلاخه : شدراااااااك ؟؟؟ ..
مشعل بفخر : يعني أنت الحين أكدت شكوكي ..
ريان انتبه لعمره : طيب بس أنا ما أحبها أحبها .. يعني عاجبتني ..
مشعل : أوك ..
ريان : ودي اعترف لها باعجابي فيها ..
مشعل : وهي معجبه فيك مثلك ؟..
ريان بتوتر : مو إعجاب .. إلا تحبني ..
مشعل رفع حاجب : وشو اللي يثبت انها تحبك ؟؟ ..
ريان بغرور شوي : تحبني وبسس .. ودي اعترف بإعجابي فيها ..
مشعل بهدوء : تبغى نصيحتي ؟ ..
ريان : ممكن ليه لأ ..
مشعل : لا تعترف لها ..
ريان استغرب : ليه ؟؟ ..
مشعل : أحسن صدقني .. تخيل أنك اعترفت لها .. وترا قلب البنت بسرعه يدق لأي ولد .. وتخليها تتعلق فيك .. وآخرتها يحصل لك ظرف أو أنك تقرر أنك ماترتبط فيها .. وبكذا بكل بساطة تحطم قلبها ..
ريان سكت بعدها تساءل بحيرة : يعني أحجزها .. أقصد أحيرها لي لمن تتيسر أموري ؟؟ ..
مشعل ابتسم : هذا أفضل شي .. تجيها من الباب .. بدون ماتعترف لها .. حتى لو ما قدرت بعدين تتزوجها .. مايكون في قلبها حب لك .. مع أني ما احبذ الحجز .. بس عشان ماتروح البنت من يدك ..
ريان تم دقيقتين ساكت بدون حركة يناظر يدينه المشبكين .. بعدها ابتسم على جنب : نصيحة حلوة بسس .. راح اتصرف أنا .. مشكور ..
مشعل : ولو العفوو ..
ريان : سلامزز ..
مشعل : الله يسلمكززز ههههه ..
ريان طلع : يالله عجلوا مين بيدخل الحين ؟؟ ..
تركي وقف وهو حاط يدينه بجيبه : أنا ..
رامي : ليه أحس كأن أحنا بطابوغ (بطابور) للحمآم الله يكرمكم ..
الكل : هههههههههههه ..
ريان : ههه لايكثر .. تركي ادخلـ
ما أمداه يكمل كلامه إلا جواله يرن ويرن معاه قلب رهف ^_* : هلا .. الحين ؟؟ .. أوك .. أوك والله بطلع الحين .. خخخ .. باي .. مليييك ..
ملاك : وت ؟؟..
ريان اشر لها تقوم : قومي نمشي .. أبوي متوعد فيني إذا ماطلعنا الحين للبيت ..
سمر : يووه تو الناس ..
دانة : قعدي شوي ..
ملاك ناظرت ساعتها مبرطمة : أي والله تو الناس توها 12 توها تحلى الجلسة ..
ريان مسك عبايتها من كتفها ويجرها لمن وقفت : مالي دخل فيك .. ومالي خلق أبوي يهزأني .. امشي ..
ملاك : هفف هفف زييين زيين لاتدف .. باي بنات أشوفكم على خير في ملكة طلال ..(وطلعت) ..
طلال ابتسم ..
دانيا : يووه نسيت أجهز للملكة ..
رهف : ماعليك طلال مسويها عادية يعني الكل بعباياتهم ..
دانيا : أهآ .. ماعليه أحنا بنسوي جو هناك ونعليها ..
تركي : تفكير البنات الساذج ..
ريان طلع مفاتيح سيارته من جيبه : أشوفكم على خير .. وأنت امسك لسانك عن أختي ..
ملاك دخلت بقوة وسحبت تي شيرت ريان من رقبته بخشونه : يالله على البيت مالت عليك وعلى أختك ..
ريان : أي أي أييي وجع .. فمـآن الله جميعا ..
ملاك بصوت عالي متعمده : يقووول لكم فمـآن الله يالحبايب وياجارة اسمعي ..
رهف فهمت واستحت بس مابينت ..
الكل : هههههههههههههههههههه ..
وطلعوا ريان وملاك ..
رائد بصوت عالي : شرايك طلول أسوي مثلك وأخطب ؟؟ ..
الكل لف عليه بصمت ولمعت عيون فارس ..
عند تركي في مكتب مشعل ..
مشعل : بس هذا مو شي تستحي منه .. إذا استحيت منه ماراح تقدر تواجهه ..
تركي بتوتر لأنه مفتشل : بس الصغار هم اللي يخافوا من الظلام مو كبار مثلي ..
مشعل ببتسامة : أدري أن التخلص من الخوف من الظلام شي صعب .. ما أقدر أساعدك بشي ..
بين على وجه تركي الخذلان ..
مشعل : بس نصيحة لك مني .. أنت الوحيد اللي تقدر .. وأعرف ياتركي أن مافيه شي موجود في الظلام مو موجود في النور .. كل شي بمكانه .. بس الإختلاف الظلام .. لازم تقنع نفسك بهالشي عشان ماتخاف .. حاول كل مرة تكون بمكان مظلم تردد هالكلام ببالك لمن تقتنع ..
تركي فكر لـ 10 ثواني ثم قال : راح أحاول ..
مشعل ابتسم ابتسامة وسيعه : وعلى فكرة قلل من مشاهدة أفلام الرعب تراها تأثر ..
تركي صار وجهه كذا -_- : يصير خير ..
&&&&&&&&&&&&&&&&&&&&&&&&&&&
عند ريان وملاك وصولوا بيتهم ..
ريان قفل سيارة ودخل الحديقة .. صرخ لملاك اللي بتدخل البيت : ملييييك وقفي وقفييي ..
ملاك تلحق على عمرها .. ركضت بقوة ودخلت وبدت تصعد الدرج بأسرع ماعندها .. وريان وراها ..
توها بتدخل غرفتها .. إلا ريان مسكها من طرف عبايتها و وقفت بقوة لدرجة أنها كانت بتطيح خخ ..
أم فيصل : بسم الله الرحمن الرحيم .. شفيكم تراكضون .. ريان شفيك على اختك ؟؟ ..
ملاك ساكته ..
سيف نقز : الله ريان بيضرب مليييكووه هيااااا ..
عمار مع الخيل ياشقرا خخ : هياااا ..
ريان طنشهم : ماعليه يمه شي بيني وبين ملاك ..
ودخلها غرفتها بقوة ودخل معاها وقفل الباب وراهم ..
أم فيصل : الله يصلحكم من عيال .. ( والتفتت على سيف و عمار ) وأنتوا عيب تقولون هالكلام لخوانكم الكبار ..
عمار : ثويييف اللي بداا ..
سيف : أنت ..
عمار ضرب سيف : لاااا انت ..
سيف رد له الضربه وانحاش : لا انتتتتتت ..
وعمار قام يبكي ويركض وراه .. وأم فيصل تضحك ..
داخل بغرفه ملاك ..
ملاك تفصخ عبايتها وبعربجيه : خييييير ؟ ..
ريان متسند على الباب ومتكتف : والله ..
بلمح البصر صار قبال ملاك وشدها من شعرها بقوة : يالكلبة تشدين شعري هاااه ؟؟ ..
ملاك ماسكة يد ريان على شعرها : أي أي وجع فك فككك أأييي ..
ريان فكها بسرعه : ثاني ششي ..
ملاك تعدل شعرها : وجع مب يد .. اخلص ؟ ..
ريان بجدية : أنتي قلتي لرهف أني أحبها ؟ ..
ملاك بمكر : أجل السالفه فيها رهف هااه ..
ريان : ملااااك ..
ملاك : لاه ماقلت لها .. ليش تبغاني أقولها ؟؟..
ريان : ومين قالك إني احبها اساسا ؟ ..
ملاك انصفق وجهها من الروعه : نعم نعم نعـــــــــــــم ؟؟ .. كل هذي المكالمات ولا تحبها ! ..
ريان بأبرد ماعنده طلع جواله وظل دقيقتين يضغط فيه .. ولفه لملاك : شفتي .. ولاتزعجيني برهف ومارهف ..
ملاك قرت المسج مكتوب فيه " سلام رهف .. احذفي رقمي من جوالك لأني سويت دليت لرقمك .. عذريني .. سلااام " .. بققت عيونها : إنشالله رسلته لها !!!!!!
ريان حط جواله بجيبه : إيه .. يالله سلااام ..
طلع من غرفتها ودخل غرفته وبقلبه "" آسف .. بس كان هذا اللي اقدر عليه .. ما ابغى ملاك تحشي راسك بكلام كثير وآخرتها مااقدر اخطبك .. بالوقت المناسب راح اتقدم لك إذا قدرت .. الله يستر من رده فعلك "" ..
ملاك في غرفتها تكلم حالها : ياويلي على قلبك يارهف .. ريانووه اللعاب الله ياخذه ..
&&&&&&&&&&&&&&&&&&&&&&&
نرجع للشباب والبنات في بيت بومشعل ..
الكل ساكت ..
طلال باستغراب : من جدك رائد ؟ ..
رائد عيونه مرت على الكل بدون إستثناء و وقفت عند فارس .. ابتسم بربكه وفي نفسه " أقدر أقولها .. بس ما ابي احطم قلبك يافارس من بعد رنا .. بسسس سمر .. ياربي "" ..
فارس قلبه يدق وكأنه حس بخـآله .. حاول يهدئ نفسه بالشد على قضبة يده .. وفلح بهالشي وهو يتذكر كل شي بيسويه براسه ..
رائد لف لطلال : ههههه وأنت مصدق .. أمزح معاكم ..
فارس قبض على يده مرة ثانية بقوة وفي نفسه "" ليييه !! .. شفقه يعني ! .. بس أنا بسويها يا خالي .. وبتشوف بعينك .. وبخليك بنفسك تسويها "" ..
ساره وقفت و روان سألتها : وين ؟ ..
ساره مدة لسانها : عند مشعل ..
فارس بنغزه : أوه تطورات ..
ساره : طسس هناك بسس ..
دخلت ساره عند مشعل ..
ظلوا خمس دقايق يتكلمون ..
ساره بانفعال : بس بس أنا اكرررررهـ ما أطيقه هفف ..
مشعل طيب هديي ..
سامي الل كان واقف برا جنب الباب انقهــر ..
وفي نفسه "" لهالدرجة تكرهيني ياساره ؟؟ .. لهالدرجه .. ما اقول إلا مالت على قلبي التعبان بس اللي حبك "" .. وراح المطبخ ورجع لفـآرس بعلبه بيبسي ..
نرجع لمكتب مشعل ..
ساره : شلون وأحبه وهو كل دقيقه ناط لي بسخافاته ..
مشعل : بس مهما كان هو أخوك ..
ساره تصحح : ياسروه أخوي بالرضاعه ..
مشعل : تخيلي أن الدنيا بلا ياسر .. بتقوين تكرهينه ؟ ..
ساره فكرت : لا بس هو ينرفز ..
مشعل : ههههه طولي بالك عليه .. عادي ..
ساره تنهدت : أوك ..
مر الوقت بسرعه البرق .. صارت 1 ونص الليل ..
الكل راح بيته ..
بقى في بيت بومشعل رائد + يوسف + سارة اللي طخت ببالهم أنهم بينامون في بيت بومشعل هع ..
سارة وسمر جالسين في غرفه سمر يسولفون .. رائد ويوسف وسامي جالسين يلعبون بلايستيشن .. أم مشعل ومشعل ورامي جالسين بالحديقه يشربون شاي ويسولفون بكل رقه والجو عائلي بينهم ^_^ ..
&&&&&&&&&&&&&&&&&&&&&&&&&&&
عند بيت بوأحمد ..
بالذات في غرفه دانيا ودانه ..
جالسه لحالها تسترجع كل لحظة صارت هناك ..
~ [ ..
بعد ماطلعت ساره من عند مشعل ..
جات لها رغبه قويه إنها تدخل عند مشعل .. بدون سبب ..
ودها تشوف رده فعله لو شافها ! ..
تركي : يااسر تبي تدخل ؟ ..
ياسر : لالا ..
دانيا وقفت : أنا بدخل ..
الكل سكت .. ماعدا تركي اللي قال : ادخلي ..
دانيا قامت بكل ثقة وناظرت سامي اللي يناظر الأرض بسرحان ..
ضربت الباب بطرقات خفيفه .. ودخلت ..
مشعل يناظر اوراقه : تفضل ..
دانيا جلست بالكرسي اللي قبال المكتب ولا تكلمت .. بدا قلبها يدق دق وهي تسب بداخلها نفسها على التهور اللي تسويه ؟؟ ليه تدخل عنده بدون سالفه ؟! ..
مشعل وهو يرفع نظره : يالله حيــ . ( وبتلعثم خفيف جدا كمل ) ..ـياا دانيا ..
دانيا من زود توترها اللي نزل عليها فجأة .. ردت بكلمة وحده : مشكور ..
حل الصمت ..
دقيقتين ..
أربع ..
سبع دقايق ..
وصوت انفاس الأثنين المسموعه .. عفوا ثلاثه معاهم اسيل النايمة ^_* ..
انكسر هالصمت القاتل بكلمة وحده من مشعل بصوته اللي يدل على الهدوووء : طيب !؟ ..
دانيا توهقت .. هي اساسا ماعندها شي تقوله .. ففضلت السكوت وتناظر يدينها ..
مشعل ناظرها لفترة .. واللي دانيا حست فيه جاها شعور انها احترقت بمكانها .. مع ان نظرات مشعل عادية جدا ..
مشعل وكأنه حلل جلوسها قدامه وعرف أن ماعندها شي تقوله .. ميل فكه .. وعلى شفايفه بعفويه ارتسمت ابتسامه سخريه : أهآآ ..
رجع الصمت لمدة 3 دقايق ..
مشعل ترك القلم من يده اليسرى ..
وحط يدينه على الطاولة مشبكهم ببعض .. تارك أسيل بحضنه .. وبهمس : متـى ؟ ..
دانيا رفعت عيونها له بس ناظرت يدينه بدون ماتناظر وجهه .. فهمت عليه أنه متى ترد عليه لأنه خاطبها من زمان .. وبتوتر واضح جدا بصوتها : بعـد بعد (وكأنها تفكر) خـ خمسه أيآآم ..
مشعل بنفس الهمس : مايصير تقولين الحين ؟ .. ولااا .. خايفه منـي ! ..
توها بتفتح شفايفها بترد إلا انقذها صوت اسيل اللي باين عليها انها كانت تحلم ..
أسيل تشبثت في بدلة مشعل وكأنها بتصيح : ممااابييي .. ماابيي ..
مشعل حضنها وكلمها بصوت كله حنان : أسوول .. أسوول حبيبتي .. أنا معاك ..
أسيل فتحت عيونها بالخفيف .. وكأنها حست بمشعل .. واطمأنت ورجعت نامت ..
مشعل رفع عينه واصطدمت بعين دانيا .. وناظر يساره بسرعه : بعـد 5 أيام ..
دانيا فهمت عليه أنها تقدر تطلع .. فبكل بساطه طلعت وقلبها يدق مثل الطبول ..
ومشعل مشاعره مو معروفه !! ..
.. ]~
قطع عليها تفكيرها دخول دانه : يالله دانيا السحوور ..
دانيا : أوك يالله جايه ..
&&&&&&&&&&&&&&&&&&&&
في بيت بو مشاري ..
في الصاله الفوقيه عند رهف و روان اللي يسولفون .. و عبدالله أخوهم الصغير اللي يناظر التلفزيون ..
روان : يعني خلاص بكرة ؟؟ ..
رهف تحمست : يب يــب .. بقوم أكلم البنات أذكرهم .. شرايك وين نسويه ؟؟ ..
روان : إممم في بيت عمي بوفارس ..
رهف : بس تونا جايين منه ! ..
روان : يالذكية لأن طلال بعد بكرة بيملك .. يعني آخر يوم للعزوبيه له .. وهو ساكن حاليا في بيت عمي بوفارس .. فنضرب عصفورين بحجر واحد ..
رهف بذكاء : للي بنسويه ونودع طلال خخ .. وأنا اقول أنتي طالعه على مين .. أثرك علي ..
روان : جب بس .. انقلعي اتصلي على البنات وأنا بنزل أكلم امي ..
رهف : طيب بس مو تقولين لها شنو بنسوي .. قولي لها اجتماع ضروري أوك ..
روان قامت : أوك تظنين أني غبيه مثلك ..
رهف توها بترد إلا روان انحاشت تحت ..
وهي دخلت غرفتها تشوف جوالها ..
شالت وضع السايلنت .. وانتبهت لرساله من رقم ريان .. طآآرت من الفرحه .. وبتوتر فتحتها .. ما استوعبت اللي قرته ! .. ليه طيب .. ليه كذا بدون سبب ؟؟ ..
جلست على سريرها تهدي نفسها ودمعه قهر نزلت من عينها .. وبداخلها "" هين ياريان .. تلعب علي .. اللي مايبيني ما ابغاه "" ورددت هالكلام بداخله وتناست كلامها وياريان ومسحت رقمه ببرود أعصاب .. حتى هي ماتدري شلون جاها هالبرود .. يمكن من وقع الصدمة ! ..
اخذت نفس .. واتصلت على البنات وكلمتهم واتفقت معاهم على كل شي ..
&&&&&&&&&&&&&&&&&&&&
نرجع لبيت بو مشعل ..
تسحرو على الساعه 2 ونص وبعدها الكل راح لغرفته ..
سارة صارت في غرفه سمر وفرشت لها فراش بالأرض جنب سرير سمر ويسولفون .. رامي ومشعل كل واحد في غرفته نايم .. أم مشعل قرت لها شوي قرآن ونامت ..
رائد + يوسف في غرفه .. وسامي من زود اللقافه يبغى ينام معاهم جاب له فراشه وفرشه بالارض بين السريرين هههه ..
في غرفه رائد و يوسف ..
سامي وده ينام بس يقاوم عشان يسمع سوالف يوسف و رائد ..
يوسف : الله يعينكم .. صعبه العمليات والله ..
رائد بصوت رقيق وهبال : كله يهون للحبايب سوسو ..
يوسف تنرفز : متــى بتبطل هالحركات والهبال يارائــد متـــــــى هااه متى ؟!!..
رائد شبك يدينه ببعض ويناظر السقف : لا صار عندي ورعان واستلموا المهمة من بعدي .. بطلت هع ..
يوسف بقق عيونه : يالـــــــــــله .. هي ورآثه الشغله ولا إيش ؟ ..
رائد : أكييييييد .. لازم تتناقلها الاجيال عبر العصور والتاريخ ..
سامي ونسى انه بينام : شنوو ..
رائد ويوسف ناظروا بعض : ههههههههه نام بس نااام ..
في غرفة رامي ..
تذكر سؤاله اليوم لدانه .. ابتسم من قلب .. وذكرياته ترجعه لورا ويتذكر كل شي صار له معاها .. وغفت عينه ونام وعلى شفايفه ابتسامة هادئة ..
&&&&&&&&&&&&&&&&&&&&&&&
في بيت بوفارس ..
فارس نايم في غرفه طلال في سرير رائد ..
فارس متكي على ذراعه وهو منسدح : ودع بس ودع العزوبية ياعم خخ ..
طلال منسدح مقابل فارس : هههه ..
فارس : طلال بسألك سؤال .. أتمنى تجاوب عليه بصراحه ولا تفهمني غلط ..
طلال : قول ..
فارس : مثلا .. أنا أقول مثلا لو نوف خطبها صديق مقرب لك قبلك .. وأنت تبيها من قبل .. إيش راح تكون ردة فعلك ؟ ..
طلال انسدح على ظهره وذراعينه ورا راسه : إمممم .. ما أدري .. بس أتوقع أنه راح يحز بخاطري شوي .. وراح أخذ وقت لمن أنساها .. وأدعي لهم بالتوفيق .. وماراح أخلي حرمه تفرق بيني وبين صديقي ..
فارس : أهآآ ..
طلال لف وجهه لفارس : طبعا نوف حاله خاصه ومستثناه من هالكلام ..
فارس : هههههههه ..
طلال : ليش هالسؤال ؟ ..
فارس : إمم بس كذا جا على بالي ..
طلال واللي حس ان شي يدور براس فارس : أهآآ ..
&&&&&&&&&&&&&&&&&&
نرجع بيت بومشعل ..
في غرفه سمر ..
التفت سمر على سارة شافتها في سابع نومه .. ناظرت بساعتها .. شافت الساعه 3 إلا كم دقيقة الفجر ..
لبست نعالها السماوية الفرو على شكل أرانب ^.^ ( وانتوا بكرامه ) .. وقفت من السرير وعدلت بيجامتها البيضا .. وأخذت لها شباصه وربطت شعرها الكستنائي الطويل ذيل حصان على السريع ..
فتحت باب غرفتها شوي شوي .. و وقفت تسمع إذا فيه اصوات ولا لأ ..
تطمنت أن كل اللي في البيت نايم لانه مافيه شي يدل على ان أحد صاحي ..
مشت بخطوات هادئة وهي تنزل من الدرج ..
دخلت المطبخ .. ولا ولعت الأنوار .. أخذت لها قطعه توست ودهنتها بـشكولاته نوتيلا .. وصبت لها كاس ماي وجلست متربعه على الطاوله معطيه الباب يمينها .. وبدت تاكل ..
حست بحركة قريبة من باب المطبخ .. لفت وجهها .. قامت بسرعه ..و راحت عند باب المطبخ ولفت بجسمها يمين وناظرت على الصاله ماشافت أحد .. وقالت : شكلي اتوهم ..
ورجعت تآكل .. لمن خلصت وطلعت لغرفتها مثل ماجات المطبخ .. بكل هدوووء ..
كان واقف جنب المطبخ من جهة اليسار وكاتم أنفاسه .. قلبه يدق مثل الطبول بشكل خيالي .. لو بس أنها لفت للحظة لجهة اليسار كان شافته .. ماتوقع أنه ممكن يشوف احد بالمطبخ بهالوقت .. اخذ نفس عميق يوم طلعت لغرفتها ولا انتبهت له .. لان النور مطفى .. دخل المطبخ وشرب ماي ..
وتذكر شكلها ..
شعرها الكستنائي الطويل المغطي على ظهرها .. وطريقه جلستها فوق الطاولة .. و وجهها الملائكي .. صحيح كان النور مطفي .. بس كان فيه نور خفيف من النافذة أعطى سمر شكلها الساحر ..
ترك الكاس على الطاولة .. ومشى للغرفه .. وفي طريقه على الدرج قال في قلبه .. "" أسف فارس .. سمر مو لك .. بكرى راح أكلم أبوك "" ..
&&&&&&&&&&&&&&&&&
في اليوم الثاني ..
أصبح الصبح ..
في بيت بويوسف ..
لبس بويوسف ثوبه ونسف شماغه وتعطر .. عشان بيروح المسجد ينتظر لمن صلاة الظهر يصليها ..
بويوسف : جلسي تركي عشان يجي المسجد ..
أم يوسف : بحاول مع أني ما اتوقع أنه يجلس ..
بويوسف : الله يصلحهم من أولاد .. يالله فمـآن الله ..
أم يوسف : فمـآن الكريم ..
وصل للمسجد .. وقرا صفحتين من القرآن .. وبدا يسبح ويهلل الله في هالشهر الفضيل .. وينتظر الصلاة ..
لمح حلقه المحاظرات حق الشباب .. بعد ثلث ساعه خلصت المحاظرة وقاموا الشباب من حول الشيخ ..
تذكر بويوسف شي .. وراح عند الشيخ ..
بويوسف : السلام عليكم .. بوعبدالله ؟ ..
الشيخ : وعليكم السلام .. إيه بوعبدالله .. وأنت بو ؟؟
بويوسف : أنا بويوسف ..كيف حالك مع الشهر الفضيل ؟ ..
الشيخ بوعبدالله : بخير الحمدلله .. أنت كيفك ؟ ..
بويوسف : الحمدلله بخير ونعمه .. إلا بسألك عن ولدي يوسف ..
الشيخ : إيه أنت أبو يوسف الـ . صح ؟ ..
بويوسف ببتسامه : إيه ..
الشيخ بو عبدالله بصراحه : يا بو يوسف .. ولدك يقطع القللللللللللللب .. يتعب اللي مايتعب والله ..
بويوسف استغرب وانقلب وجهه للإحراج : ليه ياشيخ ؟ .. شمسوي بعد ؟ ..
الشيخ بو عبدالله : ولدك من أول يوم جا الحلقة بس يعلق ويستهزأ ويضحك ومايخلي أحد من شباب الحلقة بحاله إلا وعلق عليه ..ومن بعدها ما جا مرة ثانية ..
بويوسف تفششل وعصب بقووووة بس مابين : أهآ .. مشكور ياشيخ .. >>> ياويلك يايوسف هع هع ..
الشيخ بو عبدالله : العفو ماسوينا شي ..
أذن وبدت الصلاة ..
&&&&&&&&&&&&&&&&&&&&&&&&
الساعه 4 العصر ..
في بيت بو مشعل ..
في الصالة يوسف و سامي ورامي يلعبون بلايستيشن .. أمآ رائد و مشعل راحو يداومون بالمستشفى .. وسارة وسمر جالسين بالمطبخ مع أم مشعل عبارة بيتعلمون طبخ خخخ مع لابتوباتهم شابكين نت =d ..
رن جوال يوسف ..
سامي : رد ..
يوسف مندمج باللعب : يمييين يميييين وووو .. الحمدلله مامسكني ..
رامي سحب جوال يوسف وبصراخ عشان يسمه يوسف لأنهم مطولين على الصوت : يوووسفووووه أبووووك يتصل عليك ..
يوسف ضغط ستارت : زييين .. الله يستر .. ألوووو هلا يبه .. شلونكــ . إإإ أأ .. طيـ..أأ .. أنـاــ إ.. أقوــ أوكـ . إنشاللهـ .. ( وناظر جواله متفشل ) .. سكر بوجهي ههههه ..
رامي وسامي : هههههه ليه ؟..
يوسف : على سالفه المسجد اللي قلت لكم عنها .. شكله عرف إني ما احضرها ..
سامي : وللل ياوييييييلك ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك