رواية اذا انتثر دمع عينك -42
رائد : هههههه يعنيـ ..
إلا قاطع كلامه أم فارس وهي تمسك ذراعه اللي ساد فيها الباب وتبعدها .. وببتسامة وتتصنع العصبية : أنتوا شنو جابكم هنا .. يلاااه براا .. ماتستحون على وجيهكم .. سمر حبيبتي روحي فوق رهف تبغيك ..
سمر ماصدقت على الله .. كأنها مسجونة وجا لها الإفراج .. حطت رجلها وهجت لفوق ..
الشباب : هههههههههههه ..
أم فارس تحرك يدها بمعنى برا : يلاه انت وياه برا برااا ..
طلع رامي وغمز لدانة بدون ما أحد يشوفه .. و طلع سامي وياسر و رائد برا وهم كاتمين ضحكتهم ومنزلين روسهم .. ما عدا مشاري اللي واقف جنب مسك ويده في يدها ومبتسم .. والبنات طبعا حطو رجولهم وهجوا فوق ..
أم فارس : مشاري يلاااه ..
مشاري ابتسم ببراءة وطفوليه : بس أنا بأكل مسوك بعدين بطلع ..
أم فارس ابتسمت وبحزم : مشاري براا .. أنت برمضان ..
مشاري حط يده على راسه من ورا : هههههههه .. طيب طيب .. (لف على مسك) .. يلا حبيبتي أكلي وماعليك منهم أوكي .. ( وباس جبهتها على السريع وطلع برا ) ..
مسك نزلت راسها بحيا .. وأم فارس ابتسمت ..
أم فارس : مسك روحي عند البنات فوق ..
مسك بهمس مستحية : طيب ..
&&&&&&&&&&&&&&&&&&&&&&&&
عند الشباب في الصالة ..
جلسوا الشباب بعد ما جو من المطبخ وكل واحد ابتسامته مرسومه على شفايفه ..
ياسر فجأة انفجر ضحك .. والشباب كلهم لفوا عليك ..
فارس ماخذ راحته بالكنب ومنسدح عليها : خير بوالشباب .. شكل الصيام أثر عليك ..
ياسر يخفف ضحكته عشان يوقف : ههه هه .. لالا سلامتك تذكرت نكته قالها سامي بالمطبخ ..
رائد و رامي ومشاري وسامي ابتسموا ..
سامي رفع حاجب وهو مبتسم : يالبكاش .. مو أنا اللي قلت النكته .. قصدك سارة ..
يوسف رفع حواجبه : سارة ؟؟ وش تتكلمون عنه أساسا ..
ياسر رجع يضحك : هههههههه سامي ولا عاد اوم الترقيع تقول ما أفطرت هههههه ..
سامي : ههه بس بس فضحتهم ..
ريان تعدل بجلسته و لف عليهم باهتمام : وش وش ؟؟ اعترفوا يلاه ..
ياسر : هههههههه ..
مشاري رفع يدينه باستسلام : هه ههه أنا مالي خص مابقول ..
سامي : أحم ههه وانا أستحي صراحة ..
رائد : ههه سويمي كثر منها أنت اللي أول من تكلم عندهم وفشلتهم ..
سامي : خخخخ ..
تركي تحمس وعدل جلسته : ياسروه قول قول ..
ياسر : ههه آسف .. ماحد منعك يوم أنا قلت لك تعال معانا .. (وحرك حواجبه) ..
أحمد ابتسم : رامي تكلم ..
رامي ناظر الشباب وابتسم ..
فيصل : أول مرة اشوف رامي يستحي ..
الشباب : ههههههههههه ..
رامي يتميلغ ومسوي فيها يقلد على البنات .. حط يدينه على وجهه : وييي أستحييي ..
الشباب انفجروا ضحك على شكله : هههههههههههههههههههههههههه ..
أحمد : هه جد أنا أتكلم قولوا ..
مشعل : ههه كأني عرفت هههههه ..
ياسر كاتم ضحكته : بالمختصر الشديد فيه بنات مفطرات هنا ..
فيصل + ريان + أحمد + تركي + طلال + يوسف + فارس .. كلهم سكتوا ولا قالوا شي ..
و فجأة كلهم ضحكوا بصوت واحد : ههههههههههههه ..
&&&&&&&&&&&&&&&&&&&&&&
عند البنات في الصالة الفوقية ..
بعد ماعرفوا البنات بالسالفة ..
دانيا : هههههههه مهااابيل قلت لكم لاتنزلون تحت بتصادفون الشباب ..
سارة منقهرة : ياليتني مانزلت .. ما أدري وش نزلني معاهم وأنا مو مفطرة ..
ملاك ورهف : ههههه ملقوفة ..
سارة : عليكم ..
روان : بس سكروا السالفة .. وين جنـى و ربـى ؟!
دانة : كل وحدة في بيت اهلها بما أن اليوم اول يوم برمضان حبوا يفطرون هناك ..
روان : أهآآ ..
ملاك : تصدقون بنات ..
البنات بصوت واحد : لا مانصدق ..
ملاك : مالت عليكم ..
البنات كلهم ناظروها بنظرات حارقة ..
ملاك رفعت يدها وكأنها خايفة : أغصان الجنة ..
البنات كلهم ابتسموا وضحكوا على شكلها ..
ملاك : والله ما أصدق إن طلال راح يتزوج ..
البنات سكتوو ..
سمر ابتسمت يوم شافت وجيه البنات : عاادي بنات .. شوفوا هذا مسك تزوجت قبله ..
مسك يقالها استحت وضربت سمر بالخفيف : ههه سمير عقلي ..
رهف : جد بنات متى بيسوي طلال النظرة الشرعية ! ..
سارة : صحيح حسافة نسيت اسأله ..
دانيا : بعد قلبي نوفه أحسها بالمرررة متوترة .. ما ادري وش بسوي لاخذت طلول أحسها بتلهى عني ..
روان بنغزة بدون قصد : ماعليه هي السابقون وانتم اللاحقون ..
دانيا تذكرت مشعل وأنها لحد الحين ماردت لهم خبر على الخطوبة .. ابلعت ريقها واسكتت ..
&&&&&&&&&&&&&&&&
في وقت الفطور ..
طبعا الرجاجيل والشباب كلهم راحو المسجد يصلون هناك .. أما الحريم والبنات صلوا في البيت ..
بعد ماخلصوا الحريم والبنات الصلاة .. بدو يجهزون السفرة في الحديقة لأن الجو رايق .. عشان لو جو الرجاجيل والشباب يكون الفطور جاهز ..
(ملاحظة : السفرة صايرة قسمين .. قسم للحريم وقسم للرجاجيل في الحديقة) ..
البنات رايحين جاين يحطون الأطباق بالسفرة ..
رهف : أووف ماأدري ليش مايخلون الخدامات يشيلون الصحون ..
سارة : عبارة بيخلونا حريم المستقبل ..
البنات : هههههههههههه..
ملاك : هي روينه ..
روان : هلا ؟ ..
ملاك : بتجلسين على الفطور ؟ ..
روان : إيه .. ليش ؟؟ ..
ملاك كتمت ضحكتها : يعني بعد اللي صار بالمطبخ ولك وجهه تجلسين ..
روان ارتبكت بس بسرعة ردت : يخسوون إلا هم .. امشي بس امشي ..
ملاك : هههههههههههه ..
رهف : هههه أما دانه اللي راحت فيها جد .. ماتوقعت رامي جريئ كذا ..
سمر ابتسمت : لا ابشرك أخوي رامي معدوم فيه الحيا ..
على نهاية كلمتها دخل رائد و رامي ..
رامي رافع حاجبه : وش فيه غامي (رامي) .. ليكون هو اللي أخوك معدوم الحيا ؟ ..
سمر ابتسمت : اللي على راسه بطحه ..
البنات وبدون استثناء : يتحسسها ..
البنات ناظروا بعض وضحكوا : هههههههههه ..
رائد ورامي : ههههههههههه ..
رامي يناظر دانه بنظرات ودانه انتبهت عليه وتحاول تتحاشى نظراته ..
رامي كاتم ضحكته : دانه ..
دانه : هـ هلآ ..
رامي حط بده على شعره : لا بس حبيت اسمع صوتك ..
البنات ناظروا دانه وضحكوا عليها لأنهم عرفوا أن رامي يحبها وضوح الشمس : هههههههههههه ..
جات أسيل لخالها رائد ومعاها عمار ..
أسيل : راائد راائد ..
رائد انحنى لها وباسها على راسها : عيون رائد .. تعجبني هالبنت في نطقها للراء ..
أسيل مدت له صحن فيه ثلاث بيضات : افتحها ..
رائد جلس على الحشيش وهي نفس الشي ..
رائد أخذ بيضة ويقلب فيها بين يدينه : أجل يالصغنونة تاكلين بيض مسلوق وتتركين كل هالفطور ؟ ..
أسيل ماردت عليه تنتظره يفتحها ..
عمار بفخر : ماما تقول البيض يخليني قووي ..
رائد ابتسم : ما أقدر عليك يالقوي أنت ..
وضرب البيضه بجبهة أسيل بخفه وهو يبتسم : الحين نفتحها بجبهتك ..
أسيل استغربت من حركه خالها فاضحكت : ههههههه ..
عمار عجبته حركت رائد .. وأخذ بيضة وقام يضربها بجبهة أسيل .. وأسيل تضحك ..
رائد : ههه يالهبلة أنتي .. وتضحكين بعد ..
البنات + رامي : هههههههههههه ..
دخلوا سالم وسيف وعبدالله وشافوا عمار و رائد يكسرون البيض بجبهة أسيل .. وراحوا عندهم ..
سيف : هههههه مجنونة .. عماروه عطني البيضة ..
عبدالله : أبي بيضة ..
سالم باعتراض : لا أنا باخذها ..
سالم أخذ البيضة الثالثة من الصحن .. ورفعها بوجه رائد : راااائد ..
رائد رفع حابجه : سويييلم ..
سالم : وآآآحد .. ثنييين .. ثلااااااااااااثه ..
تــــكككك ..
شهق رائد وغمض عيونه .. و وقف عن اي حركة ..
سالم فتح عيونه مرتاع .. البيضة الثالثة كانت نية مو مسلوقة .. لأن عمار و أسيل حطوها من عندهم ..
البنات .. يناظرون رائد وكأنهم يستوعبون ..
رامي اللي واقف جنب رائد : هههههههههههههههههه ..
البنات استوعبوا وضحكوا مع ضحكة رامي : هههههههههههههه ..
رائد رفع يدينه ببطئ لوجه يمسح البيض عن عيونه وهو مغمض ..وبعد ثواني صرخ : سوووووووييييييييييييييييلممممم .. ( ورفع يدينه ويمسح البيض اللي جا على وجهه والصفار اللي زلق على ملابسه ) .. تعااااال ..
سالم خاف فقام وركض .. ورائد قام بقوة ويركض وراه ..
البنات + رامي يضحكون على أشكالهم : ههههههههههه ..
سالم يركض بأسرع ما عنده ويصارخ بطريقة تضحك : يماااااااااااااااااااااااااااااااااااااه .. هيييييييييلللللللب ماااااااااااميييييي ..
رائد يركض وراه وينقز فوق الطاولة ويحاوط جنب البركة ويصارخ عليه : أمــك هااااااااااه تعاااااال يالجبااااااااااااااااان ..
الكل : هههههههههههههههههههه ..
دخل ياسر و جنبه تركي ..
ياسر : كالعادة المهبول رائد
تركي : صدقت وما أتوقع يتغير ..
سالم يلف حولين ياسر و وراه رائد يركض ..
طرااااااااااااااااااااااااااااااااااششششش ..
طاح ياسر بالبركة من بعد مادفعوه سالم ورائد بالغلط ..
الكل : ههههههههههههههههه ..
رائد اللي محوط سالم بذراعينه بقوة ويلهث : والله والله ثم والله يا سويييلم .. سماح هالمرة .. لأنك ماتدري .. وقسسسم إن عدتها مرة ثانية تشوف شغلك فاهم ..
سالم يسوي مثل المدارس : فااااااهم أستاذ .. فكني ..
الكل : ههههههه ..
فكه رائد ودفعه من راسه من ورا : انقلع .. جيب فوطه مبلله بماي امسح وجهي لمن بعد الفطور عشان أسبح ..
سالم : أووف ..
رائد بصوت مرعب : شقلت ؟ ..
سالم خاف : هاه .. زييين ..
ياسر طلع راسه من الماي وشوي ويـبكي : يالثيرااااااااااان .. شفتوا وش سويتو ..
الكل : هههههههههههههههههههههه ..
سمر : هههههه مسكين ..
رامي : هههههه أعصابك حنا بغمضان (برمضان) ..
طلع ياسر من البركة وكل شعرة فيه مبللة أكييد خخ ..
ياسر يرجف من البرد اللي يحس فيه ومكتف يدينه حولين جسمه .. ويقلد رامي و يهز راسه باستهزاء : غمضااان غمضااان .. اوووف استغفر الله .. برررررد ..
دخلوا الرجاجيل والشباب للحديقه عشان يجلسون حولين السفرة للفطور ..
بو احمد : ياااسر وش مسوي قاط نفسك بالماي ؟؟ ..
ياسر للآن متكتف وبغضب : كله رائدوه الغبي وسلويم طيحوني بالماي .. كيف الحين أبدل ..
بو أحمد بلا مبالاه جلس جنب الرجاجيل حول السفرة : ياسر احترم رائد هو كبر عمك طلال ..
رائد ناظر ياسر وحرك حواجبه باستفزاز ..
ياسر يكلم نفسه بالخافت : كبر عمي قال كبر عمي .. إذا عمي وما أقوله عمي ..
فارس حط يده على كتف ياسر : هاه بو الشباب انتظر شوي أقول للخدامه تجيب لك من ملابسي لمن ترجع بيتكم أوك ..
ياسر : اوك أي شي بس على الأقل ابدل ..
فارس راح نادى الشغاله وقال لها تجيب برمودا وتي شيرت من غرفته مع فوطه جديدة ورجع ..
ريان : ههههه مسكين ياسر من اولها بالبركة ههه ..
يوسف : قصدك افطر أول واحد منا وشرب من ماي البركه ههههههههههه ..
ياسر خزهم وسكت يوسف و ريان يكتم ضحكته ..
بعد دقيقتين جات سنيتا ( شغاله بيت بوفارس ) ومعاها فوطة وملابس من فارس حق ياسر .. وراحت عند فارس : هزا فوطة جديد وملابس مال أنتا ..
فارس جالس على الطاولة ينتظر الكل يجتمع عشان يجلس على السفر اللي بالأرض .. أشر لها على جهة ياسر بصبعه : أعطيهم ياسر ..
راحت سنيتا عند ياسر و أول ماشافت شكله حطت يدها على فمها تضحك : ههه إيش سوي انتا يسبح في بركة الحين ههه ..
ياسر طلعت عيونه فيها : هــي .. مابقى إلا أنتي تتطنزين هاااتي بس وانقلعي (وسحب الملابس والفوطة منها بقوة) .. هذا اللي باقي بعد .. سماجة شغالات ..
رجعت سنيتا داخل البيت وهي تتحلطم من ياسر ..
ياسر حط الفوطة على راسه بحيث تنسدل من راسه وتخطي الجزء العلوي من جسمه .. وجلس يفك ازرار قميصه ورماه على الأرض .. ثواني وحس بالهوا يلفح جسمه .. انتبه أن الفوطة مو على راسه ..
تلفت يمين ويسار شاف روان واقفة بعيد عنه نسبيا وماسكة الفوطه وتحرك حواجبها ..
ياسر ثارت أعصابه : روييينه جيبي الفوطة ..
روان تناظر السما والأرض بتمثيل : نووو نوو ..
ياسر ركض لجهتها .. وهي قامت تركض .. ولفوا بالحديقة كلها ..
روان تصرخ : مشااري خذ .. (ورمتها بالهوا لأخوها مشاري) ..
مشاري مسكها وحرك حواجبه : هااه تبغاها ..
ياسر قبض يده بقوة يسيطر على أعصابه : مشاري هات وعن حركات المبزرة ..
مشاري ابتسم : مافيه ..
ياسر راح عند مشاري .. ومشاري ماتحرك من مكانه يبتسم له .. مد يده ياسر عشان ياخذ الفوطة .. لكن مشاري رفعها بالهوا وهو معفسها عشان مايقدر ياسر يمسك اطرافها .. وحاول ياخذها ماقدر ..
بو مشاري : مشاري عط الولد الفوطة .. هذا أنت متزوج ولا عقلت .. ما أدري وش أسوي فيك .. أترك الهبال عنك ..
مشاري ضحك على كلام أبوه : ههههههههه .. رواان خذي بس خذي لا الحين أبوي يقول شي ثاني الله يعلم ههههه ..
روان أخذت الفوطة وتتبسم ..
بومشاري : روان اعقلي وعطيه الفوطة لايمرض ..
ياسر تأفف : هفففففففف .. ( وانتبه للكل يناظره ويبتسمون .. تفشل وراح عند روان بدون كلامي وسحب الفوطة بقوة من عندها ) .. غبيه ..
روان ردتها بسهولة : أنت أغبى ..
ياسر ما أعطاها وجه لأنه يدري ماراح ينتهي .. وراح داخل البيت يلبس ..
خلصوا ترتيب السفرة .. مع أنهم أغنياء وهاي هاي إلا أن فطورهم على الأرض في الحديقه =] .. وطلع ياسر وهو لابس ملابس فارس وصايرة عليه شبه مضبوطة إلا شوي بس تمشي الحال ..
وجلس الكل على السفرة ..
بو فارس : سمو بالله ..
بو احمد : وأكلوا تمرة بالأول ..
بويوسف : وادعوا ترا الدعوة مستجابة ..
بعدها الكل بدا يفطر بهدوء ..
&&&&&&&&&&&&
في مكان ثاني .. في بيت بو جهاد على السفرة يفطرون ..
بوجهاد : نوف ترا النظرة الشرعية والملكة بعد بكرة .. هو شكله مستعجل .. بس طبعا العرس بعد كم شهر ..
نوف وقفت مضغ الأكل وكأنها تفكر ونزلت راسها وكملت مضغ وبعد ماخلصت مضغ قالت بصوت هادئ خجل : إنشالله ..
جهاد يغمز لها لأنه صاير قبالها بالطاولة : هههه يبه بنتك تستحي ..
بوجهاد ابتسم : من حقها ..
نوف رفعت راسها شوي وأشرت له بيدها بمعنى تهديد ياويلك ..
جهاد : ههههههههه وتهدد ههههههه .. وهذا بكرة يمكن ينكتب كتابك ..
نوف من تحت الطاولة ضربته من رجله بخفه ..
جهاد مسوي أنه تعور : آآآي وتضرب بعد .. استحي على وجهك ..
أم جهاد ببتسامه : جهوود أعقل عن اختك .. الله يوفقك يانوف ..
نوف ابتسمت وكملت اكل وهي تناظر صحنها وجهاد كاتم ضحكته ..
&&&&&&&&&&&&&&
في بيت بوفارس ..
بعد ساعتين من الفطور
.. الكل جالس بالحديقه وبعضهم داخل البيت يتقهون !! ..
الشباب باسطين على العشب وجالسين يسولفون واللي منسدح واللي يسمع واللي يلعب بجواله ..
رامي : يعني خلاص حددت النظغة (النظرة) الشرعية ..
طلال توه بيتكلم إلا رائد سبقه : إيه ذبحنــي متى ومتى ومتى بشوفها .. مشفووح ..
طلال جالس جنب رائد متربع .. ضربه على راسه : وجع هذا انت رفيقي بالغرفة وتسرب اسرارنا ..
فارس : هههههه اللي يسمعكم يقول أسرار السما .. اصلا صوتكم قبل النوم يوصل لغرف الشغالات ..
طلال ورائد بققوا عيونهم : نعععععم ..
سامي ينقذ فارس ويحط يدينه على كتوف فارس ويضحك : هههه يمزح يمزح ..
فارس يحك راسه من ورا : ههه دووعابة يا أخواني دووعااابه ..
طلال : مالت عليك وعلى دوعاباتك ..
رائد : قال دوعابة قال ..
رامي ابتسم ابتسامة بينت اسنانه : أجل انتم السابقون ونحن اللاحقون .. طلوول لاتخلي شي بنفسك إلا وسوه الحين .. قزقز بالبنت على كيفك وفلها ولا تستحي ..
طلال استانس أن فيه احد حس فيه : هذا ولد الأخو السنع مو بعض الناس ( ويناظر فارس بنص عيونه ) ..
الكل : ههههه ..
يوسف كان منسدح على رجول رامي ويسمع سوالف ريان مع مشعل ..
حس بشي يتحرك فوق بلوزته من على جنب بطنه .. حرك عينه لجنب بطنه ..
حس الدم يتجمع براسه واحتقن وجهه وفز وهو يصرخ بأعلى صوته ينفض بلوزته وينقز : آآآآآآآآآآآآآآآآآآآآآآآآآآآآآآآآآآآآآ ..
الشباب من حركت يوسف ارتاعوا وفزوا كلهم ..
والبنات كلهم طلعوا من داخل يستطلعون سبب الصراخ وسنيتا كانت قريبة من عندهم وجات تشوف إيش صاير .. >>> ملاقيف خخ
فارس حاط يده على قلبه : يوسفووه شنو فيك ..
يوسف يوم شاف الصرصور طاح من على بلوزه على الأرض لزق بمشعل اللي جنبه ومسكه من بلوزته وهو يرجف من الروعه ويلهث : أأ ههه .. صص..صرصور .. أووه احس ماني عارف أتنفس ..
مشعل مسك يد يوسف يهدي رجفته : خلاص هدي نفسك راح هههه .. ريلاكس..
ملاك تكلم نفسها بالخفيف : بعد عمري ارتاع ..
رهف اللي جنبها سمعتها دقتها وبهمس : جب بس جب استحي واعقلي ..
ملاك بنص عين وبنفس الصوت : أنتي اعقلي عن اخوي بالأول ..
رهف اسكت وابلعت لسانها ..
ياسر : ههههه صرصور وتسوي هالحركات هههه .. خكري ههه
تركي : بزر خواااف ههههه..
دانه : طيحت قلبي ..
أحمد : شوفوا أنا بروح بيتنا مادام فيه صرصور ..
ملاك : يالجبان تهج ..
أحمد : أجل تفضلي ضربيه ..
ملاك : هااه لالا .. فصوول .. يقدر وهو بو الهنوف ..
فيصل ارتاع : جب بس جب ترمينها علي ..
الكل : ههههههه..
مسك : مافيه إلا سنيتا الشجاعه تضربه .. سنيييتاااا..
ياسر نقز : لالالا .. مسك عندك البطل المغوار ( ويأشر بيدينه الثنيتين .. وبلحن ) مشاااااااري ..
مشاري ارتاع : هااا .. اقووول انثبر انت .. أنا على آخر عمري أضرب حشرات .. روح زين .. مسك قومي نمشي ..
الكل : ههههههههههههه ..
مسك ابتسمت : ههه لالا ماراح نمشي .. ياااا سنييتاا .. سنيتاااااا
جات سنيتا بسرعه : إيش فيه ..
مسك تاشر على الارض : فيه صرصور ضربيه ..
سنيتا بشجاعه أخذت نعله من الأرض ( الله يكرمكم ) واضربت الصرصور فيها ..
رامي : لاااااا نعلتـــي (ويسوي نفسه يبكي ) هئ هئ توني شاريها ..
فارس يسوي نفسه حزين ويطبطب على كتف رامي : العوض في غيرها العوض ياسندريلا ..
الكل : هههههههههههههههه..
سنيتا استغربت : هزا مو صرصور .. هزا لعبه ماما ..
يوسف فك من مشعل : إييييش ؟؟
سنيتا ترفع الصرصور المزيف من الأرض وتوريه إياه : شوف بابا هزا صرصور لعبه ..مافيه خوف ..
رامي نقز فرحان : الحمدلله الحمدلله يعني نعلتي بخيغ (بخير) ..
الكل فطس ضحك على رامي ..
يوسف شاف ان الصرصور لعبه .. حرك عيونه حوليه بحركة إلكترونيه .. وشاف سيف وسالم واقفين بعيد ويتهامسون ويضحكون ..
ملاك قربت : أشووف أشووف .. مو كأن هذا لعبة الصرصور حق سيفووه ..
يوسف بدون تردد راح عند سيف وسالم ركض وهم من شافوه يناظرهم حط رجولهم داخل البيت وراحوا غرفة سالم وقفلوا على أنفسهم الباب ..
يوسف رجع بعد مايأس انهم يفتحون الباب : الملاعين اوريهم ..
سمر : بنات خلونا نروح بيتنا احسن .. بدل هنا عن البزران ..
يوسف : إيه يلاه أنا قلبي ماعاد يحتمل مزحهم ..
سارة تخصرت : قالت بنات .. أنت بنت ..
يوسف : سويرة بلعي لسانك مالي خلقك ..
سارة تقلد عليه باستهزاء وتعيد كلامه بدون صوت بس تحريك شفايفها ..
والكل ضحك ..
سامي : يوسف ماعليك منها .. اللهم كملها بعقلها ..
سارة : اللهم آمين على الداعين ..
سامي ابتسم ولا أعطاها وجه ..
مشعل أخذ أسيل وشالها وفتح الباب اللي يفصل بين بيت عمه وبيتهم : حياكم ..
فارس : ترا جد قمت اشك أن أسيلوه بنتك وأنا ما أدري ..
مشعل : ههههههههه ..
ملاك بأمر : عمار روح عند بابا و ماما ..
رهف نفس الشي بأمر لأخوها عبدالله : وانت عبود روح عند ربعك سلوم وسيف فوق ..
عبدالله راح عند سالم وسيف داخل بهدوء ..
أما عمار تخصر بطفولة : وأثولي (وأسولي) ..
ملاك تقلد عليه : وأثولي عند مشعل ..
عمار برطم وراح عند أبوه ..
سمر : مسكين كان خليتيه يجي ..
ريان ضحك : مالمسكين إلا انتي يابنت عمي هذا عفريت من تحت لتحت ..
فيصل ناظر ساعته : اعذروني بس لازم امشي ..
سامي : مايحتاج تقول حق زوجتك والهنوف ..
فيصل : ههه ..
مشاري : الله وياك ..
أحمد : حتى أنا ..
دانيا : بعد يلاه بدينا بالتسحب .. روح روح ..
أحمد وفيصل : هههههههههههه ..
ريان : هههه دانيا احرجتيهم .. روحوا ..
أحمد بنص عين : أشوف فيك يوم يادوين ..
دانيا ارتبكت : ههه ماتضحك ..
طلال بحلم وبصوت يحاول يسويه رقيق : متى أصير مثلهم ..
الكل : ههههههه ..
رائد : شكلي أنا اللي بدخلك عند نوف وأقولها تفكنا منك ..
طلال : جب بس جب .. لاتقول اسمها .. قول حرم طلال ..
الكل : هههههههههه ..
رائد يسوي صوته ناعم : أفااا طلول هذا بعد عشرة العمر .. هذي آخرتها ..
طلال يناظره من على جنب : اعقل اعقل اللهم كمله بعقله ..
رائد ضحك وضربه على كتفه : لا انت حالتك خطيرة ..
الكل ابتسم ومن ضمنهم طلال ..
طلعوا فيصل وأحمد بعد ماسلموا على الرجاجيل وراحوا عند حريمهم ^^ ..
أما كل الشباب والبنات راحوا بيت بومشعل ..
وكانوا الشباب: [ مشعل ومعاه أسيل ، رائد ، طلال ، رامي ، مشاري ، ريان ، فارس ، يوسف ، سامي ، ياسر ، تركي ] ..
أمآ البنات : [ دانيا ، دانة ، سمر ، مسك ، ملاك ، رهف ، روان ، سارة ]
ريان : ماشالله كل هذيل جماهير (يقصد البنات) ..
يوسف : احححم شفت كيف يحبوني جاو عشاني ..
روان : ولد عمي يا يوسف ممكن سؤال صريح واتمنى إجابته ..
يوسف حرك ياقة قميصه بغرور : اسألي ..
روان تحرك صبعها السبابة على راسها : متأكد أن في راسك عقل ..
يوسف بهدوء أشر لفارس وسامي : مسكوني ..
فارس وسامي على راسهم علامات آستفهام .. بس كل واحد مسك يوسف من جهة ..
يوسف فجأة وبصوت شبه عالي : هدووووني هدوووني عليها أوريها هدوووني ..
الكل : ههههههههههههههه ..
فارس تركه : ههههههه طير بس مسوي فيها حركات ..
يوسف بنص ابتسامه : احم ..
مشعل : مطولين ؟ .. بدخل انا ..
ودخلوا كلهم البيت وجلسوا بالصالة .. وصاروا البنات مقابلين الشباب بالجلسة ..
ظلوا فترة ماحد تكلم ..
تركي يقاله يسوي أجواء وقف وبهدوء ويحرك يدينه : لحظـــــــــة صممممممت ..
ماحد عبره ولا اعطوه وجه ..
مشعل حس فيهم .. وقف ولحد الحين شايل اسيل : بقوم أنا للمكتب ..
ناظروه بس ماحد تكلم ..
مشعل ابتسم : ههه على فكرة حياكم بمكتبي هنا .. اللي يبغى يفضفض .. نصيحة أو استشارة .. ترا الدكتور النفسي مو حق المجانين ( وبمزح ) عادي تراه بالمجان .. عن أذنكم ..
واختفى مشعل حامل أسيل بين ذراعينه لمكتبه بالدور الأرضي .. وهو يكلمها ..
سمر ناظرت بوجيه الكل بلا استثناء واضحكت تلطف الجو : هههه شفيكم ترا مشعل هذي حركاته ..
الكل ابتسم ..
رهف تتكلم فصحى : ياااشعب .. ويييحكم .. ماهذا اللي أراه ..
سارة تكمل : نعم نعم .. ماهكذا الظن بكم ..
ريان رفع حاجبه وجاراهم : ماذا بك يا ابا جهل ..
رهف تقمصت الدور مصدقة نفسها خخ : اخرس يافتى ..
الكل ناظرها : ههههههههههههههه ..
ريان فتح عيونه على وسعهم : أنا .. انا فتــى ؟!!!!..
سارة ضربت راس رهف وتكمل : ويحكي يا خزنه .. إنه غلاااام .. غلااام ..
رهف : ياإلهي لقد نسيت .. شكرا شكرا على التصليح ..
سارة : لاداعي للشكر ..
ريان وقف وماخذ الدور : أنا غلااام .. تبا لكم ..
تركي دخل عرض : قل لهم إذا أنت غلام .. فهم جواري خادمات هع هع ..
فارس حط رجل على رجل وبصوت عالي: هلمن إلي ياجواري وارقصن .. وهاتوا لي قدحا وكأساً من الـ . ( وناظرهم كيف يناظرونه ) .. تفكيركم غلط أنا أقصد قدحا من العصير وليس الخمر ذا اللون الأحمر والرائحة الكريهة ..
ملاك : وتقول أن تفكيرنا غلط وأنت شوي وتكمل الوصف ..
فارس بغرور : أحمم يعني ما أصلح أكون من ملوك الجاهليه ^^ ..
روان : بدون عيونك الرمادية وتعدل شعر ذقنك .. ممكن ..
سمر : حرام عليك شعر ذقنه عدل ..
فارس ببراءة : يعني أصلح ^_^ ..
دانيا : ولد عمي اصحى من أحلام اليقظة ..
فارس : ههههه ..
بعد خمس دقايق من الهدوء ..
روان اللي يشوفها يقول عنها شوي وتصيح : هففف بجد ترا ملل ..
مشاري : فكروا بشي مميز ..
رائد : حلو ..
طلال : وخطير ..
رامي : ممتع ..
مسك : ونقدر نسويه الحين ..
سمر : ويكون في البيت هنا ..
الكل جلس يفكر ويفكر ويفكر ..
فارس : أووف عصرت مخي ومالقيت فكرة ..
يوسف : مي توو ..
ملاك مغمضة عيونها وحاطه أصابع يدينها على راسها وتهمس : فكري ياملوك فكري ياملووك ..
رامي : أختنا بالله تتأمل ..
ملاك ماردت عليه ..
يوسف : اسكت عنها الحين تجيب فكرة حلوهـ ..
ملاك فزت : لقيييييييييييتهااااااااااا ..
سارة ملزقه باطن يدينها مع بعض وحاطتهم تخت ذقنها : قووولي تراك تنقذين امه من الموت ..
ملاك : أحححم .. مستعدين تسمعون ..
ريان : قولي ..
رهف : غردي ..
رامي : نسمع ..
دانه : كلنا أذان صاغية ..
ملاك : متأكدين ..
الكل : إييييه ..
ملاك تجننهم : آخر فرصة تثبييييييت ؟؟
فارس : مليييك نطقي ولا ترا بالطاولة ذي بوجهك ..
ملاك خافت : هفف طيب طيب .. خلونا نلعب لعبة الإعتراف ..
شافت ملاك وجيه الكل وكأنهم ماعجبتهم الفكرة
ملاك بسرعه : بالطريقة الجديدة طبعا ..
شافت الكل انتبه لها مرة ثانية ..
سمر : كييف ؟ ..
يوسف تحمس : صحيح كيف ؟ ..
ملاك ببتسامه : نكتب اسماء الشباب واسماء البنات ونخلطهم مع بعض وأنا راح اسحب اسمين .. الأسم اللي اسحبه اول هو اللي يسأل الأسم الثاني ..
رامي بتفكير : اي سؤال ؟ ..
ملاك بفخر : إيه نعم .. أييي سؤال ..
رامي ابتسم : موافق ..
يوسف : وانا موافق ..
فارس : فكرة مو بطاله ..
ريان : مي تو ..
مشاري : بلعب إذا مسك بتلعب ..
سارة بلعانه : أضمن لك مسك مليون بالمية بتلعب ..
مشاري رفع حاجبه : شدخلك أنتي ..
سارة دقت مسك : قولي له إيه ..
مسك بخجل باين في ابتسامتها : بلعب ..
مشاري : موافق أنا ..
سامي : أوكي ..
تركي وياسر بعد ماتشاوروا : وأحنا معاكم ..
طلال : شرايك رائد ؟ ..
رائد ابتسم : عادي نمشي الوقت ..
ملاك : يعني الحين كل الشباب بيلعبون .. والبنات ؟ ..
رهف : باسم كل فريق البنات موافقين ..
ياسر : الله عليك يالكوندريزا رايس ..
الكل : ههههههههههههه ..
ملاك : يالله جيبوا ورق وقلم ..
سامي وقف بيجيب .. إلا سارة قاطعته : وقف وقفف أنت ..
سامي لف عليها مستغرب : نعم ؟ ..
سارة : خل سمر تروح .. انت لو رحت ماراح ترجع إلا بعد نص ساعه غرفتك حووسه ..
الكل : هههههههه ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك