رواية اذا انتثر دمع عينك -3
البنات شافوا ياسر وتركي يصفعون على وجيهم وهم معصبين إلخ
دانيا : عاد سارة روان ما كأنكم مضختوها
دانة : أي مساكين كسروا خاطري زين ماتكسروا
سارة : لاتخافين عليهم قطاوة بو سبع ارواح
مسك : أقول أنتبهوا على روحكم زين شكلهم بيردونها لكم بقوة
روان : نشوف
إلا تدخل أم فارس : مسك ولا سارة وحدة منكم تقوم تمسك أسول مو عارفة اشتغل
سارة رفعت يدها : ادري مافي مفر أنا بمسكها
خذت أسيل اختها وجلست تلعبها داخل المجلس
&&&&&&&&&&&&&&&&&&&&&&&&&&&&&&&&&&
عند الشباب
مشاري : هلا والله
يوسف : هلا وغلا .. غريبة وين ريان عنك
مشاري : لا بس راح يجيب سبرايز وبيرجع
فارس : سبرايز !!! شنو هالسبرايز
مشاري : والله علمي علمك بس أهو قال شخص بيفاجأنا فيه
فارس : أهآآآ
مشاري : أييي صح نسيت مبرووووك مبرووك على السيارة الجديدة
فارس ابتسم : الله يبارك فيك ويهنيك ويبقيك ويعرسك مممم والله نسيت الباقي
مشاري : بس بس بس انا ما أصدق أن ابوي يسكر موضوع العرس وأنت تفتحه .. وأنت من متى تقول هالكلام
فارس : لا أبد تعلمت من سارة
مشاري : المهم .. ها يوسف لحد الحين على حركاتك ولا
يوسف : كح كـح ذبحتوني كل ساعة تسألوني
مشاري : لا بس منقهر أبوي خلاني أنقطع عن المغازل تخيل مايخليني أطلع بعد الساعة وحدة ينقالي بنت ولا يشيك على جوالي يخاف أني أرقم خخخ
يوسف يحك سكسوكته السودا : إممم والله أنا ما ارقم حدي بس اقز يعني ما أتوقع اني انقطع خخخ
فارس : أبغى أعرف شنو الشي الي يخليكم تنبسطوا وأنتوا تغازلوا ؟
مشاري : تسلية
يوسف : تقضية وقت
مشاري : وتحس مدى غباء هالبنات الي أهلهم مايدرون عن هوا دارهم
يوسف : صح وسذاجتهم مايصدقون على الله إلا وهم قاطين نفسهم على الولد
مشاري : إي ومن تقول لها احبك تسبك وتقول لها مرة ثانية احبك صدقتك خخخ
يوسف : أي والله والمشكلة فيه بنات فاصخين الحيا كله تخيل قبل كم يوم كنت بالمجمع تجي وحدة وترقمني تخيل
مشاري : هههه حلوة وعسا خذت رقمها
يوسف : لالالا أنا ما اشتهي البنات الي يقطون نفسهم علي
مشاري : اجل لو كان معاك فويرس كان ذابت
فارس : خلاص خلاص سكروا هالسالفة لوعتوا كبدي والله تضيعون وقتكم على الفاضي
يوسف : تعرف قلت لك كم مرة يازينك وأنت ساكت يانيوتن
مشاري : الحين أنت يالثاني مسوي فيها فاهم شنو دخل نيوتن بالسالفة
يوسف : لا أبد سلامتك أبين لكم أني فاهم الدنيا غلط
عند البنات
روان مسيحة ( يعني شبه منسدحة ) نفسها على الجلسة العربية وتتكلم بصوت ماليه الملل : بناااااااااااااااااات ملل يرحم أمكم وابوكم وجدكم خالكم والي خلفوكم سوو اي شي تراني مليت
ملاك : بس بس كسرتي خاطري إمم خليني افكر شوي
مسك : صحيح ترى الوضع صار ممل
رهف : بس لقيتها
انقزوا حولينها سارة وملاك ومسك ودانة ودانيا
رهف : بسم الله .. المهم فكرتي بس حق الي في الطعشات (تقصد بس الي عمرهم تحت العشرين )
دانيا : اقول تكلمي يلا
سارة وهي ماسكة أسيل : يلا ولعينا
ملاك : ياذكية الناس يقولون نورينا
روان : عاد الي أهو ولعينا نورينا كلهم بيشتغلون
رهف : اسمعوا نسوي سباق ركض من بداية الممر لمن الباب الرئيسي
روان : بس هذا هو ومسوية إزعاج ورجة على فكرة زي خشتك
سارة : انا عندي إضافة عشان يصير السباق أحسن ..الي تفوز تطلب من البنات اي شي تبيه
روان : وأنا عندي إضافة اكثر حماس إذا صار فيه تعادل مافيه جائزة عشان يصير السباق حامي
مسك : هذي الفكرة ولا بلاش تسلمين والله يا سوسو ويا روان
رهف : خير خير أنا صاحبة الفكرة
ملاك : بس أهم عدلوها .. ويلا نقطينا بسكوتك وامشي نسوي السباق
طلعوا كل البنات برا جهة الممر
دانيا : أنا بكون الحكم
البنات : أوكي
رهف : بس دقيقة شلون الشباب يشوفونا
روان وهي ترسم خط على الأرض : لا عآدي مبنى الشباب ورى يعني مايشوفون شي
دانيا : أنا الحين بروح للباب الرئيسي الي بنهاية الممر والي توصل اهي الفايزة
سارة تنزل أسيل اختها : دانيا اخذي أسول معاك
دانيا : يلا اسول
وراحت دانيا عند الباب الرئيسي
صفوا البنات وكل وحدة رفعت عبايتها الكتف لخصرها وفصخت نعالها
مسك : الحين بنشوف من راح تفوز وتطلب الي تبي
ملاك تناظر قدام : اسكتي
دانيا من بعيد : ون تو ثري Goooo
وبدا الركض بقوة
طبعا كانت ملاك بالمقدمة وبعدها تجي روان والثالثة سارة والرابعة مسك وتجي بعد مسك رهف وأخر وحدة دانة
ومع الركض نزلت عباية رهف فوقفت عن الركض تعدلها ومسك تعبت فوقفت تاخذ نفس
مسك وهي تلهث : وقفي وقفي لاتقطعين عمرك بتخسرين
دانة : أوووووه والله مو سهلين
رهف تصارخ : روااااااااااان رواااااااااااان هوووو هووو
مسك : عشانها أختك تشجعينها ها .. ساااارة ساااااااارة هووو هووووو
دانة : هههههه الحمدلله والشكر بس .. ملاااااااااااااااااااااااااااااك ملااااااااااك هووو هووو
رهف ومسك لفوا عليها : اي توك تقولين الحمدلله والشكر ها
أما عند ملاك و روان وسارة .. روان تعثرت بحصى في الممر لكنها ماطاحت
حسوا فيها ملاك و سارة : هههههههههههه
وصار السباق حامي و وصلوا ملاك وسارة بنفس الوقت وضربوا بكتفهم بقوة بالباب الرئيسي
روان : لا مايصير غش أنا كانت قدامي حصى
ملاك : دانيا من الي فازت ها ؟
دانيا : إممم أنتي وسارة متعادلتين لأنكم وصلتوا بنفس الوقت
روان : يعني مافي جائزة
ملاك تلهث : انطمي
إلا جرس الباب يدق
سارة : أكيييد هذا أبوي لانه راح يشتري ثلج من البقالة
ملاك وسارة بسرعة يروحون عند الباب ويفتحونه وهم شاقين الحلج : ياهلا بهالطول ويامية هلا يا ( إلا ملاك وسارة يسكرون الباب بأقوى ماعندهم ويتسندون عليه )
رهف : وجع وجع ليه سكرتوه
ملاك : مو خالي بو فارس
سارة : واحد غريب
طبعا بنفس اللحظة الي فتحوا فيها ملاك وسارة الباب الي كان برا المزرعة كان ماسك جواله وحاط السماعات يسمع ويناظر جواله رفع عيونه عن الجوال يوم حس أن الباب اتسكر بقوة : بسم الله الرحمن الرحيم ليكون شايفين جني
ريان طلع من سيارته : بسم الله وش ذا من سكر الباب بهالقوة زين ماانكسر ( ويضغط الجرس )
الشخص الي مع ريان : بكسر لي اليوم طبق بيض كامل خخخ
ريان : ههههه
طبعا ماحد فتح الباب البنات من دروا أنه واحد غريب من كلام ملاك وسارة ارجعوا المجلس
جا ياسر يفتح الباب : زين زين دقيقة
ريان : وأخيرا أحد فتح سنة
ياسر يطالع بالشخص الي جاي مع ريان : ما عرفتنا عليه
ريان : بعدين .. الحين من الغبي الي صفع بالباب بهالقوة ليكون أنت مسوي فيها مقلب ؟
ياسر : لالالا مو أنا ياشييييخ يمكن واحد من البزران
ريان مسك يد الشخص الي معاه ويمشي : تعال تعال
الشخص : طيب شنو فيك تجرني كأني بزر هههه
ريان : أيه بزر وأمش يلا ( ويطلع جواله من جيبه ويتصل على مشاري )
مشاري : هلا وغلا بالحبيب
ريان : هلا بك .. اقول قل لأبوي وأبوك وخالي بوفارس والي معك يجون عند مبنى الحريم
مشاري : لييه
ريان : مشاري يله قلهم وتعال
مشاري : طيب طيب
وصل ريان لمبنى الحريم وقام يصرخ : يمـــــــــه خالة هناادي
طلعوا أم فيصل وهنادي(أم أحمد) ومعاهم أم مشاري وأم فارس
اول ماشافت هنادي (أم احمد ) الشخص شهقت : سااااامي
وأم فيصل لاتقل صدمتها عن أم أحمد راحت واحضته : هلا والله بولد الغالي هلا بك ياسامي الحمدلله على السلامة متى رجعتوا
ام أحمد شوي تبكي : ليه ما اتصلتوا وخليتونا نستقبلكم
سامي ارتبك بس ابتسم : والله يا عمة ريان قالي أخليها مفاجأة
جاو بوفارس وبومشاري وبوفيصل وبو أحمد وبو يوسف ومشاري وفارس ويوسف
بوفارس وبومشاري وبوفيصل وبو أحمد وبويوسف سلموا على سامي سلام حار
أما مشاري وفارس ويوسف وياسر وتركي على روسهم علامة استفهام يحسون أنهم شايفينه بس مايذكرون
&&&&&&&&&&&&&&&&&&&&&&&&&&&&&&&&&&&&&&&
عند البنات بالمجلس ..
مسك تطل من النافذة الي في المجلس : بناااات بنااات لحقوا في واحد يسلمون عليه
انقزوا كل البنات على جهة النافذة قالت ملاك : سارة مو هذا الي كان على الباب
سارة : إي هذا هو
دانة : احس شايفته من قبل بس ما أذكر
رهف : أي والله حتى أنا
دانيا ضربت جبهتها : أييييييي عرفته عرفته
روان : من هو ؟
دانيا : هذا ولد خالي خااالد وأعتقد أن اسمه سامي
مسك : إي تقصدين عمي خالد الي توفى في بريطانيا
البنات : الله يرحمه
سارة : بصراحة ولد عمي خقاق
( ملاحظة سامي كان لابس تي شيرت أسود وفيه كتابات بالفضي و جينز أسود
ولابس كاب نفس الشي لونه أسود )
دانيا : استحي على وجهك أحنا جنبك
روان : يوووه شفيكم الأعتراف بالحق فضيلة
سارة : فضيلة ولا منى هههههه
ملاك : حلووووة كفك
سارة : بنات انا بطلع اشوف أحسن
روان : أنا معاك
رهف وملاك بنفس الوقت: حتى انا
دانيا : دقوا الخشب عن الحسد
رهف وملاك طقوا الخشب
دانة : هههه وأنتوا تصدقونها
روان تفتح الباب : أنا طالعة
سارة : ولا أنا هونت بنتظر لانهم شكلهم بيدخلون هنا
البنات جلسوا
&&&&&&&&&&&&&&&&&&&&&&&&&&&&&&&&&
طبعا كلكم يبغى يعرف من هذا سامي .. سامي يصير ولد أخو بوفارس وبومشاري وبويوسف وأم احمد وأم فيصل .. كانوا في بريطانيا من سبع سنوات بس الحين رجعوا لان ابوهم توفى بحادث .. نرجع لصفاته ..
سامي : عمره 18 سنة بثالث ثنوي\علمي عيونه وساع وناعسة لونهم عسلي غامق ملامحه خووقااااق له سكسوكه تطيح الطير من السما يتميز بالثقل والرزانة طيوب وحبوب يعني هالولد يسدح يجنن
&&&&&&&&&&&&&&&&&&&&&&&&&&&&&&&&&&&
ريان : خلااااص ذبحتوا الولد خلوه يتنفس شوي
سامي بمزح رفع حاجبه : اي ندري غرت لأنهم لفوا علي وتركوك
ياسر دخل عرض : أي صح أهو يغار اقول يا .. إلا شنو اسمك ؟
ريان ضربه على راسه بالخفيف : ياذكي يعني ماتذكره هذا سامي ولد خالك خالد
مشاري وفارس ويوسف وتركي وياسر بنفس الوقت : أيييييييييييي
سامي : بسم الله لهالدرجة ناسيني
بو فارس : يلا أدخلوا كلكم المجلس
ادخلوا كلهم الشباب والحريم داخل المجلس إلا ياسر تم برا
تنحنح سامي لمن شاف البنات ولاحظه بوفارس
بوفارس : أدخل يا سامي هذيلا بنات عماتك وعمامك لاتستحي
دخل والكل جلس طبعا اجلسوا الحريم بجهة والرجاجيل بجهة
طبعا البنات جلسوا جنب بعض وأخر وحدة سارة بعدين جنبها فارس وجنبه سامي وبقية الشباب
ياسر يطل من النافذة الي فوق راس فارس وسارة ( طبعا هالنافذة كبيييييييييرة ماخذة نص الجدار ) : أجل هذا سامي بصراحة والله أنك مزيون
مشاري بمزح: بس بس لاتمدحون فيه كثير بعدين يغتر بنفسه
هنادي (أم أحمد ) : سامي وين أمك ؟؟
سامي وهو يقلب بيده جواله : والله ياعمه نايمه أهي وسمر ورامي من بعد التعب أما مشعل طلع يجيب شركة تنظيف للبيت بعد ماتركناه
بوفارس : المرة الجاي العزيمة راح تكون في بيتنا الجديد على شرف رجعتك
سامي استانس : طيب .. من هاذي المزيونة ( كان يطالع أسيل )
ياسر برا وهو متكي على النافذة : أي هاذي المفعوصة اسيل عمرها ثلاث سنوات بنت عمك بوفارس مالحقت عليها انت
سارة : عن الغلط عن أختي
ياسر : ماقلت شي
هنادي ( أم أحمد ) : بس وأنتوا دايم تتخانقوا .. بما أن كلكم متجمعين حبيت أنا وأم فارس نقولكم شي ماحد يدري عنه إلا أنا وهي
الكل سكت
أم احمد قالت الخبر وساد الصمت على الكل والصدمة تعتليهم وسارة وياسر صرخوا بنفس الوقت :لاااااااااااااااااااااااااااااااااااااااا
نهــــــآآية البارت الـثآني ^^
توقعاتكم
شنو هالخبر الي صدم الكل ؟؟
وليه سارة وياسر صرخوا ..؟
&&&&&&&&&&&&&&&&&&&&&&&&&&&&&&&&&
~| البــآرت الثـــآلث |~
هنادي ( أم أحمد ) : بس وأنتوا دايم تتخانقوا .. بما أن كلكم متجمعين حبيت أنا وأم فارس نقولكم شي ماحد يدري عنه إلا أنا وهي
الكل سكت
أم احمد قالت الخبر وساد الصمت على الكل والصدمة تعتليهم وسارة وياسر صرخوا بنفس الوقت :لاااااااااااااااااااااااااااااااااااااااا
بوفارس وبوأحمد : هههههههههه (لأنهم يعرفوا الخبر من زوجاتهم من زمان)
فارس : مستحيل
يوسف : ما أصدق
ريان : سمعتوا الي سمعته
مشاري : من سابع المستحيلات
تركي : الحين أخاف على ياسر أكثر
رهف : أجل بتقوم الحرب العالمية الثالثة
ملاك : مو داخلة مخي أن سارووة تصير ..
مسك : الله يرحمك ياسارة
دانة : يعني الحين سارة أختي ..!!!!!!!
دانيا : اختنا ..!!!!!!!!!
كلام أم أحمد يرن بآذان الكل : سارة بنت أختي أم فارس تصير بنتي أنا ارضعتها يوم كانت أمها بالحج يعني هي أخت عيالي بالرضاعة
ياسر نزل راسه تحت يناظر سارة وسارة رفعت راسها جهة النافذة تناظر ياسر
توها بتحرك شفايفها عشان تتكلم إلا ياسر سبقها بالكلام : أختي ها .. هلا وغلا بأختي اخبارك أحوالك إنشالله تمام
سارة أغتاضت ونزلت راسها : عمــه هنادي (أم أحمد) يرحم والدينك لايصير اخوي إذا وهو مو أخوي مسوي الي مايستوي أجل شلون الحين
فارس ببراءة : خلاص تبري منه
سارة : لو يحصل ماقلت لا
يوسف : ياشيخ تخرب عقل البنت أنت
سامي : الحين أحسها عادي تكون سارة أخت عيال عمتي هنادي مافيها شي
ريان : لا يالحبيب انت ماتدري عن الحرورب الي تصير بين سارة وياسر وهم مو أخوان أجل شلون الحين
روان تتأفف : اوووف سكروا الموضوع بدا يضايقني جد
مشاري : وليه ياست روان الموضوع مايخصك
روان الي جالسة جنب سارة مسكت يدها : إلا يخصني ..صديقتي الي يضايقها يضايقني
قامت روان وقامت وراها سارة ومسكوا يد بعض
ياسر حب يضايقهم : على وين ؟
روان وسارة لفوا على ياسر وناظروه نظره باردة ومشوا طلعوا بره
ياسر يأشر عليهم ويناظر مشاري : ساعات أظن أنهم توأم على حركاتهم
مشاري : توك تدري
ألماس (أم فيصل) حبت تغير الجو فجابت الكيك الي مسويته : سويت لكم شيز كيك بالفرولة ذوقوه
&&&&&&&&&&&&&&&&&&&&&&&&
عند روان وسارة
روان مسكت يدين سارة : سارة بردي اعصابك شوفيه مبرد أعصابه ويستفزك
سارة خذت نفس : إنشالله
روان : وفكري بالناحية الإيجابية تقدرين الحين تسوين فيه مقالب اقوى إممم مثلا تشدين شعره >>>> هذا الي فالحة فيه خخ
سارة : ههههههههه حللللوة يبغالنا نجربها بعدين
روان : يلا نرجع يمكن يحطون الكيكة الحين
سارة : يلا
&&&&&&&&&&&&&&&&&&&
روان وسارة رجعوا المجلسس وكانت ريحته قهوة وكيك
روان تخصرت : أيا المجرمين تاكلون الكيكة بدوني أوريكم
الجوهرة (أم مشاري): لاتخافين بقى
سارة : وأنا مالي شي
فارس : إلا لك ونص تعالي
سارة ومسك ناظروا فارس بنظرات تعجب
مسك : فروس ماهي من عوايدك تقول هالكلام
فارس : عادي شفيها
سارة : لا صدق ليكون نازل عليك الوحي
فارس : كح كـح كأنك عرفتي
سارة : ها ها ها هه هه سخيف ماتضحك ( وتجلس جنبه )
فارس يحرك خصلات شعره : إممممم
يوسف : بلا مقدمات بلا هم ولا تفكر قول الي تبغى تقوله مو إمممم كأنك بقرة
فارس : يوسف اعقل عني .. سارة ماودك بشي في خاطرك شي
روان بسرعة : تبغى تشد شعر ياسرووه ( وتحط سارة يدها على فم روان )
الكل : ههههههههههه
ياسر يلمس شعره : ها بتشدين شعري ها .. يصير خير
فارس : لا جد سألتك تبغين شي
سارة : طيب .. طلبتك قول تم
سامي ميل راسه : تم
سارة : سامي تدري شحلاتك بدون اللقافة خلها لأهلها (وتناظر ياسر)
يوسف يحاول يغير الجو عشان مايتخانقون : اقول سامي ما انعشنى ذاكرتك وذكرناك بأولاد وبنات عمامك وعماتك
سامي رفع حاجبه : اي كمل
يوسف يستهبل : بسم الله الرحمن الرحيم
ملاك : حشى ذبيحة هي
يوسف : أي (ويقلد على المعلق الي في الملاعب) السلام عليكم ورحمة الله وبركاته معكم يوسف بن عبدالرحمن بن عبدالله بن .
إلا يقاطعه فارس : بس بس بتقول نسبك كله
يوسف سفهه : نبث لكم اليوم تذكير سامي بن خالد على أولاد وبنات عمامه وعماته
سامي : يعني كأني ابد ما أعرفهم ها
يوسف : ياشيخ الناس تتغير اشكالهم .. المهم هذي اكبر بنت في شلة البنات دانيا صار عمرها الحين 22 سنة ولا تزوجت يعني عانس يعني دور لها عريس
دانيا رمت عليه علبة النشاف : وجع قل عازبة ياذكي
يوسف ميت ضحك : أحم خليني أكمل .. والي جنبها أختها دانة 20 سنة .. خوات ياسر
سامي : اهاا بنات عمتى هنادي صح ؟
يوسف : لاتستعجل على رزقك ياولد
ريان : ولد بعينك كل هذا الطول وتسميه ولد
سامي : ماعليك منه .. اسف عمي يوسف ممكن تكمل ولا أخلي أحد غيرك يكمل
يوسف بانفعال : لالالالالا ابدا صح هم بنات عمتك هنادي
فارس قام من مكانه وحط يده على فم يوسف ويتكلم بسرعة : وهذي اسول عمرها ثلاث سنوات وسارة بمتوسط ومسك بالثنوي هم خواتي وهذا أخوي سالم ببتدائي
يوسف يحاول بقوة ينزل يد فارس من على فمه بس فارس ماسكه عدل
فارس : هههههه وهذي روان بمتوسط وأختها رهف بالثنوي خوات مشاري وهذا عبدالله أخوهم وأهم عيال عمك بومشاري ووو هذي ملاك بالثنوي اخت ريان وهذا أخوهم سيف ببتدائي وهذا عمار عمره خمس سنوات عيال عمتك ألماس
يوسف وخر يد فارس بالقوة : باعد عني ..
إلا فارس يرجع يحط يده على فم يوسف : وأخيرا هذا السبيكه (مفهي = مايدري وين الله حاطه ) يوسف كبرك وهذا اخوه تريكان عيال عمك عبدالرحمن وكان الله غفورا رحيما والرجاء قراءة الفاتحة المفتوحة تسبقها الدجاجة المذبوحة
ويترك يوسف ويوقف بسرعة عند الباب
يوسف : يالزفت وين بتروح مني ها ( ويقوم ورا فارس وفارس يهرب )
الكل : ههههههههههه
بويوسف : حتى وهم كبار مو راضين يعقلون
ياسر : صدقت والله يا خالي ما أنلام انا على حركاتي اجل
بعد خمس دقايق رجع يوسف وملابسه شوي مغبره وعلى وجهه ابتسامة انتصار
سامي : شسويت بالولد
جا فارس وكان نفس الشي شوي مغبر : ههههههههه عفرني بالرمل عفار(وجلس)
فارس : أي نرجع لموضوعنا
سارة : أيه ماقلت تم
فارس : قال سامي تم يعني تم
سارة : ابغى جيتار مثل الي عندك
فارس كأنه يدري : بس .. بغيتي شي ثاني
سارة لفت على البنات : تبغون شي
البنات كل وحدة تقول شي
فارس سحب سارة : وجع أنا قلتها من باب المجاملة
الكل : هههههههههههه (لأن البنات من جد صدقوا)
فارس : تركي تعال
جا تركي وهمس فارس له وابتسم تركي طلع برا
روان بيذبحها الفضول : شنو قلت له ؟
فارس قام : الي يبغى يعرف شنو قلت له يطلع برا معاي
البنات والشباب ماصدقوا خبر وطلعوا برا
رجع تركي وفي يدينه شنطتين طوال : هذا هم خذ
فارس ابتسم : تسلم يابعدي والله ( ولف على سارة ) وهذا طلبك
سارة : وااااو ماشالله عليك جني علاء الدين ففي فرص ثانية باقي أمنيتين
الكل : هههههههههههههههه
فارس : هههههههه لا
مسك : فارس لا صدق ليه شريته وشنو دراك أنها بتطلبه ؟؟
فارس وهو يجلس على سور الطوب الي حولين المبنى ويفتح الشنطة الثانية : لا بس هي دايم تاخذ حقي فحسيت انها تبغى واحد وثانيا بعد أسبوعين تقريبا عيد ميلادها وبيصير في بيتنا الجديد
روان : يلا سمعينا موسيقى الحين بجيتارك الجديد
رهف : أي
ملاك : يلا نشوف عزفك ونقيمك
ريان : ساروة تعرفي تعزفي ولا خراط
مشاري : لا تحطمها اسمع وبعدين احكم
سارة : احـــــــــم بما أن كثر الطلب على عزفي
ياسر : اختصري
سامي : ههههههههههههه
يوسف : في شي يضحك ؟
فارس : ماعليك منه الولد فيه مس بسم الله الرحمن الرحيم تف تف
سامي : ييييع بس بس ترى بيطلع الجني مني ويدخل فيك خخخ
ياسر ينفخ على نفسه: قل اعوذ برب الفلق
سارة : صدق إذا قالوا أن الأولاد مزعجين واحد اثنين ثلاثة
وبدت تعزف كان العزف روووعة فجأة فارس قام يعزف معاها وصار العزف مدموج ولا أرووع والكل يسمع العزف سارة عطت أخوها فارس إشارة وفارس فهم الإشارة فبدى يغني بالأنجليزي وكان صوت فارس من النوع الخطير ابهر الكل بصوته ومع العزف الكل خق وجلس ويوم خلصوا عزف وقف فارس عن الغنى والكل صفق
ريان : الله الله يالحبيب صوتك شي خطيير
فارس : أحمم تسلم
دانيا : ماشالله عليك يافارس
دانة : اي ماشالله
فارس : بس بس اخجلتم تواضعي
روان : فارس غن مرة ثانية ابغى اسجل صوتك
سارة : يابنت استحي أنا أقول أي أنتي لا
فارس : بعدي والله يابنت عمي دخلتي الفكرة براسي
سارة : ترى والله اصفقك بهذا ( تأشر على الجيتار ) إذا إذا أمي مو راضية ندخل الجيتار البيت ونخليه بسيارتك تقول تبغى تسجل شريط أغاني والله
فارس : بل بل ياكلمة ردي مكانك
سامي : ليه مو راضية تدخله البيت ؟؟؟
فارس : تقول يطرد الملائكة من البيت خخ
مشاري : اقول فارس وين بيتكم الجديد ؟؟
فارس : إممم والله ما ادري بالضبط دقيقة اسأل ابوي .. يبــــــه يبــه
بوفارس : نعـم
فارس : الله ينعم عليك .. يبه وين موقع بيتنا الجديد
بوفارس : في حي الـ . جنب البيت الكبيــر الي لونه فستقي
فارس : سمعت جنب البيت الكبيــر الي لونه فستقي
سامي بدهشة : جنب البيت الفستقي ماغيره !!!!
فارس : اي شنو فيه
سامي ابتسم : هذا بيتنا
ياسر وفارس : احلللللللللف
يوسف : صدق بيتكم ؟؟
سامي : ههه أي
ياسر : ما اصدق
فارس : حتى انا ما اصدق
سامي : كيفكم بس إذا نقزت لكم من فوق الجدار لاترتاعون
فارس : حياك خخخخ
سامي :أفا عليك بفتح فتحة بالجدار وبحط باب بين بيتنا وبيتكم أحسن
فارس : اي خلاص تم
ريان : هههه أقول لا تقول تم على اي شي شكلك صدقت السالفة
مسك : أييييييي عرفت الحين ليه أبوي مسوي باب بينا وبين جيرانا لأنه يدري أن البيت الي جنبا حق عمي
سارة : ماشالله على أبوي يفكر قبل كل شي
فارس : اي ترى الجيتار هدية عيد ميلادك من الحين
سارة : اوووه إذا أنا ما ذكرت عيد ميلادي سلم ياخوي
روان : ياليت عندي اخو نفس اخوك
مشاري رفع حاجبه : شنو تقصدين ؟
روان : ولا شي
سارة تستهبل : سمعتوا عيد ميلادي يعني جيبوا هدية
رهف : وأنتي الي هامك الهدية
ملاك : أي والله طرار ويبغى خبز حار
الكل : هههههههههههههه
وقاموا الشباب وراحوا المبنى تبعهم
أما البنات جلسوا برا المبنى ماعدا مسك ورهف يتمشون بالمزرعة
&&&&&&&&&&&&&&&&&&&&&&&&&
عند رهف ومسك داخل الزرع
رهف : مسك بروح اجيب لي ماي وارجع لاتروحين مكان
مسك : اوووكي
راحت رهف تجيب لها ماي .. بعد كم دقيقة مسك كانت واقفة في وسط الزرع جا شخص وراها وبصوت رومنسي قرب من أذنها : بوووه
نهــــــآآية البارت الـثآلث ^^
أرائكم وتوقعاتكم
بعد ماعرفتوا أن بيت سامي وبيت بوفارس جنب بعض هل بتصير مواقف هناك ؟؟
ياترا من هو الشخص الي جا ورا مسك ؟؟
و شنو ردة فعل مسك ؟؟
انتظروا بالبارت الرابع .. ^^
&&&&&&&&&&&&&&&&&&&&&&&&&&
~| البــآرت الرآبــع |~
راحت رهف تجيب لها ماي .. بعد كم دقيقة مسك كانت واقفة في وسط الزرع جا شخص وراها وبصوت رومنسي قرب من أذنها : بوووه
مسك اخترعت ولفت على ورا تشوف من الي وراها شافت يد ممدودة إلى وجهها وماسكة وردة بيضة رفعت عيونها عن الوردة فقالت بنبرة تعجب : مشااااااري ..!!!!!!
مشاري ببتسامة تدوخ وبنبرة هدووء: لا أخوه الجني
مسك سندت ظهرها على جذع نخله وتكتفت ورفعت حاجبها : عن هالحركات
مشاري مد الوردة مرة ثانية لها والإبتسامة مازالت على وجهه : اي حركات .. خذيها
مسك تناظر الشجر الي حولينهم : لا ابد تجي من ورا الناس وتخرعهم هذي مو حركات ها .. (وتناظر الوردة باستغراب ) وليه الوردة ؟؟ ( وتناظر مشاري تنتظر رده )
مشاري سحب يده الي فيها الورده وقام يناظر بالورده : إممم .. يعني ماعجبتك ؟؟
مسك عقدت حواجبها : شفيك استخفيت صاير بعقلك شي ؟
مشاري بحركة سرعة سحب يد مسك اليمنى وحط فيها الوردة : أي عقلي .. عقلي طار من شفتك واعتبريها هدية من ولد عم لبنت عمه (وابتسم)
مسك تفاجأت من جرءة مشاري وسحبت يدها بسرعة من يده وقالت برجا : مشااااري
مشاري مستانس : لبيه قلبه مشاري
مسك تناظر الوردة عشان تتحاشى نظرات مشاري : لو سمحت لاتتعدى حدودك .. ولا تظني من هالبنات الي بايعين نفسهم
مشاري قرب وصار يفصل بينه وبين مسك ثلاث خطوات وحط يده على جذع النخلة الي متسنده عليها مسك واليد الثانية يحرك فيها شعره : طيب كذا ما أتعدى حدودي صح
مسك ماتكلمت بس تناظر مشاري ومستغربة بقوة على حركته
مشاري ابتسم : شفيك انربط لسانك انا كذا ما اتعدى حدو .
إلاينصب فوق راس مشاري ماي بااارد وفيه قطع ثلج مشاري من شدة برودة الماي فتح فمه وغمض عيونه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك