رواية ليه الصدف تجمعنا -3
علياء:طيب وين الوناسه أذا مانعرف غير جود وبس
شموخ:ندق عليها ونطلع ونستانس
علياء:أنا أسوق أوكي
شموخ:أوكي يلا بروح أدق عليها أقول لها تجي على الساعه6
راحت كل وحده غرفتها تلبس وتتجهز للطلعه
((الـــــــــريـــــــــاض))
((غلا))
ياااااي والله لهم وحشه اللحين مافي غير العنود خليني أتصل عليها تجيني الساعه 7 وطفش فتحت الجوال وأتصلت عليها
العنود:هلا وغلا بغلايا
غلا:هلا فيك ياحياتي مشتاقه لك
العنود:وأنا أكثر
غلا:طيب تعالي اليوم عندي نستانس ونكلم البنات
العنود:طيب أرد لك خبر
غلا:بااااااااي عنودي
العنود:بااااي
((العنود))
يا لبى قلبها وربي مشتاقه لها خليني أقول لأمي وأشوف
العنود:يا الغاليه
أم راكان:هلا يا بنيتي
العنود:دقت علي غلا الجاسر تعزمني أروح عادي
أم راكان: أيه روحي هم مو أغراب جيرانا و النعم فيهم
العنود:تسلمين يلا بروح ألبس وقولي للسواق يجهز السياره
أم راكان:لا روحه مع السواق مافيه طلال يوديك
العنود:طيب طيب لا تعصبين <أبتسمت لأمها وراحت>
رحت دقيت على غلا ماترد دقيت ثلاث مكالمات ماردت دقيت على البيت
العنود:ألو
غلا:هلا وينك ؟؟ مادقيتي؟؟
العنود:تدرين المفروض ما عطوك جوال مخليته وتقولين مادقيتي
((غلا))
غلا:ههههههههههههههه
راشد:السلام عليكم
غلا:أحم.....هلا هلا راشد ......عنودي أكلمك شوي
العنود:لا لاتكلميني بجيك البيت
غلا:طيب يا العنود لا تأخرين باااااي<سكرت>
راشد:مين تكلمين علياء؟؟؟
غلا:لا ماتسمعني أقول العنود
راشد:لا والله ماسمعت ألا ماكلمتي علياء
غلا:ألا كلمتهم وأنت ؟؟؟
راشد:لا بدق عليهم اللحين
((راشد))
جاااااي من غرفة جدتي مروق حدي لأني نجحت من الثانويه وتخرجت بنسبة 91% وعلمت جدتي وباقي غلا ماعرفت
راشد:أقول غلايا ؟؟
غلا:قول أسمع ؟؟؟
راشد:نجحت بنسبة 91%
غلا وقفت وضمته:ياااااااااي تخرجت
راشد:ترا أنا المتخرج مو أنتي ؟؟
غلا:ولو أنت الغالي وأخوي وعزوتي لازم أفرح فيك
راشد:يا لبى قلبك خليني أكلم علياء......
فتحت جوالي و دقيت على علياء ردت وهي فرحااانه
علياء:هلا والله بأخوي هلا بالقاطع
راشد:حرااااام عليك أمتحانات ؟؟؟؟
علياء:أمتحانات والله لو أنك طب عذرناك تراها ثانويه
راشد:شخبارك شخبار أختي شموخ؟؟
علياء:والله شموخ تسلم عليك وكلنا بخير
راشد:البشاره؟؟؟
علياء:أبشر بعزك ولك اللي تبي؟؟
راشد:نجحت 91% شرايك؟؟؟
علياء تصارخ على السماعه:واااااااااااو وناسه تخرجت و أخيرا
راشد:فديتك يلا ما أطول سلاااااااام
علياء:سلااااااااااام
((بـــــريطـــــانـــيـــا))
((علياء))
نزلت من الدرج أركض بجنز سكيني كحلي وتي شيرت أصفر ماحبيت أكشخ مافي أحد رحت لشموخ
علياء:البشاره؟؟؟
شموخ:كلي لك
علياء:راشد نجح 91%
شموخ فزت من مكانها :يااااااااااااي وناسه أخوي نجح بروح أكلمه
((شموخ))
وناسه..... وناسه........أخوي تخرج أتصلت عليه ورد بعد رنتين
شموخ:مبروك يا أخوي
راشد:الله يبارك فيك هلا والله كيفك؟؟؟
شموخ:تماااام قلي شلون غلا وشلون جدتي؟؟؟
راشد:كلهم تمام
شموخ:طيب مبروك مره ثانيه وسلاااام
راشد:سلاااااام
علياء:جود:تتصل يمكنها بره
شموخ:ردي عليها
علياء:هلا جود عند الباب؟؟
جود:أيه يلا أفتحي
علياء:أفا البيت بيتك دزيه برجلك ههههههه
جود:هههههههه طيب يلا جايه
دخلت جود بتنوره خصر زيتي تحت الركبه وبلوزه أصفر وسلاسل زيتي وفاتحه شعرها
علياء:هلا والله أحلا يا بنت الكايد وش هالحلا
جود:من ذوقك وش فيك كأنك أول مره تشوفيني
شموخ:كيفك الأخت مروقه؟؟
جود:ولا شيء فيني نشاط غير شكل
علياء:لا اليوم شموخ مقفله معها ؟؟
جود:ليه؟؟؟
شموخ:أحد يشوف هالوجيه وما تقفل معه
علياء ترميها بالمخده:وجع أحمدي ربك لأنك مقابلتنا
شموخ:وجع
علياء:جود أبشرك أخوي تخرج من الثانويه بنسبة 91%
((الــــــريــــاض))
((راشد))
صعدت غلا فوق وأنا نزلت الشماغ والعقال وحطيتهن على الطاوله و أنسدحت على الكنب ونمت بالصاله
<<تن تن تن تن >>
راحت الخدامه تفتح الباب
العنود:السلاااااااااام وين غلا ؟؟؟
الخدامه:فوق
((العنود))
نزلت طرحتي على كتفي وأنا أنثر شعري رحت للمرايه اللي عند المدخل أعدل شكلي وبعدين توجهت للصاله اللي دايم حسيت في أحد رجعت على ورى وأنا أفتح جوالي ودقيت على غلا
غلا:وصلتي؟؟؟
العنود:من زمان بسرعه تعالي ....بسألك أخوك هنا؟؟
غلا:أيه بالصاله .....ليه؟؟
العنود:وجع .... ترا بصعد فوق
غلا:طيب تعالي نقعد بغرفتي
راحت العنود فوق عند غلا وجلسوا سوالف
غلا:شنو تبين أجيب لك ؟.؟؟
العنود:قهوه وشاي طبعا
غلا:طيب خلاص ثواني
((غلا))
نزلت تحت ولقيت راشد قدام المرايه يضبط الشماغ شكله بيطلع
راشد:من عندك؟؟؟
غلا:العنود الجاسم
راشد:أهاااا حسيت بأحد دخل بس مدري مين على العموم أنا طالع تبين شيء ؟؟
غلا:سلامتك
رحت المطبخ وطلعت القهوه والشاي على الصاله وناديت العنود وسولفنا ووناسه وطبعا لازم نحش أهم شيء .....
غلا:نتصل على البنات؟؟؟
العنود:يلا <أتصلوا>
علياء ترفع صوتها عشان المسجل عندها:هــــــلا غلايا
غلا:علياء أنتي وين؟؟؟
علياء:في البيت عندنا جود ووناسه
غلا:حتى أنا عندي العنود سوالف وحش على كيفك
العنود أخذت السماعه :ألو علوووووي أخبارك؟؟
علياء:تمام أنتي كيفك؟؟
العنود:طيبه مسجلكم صوته عجيب
علياء:شموخ وعمايلها
العنود:طيب بااااي وسلمي على البنات
علياء:يوصل بااااي
((بــــــريــــطـــانــــيــــا ))
شموخ:خلاااص أذني أنفجرت من المسجل طفيه
طفوا المسجل وجلسوا سوالف وكل وحده راحت لبيتها الساعه12 بالليل
((راكان))
يوووووه تعب خلاص اليوم ماخلينا شيء ماسويناه تفحيط وهبلنا في البريطانيين طلعوا مهبل ينضحك عليهم وسلطان ماخلى شيء ماسواه
سلطان:ها شكلك مليت ؟؟؟
راكان:لا وناسه بس بروح أنام الساعه12 تعبان يلا باااااي
سلطان:بااااااااي
((سلطان))
حركت سيارتي وأنا أنعس ما أشوف من النوم وقفت عند الأشاره
((جود))
هذا هو المسكين ينعس بس والله لأطير النوم من عيونك ضغطت على البوري<بيب بيب > ألتفت وناظر فيني وباين مو طايقني حتى وضغطت على البانزين بمعنى تحدي وهو وافق وحركنا وسباق عديت فندقي كله عشان ما يفوز علي بس كان قوي وسريع وفاز علي يووووووه اللحين يتشمت فيني رجعت للفندق وأنا أفكر أني أكسر غروره
أنتهاء البارت 6
تـــــــــحـــــــيـــــاتي
o0oشموخيo0o
البــــــــــارت 7
((الـــــــريــــــاض))
((العنود))
العنود:يلا بالأذن طلال برى ينتظر أشوفك بعدين
غلا:مشكوره أنك جيتي من جد كنت طفشانه
العنود:طيب بااااي
سكرت غلا الباب وأنا تلثمت ومشيت لعند باب البيت الكبير الفخم فتحته لقيت في أحد بسيارة طلال غيره ركبت ورى
العنود:السلام عليكم
طلال وراشد:وعليكم السلام
راشد:طيب طلال أشوفك بعدين سلااااام
طلال: سلااام
((راشد))
نزلت ووقفت عند باب بيتنا ونزلت أخته وركبت قدام ودعتهم وراحوا والله طلال والنعم فيه رجال وماعليه شيء وراكان بعد الحمد لله أنه رزقنا بجيران مثلهم دخلت داخل البيت وتوجهت لغرفتي ونمت
((بــــريـــطانيــــــا))
((يـــــــــوم جديد))
((جود))
بعد السهره والسباق كان تعب نمت وماقمت ألا الساعه 5العصر جلست شوي أكلت لي ساندوش وجلست قدام tv ........ شموخ وعلياء ولا عمرهم دخلوا شقتي خليني أدق عيهم يجون على الساعه 9 نسهر ونستانس أتصلت عليهم ووافقوا وجلست أجهز الأغراض
((شموخ))
اليوم فيني نشاط وفي بالي سهره قويه بس باين برد بره بنطلع أنا وعلياء لجود نسهر ونستانس الحين الساعه 6 باقي وقت
شموخ:علووي شرايك نطلع مطعم
علياء:أوكي بس شرط أسوق أمس ماسقت السياره
شموخ:طيب خلاص قومي نلبس
((علياء))
دخلت غرفتي وفتحت الدولاب و مدري شنو ألبس بالأخير طلعت فستان قصير كحلي عليه جكيت طويل تحت الركبه أسود وبوت<وأنتوا بكرامه> أسود فتحت شعري على طوله وخليته
((شموخ))
طلعت جنز أزرق على جكيت طويل فوق الركبه أصفر وشوز سبورت <وأنتوا بكرامه> وطلعت أنا و علياء للسياره
علياء:وين نطلع ؟؟
شموخ:مطعم ما أعرف وينه بالضبط بس دوري يمكن ألقاه على الطريق
دخلنا المطعم وجلسنا نسولف وناكل
علياء:كم صار لك ماشفتي راكان
شموخ:ليه؟؟
علياء:لا بس أسأل؟
شموخ:في الجامعه
علياء:أحسه يميل لك
شموخ:مين راكان لا لا لا
علياء:مدري أحس كذا
شموخ:غيري السيره......تعالي صار لي أسبوع أبسألك مين كان اللي يناظر فيك في المطار؟؟؟
علياء:أنتبهتي؟؟؟
شموخ:والله من عيونه شوي وياكلك
علياء:هذا أخو راكان
شموخ:أحلفي
علياء:والله ترا قد شفته مره في بيتهم
شموخ:في السعوديه؟؟؟
علياء:أيه <وهي تقولها السالفه> ومدري ليش ماتكلم ولا تحرك
شموخ:هههههههه شنو ذا الموقف ياليتني ماصير بمكانك
علياء:فضيها سيره خلاص
((علياء))
طلعنا من المطعم ورايحين لجود فندقها بعيد عن المطعم حوالي ساعه
((المـــــــطـــــار))
.......:وين فندقه ....أهاا طيب جايكم ....ناسي أني دارس سنه في بريطانيا ورجعت السعوديه ....أكيد أني بعرف كل شيء فيها..سلاام
((الــــشــــرقــيـــة))
جالس بغرفته اللي ألوانها تدل على شخصية صاحبها أسود وأحمر جالس على سريرة الملكي يسترجع أحداث كانت سم على قلبه حاول ينسى بس ملكت قلبه خطبها مره ورفضته بس هو يبيها عايش في بيته لوحده أم ماعنده أبو ماعنده أخوان ماعنده هو يعتبر وحيد ويبيها تملى عليه حياته هذا كل اللي يبيه ......
((بندر))
قررت وقراري مابعده قرار برجع وأخطبها وأن شاء الله توافق بس حتى لو أرفضت مستحيل تروح لغيري.... مدري شنو ناقصني أخلاق وعندي شركات وعندي أكبرها و صلاه ومحافظ سجاير ماأشرب بس أكيد عندها أسبابها ..... وهذا أنا راجع وماراح أرجع لديرتي ألا وأنا فرحان بموافقتك
((بـــــريــــطــــانيا))
((في الفندق))
((علياء))
نزلت أنا وشموخ من السيارة وشموخ سبقتني وأنا قعدت أعدل البوت <أنتوا بكرامه> قدامي واحد معطيني ظهره يااااااي يازين طوله يا لبى الزول ليته يلتفت ...طاح منه حاجه مدري يمكن بكيت سجاير رحت لعند البكيت وأخذته ومشيت عند الرجال حطيت يدي على ظهره
علياء:hy you?????
لف علي :أنتي؟؟
((طلال))
&اكذب عليك ان قلت ماني بمشتاق...*&
&واكذب عليك ان قلت شكلك نسيته*&
الحمد لله المره هذي مو حاطه روج أحمر شكلها عرفتني
طلال أبتسمت:أمري
علياء:لا بس البكيت طاح منك<وهي تمده له>
طلال:مشكوره<مد يده يتعرف>طلال الجاسم
علياء:أأ...أيه...... سوري باااي
((علياء))
شنو هذي الصدفة ؟؟؟؟ غريبه ؟؟؟؟ فتحت جوالي أتصلت على شموخ
علياء:شموخ ....شفته؟؟
شموخ:مين؟؟؟؟
علياء:ولد الجاسم
((شموخ))
كنت قدام الصنصير أنتظره يفتح نزلت راسي وأنا أسمع لعلياء
شموخ:مين؟؟؟؟
علياء:ولد الجاسم
شموخ:مين راكان الجاسم .....يا كرهي.......
رفعت راسي لأن الصنصير أنفتح شفت راكان وعلى وجهه أبتسامه غريبه....... شكله سمع كلامي
علياء:شموخ....طلال الجاسم
شموخ تبي ترقع :طلال الجاسم ....طيب بااااااي
دخلت الصنصير وراكان ماتحرك والأبتسامه ماتغيرت
((راكان))
من جدي حبيتها؟؟؟ ليش تجمدت من كلمتها؟؟؟ وليه ما صديت وطلعت؟؟؟ صدق من قال
&كنت ابسلى وابتسم والتفت عنها شمال&
&لا قويت الصد عنها ولا قلبي قوى&
&ما هقيت ان الهوى عذب قلوب الرجال&
وقفت الصنصير قبل لا يسكر وطلعت أبي أطلع من المكان اللي فيه ما أستحمل أناظر فيها وهي تكرهني ياليتني مادريت وظليت على أوهامي
ضربت على قلبي بقوه وأنا أردد بداخلي **غلاك ياشموخ عذب قلب راكان**
في هذي اللحظه محتاج طلال...........................
طلال:سلااااااااااام أبو جاسم
رفعت عيني طلال؟؟؟لا ..لا يمكن أتخيل؟؟ من جد هو هينا ضميته وسلمت عليه
راكان: شخبار الوالدة والعنود شخبارك؟؟؟؟
طلال:كلهم تمام ويسلمون عليك أنت كيفك؟؟
راكان:تمام ...تمام
طلال:راشد يسلم عليك
راكان: الله يسلمه أمش خلينا نصعد فوق
((علياء))
رحت للصنصير وقبل لا يسكر حط واحد يده ودخل هو وأخوه
......راكان عرفني
راكان :هلا علياء كيفك؟؟؟
علياء:تمام كيفك أنت؟؟
طلال:علياء؟؟؟؟؟؟؟أسمك علياء؟؟
أبتسمت على شكله باين مايعرف أسمي بس شكلي
علياء:أيه علياء الجاسر
طلال:لحظه..... لحظه..... بنت الجاسر جيرانا اللي بالسعوديه؟؟؟؟
علياء:أيه بنت الجاسر تبي أسم أمي وأبوي بعد؟؟
طلال:هلا والله تشرفنا
راكان:المهم طلال كيف العنود شلون خلتك تجي؟
طلال:أنا برجع بعد ثلاث أيام وبجيك أنا وهي الأسبوع الجاي
أنفتح الصنصير وعلياء راحت ركض للشقه وفتحت الباب
علياء:بـــــنااااااات
شموخ فزت من مكانها :بسم الله
جود:شفيك خرعتينا
علياء:العنود بتجي بريطانيا الأسبوع الجاي
((شقة راكان))
راكان:من علمك الفندق والشقه؟؟؟؟
طلال:سلطان وهو باطريق بيجي
سلطان فتح الباب:سلااااااام طلووووول من زمان يا أخوي عنك
طلال ضمه:حتى أنا والله فقدتكم بس خلاص كم شهر وتجون السعوديه
((عند البنات))
بعد السوالف والضحك
جود:بنات معي ؟؟؟؟
علياء:شنو؟؟
جود:بكيت سجاير شرايكم ندخن بس وحده نجرب
علياء:ماعندي مانع
شموخ:وأنا معكم
جود حطتها بفمها وشربت وحده وبعدها علياء
علياء:والله وناسه
شموخ شربت: كح كح كح <طفتها بالطفايه>وجع
علياء:ليه طفيتيها أبي
شموخ:لا ..لا ..لا تموتون علي أتكفل فيكم يلا بس
جلسوا واستانسوا وسولفوا وشموخ قالت لهم عن سالفة راكان وعلياء قالت لهم عن طلال وقامت تقلده لما درى أن أسمها علياء
علياء تقلد طلال:علياء؟؟؟؟ أسمك علياء؟؟عاد أنا قلت أيه علياء الجاسر قال لحظه جيرانا اللي بالسعوديه ههههههههههههه
جود:ههههههههه باين عليه مفهي ودلخ
شموخ:ههههههههه حرام عليك بس شكلك ضابطه الدور
علياء:ههههههههههههه بس من جد لو أني صورته بالجوال
الكل:ههههههههههههه
طولوا سوالف وماحسوا بالوقت
شموخ:يلا بااااي
علياء:بااااااي جود
جود:بااااااي
((جود))
راحوا البنات وأنا كنت واقفه على باب الشقه أنفتح باب أخر شقه وطلع منها المغرور أنتبه لي وجاء يمشي لعندي
((سلطان))
شفتها وحبيت أهبل فيها شوي رحت لها
سلطان:سلاااام يالخسرانه
جود:سلام يالمغرور
سلطان أبتسم :سلطان
جود:أيش؟؟؟
سلطان:أسمي سلطان
جود:المغرور أحلى
سلطان:أنا عندي سؤالين وبس
جود:أسأل؟؟
سلطان:شنو أسمك؟؟؟
جود:جود ....... جود الكايد
سلطان:تشرفنا يابنت الكايد ...... طيب ليه كل هذي الحركات؟؟
جود:أنت مغرور و أبي أكسر غرورك بس
سلطان:أنا مو مغرور ..... باي يا جود
جود:بااااااااي <وصرخت بصوت عالي عشان يسمعها>يالمغرور
راح سلطان وعلى وجهه أكبر أبتسامه لما سمعها
((جود))
أسمراني وعيونه وساع وناعسه وجسم وعضلات وطويل وسكسوكه سوده رجال كامل ما شاء الله بس مدري شراح أستفيد من اللي أسويه بس أنا بديت وراح أكمل <تثاوبت>برووووح أنام..دخلت غرفتها ونامت
((يـــــــوم جــــــديـــــد))
((في الصباح الشرقيه))
((بندر))
طلعت من الحمام بعد شاور دافي لبست ثوب أبيض وسكرت أزاريره وأنا أقول بقلبي عقبالك ياحيات تسكرينه أبتسمت على تفكيري ورحت للمرايه أمشط شعري لبست الطاقيه والشماغ ولبست النظاره السوده وحطيت الجوال والمفتاح وطلعت وأنا حاط في بالي أخذ أجازه وأروح الرياض أخطب بنت خالتي صحيح أرفضتني مره بس أنا لا مستحيل وماراح تروح لغيري.....
((بـــــريـــــطــــانــــيا))
((الــــــصـــباح))
شموخ:علياء الساعه 8 ترا طالعه السوبر ماركت وجايه
علياء بكسل :يووووووووووه وربي أنك قلق ياختي فكيني
شموخ:أقول نامي... نامي......أحسن
((شموخ))
طلعت وأنا لابسه جنز جكيت طويل دافي وكبوس على راسي لأنو برد
طالعه مشي للسبر ماركت لأنه قريب حطيت الأيبود وأنا أسمع أغنية
<أغلى الناس>
غنيت مع الأغنية بكل أحساس وأنا أفكر براكان لازم أعتذر غمضت عيوني وأنا أغني
<قلي يا أغلى الناس يا حساس منهو غيرك لو زعل لا باس بوست راس وأرضي خاطرك>
غنى أحد معي أسمع الصوت أحس فيه فتحت عيني وأنا أشوف راكان بصوته العذب نزلت سماعه وحد وخليت وحده
<ياحبيب الروح مالي روح تقوى تهجرك والعتب مسموح من مجروح دايم وفاء>
أنا<قول يا زعلان ياولهان فضفض لي بعد وش جرى وش كان من أنسان حبك للأبد>
هو<حسيت مشتاق من الأشواق قلبه مابرد كل مايشتاق يلقى فراق مايلقى أحد>
أنا<أوعدك ما أنساك وأبقى وياك لو طال العمر أعشقك وأهواك ما أجفاك في عسر ويسر>
هو قال ومركز على عيوني<وانا يا أحلى عيون بك مجنون ما أقوى الهجر مستحيل أكون مهما يكون مع غيرك بشر>
نزلت السماعه:أسفه ...أسفه وربي ما أقصد بس يمكن ما عرفتك على حقيقتك
راكان:مسموحه.... مسموحه يا شموخ ولو بنت الغالي
شموخ وهي تعض على شفتها :تدري ..؟ أعزمك على الفطور
راكان:لا بس طالع أتغرض مادام أخوي موجود
شموخ:لا أنا عنيده لا تحاول
راكان:أعرفك
شموخ:هاه موافق
راكان:وليه أردك
توجهوا لمطعم قريب جلسوا على طاوله مقابلين بعض اللي يمرهم يفكرهم بشهر العسل
شموخ:أيش حاب تطلب؟؟؟
راكان:على ذوق البرنسيسه
شموخ أستحت:أخجلتني بصراحه ماتعودت كذا بس لا جد أيش حاب تاكل؟؟؟
راكان:قلتلك على ذوقك
شموخ:راح تندم
راكان:أنا مصر على ذوقك
شموخ:والله وطلعت أعند مني
قامت شموخ تطلب وبس تبي تهرب من نظراته
راكان:تكرهني ...لا تحبني ..بس ليه أصرت على العزيمه؟؟
شموخ:تحاكي نفسك ولا تفكر بصوت عالي؟؟؟
راكان قال وهو مو منتبه لعمره:تصدقين أفكر فيك
شموخ:فيني؟؟؟؟
راكان:هآآآآه لا يعني أفكر ليه ماجيتي السعوديه ألا مره؟؟؟
شموخ:ماكنت أعرف أحد
راكان:مو أجتماعيه صح
شموخ:أيش عرفك؟؟؟
راكان:قلتلك أعرفك
شموخ :جاء الفطور
أكلوا شوي وسولفوا
شموخ:مشكور على الدويتو اللي قبل شوي
راكان:هههههههه لا عادي بس لي مزاج أغني
رن تليفونهم مع بعض
شموخ:علياء؟؟؟؟؟
راكان:طلال؟؟؟؟؟
شموخ:هلا علياء......مع راكان......أفطر معه ......هااااه جايه ....طيب خلصنا ......طيب طيب تعالي
راكان:هلا طلال.........ليه.....مع شموخ أفطر.........تجي شتبي......طيب خلاص تعال
سكروا وسكتوا شوي......
شموخ:ههههههههههههه
راكان:ههههههههههههههه
شموخ:مهبل والله من جد قبل شوي أقومها تعالي معي تقول أبي أنام
راكان:حتى طلال........عليهم حركات.......
أنتهاء البارت7
حاولت أخليه طويل وهذا اللي عليه
وأن شاء الله يعجبكم
مع تحياتي
شموخي
البارت 8
شموخ:مهبل والله من جد قبل شوي أقومها تعالي معي تقول أبي أنام
راكان:حتى طلال........عليهم حركات.......
سكتوا شوي وكل واحد يحاول يفتح حديث
شموخ:تصدق كنت مفكره أذا طلعت السعوديه راح أندم بس ماندمت
راكان:وليه ماندمتي؟؟؟؟
شموخ:أول ماوصلت السعوديه صدمت بواحد أسمراني و شين
راكان:وأن شاء الله هذا أنا؟؟؟
شموخ:ههههههه أمزح معك وبعدها تعرفت على علياء وغلا اللي هم بنات عمي وبقول شيء بس لا تستغرب؟؟؟
راكان:شنو قولي؟؟؟
شموخ:أنا وعلياء اللي صدمنا الزباله<وأنتو بكرامه>اللي قدام بيتكم وأنت طلعت لنا شكلك حقدت علي ذاك اليوم
راكان:ههههههههههههه قلت بنات بس ماتوقعت أنه نفسها أنتي
شموخ:وبعدها جيناكم البيت وتعرفت على العنود وربي عسل أختك تصدق فيها لمحه منك عيونك بس
راكان:تصدقين مشتاق لها ولعيونها فديتها والله
شموخ:بتجي هي الأسبوع الجاي من السعوديـ.........
قطع عليهم واحد كويتي ونزل عندهم ورده وهو عينه على شموخ ويكلم راكان
الكويتي:تتهنى بالقمر اللي يمك
راكان وقف حس بنار في صدره:أكل تبن وأظن تدل الطريق
الكويتي لف عينه على راكان بثقه:ليه زوجتك أووووه أنتو بشهر العسل
راكان مسكه من بلوزته:أذا هي زوجتي مو شغلك ويلا فارق وجرب تعرض لها مره ثانيه
راح الكويتي وندم لأنه قابله راكان اللي بس من صرخه هزه وراح
شموخ:خلاص راكان أقعد <وحبت تلطف الجو>أشوف خليتني زوجتك وأنا مدري
راكان أبتسم:ليه؟؟؟؟ منتي راضيه تلقين زيي؟؟ههههههههههه
شموخ:ههههههههههه ألقى زيك مستحيل أجل في أحد يدافع ويكل شهامه عن وحده مايعرفها
راكان:أفاا والله شموخ أنتي أطلبي عيوني وجربي أنتي بنت الغالي
شموخ:وربي تسلم <تستهبل>تدري عاد رضيت فيك زوج وأنـــ.......
<تن تن تن تن>
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك