رواية بصدري وجع كنت احسبه نام يا صدري -39
الفندق ..
بتجن تدق عليها ماترد .. جاها مسج من جوال رتيل (أنا مسافره للرياض)
نزلت جوالها وتأكدت بأنها مجبره .. رتبت كل أغراضها ودمعت وهي تشوف الاغراض اللي جابتها لها رتيل وتجهيزها للعرس .. حتى الفستاين للزواج وهدايهم لصديقاتهم..
حطتها كلها بالشنطه .. أأكدت رحلتها للرياض على آن اللي تعنت لاجلها سافرت وهي محبوسه وتنزف بدل دمعها دم ..!
أخذت جوالها ودقت ..
رد عساف ..
سلطانه :وين رتيل ؟
عساف: مسافرين ..
سلطانه: عطني رتيل ..
عساف : آقولك مسافرين ..
صك بوجهها سبته بقوه : حقيير هو اللي مرسل المسج ..
دقت على مصعب كان واضح بأنه نايم : ألو ..
سلطانه: سلام ..
مصعب ويده على عيونه :وعليكم السلام.. سوس
:آييه ..نايم ؟
وهو يجلس :لا .. آمريني
شدتها كلمه آمريني وجا ببالها بأنها تطلبه دوم برغم ماسبق ودقت عليه ورقمه بجوالها كـ واجب فقط لاغير : خلاص ولاشي..سي يآ
صكت وجلست : ي الله .. أكره حاجتي لاحدهم ..
غمضت عيونها علها تسترخي من همومها ..صحاها دق باب الجناح ..قامت فتحت وشافته : آدخل ؟
:تفضل ..
:شخبارك ؟
:بخير ..
سكتوا ..
تكلم عقب لحظات : فيك شي ؟
ناظرته : شايف شي ؟
: شايف حزن وهم معتلي وجهك ..
: كلم ولد عمتك يعطي رتيل جوالها ..
: مأخذ جوالها ؟!!
سلطانه: لانه غبي ومسوي رجال ..(بتهديد) ي أنه يعطي رتيل جوالها أو بلغه مايردني الا الشرطه هنا بلندن ..
بصدمه: سلطانه وش هالحكي الله يهديك هم زوجين وأكيد راح يحلون المشكلة بينهم بالتفاهم ..
سلطانه بحده : مصعب بلغ ولد عمتك هالشي آقسم بربي خلال ساعه لو ماتركني آشوف رتيل لابلغ عنه ..
وقف : سلطانه رجاء ترى السالفه هنا مافيها حب خشوم ويطلع ..
سلطانه بحده أكبر : كلمه أجل .. والله شفني حلفت بالله لو ماجتني رتيل خلال ساعه لتلبس الكلابشات يدينه .. وخل المرجله نتفعه دامه يستقوي على بنت ..
دق مصعب : عساف وينك ؟
عساف جالس يدخن : بالفيلا ..
مصعب : وزوجتك ؟
عساف : وش لك فيها ؟
مصعب : جيب البنت وفك نفسك من المشاكل ..
وقف : وش قصدك؟
مصعب بضيق: الحين بجيك وبفهمك السالفة كلها..
عساف: طيب ..
ناظرها : اجهزي لاجل نروح وتشوفينها ..
أخذت حجابها وعدلته وطلعت معه ..ربع ساعه وهم واصلين
الفيلا ..
عساف ضحك : تبلغ ..!
مصعب : لاتضحك .. والله إن تروح فيها بلندن .. محنب ناقصين مشاكل ..
عساف : ماتقدر تبلغ البنات خوافات تبيها تدخل شرطه ..
مصعب بتحذير : عساف البنت عن عشرة رجال .. ثمان سنين ماحولها سند وسمعتها من الذهب ..وفيها من القوة ماكفى عن رجال كثر..
وهو ينفث سجارتها رماها تحت رجله : ماعاشت بنت تحدني آسوي شي مابغاه ..
مصعب : عساف لاتجيب لنفسك المشاكل .. أنت لك شغل هنا كثير تبي كل هالاشياء تروح بسبب شي تافه وعناد ..
فكر بـ شغله راح يتأثر لو صار شي بسيط ..
مصعب : قم وادحر ابليس والشر وخلها تشوف صديقتها ..
قامت من مكانها وهي ماتسمع حكيهم ولاتشوفهم دقت على مصعب : وين رتيل ؟
مصعب : شوي وراح تشوفينها ..
سلطانه: مرت نص ساعه وباقي نص ساعه ..
مصعب : شوي وراح تشوفينها ..
صكت منه ..
مصعب : عساف لعنبوا دراك آمش جيب البنت ..
مشى عقب آصرار ولاينكر تسرب شويه توتر وقلق من تهديدها ..
ناداها مصعب ودخلت ..صرخت وهي تشوف رتيل والدم مختلط بتراب بوجهها :رتتتتتتتتتتتتتتيل ..
.
.
الرياض ..
بيت آبو سطام ..
شقتهم ..
عرفت بأن الجوري بالبيت وجات من الصبح عكسه مايعرف للحين ..
شافته قافله معه :طيب طلقها وفك نفسك من همها ..
ناظرها : امجاد منب رايق لك ..
آمجاد تجلس قباله :سطام فكر فيها وحده ماتجيب عيال وحتى ملاحظ آهلها شلون كارهينها ولايسألون فيها وانت قلت هالشي ..وفوق ذا كل شوي تطلع من غير آذنك ماتستاهلك ..
:بس تجي حسابها معاي ..
امجاد : طيب طلقها ..
بنظره: عقب ماتمسها يميني آطلقها ..
:تضربها ؟
بعصبيه : آيييه آضربها ..خير تنام برى بغير آذني ..أذا أبوي وأمي رضوا موب معناها تأخذ شورها منهم ..
آمجاد : تراها تحت ..
وقف بسرعه : الجوري جات ؟
آمجاد : آييه ..
نزل ونزلت وراه ..دخل للغرفه وشاف معها سهى يرتبون المفارش صرخت من دفته :سططططام خييير
سهى : سطططام فكها ..
ماسمع لها ركضت تنادي آمها ..
وهو يمسك برقبتها مكان الإلم بالضبط كأنه متحد مع الالم يزيدون عليها الاوجاع : تنامين برى البيت بأمر ميين ؟هااااااا ؟
الجوري تبي تتكلم ومسكها وهي قربت تنتخق آنفاسها وتحاول تبعده وكل محاولاتها لابعاده والحكي باءت بالفشل ..
دخلت آمه للغرفه وبعدته عنها : سطام وبعدين معاااك .. هاااا تعبت معاك
وهو يأخذ آنفاسه ومعصب : قليله حيا تنام برى ..!
صرخ أكثر وصرخت فيه آمه : سسسطام آقولك انقلع برى الله لايرد عدوك
سطام وهو يجرح : تداافعين عنها لييه يمه ها لييه ؟ ترى مهيب جايبه لك حفييد لانها عقيم ..عقييييم
تركت آمه الجوري وهي تتقدم وتصفقه كف : اطلع برى ..
رجع طلع حرة آمه بالجوري : سططام لالا تكفى ..
بعدته آمه بعد آيش ..
جلس على السرير وهو يلقط آنفاسه ويناظرها : أنتي عقيم ولاتشرفين وأنتي طالق ي الجوري ..
.
.
.
عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .
البارت التاسع والثلاثين
بيت آهل سطام ..
صرخت فيه آمه لاجل يسسكت : ي ويلي وين بتلقى مثلها ..
وهو يوقف ويأخذ آنفاسه ويناظرها :تكفيني آمجاد ..
قبال العماره ..
طلع وهو يركب سيارته ولاهو شايف له وجهه الا لـ ثامر دق عليه :تعال أنا آسفل العماره ..
نزل له ثامر بسرعة من صوته المتغير ..ركب السيارة وشافه حاط راسه على الدركسون ..
ثامر : ششفيك ؟
وراسه على الدركسون ويناظره : طلقت الجوري ..
صوته فيه لوعه إلم وحزن عليها طيب ليه طلقها ..!
ثامر انصدم : ليه ؟
سطام العبره محاصرته : مدري .. عصبت عليها وطلقتها ..
ثامر : يعني مب مجبر ..؟
سطام رجع ظهره على المرتبة : مجبر من آبليس ..آآآه ثامر طلقتها وضربتها
نزل من السيارة وفتح له الباب : آمش نطلع لـ فوق العيال كلهم خامدين وبعضهم للحين بشغلهم ..
نزله وصك السياره ..
ثامر وهم يدخلون الشقه : كم طلقتها طلقات ؟
سطام : وحده ..
رمى نفسه على الكنبه ..جلس جنبه : الحين تقدر ترجعها وحتى بغير ماتوافق..
عدل جلسته بسرعه : شلون بس ؟
ثامر : الا دامك طلقتها طلقه يحق لك ترجعها من غير رضاها ورضا وليها ..وحتى لو بغيت تشهد شاهد واحد أو شاهدين على الرجعه من غير ماتروح المحكمه
سطام فرح فرحه مابعدها :ججد
ثامر ابتسم له : آيييه جد الجد بعد ..
وقف : راح آشهدك وآشهد واحد ثاني من العيال ..
ثامر مبتسم : آوككي ..
جلس بضيق : تهقى بيأخذونها ..
ثامر : ليه ضربتها طيب ؟
سطام : نامت عند صديقتها بالمستشفى ..
ثامر رفع حاجب :وضربتها لاجل هالسبب ..!
سطام :البارح جت عندنا عمتي وطلعت لغرفتها لاجل آنام على آني بصحى بالليل وتنكلم مع بعض بخصوص علاقتنا صحيت الصبح ومالقيتها ..وصار اللي صار ..
كان متضايق وهو يتكلم شلون طلقها ..!
.
.
.
بريطانيا ..
فيلا عساف ..
من شالتها ونقلتها للغرفه غسلت كل وجهها ونحرها ..جابت لها الشغاله ملابس بدلت بلوزتها وعدلتها على السرير ..
دموعها بحر : رتيل حاسه فيني أنا سلطانه ..
بصوت ي الله ينسمع : آييه ..
مشت دموعها وجلستها وهي تعطيها عصير : لازم تشربين راح آآكد رحلتنا على الرياض ..
رتيل وهي تبكي : لاتشتكين عليه
سلطانه ناظرتها بقوة : لييييه ليكون حبيتي هالحقير
رتيل تبكي : لاآآآ .. مستحيل أححبه بس مستحيل يطلقني عقبها تكفين لاتشتكين عليها ..
سلطانه : خليه يأكل تراب هنا ..
رتيل : لابليز ..
سكتت سلطانه عن الموضوع : خلاص ماراح آسوي له شي .. ريتو راح نسافر ..
بكت : بنسافر ..
سلطانه : آيييه ..
دقت سلطانه وآآكدت الحجز ..:وين الجواز ؟
رتيل : معاه ..
وقفت : بروح آجيبه ..
رتيل بدموع: ماراح يعطيك
سلطانه : لو ماعطاني قسم بالله لاخليه يخيس بسجون لندن الكلب على هالضرب والاهانات ..
طلعت : وين جواز رتيل ؟
ناظرها مصعب بسرعه وعساف يدخن ومعطيها ظهره : بنت منتب بقدي ..
ب استهزاء : عارفة .. عطني جواز رتيل لاجل ماتتبهذل من جد ونشوف مين اللي موب قد الثاني ..
مصعب : سلطانه خلاص ادخلي ..
سلطانه : خمس دقايق والجواز هنا ..
دخلت لداخل وهي تلم صديقتها لصدرها : الدم اللي تستفرغينه دوم بنروح للرياض وبنشوف من آيش ..
ضمتها أكثر وباحت عيونها الدمع تعرف الاستفراغ يكون من سرطان وأشياء تروع ..
أخذت جوالها ودقت على أبوها لاجل يمهد لها موضوع سفرها مع رتيل..
شوي بدخول الشغاله ومع جواز رتيل ..أخذته سلطانه وناظرت الساعة قامت ساعدت رتيل تبدل ملابسها ولبستها حاجبها ..
سلطانه تسندها : تقدرين تمشين ؟
رتيل : آييه ..
شالت شنطتهم اليد ودخلت الجواز بشطنتها ..
طلعت وشافت جوال رتيل على طاولة أخذته .. ممدى طلعت من باب الفيلا والا وهو يشوفها وقف ..
سلطانه : آسمعني ي أنت الحين مسافرات للرياض فلا تفكر تسوي شي ولا أحد يدري عن وجودنا بالرياض لان رتيل من سواتك حالها مايسر ..
:مصصعب ..
مصعب ناظر ولد عمته وناظر سلطانه وكلن منهم يتطاير شرار ..
وقف بوجههم وهن طالعات ..
:تنحى عن وجهينا لاجل ماتفوح ريحتك عند آهلك ..
وقفته كلمتها وانهى نطقه وش تعني ؟!!
وقفت للحظات وهي تشوف تاكسي وصلتهم للفندق أخذو كل أغراضهم ونزلوها تحت ..دفعت الحساب وطلعوا ..
ركبت التاكسي وهي تقوله المطار ..حطت صديقتها على صدرها :باقي تتألمين ؟
رتيل : جسمي آحس راح يتكسر ..
: الله يكسر يده ..
تركتها تغفى شوي وهي تناظر الطريق ..
.
.
.
الرياض ..
بيت آهل سطام ..
اللي جاها في هالبيت يكفيها عمر ..
عمتها : ي الجوري لاجلي ولاجل عمك آجلسي ولدي وآعرفه ماله غناه عنك ..
وهي تمسح دموعها وتلبس شيلتها : عمتي خلاص جات من سطام والحمدلله.. سطام عذبني بما الكفاية ..
تتابعت شهقاتها وهي تحط الغطا وتأخذ شنطتها الصغيره وتطلع من البيت اللي عانت فيه شتى أنواع العذاب ..
عمها ضايقه فيه الدنيا : بوصلك أنا ي بوي .. والله أنه يعز علي طلعتك من هالبيت مكسوره ..
ركبت سيارة عمها وهي حاسه بالالم من كل شي حولها ..
صورتها ,كرامتها ,كلها انهانت بعيون الكل بسببه ..
وصلت لبيت أبوها ونزل معها عمها ..
كان الوقت توه ماجا للعصر استغرب آبوا لجوري جية بنته بهالوقت ومعها عمها ..!
:عساه خير ؟
أبو سطام وهو يجلس بالمجلس : لا والله ماجا للخير .. وهو أبغض الحلال..
بنفخه: تطلقت ؟!!
أبو سطام : آييه .. وجبت الجوري إلين تهدأ أوضاعهم وبحول الله يرجعون لـ بعضهم..
: وش سبب طلاقهم ؟
أبو سطام : لحظه غضب بينهم ..
امتعض من هالشي بشكل كبير : يبيها يرجعها بكره والا يفك سراحها ..
ناظره بقوة : محمد الجوري كفاية لعب فيها .. ماعادني بـ ساكت لك أكثر ..
أبوها : البنت مايبي لها تجلس معلقه ..
أبو سطام : الله يهديك ي محمد البنت خلها ترتاح وعقبها تنحل السالفة ..
أبو الجوري : إلين متى ؟
أبو سطام وقف : بكره بنحل السالفة بحول الله ..
أبو الجوري بتهديد : منب منتظر أكثر من يوم يومين بالكثير
أبو سطام يتقي شره : إن شاء الله ..
طلع من عنده وطلع للصاله شافها جالسه :تعالي ي الجوري ..
فكت عبايتها ..
آمها : تحملي أبوك تعرفين لسانه ..
بداخلها تمتم عارفه مايحتاج يمه ..وش ذبحني غير طعنات الاحباب ..!
طلعت ورى أبوها وأخذت شنطتها قطتها بغرفتها ودخلت لـ مكتب أبوها ي كثر كرهها للمكتب ذا لما زوجها أبو مصعب علمها بالخبر هنا ولما طلبها سطام قال هالخبر لها هنا ..
وهي واقفه وتناظر أبوها وهي ب الحيل مكسوره ..
أبوها : وش الغلط اللي تركك تتطلقين ؟
الجوري ماقدرت ترد ..تقوله نمت عندي صديقتي وهو زعل .. مليون بالميه راح يوقف مع سطام ويضربها ..
: هو مايبيني من زمان والحين استغنى ببنت خاله ..
بنبره : وشاللي خلاك تتطلقين ؟
غمضت عيونها وتالي ناظرت أبوها :صديقتي كانت منومه ونمت عندها وعماني كانوا يدرون ولانه نايم ماقدرت آصحيه وزعل ..
وقف : نمتي برى بيتك ..؟!
جاك الموت ي تارك الصلاه تبادرت هالجملة لـ ذهن الجوري من قومة أبوها حطت يدينها على وجهها تلقائيا ..شدها من أي يدها : كيف بناتنا ينامون برى بيوتنا ؟
نبرته تخوف جموع مابال بنت مالها لاحيل ولاقوة مثل الجوري ..
تحملت ضرب أبوها وكلامه اللي يسم البدن سم ..
وهو يدفها : آسمعيني هالمره ضرب ولا شديت فيه المره الجاي بذبحك .. انقلعي لـ غرفتك الله لايردك ..
شهقه وتتابع الامها من الكل صكت غرفتهاوهي تجلس ورى الباب وتبكي وتضم نفسها بنفسها : ي رررب ..ي رررب خذني طاهره لك ي ررررب
بكاها بكى مظلومه تعبت من ظلمهم كانت تدعي بصدق وهي تحس بثقل راسها من الصداع وإلم حلقها زاد من ضرب سطام وأبوها ..
دق باب غرفتها وكانت آمه صوتها ثقل من البكا وتغير : يمه الله يخليك بجلس وحدي..
ماسمعت صوت وتتابعت شهقاتها وإلمها منهم ..
.
.
.
العصر
بيت آهل لمار ..
لمار : لا راحت علي نومه ..
فهد : وبكرة موعدك ؟
لمار : آيييه ..فهد مساعد يعرف شي عن موعدي لانه مر الصباح ..
ابتسم : تبين الجد البارح رحمت وضعه وقلت له ..
: آها .. لانه آفطر مع آمي واستانست عليه لانه جلس معها إلين آذن الظهر وراح ..
ابتسم فهد : الرجال شاري ودك ي أخوك ..
لمار وهي تصارح أخوها القريب لـ قلبها ب الحيل : فهد محتاجه مساعد كثير بهالفتره بس تصرفاته تتركني آفكر آلف مره قبل الرجعه له ..
فهد : بقابله قريب بأذن الله تعالى وآشوف سالفته .. الا ماكلمتك فجر ؟
لمار : الا ..وتسألني قلت لـ عبدالعزيز ..
فهد وقف : تدرين بطلع له الحين واشوف رأيه بالسالفه ..
لمار : آوككي ..
نزل عزام ووجهه كله نوم : فهد أبي فلوس ؟
فهد : وين رايح ؟
عزام : العيال تو داقين يقولون بنطلع ..
فهد : طيب اطلع لغرفتي شوفا لبوك خذ منه ..
طلعت آمهم من المطبخ على حكيهم : لاتأخذ واجد ..
ضحك فهد على آمه وعزام ..
طلع لـ عبدالعزيز وعزام معه لاجل يأخذ فلوس ..
دق الباب ودخل .. عبدالعزيز يرش العطر ..
فهد : طالع ؟
عبدالعزيز : آييه بطلع مع العيال ..آجلس
جلس فهد :بغيتك بسالفه ..
وهو يحط الطاقيه على راسه :تفضل ..
سكت للحظات وهو بحيره شلون يقوله : آقول عبدالعزيز شرأيك بـ فجر ؟
ابتسم : من أي ناحيه ؟
فهد : كل شي ؟
عبدالعزيز وهو يلبس الشماغ ويعدل عليه العقال وهو مبتسم ومبطن الاجابة : شفتها البارح وبعون الله تصير حليلة لي ..
ضحك فهد : الله يوفقكم ..
عبدالعزيز ذكي ولماح جلس : فهد بالعلوم علوم ؟!
: بصراحة البنت البارح كلمت لمار وهي رافضه بسبب شكلك ..
عقد حواجبه وبثقه : ماجات عليها ..كثير من ربعي زعلوا بأني ماجيت وتزوجت من عندهم .. الله يوفقها من غيري وتختار على ذوقها ..
فهد : عبدالعزيز البنت تقول بأنك أجمل منها وهي رافضه لاجل هالسبب ..
ب استهزاء ورفض : خلاص مابيها دام تفكيرها سطحي للدرجة ذي ..
فهد ضاق من تصرف أخوه : عبدالعزيز ..
عبدالعزيز وهو يوقف ويحط البوك والجوال بجيبه ويركب القلم بجيبه العلوي : أجل بالله ذا تفكير .. من متى الرجال ينقال لهم كذا ..
أخذ المسبحه وهو يفر بخرزها وضحك : تدري بإن الربع عازميني لاجل الخطبه ..
والله حاله بنت عمك ذي ..!
فهد وقف :عبدالعزيز هي معجبتك ؟
عبدالعزيز : لو ماعجبتني كان قلت لـ مساعد وانتهينا ..
فهد : أجل توكل على الله وخذها وخل العناد ..
عبدالعزيز بنظره : مابقى الا عبدالعزيز يأخذ وحده ماتبيه ..!
فهد : ي رجال البنت تبيك والا ماكان وافقت عليك من البداية لكن أنت عارف طبع البنات ماتبي رجلها يكون أحسن عنها ..
عبدالعزيز تنرفز : وهي على بالها ولد عمها تفكيره يوصل فيه للدرجة ذي .. ذي من طباع الحريم ماتمد للرجال بصفه ..
فهد : تعوذ من أبليس ..
عبدالعزيز تنهد : اعوذ بالله منه ..فهد ماعاد آبيها وبكلم مساعد..
فهد : لاحول ولاقوة الا به .. ي خوك تركد وحتى راح تصير سالفة بأنك رفضتها عقب ماشفتها ..
عبدالعزيز وهو يرش العطر على شماغه نزله : العلم كله بيكون عندهم منيب مدخل نفسي في متاهات .. وتبي الجد ي أخوك من البارح تغير وجهها وحتى من ناظرتني وفهت البنت وطلعت بسرعة وراح لها مساعد وحسيت بالسالفة شي لكني غضيت البصر ..
فهد : حتى ي خوك أنت أكبر من هالشي والسبب تراه بصالحك ..
عبدالعزيز : فهد مابي زوجتي تكون بهالسطحية بالتفكير ..
فهد : فكر فيها بالمنطق ترى هالشي أكيد شافت له آثار سلبيه من صديقات أو قرأت عنه .. وماتبي تخوض بنفس التجربة وهي قرأت عنها من قبل..
دق جواله طلعه ورد وتالي دخله : الحين بطلع للربع وعقبها نكمل حكينا لكن بنت عمك طلعتها من مخي ..
فهد يطلع معه ويسولفون بصوت واطي : خلنا من كل شي أنت تبيها والا ؟
عبدالعزيز : الا ..
فهد ابتسم : وتحرم نفسك منها لاجل آبليس ؟!!
ضحك عبدالعزيز : ترفع الضغط ..يلا آشوفك ..
فهد : الله يحفظك تركد ..
آمه معاها القهوه : وين بتطلع بعد ؟
عبدالعزيز وهو مبتسم : لربعي
طلع وجلس فهد وهو يسولف مع آمه وخواته ..
بيت أبو سطام ..
سطام ساكت وحاس بخطاه وهو يسمع كلام آبوه وآمه ..
أبوه : ماتستاهل الجوري .. أنا الغلطان والا أنت كفو وتأخذها ..
مندق : برجعها ..
أبوه معصب: وغصب عنك ترجعها ..والله أنك ماتستاهلها لو أخوانك مهم متزوجين ماكان فكرت أزوجك آياها .. الجوري يبي رجل صاحي مهوب تعبان مثلك ..
يناظر أبوه وبتعصيب : وش تزوجها أخواني ..!
أبوه بعصبيه : لانك منت بكفو ..
سطام : أجل ليه زوجتني إياها ..؟
أبوه : حظها الاقشر ..
سكت ..
أبوه : ماحد من أخوانك تعبني كثرك ي سطام .. زوجتك الغالية لاجل تعزها وتعلي شانها وذليتها ..
وقف أبوه وهو زعلان منه بالحيل ..
أمه تناظر أبوه وهو يطلع وردت تناظر ولدها : الحين وش ناوي تسوي ..
: برجعها بكره الصبح ..
امه : وعلى بالك بهالسهوله ..
سطام : آيييه بهالسهولة لانها آول طلقه وبروح من فجر ربي للمحكمه ..يمه وين آمجاد ؟
امه : تلاقيها بشقتكم ..
وقف وطلع لـ غرفة الجوري صك الباب عليه : الجوري ليه تنامين برى ..!
تعرفيني ماصبر عنك ..لاني أحبك وأعشقك كرهت أني اصحى ولا أنتي حولي ..
رمى نفسه على السرير وهو يفكر هو من قبل سمح لها تطلع متى ماتبي وتروح لان على باله بيلهى مع أمجاد وينساها وينسى حسنها ..
لكن هيهات ي سطام ..!
.
.
.
لندن ..
شافت أبوها ومهد كل شي لهم .. ركبت درجة أولى وتركتها تتمدد وهي تغطي الستار ..عرفت من مسج لـ مصعب بأنه معها على نفس الطيارة ..
وش تجازي هالانسان فيه بسس ؟!!
لحظات مرت واقلعت الطائره للرياض .. لفت وهي تشوفه قبالها آبتسمت له ..
كان بس آبتسامها منها كفيله بأنها تتركه يطير فوق الغمام وهو يبادلها وناداها لاجل تجلس جنبه .. شافت رتيل نايمه قامت جلست بالمكان جنبه شافته فاضي ..
وهو مبتسم وفرحان وكل شي حلو فيه هاللحظه جلس يناظرها ..
ابتسمت له وهو يمسك كفوفها : خليها بحضني ودي بدفاك ..
وهي مبتسمه له : طيب يد وحده تكفي ..
فك الثانية وهو مبتسم : لو ظفرك يكفيني ..
طلعت معها : الله يخليك لي ..
ياااه وش سوت فيها هالكلمة بس ..أي مشاعر أي حب أي فرح أثارتها بـ أعماقه..
سلطانه : يكفي ..
وهو ميت عليها ومتلهف لكن من ذوقه تركها : براحتك ..
ابتسمت له وقامت ..وهو يناظر مكانها وكفه ابتسم وكيف نفسه بهاللحظات ..
حست براحه بسيطه لانها رسمت البسمه على شفاته عقب قسوتها معه وهي الا القسوة تكرهها كفايه اللي عانت منها تجي هي تقسى لا مهوب طبعها..
.
.
.
الرياض ..
شقة ريان * الجوهره ..
:ريااااان ..
دخل وهو يحك شعره : لاتقولين ساعدني ماعرف ..
ضحكت : مالي شغل رتب معاي الاغراض ..
شال الكيس وحطه فوق الطاولة وهو يفتح شاف الزبادي : آحطه بالثلاجة ؟
ناظرته : ليه حبيبي وين نحطه دائما ؟
ابتسم : مو عادي نحطه بالدرج ؟
ضحكت : شلون عشت ب آمريكا وحدك وحتى الزبادي ماتعرف مكانه عدل..
ضحك وكمل ترتيب الاغراض بالثلاجة .. خلصت من الافرف العلوية وهي تدور المكرونة والصلصات مالقتها ..
وهي تقلب بالاكياس الباقيه : ريان وين الاغراض الباقيه ؟
وهو يرتب بذمه بالثلاجة : نزلت كل شي من السيارة ..
مشت وهي تشوف شاللي يرتبه ..
حطت كفها على صدرها : يممما ..ريان حبيبي المكرونه مايحطونها هنا بالثلاجة ولا الصلصات كلها حتى الدريم ويب .. ي حيبي ..
رحمته من قلبها مايعرف شي ..قومته وهو يضحك : الجوهرة شوي وتصيحين على حالتي
ضحكت : بججد رحمتك .. روح آرتاح إلين يأذن للمغرب وعقبها تصلي وتنقهوى ..
ريان : طيب
دخل لاجل يرتاح ودقت على أخوها لاجل تتطمن عليه ..
: هلا رائد ..
: هلا والله .. شخبارك ؟
الجوهرة تطلع المكرونه والاغراض من الثلاجة : الحمدلله تمام .. أنت طمني عليك؟
رائد : تممام تونا اليوم الصبح اعتمرنا وبنمر المدينة وعقبها نرجع لـ جده ومنها للرياض..
الجوهره قلبها عليه : طيب لاتسرعون وانتبهوا لـ نفسكم ..
رائد مبتسم :إن شاء الله ..سلمي على ريان ..
الجوهره : يوصل .. بحفظ اللي عينه ماتنام ..
صكت من آخوها وكلمت ترتيب ..
دخلت للغرفه : ريان ماقلنا تصلي
وهو منعس : بس بغفي
الجوهره : لا حبيبي آجلس شوي الا دقايق ويأذن ..
:بصلي هنا ..
الجوهره : لا قلبي المسجد مهوب ببعيد عننا .. صل هناك مهوب زين تصلي بالبيت ولاعندك عذر قوي ..
: مرهق
الجوهره : كل شي بأجره بأذن الله تعالى ..
ريان : بس تكفين الحين بجد مالي حيل ..
الجوهره بضيق : ريان الله يرضى عليك الا الصلاه في المسجد ..
***
حكم صلاة الرجل في بيته بغير عذر
ما حكم صلاة الفريضة في المنـزل من شخص يدرك فضل صلاة الجماعة، ولكن يصلي في بيته كثيراً وقلَّ ما يذهب إلى المسجد؟
صلاة الرجل مع إخوانه في الله في الجماعة، في بيوت الله عز وجل وهي المساجد واجبة مع القدرة في حق من يسمع الأذان؛ لقول الله عز وجل: وَأَقِيمُواْ الصَّلاَةَ وَآتُواْ الزَّكَاةَ وَارْكَعُواْ مَعَ الرَّاكِعِينَ[1] والمعنى صلوا مع المصلين.
ولقوله سبحانه: فِي بُيُوتٍ أَذِنَ اللَّهُ أَن تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالْآصَالِ * رِجَالٌ لَّا تُلْهِيهِمْ تِجَارَةٌ وَلَا بَيْعٌ عَن ذِكْرِ اللَّهِ وَإِقَامِ الصَّلَاةِ وَإِيتَاء الزَّكَاةِ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ[2]، ولقول النبي صلى الله عليه وسلم: ((من سمع النداء فلم يأت فلم صلاة له إلا من عذر))[3] .
قيل لابن عباس رضي الله عنهما: ما هو العذر؟ قال: (خوف أو مرض)، وروى مسلم في صحيحه: (أن رجلاً أعمى قال يا رسول الله: ليس لي قائد يقودني إلى المسجد؟ فهل لي من رخصة أن أصلي في بيتي؟ فقال له النبي صلى الله عليه وسلم: ((هل تسمع النداء للصلاة؟ قال: نعم، قال: فأجب))[4]، وروى مسلم في صحيحه أيضاً عن عبد الله بن مسعود رضي الله عنه أنه قال: (من سره أن يلقى الله غداً مسلماً فليحافظ على هؤلاء الصلوات حيث ينادى بهن، فإن الله شرع لنبيكم سنن الهدى، وإنهن من سنن الهدى، ولو أنكم صليتم في بيوتكم كما يصلي هذا المتخلف في بيته لتركتم سنة نبيكم ولو تركتم سنة نبيكم لضللتم، ولقد رأيتنا وما يتخلف عنها إلا منافق معلوم النفاق، ولقد كان الرجل يؤتى به يهادى بين الرجلين حتى يقام في الصف). والأحاديث في هذا المعنى كثيرة.
ووصيتي لكل مسلم أن يتقي الله وأن يحافظ على الصلاة في الجماعة، وأن يحذر التشبه بالمنافقين في التخلف عنها. وفقني الله وجميع المسلمين لما فيه رضاه والسلامة من أسباب غضبه إنه سميع قريب.
___________
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك